بدأ يفتح عينيه ببطء، وبدأ ينظر حوله. استغرب جداً وبدأ يستوعب.
وجدها نائمة بجانبه بقميص قصير جداً، وحس أن دماغه ثقيل. رفع الغطاء ليقوم، وهنا تفاجأ جداً عندما وجد الدم على السرير.
مراد: تسنيم.
تسنيم: مممم.
مراد: تسنيم، افوقي. إيه اللي حصل بينا؟
تسنيم: مراد.
شدت الغطاء على جسمها: انت صحيت.
مراد: بقولك إيه اللي حصل بينا.
تسنيم: هو انت مش فاكر؟
مراد: فاكر إيه؟ انطقي.
تسنيم وبدأت تبكي: انت نمت معايا؟ وأنا لو أمي عرفت هتقول لخالو، وساعتها هيقتلوني.
مراد: ده بجد؟
تسنيم: انت هتتخلى عني؟
مراد: يا الله. متقلقيش، مش هسيبك. كل واحد بيتحمل نتيجة أخطائه.
تسنيم: شكراً يا مراد. أنا بجد خايفة.
خرج من غرفتها وذهب إلى غرفته، وكانت ليلة هناك.
ليله: انت كنت فين؟
مراد: اا... انتي هنا من إمتى؟
ليله: بقالي شوية. انت بقا كنت فين؟
مراد: كنت... كنت عندك.
ليله: عندي؟
مراد: اه، روحت أشوفك وكنت أنا كمان مستنيكي.
ليله: بجد؟
مراد: اه بجد. هاخد شاور بسرعة وأجيلك.
خرج بعد شوية.
ليله: قولي بقا في إيه؟
مراد: على إيه؟ مش فاهم.
ليله: مراد، أنا حافظاك. وانت مكنتش نايم في أوضتك أصلاً. السرير مترتب، وهدومك زي ما هي من امبارح. يعني انت مكونتش هنا.
مراد: هو أنا أول ما أعلمك شغل الملاحظات تشتغليه عليا!
ليله: مراد، متغيرش الموضوع.
مراد: مفيش يا ليله.
ليله: على فكرة انت بتكذب عليا. لما تعرف تقولي إيه، أبقى كلمني. سلام.
خرجت من غرفته. وهيا داخلة سمعت صوت بتكرهه.
تسنيم: ليله؟
لفت إليها: افندم؟
تسنيم: شكلك متضايقة.
ليله: دي حاجة متخصكيش.
تسنيم: هيييح، يعني مراد مقاللكيش.
ليله: مقاليش إيه؟
تسنيم: هااا... ولا حاجة، ولا حاجة.
ليله: إيه اللي حصل يا تسنيم؟
تسنيم: مفيش، متشغليش بالك.
ليله: مراد كان عندك امبارح؟
تسنيم: هو قالك؟
ليله: يعني كان عندك.
تسنيم: ...
ليله: متنتقي.
تسنيم: مراد هيتجوزني عشان اللي حصل بينا.
إيمان: خلاص، اهدي. كفاية عليكي كده.
ليله: أنا مش قادرة أستوعب ليه. أنا بحبه أوي والله.
إيمان: بس ليه مراد هينام معاها وهو بيحبك انتي؟
ليله: مش عارفة. ومش عارفة أعمل إيه عشان أخلص من اللي أنا فيه.
إيمان: انتي جاية لوحدك ولا معاكي حد؟
ليله: جايه لوحدي مع السواق.
إيمان: يعني مراد مش معاكي؟
ليله: لأ.
إيمان: أنا بفكر إني أواجهكوا ببعض يا ليله.
ليله: لأ، مش هقدر.
إيمان: صدقيني ممكن الأمور تتصلح.
ليله: أو تسوء أكتر.
إيمان: أكتر من كده؟ مظنش. بس يمكن ده يكون حل أحلى من البُعد.
ليله: مراد أصلاً مش هيوافق.
إيمان: ليه؟
ليله: مببيحكيش لحد أي حاجة عنه، وكلنا دايماً بنتفاجئ.
إيمان: أنا هحاول أقنعه. متنسيش إني دكتورة.
ليله: تمام. أقنعيه بقا لو قدرتي.
خرجت، ولقت مراد في وشها.
ليله: مراد!!
مراد: انتي إزاي تخرجي لوحدك؟ بعد كده لو عايزة تروحي في حتة أكون عارف.
ليله: أولاً أنا مخرجتش لوحدي. ثانياً انت ملكش دعوة بيا.
مراد: ليله، متنفذنيش. كل تحركاتك إنتي اللي هتقوليهالي بنفسك.
ليله: لأ، مش هقولك. وانت مش من حقك تأمرني.
مراد: طيب، أنا هتعامل معاكي على إنك تعبانة شوية ومعذورة.
ليله: لا، أنا لا تعبانة ولا معذورة. وفي أي وقت هقولك انت ملكش دعوة بيا.
مراد: ليله؟
ليله: قولتلك متتطقش اسمي.
مراد: يلا قبل ما أعمل حاجة مش هتعجبك.
ليله: مش همشي معاك.
