رواية أحببنى بلطجى — الفصل 6 — بقلم الكاتبة امل ناصر
ياسين: أنا آسف يا نور، سامحيني بس هو ده كان الحل الوحيد قدامي، وأنا أكيد هنسيكي كل ده لما تبقي مراتي حلالي.
منزل نور
نور في غرفتها تبكي بنحيب، لا تعرف أن تتماسك بنفسها.
جنا: مالك يا حببتي بتعيطي كده ليه يا قلبي؟ مانتي اللي وافقتي بمزاجك يا نور، محدش غصبك على حاجة. هو ياسين جبرك على حاجة يا نور؟ عارفين يا حبيبتي يمكن أقدر أسعدك.
نور: لا يا حبيبتي متخافيش، مفيش حاجة حصلت ولا ياسين غصبني على حاجة.
جنا: طيب يا حبيبتي ارتاحي شوية لأن انتي شكلك تعبانة، وبعدين انتي خطوبتك بكرة يا قلبي.
نور: حاضر يا حبيبتي. وتحاول أن تستريح.
...........
وفي صباح اليوم الجديد
منزل ياسين
سلمى: صباح الخير يا ماما، بتعملي أكل إيه يا حببتي؟
أم ياسين: بحضر الفطار، روحي صحي أخوكي يا حبيبتي.
سلمى: حاضر. وتذهب إلى غرفة ياسين تحاول إفاقته.
سلمى: يلا قوم يا ياسو عشان ماما حضرت الفطار.
ياسين: يفتح عينيه ببطء وهو يبتسم ويقول: صباح الورد يا ورد.
سلمى: صباح الروقان، يلا قوم عشان نفطر. ويذهب ياسين إلى الحمام ياخد دش ويخرج من الغرفة يجلس على الفطار: صباح الخير يا مه.
أم ياسين: صباح الورد.
ياسين: حقك عليا يا مه، متزعليش مني عشان اتشنكت عليكي.
أم ياسين: مقدرش أزعل منك.
ياسين: طيب طالما كده بقا يا زازة، اعملي حسابك انتي وسلمى إننا رايحين انهاردة بيت نور عشان نلبس دهب.
أم ياسين ببتسامة: بجد يا ضنايا؟ هما وافقوا خلاص؟
ياسين: أيوه يامه، والدخلة الخميس الجاي إن شاء الله.
سلمى بفرحة كبيرة: مبروك يا عريس، أيوه كده بقا! إحنا لازم نروح نشتري لبس جديد بقا.
ياسين: ماشي يا حبيبتي، ابقي خدي زوزة ونزلوا اشتروا اللي انتوا عايزينه. وبعد مرور من الوقت
نزلت سلمى اشترت هدوم هي ومامتها وبيجهزوا نفسهم عشان يروحوا للعروسة.
ياسين: يلبس قميص كحلي وبنطلون أوف وايت.
ويضع من عطره المفضل المثير.
ويخرجون إلى منزل العروسة سويا.
..........
منزل نور
نور في غرفتها حزينة متعبه، ليس لها رغبة بشيء.
حنان: مالك يا بنتي نايمة كده ليه؟ الناس على وصول، قومي جهزي نفسك يلا.
نور: حاضر يا ماما.
حنان: تعالي يا جنا ساعدي أختك تجهز نفسها.
جنا: حاضر يا ماما. وتفتح ضلفة الدولاب تختار فستان كشمير طويل في قمة الجمال.
نور ترتدي الفستان، وبعد ذلك تجلس على المقعد لتضع لها أختها الصغيرة القليل من المكياج وتلف لها الحجاب.
جنا: ما شاء الله على أختي حبيبتي، أحلى عروسة دي ولا إيه؟
نور ببتسامة: بطلي رغي يا قلب أختك.
جنا: والله قمر. وتسمع جرس الباب وتذهب مسرعاً وهي تصرخ وتقول: العريس جه! وتفتح الباب.
ياسين: إزيك يا جنا، عاملة إيه؟
جنا: الحمد لله يا ياسو، مبروك.
ياسين ببتسامة: الله يبارك فيكي، دي سلمى أختي ودي ماما.
جنا: أهلاً وسهلاً يا طنط، أهلاً بيكي يا سلمى، اتفضلوا.
ويدخلون ويتعرفون على بعض جميعاً.
أم ياسين: آمال فين العروسة؟ عايزة أشوف مرات ابني.
حنان: حاضر. هقوم أناديها. وتذهب إلى غرفة نور تناديها.
نور تسلم على حماتها: ازيك يا طنط؟
أم ياسين: الحمد لله يا حبيبتي، ما شاء الله تبارك الرحمن، إيه القمر ده!
نور: ميرسي يا طنط.
سلمى: إزيك يا عروسة؟ ألف مبروك، أنا سلمى أخت ياسين.
نور: أهلاً وسهلاً بيكي يا سلمى.
وبعد ذلك يقرأون الفاتحة ويلبسون الدبل.
نور جالسة بجانب ياسين، لا ترفع وجهها إليه أبداً.
ياسين: مبروك يا نور.
نور بحزن: الله يبارك فيك.
ياسين يمسك يدها يقبلها أكثر من مرة.
نور: خلاص، في إيه؟ انت بتستغل الفرصة إني مش هعرف أعمل حاجة قدام أهلي وأهلك؟
ياسين: بصراحة، أيوه.
