تحميل رواية «الكلبش والايدي الناعمة» PDF

الو الو حول هل تسمعني

أسمعك بوضوح حول

الظابط أكرم: في عربيه ع طريق ماشيه ع ١٠٠ كيلو ولم قربت من العربيه الا سايق ضرب نار ومعاه بنات ومن الواضح مسلحين يافندم

ملازم اول: خليك ورا العربيه ..ياحضرة الظابط وعشر دقايق والمكان كله هايبقى محاصر

البنات ف العربيه:

هبه: للمجرم انت مجنون اقف انت هتودينا في داهيه انت طلعت لينا منين

ملك: منك لله اقف بقى الحكومه بتجري ورانا وممكن رصاصه تيجي فينا

المجرم: اخرصي بقى انتي وهي احسن وقسما بالله افضي السلاح ده كله ف دماغك انتي وهي

ملك بدموع: فوقي ياساره فوقي

هبه: مش هاتفوق دي محتاجه دكتور

المجرم: يانهار اسود ايه الحكومه دي كلها....المخدارات الا معايه انا هروح ف داهيه

ملك: باانهيار حسبي الله ونعم الوكيل فيك

المجرم: انا هقف بالعربيه وتنزلي بسرعة انتي وهي نجري اخلص

هبه: طيب وساره

المجرم: مش وقته زفت ساره الحكومه لو مسكت حد فينا هناخد اقل حاجه هناخد فيها ١٥ سنه انزلي بسرعه انتي وهي

نزل المجرم هو وهبه وملك يجرو وسابوا ساره وشنطة المخدارات ف العربيه

المجرم: وهو بيجري يانهار اسود انا نسيت شنطة المخدارات ف العربيه

هبه: بدموع وانهيار منك لله كده ساره هتروح ف داهية

المجرم: اجري بسرعه انتي وهي مش وقته

الظابط اكرم: نزل من العربيه لم شاف العربيه واقفة هو وباقي الشرطة

سلم نفسك المكان كله محاصر

وقرب من العربيه شاف بنت بس الا ف العربيه ومش ف وعيها

الظابط اكرم: بسرعه شوفوا الا معاها فين

العساكر: للأسف يافندم مفيش اي اثار ليه ولا الا معاه

الظابط اكرم: اطلبوا الاسعاف للبنت دي وهي الا هتوصلنا اكيد لباقي المجرمين الا معاها

الاسعاف جات اخدت ساره ع المستشفى

في قريه من الريف تسكن سيدة ف العمر ال ٧٠ من عمرها

السيدة الكبيره: ياعصام يابني

عصام: نعم ياامي

السيدة الكبيره: بنت اخوك لسه ماجاتش لحد دلوقت من لم نزلت وقالت إنها رايحه الكليه بتاعتها وانا قلقانة عليها

عصام: كليه ايه ياامي وماقولتليش ليه لحد دلوقت ساره اول مره تأخر كده هي في كليه لحد دلوقت ده احنا خلاص بقينا بالليل انا مسافر على مصر اشوفها دلوقت

السيدة الكبيره: سترك يارب ده احنا غلابه والبت ابوها وامها الله يرحمهم سابوها أمانة معايه

الظابط اكرم: المتهمه عامله ايه دلوقت

الدكتور: عندها كسر ف ايدها اليمين وفي اثر ضربة ع دماغها و دي الا سببت ليها ف الإغماء

الظابط اكرم: ينفع اخاد اقوالها يادكتور

الدكتور: مفيش داعي حضرتك تيجي ده كسر بسيط وبإذن الله بكره هاتبقى كويس والحرص الا ع الباب عندها ممكن يخدوها ع طول لحضرتك

الظابط اكرم: تمام يادكتور شكرا

ملازم اول علاء: وصلت لحاجه يااكرم

الظابط اكرم: لا والله لسه يافندم البنت الا كانت معاهم ف العربيه ف المستشفى وبكره هاخد اقوالها

ملازم أول: طيب انت وصلت لا ايه

اكرم: والله يافندم انا وانا مروح من الشغل لقيت العربيه سايقه ع ١٠٠ كيلو ولم قربت وبقول للي راكب اهدى يابني في ايه انا هسحبلك الرخص واحجزك...اول ماعرف اني شرطه طلع السلاح زي المجنون وقعد يضرب نار وشوفت في العربيه تلات بنات من ضمنهم البنت الا ف المستشفى

ف لم رفع السلاح وبقى يجري بالعربيه عرفت وقتها انه في مصيبه سبب ماكلمت حضرتك وطلبت قوة معايه ومن الواضح انهم تشكيل عصابي وتجار مخدارات

الملازم: طيب ايه تفسيرك بالبنت الا سابوها ف العربيه

الظابط: اكيد لم مافقتش سابوها ومشوا وماحبوش يضحوا بنفسهم علشان زميلتهم مالهوش تفسير غير كده يافندم والاغرب من ده كله انها محجبة ههههههههههه وشكلها صغيره يعني شابه مش كبيره

الملازم: اكيد ماهم لازم يبقوا وجهه قدام الناس علشان محدش يشك فيهم

الظابط: طيب ياباشااا بكره بإذن الله اعرفك بالجديد انا رايح انام لأني مطبق بقالي يومين

اسمي ساره محمود الدمنهوري

السن ٢٣ سنه

عنواني

طالبة في جامعة التجارة

س: اسماء باقي العصابة الا معاكي

ساره: عصابة ايه حضرتك لو سمحت....

