نهي بخضه: اه تيته ماتت وله البيت بيولع؟
الجده: هتموتيني يا بنت بنتي.
نهي: اده تيتا انتي كويسه الحمد لله.
الجده: انا كويسه يا اختي بقالي ساعه بصحي فيكي وتليفونك مبطلش رن ولمنبه رن وانتي بردو مصحتيش، اعمل ايه تاني فيكي عشان تصحي؟ ياله قومي عشان الجامعه.
نهي: في حد بيصحي حد كده يا عسل انت؟
الجده: قومي يا اختي.
نهي بخضه: احيه! ايه كل ده اتصال من هدير وكرما وعلي ومحمود وزفت مالك؟
الجده: انتي عارفه الساعه كام دلوقتي اصلا؟
نهي: احيه احيه احيه! الساعه 10 ده انا هروح اخد علقه حلوه من الكل.
نهي قامت تجري، لبست بنطلون جينز وبلوزه بيضه وكوتش ابيض، عملت شعرها ديل حصان ونزلت، ركبت مع السواق ووصلت الجامعه وهي بتجري.
(نسيت اعرفكم بنفسي، انا نهي، عندي 20 سنه، بشره بيضه وعيون عسلي فاتح وجسم اي حكايه، ولا تخينه ولا رفيعة يعني مناسب، وشعر اسود طويل، بصوا حاجه كده متتخطرش على البال، هبله ومجنونه ومروقه. بحب النوم وصحابي وبس. انا مروقه شويه شويه، لا شويه كمان، تلاته اربعه خمسه، انا اكتر واحده مجنونه في الشله دي، بس بحبهم اوووووووووووووي، بعتبرهم كلهم اخواتي. عايشه مع جدتي، بابا وماما عملوا حادثه وماتوا فيها.)
راحت نهي وهي بتجري خبطت في مالك.
نهي: انت اعمي؟ هو انت بتعمل ايه هنا؟ مش في المحاضره ليه؟
مالك: اهدي اهدي على نفسك كده مالك.
نهي: سيبني دلوقتي، اتاخرت على المحاضره وانت عارف علينا مين دلوقتي.
مالك بابتسامه: ما انا عارف وجيت متاخر زيك، ودخلت راح تراضيني يعني، متخوشيش احسن.
نهي: يا خربيت برودك يا اخي، هو انت حلوف؟
مالك: انا غلطان اني بنصحك، روحي خشي عشان تتردي قدام زميلك زي كل مره. روحي.
نهي: خلاص يا عم مالك، هتروح فين دلوقتي؟
مالك: هروح فين يعني؟ هروح اقعد في الكافيه عقبال ما يخرجوا.
نهي: طب خدني معاك بقى، بس انت اللي هتدفع، ماشي يا زميكس؟
مالك: تعالي يا جموسه، ما انتي همك على بطنك.
نهي: شكرا يا كيمو، شكرا.
مالك بابتسامه: مرسي يا قلب كيمو.
نهي: ولا امك كانت بتتوحم على ايه وهي كانت حامل فيك؟
مالك: كانت بتتوحم على البرود والتناحه والرخامه زيك كده يا عسل قلبي.
نهي: ما انا قولت كده برضو، مش واحد طبيعي انت.
مالك: هههههههههه. تعالي تشربي ايه؟
نهي: اغلى حاجه موجوده عندك عشان النهارده استاذ مالك اللي هيدفع.
مالك: يا بنت الجزمه! عايزه تغرميني وخلاص؟
نهي بخبث: بصراحه اه.
مالك: ماشي، هو احنا عندنا كام نهي يعني؟
نهي بابتسامه: تسلملي يا قلب نهي.
(اعرفكم بمالك، ده البست فريند بتاعي، انا بس بحبه جداااااااااااا، بعتبره اب وام واخ واخت ليا، هو اكتر واحد وقف جنبي ومسبنيش ابدااااااااااا، احنا صحاب من واحنا صغيرين. مالك حاجه كده متتتوصفش، شاب عنده 20 سنه، بشره بيضه وعيون بني وشعر يجنن، شاب جدع وطيب جداااااااااااا، بيعتبر كلنا اخواته، مفرقش حد بينا.)
علي وكرما ومحمود وهدير خرجوا من المحاضره.
مالك: اهلا وسهلا.
كرما: ونبي اسكت عشان كل واحد مش طايق نفسه.
نهي: في ايه مالكم خارجين من المحاضره عاملين كده ليه؟
علي: احنا عاملين كده عشان عندنا امتحان الحصه الجايه.
مالك ونهي في صوت واحد: احيه احيه!
نهي: يالهوي يالهوي يالهوي.
