تحميل رواية «انه القدر» PDF

دقت السادسة صباحًا. كانت المرة الأولى التي تلتقي فيها أعيننا. كنت أقف في شرفة حجرتي أحتسي كوبًا من القهوة، أرتدي ملابسي الرسمية. خرج حينها من باب منزله. كنت أعبث بهاتفي، فلاحظته حينها. كان ينظر إليّ وعلامات الاستفهام تتجلى على وجهه.

كنت لا أزال أحتسي قهوتي، إذا به يخرج دفترًا صغيرًا من حقيبة كتفه ليخط بعض الكلمات التي لم أعرفها. وما زالت علامات الاستفهام واضحة على معالمه. حتى دق هاتفي.

كانت حسناء، صديقة الطفولة والمراهقة. أو دعوني أختصر، هي صديقتي الوحيدة.

"يا صباح الورد على ست الحسن. طبعًا مجهزة من ساعة وبشرب قهوتي كمان. دي فرصة عمري يا حسناء. وبعدين أنتي عارفة أنا من صغري وأنا بحب الالتزام. ودي فرصة أثبت فيها كفائتي. أكيد مش هنزل أول يوم شغل متأخر. عشر دقايق وهكون قدامك. سلام يا لوز."

لم أكن أنتبه أنه كان يسلط نظره وسمعه معي، ولا يزال يدون في دفتره ما أجهله. ولكن هذه المرة لم أرَ علامات استفهامه، وكأنه قد وجد ضالته. ولأنني لا ألقي بالًا لما يفعله الآخرون، قررت أن أذهب دون أن أهتم له.

أغلقت النافذة وارتديت حذائي وخطوت خارج منزلي. إذا به يقف وعلى وجهه ابتسامة ساحرة. هنا انهار ثباتي. لم أعد قادرة على المقاومة. وبدأت أتساءل: من ذاك الوسيم؟ ولما ينتظر إلى الآن مع تلك البسمة؟

أكملت طريقي إلى وجهتي المقصودة وعلامات الاستفهام بداخلي لا تتوقف عن طرح نفسها. وما جعلني أضطرب هو سيره خلفي. أهو يراقبني؟ أم ماذا؟ أتذكر أنه جاري منذ أن جئت إلى هذا الحي. لم نلقِ على بعضنا الصباح يومًا حتى. فما الغريب اليوم لكل تلك النظرات وسيره خلفي؟

بدأت في العدو تقريبًا. أكره كثيرًا الجنس الخشن. دائمًا ما أتحاشى التعامل معهم، أو التواجد في مكان مزدحم بهم. فكيف اليوم بأحدهم يسير من خلفي؟ هل يا ترى سيختطفني؟ أو ربما يرغب فقط في إلقاء التحية وهي طريقته الغريبة؟ أو ربما هو القدر يا زمرد؟ اختار لكم نفس التوقيت ونفس الوجهة وكل ذاك محض قدري وأنا أتوهم.

وصلت إلى حسناء، كانت تقف بابتسامتها المعتادة التي طالما أنستني كل همومي. هرولت إليها ومن ثم احتضنتها. ولم أرغب في إخبارها شيئًا عن خوفي. فقد أقنعت نفسي أن الأمر قدري وما من مشكلة. نحن نقف عند طريق عام ننتظر مجيء سيارة معينة تنقلنا إلى وجهتنا. وعساه بنفس الحال. فما الداعي للخوف؟

بدأت حسناء في الثناء على ملابسي وتناسق الألوان وكم أن اللون السماوي يليق بي كثيرًا. تبادلنا الأحاديث حتى وصلت تلك السيارة التي تحمل ثلاث أرقام تابعة للنقل العام. وبالطبع أسرعت أنا وصديقتي إليها. فالسائقون في بلدنا الأم لا يعرفون الانتظار إلا إذا كنت متأخرًا عن موعد هام. أما غير ذلك فهم سائقي طائرات ومن الدرجة الأولى.

بالطبع لم نجد مكانًا لنجلس وازدحم المكان من حولنا. وليتني أمتلك المتسع لأخبركم عن معاناتي مع المواصلات، ولكن دعوني الآن أكمل لكم ما حدث. تنفست الصعداء حين لم أجده في وسط الزحام. وابتسمت كما البلهاء وأنا أتذكر استفهاماتي حياله. وكم كنت محقة. الأمر قدري ليس إلا.

بعد مرور القليل من الوقت ولا تزال السيارة ممتلئة، ولكن ليس كما كانت. إذا به يقف أمامي يلوح بيداه لي. دبّ الخوف بداخلي حتى ظننت أن ملامحي تنطق بالقلق. لم أنتبه إلا حين لكمتني حسناء بذراعي كي أنتبه. فقد كان يلوح بيداه لأن كرسي السيارة الذي يقف أمامه فارغ. جذبتني حسناء إلى المقعد، وأنا في عالم موازٍ. كيف وأين ومتى؟ لقد دققت النظر ولم أره وسط الزحام. فكيف إذًا؟ وما الذي أتى به؟

مر وقت يسير بعد جلوسنا وأنا لازلت في دوامة التسائل.

نطقت حسناء للسائق:

"علىٰ جمب لو سمحت."

وأكملت:

"يلا يازمُرد وصلنا."

تعالقت أنظاري به وأنا أنتظر ماذا سيفعل.

إذا به يتراجع للخلف ليفسح لنا المجال للتقدم بالنزول.