وكيل النيابة: بصوت عالي وخبط باايده ع المكتب ....انتي هنا تردي ع قد السؤال

س: ايه سبب وجودك ف المكان والعربيه والمخدارات الا كانت ف العربية معاك

ساره: صدقني والله العظيم مظلومه..انا هحكي لحضرتك كل حاجه انا كنت خارجه انا واتنين صحابي من الجامعه وانا خارجه وقعت ع ايدي مابقتش قادره احركها صاحبتي قالتلي هركبك معايه العربيه واوصلك لحد المستشفى شافت واحد تعرفه معرفه كان معاه الشنطه الا بتقولوا عليها بس محدش فينا كان يعرف ايه وقال لصاحبتي هروح معاكم وركب بالفعل معانا وبقى يقولها سوقي ع طول علشان ساره تعبانه ولم ظابط قرب من العربيه وبيقول هدو السرعه...مره واحده بقى زي المجنون وساق هو بدل صاحبتي وبقى يضرب نار بالسلاح ولم جيت اصرخ خبطني ع دماغي بالسلاح ماحستش بنفسي غير ف المستشفى....والله ماحصل غير كده

وكيل النيابة وحس انها صادقة بس مش ف ايده حاجه يعملها: طيب اهدي واشربي الميه الا قدامك...

ساره شربت

وكيل النيابه: طيب ايه سبب هروب صحابك مع المجرم

ساره: والله معرفش انا حكيت لحضرتك الا حصل قدامي قبل ماافقد الوعي

ساره: ينفع اعمل مكالمه اطمن اهلي زمانهم قلقانين عليا

وكيل النيابة: اتفضلي

ساره: الوووو ايوه ياعمي انا في النيابة ...........

عم ساره: ياساتر يارب انا جيلك بسرعه وقفلوكيل النيابة: قررنا حبس المتهمة اربع أيام على زمة التحقيق

ساره باانهيار: لو سمحت مستقبلي كده بيضيع

وكيل النيابه: للأسف ماينفعش اخرجك القضيه بتاعتك مش ساهله

وكيل النيابة ضرب جرس المكتب:

العسكري: تمام يافندم

منزلها ع الحبس ياعسكري

العسكري: تمام يافندم

عم ساره: في النيابة لو سمحت يابيه انا عايز اسأل على بنت جات هنا اسمها ساره

الا واقف معاه: للأسف مش هقدر افيدك اسأل اي حد من المباحث

عم ساره وسأل ناس كتير مفيش فايده

عسكري ف النيابه: يااستاذ لو سمحت

عم ساره: نعم

العسكري: انا هفيدك علشان شكلك غريب لو تقصد البنت الا كانت معروضه ع النيابة من شوية ف هي اتحبست ع زمة القضيه اربع أيام

عم ساره: لا إله إلا الله طيب ليه عملت ايه

العسكري: مخدارات

عم ساره وكان هيقع ف الأرض من الصدمه...انا بنت اخويا مستحيل تعمل حاجه زي كده

العسكري: بعد اذنك

عم ساره: طيب اروح اقول لا امي ايه دلوقت دي كانت تموت فيها

في فيلا كبيره:

ممدوح والد هبه: انتي دلعتي بنتك ياهانم انا بقالي يومين بدور عليها مش لقيها والنيابة عامله ليا استدعاء بسبب بنتك ف تهمة مخدارات

آمال والدة هبه: كانت بتشرب ع البار الا ف البيت ومش واعيه ومردتش عليهم

مدوح: اخد الكاس وخبطه ف الارض...انتي مش هتسيبي بقى الهباب الا ف ايدك ده وتفوقي لنفسك ولبيتك

آمال:: مفيش رد

ملك: و دي عايشه وحدها ولدتها ووالدها مسافرين بره

جده ساره: ايه ياعصام يابني عملت ايه فين ساره قلقتوني يابني

عصام: ماتقلقيش ياامي ساره بس عندها امتحانات وعلشان ماتتبهدلش ف المواصلات قعدت مع صحابها في السكن