مراد بحده: ليله، يلا.
ليله: لأ.
شالها تحت صدمتها ونزل بيها وفتح العربية وحطها. وكل ده تحت اعتراضها.
قفل العربية بالزرار الإلكتروني، وهيا حاولت لكن طبعاً لم يفتح.
ليله: نزلني.
مراد: ....
ليله: بقولك نزلني وملكش دعوة بيا. روح شوف حبيبتك.
مراد: ....
ليله: انت بارد على فكرة.
وصل الفيلا ونزلوا.
ليله: أنا بحذرك لآخر مرة يا مراد. ملكش دعوة بيا.
قالت كلامها ومشيت من قدامه بسرعة.
بالليل كان مراد قاعد بيشتغل على اللاب توب وفونه رن.
مراد: أيوه، مين معايا؟
إيمان: ازيك يا أستاذ مراد؟ أنا دكتورة إيمان، دكتورة ليله.
مراد: أه، أهلاً وسهلاً. في حاجة ولا إيه؟ ليله فيها حاجة؟
إيمان: لا، متقلقش، اتطمن. أنا بس كنت حابة إنك تشرفني في العيادة.
مراد: والسبب؟
إيمان: أنا بقول بلاش في الفون.
مراد: طيب، حضرتك فاضية دلوقتي؟
إيمان: أه، فاضية.
مراد: خلاص، مسافة السكة هكون في العيادة.
إيمان: تمام، مستنياك.
بعد نص ساعة كان قدام العيادة. طلع ودخل على طول.
مراد: قلقتيني. ليله فيها حاجة؟ كويسة ولا لاء؟
إيمان: اهدي، متقلقش. ليله كويسة. أنا بس طلبتك عشان موضوع معين.
مراد: اتفضلي، سامعك.
إيمان: ليله اتعرضت لصدمات كتير. ودي مش أي صدمات. صدمات من أقرب ناس ليها وأكتر ناس بتحبها. يعني إنك تتجوز الإنسانة اللي هيا بتكرهها، وإنك تتخلى عنها وتعاملها ببرود وميهمشك أمرها، وانت بالنسبالها كل حاجة.
مراد: والمطلوب؟
إيمان: أواجهكوا ببعض. انت تقول مبرراتك، واللي مزعلك منها لو فيه، وهي تقولك مبرراتها واللي مزعلها منك.
مراد: وده هيحسن من حالتها في رأيك ولا هيسوأها أكتر؟
إيمان: دي مخاطرة لابد منها. بس أعتقد إنها ممكن تحسن من حالتها. وخصوصاً إنها رافضة تستقبل أي خبر بعد خبر جوازك.
مراد: ولو هيسوأ حالتها؟
إيمان: منا قولتلك دي مخاطرة.
مراد: وأنا مش هقدر. أسف.
إيمان: انت المفروض إنك بتحبها.
مراد: أنا محبتش غيرها.
إيمان: يبقى مستعد تعمل أي حاجة عشانها.
مراد: بس أكون واثق إنه هيسعدها.
إيمان: انت مقدامكش حل تاني. لأنها عايزة تبعد، ومش هتستحمل تشوفك يوم فرحك.
مراد: تبعد إزاي؟ مش فاهم.
إيمان: تبعد عند خالتها. هتسافر لها ومش هتنزل دلوقتي خالص.
مراد: لاء، دي حاجة مش هتحصل.
إيمان: لو هي عايزها هتنفذها.
مراد: بصي... أنا محبتش ولا هحب حد قد ليله. وعمري ما فضلت حد عليها. هيا بالنسبالي كل حاجة حلوة. حياتي من غيرها مش حياة أصلاً. فانا مش هسمحلها تبعد، ولو ده هيسوأ من حالتها. بس ليله مش هتبعد عني يوم واحد.
إيمان: وبتسمي جوازك من تسنيم ده إيه؟
مراد: دي حاجة مش هقدر أقولك ولا أقول لأي حد سببها.
إيمان: لأنك نمت معاها ولازم تتحمل نتيجة أخطائك.
مراد: مش ده السبب الرئيسي. بس أنا حابب أطلب منك طلب لمصلحة ليله. حاولي تشيلي من دماغها فكرة السفر دي خالص. وساعتها هيا مش هتنendam.
إيمان: بس كده، صدقني حالتها هتنهار.
مراد: ليله مسؤولة مني أنا. كل اللي عليكي أقنعيها وبس. لأنها مش هتتقبل مني أي كلمة.
إيمان: واجهها انت هيكون أفضل، صدقني. مينفعش تسيبها كده. انت مش متخيل الخطورة اللي ممكن توصلها لما تحس إنها مش مرغوبة، وممكن تتصرف بغرابة.
مراد: زي ما قولتلك، أنا مستعد لأي حاجة، بس لو هكون عارف إن الحاجة دي ممكن تسبب لها ولو ١٪ بس من السوء، أنا ساعتها مستحيل أعملها ومش هخاطر.
إيمان: ساعات بنكون مضطرين. وأعتقد إنك تواجهها أفضل بكتير من إنك تتجاهلها.
