تحميل رواية «أبلة كشر» PDF

انت يا أستاذ… انت يا بيّه… افتح الباب.

والله لأبلّغ البوليس.

إيه قلة الذوق دي؟!

انتِ مين أصلًا، وبتخبطي على الباب كده ليه؟

قلة ذوق؟! دي أنا؟!

ده انت راجل بجح.

يا نهارك أسود ومنيل… وكمان شيشة ودخان، وتلاقيك حاطط نوع من المخدرات.

ششّش…

انتِ عايزة تفضحينا في العمارة؟ وطي صوتك.

أوطي؟!ده أنا هاعلي وهعلي.

من الصبح خبط ودوشة قلت معلش… جار جديد وبينقل والجيران لبعضها.

صوتك عالي؟ برضه قلت معلش، عُمال وناس كتير طبيعي يحصل دوشة.

إنما بالليل؟

أغاني، وريحة دخان خانقة… والبيه طلع صاحب مزاج.

انتِ لولا إنك ست… أنا كنت.....

كنت إيه؟!

بتقطع ليه؟ بتبلع الكلام ليه، آه ما هو البيه مسطول.

يا نهارك أسود… وكمان معاك أطفال!

إيه ده؟!

أبوهم انت ؟!ولا خاطفهم؟!

لا لا… أنا مش هسكت.

عم سباعي… عم سباعي!

عم سباعي وصل وهو بينهج، وبلهجته الصعيدي المميزة:

خير يا ست ماريا… إيه اللي مولّع الدنيا كده؟

أنا ساكنة هنا بقالي كام سنة يا عم سباعي؟

ابتسم ابتسامة فيها حنين:

حسبة كده… ييجي حوالي تلاتين سنة، من يوم ما اتولدتي هنا.

ونص العمارة دي مكتوب باسم مين؟

قالها وهو مخنوق:

باسمك يا ست ماريا.

أومال مين البِيه المسطول ده؟

احترمي نفسك يا ست… أنا من الصبح ساكت لك.

احترم نفسي؟!ده انت مش بس قليل الذوق… ده قليل الأدب.

عم سباعي حاول يدخل بينا، واقف زي جندي أعزل بين دولتين نوو يتين، رافع إيده وكأنه بيحاول يوقف حرب مالهاش آخر:

بس… كفاية.

يا ست ماريا، عمك هاشم هو اللي سكّنه، وهو برضه نص العمارة باسمه.

عمي هاشم؟

طبعًا… بيتصرف وكأنها ملكه لوحده.

أي حد من هب ودب يسكن في أي حتة.

ما هو صاحب أملاك بقى، مش فاضي يقعد مع المستأجر يعرف هو مين ولا جاي منين.

الراجل ده يلم عزاله ويمشي فورًا.

بصي يا مدام…

مدام في عينك.

انسة، الدكتورة ماريا كامل.

ضحك ضحكة فيها تحدّي وقلة احترام:

حصلنا الرعب العظيم.

أنا مش مستأجر… أنا مالك.

والشقة دي اشتريتها برقم انتِ عمرك ما سمعتيه حتى في خيالك.

وطالما البيع تم في حدود حصة المالك التاني، اللي هو عمك، يبقى قانوني ومن غير إذنك.

وطلوع مش طالع.

أما الأغاني؟ هاعلي وهعلي.

والدخان؟ في مدخنة جوه.

واللي مش عاجبه… يشرب من البحر.

وقفل الباب في وشّنا.

دخلت شقتي وأنا بغلي.

عمي… زوّدها قوي.

مش كفاية نهش الورث، كمان عايز ينهش في لحم بنت أخوه اللي لا ليها أب ولا أم.

أشكال إيه دي اللي يسكنها؟

مخدرات، وأغاني، وليل مسروق من الهدوء.

وكمان قدامي… قُصادي عين في عين.

وتلاقيه فعلًا خاطف الأطفال دول شكلهم ولاد ناس.

نمت بالعافية، حاطة مليون مخدة على راسي علشان الأغاني.

اتأخرت في النوم… قوي.

صحيت على ريحة خانقة.

خانقة أوي.

بصّيت على الساعة … عشرة.

الدخان مالي الجو، بس دي مش شيشة.

دي ريحة حريق.

فتحت باب الشقة…

الدخان طالع من عنده.

وسمعت صويت أطفال:

الحقونا… الحقونا!

قلبي وقع في رجلي.

خبطت، صرخت، حاولت أكسر الباب… مفيش فايدة مش عارفة اكسره.

الجيران اتلمّوا، عم سباعي، أم عبده مراته … ولا حد عارف يعمل حاجة.

فكرة واحدة نطّت في دماغي فجأة.

غبية.

مجنونة.

بس وحيدة.

أنط من البلكونة لبلكونته.

الدور الخامس.

غلطة واحدة… مفيش رجوع.

سمعت أم عبده بتصرخ:

يا بنتي بلاش!... بلاش ياست ماريا المطافي هتيجي دلوقت.

ما سمعتهاش.

ولا حسّيت بنفسي غير وأنا في البلكونة التانية.

الدخان كان تقيل… خانق.

دخلت بالعافية.

يا ولاد… حد سامعني؟

لقيتهم.

الولد الصغير مغمى عليه.

والبنت عند الباب، بتصرخ بهستيريا.

طلّعتهم واحد واحد.

سلّمتهم من بلكونة للبلكونة بتاعتي، بمساعدة ام عبده.

وبعدين رجعت كسّرت الكالون، والجيران دخلوا.

عفش الصالة… شبه اتحرق كله.

رجعت شقتي للاطفال بسرعة وسبتهم هما يطفوها والحمدلله قدروا يطفوها.

ربع ساعة بحاول افوق الطفل.

الولد ما فاقش.

لبست بسرعة، شيلت البنت، ونزلنا المستشفى.

ومعانا عم سباعي وهو بيكلم البيه:

إلحق يا أستاذ مالك… كارثة.

مستشفى الحياة. فورًا.

خرج الدكتور… وشه متقلّب، صوته تقيل.

انتِ والدة الطفل؟

لا…آه…آه هو والدي... أقصد… أنا والدته.

سكت ثانية وخد نفس، ثانية طويلة… تقيلة.

للأسف الطفل…

تعرّض الطفل لاختناق شديد بالدخان.

ودخل في غيبوبة تنفسية.

الكلمة وقعت عليّ كأنها حجر.

"غيبوبة؟ يعني لا سامع، ولا حاسس… يعني معلّق بين النفس والعدم؟"

سألت الدكتور، وصوتي بالكاد مسموع:

"وضعه إيه؟"

"وضعه حرج. حطيناه على أكسجين عالي التركيز. فيه التهاب حاد بالرئة نتيجة استنشاق الدخان. أول يومين… هما الميزان."

"هيعيش، صح؟ أكيد هيعيش… هو ما عملش حاجة تستاهل ده."

الدكتور ما قالش نعم. وما قالش لا.

"إحنا بنقوم بواجبنا الطبي كاملًا، لكن النتيجة… دي بتاعت ربنا."

البنت كانت واقفة جنبي، ساكتة. عينها في عيني، كأنها بتسلّمني السؤال بدل الإجابة.

"هو هيصحى يلعب معايا تاني يا طنط؟ ولا… هيسافر زي ماما؟"

السؤال طلع منها هادي، وهدوؤه كان أخطر من العياط.

"إن شاء الله هيصحى. وهتلعبوا سوا كتير. ربنا يحفظكم لبعض."

سكتُّ ثانية وبصّيت لها:

"هي ماما سافرت فين؟"

رفعت عينها. كانت مليانة دموع. وما نطقتش.

عم سباعي واقف بعيد، السبحة في إيده بتلف، وشفايفه بتذكر ربنا بصوت واطي.

أم عبده قاعدة على الكرسي، وشها مسحوب، كأنها شايفة اللي جاي قبل ما ييجي.

أما مالك وصل متأخر. وشّه متكسّر بين غضب وندم.

صوت واحد فاق فجأة على كارثة.

"حرقتِلي بيتي! عايزة تموّتِلي ابني؟ إنتِ عايزة مني إيه؟ أنا عملت لك إيه؟ حسبي الله ونعم الوكيل… هدمر حياتك، وهوديكي في ستين داهية!"

بصّيت له بهدوء بارد:

"حرقت بيتك؟ إنت فاقد وعيك؟ أنا اللي ولّعت؟ ولا مزاجك هو اللي ولّع البيت؟"

اندفع عليّ، مسكني من إيدي، وهزّني بعنف:

"هقتلك يا ماريا… أقسم بالله هقتلك!"

عم سباعي دخل بينا، زقّه بعيد كأنه بيبعد شر.

البنت صرخت، عيّطت بهستيريا.

حضنتها وضمّيتها ليّ بحب شديد.

"متخافيش يا حبيبتي… اهدي. ده هزار. بنمثل، زي المسرحيات اللي بتعملوها في المدرسة."

بصّتلي. ما اقتنعتش. بس سكتت.

بعد شوية، نامت على رجلي.

نَفَسها هادي… كأنها هربت من الحقيقة بالنوم.

عدّى نص ساعة. وتوقعت عم سباهي حكى له كل شيء. ورجع:

"أنا آسف يا دكتورة ماريا، بس..."