جده ساره: طيب وماقالتش ليه لازم تقلقنا كده عليها

عصام: يلا حصل خير وانا هقعد معاها هنا لحد ماتخلص واجيبها وانزل

جده ساره: ماشي يابني ربنا يستر عليكم في امان الله يابني

عم ساره اخد محامي وراح النيابة ف يوم عرض ساره ع النيابة

ساره: باانهيار والله مظلومه ياعمي ماتسبنيش ياعمي

عصام: بس ياساره ماتعيطيش يابنتي خير بإذن الله

بعد وقت مع المحامي ووكيل النيابة

وكيل النيابة: قررنا إحالة المتهمة إلى المحكمه

ملك: سافرت لا أهلها بره مصر بجواز مضروب وكذلك هبه معاها بمساعدة أهلهم

بعد وقت ف المحكمة : وسماع الشاهد الظابط اكرم ع ماحدث أمامه

حكمت المحكمة حضوريا بمعاقبة ساره محمود دمنهوري

وملك وهبه ....بالسجن المخفف خمس سنوات رفعت الجلسه

عصام: قعد مكانه حسبي الله ونعم الوكيل... حسبي الله ونعم الوكيل

ساره: ماتسبنيش ياعمي انا مظلومة ياعمي والله مظلومة ياعم

دخلت ساره السجن وكان اول يوم ليها

الستات الا ف السجن: انتي جايه هنا ف ايه

ساره: مش بترد

واحده تانيه: ماتردي ولا انتي مش بتنطقي

ساره: بصوت عالي كل واحده تخليها ف نفسها ومحدش ليه دعوه بيا

مسجونه معاهم: وطي صوتك يابت وماترفعيش صوتك هنا تاني احنا هانعرفك ترفعي صوتك تاني ازاي ادبوها يانسوان

الحريم اتجمعت ع ساره عشان يضربوها ساره صرخة جامد

الا واقفين ع الباب فتحوا الباب وبلغوا الظابط أكرم

الظابط اكرم وصل العنبر

وكل الحريم وقفوا مكانه

اكرم: في ايه منك ليها ماتحترموا نفسكم شويه

ساره: لو سمحت ممكن تبعد الناس دي عنيا

كرم: اهلا ب تاجرة المخدارات

ساره بعصبيه

ساره بعصبية: وحاولت تمسك دموعها لأنها قوية.

لو سمحت أنا ما اسمحلكش تاجرة مخدرات إيه؟ كفاية بقى أنا طالبة جامعة محترمة، فـ عيب كده.

اكرم: بصوت عالي.

إنتي نسيتي نفسك ولا إيه؟ حبس انفرادي ليكي تلات أيام. لما تبقي تتعلمي الأدب.

وخرج من العنبر وراح المكتب قعد مضايق. وفـ نفسه: إزاي بنت زي دي تكلمني كده؟ أنا دي أول مرة بنت ترفع صوتها عليا، وكمان مسجونة.

ساره... دخلوها الحبس الانفرادي وبقت منهارة من العياط.

ملك: ياهبه! إحنا دلوقتي مسافرين ومافيش حد عارف المكان بتاعنا. إحنا لازم نتصرف ونعمل حاجة عشان نعرف نخرج ساره من السجن.

هبه: بقولك إيه... هو إنتي بتسهبلّي؟ إذا كنت أنا وإنتي أصلاً محكوم علينا غيابي بالسجن خمس سنين زينا زيك.

ملك: ماهو كله بسبب الزفت اللي ركب معانا.

هبه: يعني إحنا كنا نعرف إنه كده يا ملك؟ منه لله.

ملك: طيب عايزين نتصرف حتى ونكلم ساره في التليفون.

هبه: طيب والتليفون هيدخلها إزاي؟

ملك: هنتصرف، بس اصبري.

عصام عم ساره: دخل البيت وكان زعلان على بنت أخوه.

والدته: فين ساره يا عصام؟ أنا قلبي مقبوض عليها يا ابني. وما تقولش إنها في امتحانات عشان مش هصدقك.

عصام ودموعه على وشه: ساره في السجن يا أمي.

والدته: وخبطت على قلبها. كنت حاسة إنه فيه حاجة. قلبي كان حاسس... قولي يا ابني إيه اللي حصل معاها.

عصام: _________________

والدته: خدني يا ابني طيب، عايزة أشوفها.

عصام: المشكلة يا أمي إن اللي شاهد على القضية بتاعتها الظابط اللي ماسك عنبر السجون.

والدته: طيب وديني عنده عشان خاطري يا ابني، يمكن قلبه يحن لما أكلمه.

عصام: اللي تشوفيه يا أمي، بس إنتي مش حمل عربيات ولا تبهدلة، بس تعالي يلا.

الشاويش: تمام يا فندم.

اكرم: أيوه يا عسكري.

الشاويش: في واحد وست عايزين حضرتك يا فندم.

اكرم: دخلهم.

الشاويش: تمام يا فندم.

دخل عصام ووالدته.

عصام: لو سمحت يا باشا، أنا عم ساره ودي أمي، وتبقى ست ساره اللي لسه محكوم عليها بالسجن.

اكرم: آآآآه، تقصد تاجرة المخدرات.

ست ساره: بانكسار وضعف. لا يا ابني ماتقولش كده. والله يا ابني البنت دي يتيمة وأبوها سابها أمانة معايا وربيتها أحسن تربية وتعبت فيها وعلمتها.

عصام: والله يا باشا البت غلبانة ويتيمة، ومن البيت للجامعة ومن الجامعة للبيت، بس حضرتك اللي فهمت غلط.

اكرم: إحنا لينا اللي قدامنا... إنتوا عايزين إيه دلوقتي؟

عصام: عايزين نشوفها يا باشا، ستها زي ما أنت شايف هتموت عليها.

اكرم: ممنوع... مش وقت زيارة.

ست ساره: علشان خاطر ربنا يا ابني، ده أنا قد ستك وست كبيرة يا حبيبي. ربنا يوقف لك ولاد الحلال يا ابني، ده أنا ست مريضة، أنا لو ماشوفتهاش هموت يا ابني.

اكرم: بس خلاص، اتفضلوا اقعدوا وأنا هبعتلها تيجي.