هنا تنفست الصعداء وحدثت نفسي قائلة: "ألم أخبركِ يازمُرد أنه محض قدري ليس إلا."

أكملنا الطريق إلى بهو الشركة وتحديدًا عند الاستقبال.

أخبرتنا السكرتارية أن هناك بعض التغيرات التي طرأت منذ قليل.

حدث تغير في الأدوار، فقد قُبلت حسناء في الحسابات، وأنا سأصبح سكرتيرة نائب المدير لأنني أجيد التحدث بأكثر من لغة، لذلك تم التبديل.

وقفت منفعلة، لم أتوقع ما حدث فأنا لا أقبل أن يملي علي أحد الأوامر.

بدأت حسناء في امتصاص غضبي قائلة:

"اهدي يازمُرد، أنتي قد أي حاجة. ثم دي فرصة عشان تثبتي أنكِ تقدري تعملي أي حاجة حتى لو مش طبعك. وأنا واثقة أنكِ هتنجحي في مكانك."

ما قدرتش أنكر أن كلام حسن أعطاني شيء من التحدي والحماس، لكن كنت متوترة شوية.

افترقنا أنا وحسن، كل منا إلى مكانه.

ذهبت بصحبة داليا، موظفة الاستقبال، لمكتب نائب المدير أو بالأحرى مديري المباشر.

طرقت داليا الباب ومن ثم دلفنا للداخل.

لتنطق داليا:

"أستاذ مدثر، السكرتيرة الجديدة."

كان شاب طويل القامة عريض قليلًا، يبدو من وقفته أنه شاب رياضي.

كان يقف أمام النافذة مستدرًا لنا بظهره.

بدا من صوته أنه صاحب شخصية جادة للغاية وعملية جدًا، وهذا ما جعلني أطمئن.

أكملت داليا:

"تأمر بحاجة تاني يا أستاذ مدثر؟"

رد:

"لا ياداليا، روحي أنتي على شغلك."

وأكمل حديثه بعد خروجها وهو لا يزال ينظر للنافذة:

"قالولي إنكِ وصلتي من نص ساعة، أنا بحب الالتزام ودي بداية كويسة."

قلت:

"بحترم الانضباط، وزي ما حضرتك هتكون منضبط في أوامرك، هكون أنا منضبطة في التنفيذ."

استدار وهو يتحدث قائلاً:

"بحب الثقة في النفس جدًا، وثقتك في أسلوبك عجبتني يا آنسة زمُرد."

بصيت بدهشة:

"أي دا، هو أنت؟!"

رد:

"أزيكم يا آنسة زمُرد."

سألته:

"أنت بتعمل إيه هنا؟ أنت بتراقبني؟"

رنت ضحكاته في المكان وهو يقول:

"براقبك إيه بس، أنا مدثر مديرك يا أستاذة."

ارتبكت من ردة فعلي ونطقت قائلة:

"أسفة جدًا، بس اتوترت."

رد بجدية:

"حصل خير. مكتبك جنب مكتبي. بحب التنظيم جدًا وبحترم الالتزام، فيا ريت ما تخيبيش ظني. ودلوقتي اتفضلي على مكتبك، ولما أحتاجك هبعتلك."

رديت بهدوء:

"تمام، بعد إذنك."

وانصرفت وأنا في دوامة من الأسئلة مش لاقية ليها إجابة.

وأنا لازلت غارقة في تسائلاتي يبدو أن القدر يُلاعبني أيعقل أن يڪون مديري هو جاري، الغريب في الأمر حقًا أن انتبه له اليوم أرىٰ نظراته بوضوح وأظل قلقة منه إلىٰ أن ينتهي به الأمر مدير لي وأنا مُلزمة بالعمل معه وأنا لا أدري ما غرض قدري من ڪل هذا، مڪثت علىٰ حالتي ساعة تقريبًا مابين التسائل، وتقليب الملفات التي وجدتها علىٰ مڪتبي حتىٰ دق هاتف المڪتب…زمُرد تعالي علىٰ مڪتبي حالًا. أنا مش بحب الأسلوب دا مافيش ذوق ينتظر أرد عليه مش ڪدا؛ تلڪ الڪلمات التي تمتمت بها حانقة وأنا في طريقي له حتىٰ طرقت الباب ومن ثم دخلت بعد سماع صوته، حضرتڪ بعتلي افندم؟ في ملف عندڪ علىٰ المڪتب غلافه أسمر هاتيه. لم اتحڪم هنا في ردت فعلي، يعني أي أسمر يعني الألوان المُتعارف عليها أبيض وأسمر؟ ثم حضرتڪ بعتلي من غير ما تطلب الملف ما ڪنت أقدر أجيبه أول مره وأنا جاية. خلصتي ملاحظاتڪ؟ أيوة خلصت. تمام اتفضلي هاتي الملف الأسمر وتعالي بسرعة. خرجت من المڪتب وأنا مُنفعلة بجد ليه ما ضربتوش بحاجة في دماغة، أو ڪنت سبتله الشغل بس للأسف أنا مش هنهزم بالسهل ڪدا، أخدت الملف ورجعتله تاني. أستاذ مُدثر ال، بترت جملتي حين رأيت نفس الدفتر الذي ڪان بصحبته صباح اليوم هو الآن يڪتب فيه أيضًا ياتُرىٰ ماذا يخُط.حين طال صمتي تحدث قائلًا: اتفضلي ترجمي الملف المعاڪي دا لنسختين واحدة فرنساوي، والتانية انجلش، نص ساعة ويڪون جاهز. نعم نص أي!!! أنا ملاحظ أن ڪل شوية في اعتراض اتفضلي يا أنسة أقعدي هناڪ خلصية وبسرعة عشان محتاجه. هو أنا مش هعمله في مڪتبي؟ لا هتعمليه هنا عشان لو احتجتي استفسار وعشان تخلصي بسرعة. لا أنا لازم أعوره مش هيرجع غير بحوار شڪله ڪدا. أعتقد يا أستاذة زمُرد أن دا مش وقت تزمر وأنڪ تخلصي شغلڪ بسرعة أفضل.بصتله بغضب وما علقتش وقعدت اترجم الملف وأنا بفڪر إزاي اعوره منا مش هسڪت علىٰ الأسلوب دا شخص غريب ومستفز، وسط ڪل دا برفع عيني عليه لقيته باصصلي بهُيام واضح ما جاش في بالي غير سؤال واحد هو الراجل دا مجنون ولا أنا العقلي فوت منين معاملته الباردة ليا ومنين نظراته البتوترني من الصبح دي ودفتره دا ياترى بيڪتب أي، ڪل دا في عقلي ومش مرڪزة لحد ما لقيت مُدثر …

