تحميل رواية «أما غرام يشرح الصدر طاريه و إلا صدود وعمرنا ما عشقنا / الكاتبة صدود/مكتملة» PDF

‎البـــــــارت الواحد والثمــــانون ...

‎اتسئلين القلب عما به 

‎ألستّ تدرين بما قد دهاهْ ؟

‎أنت التي أججت أشواقه 

‎أنت التي لوعته في صباهْ

‎رحماك ! هذا الصوت كم غصةٍ 

‎أثارها .. وكم حنين دعاهْ

‎لا تعجبي .. قلبي فراش الهوى 

‎يقفز للنار وفيها رداهْ

‎المرحوووم بإذن الله تعالى ..غازي القصيبي...

‎أرتجفت غصب عنها..

‎وهي تحس بوجهه على كتفها..

‎همس لها بحبه..بعشقه..

‎وهو يدري إنها ماتجهل غلاتها عندهـ..

‎قبلها على خدها عيونها وجبينها..

‎حالتهم تخوفها..ترعبها..

‎ماتبيه يستمر في اللي يسويه..

‎لازم تقاومه وتبعده عنها..

‎رفع يدينها ولفها على رقبته..

‎قبلها على شفايفها بعمـــق..

‎حس فيها تحاول تبتعد عنه..

‎زاد من توثيقه لها..

‎شالها عن الارض وهي بكت بصوت مخنوووق..

‎خافت من تصرفاته..

‎ماتبيـــــــه..بعدها مجروحة منه..

‎مرعوووبة من تجربتها معها..

‎كانت بغير إرادتها..

‎غـــصب عنها..

‎أذاها كثيييير..

‎نيمها على السرير وهو حاضنها..

‎غازي بحنية\هششش إهدي يا جنونـــــي..

‎ما راح اجبرك علي شيء..

‎هششش خلاااص إهدي ياقلبي..

‎كانت تبكي وهي تشهق بقوووة..

‎ترتجف غصب عنها..

‎مو قادرة تتحكم في خوفها ورعبها منه..

‎ضمها له أكثر وهي تبعدهـ عنها..

‎وتترجاهـ يسامحها..

‎مابتتقبل لمسه لها كزوجة..

‎ماتقدر نفسها تكرهه..

‎تكــــــــــرهـ إجبارهـ لها..

‎هديل تبكي\سامحني..سامحني..

‎غازي بمحبة\أنتي اللي ابيك تسامحيني..

‎أنا احبـــك..أعشقك..

‎إرحمي الشيب اللي في راسي..

‎لاتزيدينها بخوفك..

‎والله ما اجبرك..لا تخافين مني..

‎لا جيت أنا بــ أسامحك..

‎تبكي الجراح ما ودها..

‎مشتاق ودي أصافحك..

‎عيت يدي لا أمدها...

‎آه. .يـــا الجراح .. راح اللي راح ..

‎وراحتي .. من يا ترى بيردها ..؟؟

‎يا حب.. ياذ كرى واســم..

‎مدري انا ابكي عليك من العذاب أو ابتسم..

‎صدقني في يأسي .. نفسي تبي نفسي تبيــــــك ..

‎لا يا دفا شمسي تبيـــــــك..

‎ليه خنتني ..الله عليك ..

‎آآآآهـ يا الجراح .. راح اللي راح..

‎وراحتي .. من يا ترى بيردها ..

‎لا تحاكي عيوني .. يمطر سحاب الملح ..

‎ولا تلمس شجوني .. ينبت في قلبي جـــرح ..

‎ناظرني يا خلي .. جرح انا كلــــي ..

‎وشلون أبـ أرضى الصلح ..؟؟

‎الأمير بدر بن عبدالمحــسن..

‎؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

‎لآ شِفت لِك مجروح .. حآوِل تِدآوية

‎دآوَه مِن بآب الإحسـآن دآوَهـ ..

‎وإن شِفت لِك مِن يبكِي .. فـ لآ تسألة لية ؟

‎الدَمْع مآ عُمرة نِزل مِن فَضـآآوة ....

‎أول مرة تسويها وتطلع من البيت من غير امها..

‎حتى مرام أعتذرت وقالت ما بتقدر تروح معها..

‎أرسلت لها السواق مع شغالتها..

‎ولزيادة الحذر منها طلبت من اخوها يروح معها..