مالك وهو بيضرب على وشه: انا مش مذاكر حاجه من الماده دي، يالهوي يالهوي يالهوي.
نهي وكرما ومحمود وعلي وهدير في صوت واحد: يعني احنا اللي مذاكرين؟
محمود: لا وكمان في مفاجأة كمان.
نهي: اسكت، كفايه المفاجأة دي، بصراحه انتوا تبشروا بالخير.
هدير: المفاجأة دي ان الامتحان مش هيكون سهل خالص.
كرما: طب هنعمل ايه دلوقتي؟
نهي: اتكلم يا مالك.
مالك: لا رد.
نهي: مالك، هو انت اكلت سد الحنك؟
علي: ده شكله من الصدمه بس.
نهي: مااااااالك!
مالك بخضه: ايه؟ في ايه؟ الاستاذ مات الحمد لله مفيش امتحان.
الكل: ههههههههههههههه.
مالك: انتوا بتضحكوا على ايه؟ اكننا هنتفرم.
هدير: طب هنعمل ايه؟
نهي: انا مش عارفه.
مالك: انا عندي فكره.
الكل في صوت واحد: ايه؟
مالك: نموت الاستاذ ده ونخلص منه ويبقى كده مفيش امتحان ولا غيره.
نهي: هو ده الحل، احنا كلنا نتجمع عندي نذاكر مع بعض، واللي محضرش محاضره يشرحه اللي اتقال. اتفقنا؟
علي: فكره حلوه، ماشي، انا موافق.
محمود: وانا كمان موافق.
كرما: وانا كمان.
هدير: وانا كمان.
نهي: وانت يا مالك؟
مالك: هقول ايه يعني؟ ماشي، بس بعد الامتحان ده هنروح رحله مع بعض.
الكل: اتفقنا.
نهي: هو الاستاذ ده علينا امتى تاني؟
كرما: علينا الاسبوع الجاي يوم الاربع.
نهي: كده حلو، حتى نلحق نذاكر شويه.
علي: خلاص كده، من بكره هنروح عند نهي.
الكل: ماشي.
كل واحد راح بيته. مالك وصل نهي، وعلي وصل كرما، ومحمود وصل هدير، كل واحد نام.
وجي تاني يوم في الجامعه.
نهي: ايه يا شباب؟
مالك: ايه؟
نهي: مالكم؟
علي: هنكون ملنا يعني؟
نهي: فكوا بقى، اهو امتحان وخلاص.
كرما: بس انا خايفه اوي من الامتحان ده.
هدير: وانا كمان.
نهي: في ايه يا شباب؟ هو احنا بنخاف من حاجه؟
الكل: لا.
نهي: يبقا خلاص، هنذاكر وهنحل كويس ان شاء الله.
مالك: طب ياله بقى عشان نروح ولا ايه؟
نهي: ياله.
كلنا ركبنا في عربية مالك. كرما ومحمود وعلي ورا، نهي قدام جنب مالك، وهدير على رجل كرما.
كرما: هو احنا هنوصل امتى بقى؟ رجلي خلاص هتطق وتقول اه يانه يا رجلي.
الكل: هههههههه.
مالك: خلاص وصلنا اهو. ياله انزلوا.
الكل نزل ماعدا كرما.
علي: انزلي يا بنتي.
كرما: مش قادره يا علي، هطولي ونش يشلني.
علي بخبث: طب اجي انا اشيلك بدل الونش؟
كرما: ولا روح العب بعيد.
علي: انا غلطان، خليكي.
كرما: خلاص يا خويا، امتى... اه.
علي: طب هاتي ايدك امسكيكي.
كرما: تعرف ان انت يا علي اكتر شخص واقف جنبي.
علي بابتسامه: ربنا يديني طولت العمر وافضل جنبك.
كرما: ربنا يخليك ليا يارب.
علي: ويخليكي ليا.
كلنا طلعنا فوق.
الجده: اهلا يا ولاد.
مالك: عامله ايه يا ست الكل يا عسل يا سكر يا جميل انتي.
الجده: ولا انت بتقولي كده عشان بقالك كتير مسالتش عليا، ماشي يا مالك.
مالك: والله غصب عني، ولا ايه يا نهي؟
نهي: اه يا تيتا، ده عمال يذاكر طول الليل والنهار يا عيني.
الكل: ههههههههههه.
مالك: شوفتي؟
الجده: ها، حول اصدق، ماشي.
نهي: طب يا تيتا يا عسل، احنا هنطلع فوق نذاكر شويه، وعملنا عصير الليمون من ايدك الحلوه دي بقى.
الجده: حاضر، ربنا معاكم يا ولاد.
الكل: يارب.