كنت شاردة للغاية في تساؤلاتي، فلم أنتبه إلا حين صفق مدثر بيده أمام وجهي وتحدث غاضبًا:

"أعتقد إن حضرتك بتفكري في حالتك بعد كام يوم من وجودك في الشركة، طبعًا مرفودة من الشركة بسبب عدم تركيزك وقاعدة في أوضتك بتبصي من الشباك وبتشربي حاجة معرفهاش في مجك اللي مابتغيرهوش وبتكلمي حسناء في الفون تصيحي عن فشلك اللي حصل، وكل ده لأني بكلم الأستاذة بقالي عشر دقايق وأنا واقف قدامها وهي في عالم تاني."

لم أنتبه لتوبيخه الزائد ولا لحدته معي، ولكن ما سلط عقلي عليه الضوء هو حديثه عني، كيف عرف كل هذا؟ فنعم أقف في شباكي في الثانية بعد منتصف الليل أشرب كوب من الشاي، أتحدث مع حسناء وأصيح على ما أشعر به، أو أتكلم معها مغازلة في السماء، ولكن كيف علم هذا؟ فسألته:

"هو حضرتك عرفت كل ده إزاي؟"

"نسيب بقى الأصل ونمسك في اللاشيء، حضرتك لسه ما خلصتيش شغلك وأنا محتاجه ضروري وبجد ده استهتار يا آنسة مش طريقة شغل وخصوصًا إن ده يومك الأول."

لم أتمالك أعصابي حينها وأجبت منفعلة:

"أستاذ مدثر، حضرتك مش من حقك أبدًا تنفعل عليا، أو حتى تعنفني بالشكل ده ما دام مش مقصرة، برغم إنه مش مبرر لانفعالك، بس لو فرضًا تجاوزت عن أسلوبك ده، فده في حالة تقصيري، وحضرتك الثلاثون دقيقة اللي حضرتك اتكلمت عنهم لسه ما خلصوش، بمعنى إن قبل الميعاد اللي حضرتك حددته، مالكش تعاملني كده، ولو على الشغل وصياحي، فشرف المحاولة يكفيني وعادي جدًا ترفدني أو حتى أستقيل أنا، ودلوقتي بعد إذنك أنا في مكتبي هخلص شغلي لحد ما باقي الوقت يخلص وبعديها نشوف قصرت ولا."

تركت المكتب، والمرة دي أنا ماسبتش الفرصة ليه عشان يرد، لكن سيبته وأنا بلوم نفسي على أسلوبي وقلة ذوقي وقررت أني هصلح الحصل، لكن بعد ما أخلص شغلي. بالفعل ترجمت الورق بسرعة، وبعد ربع ساعة طرقت باب مكتبه وسمعت صوته بيسمح لي بالدخول.

"أستاذ مدثر، أنا خلصت الورق."

تحدث وهو ينظر للأوراق أمامه، ويتصنع الانشغال:

"سيبيه واتفضلي على مكتبك."

تركته واستدرت لأتركه، ولكن توقفت فجأة ونظرت له مجددًا، ولكن دون حديث. حين طال صمتي تحدث وهو لا يزال ينظر للأوراق:

"في حاجة؟"

"أنا آسفة." نطقت بها دون مقدمات، ولا أدري كيف فعلت، ولكني قلتها.

ترك ما بيده، ومن ثم نظر لي قائلًا:

"زمرد بتعتذر معقول."

حسيت بسخريته، فتحدثت:

"واضح إني غلطت، بعد إذنك." هممت لأخرج، ولكنه قطع الطريق بوقفته أمامي.

"أنا مش بتريق يا زمرد، أنا عارف إنك مش بتعتذري."

"دي حقيقة، بس ما دام غلطت يبقى لازم الاعتذار، عشان كده اعتذرت، ودلوقتي بعد إذنك."

انتهى يومي الأول، ومر بعده شهر كامل، استيقظ باكرًا، أحتسي قهوتي حتى أراه يقف أمام منزلي ينتظرني، ليسير خلفي ويركب نفس السيارة التي أركبها، يتكرر هذا ذهابًا وإيابًا دون أن نتحدث، وظلت المعاملة رسمية بيننا إلى ذاك اليوم الفاصل.

بعد مرور شهر كامل ونحن على نفس الحال.