‎إبراهيم\طيب وين بنروح؟؟

‎خلود\مشوار قريب..لازم اروح وبعدها نرجع البيت ان شاء الله..

‎إبراهيم\طيب..بســ

‎خلود\بس وشهو..؟؟

‎ابراهيم\ولا شيء..إذا قلت لك بتزعلين وتهاوشيني..

‎خلود بهدؤ\قول ما راح اهاوشك..

‎إبراهيم\أنا أخوك..صح صغير..بس لما اكبر باصير ولي امرك..

‎وأنتي دائماً متضايقة مني ولا يعجبك كلامي..وتحبين تقهريني..

‎انا مدري ليه تكرهيني..أمي تقول عشانك زعلانة على ابوي لما مات..

‎ليه أنا ابوي مامات؟؟أنا مثلك..أبوي مات مقتول..

‎بس ماقسيت عليكم وكرهتك..يمكن لو معي إخوان وكرهتيهم مثلي يكون عادي..

‎مالي غيركم بعد ربي..وكرهك لي يحسسني إني مالي بيت..

‎تدرين إني خططت اهرب من البيت كثير مرات..

‎بس ارجع لأنكم خواتي وأنا اخوكم الوحيد..

‎أخاف احد يزعلكم او يضايقكم..

‎خواتي صاروا مثلك ياخلود..يتضايقون مني..

‎مايسمعون كلامي ولا يحترموني..

‎وقفت السيارة عند العيادة..

‎ونزل ابراهيم قبل خلود..

‎وهي ظلت جالسة مكانها مصدوومة من كلام اخوها..

‎كل اللي قاله صدق..هو مات ابوه اللي هو ابوها..

‎يتيم مثلها..بس قسوتها عليه يتمته من امه وخواته..

‎تمنت لو تحضنه لو تعتذر منه وتبوس يدينه يسامحها..

‎عمره مابين لها مقدار جرحها له..

‎كان يتهاوش معها ويعاندها مثل ماتعاندهـ..

‎يبين لها ان كلامها وتصرفاتها ما تضايقه..

‎ولأنها اول مرة تطلب منه طلب..

‎وطلبها كان فيه أمان لها..

‎تبيه يروح معها عشان يحرسها..

‎يعني هو سندها وهو عضيدها..

‎نزلت من السيارة وهي تبكي..

‎كان واقف عند باب العيادة ينتظرها..

‎وقفت جنبه ومسكت يده..

‎رفعتها لفمها من فوق نقابها وقبلتها..

‎ماتكلمت لان مالها قدرة تتكلم وهي تبكي..

‎مشت ويدها في يدهـ وطلبت الدخول عند الدكتور الشايب مثل ماسمته..

‎دخلت اخوها معها وهي مرتاحة لدكتورها اللي كبير في السن وسليط في اللسان..

‎حست إنها بدت تتقبله..

‎عرفته على أخوها وهي مبسوطة..

‎خلود\دكتور هذا أخوي ابراهيم..

‎الدكتور\الله يحييه..

‎ابراهيم\مشكور..من انت..؟

‎الدكتور\أنا دكتور نفسي..

‎أحاول اساعد أختك في مشكلة..

‎ابراهيم\تدري إني حسبتك ابوي لما دخلت..

‎حتى هذي السبحة اللي في يدك..تشبه سبحة ابوي..

‎شف هذي هي..

‎طلع سبحة ابوهـ من جيبه وعرضها لـ الدكتور ..

‎خذتها خلود منه وضمتها بين يديها وهي تبكي..

‎ابراهيم بغصة\اعذرها يادكتور..

‎صار لنا سنين وهي مقاطعتني واليوم رضت علي..

‎سحبت ابراهيم لها وضمته وهي تبكي بصوت عالي..

‎خلود\والله اسفة يا رووح اختك..

‎سامحني عساني فدوة لك يا اخوي..

‎غبييية والله اني غبيية..

‎طلع الدكتور من المكتب وتركهم لحالهم..

‎لانه أنتبه على ابراهيم يمسح دموعه..

‎مايبي الدكتور يشوفه يبكي..

‎أخذ جواله واتصل على مرام..

‎مرام\هلا يالشايب..

‎مسفر بهدؤ\مرام..صاحبتك صار معهم شيء مو زين..؟؟

‎مرام\هي قالت لك شيء..؟؟

‎مسفر\لا ماقالت..

