(عدت فترة الإجازة مابين حب لين لياسين بيزيد أضعاف وتعلقها بياسين بيزيد، وتفضل بصا للتليفون عشان لو رن ترد. في مرة قلبها وجعها من الصبح مش عارفه ليه، وفضلت تدعي ربنا أن باباها يكون بخير هو وياسين لأنهم أغلى اتنين على قلبها ومش عايزة تخسر حد منهم. صلت ودعت ربنا أن ربنا يجيب كل خير ليهم ويبعد عنهم الأذى.)
لين: الووو.
ياسين: الوو، ازيك ياقلبي عاملة إيه؟
لين: الحمد لله، وانت عامل إيه؟
ياسين: الحمد لله.
لين: مال صوتك ياسين، انت تعبان فيك حاجة؟
ياسين: لأ، شوية برد وشوية سخونة بس مش أكتر، وما روحتش الشغل انهاردة، خدته إجازة.
لين بخوف: مش أكتر؟ هو انت كنت عايز أكتر من كدا؟ طيب خدت دواء؟ طيب روحت لدكتور؟ طيب قوم روح لدكتور بسرعة ياسين، قوم.
ياسين: مافيش حاجة ياحبيبتي والله، أنا كويس، خدت دواء وخدت دش دافئ، وإن شاء الله هفوق، متخافيش ياحبيبتي، أنا بخير والله. انتي عاملة إيه؟
لين: أنا مش كويسة طول ما انت مش كويس.
ياسين: ياحبيبتي، أنا كويس والله وبكرة هقوم كويس إن شاء الله.
لين: ياربي.
ياسين: بحبك يا لين.
لين: بحبك أوووي.
ياسين: أنا جبتلك مفاجأة، هتخديها أما تيجي.
لين: إيه هي؟
ياسين: لو قولتها هتكون مفاجأة، يبقى إيه؟
لين: طيب بس قول أول حرف منها، أنا مش بعرف أصبر بصراحة.
ياسين: لأ.
لين بطفولة: عشان خاطري ياسنسن، عشان خاطري أول حرف.
ياسين: لين، أنا بضعف من طريقتك دي.
لين بطفولة: عشان خاطري أول حرف بس، لو قولتها هفضل أقولك كلمت بحبك 100 مرة، يلا بقا عشان خاطري.
ياسين: أولها (س).
لين بتفكير: أولها سين؟ ليه جايب سبورة؟
ياسين: ههه، سبورة بالصاد مش بالسين.
لين: عندك حق، طيب إيه؟
ياسين: متفكريش بقا، خليها مفاجأة.
لين: أنا من النوع اللي مش بعرف أصبر غير أما أعرف هي إيه؟ يرضيك أفضل طول اليوم أفكر فيها ويجيلي صداع من كتر التفكير؟
ياسين: لأ، عشان كدا بقولك متفكريش.
لين: استني، هحاول إني أعرف.
ياسين: يالهوي عليكي، سلسلة يالين.
لين بفرحة: هاي، أخيراً قولتي.
ياسين: خبرتك خاطب طفلة.
لين: خرب بيتي، ليه ياعم، هو أنا لسه دخلته عشان تخرب؟
لين: طيب شكلها إيه أو مكتوب فيها إيه؟
ياسين: مكتوب فيها اسمي واسمك، وقلبين جوا بعض.
لين: واو، شكله هتبقى جميلة جداً، دي هتكون ديما لبساها، عمري ما أشيلها.
ياسين: يعني عجبتك من غير ما تشوفيها؟
لين: ياحبيبي، أي حاجة منك عجباني من غير ما أشوفها، حتى لو كانت لبانة، عجباني.
ياسين: انتي قولتي إيه؟
لين: بقولك أي حاجة منك عجباني، حتى لو لبانة.
ياسين: لأ، اللي قبله.
لين: مفيش حاجة قبلها.
ياسين: لين.
لين بكسوف: نعم.
ياسين: قولتي إيه؟
لين: ما قولتش.
ياسين: يابت قولي، الله.
لين: قصدك على أول كلمة؟
ياسين: أيوا، أهي.
لين: بقا.
لين بضحك: مش عارفة.
ياسين: يابت هاجي أضربك.
لين: خلاص ياعم، هقول.
ياسين: ما من الأول.
لين: ح، ح، ح، ح، ح، مش عارفة أقولها، هي بتطلع تلقائي.
ياسين: حول.
لين: هح، هح، مش عارفة والله، صعبة أوي.
ياسين: حولي وأنا هساعدك.
لين: 1، 2، 3، حبيبي.