قاطعته:

"إنت لا تصلح أن تكون أب. عارفة إن التوقيت قاسي، وإن الكلام ده مينفعش يُقال هنا. وابنك بين الحياة والموت… لكن والدي _الله يرحمه_ كان بيقول جملة بحبها جدًا: 'الحقيقة لا تنتظر وقتًا مناسبًا، فهي لا تأتي لتُريحنا، بل لتُوقِف الضرر'."

قربت خطوة:

"بنتك قالت إنهم لعبوا بالفحم، والكبريت، وبقايا سهرتك. سيبتهم وحدهم!!"

قفلت عليهم بالمفتاح. ونزلت.

إزاي؟ إزاي تفكّر؟ إزاي تسيب أطفال في أدوات خطيرة وسكاكين وغاز وفحم مولّع وكبريت؟ مولّع من إمبارح إزاي إلا لو كنت مغيّب، أو شربت الصبح كمان؟

لو ملحقتهمش؟ ولو النار مسكت في شقتي؟ في العمارة؟ في المطعم اللي تحت؟ كنا بقينا قدّام مجزرة.

سكتُّ لحظة:

"إنت مش بس مهمل… إنت خطر.. وقبل ما تكون خطر عليا، خطر على عيالك."

عم سباعي بصّلي بنظرة تحذير، نظرة الاب لبنته، ونده لأول مرة اسمي من دون ألقاب:

"ماريا… كفاية. مش وقته."

مالك بصّ لبنته، الدموع في عينيه، وصوته اتكسر:

"أنا مغيّب. والمغيّب ما ينفعش يكون أب... ماشي.. برافو عليكي شكرًا."

"وسابنا وجري لأخر الممر الخاص بالعناية."

عدّت ساعات. باب العناية اتحرّك. قومت وشيلت البنت.

طلعت بيها بجري بيها. خرج ممرض. مش دكتور. ما قالش حاجة. قفل الباب ومشي.

رجعت مكاني. الساعة واقفة. نفس الرقم. الزمن معلّق.

افتكرت سور البلكونة. لو رجلي زحلقت، لو إيدي خانتني.. لو فكّرت لحظة زيادة… مش عارفة… أنقذته؟ ولا بس قدّمتُه للقدر قبل معاده؟

باب العناية اتحرّك تاني. نفسي وقف. الدكتور خرج. وقفت. وأبوه بيقرب.

الدكتور قال بصوت مهني هادي:

"الحمد لله. فيه تحسّن أولي. الولد استجاب للأكسجين، والتنفّس بقى أحسن نسبيًا. لسه الطريق طويل… لكننا تخطّينا المرحلة الأخطر."

الكلمة نزلت علينا أخف من الأولى. الكلام ما فرّحنيش. بس شال حاجة تقيلة من قلبي.

فضلنا واقفين. ولا حد عارف يعمل إيه بعد كلمة نسبيًا.

مالك قعد على الكرسي، حاطط راسه بين إيديه. مش بيعيّط… بس واضح إنه استسلم.

البنت كانت نايمة على رجلي. نَفَسها هادي. كأنها استنفدت كل خوفها ونامت.

عم سباعي قرب:

= يلا بينا يا ست ماريا.. الحمد لله اطمنا على الواد.

_ لا ياعم سباعي، أنا هفضل هنا.

= وه، هتباتي هنا؟

— آه.

"قلت الكلمة من غير تفكير."

= ميصحش، مش واجب عليكِ.. انتِ عملتي الواجب وأكتر.

"قالها بهدوء."

— عارفة. بس مش همشي... مش هعرف ياعم سباعي... صورة الواد مش بتفارق عيني... مش هعرف أروح سيبني على راحتي.

رجعت قعدت قدّام باب العناية. الباب مقفول. ثابت. كأنه بيحرس اللي جوه.

الدخان لسه في دماغي. مش في أنفي. في الذاكرة.

افتكرت اللحظة اللي نطّيت فيها. مش شايفة اللي عملته بطولة. هو قرار لحظي. يا يطلع صح… يا يخلص كل حاجة.

مالك قرّب خطوتين، وقف على مسافة محسوبة.

صوته هادي، رسمي:

"دكتور ماريا… اتفضلي روحي. غيري هدومك.. وارتاحي، حضرتك عملتي اللي عليكي بزيادة."

_ بس أنا عايزة أكون هنا.. أنا هفضل هنا مع البنت.

بصّيت له، وبعدين بصّيت على نفسي. كنت لابسة بيجامة بيت، اللي نطيبت بيها إنها لبس مش مراب ريحة الدخان اللي فيه قوية. نضارة النظر على وشي، مش مخبية حاجة، بس الدنيا من وراها مش ثابتة. شعري ملموم في كعكة مش مظبوطة. والشال… الشال الصوف التقيل اللي لفّيته عليّا، شغل إيد أمي من زمان، مداريني من فوق لتحت، كإنه روب، وكإنه آخر حاجة أعرف أمسك فيها.

قلت له بهدوء، من غير انفعال:

_ لا يا أستاذ مالك.

رفع حواجبه:

— حضرتك تعبانة.

شدّيت الشال أكتر:

— أنا كويسة.

لفّيت ناحية أم عبده، من غير ما أسيب مكاني.

طلّعت المفتاح من جيب البيجامة ومدّيته لها:

— يا أم عبده، لو سمحتي.

قامت بسرعة:

— نعم يا دكتورة؟

— خدي المفتاح. الصبح بدري تطلعي الشقة. تجيبيلي لبس نضيف… أي حاجة غير اللي أنا لابساه دلوقتي. وتجيبي الموبايل بتاعي من على الكومودينو. ولو البطارية فاضية، اشحنيه.

سكتت لحظة، ثم قالت:

— حاضر.

كمّلت:

— وتجيبي أي لانش بوكس. تحضري فيه ساندوتشات للبنت علشان أول ما تفوق.

مالك كان واقف سامع، من غير تعليق.

قال بعدها بنفس النبرة الرسمية:

"دكتور ماريا، وجودك صدقيني مش ضروري دلوقتي."

رفعت عيني له:

"وجودي ضروري ليّ. ومش همشي."

ما حاولش يناقش. هزّ راسه، ورجع خطوتين ورا.

رجعت قعدت. البنت نايمة على رجلي. إيدي على شعرها، حركة آلية. وعيني على باب العناية.

الساعة واقفة. مش بتعدّي وقت… بتعدّي نفس... معرفش ليه بعمل كده... كأني صدقت إني أمهم بجد. صدقت الكدبة، اللي كدبتها على الدكتور.

فجأة… الممر اتحرّك. اتنين دخلوا قدّام بعض. لبس رسمي. كارنيهات النيابة واضحة. وراهم عمّي هاشم.... ومعرفش ايه اللي جابه.

وقفوا قدّامنا مباشرة. واحد منهم قال بصوت هادي جامد:

"دكتورة ماريا؟"

قومت.

"إحنا من النيابة العامة. فيه بلاغ رسمي مقدَّم ضد حضرتِك."

مالك لفّ ناحيتي بسرعة:

"بلاغ إيه؟"

الراجل فتح الملف:

"هاشم السادات، عم حضرتِك، مبلّغ إنك قصدتي إشعال الحريق بدافع الانتقام."

الكلمة وقعت تقيلة. الممر سكت... حسيت من الصدمة، إني بلعت لساني.

"وذكر إن في شهود شافوكي قبل الحريق بدقايق طالعة من الشقة."

مالك اتجمّد. بصّ لي… وبعدين للنيابة ثم صرخ:

"إيه الكلام ده؟"

النيابة كمّلت:

"مطلوب حضرتِك للتحقيق فورًا."

ميلت شلت البنت من على رجلي، ومدّيتها لمالك.

أول ما حسّت إن حضني بيبعد… صرخت:

"لااا ... متسيبينيش! طنط... طنط لاء"

تشبّثت فيّ بكل قوتها. شدّت الشال. ضوافرها غرست في دراعي... هي اللي دخلت في النار! طنط مش شريرة.

الممر كله وقف. مالك كان واقف ماسك البنت… وعينه عليّ. صدمة صافية. ولا كلمة.

وكيل النيابة قال بهدوء بارد:

"ده هيتثبت في التحقيق."

مدّ إيده:

"اتفضلي معانا يا دكتورة."

بصّيت لمالك. للبنت. لباب العناية المقفول.

وفي اللحظة دي تحوّلت من اللي أنقذت… للي مطلوب منها تبرّر ليه كانت هناك.

ماخدتش وقت أفكر.

ولا حتى أسأل.

إيدي كانت بتترعش، مش خوف… حاجة أقرب للإهانة.

مشيت وراهم في الممر، وخطواتي بتسيب صدى تقيل، كأن المستشفى كلها سامعة.

مالك كان واقف مكانه.

البنت في حضنه، وشها مدفون في صدره، لسه بتعيّط… صوتها بيطلع متقطع كأن حد بيكتم روحها بإيده.

"طنط ماريا… استني."

صوتها كان بيدق في دماغي زي مطرقة.

وقفت فجأة.

لفّيت للنيابة: "دقيقة واحدة يافندم، طلب إنسان."

الوكيل وقف، بصلي بنظرة رسمية، بس فيها ملل الناس اللي شافت كتير.

"اتفضلي."

قربت من مالك.

نزلت لمستوى البنت.

إيدي كانت بتوجعني من شدّة تمسّكها فيّ.