‎مرام\اممممم ولد جيرانهم يبي يتزوجها..

‎هذي ثالثة مرة يطلب وهي ماوافقت..

‎بس هو راعي مشاكل وسجون..

‎مسفر\الله يقطع هذي الأشكال ويفك الناس منهم..

‎مرام\وش بتسوي يالشايب..

‎انتبه لا تكشفك ترى بتحكمك اعدام..

‎مسفر\هي بتكشفني بس ماهو الحين..

‎اما ولد الجيران يبي له سم فيران..

‎؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

‎صحت من النوم ..

‎وهي تحس بصداع قوي براسها..

‎حتى عيونها تحرقها إذا فتحتهم..

‎تنهدت بضيق..

‎لانها تعرف هذي الحالة لما تجيها..

‎إذا نامت وهي تبكي..

‎تصحى تعبانة ودايخة طول الوقت..

‎حست فيه يقبلها على خدها..

‎فتحت بسرعة..

‎خجلت منه ومن قربها الكبير منه..

‎لمت منشفتها عليها اكثر ..

‎وجلست بسرعة..

‎لما حست بيدهـ تسحبها له..

‎وقفت بسرعة أخذت ملابس من الكبت ودخلت دورة المياهـ..

‎أستندت على الباب..

‎وهي تتذكر كيف صحت من النوم وهي تصرخ مرعوبة..

‎كيف ضربته وحاولت تهرب منه..

‎وهو كان ضامها له..

‎ويحاول يوعيها على انها كانت نايمة وشافت كابوس..

‎لما صحت من صدمة الكابوس..

‎تعلقت عيونها بعيونه..

‎صدمها حلمها فيه هذي المرة..

‎صدمـــــها كثييير..

‎تحممت بسرعة ووقفت قدام المرايه تشوف ظهرها..

‎خف عليها كثييير وصار احسن من اول..

‎كان يهاوشها اذا تركت الكريم ماحطته..

‎ولما يهددها يحطه لها غصب عنها ..

‎تحطه هي بسرعة وتمنعه ينفذ تهديدهـ..

‎طلعت من دورة المياهـ..

‎وهو كان نايم وحاط ذراعه على عيونه..

‎ولما سمع الباب شال يدهـ وركز عيونه عليها يتاملها..

‎تجاهلته ووقفت عند التسريحة..

‎مشطت شعرها وفردته على طوله..

‎وانتبهت عليه يدخل دورة المياهـ ..

‎تنفست براحة بعد ماطلع من الغرفة..

‎راحت لذياب وهي تتذكر إنها ماسمعته يبكي..

‎طول امس..

‎يمكن غازي اهتم فيه ونيمه..لانها كانت تعبانة..

‎قربت منه وشالت الغطاء من عليه..

‎هديل بمرح\ورعي بعدهـ نايم..

‎يالله قوووم يا قلبي..

‎شالته من فراشه وضمته لها تبوسه..

‎وتسوي حركات تضايقه عشان يصحى..

‎بس استغربت انه ما تجاوب معها..

‎نادته وضربت على خدهـ ..

‎حطت بيدها ماء من الكاس..

‎مررته على وجهه ورقبته..

‎بس مارد عليها ولا تحرك..

‎أرتجفت بخوف وهي تشهق مجزوعة..

‎هديل بخوف\ذيـــ...ــاب..يــوومــهـ.....

‎قووم حبيبي..ياروحي انت وش فيــ....ـك؟؟

‎يووومه تكفى قوووم لا تفجعنـــــي..

‎تكفى يا ذياب لا تفجعني تكـــفى..

‎ياربي ياحبيبي لا تاخذهـ مني..

‎لاتاخذهـ منــــــــــي..

‎ذياب ما اتفقنا كذا يا فديتك..

‎قلت لك أول ماشفتك لا تترك الدنيا قبلي..

‎آآآآآآهـ يا قلب أمك تكفى قوووم..

‎ضمته لها اكثر وهي تصرخ بخوووف..

‎هديل تبكي\غااااااااااااااااااازي..

‎طلع من دورة المياهـ لابس بنطلونه وشعره مبلول..

‎حتى قميصه مالبسه..

‎جلس عندها على ركبه مصدووم من شكلها..