استيقظت باكرًا، احتسيت قهوتي أمام النافذة لأراه يقف ينظر لي بهيام، ويظل على حاله حتى يحين وقت نزولي. فيسير خلفي ويركب معي نفس السيارة دون كلام.

وحين نصل الشركة، يتعامل معي بأسلوبه المستفز. أما عني، أقف كل يوم في شرفتي، احتسي الشاي وأترقب متى يخرج لكي أفهم كيف يعرف عني كل ما يعرف، ولكن دون فائدة. لم أره حتى اليوم.

كان بداية الشهر وأول يوم في الأسبوع. كنت لا أنام إلا ساعات قليلة من الليل، حتى أنني سهرت الليل كله أمس. رفضت اليوم الاستيقاظ، حتى أنني أسكت منبهي. ولكني لم أستطع إسكات حسن، فظلت ترن حتى استيقظت.

"أيوه يا حسن."

"لأ مش قادرة أقوم، لسه نايمة من ساعة."

"خلاص هقوم، روحي أنتي عشان ما تتأخريش وأنا هاجي وراكي. باي."

لبست بسرعة جدًا، وبالطبع كنت متأخرة. توقعت أشوفه زي ما اتعودت. وقفت أدور قدام البيت عليه وأنا بكلم نفسي بصوت مسموع: "هو أنا اتأخرت أوي كدا ولا هو مستناني؟ يعني نفسه قصير."

"لأ هو نفسه طويل. ثم إنتي مش خايفة أن مديرك يخصملك على التأخير؟ أنا أسمع أنه شديد وصعب أوي."

جاء صوته من خلفي.

"لأنطق بحذر قبل أن أستدير: مدثر!!!"

استدرت له وأنا أرسم السيناريو التالي: "إنت إزاي تكلمني كدا أصلاً؟ علاقتي بحضرتك داخل حدود المكتب بس."

لكن الواقع كان مختلفًا.

"يخصملي إيه؟ مش لو وصل قبلي، وبعدين دا مستفز جدًا."

"هو برضه المستفز؟ دا أنا أسمع أنه شاب مثقف ودمه خفيف وبيحب شغله ومتربي و... مغرور. اسمع مني دا غرور."

"اتأخرتي ليه يا أستاذة؟ حضرتك عارفة بقالي قد إيه مستني."

رديت عليه وأحنا بنتحرك: "مين قالك استنى؟ ثم أنا ما كنتش هنزل النهاردة بس قولت الشركة مش هتمشي من غيري عشان كدا نزلت."

"هو مديرك المغرور برضه؟ المهم حسناء فين؟"

"راحت الشغل عشان كنت مكسلة أنزل."

"طيب كويس أنها مشيت."

"والله ده ليه؟"

"لأ عادي يعني كلنا نتأخر."

"لأ طبعًا هي تيجي."

وصل الأتوبيس. ولأول مرة نجلس بجوار بعضنا، رغم أن حقيبتي تفصلنا، ولكني كنت أسمع نبضات قلبي من كثر ما كنت متوترة.

هم مدثر في الحديث، ولكن منعه رنين هاتفه.

"الو صباح الخير يا فندم؟ أنا لسه في الطريق."

"آه معايا الرقم، كان سابلي الكرت بتاعه."

فتح حقيبته ليخرج الكرت. وبسبب الازدحام حولنا، سقط الدفتر الذي سألني فضولي كثير عنه. ودون أن يشعر، التقطته ومن ثم خبأته. حتى أنهى مكالمته وأغلق الحقيبة الخاصة به. وبعدها بوقت قليل، وصلنا الشركة.

ترجلت مسرعة لأسبقه إلى مكتبي. وقفت أمام كرسي المكتب حتى دخلي بعدي بعد دقائق، فبادرته بالقول:

"صباح الخير أستاذ مدثر، خير؟ مش من عادتك التأخير، حصل حاجة؟"

نظر لي بدهشة واضحة.

"نعم؟ أنا الجاي متأخر برضو؟"

"اثبت حضرتك أنه العكس. لأ دليل، فلا جُرم."

بصلي بابتسامة، ومن ثم اقترب من أذني وهمس: "آه يا زمرد." وأكمل طريقه إلى مكتبه.

توقف العالم من حولي للحظات حتى استعدت ثباتي. تذكرت الدفتر، فهممت أن أ جلبه من حقيبتي، ولكن منعني اتصال مدثر على هاتف المكتب لكي يطلبني إلى مكتبه، وقد كان غاضبًا للغاية.

ذهبت مسرعة لمكتب مدثر.

وجدته يتحدث إلى نفسه.

"مالك يا مدثر؟ أي الحصل؟"

"مش لاقيه، مستحيل يكون ضاع. أنا مش بسيبه."

"براحة عشان أفهم، هو أي الضاع؟"

"دفتر لونه أسود، حجمه صغير. مش بستغنى عنه، ما شفتيهوش؟"

"لا، هشوفه فين؟ بس هو مهم أوي كدا؟"

"أغلى ما في حياتي."

"يا عم أجيب لك غيره، بسيطة."

"زمرد، أنتي مش مقدرة الموقف. روحي لو سمحتي لمكتبك."

تركته وغادرت، وأنا عازمة أن أعرف سبب أهمية ذاك الدفتر.

وصلت عند المكتب وتأكدت أنه أغلق.

الستار المعلقة على الحائط الزجاجي الذي يفصل مكتبينا.

ومن ثم فتحت حقيبتي وأخرجت الدفتر.