مسكت وشها بإيديا الاتنين، بصّيت في عينيها كويس، عيني طفل… مكسورة قبل أوانها.

"بصّيلي يا حبيبتي."

بصّت. دموعها كانت مغرقة رموشها.

"أنا مش همشي… أنا هرجع… فاهمة؟"

هزّت راسها لا.

"لأ… إنتي كدّابة… زي ماما."

الكلمة دخلت في صدري وسابت جرح مفتوح.

بلعت ريقي. وابتسمت… ابتسامة مكسورة.

"المرة دي مش كدب. وعد."

قربت منها أكتر، همست في ودنها: "أنا معتمدة عليكي، خدي بالك من أخوكِ. وخلي بالك من بابا. وأوعي… أوعي تصدّقي إن طنط ماريا شريرة."

شدّت فيّ أكتر. وبعدين فجأة… تركتني.

كأنها تعبت من المقاومة.

قمت.

بصّيت لمالك.

مالك ماكانش بيبصلي بطريقة مش مفهومة.

كان بيبصلي كراجل اتفتح قدامه باب ومش عارف يقفله.

كسر صمته وقال: "أنا… أنا مش مصدّق."

قلت بهدوء: "ولا أنا."

***

عدّت ساعات كتير أوي.

كان الفجر نوره شق ضلمة السما.

عم سباعي جنبي وأنا طالعة شقتي خلاص.

الصوت اللي قطع اللحظة كان صوت لهفة وجري.

ست أم عبده كانت مستنياني في الشقة.

"يا دكتورة ماريااا!"

رفعت عيني.

أم عبده جاية عليّا بسرعة، طرحتها مايلة، وشها مخطوف من الخضة.

عم سباعي، دخل ورايا، واقف ثابت بس القلق باين في عينيه.

أم عبده بصت له وبصيت لي وقالت: "إنتي كويسة يا بنتي؟ حد قربلك؟ ودّوكي فين؟"

قربت أم عبده، مسكت وشي بإيديها، كأنها بتطمن إني قدامها مش حلم.

"قوليلي يا بنتي… إنتي بخير؟"

هزّيت راسي.

"الحمد لله."

سكتُّ لحظة، وبعدين الكلام نزل تقيل، ضحكة ضحكة وجع: "عمي… عمي اللي منه لله بلغ عني."

أم عبده شهقت: "يا ساتر يا رب!"

عم سباعي نزل راسه، سبحته بتلف ببطء.

"قال إني أنا اللي ولّعت. أنا! لولا إن أستاذ مالك رنّ على عم سباعي، وربنا سترها، وعم سباعي كتر خيره كلم الجيران وشهدوا وقالوا الحقيقة… وفرغوا الكاميرات بسرعة والمحامي بتاع بابا الله يرحمه، كان زماني بايتة في القسم."

أم عبده ضربت كف بكف: "حسبي الله ونِعم الوكيل!"

كررتها وراها، صوتي مبحوح: "حسبي الله ونِعم الوكيل."

سكتُّ ثانية وبعدين قلت: "كنت مرعوبة. القسم… الريحة ونظرات المجرمين بجد."

بلعت ريقي: "عمري ما خفت من بشر قدّ الخوف اللي حسّيته هناك."

أم عبده شدّت على إيدي: "ربنا يجبر بخاطرك يا بنتي."

عم سباعي قال بصوت هادي تقيل: "يا ست ماريا… ما ينفعش تباتي لوحدك الليلة."

لفّ على مراته: "يا أم عبده، تباتي معاها."

أم عبده هزّت راسها فورًا: "طبعًا."

هزّيت راسي لا.

"لا يا عم سباعي."

بصّولي باستغراب.

"ليه بس يا بنتي؟"

ابتسمت ابتسامة تعبانة: "أنا تعبتكم معايا خالص. شلتوني فوق طاقتكم. وقفتوا جنبي وأنا مش من لحمكم ولا دمكم."

صوتي اتهز: "إنتوا أقرب ليا من اللي من لحمي ودمّي. ومش عارفة أشكركم إزاي."

أم عبده دموعها نزلت: "متقوليش كده."

هزّيت راسي بهدوء: "سيبوني دلوقتي. أنا محتاجة أبقى لوحدي شوية."

عم سباعي بصّلي بنظرة راجل فاهم إن القرار ده مش عناد… ده وجع.

"إحنا تحت يا بنتي. أي حاجة… إحنا موجودين."

"عارفة، يديم وجودكم ياعم سباعي."

مشيوا.

الباب اتقفل وراهم.

وساعتها… رجلي خانتني.

قعدت على الأرض. ضهري في الحيطة.

الشال وقع من على كتفي.

العياط كان واحش عنيا، صرخت زي طفل تاه في مولد، بيدور على ابوه وأمه بس فقد الأمل.

عياط تقيل يطلّع الروح ويكتمها.

دفنت وشي بين إيديا وهمست: "حسبي الله ونِعم الوكيل…"

"حسبي الله ونِعم الوكيل…"

وانهرت.

نمت في مكاني لحد ما الصبح صبح عليّ.

لما فتحت عيني ما حسّتش بحاجة واضحة، غير إن جسمي سبق عقلي وقام.

دخلت أخدت شاور، وطلعت لبست لبس مهندم، حاجة تنفع للمستشفى وتعدّي وسط الناس من غير أسئلة.

دخلت المطبخ، حضّرت ساندويتشات للبنت: جبنة، حلاوة، ومربّى.

وأنا بلفّ العيش افتكرت إني لسه مش عارفة اسمها، ولا حتى جه في بالي أسأل امبارح.

نزلت من البيت ومشيت شوية، وانا بفكر هعمل إيه بعد كده.

لقيت نفسي قدّام محل لعب أطفال.

دخلت، بصّيت على الرفوف، وقفت شوية قدّام العرايس.

اخترت واحدة حجمها مناسب وملامحها هادية، شيلتها ودفعت من غير تفكير كتير.

رجعت المستشفى.

نفس الممر، نفس الإضاءة، بس إحساسي مختلف.

كنت راجعة وأنا عارفة إني مش جاية أعمل حاجة كبيرة، ولا أنقذ حد، أنا بس جاية أكمل اللي بدأته.

شدّيت نفسي ومشيت ناحية العناية.

دخلت المستشفى ومشيت في الممر لحد ما شفتهم.

مالك كان واقف جنب الحيطة، باين عليه ما نامش.

البنت كانت قاعدة على الكرسي، رجليها مدلدلة، وعينيها رايحة جاية كأنها مستنية حاجة ومش عارفة إيه هي.

أول ما شافتني قامت مرة واحدة.

سابته وجريت عليّ.

"طنط ماريا!"

حضنتها من غير ما أفكر.

حضن صغير، بس ماسك في الرقبة كأنه بيعتذر عن امبارح.

"وحشتِك؟" قلتها، وهي لسه لازقة فيّ.

"شوية." ردّت، وأنا بمسّد على شعرها.

"شوفتي إزاي وفيت بوعدي ليكِ."

طلّعت الساندويتشات من الشنطة.

فتحتها قدامها.

"جعانة؟"

هزّت راسها بسرعة.

قعدت جنبها وادّيتها واحدة.

مسكتها بإيدين الاتنين، وابتدت تاكل على مهَل.

طلّعت كيس العروسة.

حطيته على رجلي، وبعدين زقيته ناحيتها.

"دي ليكي."

بصّت للكيس. وبعدين ليّ.

فتحتُه واحدة واحدة، كأنها خايفة تطلّع حاجة وتختفي.

أول ما شافت العروسة ابتسمت.

ابتسامة صغيرة، هادية، من النوع اللي بيطلع من جوه.

حضنتها.

وبصّت لي: "اسمها إيه؟"

"اللي إنتي عايزاه."

فكّرت ثانية. وبعدين قالت: "هسميها ماريا."

ضحكت من غير صوت.

مالك كان واقف بعيد، سامع، وبيضحك.

قربت منها شوية.

"طب إنتي اسمك إيه؟ تصدقي أنا لحد الآن معرفش… مع إننا بقينا أصحاب."

بصّت لي بثبات، كأن السؤال سهل: "أيلن… وأخويا اسمه آدم… أنا خمس سنات (سنوات)، وهو تلات سنات."

ضحكت على كلمة سنوات ونطقها.

"تشرفت يا أيلن خمس سنات، عقبال كل السنات يارب."

ابتسمت، وكملت أكلها، والعروسة على حجرها.

وكأن العالم بيبتسم ومليان سلام.

مالك قرّب خطوة، وقف جمبي.

صوته واطي، فيه تعب أكتر من اللوم.

"ليه تعبتي وجيتي؟"

بصّيت له لحظة، وبعدين على أيلن، شدّت العروسة فحضنها.

"علشان وعدت أيلن إني هاجي. و… علشان أشكرك على اللي عملته."

هزّ راسه بهدوء.

"اللي يستحق الشكر إنتِ يا دكتورة."

سكتنا ثانية.

الدنيا حوالينا ماشية، بس اللحظة واقفة.

باب العناية اتحرّك. الدكتور خرج.

"الحمد لله، الولد فاق، وهننقله العناية العادية شوية."

مالك وقف. نَفَسه طلع تقيل بيحمد ربنا بلهفة.

أيلن بصّت لي بسرعة: "هو صحي بجد؟"

"آه." قلت لها.

