رواية أحببته ولكني أخاف — الفصل 12 — بقلم حبيبة محمد
روايه احببته ولكن
الفصل الثاني عشر
اتفاجئت رحمه ب ايد ادم وهو بيمسك ايديها
رحمه وهى بتبصله بغضب : ممكن امشى
ادم بصلها بنظره كلها حب وقال : متعصبه ليه
رحمه بغضب : انت هتخلينى متعصبه بالعافيه مانا زى الفل اهو
ادم بضحكه جعلتها تبتسم دون شعور منها وقال : طب انا عايزه اقولك على مفاجئه
رحمه : اى هى قووول
ادم : هى مش واحده بس هما كام واحده
رحمه بتشوق زى الاطفال : قول بقا يلا
ادم : اول مفاجئه أن والدك الحمد لله فاق من العمليه ومش محتاج يسافر لان دى كانت خطه من عادل وكان مهدد الدكتور أنه يقول كدا علشان يقدر يقنع مامتك أنه يتجوزك
رحمه بفرحه كبيره : بجددد طب انا هروح اشوف بابا
ادم بضحك على شكلها الطفولى استنى هنا لسه مكملتش مش هتسألينى عرفت ازاى !
رحمه : اه صحيح عرفت منين
ادم : كنت ماشى فى اليوم اللى قولتلك انى رايح البيت وانا ماشى سمعت صوت زعيق فى اوضة الدكتور وكان عادل بيهدد الدكتور أنه لو عرف حد أن والدك كويس هيقتل حد من ولاده وطبعا الدكتور خاف واضطر أنه يقول كدا
رحمه بغضب شديد: عادل دا انسان مريض وانا بكرهه اوى
ادم : تانى مفاجئه بقا أن عادل الوحش دا فى السجن دلوقتى بيشرب شاى مع المساجين لمدة خمسه وعشرين سنه كدا
رحمه بصدمه : دا بجد قول والله
ادم بضحكه : والله ، مش انا قولتلك مش هيقدر يقرب ليكى أو يمس شعره منك
رحمه : طب ازاى وازاى انا معرفش
ادم : انا هقولك
" فلاش باك "
بعد ما عادل كان بيهدد ام رحمه أنه يتجوز رحمه وسابها ومشى ، كان ادم سامع كل دا وقرر أنه يراقبه واكتشف أنه ناوى يخطف رحمه وياخدها برا مصر ويتجوزها بالعافيه هناك غير أنه مشترك مع عصابه مافيا والبوليس مش عارف يمسك عليه حاجه ، ف ادم فضل يراقبه لحد ما مسك عليه فيديوهات وهو بيتفق لتسليم اخر بضاعه وعرف مكان التسليم وبلغ البوليس وقدر يوصل لأوراق الشركه بتاعت والد رحمه والتوكيلات وقطعهم كلهم
" باك "
رحمه بدموع : انت عملت كل دا فى الفتره الصغيره دى ، انا بجد مش عارفه من غيرك كنت هعمل ايه شكرا اوى ياادم انا مهما شكرتك مش هوفيك حقك
ادم وهو بيبصلها بحب : وانا مش عايز شكر انا عايز حاجه تانيه
رحمه بإستغراب : عايز ايه
ادم بحنان : عايزك
رحمه بدأت تتوتر وخدودها احمرت جدا وقالت :طب انا هروح اشوف ماما وبابا
ادم : بابا وماما عارفين انك معايا علفكره
رحمه : اى دا هو انت قولتلهم
ادم : من اول يوم عرفت كل الحاجات دى عرفتهم بس قولتلهم ميقولوش ليكى حاجه علشان اعملهالك مفاجئه
رحمه وهى بتبصله وعيونها مليانه دموع فرحه : شكرا اوى ياادم شكرا بجد
ادم وهو بيغمزلها : ما قولت مش عايز شكر عايزك انتى
رحمه وهى بتفتكر كلام مليكه ليه من شويه : وست مليكه
ادم : مالها
رحمه بتريقه: الف سلامه عليكى ياصغنن ونينينيني ، مين كان بيقول كدا
بقلمى ندى محمد
ادم بضحكه عاليه : دا انتى متابعه بقا
رحمه : ولا فى دماغى
ادم : بس انتى فى دماغى
واشتغلت اغنيه عمرو دياب وهو بيقول " وحياتى خليكى مع قلبى دايب فيكى وليل نهار بيقول ياحبيبى "
ادم : طب والله عيب يعنى عموره يقول كدا وانا مقولش
رحمه : تقول ايه !
ادم وهو بيقرب ليها وبحنان : بحبك
رحمه بكسوف وتوتر :.....
ادم بحب باين فى عيونه : تتجوزينى يارحمه ، ودا مش شفقه ولا مساعده لا دا علشان بحبك ونفسى اقضى الباقى من عمرى معاكى ، انا شوفت فيكى حاجات كتير مش موجوده فى اى حد شوفت برائتك وادبك وحنيتك ها هتتعاطفى معايا وتتجوزينى ولا اخطفك؟
رحمه : ومليكه !!
ادم : يادى مليكه شوف انا بقول ايه وهى بتقول اى، لا عرق النكد دا عايزه يختفى خااالص
رحمه : ومليكه
ادم : مليكه دى اختى الصغيره بس، والله مفيش اى حاجه بينا
رحمه : ولا هيبقى فيه
ادم بغمزه : يبقى في ازاى واللى فى القلب واقف قدامى ولسه هيكمل كلامه فجأه لقى مامته بتتكلم بكل عصبيه : الجوازه دى لا يمكن تتم
ادم : حضرتك مش هتحددى اعيش مع مين واتجوز مين انا بحب رحمه ودى الانسانه اللى عايز اكمل بقيت حياتى معاها
الام : لا مينفعش لان مليكه ... وسكتت
ادم : مالها مليكه
الام : .....