بدأت في قراءة أولى صفحاته وكانت الصدمة.

"هي مميزة للغاية حتى في اسمها. لم أستطع منع نفسي من الوقوع في عشقها. علّي يا زمرد تلتفتي لي يومًا ما."

"وفي ورقة أخرى: أعشق ضحكتك يا زمرد، فلم أقع أسيرًا من قبل، ولكن أمام تلك الضحكة يضيع صمودي."

"وأخرى: خط فيها حسناء صديقتها الوحيدة. بجانب ذلك تعشق القمر وتميل كل الميل للتغزل في السماء. حظيتي يا نجوم بعشقها."

"وفي الصفحة المقابلة: ليت القدر ينصفني ونلتقي."

"وفي نفس الصفحة: اليوم التقينا، هي الآن سكرتيرتي الخاصة."

"وبعد عدد من الصفحات: كتب غريب. ما سبب وقفتها الآن؟ الوقت باكر للغاية، ولما ترتدي ملابس رسمية؟ ما الأمر؟ لا تقولي، لن أقبل أن تتركي المنزل. إلى أين؟"

"وخط أسفلها بعدة أسطر: إنها ذاهبة للعمل، يبدو عليها الحماس والسعادة. أنا سعيد لحماسها، ولكني لم أكن أريد أن تتعامل مع الرجال. رقيقة ولا يليق بها سوى التقبيل."

"ولفت انتباهي صفحة ملونة باللافندر ومكتوب أمامها: إنه لونها المفضل."

"رأيتها تتحدث مع طفل في الصباح، كانت حنونة كقبلة العين، لا تحمل سوى السكينة."

توقفت عن القراءة لأقفز من مكاني واقفة بيدي الدفتر.

وقدمي تعرف الطريق إلى مكتبه.

دخلت دون استئذان ونطقت:

"لماذا لم تخبرني؟ لما الصمت؟ تعشق زمرد وزمرد تكره الضعاف. ستظل صامتًا إلى أن أُسرق منك، ولن يفيدك الدفتر بشيء."

"تحبني منذ ثلاثة أعوام ولم تنطق. تظن أنني سأضرب الودع لأعرف عن مشاعرك؟ هذا ضعف."

"انتظري يا زمرد واسمعيني. أنا والله ما حبيت غيرك. بس أقول إزاي وأنا مش عارف هتوافقي ولا لا. وكمان كنتِ وقتها بتدرسي. ولما جيتي هنا الشركة كان لازم ما أخسرش وجودك جنبي. خوفت أعترف فترفضيني وتمشي. كان خوفي دايما مانعني، كان حاجز بيني وبينك وما كنتش عارف أهدّه."

"كل دا كان حاصل عشان ما فكرتش تعز مقامي. كان مخوفك تعترف لي ف أرفض، ودي حقيقة كنت هرفض."

"ودا اللي كان مخوفني، وأهو بترفضيني."

"برفض عشان لو فعلًا بتحبني هتيجي بالمأذون يا مدثر. دفترك اهو بعد إذنك."

"يعني لو جيت لولدك النهاردة هتوافقي؟"

"أنت لسه بتسأل يا مدثر؟ أنا واخدة باقي اليوم إجازة. ولو الساعة وصلت سبعة وما جتش بالمأذون هتزعل."

"زمردتي..."

"هيضيف ياء الملكية وأنا بضعف. قول بسرعة عاوز إيه."

"بحبك."