ابتسمت. مسكت العروسة من إيدها ورفعتها شوية.

"هوريهاله."

الدكتور كمّل: "لسه محتاج متابعة، بس عدّينا الخطر."

مالك بصّ لي، وفي عينيه حاجة اتغيّرت.

مالك لفّ ناحية الدكتور، صوته كان هادي بس باين عليه القلق.

"ينفع ناخده في البيت؟"

الدكتور خد نفس قصير قبل ما يرد، كأنه بيوازن الكلام.

"مش دلوقتي. لازم يفضل تحت الملاحظة يومين كمان على الأقل. الرئة لسه محتاجة متابعة، واحتمال أي تعب بسيط وارد."

مالك هزّ راسه.

"تمام."

الدكتور كمّل وهو بيقفل الملف: "لو عدّوا من غير مضاعفات، ساعتها نقرر خروجه."

مالك قال بهدوء: "شكرًا."

الدكتور مشي وإحنا فضلنا واقفين.

أيلن قربت منّي: "يعني مش هنروح؟"

وطّيت لها.

"هنروح…"

هزّت راسها، وضمّت العروسة على صدرها.

كان باين على مالك إن جسمه سبق عقله بخطوة. واقف، بس مش حاضر.

قربت منه وقلت له بهدوء: "روح ارتاح شوية."

لفّ ناحيتي.

"لا، أنا كويس."

بصّيت في عينيه.

"لأ، إنت مش كويس. روح نام ساعتين بس. وأنا هقعد هنا… وهخلي بالي من أيلن."

بصّ عليها، وبعدين رجع بصّ لي.

التردد كان واضح، بس التعب كان أوضح.

بعد إلحاح طويل وافق. ومشي.

قعدت أنا وأيلن.

كانت ماسكة العروسة، وتبصلي كل شوية كأنها بتتأكد إني لسه موجودة.

رجع بعد ساعتين فعلًا.

وشه أهدى وقال وهو بيقرب: "نمت… نمت زي ما قولتي."

هزّيت راسي.

"باين."

الوقت كان اتأخر.

وقلت له بعد تردد: "خلّي أيلن تيجي تبات معايا الليلة."

لفّ ناحيتي بسرعة.

"إزاي؟"

"المكان هنا مش مناسب لطفل. وأنا هخلي بالي منها. وهحميها وأحميها… وبكره الصبح أجيبها وارجعها هنا."

سكت. كان واضح إن القرار تقيل عليه.

"دي مسئوليتي." قالها وهو باصص لأيلن.

ضحكت وقلت: "وأنا مش بسرقها منك. دي ليلة واحدة."

فضل ساكت شوية وبعدين قال: "تمام."

خرجت بأيلن.

في البيت، نامت بسرعة، كأن جسمها استسلم أول ما حسّ بالأمان.

أنا كمان نمت من غير ما أحس.

الصبح، صحيت بدري. حميتها وسرحتلها شعرها وفطرتها.

وللحظة اتمنيت يكون لي بنت شبها.

مسكت إيدها ونزلنا.

وصلنا المستشفى.

سلّمتها لمالك. واستأذنت لأني عندي تسليميات للشغل، والأيام جاية كتير واحكيلكم طبيعة شغلي.

***

مالك بغضب شديد: "ده إيه؟"

"…"

"بأسألك… يا أيلن. الدفتر ده بتاع مين؟"

"…"

"بصّيلي وأنا بكلمك."

"بتاع طنط ماريا."

"وإنتي أخدتيه ليه؟"

"ماخدتوش…"

"أمال إيه ده؟"

"كان في شنطتها."

"وإنتي فتشتي في شنطتها؟"

"لأ… أنا… أنا كنت عايزة أفضل معاها."

"ده مش سبب إنك تاخدي حاجة مش بتاعتك."

"أنا هرجعه…"

"إنتي فاهمة يعني إيه اللي عملتيه؟"

"أنا مش حرامية…"

"طب تفسري إزاي الدفتر ده في إيدك؟"

"طنط ماريا الصبح كانت مبتسمة وبتحكي مع نفسها وبتكتب وحسيتها مبسوطة… فقولت دا اكيد كتاب حكايات بتضحك فأخدته."

"سرقة يا أيلن… بتسرقي؟!"