عصام: يكرمك ربنا يا رب.

اكرم: ضرب جرس المكتب.

الشاويش: تمام يا فندم.

اكرم: ابعت هات المتهمة ساره اللي في الحبس الانفرادي.

الشاويش: تمام يا فندم.

عصام: لا يا باشا، بنت أخويا في سجن انفرادي ليه؟

اكرم: حضرتها بترفع صوتها عليا.

ست ساره: حقك عليا يا ابني، معلش.

الشاويش: المتهمة يا فندم. وخرج.

ساره: جريت على ستها واترمت في حضنها وبدموع. والله ما عملت حاجة يا ستي، والله مظلومة.

ستها: عارفة يا ساره، إنتي مش ممكن تعملي حاجة زي دي يا بنتي.

عصام: كفاية يا ساره، عينيكي راحت يا بنتي من العياط.

ساره: عايزة أخرج من هنا يا عمي، مش قادرة أقعد أكتر من كده. وانهارت.

اكرم: كان قاعد على المكتب وحرفياً قلبه بيتقطع على ساره وهي بتتكلم، وما كانش عارف ليه.

اكرم: خرج بره المكتب ووقف بره وفـ نفسه... يا ترى يا ساره ممكن تكوني مظلومة فعلاً؟ وليه لا؟ ما إنتي فعلاً كنتي مضروبة على دماغك ليلتها ومش في وعيك... ولا أنا مالي بيها أصلاً؟ إحنا لينا ورق قدامنا.

اكرم دخل المكتب: وضرب الجرس.

الشاويش: تمام يا فندم.

اكرم: خد المتهمة ع الحبس.

الشاويش: تمام يا فندم.

ساره: بانهيار. مظلومة يا عمي والله.

الشاويش أخد ساره ومشي.

ست ساره وعم ساره مشوا وعينيهم كلها دموع.

اكرم دخل الفيلا: السلام عليكم.

ازيك يا بابا عامل إيه؟

اللواء السابق وجيه والد اكرم: الحمد لله يا أكرم، إنت عامل إيه؟ بقالك يومين مش بشوفك يا ابني.

اكرم: في الشغل والله يا بابا، هعمل إيه.

والد أكرم: طيب اقعد عشان الغداء هيجهز دلوقتي.

اكرم: مش قادر يا بابا، أنا جعان نوم بعد إذنك.

طلع أكرم على السلم وشاف أخوه... نازل الدكتور عماد أخوه الكبير.

عماد: أكرم عامل إيه يا حبيبي؟

اكرم: أنا كويس، وهبقى كويس أكتر لو نمت.

عماد: ماشي، هههههه. اطلع نام.

دخل أكرم أوضته ولسه هينام.

دخلت أنجي مرات أخوه الكبير الأوضة عنده، وبيعتبرها أخته الكبيرة.

انجي: إنت يابني بقى مش عارفة أشوفك بقالي يومين، وكل ما أرن عليك تكنسل.

أكرم: والله وحشتيني، هههههه. بس سبيني أنام وأشرحلك لما أقوم.

انجي: والله ما أنا طالعة من هنا غير لما أعرف عملت إيه اليومين اللي غبت فيهم.

أكرم قام اتعدل: بصي يا ستي...

انجي: وإنت رأيك إيه؟

اكرم: البنت ملامحها هادية أوي وتحسيها بريئة أوي وقوية في نفس الوقت... طريقة كلامها مابتخافش من حد مهما كان هو مين.

انجي: امممممممم، وإيه كمان؟

اكرم: بابتسامة خفيفة. امممممممم بتاعتك دي أنا عارفها كويس، بلاش تفكير بعيد وقومي خليني أنام.

انجي: ماشي، بس عايزة أقولك حاجة قبل ما أخرج.

اكرم: إيه؟

انجي: كان نفسي المرايا تكون قدامك وتشوف ملامحك وإنت بتتكلم عن ساره.

اكرم: اطفي النور يا انجي.

انجي: حاضر. هههههههههههههه.

عصام: يابيه شوف لينا حل، مستقبل البنت بيضيع.

المحامي: ماهي المشكلة، بنت أخوك مش عارفة اسم اللي كان معاهم في العربية، المتهم الأصلي يبقى إزاي هساعدك، ده حتى ما تعرفش هو مين ولا ساكن فين.

عصام: طب والعمل؟

هاتف عصام رن.

عصام: بعد إذنك هرد على التليفون.

المحامي: اتفضل.

المحامي: الووووووو، مين؟

ملك: لو سمحت ياعمي، أنا ملك صاحبة سارة، واللي كنت معاها في العربية يوم الحادث.

عصام: انتي منك لله، هربتي انتي وصاحبتك والواد اللي معاكم، والبنت هنا راحت في داهية.

ملك: بلاش تحسسني بالذنب أكتر من كده ياعمي، أنا بكلمك علشان أعرفك اسم الشاب اللي كان معانا، وعرف سارة بيه، يمكن ده يخفف الحكم عنها، أو الحكومة تقدر توصل له. اسمه عمر محمود مجدي، وعنوانه...

عصام: طيب، وإنتي فين؟

الخط قطع.

عصام: الووووووو، الوووووو.