ياسين: وانتي قلبي وعمري وروحي وحياتي كلها، ربنا يخليكي ليا ياعمري.
لين بكسوف: ويخليك ليا.
ياسين: أنا عايزك أما تكوني مراتي، بصي على عيلتي اللي هنا، عمامي وعماتي وكده، عايزك معاهم تكون معاملتك سطحية.
لين: ليه كدا؟
ياسين: لأنك مختلفة يالين، تفكيرك غيرهم خالص.
لين: إزاي؟
ياسين: هنا بيلبسوا لبس ضيق وكمان بيبينوا شعرهم شوية، وانتي بسم الله ما شاء الله، لبسك واسع، شعرك متغطي، وكمان بتلبسي بدانتين عشان ما يبانش المرة اللي شوفت شعرك فيها بالطرحة، وبقولك دخلي شعرك زعلتي، أنواع بأن مع إن كانت شعرة واحدة اللي باينة، وانتي زعلتي عليها إنها بانت وقولتي حرام تبان لو بانت وأي حد يشوفها، هو خدي سيئات كتير، ورحتي قطعتي الخصلة اللي بانت. هنا يالين عادي، لبس ضيق، رجل باينة، وشعر باين ومش خايفين على نفسهم.
لين: ممكن أنا أما أجي عندكم ممكن أكون سبب لهدايتهم ومنعهم إنهم يعملوا كدا؟
ياسين: اللي بس تصحبيها هي نورة، دي دماغها زي وذيك برضه.
لين: هشوف الموضوع ده إن شاء الله.
ياسين: إن شاء الله.
لين: أنا عايزة أسألك سؤال، أنا عارفة إن مش هينفع أسأل فيه دلوقتي، بس هو جه في دماغي.
ياسين: اسألي.
لين: لو أول ولد هيكون اسمه إيه؟
ياسين: هسمي على اسم ولدي الله يرحمه.
لين: الله يرحمه، باباك اسمه إيه؟
ياسين: سيد.
لين: يا سبحان الله.
ياسين: في إيه؟
لين: هو لازم اسمي وأنا صغيرة كمان يكون وأنا كبيرة؟
ياسين: مش فاهمة.
لين: أصل وأنا صغيرة ديما كانوا بيقولوا عليا أم سيد، وأنا بحب اسم سيد على اسم واحد على اليوتيوب عسل أوي اسمه سيد.
ياسين: يا سبحان الله.
لين: طيب لو ولد تاني؟
ياسين: مش عارف بصراحة، أنا هسيبلك الباقي، انتي اللي تسميه.
لين: طيب إيه رأيك نخلي الولد التاني سيد، ولا أول قاسم؟
ياسين: مش هينفع، أنا هنا الكبير، لو جبت ولد لازم اسميه على اسم ولدي، أختي برضه أما اتجوزت وجوزها الكبير سما ابنه على اسم ولده، وانتي باباكي كذلك سما أخوكي الكبير على اسم جدك.
لين: ماشي يا أبو سيد.
ياسين: ماشي يا أم سيد، انتي بقا عايزة تسمي البنات إيه؟
لين: بحب اسم حور أو ليان أو همس أو ملاكي.
ياسين: ملاك اسم مسيحي.
لين تزعل: بجد؟ خلاص في أسماء تانية.
ياسين: تعرفي أنا عايزك تجيبي بنوتة عشان أما أجي ألعب معاها أقولها بعشق أمك، وأنا بعشقك ياروح.
لين بكسوف: بس ياسين، بكسف، حرام عليك، لازم تخليني شبه الطماطم كدا.
ياسين: استني عليا، أخليهم طماطم بعد كتب الكتاب عشان آكلهم، أصلهم حلوين أوي وبصراحة عايزين يتباسوا ويتأكلوا.
لين: ياسين، بطل قلة أدب.
ياسين: محدش قالك إني سافل.
لين: عيب، أنا أول مرة أعرف حد عارف نفسه.
ياسين: أنا لين.
لين: نعم.
ياسين: عايزك تصحيني على الساعة 7.
لين: حاضر.
ياسين: انتي عايزة تنامي؟
لين: عادي.
ياسين: روحي نامي عشان تصحي.
لين: حاضر، تصبح على خير.
ياسين: وانتي من أهلي يا عمري ❤️.
(دخلت لين نامت وصحيت على الفجر، صلت وقرأت الورد بتاعها والأذكار لغاية أما الساعة جت 6:30، اتصلت على ياسين واتساب وراحت بعتتله على الشات).
لين: أصحى يا سنسن.
ياسين: صباح الخير.