مسكها من شعرها من فوق الخمار.... وضربها خبطة جامدة على دماغها خلّت الدنيا تبيضّ في عنيها…قرب منها…ثانية…ثانيتين…وجسمها مرمي على الأرض…والخطر بيقرب…بيتنفّس عليها…وفجـــــــــاة قبل ما يغمى عليها شافت اخر شخص كانت تتوقع انها تشوفه تاني....... وصوت خبطة قوية.صوت جسم بيرتطم بالرملة.قوة داخلة من ورا زياد…شاب… جه زي عاصفة.مسك زياد من ضهره…وحدفة على الأرض…وما اداش له فرصة يقوم.فضل يضرب فيه…يضرب…يضرب…يضرب…غضب…قهر…ضربات بتنهال عليه كأنه بينتقم للعالم كله…ولشهد اللي كانت مرمية على الأرض مرعوبة ومصدومة.الشاب بعد ما فضل يضرب في زياد لحد ما وقع على الأرض شبه ميت…زياد حاول يقوم…لكن الشاب مسكه من ضهره ورماه تاني.وبعدين وقف فوقه…يبصله من فوق لتحت…نظرة فيها اشمئزاز أكتر من الغضب.ولما اتأكد إنه مش قادر يتحرك،سابه واقع على الأرض…زي ما يكون شيء اتحط في مكانه الطبيعي.وقف ياخد نفسه بالعافية، صدره بيطلع وينزل بسرعة، وعرق نازل من جبينه…بصّ على شهد اللي كانت مرمية على الرمل، جسمها ساكن، وعينيها مقفولة، والدمعة اللي ما لحقتش تنزل ناشفة على خدها.قرب منها بسرعة…ركع جنبها…حاول يهزّها بإيده المرتعشة:آنسة شهد؟آنسة شهد؟!اسمعيني… افتحي عينيكي…مفيش.ولا نفس واضح.ولا حركة.قلبه وقع.سابه وقام يجري وهو ينده بكل قوته:ماماااااا!يا ماماااااا!تعالي بسرعة!في بنت واقعة ومغما عليها!بعد لحظات طلعت ست كبيرة من البيت اللي جنب البحر…ست شكلها طيب: إيه يا ابني؟!تعالي بس… ما ينفعش أشيلها لوحدي… انتي اسنديها وأنا معاكي  بس هحاول اكون بعيد علي قد مقدر. نزلت بسرعة معاه…مسكت شهد من كتفها. مشوا بيها لحد البيت…ودخّلوها أوضة صغيرة دافية…حطّوها على السرير…والست تقعد تهوّي عليها بجلبيتها. شهد… يا بنتي… قومي يا روحي… فوقي…بعد دقيقة…ثم دقيقتين…عين شهد ابتدت تتحرك.تبربش.ترعش خفيف…عين واحدة فتحت…بعدين التانية…وفجأةصرخت.صرخة طالعة من خوفها…من الصدمة اللي لسه ما هضمتهاش.قعدت تنتفض وتعيط بصوت عالٍ:سيبوني!سيبوني!انا ضعت… انا ضعت …  ضعت…الست جريت عليها…خدتها في حضنها بقوة:هششش… لا يا بنتي… انتي بخير… والله بخير… ما تخافيش…شهد بتعيط زي طفلة…مش قادرة تتنفس…كلامها متكسر:هو… هو… كان هيعملي حاجة… كنت هموت… كنت هضيع…ست قالت وهي تربّت على ضهرها:والله ما لمسِك يا بنتي…ولا جه جنبك…ابني جابك من عند البحر ووقع هو على الأرض…ربنا نجّاكي.ربنا سترها معاكي… ما تخافيش يا بنتي…شهد بتشهق…وبتنهج…دموعها نازلة مالهاش آخر…والشاب واقف عند الباب، ملامحه فيها غضب على زياد… ورِفْق على شهد… وقلق مشاعره مش عارف يخبيه.قرب منها شوية وقال بصوت هادي، محترم، وخايف عليها:متخافيش يا آنسة شهد…أنا كنت موجود…والله ما قرب منك…أنا ضربته قبل ما يمد إيده عليك…كلامه وقع عليها راحة…زي ميّة بتطفي نار كانت هتاكل روحها.فضلت تبكي…والست ماسكاها…وهو واقف…مستنى تفوق…ومستني تعرف إنها مش لوحدها.وبعدين اتقدم خطوة،ورفع إيده بهدوء كأنه بيهدي طفل:اهدي بس يا أنسة شهد…انتي دلوقتي بخير.سكتت لحظة…تبصله…تحاول تركز في ملامحه…بتعقد حواجبها:استنا …انت…انت تعرفني؟هو أخذ نفس هادي:أهدي… وركزي…شهـد تحدّق أكتر…وبعدين فجأة ملامحها اتغيرت:أنا…أنا شفتك قبل كده!هو يومئ برأسه:طبيعي…أنا حضرت خطوبتِك…وكنت حاضر كتب كتابك برضه.شهـد تتسع عينيها:انت…كنت هناك؟بصوته الهادئ اللي يوحي بسيطرة غريبة:أيوه.لأن…أنا صاحب مؤمن… الله يرحمه.حطت يدها على قلبها…من الوجع اللي بتحسه للمرة المليون:انت…انت الأستاذ مروان؟رفع حاجبه بدهشة:واضح إنك تعرفيني كويس.شهـد هزت راسها ببطء،والدموع تنزل تاني:مؤمن…ما كانش ليه سيرة غيرك.مروان سكت…وعينه بتلمع بالدموع:رحمة الله عليه…كان أخويا قبل ما يكون صاحبي.شهـد بتكمل، صوتها بيتقطع:كان دايمًا يقول…إنك جدع…وإنك سند…وإنه ما يعرفش يختار رجله الغلط…كان بيحبك…وبيفتخر بيك قدّامي.مروان يطأطئ راسه…شوية حزن، شوية وجع، شوية ذكرى:وكنت مستعد أدي عمري عشانه…بس ربنا اختاره. بعد ما خلصت كلامها…مسحت دموعها بكف إيديها،وقامت واقفة، جسمها لسه مرعوش:أنا آسفة…لازم أمشي.