صباح بضحكه.. بس أنا عارفه.. هو بيحبك ولا لا؟
هنا بلهفه.. بجد؟ عارفه؟ طب قولي ونبي وعرفتي منين؟
صباح.. من حليمه.... هو قال لابوه إنو...
هنا بلهفه أكتر.. إنو إيه؟ اخلصي!
صباح بفرحه.. بيحبك أوي يا هنا.
هنا بفرحه شديده.. بيحبني بجد؟ أنااا...
في الوقت دا كان داخل يوسف وخبط ودخل الشقه.
وكانت هنا باصه ليه بابتسامه وسرحانه فيه.
يوسف بابتسامه واستغراب من نظراتها.. مالك يا هنا؟
هنا بكسوف وتوهان.. وأنا كماني.
يوسف باستغراب أكتر.. وإنتي كمان إيه؟
صباح شدتها من دراعها.. قصدها يعني وهي كمان تعبانه. أصلي كنت بقولها أنا تعبانه وهي قالتلي وأنا كماني.
يوسف.. آه... ماشي.
هنا.. معلش هاتيلي الشاحن من جوه عشان أشحن التليفون.
هنا.. حاضر.
ودخلت جابته وجات.
يوسف.. أسيبكم بقا براحتكم شويه.
وسابهم ونزل.
صباح.. إنتي يهبله نتي. رايحه تقوليلو وأنا كماني.
هنا.. أومال أعمل إيه يعني؟ والله كنت سرحت غصب عني.
صباح.. طب ركزي معايا بقا. هو مش عاوز يقولك إنه بيحبك عشان مش متأكد إنتي بتحبيه ولا لا.
هنا باهتمام.. طب وأنا أعمل إيه؟
صباح.. بتعرفي ترقصي؟
هنا بكسوف شديد وصدمه.. نعم؟ أنا أرقص؟
صباح بتريقه عليها.. إيه اللي نعمممم؟ آه هترقصي.
هنا بتوتر وكسوف.. بس أنا... مجربتش أرقص قبل كدا. وهتكسف أصلا.
صباح.. بت بقولك إيه، أنا جبت التليفون بتاع عمك حسين معايا أهو. ونزلت عليه أغاني كمان.
هنا.. ينهار أسود؟ إنتي عاوزاني أسمع أغاني وكمان أرقص.
صباح.. هو إنتي هترقصي في الشارع؟ دا لجوزك. فاهمه؟
هنا.. بس أنا مش متعوده. هو إنتي بتعملي كدا لعمي؟
صباح.. آه طبعاً مش جوزي. وإنتي هتتعودي. قومي يلا.
نزل يوسف تحت لابوه وحليمه.
حليمه.. ورحتو فين بقا؟
يوسف.. القاهره.
حليمه.. وعملتو إيه كل دا؟ دا إنتو قضيتو اليوم كله وكمان نمتو هناكي.
يوسف.. هو ممنوع ولا إيه يا أمي؟
حليمه.. لا حبيبي مش ممنوع. بس هنا من أول امبارح وهي مش بتشتغل معايا خالص.
يوسف.. اعتبريها تعبانه شويه.
عادل.. ما تسكتي بقا يا حليمه. هو إنتي مش هامك حاجة غير التنضيف. المهم.... حصل يا ييوسف صح؟ فرحتي وقولي إنه حصلي.
يوسف.. اللي هو إيه يا بابا اللي حصل؟
عادل.. بردو هيستعبط. إنت وهنا يا ييوسف.
يوسف اتنهد.. لسه.
عادل.. لييي.... لي لسه مش فاهم.
يوسف.. متوجعش دماغي بقا. قومي يا أما هاتيلي أكل جعان.
حليمه.. وهي المحروسة معملتش أكل.
يوسف بزهق.. البت لسه جايه من السفر. أقولك مش عاوز أطفح. أنا طالع.
عادل.. ما تقومي يوليه فزي. اعملي للدكتور يوسف أكل.
حليمه.. ما تزعلش يا ابني. حاضر من عنيا.
وقامت.
عادل.. اقعد يا ييوسف شويه عاوزك.
قعد يوسف.. نعم.
عادل.. في محصول عاوزين نبيعه و......
شغلت صباح الأغاني وهنا قامت معاها.
صباح.. ارقصي يالهنا.
طب أنا هجرب.
وجربت ولقيت إنها بترقص حلو أوي مع إنها عمرها ما جربت.
بعد ما خلصوا.
صباح.. يا بنت القرده. دا إنتي طلعتي بترقصي أحسن مني أنا.
هنا بكسوف وابتسامه.. مش للدرجة دي. بس أنا مش هقدر أعمل كدا قدام يوسف.
صباح.. معلش. تعالي على نفسك. عشان تكونو متجوزين حقيقي بقا.
هنا.. ربنا يسهل بقا.
صباح.. هيسهل إنشاءالله. خدي دي. بدلة رقص من عندي أهي. ودا مكياج.
