رواية اغتصبت خطيبة اخي الفصل الخامس 5 - بقلم مهرائيل ماجد عادل

محمود: حامل ازاي يا ابني من غير ما تتجوزوا؟ سيف: هتجوزها يا عم محمود، متقلقش. محمود: ربنا يهديكوا يا ابني. سيف: قومي معايا. حنين: سيف، أنا مش فاكرة حاجة. إيه اللي حصل؟ سيف: مش فاكرة حاجة إزاي يعني؟ حنين: أنا جيت هنا ليه؟ وإيه ده؟ دماغي ملفوف عليها شاش ليه؟ سيف بشك: إيه آخر حاجة فاكراها؟ حنين: آخر حاجة فاكراها يا حبيبي لما كنا سوا بنتفسح ورحنا دريم بارك. سيف في باله قال إن حادثة اغتصابها كانت بعد الفسحة دي بيوم واحد.

سيف: حنين حبيبي خليكي هنا وراجعلك. حنين: حاضر، متتأخرش يا سفوس. سيف: حاضري يا قلبي. سيف: يعني إيه يا دكتور؟ الدكتور: معناها إنها مش فاكرة الأسبوع اللي فات ده كله. يعني الأسبوع ده كان فيه أحداث صعبة جدًا عليها، وعقلها مع الخبطة خلاها تنسى. أو هي كانت عايزة تنسى حاجة معينة والخبطة ساعدتها. سيف: ودي هتفضل معاها قد إيه؟ الدكتور: صدقني معرفش، كله بأيد ربنا. سيف: تمام، شكراً يا دكتور.

الدكتور: العفو على إيه، أنا بعمل واجبي. الأب: بنتي حصلها كل ده، وأنت حتى مكنش هاين عليك ترن تقول لي؟ سيف: أنا آسف والله، بس من كتر ما كنت قلقان وهموت عليها معرفتش أكلم حضرتك. الأب: على العموم أهم حاجة تكون كويسة. بس اللي مش كويس إنها حامل من الزفت أخوك ده. حسبي الله ونعم الوكيل. سيف: حتى لو حصل أي، برضه هتجوزها والطفل مالوش ذنب. الأب: روح هات المأذون عقبال ما أقنعها تاني. منك لله يا حازم، منك لله يا أخي.

حنين: يعني إيه يا بابا؟ كتب كتاب من غير ما ناخد رأيي؟ وإيه السرعة دي؟ آآآه. الأب: اهدي يا بنتي علشان صحتك متدهورش. ومش ده سيف اللي كنتي هتموتي وتتجوزيه؟ وده كتب كتاب بس مفيش فرح دلوقتي. غير بعد أسبوع. حنين: أسبوع إيه يا بابا؟ أنا حاجتي لسه مجهزتش. الأب: متقلقيش، هدي أمك فلوس وتروح تجبلك كل اللي ناقص. اهدي انتي بس وكل حاجة هتتدبر. حنين: اللي تشوفه حضرتك. "بارك الله لكم وعليكم وجمع بينكم في خير." الأم: لولولوللي.

الأب: بس ي وليه! إيه اللي بتعمليه ده؟ الأم: إيه يا راجل؟ بفرح ببنتي، مش كفاية اللي هي فيه؟ الأب: طب اسكتي مش عايز أسمع صوتك. ممكن حد يسمعك. الأم: يووه، حاضر يا حج. سيف: ألف ألف مليون مبروك يا عروسة. حنين بابتسامة: الله يبارك فيك يا عريسي. الأب بابتسامة: مبروك يا ولاد. عقبال ما أفرح بعيالكم. الأم: يووه يا حج! هتقعد لغاية ما تفرح بعيالهم؟ الأب: تفي من بوقك يا وليه انتي! ده أنا لسه شباب. إشحال البت هي اللي كبرتني بس.

ضحكوا كلهم على كلامه المرح اللي قاله علشان يخرجهم من المود. عدى الأسبوع من غير شيء يذكر، وانهارده فرحهم. راح سيف ياخدها من الكوافير للقاعة علشان الفرح. وسلمها أبوها لسيف وهو بيوصيه عليها. سيف: هحطها جوه عيوني. وباس راسها بحنان. طبعاً اشتغلت الأغاني والرقص. وبعد نص ساعة رقص قعدوا ع الكوشة بتعب وضحك. الدي جي: يا ريت يا عريس تجيب عروستك ع الاستيدج علشان دلوقتي فقرة الساحر قصدي رقصة السلو. سيف بضحك: يلا بينا. حنين: يلا.

رقصوا وفضل يهمس ليها بكلام حب وقد إيه هو بيحبها وكان بيتمنى اليوم ده من قد إيه. وبعد ما خلصوا قعدوا ع الكوشة تاني وفضلوا يحبوا في بعض. بس يا فرحة ما تمت. التعبان كان وصل. حازم وقرب من الكوشة: سمعععع. هووووس. ينفع يا عريس متعزمش أخوك؟ سيف بهمس غاضب: حاااازم، اخرج بره. حازم: تؤتؤ. عيب تطرد أخوك الكبير من فرحك. سيف: وديني لو ما طلعت، ما هيكفيني موتك. متقلبش الفرح يا حازم. حازم: عيب عليك يا ابن أبويا. ده أنا جاي أشرفك.

سيف: مش عايز الشرف ده. غور في داهية. حازم: همشي، بس صدقني مش هسيبك تتهنى بيها. سيف: ربنا ياخدك ويريحنا منك. آآآه. من امتى يا حازم وانت كده؟ أنا عمري ما شوفت فيك الغل والنفسنة دي. ربنا يهديك. بس برضه مش هتراجع عن حقها. واللي خططتله هعمله قريب أوي. سيف: نورتي بيتك يا أحلى عروسة. حنين حاسة إنها هتستفرغ، بس بتحاول تمسك نفسها: سيف، أنا تعبانة. سيف: هترجعي؟ حنين قالت آه بصوت واطي وحطت إيدها ع بوقها.

سيف شالها بسرعة وأخدها الحمام. فضل مستنيها لغاية ما تخلص وبيطبطب ع ضهرها: اهدي، خدي نفسك. حنين بتعيط وحاسة بوجع جامد في بطنها: سيف، بطني بتوجعني أوي يا سيف. سيف: طب اهدي، هتصل بدكتور حالاً. بس تعالي معايا. وشالها لأوضة نومهم وحطها عالسرير وغيرلها هدومها: حاولي تهدي لغاية ما أتصل بالدكتور. حنين بعياط: حاضر. سيف قلقان عليها جدًا. اتصل بالدكتور وقاله ينزل يجيبلها دوا معين.

سيف: بصي، هنزل الصيدلية على آخر الشارع. في ثانية هكون عندك. حنين هديت شوية: ماشي، بسرعة بس متتأخرش. سيف باس دماغها: حاضر يا حبيبي، سلام. بعد عشر دقايق كان في البيت. سيف: يالا خدي. أهو البرشام ده والماية. يالا علشان تخفي. خلاها أخدت البرشام: هقوم أجيبلك أكل علشان تاكلي وتنامي. حنين: ماشي. جاب ليها أكل وأكلها. سيف: يالا بقي استغطي ونامي وأنا هنا جنبك. حنين: أنام إزاي؟ مينفعش، انهاردة فرحنا.

سيف: شششش. أنا بقولك نامي، يبقى تسمعي كلامي. حنين: سيف. سيف: قلبي. حنين: بحبك أوي يا سيف. سيف: وأنا بحبك أوي يا قلب سيف. تصبحي على خير.