سلم صخر على كل الناس.
في عينهم نظرة استغراب، فالمفروض العريس هو زين.
لكن سرعان ما نسوا الأمر عندما بدأ إطلاق النار والاحتفال.
ثم جاء وقت كتب الكتاب، ومضى صخر على كل الأوراق المطلوبة.
ثم أرسلوا الأوراق لوعد التي مضت دون قراءة اسم العريس حتى.
ليلي باستفزاز: مبروك. في عروسة تبكي زعلانة كده يوم فرحها على صخر الدمنهوري؟
وعد بصدمة وكأنه وقع عليها ماء مثلج في عز الشتاء: ص... صخر مين تقصدي؟ زين؟
ليلي: انتي متعرفيش ولا إيه؟ مش زين رفض، وقالوا يجوزوكي لصخر. مقابل كام شركة كده.
وعد ببكاء شديد: لا مستحيل، انتوا إزاي تعملوا فيا كده؟ أنا مش عايزاه، حرام عليكم بقى، حراااااام.
ليلي: وهو في واحدة محترمة تعمل عملتك دي؟
وعد ببكاء: أبوس إيدك خليني أمشي من هنا، إن شاء الله أروح في أي داهية بس هربيني من هنا.
ليلي: انتي عايزة هارون يشيل رقبتي من على جسمي.
وعد: والنبي الخدمة دي عمري ما هنسالك.
ليلي: طيب بصي، في باب وراني هتطلعي منه. بس إياكي حد يشوفك. ولو حد شافك وجبتي سيرتي، انتي مش عارفة أنا هعمل فيكي إيه. فهمتي؟
وعد: والله ما هجيب سيرتك. شكراً أوي.
ليلي: يلا بسرعة.
وعد جهزت هدومها بسرعة ونزلت من غير ما حد ياخد باله. الكل مشغول في الفرح.
واتجهت ناحية الباب الوراني وفتحته ببطء شديد.
ثم مرت بعده خطوات على أطراف صوابعها لتتفاجأ بصوت حاد ورجولي.
صخر: على فين؟
وعد تصلبت مكانها، لا تدري ماذا تفعل. لا تملك من الأمر سوى بكائها.
تلتفت وعد ببطء إليه، ثم تراه جالس على الكرسي يضع قدم على قدم.
وعد بخوف وتردد: انت عايز مني إيه؟ كفاية اللي عملته فيا.
ليقف صخر فجأة ويتقدم إليها. فكل خطوة يخطوها إليها ترعبها أكثر، لتتراجع هي للخلف.
صخر: وانتي فكرك لو هربتي مش هعرف أجيبك؟
ليمسكها من ذراعيها بقوة: لو رجعتي بطن أمك تاني برضه هجيبك.
وعد: انت إيه مشكلتك معايا؟ مش كفاية إنك اتجوزتني مش برضايا وعايز تحبسني كأني جارية؟
صخر: حسابك معايا يجي تجيل جوي يابت الدمنهوري. لكن دلوجتي هتجوليلي مين اللي جالك على الباب ده.
وعد بخوف: م... محدش قلي، أنا لقيته لوحدي.
ليمسكها صخر من شعرها بغضب: انتي هتستعبطي؟ انطقي بدل ما أسوي وشك بالأسفلت.
وعد ببكاء: آآآه، محدش قلي. سيبني بقى.
صخر يأخذها بقوة ويدخل حتى يصل إلى الطابق العلوي ويرميها بقوة.
صخر بزعيق: يا خلق ياللي هنا.
ليتجمع الكل.
زين: فيه إيه؟
لتبتلع ليلي ريقها.