سيف: انت عايزني اتجوز واحدة ليها ملف في بوليس الآداب؟ انت بتقول ايه يا بابا؟ ده النسب اللي عايز ابنك بنسبه، يعني أنا ضابط ورايح اتجوز واحدة زي دي.
صالح (والد سيف): أنا مش باخد رأيك، دي قرار، وانهاردة الفرح.
سيف: قرار ايه؟ أنا عمري ما هتجوز البنت دي، مش ناقصني غير إني اتجوز واحدة شمال.
صالح: ما انت كل يوم مع واحدة منهم، بس البنت دي مش زيهم.
سيف: أنا آه مع واحدة كل يوم، بس يوم ما اتجوز مش هتجوز واحدة زي دي.
صالح: البنت مش زي ما انت فاهم، ووالدتك الله يرحمها موصياني عليها.
سيف: أنا مالي زيهم ولا لأ، وبعدين هي لو محترمة هيكون ليها ملف في بوليس الآداب ليه؟ أنا مش هتجوزها، وأمي لو عايشة أكيد مش هتوافق على واحدة زي دي.
صالح: أنا قولت خلاص، ودي وصية والدتك، والبنت ملهاش غيرنا.
وفي مساء نفس اليوم
دخلت ورد البيت وهي مكسوفة، وباين عليها إنها محرجة جدًا، وكانت ملامحها جميلة جدًا، وشعرها الأسود الطويل يغطي أغلب وشها.
سيف باستخفاف: إيه يا هانم، مش متعودة غير على شقق مفروشة ولا إيه؟
صالح: سيف، عيب كده، اعتذر لها.
سيف بص لورد بقرف: فين المأذون؟ عايز أخلص.
صالح: اطلع يا بنتي، البسي واتجهزي عقبال ما المأذون يجي.
وجه المأذون، جه عشان يكتب الكتاب.
المأذون: بارك الله لكما، وبارك عليكما، وجمع بينكما في خير.
صالح: يلا يا سيف، خد عروستك واطلعوا على بيتكم.
سيف بص لورد.
سيف: اتفضلي قدامي.
ورد مشيت مع سيف باستحياء.
سيف وصل شقته، اللي كان كل يوم مع بنت غير التانية فيها.
ورد دخلت الشقة مع سيف.
سيف: دي شقة بجيب فيها اللي زيك، بس انتي أكتر حد رخيص دخل البيت ده.
ورد بصت لسيف بانكسار.
سيف: لأ، بقولك إيه، مليش أنا في جو العياط والصبعنيات دي، ومش عايز أشوف خلقتك أصلاً، إحنا هنعيش مع بعض فترة، وبعد كده هطلق، مش عايز ألمحك طول الفترة دي، فاهمة؟
ورد بخوف: حاضر.
سيف دخل أوضته وغير هدومه. خرج لقى ورد قاعدة زي ما هي، وضامة نفسها وبتعيط.
سيف ببرود: انتي قاعدة كده ليه؟
ورد مردتش.
سيف: لما أتكلم.
ورد: انت عايز إيه؟
سيف: هعوز منك إنتي إيه؟ ده أنا يا حلوة حتى أقرف أبص لك.
ورد رن تليفونها.
ورد بارتباك قفلت في وش اللي بيتصل.
سيف: مين بيرن عليكي؟
ورد: معرفش.
والموبايل رن تاني.
سيف: ردي وافتحي الاسبيكر.
ورد بخوف: ليه؟
سيف: اعملي اللي بقولك عليه.
ورد: حاضر.
وفتحت ورد الاسبيكر.
مجهول: أومال فينك يا حلوة؟ سمعت إنك اتجوزتي واحد ستر عليكي، بس ده ما يمنعش إنك هتكملي شغل معانا، الشغل شغل، يا روح أمك، إلا والله انتي عارفة أنا ممكن أعمل إيه كويس فيكي.
ورد بخوف وبدون أي تفكير: حاضر، أنا نازلة حالا.
وقفتل السكة.
سيف: ......