هنا وقفت بكسوف شديد.. ينهار أسود. أنا هلبس دي وكمان مكياج؟ أنا منتقبه يبت إنتي. إنتي جايه تبوظيني.
صباح قامت وقفتلها.. لا بالله عليكي. انسي الاحترام خالص النهارده. فاهمه؟ عاوزين نخلص بقا.
هنا.. هتكسف بجد. أنا بتكسف من يوسف جداً على فكرة. إنتي متعرفيش.
صباح.. آه. بامارة ما بوس*تيه من خده وهو نايم.
هنا.. تصدقي أن أنا مش هحكيلك حاجة تاني. أنا عملت كدا وهو نايم.
صباح.. يلا يا جز*مة البسي عشان أشوفها عليكي هتكون عاملة إزاي.
هنا.. طب والأغاني. هتشتغل إزاي؟
صباح.. بصي هو أول ما هيشوفك بالبدلة هيتوه خالص. إنتي بقا قوليلو هات التليفون بتاعك. هيديهولك علطول وشغلي بقا.
هنا.. هحاول.
صباح بحده.. بقولك إيه. مش هتحاولي. هتعملي كدا فاهمة؟
هنا بخوف مصطنع.. حاضر يا ماما.
ضحكوا هما الاتنين.
في بيت حسين.
حسام.. بس أنا عاوز هنا بجد. هي شكلها عامل إزاي؟
سهام بغيره منها.. حلوه يعني. بس مش أوي.
حسام.. مش أوي. دي عينيها بتوديني في دنيا تانيه. متسلميهالي يا سهام.
سهام.. اممم. عاوزين نخلص من موضوع صباح بس الأول. وبعدها أنا أصلاً عاوزه يوسف. هسلمهالك طبعاً.
حسام.. وربنا ساعتها هكتبلك حتة الأرض اللي كان عينك عليها.
سهام.. ماشي يا أخويا. لما نشوف.
نزلت هنا وصباح ليهم تحت.
صباح.. إزيك يا عمي عادل.
عادل.. أهلاً يا اختي.
بصتلو صباح بزهق كدا.. هتعوزي حاجة يا هنا مني؟
هنا كانت تايها من اللي هتعملوه. لا يا حبيبتي. تسلمي.
قربت عليها صباح.. متنسيش اللي قولتهولك. أقسم بالله هاجيلك بكرة لو غلطتي في حاجة واحدة. هقت*لك.
هنا.. حاضر. حاضر.
حليمه.. تعالي يا صباح. عاوزاكي.
صباح.. حاضر.
يوسف.. مالك يا هنا. فيكي حاجة؟
هنا.. لا أبداً. بقولك إيه.
يوسف.. نعمه؟
هنا بكسوف شويه.. أنا... هطلع فوق. وانت.... تيجيلي بعد نص ساعه.
يوسف باستغراب.. نص ساعه؟ اشمعنى؟
هنا.. ولا أقولك. خليها ساعه.
يوسف.. مالك يا هنا. ساعة ولا نصه؟
هنا.. خلاص. نص ساعه. اوعي تيجي بدري أو متأخر.
وسابتهم وطلعت.
عادل.. مالها دي؟
يوسف.. والله مش عارف.
دخلت صباح مع حليمه.
حليمه بحده.. عملتي إيه؟
صباح.. ما تتكلمي معايا عدل الأول. دا إيه دا.
حليمه حاولت تهدي.. حاضر. عملتي إيه يا ست هانم؟
صباح.. هيح. خلاص. إنشاءالله هيحصل النهارده.
حليمه.. يعني البت بتحبه وعاوزاه؟
صباح.. آه. بتموت فيه كمان.
حليمه.. طيب تشكري.
صباح.. عن إذنك.
وسابتها ومشيت.
كانت قاعده منه في بيتها حزينه جداً. وعماله تعيط على حب عمرها اللي سابها. خمس سنين ويسيبني؟ طب أنا عملتله إيه لكل دا؟
اتصل عليها فريد.
فريد.. عاملة إيه؟
منة.. بخير. وانت؟
فريد.. الحمدلله. إنتي... لسه زعلانه من يوسف؟
منة.. لو سمحت أنا مش عاوزه أتكلم في الموضوع دا. ممكن؟
فريد.. طب أنا آسف خلاص.
منة.. معلش لازم أقفل. سلام.
وقفت.
فريد.. هتفضل مخبي حبك لحد إمتى؟ إمتى بقا أحس إنك بتحبيني.
عدت النص ساعه.
يوسف.. أنا طالع أشوف المجنونه دي.
عادل.. اطلع.
حليمه.. مش هتشرب الشاي؟
عادل غمز لحليمه.. هيشربو مع هنا فوق.
كانت هنا في النص ساعه دي لبست البدلة وفكت شعرها الطويل وكمان حطت من الميكب اللي صباح جابتهولها وبقت قمر أكتر ما هي.
وفضلت تبص لنفسها في المرايا بحب وكسوف شديد.. يلهوي. هو أنا هقف قدامه كدا إزاي؟
سمعت صوت الباب بيتفتح ودخل يوسف و.......
يتبع.