تحميل رواية «احببت زين الصعيد» PDF

عدت الشهور وفرح بقت في التاسع.

وقفت قدام المراية: "زين، أنا بقيت وحشة صح؟"

زين حضنها: "مين يقدر يقول كده، دا انتي قمر والله."

فرح ابتسمتله: "انت رايح فين؟"

زين: "هأنزل القاهرة يوم بس وهاجي والله."

فرح بدموع: "أنا خايفة أولد وانت مش هنا، بقيت بتسبني كتير على فكرة." أبعدت وزقته.

زين: "روح قلبي، ده شغلي."

فرح: "تمام يا زين، روح."

زين باس ايديها: "متزعليش مني يا قلب زين، يلا تعالي ننزل و تنامي مع ريم يا فرح، والله لو نمتي لوحدك لألّطين عيشتك، سامعة؟"

فرح: "ماشي."

ونزلوا، وزين مشي.

ريم: "مالك يا بت انت، شكلك تعبان ليه كده؟"

فرح بضحك: "تفتكري هأولد الليلة؟"

ريم ضحكت: "جايز."

فرح: "تعالي ندخلوا جوه، بت عمتك جات، هي ملهاش راجل دي ولا إيه؟"

ريم ضحكت جامد: "لا."

ودخلوا جوه.

جه الليل وكل واحد دخل ينام.

بالليل فرح بتعب: "ريم قومي، ريييم، آآآه."

ريم بخضة: "في إيه؟"

فرح: "آه، بولد، بولد."

ريم جريت قومت أمها والدار كلها قامت على صوت فرح.

فرح بعياط وألم: "أنا عايزة جوزي، رنيلي عليه، ااااه."

ريم رنت عليه بسرعة: "زين، فرح بتولد."

زين بخضة: "إيييه، طيب اديني حمزة بسرعة."

زين: "حمزة خدها على المستشفى بسرعة وأنا هاجي، بس بسرعة يا حمزة الله يخليك."

حمزة: "حاضر."

وقفل معاه وشالها ونزلوا كلهم على المستشفى ودخلت العمليات.

زين جه ونزل يجري عليهم.

زين: "طلعت ولا لسه؟"

ريم: "لسه."

طلعت الممرضة أدتهم الولدين، واحد لريم والتاني لزين.

زين بلهفة: "طيب وفرح؟"

الممرضة: "كويسة جداً وهتطلع دلوقتي أوضة عادية."

زين أول ما شافهم دمع وكبر في ودنهم.

نقلو فرح أوضة عادية وكلهم دخلو وزين قعد جنبها.

فرح بهلوسة: "لو مت، أوعك تتجوز بت عمتك العقربة يا زين."

زين: "يخرب عقلك ياشيخة."

ريم ضحكت: "والله مراتك دي مجنونة."

فرح بدأت تفوق: "آآآه."

زين: "حمدلله على سلامتك يا أم العيال."

فرح: "عيالي فين؟ متتكلمش معايا لو سمحت."

زين جابلها الولدين: "ها، هنسمي إيه؟"

فرح: "يزن وياسين."

زين ابتسم ليها: "حلوين زي أمهم."

فرح عملت نفسها زعلانة.

زين ميل عليها وهمسلها: "زعلانة؟ أصالحك في بيتنا." وغمزلها.

فرح طلعت من المستشفى وروحت البيت.

زين حطها على السرير براحة.

سميحة: "انزل نام تحت يا ولدي، أنا وريم هنام هنا علشان نغير ليها هدومها وناكلها."

زين: "لا ياحبيبتي انزلي انتي، أنا معاها."

سميحة: "مش هتعرف يا ولدي."

زين: "والله هعرف."

سميحة: "طيب، ريم هتطلعلها الأكل."

ونزلوا.

زين قرب منها: "حمدلله على سلامة القمر بتاعك."

فرح بصت الناحية التانية.

زين شالها: "غيري وتعالي نتصالحوا."

دخلها الحمام وغيرت وشالها نيمها على السرير براحة ودخل هو كمان غير.

طلع لقي ريم قاعدة توكلها.

زين: "هاتي ياحبيبتي وأنا هوكلها، انزلي نامي زمانك تعبتي."

ريم: "لا ياخوي نام انت."

ولسه بتكمل الولد عيط.

ريم: "طيب تعالي وأنا هاخد ياسين أسكته."

زين وكلها وريم سكتت الولد ونزلت وهما ناموا.

تاني يوم الباب خبط وزين قام فتح بالراحة.

ريم: "أهل مراتك تحت عايزين يشوفوها."

زين: "طيب هصحىها وربع ساعة وخليهم يطلعوا."

زين راح صحاها وغسلها وشها وعدلها.

أهلها طلعوا، أمها حضنتها وأبوها وشالوا الولاد.

مامت فرح: "ما شاء الله على الجمال."

فضلو معاها لآخر اليوم.