لين: صباح الورد والياسمين على عيونك، يلا قوم عشان الشغل.
ياسين: بس أنا عايز أسمع صوتك، أنا قولتك ترني عشان تكوني أول صوت أصحى عليه.
لين: معلش، أصلي نايمة مع ماما في الأوضة.
ياسين: طيب مش نايمة في الأوضة بتاعتك ليه؟
لين: أخويا لسه جاي من عندكم امبارح ونايم فيها، وأنا مش هينفع أنام معاه في أوضة واحدة، وأنا ديما بابا مش موجود هنا، بنام مع ماما. مرة تانية أصحيك وتسمع صوتي كمان، يلا قوم خد شور كدا ولبس عشان الشغل.
ياسين: أنتي صحتيني بدري، الشغل 8، وأنا بقولك صحيني 7، عقبال ما أكلمك وآخد دوش كدا وألبس وأنزل.
لين: حق عليا إني صحيتك بدري، بحسب الشغل الساعة 7، معرفش إنه 8.
ياسين: عادي ياقلبي، مافيش حاجة، بس خلي بالك كدا، أنا عمال آخد الحاجات اللي انتي مش راضية تقوليها ولا تعمليها عشان أطلعها عليكي بعد الجواز، أجيب أنا بلايستيشن ونلعب أنا وانتي، وأنا لو كسبت هوريكي أعمل فيكي إيه.
لين: وأنا لو كسبت هخليك تغسل المواعين وتساعدني في البيت.
ياسين: ههه، أما نشوف.
لين: يعني انت بتعمل كدا عشان عارف إني مش بعرف ألعب اللعبة دي؟
ياسين: بصراحة، آه، دا انتي مش هتخلصي من تحت إيدي.
لين: هتعمل إيه يعني؟
ياسين: من ناحية هعمل، فأنا هعمل كتير أوي، بس استني بس، مش هرحمك، يبقى تقولي كفاية كدا.
لين: إياك تضرب، قفا كفاية، هو أحمر لوحده.
ياسين: لأ ياحبيبتي، مش هضربك، عمري ما هضربك خالص في حياتي، أنا واخدك زوجة وتكملة نص ديني، واخدك حبيبتي وبنتي، عمري ما أضربك.
لين: شاطر، إنك غيرت كلامك، أنا هشويك على البخار.
ياسين: وأنا هشيلك زي عود القصب.
لين: مش هتعرف، لأن عضمي تقيل.
ياسين: على فكرة انتي رفيعة، دا أنا أشيلك بإيد واحدة.
لين: أنا، دا أنا عايزة أخس، والله فعلاً عضمي تقيل، مش هتعرف.
ياسين: هوريكي بس بعد أما نتجوز ونروح بيتنا ونغير وناكل ونتكلم ساعتين، بعد كدا أوريكي.
لين: يعني انت سبت الكلام في فترة الخطوبة وجاي تكلم ساعتين بعد الفرح؟ يبقى سيب الكلام لي تاني يوم عشان هكون تعبانة وعايزة أنام.
ياسين: مش هينفع خالص، لازم نتكلم.
لين: ليه مش هينفع؟ أكون عايزة أنام، نام انت كمان، وبعدين الأيام ما بينا طويلة إن شاء الله.
ياسين: مش هينفع، الناس كلها بتتكلم مع الفرح، بيتكلموا ساعتين تلاتة.
لين: نحن نختلف عن الآخرون.
ياسين: ما قولتش حاجة، نختلف في كل حاجة إلا دي، كلنا بنتفق عليه.
لين: أنا مش فاهمة أي حاجة.
ياسين: ساعة الفرح هتفهمي، ولو أبوكي ييجي يوم الصباحية يا يكلمني بدل أبويا عشان أبويا متوفي، يقولي سبع ولا ضبع، أقوله تنين.
لين: ليه تقوله تنين؟ ممكن تقوله أرنب.
ياسين: ليه بتقولي كدا؟
لين: لأن الأرنب كائن لطيف أوي وكيوت، وانت كذلك عسل وطيب وكيوت وحنين.
ياسين: يبقى أوريكي الكيوت دا إن شاء الله.
لين: هو باين أهو، انت طيب أوي وعسل أوي.
ياسين: خلاص يالين، ساعة الفرح هتفهمي كل حاجة وتقولي ياريتني ما قولت كدا.
لين: يبقى أشوف، يلا قوم البس عشان الشغل.
ياسين: ماشي ياقلبي، سلام، هتوحشيني.
لين: وانت كمان، سلام.
أشوفكم في بارت جديد.