فيلا العدوي.. وقت الفجر..آدم : نازل ع السلم ومعاه زين و آركان ورايحين ع المسجد..وخرجو وقابلو آريان وتيم..تيم : قال..صباح الخير..و سلم ع جدو وباس ع أيدو و آريان كمان..آريان : شاف آركان بيتاوب..وقال . ايه يا عم آركان.؟ واضح إنك لسه منمتش..!!آركان : بيتاوب.. أنت بتقول فيها..لسه وحياتك.تيم : بتريقه.. معلش يقلبي آيان هياخد فترته. وأنت بعد كده هتستريح.. ههههه.آريان : ضحك ههههههههه..قلب الأم بقى..آركان : بسخريه..اتريق ياحلو منك ليه..بكره نشوف سيادتك أنت وهو لما تخلفوا.. بس ماترجعوش تعيطو اشطا..؟آريان : عيب عليك ياعم آركان..انا أبني هيتربي على أيد أميرة الممكله.. يعني مش شايل هم أي حاجه.. ولا إيه ياعم تيم..تيم : أبتسم..لا ده كدا يبقى عظمه أوي.. وبما إن ماما مريم اللي هتربي..يبقى هنشوف محمد العدوي في ثوبه الجديد..آركان : كشر عينيه..محمد العدوي؟آريان : بفخر.. أبني ياض..!! (محمد العدوي).آركان : رفع حاجبه. اااه طيب تمام أوي أوي. وعقبالك يادكتور تيم..لما تجيب مراد عزيز.تيم : كشر عينيه.. اشمعنى مراد؟آركان : بتريقه..ماهو شغل مصالح بقى.. كل واحد يسمي ابنه على إسم حماه.. دماغ شغاله مبتنامش..تيم : ضحك بصوت عالى على شكل آريان.اللي اتنرفز.آريان : بنرفزه..خبط آركان ف كتفه وقال..انا ليا مصلحه ياعديم الفهم.. بكره نشوفك ياخويا..جاتك القرف عيل بارد..آركان : هههه.. الكلمه وجعتك أوي يادكتره.. ههههه. عموماً متزعلش انا بهزر يابرو..ربنا يبارك في محمد واسمه..ها حلو كدا؟تيم : ابتسم..حلو اوي.. المهم قولي انت مانمتش ليه انا سايبك من ساعتين..ليه مريحتش فيهم شويه..آركان : أبتسم..وقال. آيان. ههه الواد أخد عليا خالص.. ومش عايز ينام. كل ما ماما تغمض عينيها.. زي ما تقول كدا آيان بيقولها لأ حاسبي اوعي تغمضي عينيكي.عشان بخاف..ماما صعبت عليا جدآ كانت بتنام على نفسها.. قولتلها نامي انتى..وانا سهران جمبه..تيم : ربت ع كتفه..راجل يا آركان..آريان : ودلوقتي آيان نام ياحنين؟آركان : ههههه لأ يابو قلب روهيف..هو مع آرين..!! صحيتها وهي في احلا نومه.. بتحبني أوي البت دي..!!!——————بقلمي مريم نصار.في اوضة آرين..Автор: Меріам Насарآرين شايله آيان..وعيونها كلها نوم..وقالت بوهن.. نام بقى يا ايو انا هموت وانام..آيان : بيتحرك.ومصحصح.آرين : بتعب..طيب بص أنا هتمشى بيك شويه..وبليز بليز نام شويه.اوكي.رينو : دخلت بسرعه..وقالت آيان..!! ونفخت براحه كبيره لما شافته مع آرين..آرين : استغربت.. في ايه يامامي مالك مخضوضه وبتنهجي كدا ليه؟رينو : قعدت ع السرير برجفه.. وقالت..معرفش نمت إزاي..انا قومت مالقتش آيان جمبي..و آركان شوفته وهو خارج من الفيلا رايح يصلي..وروحت على اوضته مالقتش آيان.. قلقت عليه.. بس الحمدلله انه معاكي..آرين : استغربت..وقعدت جمبها..وقالت..مامي أنتي ليه بتخافي أوي كدا ع آيان؟ مع اننا كلنا حواليه. وهو في أمان.؟رينو : عيونها لمعت..وشالت آيان..وبصت ليه وقالت بحنين ممزوج بوجع..آيان بالنسبالي حلم سنين كتير اوي يا آرين يابنتى. ودلوقتي هو أمانه لحد ما فهد يرجع ويشيل آيان بين ايديه..وقتها قلبي هيبطل خوف وقلق.. أنتي و آركان و آيان.. في أمان الله ثم فهد.. ومش هرتاح غير لما أشوف فهد قدام عينيا..آرين : عيونها لمعت بدموع..وقالت بزعل..انا زعلانه أوي أوي يامامي.. محدش فيهم فكر يتصل بينا..او حتى رساله نريح قلوبنا بيها..عشان حتى انا أعرف اتنفس واعيش..انا بجد بجد مش هتكلم مع بابي لما يرجع..وهخاصم آدم.وبصتلها بوجع..هو أحنا موحشنهمش للدرجه دي يامامي.. ودموعها نزلت..رينو : ابتسمت بتمثيل..وقالت. احنا وحشينهم في كل وقت يا آرين..لكن غصب عنهم ياحبيبتى.. هما بيكونو في بلد تانيه مع ناس تانيه وأي غلطه منهم هيبقو في خطر حقيقي..يعني مش عشان نريح قلوبنا.. نحطهم قدام الخطر.. وزي ما أحنا مفتقدين لوجودهم..هما كمان..ويمكن هما في وضع اكتر لاحتياجنا كمان..انا وانتي وفريحه وتالين..حوالينا عيلتنا اللي بتحبنا وبنحبها.. بنتكلم معاهم.. بنخرج في وجودهم.. بنفس عن احتياجنا في وسط عيلتنا. لكن فهد ومراد وآدم الله يكون في عونهم.. ويحفظهم في كل مكان وزمان..ويعمي عنهم عيون الأعداء..آرين : مسحت دموعها بإحباط..وقالت بتنهيده.. آمين..رينو : ابتسمت بحب..قومي ياروحي..اتوضي وصلي وادعي ليهم وأنتي سجده..ماشي ياحبيبتى؟آرين : هزت راسها حاضر يامامي انا كل وقت بدعيلهم..رينو : قامت.. وقالت..طيب انا ها آكل آيان وانيمه.. وأنتي صلي ونامي لازم تظبطي نومك..عشان بعد بكره هتروحي الجامعه..و آركان هو اللي هيوصلك إن شاء الله.آرين : هزت راسها إن شاء الله.رينو : تصبحي ع خير ياحبيبتي..آرين : وحضرتك بخير..رينو : خرجت…آرين : طلعت السلسلة..ومسكتها وبصت ليها..وقالت بعتاب..أربع شهور واسبوعين..لا اشوفك ولا اسمع حتى صوتك..كتير اوى عليا يا آدم..طيب إزاي قدرت إنك تتحمل..بجد نفسي ترجع عشان ازعق فيك.. وهخاصمك ع فكره. هخاصمك بحجم ما انا مفتقداك يا آدم..وبعدها ابتسمت.. نفسي ترجع جدا واقولك يامرعب..وسمعت إقامة الصلاه. وقامت..دخلت الحمام.واتوضت.. وخارجه من الحمام..باب الاوضه بيخبط..وقالت.دي أكيد ماما مريم جايه تصحيني للفجر..وراحت تفتح الباب..تالين : بابتسامه.صباح الخير..آرين : ابتسمت..صباح الخير..تعالي ياتالي..تالين : دخلت وقالت..جاهزه نصلي الفجر جماعه؟ ولا صليتي؟آرين : لأ لأ.. لسه..ثواني هلبس إسدال الصلاه. ونصلي.وراحت تلبس الاسدال..ووقفت جمب تالين.تالين بدأت في الصلاه.وكان صوتها في تلاوة القرآن. يزيل أي هم ويريح النفس..ودعو كتير جدآ في السجود.تالين : قالت. يارب أنا على يقين بإن اهلي هيرجعو بخير وسلامه.. يارب استودعتك أبويا وخالي واخويا.اينما كانوا..آرين : قالت..يارب احفظ بابي وخالو و آدم..اعمي عيون الأعداء عنهم.. استودعتهم عندك يامن لاتضيع عندك الودائع..——————بقلمي مريم نصار.في أوكرانيا..عند فهد و آدم..في الاوضه..فهد : سمع رسالة مراد حوت..ديزل..فهد : قال معاك ياصقر..آدم مراد : معاك..كل حاجه تمام؟مراد : بهمس. انا في الحمام دلوقتي.. والكبير اخد البند وخرج من نص ساعه.. ودلوقتي الكل بدأ ينام.فهد : بحماس : تمام اوي..وانا هنزل اشوش وأدخل الاوضه..مراد : بتحذير..محدش ينزل غير لما ادي اشاره.. هصلي الأول وبعد كده..ابص على المكان وابعت الإشارة ليك ياحوت..فهد : هز راسه تمام وانا في انتظار الإشارة..مراد : تمام يلا سلام..Автор: Меріам Насарفهد : مسح وشه بايديه..وقال إن شاء الله. هجتازها.آدم مراد : بشرود.. أكيد..فهد : كشر عينيه وقال.. أنت من وقت ما طلعت ع السطح وانت سرحان..بتفكر في ايه؟آدم مراد : بتفكير.. اسلحه ومتفجرات و آر بي جي.فهد : طيب إزاي وفين؟آدم مراد : نفخ بخنقه..وقال. إزاي دي حالياً صعبه.. لكن فين؟ في العماره المهجوره..!!فهد : أنت ناوي تهجم ولا ايه ياديزل..؟آدم مراد : هز راسه لأ..لكن الأمر مايسلمش..!!فهد : بتفكير..وانا معاك ف ده اللي إسمه ڤيكتور ده خطير ومالوش أمان ومحدش يتوقع رد فعله..واحنا سهل جدآ نجيب السلاح وكل حاجه متوفره..بس دخولها هنا المنطقه هيبقى صعب..آدم مراد : بتفكير.. لازم نلاقي طريقه.. ندخل بيها السلاح..بعد شويه..مراد اتوضى.. وخرج من الحمام..ودخل المطبخ..وشاف چاك نايم.. وطفى النور..مراد : بدأ في الصلاه..وفجاءة اضاءة المطبخ اشتغلت وصوفيا دخلت…!!!صوفيا : بصت ف المطبخ.. وشافت چاك.. قاعد بيفرك في عينيه..