مروان رفع راسه فورًا، وقال بثبات:استني… اروحك. هي لمحت التوتر اللي في عينه،فحاولت تهدي الموقف:مش هينفع يا أستاذ مروان…وشكرًا… شكرًا جدًا على اللي حصل.أنا لو ما كنتش قابلتك النهارده…كان زماني…كان زماني في مصيبة،بس الحمد لله… ربنا بعتك.هو خد نفس قصير…مش عاجبه إنها بتمشي وهي متكسرة كده:بصي…عشان أبقى مطمّن…انتي هتمشي…وأنا همشي وراكي.لحد ما أتأكد إنك دخلت بيتك.شهـد بصلته بتردد…لكنها مش قادرة تعند،مش بعد اللي حصل.ماشي… شكراً.خرجت…تمشي بخطوات بطيئة،ومروان وراها على مسافة محترمة…مش بيكلّم،بس عينه عليها،عايز يتأكد إنها مش هتقع تاني،لا من الخوف… ولا من التعب.لحد ما وصلت باب البيت.طلعت السلم،وبصت عليه نظرة شكر صامتة،وبعدين…دخلت وقفلت الباب.ثانية واحدة بس…ثانية،وكانت دموعها بتنزل.انهمرت …كأن كل اللي كانت ماسكه وقع.وقعت على الأرض وانهارت من العياط…أنفاسها تتقطع…وقلبها يخبط في صدرها.أمها سمعت الصوت،جرت من أوضة النوم وهي بتقول:شهد!شهد!!ولما شافتها مرمية على الارض، نزلت على ركبتها بسرعة،حضنتها جامد جدًا:مالك يا نور عيني؟فيها إيه؟بتعيّطي ليه كده؟شهد مش قادرة تتكلم…بس لما صوت أمّها هديها،حكت كل حاجة…كل اللي حصل…كل الخوف…كل الإهانة…وكل الضربة اللي اتضربتها.أمها شهقت:الواطي… الجبان…ربنا ينتقم منه…إزاي يعمل فيكي كده؟!إزاي؟!شهـد كانت بتتنفس أسرع،بس بعدها شوية بدأت تهدى،تفرك دموعها بإيدها المرتعشة.وبعد صمت طويل شوية…قالت بصوت مكسور: عارفة يا ماما…أكتر حاجة زعلاني…إن قبل ما يغمى عليا…ولما مروان كان جاي يجري…أنا…أنا شفت مؤمن.وفجأة دموعها تنزل من جديد:شفتُه…شفت مؤمن قدّامي…كأنه لسه عايش…كأنه جاي يلحقني.أمها حضنتها تاني…بإيدين أم شايلة وجع بنتها قبل وجعها:يا بنتي…يا حبيبتي…هو في القلب…ومكانه كبير…بس…تمسح دموع شهد بإيدها:إحنا مش قولنا…نفتكره بالخير…والرحمة؟شهـد تهز راسها…مش قادرة ترد…ولا قادرة تنسى.بعد ما أمها خلصت كلام، شهد دخلت أوضتها…قفلت الباب وراه بهدوء،وكأنها بتحاول تمنع العالم كله يدخل معاها.سندت على الباب…ونزلت على الأرض.إيديها بتغطي وشها…والدموع بدأت تنزل من غير أي صوت،كأنها خلاص تعبت من العياط…وبقى وجع صامت.حاولت تهدي،بس أول ما قفلت عينيها…رجع شريط اليوم كله يجري قدّامها:زياد…الخوف…الضربة…إيد مروان اللي شدت زياد من فوقها…صوت أمّه…صوتها هي وهي بتعيط…وجسمها رجع يرتجف من جديد.مسحت دموعها بسرعة…وحاولت تاخد نفس عميق،لكن دماغها خانتها…ورجع صوت مؤمن،أكتر صوت بتحبه،أكتر صوت بيوجع.رجعت لليوم اللي كان قبل كتب كتابهم بيومين…يوم كانت متوترة ومش عارفة تنام.كانت ماسكة تليفونها،عمالة تتصل بيه…والتليفون ميردش.وباين انه مشغول، وبيكلم حد. والمرة اللي بعدها…رنتفأول ما رد…صوتها طلع متوتر:فيه إيه يا مؤمن؟برن عليك كتير…عايزين نجيب باقي حاجات كتب الكتاب…مش بترد ليه؟كنت بتكلم مين؟هو ضحك ضحكة صغيرة وهو ماشي في الشارع:ما تخافيش يا شهد…مش بخونك.هي سكتت ثانيتين:طب… كنت بتكلم مين؟مروان.شهـد صوتها اتغير فورًا وقالت بهزار: ده العِن… بجد يا مؤمن؟أنا كل ما أكلمك…تقولّي كنت مع مروان…وبتكلم مروان…وكنت فين؟مع مروان؟ده هو لو ضرتي مش هيبقا كده. مؤمن انفجر  ضحك بصوت عالي:أقسم بالله يا شهد…إنتي بتموتيني ضحك!هي كانت زعلانة جدًا…لكن ضحكته كانت دايمًا بتفكها غصب عنها.وبعد ما ضحك كفاية،اتنفس وقال بهدوء جميل:بصي…مروان ده… جدع.أكتر حد واقف جنبي من يوم ما بابا وماما ماتوا.أكتر حد شفته راجل بحق…قلبه نضيف…وصاحب بمعنى صاحب.شهـد سمعته وهو بيكمل: تعرفي يا شهد…لو كان عندي أخت؟كنت جوزتها له.الجملة دي خبطت في قلبها…زي سكينة باردة.رجعت شهد لواقعها…دمعة نزلت ببطء على خدها،وبصت للحيطة قدامها كأنها شايفة صورتهم الاتنين واقفين جنب بعض.وبصوت مكسور…بهدوء موجوع:الجدع… ما بيصاحبش غير الجدع…ربنا يرحمك يا حبيبي.---------------------مرّت الأيام…مش بسرعة…لكن زي الرصاصة البطيئة اللي بتعدّي من جوّه الروح،وكل يوم تسيب علامة.