المحامي: وصلت لحاجة؟

عصام: أيوه كده، عرفت اسم المتهم وعنوانه.

المحامي: طيب، وريني التليفون نشوف الرقم ده بيتكلم منين.

مسك التليفون المحامي وشافه، رقم خاص.

المحامي: للأسف، الرقم خاص، مش متسجل.

عصام: طب والعمل؟

المحامي: لازم نحدد جلسة علشان سارة تقول على اسم المتهم، علشان الحكومة تعرف تجيب الولد ده.

عصام: طيب، ومستني إيه؟

المحامي: خلاص، هتوكل على الله، بإذن الله.

سارة وباقي السجناء خرجوا قدام العنبر يقعدوا.

سارة بقت واقفة لوحدها، وعلى خدها الدموع.

أكرم لسه واصل وداخل على السجن.

شاف سارة وهي واقفة، بص ليها وفضل واقف بيستغرب إزاي الوجه الطفولي ده يكون مجرم.

أكرم: وحب يفتح موضوع مع سارة، قرب منها.

أكرم: هههههه، حلو الهوا هنا.

سارة: بنظرة تحدي.

سارة: هو جميل آآآه، بس لحضرتك يعني، بمعنى للي واخد عليه، لكن اللي زييا لا، لأنه مش شبهي.

أكرم: بخفة من طريقة كلامها.

أكرم: هو إنتي فاكرة نفسك إيه؟ إنتي مسجونة، إن طلعتي ولا نزلتِ.

سارة: المتهم بريء حتى تثبت إدانته.

أكرم: طيب، ولو ما طلعتيش بريئة وفضلتي زي ما إنتي في السجن؟

سارة: يبقى قدري، ومحدش بيهرب من قدره، أو يمكن تكون بداية جميلة ليا، وتكون حياتي لسه بتبدأ.

الظابط حسين: أكرم يا أكرم.

أكرم: كان واقف مع سارة سرحان.

سارة: مش حضرتك برضو الظابط أكرم؟

أكرم: هز رأسه، بمعنى مش فاهم.

سارة: في ظابط هناك بينادي عليك.

أكرم: سابها ومشي.

حسين: من إمتى وإنت بتهتم تقف مع المساجين؟ هههههههه.

أكرم: ودي أعتبرها خفة دم على الصبح، ولا أعتبرها إيه؟

حسين: لا أبداً، بس استغربت.

أكرم: المهم، عملت إيه في القضية اللي ادتهالك؟

حسين: ولا أي حاجة، بقت ضد مجهول.

أكرم: يلا خير.

المحامي: الحمد لله يا أستاذ عصام، الجلسة اتحددت على الأسبوع الجاي.

عصام: يكرمك يارب، الحمد لله.

المحامي: بإذن الله، مستبشر خير.

عصام: يارب يسمع منك.

ملك: الووووووو.

عمر: أيوه يا ملك.

ملك: أنا بلغت اسمك لسارة والحكومة، في أقرب وقت هتوصلك، فيستحسن تعترف وتخلصنا من اللي إحنا فيه.

عمر: زي ما أنا هروح في داهية، إنتوا كمان هتروحوا في داهية.

ملك: يعني إيه؟

عمر: يعني أنا هارب زيي زيكوا، وإنتوا ما إنتوا كويسين أهو، شغالين بالكم بحاجات مالكمش فيها ليه.

ملك: إنت مجنون، دي اللي راحت ضحية عملتك السودة دي، صاحبتي.

عمر: قفل السكة في وشها.

هبه: بتكلمي مين؟

ملك: بكلم زفت عمر.

هبه: طب والعمل؟

ملك: مش عارفة بجد.

أكرم: يا عسكري ابعت هات المسجونة سارة.

العسكري: تمام يافندم.

العسكري: تمام يافندم، المسجونة سارة أهي، وخرجاك.

أكرم: قاعد على المكتب ومش بيتكلم.

سارة: حضرتك بعتلي؟

أكرم: قام وقف وقرب من سارة.

أكرم: بصوت واطي.

أكرم: حابب أعرف عنك كل حاجة، وحابب أعرف إيه اللي حصل مظبوط في الليلة اللي قبضت عليكي فيها.

سارة: لييييييه؟

أكرم: أنا ظابط، وده حقي.

سارة: وأنا كلامي قلته في المحكمة وفي النيابة.

أكرم: ساعديني يا سارة علشان أقدر أساعدك.

سارة: هتساعدني إزاي؟

أكرم: مش عارف، بس حاسس من جوايا بشيء نضيف جواكي.

سارة: وده كان فين حضرتك، لما شهدت ضدي في المحكمة؟

أكرم: ده شغلي يا سارة، وأكيد كنت هقول وأشهد باللي أنا شوفته.

سارة: إنت شوفت قدامك حاجة مش حقيقية.

أكرم: وعشان كده بعتلك، وحابب أفهم.

سارة: هحكيلك كل حاجة.

أكرم: أكيد هقدر أساعدك، سيبها لله وعليا.

وضرب الجرس.

العسكري: تمام يافندم.

أكرم: خد سارة ووديها العنبر.

أكرم بتوتر: أقصد أقول المسجونة.

العسكري: تمام يافندم.