چاك : من غير ما يبصلها..ماذا تريدين؟صوفيا : بسخرية.. لقد تذكرت إني قد نسيت زجاجة الخمر خاصتي فعدت لأجلها. قم واتي بها على الفور..چاك : قام..وجاب الازازه وقدمها ليها..تفضلي.صوفيا : شدتها منه.. وخارجه..لكن وقفت وقالت. أين المدعو چاكوب..؟ من المفترض أنه نائم الآن..چاك : بعدم اهتمام.. من المؤكد أنه نظف مكتب سيد ڤيكتور.. وذهب إلي المرحاض.. لأنه كان يشعر بالغثيان منذ وقت قصير..!!صوفيا : باشمئزاز.. هذا مقرف حقا..فلتذهبو إلي الجحيم.. وسابته وخرجت..چاك : سمع صوت العربيه بتاعتها اتحركت.. وخرج بسرعه وبص ع كل الملهى.. ودخل بسرعه..وضغط ع زرار خلف برواز جمب تلاجه كبيره في المطبخ..الأرض اتفتحت في ثانيه.. ونزل بسرعه.. وبص ع مراد..مراد : كشر عينيه بعدم فهم..وقال..انا لا أعلم ماذا حدث.انا وقعت به فجاءه..صدقني انا لم أعرف بشأن هذا السرداب..چاك : وقف قدامه..وقال. انا من أنزل بك الي هذا السرداب.. وإلا كنت في عداد الموتى بعد إن رأتك صوفيا وانت تصلي…!!فهد و آدم سمعو چاك وقامو وقفو وقلبهم بيدق بخوف على مراد..مراد : بثبات.. ماذا؟ لم افهم ماذا تقصد چاك..چاك : ضحك بسخرية.. أسمع چاكوب أو أي كان أسمك.فهذا لم يهم. ولكن أعلم أني انقذتك اليوم مرتين..في أول مره.من زوي.لان زوي تراقبك دائماً.. ولاحظت أنك تتردد على المرحاض في هذا اليوم تحديدا بكثره..وعندما عادت أنا تحركت سريعاً لاخراجك من المرحاض قبل دخولها الملهى.. وعندما دخلت وجدتني أتحدث معك..مع العلم أني بعد ذلك ذهبت إليها..وقولت لها إنك تعاني من داء السكر.. وهذا هو سبب ذهابك للمرحاض..وهي صدقتني على الفور..وفي المره الثانيه..انقذتك من خطر حقيقي الآن..وبعد كل هذا..ألن تعترف يارجل..؟آدم مراد : قبض ع ايديه بغضب واضح. وقال. ابويا في خطر..وجه يتحرك.فهد : مسك أيدو بسرعه.. وقال..هشش. اوعا تتحرك.. اسكت واسمع.ابوك هيتصرف..ولو حصل اى غدر هنتحرك فورا..!!!مراد : كشر عينيه وقال.. فلنصدق ماتقوله أنت.. ولكن تريد أن اصدقك أنك تنقذني؟ هه.وتنقذني من ماذا؟ من دخولي للمرحاض؟ أو عندما كنت اخلد للنوم. هذا هراء منك چاك..چاك : هز راسه..حسنا.كما تريد چاكوب. مع العلم أني رأيتك أكثر من مرة وأنت تصلي..وإن لاحظت إني نقلت مكان نومك بجوار هذا السرداب تحديدا..لتصلي أنت فوق هذه.الفُتحه.لأني دائماً على ثقه بأن أحدا سيعود ويشعل الضوء فجاءه.ولكن أعلم أنك مراقب جيداً. وإن شك بك أحد صدقني الموت نهايتك..وشاور لمراد وقال.. عندما تتنهي من صلواتك..اضغط على هذا الزر.. يفتح لك هذا الباب لمدة ثوان. فلتصعد على الفور.. والزر الآخر للنزول..خلف برواز الحائط بجوار الثلاجه.زر باللون الأزرق..وجه يتحرك..Автор: Меріам Насарمراد : بغموض. لماذا…!!!چاك : وقف مكانه..ومبصش على مراد.ومردش..وهيضغط على الزرار..مراد : اتحرك بسرعة..ومسك چاك من ياقته..وقال بجديه..لماذا چاك؟چاك : بص بعيد.. وقال..انا لا أعلم من أنت..ولا أريد أن أعرف شيئاً.وحيث أن أعدائه كثيرون جداً.. اعتقد إنك منهم ولا يهم.ولكن كل الذي أريده هو تحطيم ڤيكتور..!!مراد : باصص في عينيه بتركيز. وقال..ولكن أنا ليس لي علاقة بانتقام سيد ڤيكتور..انا لم اجروء..على….!!!!چاك : ابتسم بوجع..وبص ف عينيه وقال بإحباط.. من الجيد أنك تكذب حتى لا تتنهى حياتك هنا..وانا كذلك..ونزل أيد مراد..وقال..إن كنت تريد الصلاه.؟ فمن الآن أنزل الي هذا المكان...لن يعرفه أحد غيري..حتى ڤيكتور بنفسه لم يعرفه..!!! وضغط ع الزرار..وطلع بسرعه..——————بقلمي مريم نصار.مراد : واقف مكانه ومصدوم ومش عارف يصدقه ولا لأ..!!!آدم مراد : بقلق..صقر أنت سامعني؟مراد : بتوهان. ايوه..ايوه سامعك ياديزل..!!آدم مراد : طيب انت هتعمل ايه دلوقتي؟مراد : بحيره مش عارف..مش عارف اتصرف..انا ركزت ف عينيه وواضح انه صادق في كل كلمه قالها..لأن فعلاً لما خبط عليا وخرجت من الحمام. كانت زوي داخله الملهى..ودلوقتي كنت هبقى في خبر كان..لولا تدخل چاك..فهد : بغموض..في سر ورا چاك ده ياصقر..مراد : هز راسه فعلا وانا متأكد من ده..آدم مراد : طيب اطلع من عندك بسرعه.. لأن الشبكه بتقطع..ولو حصلت إنك تاخد أجازه وانزل عند أم البند تلاته..(ويقصد أورورا)مراد : مسح وشه بايديه ونفخ بخنقه كبيره..وقال هشوف..فهد : بتفكير.. اسمع ياصقر.مراد : معاك..فهد : أوراق الشخص ده. شوف الاوراق. هو مين وتبع مين..وخليك حريص.مراد : هي فكره حلوه..بس هخرج من المطبخ إزاي. وكل اوارق اي حد موجود هنا ف الملهى موجوده في خزنة ڤيكتور..فهد : بتفكير..سهله جداً..انا هنزل دلوقتي اشوش على الكاميرات.. وعشر دقايق بالظبط أنت هتكون خلصت.. وحوار الاوضه ده انا هأجله..ممكن يكون فخ لينا. لازم نتصرف بسرعه..آدم مراد : طيب.في سلم جمب شباك الاوضه دي..انا هنزل عليه..واراقب كل حاجه..واي قلق هديكو اشاره..فهد : تمام وانا هنزل اشوش حالا. جاهز ياصقر..مراد : اخد نفس عميق جدآ. وقال جاهز يا شباب..!!آدم مراد : أتحرك بسرعه..وفتح الشباك..وقال من هنا ياحوت عشان الكاميرات..فهد : حرك الدولاب..واخد جهاز صغير بيشوش بيه الكاميرات..ولبس جوانتي عشان البصمات..وطلع من الشباك..وكان في سلم حديد جمب الشباك لآخر السطح..فهد : طلع ع السلم لفوق..ونط على السطح..آدم مراد : طلع وراه. وقال.. تعالى ورايا..ونطو من سطح العماره..لسطح العماره المهجوره..مراد : واقف مكانه..وبيفكر بتركيز..وافتكر أنه أول مابدأ الصلاه..سمع صوت خطوات كعب عالي..وملحقش يتحرك..لقى نفسه وقع في السرداب ده..وكان عباره عن مكان اشبه بالمهجور ولكن كان فيه سرير ومكتب صغير وبعض الكتب والخرايط.مراد : لنفسه..ياترى إيه سر الندبه لچاك؟..وصوفيا.. انهردا وهي خارجه من الاوضه السريه..همست ف ودن چاك لما خبط فيها..تؤ بس لو هي مثلا وشوشته على حاجه..ياترى إيه؟ ولو مثلاً بيتفقو عليا.؟. كانت صوفيا هتدخل بدون ما تعمل صوت بكعبها العالي..وكمان اكيد كانت جايه لوحدها. لأ لأ..لو كانو متفقين.كان حيدر جه معاها..وكان چاك على الأقل معملش الحركه دي وانقذني.بس برضه يمكن العكس ويكون چاك طُعم ليا عشان يوقعني ويعرف انا غرضي ايه بالظبط..لازم تتصرف يامراد بسرعه.. إبنك مش لازم يحصله حاجه..!!!آدم مراد : مستخبي في جمب العماره بعيد عن الكاميرات..وشاور لفهد..فهد : ماشي بحركه سريعه وخفة رجل وموطي عشان اغلب الكاميرات..ووصل للكابل الرئيسي.. وشوش على كاميرات الملهى كله..وقال.. أمان ياصقر..بس بسرعه..سامعني؟مراد : هز راسه..تمام..وضغط ع الزرار والسقف فتح..ورفع راسه بحذر..لكن شاف چاك نايم. والمطبخ فاضي..وطلع بسرعه. وراح جمب التلاجه وشاف الزرار وضغط عليه يجربه.. والأرض فعلا فتحت..مراد : شمر رجل البنطلون..وقرب من چاك بحذر.چاك : فتح عينيه..مراد : قال.. أبي علمني أن لا أثق بأحد.. ورش مخدر في وش چاك..چاك : اتخدر واغمى عليه..مراد : شال چاك..ونزله السرداب..وربطه في السرير واتأكد انه مش هيعرف يفك نفسه..وطلع بسرعه..آدم مراد : بقلق بابا انت عملت ايه؟مراد : داخل على المكتب بسرعه وبيلبس الجوانتي..وقال بجديه. مش وقته..فهد : بتفكير. قال لنفسه..طيب بما إن الكاميرات متشوشه.. أدخل الاوضه..!!!آدم مراد : شاف فهد داخل الملهى..وقال من بين أسنانه..رايح فين ياحوووت..!!فهد : بجمود..لازم ناخد خطوه.مش هنفضل متكتفين كدا… راقب أنت بس من برا. وأي حركه اديني اشاره ومالكش دعوه بالباقي..آدم مراد : غمض عينيه ونفخ بنفاذ صبر. لأنه ممعهوش سلاح غير اسلحه بيضا..