‎كانت جالسة على الأرض..

‎ضامة ذياب على صدرها وتهتز..

‎غازي\وش فيـــك..؟؟

‎هديل\ذذيــ....ـياب..مايصحى..

‎آآآآآآآآآهـ مايرد علــي..

‎أخذه من بين يديها..

‎وهو يحس برجفة قوية تسيطر على كل جسمه..

‎حس بعجز كبييييير..

‎نفس العجز اللي حس فيه لما كانت رسل بنته تموت..

‎ضم ذياب له وهو يسمي عليه..

‎تمالك اعصابه وسدحه على الارض..

‎تطمن لما شاف صدرهـ يتحرك..

‎دليل على انه يتنفس..

‎رفع جفونه يعاين عيونه..

‎نيمه على جنبه اليسار..

‎وضرب بخفيف على مؤخرة راسه..

‎صحى ذياب وهو يبكي بصوت عالي وحااااد..

‎بكى لحتى استفرغ من حبسه للهواء وهو يبكي..

‎ضمته هديل لها وهي تبكي معه بخوووف..

‎ضمهم غازي وهزهم بحضنه..

‎يواسيهم ويواسي نفسه..

‎كان بيفقد ولدهـ..

‎كان راح يصيبه القنووط من رحمة الله..

‎أستغفر الله وهو يحاول يهدي هديل اللي كانت تبكي..

‎أخذ ذياب منها ودخلها دورة المياهـ ..

‎غازي بحنية\بدلي ملابسك..

‎وبنمشي بعد ساعة المطار..

‎إن شاء الله نوصل روما الليلة...

‎هديل برجاء\لاتخليه ينام..

‎الحين نروح بس لاتخليه ينام..

‎بدلت ملابسها بسرعة..

‎لمت شنطتها وشنطة غازي..

‎حتى اغراض ذياب كانت تلمها وهي تبوسها..

‎جلسها غازي وحط ذياب بحضنها..

‎خلاها تستوعب انه بخير وماصار فيه شيء..

‎وطعنته لما سمعها تقول..

‎هديل بآآسى باكي\هو اللي ما اعتبرني ميته..

‎هو الوحيد اللي يحبني..

‎ما ابيه يموت واتيتم من بعدهـ..

‎واللي حس نفسه يتيم وماله عزوة من بعدك وش تقولين فيه..؟؟!

‎؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

‎حطت يدها على الجدار وهي تسمي بالله..

‎جلست ع الدرج بسرعة بعد ما حست بدوخة قوية..

‎غمضت عيونها وانتظرت لحتى حست بدوختها تخف عليها..

‎وقفت بتعب ونزلت الدرجات الباقية..

‎صرخت برعب لما حست بنفسها تفقد التوازن وتطيح على ظهرها لآخر الدرج..

‎شوق\يووووومـــــــــه..

‎آآآآآآآآآآآآآآآآآآهـ يووومه بامووووت..

‎طلعت امها من المطبخ وهي تركض لها..

‎صرخت بخوف لما شافت شوق طايحة على الارض وتنزف..

‎جلست عندها وهي تبكي..

‎ام غازي\شووق..بسم الله عليك..

‎اذكري ربك يوومه..تشهدي فديتك تشهدي..

‎شوق تصرخ وهي لامة يدينها على بطنها..

‎\بأموووت يوووومه...آآآآآآآآهـ..

‎يوومه لحقي علـــــــــي..

‎ام غازي برعب\تشهدي أول..

‎قولي اشهد انه لا اله الا الله..واشهد ان محمدا رسول الله..

‎تشهدي ياقلب امك...

‎شوق باستسلام\اشهد انه لا الله الا الله..وان محمدا رسول الله..

‎قامت ام غازي من عندها بسرعة..

‎اتصلت على طالب وقالت له يجي البيت بسرعة..

‎ويتصل على الاسعاف يدلهم على البيت..

‎رجعت لشووق وبكت لما ادركت ان بنتها بتولد خلال دقايق..

‎مستحيل تصبر لحتى يجي الاسعاف..

‎ذاب قلبها على بنتها اللي تصرخ بألم..

‎وتستجدي بالله يرحمها ويخفف عنها..

‎أخذت وسادات من على الكنب..

‎حطتها تحت راس شوق..

‎وقررت تولد بنتها قبل تموت والجنين في بطنها يموت ورى امه..