وبعد مرور أسبوع، وجه ميعاد الجلسة.

عمر: كلم صاحبه.

عمر: جهز نفسك يا إسلام، علشان لازم سارة تموت النهاردة، قبل ما اسمي ييجي في المحكمة.

إسلام: جاهز يا صاحبي.

سارة بقت فرحانة إنها هتقول على اسم المتهم، إن الحكومة تقدر توصل لحاجة.

وأكرم كان سعيد من جواه.

ركب عربية السجن أكرم هو وكذا عسكري.

وركبت سارة العربية، وأول ما وصلوا المحكمة، انضرب عليهم نار، وسارة انضربت بالنار ووقعت في الأرض.

أكرم: بصوت عالي.

أكرم: سسسساره.

أكرم حاول يضرب نار على اللي ضربوا سارة بالنار، لكن للأسف كانوا هربوا. أكرم ما قدرش يسيب سارة ويجري ورا المجرمين.

أكرم: سارة فوقي يا سارة.

سارة: بدأت تغمض عينيها وتفتحها.

أكرم: شال سارة وركبها العربية وطلع بيها على المستشفى.

الدكتور: ما تقلقش يا فندم، بإذن الله هتكون كويسة. الرصاصة في كتفها الحمد لله. دخلوها العمليات.

أكرم: فضل مستني وواقف قدام باب العمليات.

الدكتور خرج بعد فترة: الحمد لله بقت كويسة.

أكرم: أقدر أشوفها؟

الدكتور: يستحسن كمان 5 ساعات.

أكرم: تمام.

الدكتور: تقدر تروح حاليًا، ولما تفوق هنبلغ حضرتك. ومشي.

أكرم: مسك تليفونه... الوووووو.

حسين: أيوة يا أكرم.

أكرم: ابعت لي عساكر في مستشفى...

حسين: ليه، خير؟

أكرم: سارة اتضربت بالنار وعايز حراس على الأوضة بتاعتها لحد ما تخرج.

حسين: طيب، ما تقلقش، ربع ساعة بالكتير وهيكونوا عندك.

أكرم: طيب، تمام.

المحامي: الوووووو.

عصام: معاك يا بيه.

المحامي: للأسف سارة اتضربت بالنار وما لحقتش تروح الجلسة.

عصام: بالهفة... انت بتقول إيه؟

المحامي: ده عنوان المستشفى، قدرت أجيبه لحضرتك......

عصام: جري على المستشفى وقابل أكرم على باب المستشفى.

عصام: يا باشا، بنت أخويا عاملة إيه؟

أكرم: بس بس، ما تقلقش، الحمد لله جت سليمة، مفيش حاجة.

عصام: يا كرمك يا رب، طيب هي فين؟

أكرم: مش هتقدر تخرج أقل من يومين لما تبقى كويسة. وبرضو مش هتقدر تدخل تشوفها عشان الدكتور منع حد يشوفها عشان الراحة. بعد إذنك.

عصام: اتفضل يا باشا.

أكرم دخل الفيلا.

إنجي (مرات أخو أكرم): أكرم، يعني جي بدري؟

أكرم: جي أنام وماشي تاني.

إنجي: في إيه، مالك؟

أكرم: سارة اتضربت بالرصاص يا إنجي.

إنجي: يا خبر، وحصلها حاجة؟

أكرم: الحمد لله، جت سليمة.

إنجي: طيب، مين اللي عمل كده؟

أكرم: أكيد المجرم اللي كانت رايحة تعترف وتجيب اسمه في القضية عشان محدش يعرفه، ضرب سارة بالرصاص.

إنجي: مالك كده؟

أكرم: مالي إزاي؟

إنجي: يعني حاسة إنك متأكد إنها بريئة؟

أكرم: مش عارف، بس إحساس قوي جوايا إن سارة بريئة فعلاً، خصوصًا إن كلامها مطابق مع اللي شفته ليلة الحادث.

إنجي: ابتسمت.

أكرم: في إيه بقى؟

إنجي: مش عارفة، بس يارب يكون تفكيري غلط.

أكرم: فهم قصد إنجي ومشي.

إنجي: أكرم.

أكرم: وقف لكن بظهره لإنجي.

إنجي: متنساش الفرق بينكم يا أكرم، أنت ظابط شرطة وهي مسجونة.

أكرم: سمع الكلمتين وطلع على الأوضة بتاعته ينام، لكن معرفش ينام من كتر التفكير في سارة. وبعد مرور الخمس ساعات، غير هدومه وراح المستشفى.

أكرم ولسه بيقرب على الأوضة.

العساكر: تمام يا فندم.

أكرم: دخل الأوضة عند سارة، وكانت لسه بتفوق.

أكرم: عاملة إيه دلوقتي؟

سارة: آآآه... ومسكت كتفها... إيه اللي حصل؟

أكرم: ____________

سارة: أنا لازم أروح الجلسة.

أكرم: انتي بقالك ست ساعات تقريبًا هنا في المستشفى، جلسة إيه؟

سارة: يا خبر.

أكرم: ما تقلقيش، اتأجلت.

عسكري دخل الأوضة: تمام يا فندم... في بنت بره بتقول صاحبة سارة.

أكرم: دخلها.