مراد : بسرعه فتح الخزنه..وطلع ملفات كتير.. وبيدور فيها بحركه سريعه..فهد : وقف قدام الباب..وبص عليه. وقال.. أخيراً.. ونزل ع ركبه ونص..وطلع أداه صغيره..وبيحاول يفتح الباب..مراد : بيدور بسرعه كبيره…ولمح ملف وفيه صورة چاك…فهد : الباب اتفتح في أيدو..وابتسم بنصر..وقام وقف..مراد : فتح الملف الشخصي لچاك.. وفتح عينيه بصدمه اكبر من اى وقت..وقال.. مستحيل..!!!فهد : دخل الاوضه.. وشاف ما لايحمد عقباه..——————بقلمي مريم نصار.في نفس اليوم..فيلا تيم عزيز..Автор: Меріам Насарميرو : بتصحيه..وقالت..تيم اصحى بقى..تيم : فتح عينيه..ميرو : بابتسامة جميله..صباح الخير يا حبيبى..تيم : اتعدل وبيتاوب..صباح الخير ياروحي..ميرو : بعتاب مصطنع..كدا ياتيم؟ كل ده نوم.. أنت كدا هتأخرني على قهوة بابا آدم..تيم : مسح وشه بايديه..وقال ليه بس ياروحي..هي الساعه كام دلوقتي؟ميرو : اممم الساعه يسيدي قربت ع ٩ ونص..تيم : طيب ياحبيبتي لسه بدري أهو.. وبعدين احنا نايمين متأخر عشان سهرانين مع آركان..ميرو : اوكي خلاص انا عارفه كل ده..ياريت بقى تقوم بسرعه. علشان بابا محمد اتصل عليك..ومستنيك في المستشفى ضروري.تيم : خبط ع جبينه..وقال.اوبااا نسيت خاااالص. الدكتور زوهير..عايزني انهردا..ميرو : ابتسمت..ايوه بس الكلام ده ع الساعه ١١ وإن شاء الله هتلحق.. بس بجد على قد ما انا مبسوطه.. لكن مرعوبة حرفياً..تيم : مسد ع خدها..ليه بقى خايفه أوي كدا ؟ انتي مش واثقه في قدرات جوزك ولا ايه؟ميرو : حطت ايدها ع أيدو وقالت.. لأ طبعا واثقه فيك جدآ..وثقه كبيره كمان..لكن دي اول مره جوزي حبيبي هيدخل عمليات..وطبيعي إني أخاف..تيم : ضحك وهز راسه..ربنا يطمنك يامريم.. ده بدال ماتطمنيني انتي.ميرو : ضحكت.. وقالت.. لأ مش كدا يعني..انا طبعاً واثقه إنك قدها..وهتركز كويس جدا..وهتبهرنا كلنا. أنت مش اي حد ياتيم. والطب ده شغفك وحلمك. يعني هتفوق توقعات الكل إن شاء الله ياحبيبى..تيم : باس ع أيديها..وقال.. طول ما انتي جمبي..انا ديما في القمه..——————بقلمي مريم نصار.في إيطاليا.. في المطار..سفيان : واقف في ساحة الانتظار..رعد وهيلينا وباري.. ماشيين خارجين من المطار..باري : شافت سفيان..وقالت بصوت عالى..هاااااي سفيااااان..وجريت عليه بسرعه..سفيان : ضحك بسعاده..وجري عليها..وفتح أيديه..وشالها من ع الأرض ولف بيها..وقال.. باااري حبيبة قلبي وحشتيني مووت..باري : حضناه وبتضحك..وانت اكتر ياسفيان..وحشني اوي اوي..سفيان : نزلها..وباس راسها..عامله ايه ياباري..وايه القمر ده.ماشاء الله عليكي..باري : بسعاده..انا مبسوطه كتير كتير اوى اني شوفتك انهردا. بجد هتكون اجازه جميله جدا..سفيان : بابتسامه اكيد ياروحي.. بس كان نفسي تيجي من أول الإجازة..باري : بزعل..مانت عارف بقى شغل بابي..سفيان : ولايهمك يقلبي..ثواني اروح أسلم على ست الكل..وراح عند هيلينا..وسلم عليها وباس ع أيدها..وقال وحشتيني اوي يا أمي.هيلينا : ضحكت بدموع..وانت اكتر قلب هيلينا.. ايطالى حلوه كتير اوى لانك فيها سفيان حبيبى..رعد : طيب مش تسلم على ابوك اللي متمرمط مع اتنين اجانب دول..سفيان : ضحك وحضن أبوه بسعاده كبيره..وقال. أنت الخير والبركه ياحج رعد..حمدالله ع السلامه.. نورتو إيطاليا بجد..رعد : شاف فريق سياحي..وقال بمزاح..منوره بحلاوياتها ياعم سفيان..اتاريك مش عايز ترجع مصر..هيلينا : كشرت عينيها..وداست على رجل رعد بقوتها..سفيان وباري ضحكو على شكل رعد..رعد : أتألم..اااه ايه ياهالي مش تحاسبي..هيلينا : بغيره كبيره وتحذير.. اسمع رعد..اوعا تكون مفكر اني مش بعرف انك بتعاكس..انا دلوقتي ممكن اشرشحلك في المطار.. لأ اشرشحلك في إيطاليا كلها فاهم رعد؟رعد : بدهشه..ايه تشرشحي؟هيلينا : حطت ايدها ف جمبها وقالت بشر..تحب تشوف ياعينيا؟رعد : تنح..وقال هلا والله.. مصر هي الكنانه برضه..سفيان : بيضحك من قلبه هو وباري.. وقال.طيب نكمل خناقه في الفيلا..يلا بينا.. نورتو إيطاليا ياجماعه..رعد : بحذر..منوره بوجودك ياحبيب أبوك.. ها كدا حلو ياهالي؟هيلينا : بثقه .ايوه كده اتعدل يارعد..وحطت أيدها في دراعه..وقالت.واتفضل بقى امشي معايا وعينيك في وسط راسك.رعد : تنح ببلاها..عينيا في وسط راسي ازاي مش فاهم..باري : ياباااابي عديها عشان تعيش..رعد : عندك حق يابنت ابوكي.. هعديها..سفيان : حاوط باري من كتفها..وماشي وبيزق عربية الشنط. وبيتكلمو..وخرجو من المطار..وفتح باب العربيه..وباري ركبت وهيلينا جمبها. ورعد جمب سفيان..سفيان : حط الشنط وركب العربيه وساق ومبسوط لوجود عيلته كلها حواليه..——————بقلمي مريم نصار.في المستشفى..تيم : وصل وسلم ع الدكتور زوهير.. أهلا وسهلا بحضرتك يادكتور..د/زوهير : أهلا بيك يادكتور تيم..ماشاء الله تقديراتك كلها تشرف. وانا عند وعدي للدكتور محمد.. إنك هتبدا معايا العمليه اللي بعد المؤتمر الطبي على طول.تيم : أبتسم..وده شرف كبير جدا ليا يادكتورنا العظيم..وللحقيقه انا متابع اكتر عمليات حضرتك.. وعارف وحافظ كمان طريقة شغلك..وبجد حضرتك تفوق كل التوقعات ديما..د/زوهير : بضحكه..ودي شهادة جميله جدا منك يادكتور تيم..محمد : أبتسم..طيب ياجماعه..اتمنى بقى أنكم تبهرونا..وأنت يادكتور تيم.. التركيز رقم واحد.. والمهنه دي شرف وأمانه. لازم تقدم كل طاقتك فيها لنتيجه ترضيك أنت وضميرك قبل أي حد..تيم : نفخ بتوتر..وقال اطمن حضرتك..إن شاء الله خير يادكتور محمد..د/زوهير : قام..وقال..تمام يلا بينا تعالى معايا مكتبي.عشان اشرحلك اكتر بخصوص عملية انهردا.تيم : قام وقف..وقال اتفضل حضرتك..د/زهير : خارج..بعد إذنك يادكتور محمد..وخرج.محمد : اتفضل حضرتك..وقال..ثواني ياتيم..تيم : وقف ولف لابوه..نعم يابابا؟محمد : وقف قدامه..ومسك درعاته..وقال.. أنا اكتر واحد حاسس بيك دلوقتي.. أول حاجه في بداية أول خطوه لازم يكون ليها رهبه.وممكن تخطي الخوف كمان..الرهبه بتروح تدريجياً..لكن الخوف بيولد وهم. والوهم بيوصل لسراب..ونهايته بتكون الفشل.وابتسم وعيونه لمعت بدموع..وقال..انا افتكر أول مره عملت فيها عمليه..كنت خايف..بس بابا الله يرحمه قالي نفس الكلام اللي بقولهولك ده.. وشجعني وقواني لأنه كان حاطط كل ثقته فيا.. والخوف وقتها اختفى..لأني أيقنت إن في ناس كتير شايفه حلمها فيا أنا..ونجاحي هيكون فخر ليهم.. وسعاده كبيره هتغمرهم..وقتها دخلت العمليات..ووقفت جمب دكتوري..واتعلمت منه..واتشجعت وكملت انا العمليه بكل تركيز..وفجاءه. سمعت صوت دكتوري وهو بيقول هايل يامحمد.. أنت ليك مستقبل عظيم..ومن وقتها محيت كلمة خوف في دخولي أي عمليه.. لأنك بتحس بسعاده كبيره..لما تنقذ حياة إنسان..وترسم البسمة على وجوه عيلته..أنا من دلوقتي ياتيم بقولك.. أنت ليك مستقبل عظيم.. وأنت فخر لأي عيله..ربنا معاك يبني..تيم : أبتسم..وقال..بجد كنت محتاجلك..وديما حضرتك جمبي وبترفعني لفوق.. وإن شاء الله. مش هخيب أملك فيا..محمد : ربت ع كتفه وابتسم.. بالتوفيق إن شاء الله.——————بقلمي مريم نصار.ملهى ڤيكتور..Автор: Меріам Насарچاك : فتح عينيه.. وحاسس بصداع.. واتعدل وبص حواليه..مراد : فتح عينيه واتعدل..بابتسامه. صباح الخير ياصديقي..چاك : كشر عينيه.وبيحاول يفتكر..لكن في تشويش في ذاكرته بسبب المخدر..وقال.. بتوهان..صباح الخير چاكوب..ومسك راسه من الصداع.. وقال بألم..اوتش.. ماذا حدث.ولما تكاد رأسي تنفجر من الألم..مراد : قام وقف..وقال بحماس.. لا تقلق سأعد لك كوبا من القهوة. وستتحسن بالتأكيد.