‎؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛

‎دخلت الشقة وهي ضامة ذياب على صدرها..

‎تحاول تخفي وجها عنه لا يشوف مدى إحراجها..

‎غازي يبتسم\صراحة تمنيتك تكفخينه..

‎تراه طبيب متدرب ماهو مسئول..

‎هديل بقهر\شفت البروود..

‎بس يستاهل فتنت عليه وخليتهم يطردونه من الغرفة..

‎غازي بغمزة\طبعاً بيطردونه لانه وراك من يسندك..

‎ووراهم من ينكبهم اذا غلطوا علينا..

‎هديل بابتسامة\أحياناً تنفع النذالة..

‎غازي\على الطاري..

‎نيمي ذياب بفراشه وتجهزي فيه ضيوف جايين يزورونك..

‎هديل بفرح\صوفي...؟؟

‎غازي\إيه صوفي وضيوف ثانين..

‎هديل\مييين لا يكون ماكس..؟؟

‎غازي\لساتك حاقدة على ماكس..؟؟

‎هديل\على ماكس وصاحبه ولا راح اسامحهم..

‎دخلت غرفة النوم ونيمت ذياب بفراشه..

‎وصلوا روما في وقت متأخر..

‎أخذوهـ لـ المستشفى..

‎قبل لا يتوجهون لشقتهم..

‎والطبيب طمنهم وطلب منهم يزورونه بعد 10 ساعات تكون النتائج وضحت لهم..

‎ويحددون متى وقت العملية يكون..

‎راحوا على الموعد وحدد لهم وقت العملية..

‎بعد ثلاث ايام..

‎سمعت صوت جرس الباب..

‎بدلت ملابسها وسرحت شعرها..

‎طلعت من الغرفة وهي متوقعة تقابل صوفي..

‎أنصدمت لما شافت سارة وراكان وعبدالله..

‎رجعت غرفتها بسرعة مفتشلة من راكان شافها بلبسها وشعرها..

‎أبتسمت بفـــــــرح..

‎لما ادركت إن هلها معها في ايطاليا..

‎أنبسطت كثير..

‎بدلت ملابسها بسرعة ولمت حجابها على راسها..

‎طلعت لهم وسلمت عليهم..

‎ماكان في الصالة الا عبدالله وسارة..

‎هديل مبسوطة\هلا والله فديييييييييييتكم..

‎ضمها عبدالله بقوووة وسلم على راسها..

‎عبدالله\والله اشتقت لك..

‎هديل\فديييييييييته الإيطالي..

‎عبدالله\كيفك وكيف ورعك؟؟

‎والله مشتاقين لكم مرة..حتى لهواشه..

‎هديل\عساني فدوة لك يا ابو علي..

‎الحمدلله أنا بخير وورعي بخير..

‎سارة\وهـ يابعد تســـــبدي..

‎ماتبين ترحبين فيني..؟؟

‎هديل\هههههههههه السووووري يا بعدهم انتي..

‎ضمتها وهي تضحك مبسووطة بشوفتها..

‎سارة\وش رايك فيني..؟؟

‎هيت زوجي وعيالي وربعي وجيييتك..

‎هديل\يافديييييييييتك ..

‎والله والله فرحت فيكم ونسيت كل شيء..

‎سارة بحنية\طمنيني عنك كيفك؟؟

‎كيف ولدك؟؟وزوجك كيفه معك..؟؟

‎جلسوا وهديل متمسكة بيد سارة..

‎هديل\الحمدلله حالنا يسرك..

‎ذياب وأنا بنسوي العملية بعد ثلاث أيام..

‎وإن شاء الله ربي يهونها..ويشافيها..

‎سارة\آآآآآآآآآمين يارب العالمين...

‎عبدالله\أبوي وجدتي وكلهم يسلموون عليك..

‎هديل\أبوي ماجاء معكم..واخواني..؟؟

‎عبدالله\جدي معتكف في الحرم..

‎إن شاء الله لما ينهي إعتكافه بيجي هنا..

‎أما عمامي وجدتي فابوي ماخلاهم يجون..

‎هديل بإستغراب\ليـــه.؟؟

‎سارة بحدة\عبيييد رح مع زوج عمتك وراكان..

‎عيب تجلس مع الحريم..