إسراء: وهي على الباب بدون ما تسلم على سارة، أنا جايه أبلغك إن تم فصلك النهاردة من الجامعة. وراحت خارجة.

سارة: دموعها نزلت تجري على وشها كأنها بحر.

أكرم: اهدي، أكيد ربنا شايل لكِ الأحسن.

سارة: الحمد لله... وسكتت، لكن ما كانتش قادرة تسيطر على دموعها.

أكرم: قرب منها ومسح دموعها... من جوايا عمري ما هسامح نفسي يا سارة، لأني السبب.

سارة: وانت ذنبك إيه؟

أكرم: لأني أنا اللي قبضت عليكي.

سارة: انت حكمت بالورق اللي قدامك والإثبات اللي شوفته... وربنا يحكم باللي شافه.

ملك: هنعمل إيه يا هبة دلوقتي؟

هبة: خلاص، إحنا اتفصلنا من الجامعة، مالناش مكان في البلد دي. أنا هشوف مشروع لينا هنا نعيش منه، والبلد هنا كويسة.

ملك: وهنسيب سارة كده؟

هبة: نصيبها بقى، مش أحسن ما نروح إحنا في داهية؟

ملك: على رأيك.

الدكتور: تقدر حضرتك دلوقتي تاخد الحالة على السجن، بقت كويسة.

أكرم: سكت.

سارة: ابتسمت وبصت لأكرم... وقربت إيديها الاتنين منه ورفعت إيديها وقالت له: حط الكلبش يا حضرة الظابط.

أكرم: ____________

اكرم: وحس بضعف ساره...

ساره: ولسه منزلتش ايديها.

اكرم: امشي يا ساره مش لازم كلبش.

ساره: واستغربت من طريقة اكرم.....بس لازم حضرتك الكلبش...مش خايف احسن أهرب؟

اكرم: لا مش خايف.

ساره: ولو هخاف مش هايبقى منكساره: طيب ليه؟

اكرم: متسالنيش لأني معنديش جواب صدقيني.

ساره: خلاص زي ماتحب بس اكيد هاياجي وقت وتجاوب.

اكرم: اتفضلي.

ساره: مشت مع أكرم ع السجن.

اكرم: سلم ساره للعساكر ومشي.

ع الفيلا بتاعتها.

اكرم: دخل الفيلا: مساء الخير.

عماد: مساء الفل يااكرم...عامل ايهاكرم: بخير الحمد لله ..انت الا عامل ايه.

عماد: الحمد لله بخير.

اكرم: آمال انجي فين؟

عماد: ف الأوضة بتاعتها.

اكرم: ماشي انا طالع عندها.

عماد: ماشي اتفضل.

العصابة: عمر لازم يموت لأنه حاليا بقى مكشوف قدام الحكومه ولازم نخلص عليه قبل ماالحكومه تمسكه ويعترف علينا كلنا.

ست ساره: ياعصام يابني برضو ماوصلتش لحاجه.

عصام: لله الأمر من قبل ومن بعد.

ست ساره: انا خايفه اموت يابني قبل مااشوفها وكمان لم اتقابل انا وابوها عند ربنا اقولوا ايه معرفتش احافظ ع الامانة بتاعتك يابني.

عصام: خلاص ياامي كفايه ربنا يفعل الا فيه الصالح وبإذن الله خير ربنا ميرضاش بالظلم ابدا وساره بريئه وبإذن الله هتخرج.

ست ساره: آآآآه يادماغي كفايه مستقبل البنت الا ضاع وفصلها من الجامعه ومفيش غير سيرتها في البلد بعد كده لو حد عرف هنودي وشنا فين من الناس بعد كده يابني ده احنا غلابه وماشيين جنب الحيط.

عصام: ان شاءالله خير ياامي بإذن الله خير.

ساره: نامت ع سريرها فالعنبر : والتفكير خلاص تعبها ودموعها كلها نازله ع المخده وهي بتفكر في صحابها الا باعوها ومحدش فيهم وقف جنبها وع فصلها من الجامعه وبقت منهاره.

انجي: ايوه ادخل.

اكرم: انجي عامله ايه؟

انجي: ادخل يااكرم تعالى...مالك مش على طبيعتك في ايهاكرم: مش عارف وماتسالنيش برضو.

انجي: غريبه اول مره ....دايما تقولي مالك من غير مااسالكاكرم: انا كنت جي اتكلم معاكي بس مش عارف أقولك مالي ولا عارف اي الا جوايا.

انجي: ساره برضو صح؟

اكرم: آآآآه.

انجي: انت عايش في وهم طلع البنت دي من دماغك علشان ماتتعبش يابن سيادة اللواء.

اكرم: قصدك ايه؟

انجي: قصدي ان الفرق واضح جامد شوف انت فين وهي فين ...وكلامي ده علشان بس ماتفكرش ولا تيجي ف بالك لحظه واحده اظن انت فاهم قصدي يااكرم يابن الحسب والنسب.

اكرم: انجي بلاش بالله عليكي جوا زمان ده الناس دلوقت كلها بقت واحد.

انجي: لا مش واحد وحاول تشوف بعينيك صح انت فين وهي فين.

اكرم: بعد اذنك.

انجي: أكرم استنى يااكرم.

