كان زياد كالجماد لا يتحدث ولم يعطِ أي ردة فعل.
"مالك يا زياد انت مش بترد عليا إيه؟"
قطع كلامهم صوت رنين الباب. فتح زياد الباب وسمح لهم بالدخول.
"في إيه؟"
"امسكوها وهاتوها."
"في إيه يا ابني وليه واخدين مريم؟"
"مريم يا حجة متهمة في حادثة ابنك."
ظلت مريم مصدومة وتبكي. تظن أنها حزينة لاكتشاف سرها، ولكن في الحقيقة إنها تبكي لأنها سوف تبقى وحيدة بدون زياد للمرة الثانية بعدما أحببته مرة أخرى.
أمسكوا بمريم وذهبوا بها إلى القسم ليتم التحقيق معها.
ظل زياد يبكي بشدة لأنه عاجز عن فعل أي شيء. وهو بيده الاختيار، إما أن ينتقم لأخيه أو ينقذ حبيبته من قضبان هذا السجن الملعون. وظل زياد في حيرة ماذا يفعل!!!
(اليوم التالي)
حُبست مريم أربعة أيام على ذمة التحقيق.
ذهب زياد إلى قسم الشرطة وطلب أن يرى مريم ويتحدث معها.
"يا عسكري هات المجرمة مريم."
"تمام يا فندم."
أحضر العسكري مريم ودخلت لترى حبيبها وزوجها أمامها.
"أنا هسيبكم شوية مع بعض كدا."
"شكرًا لحضرتك."
خرج الضابط ومعه العسكري وترك المجال ليتحدث زياد مع مريم.
"مبسوطة انتِ دلوقتي؟!"
"اه، على الأقل النار اللي في قلبي بردت. ولو مت هكون مرتاحة."
"ليه يا مريم كل مرة تتصرفي بطريقة تخليني استغنى عنك؟ انتِ، لان للاسف انتِ اللي غلطانة."
"ايوه غلطانة، ما دي كلمتك كل مرة لما بحاول آخد حقي أنا دايماً غلطانة وانتوا صح. فين حقي يا زياد اللي قلت هتجيبه ليا فين؟ رد. أنا دايماً في نظرك غلطانة. اخوك يستاهل ولو رجع بيا الزمن هعمل كدا ألف مرة عشان يحسب اللي حسيت بيه أنا. عشان اوجع قلب امه زي ما وجع قلب امي. عشان اكسرة زي ما كسرني. آه يا زياد مبسوطة. مبسوطة وفرحانة جداً وفخورة بنفسي كمان. انت جاي ليه دلوقتي؟ جاي علشان تقول الكلمتين دول. امشي يا زياد امشي، انا كدا كدا حياتي انتهت. بس كنت عايزة اقولك حاجة قبل ما تمشي، انا بحبك اوي اوي يا زياد."
قام زياد وخرج وترك مريم لتلاقي مصيرها المجهول.
تم نقل فارس إلى المستشفى ليتم الاعتناء به. واستطاع فارس أن يمشي ويتحدث مرة أخرى.
(المحاكمة)
حكمت المحكمة حضورياً على المتهمة مريم بتحويل أوراقها إلى مفتي الجمهورية. رفعت الجلسة.
نظرت مريم إلى زياد بنظرة حزن لتودعه للمرة الأخيرة وسقطت مغشياً عليها.
"زياد!"
"مريم! مريم اصحي!"
"مريم إيه دا أنا فين؟"
"انتِ في البيت. في إيه؟"
"شوفت كابوس يا زياد، كابوس."
"اه الحمد لله."
"وامال فارس فين؟"
"فارس في المستشفى."
"ليه؟"
"يبنتي مالك؟ ما هو عمل حادثة بالعربية."
"طيب تمام الحمد لله."
"الحمد لله انه عمل حادثة."
"لا لا الحمد لله انه عايش."
"الحمد لله."
تمت بحمد الله.