‎عبدالله\لا عندي رسالة ابي اوصلها لهدوولة من ابوي..

‎سارة\خلاااص بعدين..هي بتطير يعني..؟؟

‎قول لها بعدين..يالله رووح..

‎عبدالله\اووووف منك..

‎طيب رايح..هدوولة ترى بانام عندك الليلة..

‎هديل تبتسم\عيوووني لك..

‎؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

‎كنت آسولف وقلت آسمه . .

‎بــ [ آلخطآ ]

‎عضيت شفآهي وآرتبكت

‎وآللي سمعني من ربكتي

‎آبتسم وقآل : ....

‎كمـــل محد سمع ..

‎راح عبدالله وسارة هاوشت هديل..

‎سارة\وش عيوني لك..عيب استحي على وجهك..

‎خليه يروح معنا الفندق..

‎هديل\مالك شغل خلييه يونسنا..

‎سارة\ههههههههه ماظنتي زووجك بيتحمله..

‎هديل\لا عادي غـــاز........

‎عضت شفايفها ومانطقت باسمه..

‎قطعت كلامها ورفعت عينها بعين سارة..

‎سارة بمحبة\ماسمعت..

‎هديل تتنهد\اقصد عادي..ماراح يغلبه عبووود..

‎سارة\بصراحة عليك زووج..

‎مدري كيف صدتيه..

‎هديل\ههههههههه لو مو متزوجة أنتي عطيتك إياهـ..

‎سارة بعتب\خليك عاقلة وإحتفظي بزوجك طول ماهو زوجك..

‎بكره اذا افترقتوا ارخصيه بكيفك..

‎هديل\ماعلينا من هـ الحكي..

‎امي ليه ماجات..؟؟توقعت إنها ممكن تجي..

‎بعد إتفاقي مع علي وحنان..

‎سارة\حنان سقطت الله يعوضها خير..

‎هديل\لاااااا..الله يعوضها..

‎متى صار هذا الشيء..؟؟

‎سارة\قبل ثلاث أيام..

‎ولاكانت هي وعلي بيجون مع عبوود..

‎هديل\وأمـــــــــي..؟؟

‎سارة\علي مايبيها تجيك الا وهو معها..

‎والله العالم عن اسبابه..

‎هديل\هادي كيفه..؟؟

‎سارة\الحمدلله بخير..

‎سالت سلمان عنه وقال انه سافر..

‎هديل\سافر..؟؟

‎يعني جاي إيطاليا ولا وين راح..؟؟

‎سارة\سافر أستراليا..

‎هديل\الله يرده بالسلامة..

‎سارة\تعالي ليش ماتردين على جوالك؟؟

‎ولا تتصلين على هلك..؟؟

‎مو عيب عليك..ولا رجعتي لزوجك نسيتي هلك؟؟

‎هديل تضحك\ههههههههههههه انتي غريبة عجيبة..

‎أتصلت عليهم بس مايردوون..

‎سارة\مايردون؟؟!

‎عنبوا ابليسك جيبي عذر يتصدق..

‎هديل\مالك شغل..حرة شخصية..

‎اندق جرس الباب ..

‎طلع غازي من البلكونة اللي كان جالس فيها مع راكان وعبدالله..

‎فتح الباب ودخلت صوفي ومعها ماكس..

‎رحب فيها غازي وهي طنشته ودخلت من دون ماتسلم عليه..

‎ضحكت هديل لما شافت حركة صوفي..

‎وزاد عليها غازي لما كان بيصكها بالباب قبل تدخل..

‎تغيضه دائماً بحركاتها..

‎ضمتها بقووووة وهي تقبلها على خدها..

‎صوفي بفرح\يارثت الثياب..كم إشتقت لك..

‎هديل\ههههههههههه أحبـــك..

‎صوفي\آآآهـ وأخيراً عدتي إلى هنا..

‎هديل\لم استطع فراقك اكثر..

‎صوفي\يالك من قزمة كاذبة..

‎هديل\أعرفك..هذه قريبتي سارة..

‎صوفي تصافحها\أهلاً تشرفت بمعرفتك..

‎سارة\هديلووهـ وش ذا الطويلة تقول..؟؟

‎هديل تبتسم\سارة هذي صديقتي واختي وحبيبتي فاطمة..

‎سارة\هذي الطويلة المخلعة اسمها فاطمة..