اكرم: راح الاوضه بتاعته ونام.

_______________________

ف الصباح.

عمر ماشي ف الشارع وع طريقه للقهوه وعربيه عدت من جنبه وناس ضربته بالرصاص كتير وقع فالأرض مات.

____________________

ساره فاقت من النوم بدري وكانت فرحانه انها هتروح الجلسه وتقول اسم عمر ف المحكمه علشان يتم القبض عليه.

____________________

أكرم: فاق من نومه وطلع ع شغله ...وبلغه حادث عمراكرم: غريبه اسم الواد ده مش غريب عليا.

حسين: انت تعرف المقتول يااكرم؟

اكرم: ايوه افتكرت ده الأسم الا ساره قالت ليه للمحامي المجرم الا كانت هتعترف عليه ف الجلسه.

حسين: مش الجلسه تقريبا النهاردهاكرم: يادي المصيبه.

حسين: لا حول ولاقوة الا بالله.

ساره راحت المحكمه وقالت اسم المتهم.

المحكمه: الراجل الا ذكرتي اسمه اتوفى النهاردة. يعني حتى لو كلامك صح هو مات ب سره معاه.

ساره: أغمى عليها ف المحكمه.

***

أكرم: بقولك ياحسين انا عايز ملف ساره كامل. انا مش هرتاح إلا لم ساره تطلع من هنا.

حسين: اهتمامك ذاد يااكرم بالبنت ديا.

أكرم: خلص وهات الملف.

حسين: ماشي اهو ياسيدي.

أكرم: طيب انا رايح مكتبي.

حسين: ربنا معاك.

أكرم دخل المكتب بتاعه وقعد يدرس القضيه. ووصل لحل.

حسين: أكرم.

أكرم: ايه ياحسين.

حسين: ساره: أغمى عليها ف المحكمه وتعبت. نقلوها المستشفى.

أكرم: بخضه عليها. انا رايح ليها حالا.

***

عماد: انجي كنت عايز اكلمك ف موضوع.

انجي: اتفضل ياحبيبي.

عماد: ايه رأيك ف أمل بنت عمي.

انجي: كويسه جدا. بتسأل ليه.

عماد: عاجبه بابا لا أكرم وكلمني النهاردة اني اكلم اكرم ف الموضوع. بس فضلت انك انتي الا تكلميه لأنه قريب منك انتي.

انجي: طيب عادي. لم ياجي هكلمه. ياريت دي بنت كويسه.

عماد: الا فيه الخير يقدمه ربنا.

انجي: ان شاء الله ياحبيبي.

***

عصام: يابيه هنعمل ايه دلوقتي.

المحامي: الا فيه الخير يقدمه ربنا. اكيد هوصل لحل بإذن الله. ماتقلقش وخلي املك ف ربنا كبير.

عصام: انت لو عايز اي فلوس انا تحت امرك. خير ربنا كتير والحمد لله. انا اهم حاجه عندي بنت اخويا تطلع بالسلامه.

المحامي: يافندم بإذن الله خير. ماتقلقش ان شاء الله هوصل لحل. ولو كان ع الفلوس انا مش باخد اتعابي الا بعد القضيه.

عصام: يارب خير يارب.

***

أكرم: دخل المستشفى وف طريقه ع الأوضة الا فيها ساره وقدامها عساكر.

العساكر: تمام يافندم.

أكرم دخل: ساره كانت نايمه ودموعها نازله.

أكرم: قعد جنبها وبصوت واطي ساره.

ساره: ومسحلها دموعها ب ايديه.

ساره: فتحت عينيها. حضرة الظابط.

أكرم: اكرم وبس ياساره. بلاش حضرة الظابط.

ساره: بدموع انا تعبانه اوي. انا ماعملتش حاجه. انا عايزه اخرج. كفايه بقى. انا تعبت وانهارت من العياط.

أكرم: كفايه ياساره. بإذن الله هاتخرجي. اوعدك بكده. انا هعمل المستحيل علشان اخرجك. حتى لو انا الا هتحاسب بدالك.

ساره: بصت لا أكرم بستغراب.

أكرم: ماتستغربيش. انا بإذن الله هقف جنبك ياساره علشان تخرجي. خلي عندك امل ف ربنا. وخلي ثقتك بيا كبيره.

ساره: مسحت دموعها. هو انت ليه بتعمل معايه كدها.

أكرم: مش عارف.

ساره: بتعمل معايه ليه كدها.

أكرم: انا ماشي علشان الشغل بتاعي. انا كنت جي اطمن عليكي والحمد لله انك بخير. وجه يمشي.

ساره: أكرم.

أكرم: إلتفت وراه.

ساره: بدموع. انا محتاجلك جنبي.

أكرم:

رواية الكلبش والايدي الناعمة البارت الثامن 8 بقلم لمياء رفعت

رواية الكلبش والايدي الناعمة الفصل الثامن 8اكرم: مش عارف

ساره: بتعمل معايه ليه كده

اكرم: انا ماشي علشان الشغل بتاعي انا كنت جي اطمن عليكي والحمد لله انك بخير وجه يمشي

ساره: اكرم

اكرم: إلتفت وراه

ساره: بدموع....انا محتاجلك جنبي

اكرم:

الفصل كاملا