شهد كانت كل يوم بتصحى من النوم على نفس الكابوس:صوت زياد،اللحظة اللي زياد حاول فيها يعتدي عليها.صوته وهو بيقول مات اللي كنتي مستخبية وراه…مات اللي كان بيحميكي…دلوقتي دورك.فاهمة؟كل ليلة نفس الحلم…وكل مرة بتصحى تصرخ بصوت مكتوم،وتحط إيديها على ودانها…كأنها عايزة تمنع صوت الرجوع.بس مع الوقت…الكابوس بيفضل،إنما ردّة فعلها بدأت تهدى.بقت تصحى وهي مرعوبة…لكن مش بتصرخ.بتقوم تقعد…تبص حواليها…وبعدين تتنهد تنهيدة طويلة وتقوم تشرب ميّة.بدأت تتقرب من أمها…بالرغم إن زمان بينهم كان في حاجز كبير،لكن بعد كل اللي حصل…شهد بقت تلجأ لها في كل حاجة.بقت تقعد معاها في المطبخ…تحكيلها عن حاجات صغيرة حصلت في يومها…وأمها بقت تسمع لها بتركيز…وبقت شهد تحس لأول مرة إن أمها حضن أمان،مش مجرد بيت.ولأن الوحدة كانت بتخنقها،ابتدت تروح عند عمة مؤمن كتير.كانت بتحس إن وجودها هناك بيطمنها،وكأن ريحة مؤمن لسه في البيت…في الأوضة،في الصور اللي على الحيطة،في هدومه اللي لسه محطوطة في الدولاب زي ما هي.كل مرة تدخل أوضته…تقف دقيقة…تسند ضهرها على الباب. كانت تقعد على الأرض…تلمس الدولاب…وتسأل عمته عن الحاجات اللي كان بيحبها.عمته كانت بتحبها جدًا…وبقت تعتبرها زي بنتها.في وسط ده كله…مروان كان بيظهر…مش كتير.لكن وجوده كان بيشدّ العين.أوقات يشوفها عند عمة مؤمن…يلقيها خارجة من باب البيت وهو داخل.يبصلها النظرة الهادية اللي فيها احترام…وهي تهز راسها ردًّا على السلام وخلاص.أوقات تلاقيه واقف مع عمة مؤمن في الشارع،يشيل حاجات،يصلّح حاجة،أو يساعد في حاجة تخص البيت.كل ده من غير ما يوجّه كلام ليها،ولا حتى يقرب منها…كأنه واخد خطوة دايمًا لورا.لكن شهد كانت ساعات تبص له من بعيد.مش بإعجاب…ولا باهتمام…بس بنوع من الاستغراب.الولد اللي ظهر في حياتها فجأة يوم ما الدنيا اتكسرت…وبعدين اختفى في هدوء…وبيرجع يظهر بشكل عابر في حياة الناس اللي بتحبهم.مرت أسابيع…وكل يوم كانت شهد بتحاول تتعامل مع الدنيا بشكل بسيط:تمشي على البحر شوية،تزور قبر مؤمن،تقعد مع أمها،تروح لعمة مؤمن…وتتجنّب الأماكن اللي فيها زحمة،ولا تحب تمشي في الليل لوحدها.الخوف من زياد لسه موجود…زي ظل أسود في ضهرها.ومع الوقت…شهد ما كانتش بتنسى مؤمن…بس بقت تتنفس.وتتحرّك.وتخرج.وتعيد بناء نفسها حتة حتة.وكانت دايمًا، تشوف مروان من بعيد. مرة يبقى واقف في البلكونة عند عمته،مرة يشوفها خارجة من البيت.وجود هادي…لطيف…مش مريح…بس مش مؤذي.كأنه القدر بيجهّز لحاجة…من غير ما يصرّح بيها بدري.--------------------------صحيح الأيام بتعدّي ببطء…وهدوء البحر الوحيد اللي بيريّح قلب شهد.بقت متعودة تروح تقعد في نفس المكان كل يوم،نفس الصخرة،نفس النسمة،نفس اللحظة اللي بتحس فيها إن الدنيا بتسكت شوية.راحت النهارده بدري شوية،قعدت حضّنت رجليها،وبصت للمية اللي بتتحرك بهدوء…كانت بتحاول تهرب من خوفها،من ذكرياتها،من الكابوس اللي ما بيسيبهاش.لكن فجأة…سمعت صوت هادي…قريب…جاي من وراها:تعرفي…إن أنا عارفِك من قبل ما أشوفِك في كتب الكتاب؟والخطوبة؟ اتجمدت.لفّت ببطء…ولقته.مروان.واقف وراها،وشكله هادي ومكسوف شوية…بس كلامه كان واثق.شهد استغربت:إزاي؟مروان ابتسم ابتسامة خفيفة وقال:كنت بشوفِك على طول بتيجي تقعدي هنا…من عند بيتنا.كنت بمرّ،وأشوفك قاعدة لوحدِك،ساكتة…مرة سرحانة…ومرة زعلانة…ومرة…بتضحكي.وقف لحظة،وبصّ لها بنظرة صريحة:على فكرة…شَكلِك بيبقى جميل قوي وإنتي بتضحكي.شهد اتوترت.حست قلبها يخبط بسرعة،مش بسبب الكلام…لكن لأنها مش جاهزة،مش دلوقتي،ومش بالطريقة دي.وقفت بسرعة وقالت:على إذنك يا أستاذ مروان…وبدأت تمشي.كانت عايزة تهرب من الكلام،ومن نظراته،ومن الإحساس اللي جواها كانت مش قادرة تفهمه.لكنه نادى عليها قبل ما تاخد خطوتين:أنسة شهد…ثانية لو سمحتي.وقفت…مش لأنها عايزة،لأ…لإن صوته كان فيه رجاء،جدي…صريح…خلاها تلف بالعافية.بصّت له وقالت بتوتر:لو سمحت يا أستاذ مروان…الوقفة دي ما تنفعش.ورجعت تلف تاني تمشي.بس هو قال الجملة اللي وقفت الدنيا عليها…الجملة اللي خلت البحر نفسه يهدأ:شهد…أنا عايز أتجوزك.