‎هديل\سارة واللي يرحم امك لاتنكبينا مع صوفي..

‎سارة\وشش قلت انا..؟؟

‎صوفي\الن تفهم قريبتك علينا..

‎سارة\يس افكوورس..

‎صوفي تبتسم\نااايس..

‎هديل\سارة ترى فاطمة مصممة ازياء معروفة..

‎سارة\بجد..؟؟خليني افلس زوجي بعد تسبدي..

‎اجي ايطاليا والتقي بمصممة ازياء..

‎عسى امي راضية علي بس..

‎هديل\هههههههههه فديتك يا السوري..

‎صوفي\أين وولفي..؟؟

‎هديل\نائم الآن..

‎صوفي\امممم سأذهب لاراهـ..

‎هديل تمسكها\والله ماتروحين..

‎ادري بتصحينه من نومه بحركاتك..

‎صوفي\هههههههههه مابك أتركيني..

‎هديل\لا..لن تري وولفي الآن..

‎أعرف ماستفعلين..لم انسى كيف كنتي توقظينه..

‎صوفي\أرجووك ديييل..

‎أنا مشتاقة له كثيراً..

‎هديل\صوفي حبيتي..

‎إن استيقظ الآن لن ينام بسهولة..

‎وانا اريد أن أسهر معك..

‎سارة\وش عندكم..هديلووهـ دخليني جو معكم..

‎هديل\اول خليني اضيف ضيوفي..

‎عيييب ساعة من جيتوا ماضيفتكم..

‎سارة\وتحسبين بنشرهـ عليك..؟؟

‎ما اتصلتي علينا من بعد مارحتي معه..

‎فكيف نشرهـ اذا ماضيفتينا..

‎هديل تبتسم\الله لا يطيح مسلم بلسانك..

‎راحت المطبخ جهزت القهوة الإيطالية..

‎لأنها المتواجدة عندها..

‎ومن الحلويات اللي موجودة مع اللي جابتهم سارة وصوفي..

‎نادت عبدالله..

‎أخذها منها وضيف الموجودين..

‎رجعت لصوفي وسارة..

‎وأنتبهت على كلام سارة..

‎سارة\وت وت اممم يو تفصلين..؟؟

‎صوفي\؟؟؟؟؟؟؟؟؟؟

‎سارة\ردي يامال الطرم..

‎المفروض تحاولين تفهمين كلامي..

‎مثل ما احاول اوصل لك السؤال..

‎هديل\ههههههههه سارة..

‎شوي وتكفخينها..

‎سارة\بتنفقع مرارتي..

‎كل ما قلت لها شيء تبتسم وتقول وت..

‎هديل\لانها ماتفهم عليك ياقلبي..

‎سارة\أقول لها أنتي جميلة ورشيقة..

‎ابي ادهن سيرها بكم كلمة عل وعسى تصمم لي فستان..

‎أرجع فيه لبعد تسبدي..

‎صوفي حمقت\وجع..

‎سارة بشهقة\هئئئئئئئئئئئئئئئ انا وجع..؟؟!

‎هذا وانا اقول يالطويلة يالنحيفة..يالجميلة..

‎أجل لو قايلة يالماصلة الناشفة المعجزة وش تقولين..

‎صوفي\ما اللذي تقولينه ايتها المتنمرة..

‎آآآهـ بكل تاكيد لن احبك ولن أرضى بالكلام معك..

‎لانك لا تعرفين كيف تنسيقين الوان ملابسك..

‎هل يرتدي أحداً ما في هذا العصر ماترتدين..؟؟

‎أنظري الى حجابك لا يتناسب لونه ابدأ مع لون عينيك..

‎أو هذا البنطال اللذي ترتدينه..هل تعلمين ان نوعية قماشه..

‎تجعلك تبدين اكثر سمنة مما أنتي عليه..

‎أنتي مشروع يجب أن اقوم بإصلاحه..

‎سارة\عنبوا ابليسها حكت ما سكتت..

‎جب يالعصلا..الشرهه على بنت عمي اللي مصاحبتك..

‎هديل\هههههههههههه خلااااص هشششش..

‎اسكتوا يادوبااات..

‎ههههههههههههههههههههه

‎كملت صوفي وسارة سب في بعض ولاهم فاهمين وش يقولون..