نور: مجنون والله. وبعد هذه السهرة
ياسين يذهب إلى منزله.
ونور تجلس تفكر هتعمل إيه مع ياسين.
حنان: نامي يا نور، انتي هتبقي عروسة بعد أسبوع. عشان بكرة إن شاء الله هاخدك وننزل نشتري الجهاز بتاعك.
نور: حاضر يا ماما.
وفي صباح اليوم الجديد
تذهب نور مع والدتها وأختها الصغيرة عشان تشتري الجهاز، وبعد يوم متعب جداً رجعوا البيت.
ياسين قاعد على القهوة.
يوسف: طمني يا صاحبي، عملت إيه؟
ياسين: كله تمام، والفرح الخميس اللي جاي.
يوسف: ألف مبروك يا حبيب أخوك.
ياسين: الله يبارك فيك.
وفي لحظة كان أحمد واقف قدام ياسين.
أحمد: المرة دي مش هتعرف تخلع نفسك يا ياسين.
أحمد يخلي أكتر من شخص يمسكوا ياسين بقوة.
ولكن ياسين يضرب بكل قوته، ولكن...
مرة واحدة ياسين شاف المطوة مطعونة في بطنه.
يوسف: يصرخ: ياسين! ويمسك بيده بقوة لحتى لا يقع إلى الأرض ويسند ياسين ويقعده على الكرسي.
أحمد مبقاش له وجود، هرب لما شاف ياسين غرقان في دمه.
يوسف يتصل بسيارة إسعاف ليذهبوا إلى المستشفى مسرعين ويتصل بأم ياسين.
الدكتور: مين اللي عمل فيه كده؟
يوسف: خناقة في الشارع يا دكتور.
الدكتور: على غرفة العمليات بسرعة.
ويذهب ياسين إلى العمليات.
أم ياسين وسلمى منتظرين.
وبعد عدد من الساعات خرج الدكتور.
يوسف: خير يا دكتور؟
الدكتور: الحمد لله، المطوة ملمستش أي عضو من أعضاء جسمه. سليمة، اطمنوا.
أم ياسين: الحمد لله والشكر لله.
يوسف: طيب يا دكتور ممكن نشوفه؟
الدكتور: اتفضلوا طبعاً.
أم ياسين تقبل وجنتيه أكثر من مرة وتقول له: حمد الله على سلامتك يا حبيبي.
سلمى: ألف سلامة عليك يا ياسو. وهيا تبكي.
يوسف: سلامتك يا صاحبي.
ياسين: متخافوش، أنا كويس. محدش يجيب سيرة لنور، أوعى حد يقول حاجة ليها.
أم ياسين: حاضر، متخافش، أهم حاجة انت كويس.
ياسين: الحمد لله يا أمه، متخافيش. هقوم وهاخد حقي من الكلب اللي غدر بيه ده، هخليه عبرة لمصر القديمة.
أم ياسين: يا ابني حرام عليك، كنت هتموت وربنا نجدك. ابعد عن الطريق ده بقا يا ضنايا، حرام عليك. إحنا ملناش غيرك.
ياسين: متخافيش يا مه، أنا كويس والله.
يوسف: إحنا ممكن نخرج إمتى يا دكتور؟
الدكتور: الصبح إن شاء الله.
يوسف: تمام، أنا هبات معاك هنا، بس الأول هروح أوصل خالتي وسلمى البيت وأرجع لك تاني يا ياسين.
مش متأخر عليك.
ياسين: يلا يا أمه روحي مع يوسف ومتخافيش، أنا كويس.
أم ياسين: ماشي يا حبيبي. وتذهب إلى منزلها مع يوسف.
وبعد ذلك يرجع يوسف إلى المستشفى وينام بجانب ياسين.
...........
وفي صباح اليوم الجديد
يخرج ياسين من المستشفى ويذهب إلى المنزل مع يوسف صاحبه.
ويدخل إلى غرفته ليستريح.
أم ياسين: حمد الله على سلامتك يا حبيبي، ارتاح شوية. وأنا هعملك أكل وأرجعلك تاني.
ياسين: ماشي يا أمه.
...........
منزل نور
محمد: انتوا جهزتوا كل حاجة؟ فاضل 3 أيام على الفرح.
حنان: فاضل حاجات بسيطة، بس هننزل نجيبها أنا ونور.
محمد: ماشي، أهم حاجة تخلصوا نفسكم بسرعة، الوقت بيعدي في لحظة.
حنان: متخافش، إن شاء الله خير.
نور تمسك الفون تتصل بياسين.
نور: الووووووو.
ياسين: إزيك يا نور.
نور: الحمد لله، انت عامل إيه؟ صوتك تعبان كده ليه؟ انت كويس؟
ياسين: أهدي، أنا كويس، بس كنت نايم ولسه صاحي من النوم.
نور: طيب أنا عايزك تيجي معايا عشان نشتري الفستان.
ياسين: حاضر إن شاء الله، بس ممكن بكرة؟ لأن أنا مشغول أوي النهاردة. بكرة هاجي آخدك ونروح نشتري أحلى فستان لأحلى نور في الدنيا.
نور: ماشي، اتفقنا. سلميلي على ماما وعلى سلمى.
ياسين: توصل، وانتي كمان سلميلي على اللي عندك.
نور: أوك.