تحميل رواية «الضحية» PDF

نرمين وعيسى وصلوا البيت عند أمه وأخته.

نرمين دخلت جري سلمت على أمه وأخته.

نرمين: وحشتيني أوي يا طنط.

أم عيسى: أنتِ وحشتيني أوي يا بت يا نرمين، كبرتِ يا نرمين.

أخته: بس هبلة زي ما هي.

نرمين: إيه ده إيه ده، أنا بتهزق يا عسعوستي.

عيسى برفع حاجب: عسعوستي!

نرمين: أيوه يا عسعوستي، خد لي حقي من أختك بتتنمر عليا.

أخته: أخويا حبيبي اللي مليش غيره.

نرمين: خليها تنفعك يا عسعوستي، أما أنا مليش حد كلكم بتكرهوني.

قطع كلامهم صوت شخص بيقول: أمال أنا إيه؟ ده أنا اللي بحبك، أنتِ اللي في القلب يا مزة.

نرمين دمعت وهي بتبص على اللي قدامها، وفجأة جريت عليه وحضنته وهو شدد على حضنها.

وعيسى كان واقف ماسك نفسه إنه يروح يضربه.

عند أمير وزين.

أمير: بص يا سيدي، الخطة هنفذها النهارده، لو هي جت أنت اللي اتسرعت وقربت منها. المهم أنا هصاحبها وأقرب منها وأعزمها في مكان أكون أنا وأنت فيه وناخد اللي عايزينه ونخلع.

زين: طب لو مجاتش؟

أمير: مش عارف لسه حكاية لو مجاتش دي، أمم نفكر ونظبطها مع بعض.

زين: خلاص كده فل.