مراد: ومين قالك إني هتجاهلها؟ أنا معاها خطوة بخطوة. عن إذنك.
إيمان: فكر كويس يا مراد. ليله لو بعدت يبقى منك انت.
مراد: فكرت. ومش هواجهها. لأن كلها كام يوم وكل ده يخلص.
عدت الأيام، وجه معاد الدكتورة.
ليله قبل ما تروح العيادة كانت بتتكلم مع مامتها.
ليله: مش هقدر أحضر الفرح يا ماما. اعذريني.
خيرية: عارفة إنه صعب عليكي يا حبيبتي. بس ده مش حل.
ليله: أنا دورت على كل الحلول، وده أنسب حل. عشان أرتاح.
خيرية: هو هيتجوز ومش هخليه ييجي، ولا إحنا هنروحله. ومش هخليكي تشوفيه أبداً. بس بلاش السفر.
ليله: أنا حابة أغير المكان. وبعدين خالتي بتتحايل عليا أصلاً بقالها كتير، وأنا لقيتها فرصة. وهتصل عليكي كل شوية والله، وهكلمك فيديو كول كأني معاكي في البيت.
خيرية: صعب عليا يا ليله. صعب. انتي لو روحتي مش هتعرفي تنزلي غير بعد سنتين. وبعدين مش هكون متطمنة. ديما كان مراد بيبقى معاكي، دلوقتي لأ.
ليله: كده أفضل ليا. وبعدين هنزل في أقرب فرصة ليا والله. أحسن من إني أكون موجودة هنا وحاسة إني مخنوقة، وساعتها بقا مش هكون مسؤولة عن تصرفاتي ومش هتلاقوني.
خيرية: خلاص، اللي يريحك يا حبيبتي.
ليله: طيب، متزعليش.
خيرية: خلاص يا ليله.
ليله: على فكرة أنا بحبك.
خيرية: وأنا أكتر.
ليله: ممكن متقوليلهوش؟
خيرية: مقولش لمين؟
ليله: مراد.
خيرية: إزاي يا بنتي؟ ومين هيخلص لك الإجراءات ويوصلك المطار؟
ليله: أنا هتصرف، بس ياريت متقوليلهوش.
_: هو مين ده اللي متقوليلهوش؟ ومتقوليلهوش إيه بالظبط؟
خيرية: مراد. مفيش يا حبيبي، كانت بس بتاخد رأيي في حاجة.
مراد: وأي الحاجة اللي بتاخد رأيك فيها؟
ليله: وانت مالك.
خيرية: حاجة تخصها هي.
مراد: أيوه، إيه هيا بقا؟
ليله: يووووه. انت مبتفهمش. قالتلك حاجة تخصني.
مراد: خلي بالك، أنا ساكتلك بالعافية.
ليله: لاء، متسكتش. وريني هتعمل إيه.
مراد: هعمل كتير، وانتي عارفة.
خيرية: الاه. بطلوا شغل عيال صغيرة وشوفوا وراكوا إيه.
مراد: يلا يا هانم قدامي.
ليله: قدامك فين إن شاء الله؟
مراد: مش عندك معاد مع الدكتورة؟
ليله: هروح مع عم محمد.
مراد: لاء.
ليله: والله أنا بقولك مش باخد رأيك.
مراد: وأنا برضو بعرفك، مش باخد رأيك.
قرب عليها وطلع منديل من جيبه ومسح شفايفها: قولت القرف ده ميتحطش على وشك تاني.
ليله: وانت مالك انت أصلاً؟ روح شوف حبيبة القلب اللي مبتسبش حتة فاضية في وشها أصلاً. العروسة المنتظرة.
خيرية: اهدوا يا ولاد. روحي يلا يا ليله وبلاش عناد.
ليله: قولتلُه ملهوش دعوة بيا قبل كده. ليه مصمم يضايقني؟
مراد: أنا خايف عليكي. ولا عاجبك اللي حصلك آخر مرة لما خرجتي لوحدك؟
ليله: أنا حرة. ياريتك أصلاً عرفت تنقذني. بس أنا مليش حد في الدنيا دي. انت كسرتني.
مراد: عارفة انتي محتاجة إيه؟ شوية صبر. هما شوية صبر يا ليله.
ليله: أصبر على إيه؟ على يوم جوازك؟ ولا أصبر لحد ما ألاقيك ساحب عيالك من واحدة تانية وراك؟
مراد: اصبري كام يوم بس. وساعتها ممكن تفهمي. ودلوقتي يلا عشان منتأخرش.
خرجت معاه وهيا بتفكر في كلامه.
مراد: خليكي واثقة فيا شوية أرجوكي. أنا محبتش ولا هحب قدك.
ليله: وأنا مبحبكش ولا هحبك في يوم من الأيام.
مراد: عارف إن كل ده من ورا قلبك. بعرفك من نظرات عينك.
ليله: طب ممكن تبص قدامك عشان منعملش حادثة.
مراد: ليله، أوعدك إني هخليكي أسعد إنسانة.
ليله: أنا دلوقتي أتعس إنسانة بسببك. ومش هسامحك على كسرة قلبي دي.
مراد: هنشوف يا ليله، هنشوف.