‎وهديل كل ماحاولت توقفهم تضحك ويعصبون على بعض زيادة..

‎هديل\ستووووب..صوفي أنتي لم تفهمي ماتقوله سارة..

‎هي تقول بانها من اشد المعجبين بازياءك..

‎وكم تمنت لو تلتقي بك شخصياً..

‎صوفي بابتسامة\اوووهـ عزيزتي..

‎أنا آسفة لم افهم ما قلتي لي أعذريني..

‎هديل\سوسو فاطمة معجبة بأناقتك..

‎وبإختيارك لملابسك..حتى ملامحك تشبه لعارضات ازياء معروفات..

‎بس رسومك أجمل منهم بكثير..

‎سارة مبسووطة\يافديتها..شكـــراً من ذوقك عزيزتي..

‎وهـ ياهدووول فشلة سبيتها وهي تمدحني..

‎هديل\ههههههههههههه ياربي سامحني..

‎منعت حرب لاتقوم في بيتي..

‎؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

‎سلمت على راكان قبل يطلع مع هله..

‎طلبت عبدالله يظل عندها بس عبدالله مارضى..

‎فهمت ان راكان هاوشه وحذرهـ مايبقى عندها..

‎ودعتهم..

‎وبعدهم طلع ماكس ومعه صوفي..

‎سالت صوفي كيف رجعت لماكس..

‎بس ماقدروا يتكلمون وسارة ماتفهم عليهم..

‎فتواعدت معها تزورها من بكره وتقول لها كل شيء..

‎دخلت غرفة النوم..

‎تحممت ولبست بجامتها..

‎نامت بس ظلت تفكر في غازي..

‎نظراته غريبة عليها..

‎هو بان عليه معصب لما جاو هلها..

‎بس ماله حق يزعل او يهاوش..

‎غمضت عيونها وهي تدرك غن سبب غضبه ماهم هلها..

‎بل لأنها طلعت قدام راكان بلبسها وشعرها مكشوف..

‎تنهدت بضيق..بيقلب الأمور عليها..

‎اللي يشوف حالتهم بهذا الوقت..

‎بيقول مستحيل هذولاء يستمرون..

‎وهي بتقول بالعكس هذا التفاهم بينا..

‎أجل لو قابلتونا في وقت الهواش والتملك وش تقولون..؟؟

‎وقفت وطلعت من الغرفة..

‎شهقت بقوة لما شافته مشغل التلفزيون..

‎ويشوف شريط فديو خاص فيها مع ذياب..

‎قربت منه ووقفت ورى الكنبة..

‎انتبه عليها ومد يدهـ لها..

‎حطت يدها بيدهـ من غير وعي..

‎وهي تشوف لقائها الاول مع ذياب..

‎لما كانت صوفي تصورهم..

‎أبتسمت وهي تشوف حجم ذياب صغير بحضنها..

‎كان باين عليها التعب والحزن..

‎حتى كلامها لذياب صدمها كثيـــــــــر ..

‎نست اغلب كلامها له..

‎تتكلم عن ابوهـ..وإنها بتنسبه له وبـ الاسم اللي لازم يحمله..

‎حست بيد غازي تضغط على يدها بقووووة..

‎صرخت بخجل لما شافت إنها تتحضر عشان ترضعه من صدرها..

‎حطت يدينها على عيون غازي..

‎هديل\لاااااااا..لا تشوووف..مالك دخل لا تشووف..

‎غمض عيووونك..

‎ضحك على تصرفها وبعد يدينها من على عيونه..

‎مشت بسرعة تبي تطفي التلفزيون..

‎ماتبيه يشوفها بهذا الشكل بتموت من الإحراج..

‎مسكها قبل تطفي التلفزيون وهو يضحك على تصرفاتها..

‎حاولت تخلص نفسها من بين يدينه..

‎هديل\لااااا ابعد..غازي لا تشوووف..

‎قليل ادب مالك شغل تشوف شريطي..

‎غمض عيووونك..

‎غازي يضحك\ههههههههههه أقووول إجلسي..

‎جلس وضمها في حضنه..

‎وعاد اللي فاته من الشريط..

‎وثقها له بقوووة وهي تتحرك تبي تفلت منه وتاخذ الريموت من يدهـ..

‎إلى الملتقى فجر

‎كونوا بخيــــــــــــر ..

‎صدووود