چاك : بألم..اوو شكرا لك چاكوب..مراد : لف ليه وقال بمكر.على الرحب والسعه يا..صديقي العزيز..زوي داخله عليهم المطبخ..وقالت بحزم.هاي.. أنتم لما لا تبدأون في العمل.. سيد ڤيكتور أمامه نصف ساعة ويصل الملهى.. إلي متى ستظلون هكذا؟مراد : بهزار..اوو سيده زوي نعتذر لكي.. لقد كنت انا وچاك ثملان قليلاً..ولكن بعد احتساء هذه القهوه.. سنعود إلى طبيعتنا..زوي : بصت ل مراد بغيظ…مراد : ضحك ببرود..وبيصب القهوه..وقدمها ل چاك..تفضل چاك..چاك : اخد القهوه..وقال.. شكراً لك چاكوب..زوي : بغيظ.. سأعد اليوم حساء الخضار مع المعكرونه لسيد ڤيكتور..مراد : هز راسه.. حسنا..وانا ساعمل على تنظيف الملهى بسرعه..اطمئني زوي..فهد و آدم خارجين من العماره.. ووقفو مكان شغلهم.ڤيكتور وصل.. والجارد فتحو باب العربيه ومعاه صوفيا.ڤيكتور : طالع على درجات السلم وعينيه ع فهد..!!فهد : أبتسم..صباح الخير سيد ڤيكتور..ڤيكتور : رفع حاجبه وقال بسخريه..لا خير يعرف ل ڤيكتور طريق أيها الجرذ..فهد : صك ع أسنانه بتوعد ممزوج بغضب مكبت..!!آدم مراد : شاف ملامح فهد..وانقذ الموقف.. وقال بابتسامه مصطنعه.. تفضل بالدخول سيد ڤيكتور.ڤيكتور : داخل بعدم اهتمام..وقال لادم.. وأنت أيها الجرذ الآخر.. قريباً ستذهب معي الي المطار فلتستعد في أي وقت..آدم مراد : بتوعد كبير.. أمرك سيد ڤيكتور..!!!صوفيا : ورا ڤيكتور..وضحكت بغمزه ل آدم.. ودخلت.آدم مراد : نفخ بخنقه كبيره جدا… وأقسم إن كل اهانه هيدفعو تمنها حياتهم..!!ڤيكتور قاعد في المكتب..وبيشرب سِجار.صوفيا : فاتحه اللاب توب..وبتخلص شغل عليه..فون رن ع المكتب..صوفيا قامت. وقالت.. عزيزي. انه مايكل..ڤيكتور : بيراجع الكاميرات..وشاور ليها بعدم اهتمام..صوفيا : فهمت وردت هي. هالو. نعم.. أجل. لا اعلم مايكل..منذ متى وصلت هذه الرساله..حسنا. انتظر قليلاً ساخبره..وبصت لڤيكتور وقالت.. عزيزي. إن مايكل يقول لك. إن السيد بعث له رساله. ويريد أن يغير موعد التسليم. في الأيام المقبلة..ڤيكتور : رفع ايدو..صوفيا حطت الفون ف أيدو.ڤيكتور : بثبات وعدم اهتمام..قال.. إن ڤيكتور لم يعتاد على إلغاء أي موعد مهما كلف الأمر.. وأرسل الي هذا السيد وقل له سيسلمك في نفس اليوم الذي حددناه سويا حتى لو كانت الشرطه محاطه بنا. ف ڤيكتور لا يهتم لأمر أحد.. وحدف الفون.. وقال بجمود.. اين قهوتي؟الباب خبط..ومراد دخل..وقال.. بمرح. صباح الخير. سيد ڤيكتور أنت تبدو لطيفاً ومشرق اليوم..ڤيكتور : بص لمراد بغضب..مراد : مثل التوتر..اء..اعتذر..احم..تفضل قهوتك.وحط القهوه ورفع عينيه ل ڤيكتور وقال بابتسامه بارده.. الن تقتل چاكوب لانه مدحك صباحاً هذا صحيح سيدي؟ڤيكتور : غصب عنه ابتسم..وقال..الي الخارج چاكوب..مراد : بمزاح..يس..نعم كنت أعلم أني مفضل هنا لدى الجميع..صوفيا : بغيظ.. أيها المعتوه الأعرج..!!!مراد : انحنى..وقال ببرود..قبلت مدحك لي سيدتي.. معذرة وخرج..ڤيكتور : ضحك بصمت….وساكت..صوفيا : بغيظ.. أتعلم ڤيكتور.. أريد أن اقتل هذا الأحمق چاكوب..!!ڤيكتور : بصلها..وقال بغموض..لم العجله ياعزيزتي. كلُ سيأتي دوره.. وبالأخص في ملهى ڤيكتور العظيم..!!——————بقلمي مريم نصار.في المستشفى..في مكتب محمد..نور : رايحه جايه بتوتر وقلق واضح عليها.. وبتدعي لتيم..وقالت بترجي..يارب يارب وفق تيم أبني..ويتفوق على نفسه ف الإختبار ده..يارب فرح قلبي بنجاحه..هو أبني الوحيد.واملي في الدنيا.محمد : دخل وشافها كدا..وهز راسه وضحك بصمت. وقال..اكتر واحده بتقلق وتقلقني معاها هي انتي يانوري..نور : بقلق..اعمل ايه بس يامحمد.. أبني وحيدي أول مره يدخل عمليات.ومع دكتور مشهور زي دكتور زوهير.. وده هيتقيم عليه تيم..ومش عايزني أقلق. طيب دي مامي وبابي اتصلو عليا ومنتظرين مني ابلغهم بالنتيجه..محمد : مسك كتفها.. حبيبتي اهدي.. أولا التوتر ده غلط عليكي..وثانيا مش توترك الزايد ده هيقدم من الأمر ف شيء. يعني مثلا لو قعدتي هاديه كدا ودعيتي دعوتين حلوين وشربتي كوباية عصير..هتغيري اللي هيحصل؟اهدي ياروحي..واللي مكتوب هنشوفه اكيد..نور : اتنهدت بتعب..ونعم بالله.. عندك حق يا محمد.. ربنا يقدم اللي فيه الخير يارب..محمد : تعالي بقى اقعدي.. وتيم أول ما يخلص ال…..!!!!!ومكملش كلامه.. لأن تيم خبط ودخل..تيم : بابتسامه..السلام عليكم..نور : جريت عليه بلهفه..وقالت. وعليك السلام..تيم.. تيم قولي عملت ايه ياحبيبى..محمد : من جواه هيموت ويطمن..لكن راسم الابتسامه..تيم : باس ع أيديها الأتنين..وقال بسعاده..اطمني ياست الكل ابنك انهردا كان مالي مركزه..وده مش كلامي..ده كلام الدكتور زوهير..محمد : اتنفس الصعداء..وحمد ربنا..نور : عيونها تايهه يمين وشمال..وقالت بأمل..يعني اشتغلت في العمليه؟ وجبت نتيجه..تيم : بضحكه.. إبنك يعتبر هو اللي عمل العمليه انهاردة..وده بفضل الله ثم تشجيع دكتور زوهير ليا وارشاداته..وكمان بفضل ثقة الدكتور محمد فيا..نور : ضمت تيم لقلبها وعيطت بفرحه كبيره..تيم : ضمها لقلبه بحنان كبير..وقال..نوري عشان خاطري متعيطيش.. المفروض تفرحي.. وتعزميني انا ومريم على احلا غدوه..مش تعيطي.وتضحكي عليانور : ضحكت بسعاده..ومسكت وشه بايديها وقالت.. عيوني ليك ياروح قلبي..وانا ليا كام تيم..ولا عندي كام تيم..ربنا يباركلي فيك يانبض قلب نور. مبارك عليك ياحبيب قلبي..تيم : باس ع راسها.. وهمس..دكتور محمد بيغير ع فكره..محمد : واقف متابع الموقف..وفخور جدآ بنجاح إبنه..وصديقه..وقلبه بيدق بسعاده وبيحمد الله..تيم : قرب منه..وقال..ايه يا دكتور مفيش مبروك؟ ع فكره دي جراحة تجميل حروق مش اي كلام يعني. ولا ايه؟محمد : شد تيم لحضنه..وقال بحنان..هي مش مبروك واحده..ده مليون مبروك ياحبيب أبوك.. انا فخور إني عندي إبن زيك ياتيم..تيم : خرج من حضنه.وابتسم..مش اكتر منى يادكتور..انا سعات بكلم ربنا..وبقول اكيد ربنا بيحبني. لأنه رزقني اب وام مفيش زيهم أبدا..نور : قربت منهم..وقالت..انا بجد قلبي مبسوط جدا..محمد : حاوط نور وتيم..وقال بحب. ربنا يباركلي فيكم. ياحبايب قلبي..تيم : طلع فونه.. وخبط ع جبينه..وقال.. ينهار ألوان.. مريم ورينو اتصلو كتير جدا..نور : ضحكت..استلقى وعدك بقى..انا هروح اطمن مامي وبابي وتيما.. وأنت ربنا معاك..تيم : بيتصل..وقال طيب اعملي حسابك انا معزوم عندك انهردا.. لأني كدا هنام من غير عشا.. الأتنين زعلانين متخيله انا ف ايه دلوقتي؟محمد ونور ضحكو عليه.. وضحكو اكتر من شكل تيم وهو محتار.وعمال يحلف ويراضي رينو وميرو.. لأنه فونه كان صامت..نور : بصت ل محمد بتنهيده.. لأنها شافت لمعة سعاده في عينيه..محمد : بصلها..وابتسم..وباس راسها..وقال..مبروك ياروحي.نور : حطت راسها ع كتفه وقالت..ربنا يباركلي في عمرك يامحمد…!!!——————بقلمي مريم نصار.بعد شويه في فيلا العدوي.. ——-بعد شويه.. فيلا العدوي..زين : داخل وهو وعيلته راجعين من الشغل ومرهقين..وقال..السلام عليكم..آدم ومريم وتالين.. وعليكم السلام..وسلمو ع بعض..زين : قعد بتعب..اااه انا بجد هلكت انهردا..وجعان جداً..مريم : إسم الله عليك يازيني..طيب ما اكلتش حاجه وأنت في الشركه؟ريتال : بعتاب.. لأ خالص ياماما..واتحايلت عليه كتير جدا..ورفض ياكل اي حاجه..زين : بوهن..غصب عني يا أمي..و ياريتال..انتي كنتي شايفه بعينك الشغل كان عامل إزاي.. متابعه..وجوده..ومراجعه وامضا. واجتماع..يعني مفيش ثانيه واحده اعمل اي حاجه..آدم : بص في الساعه..وقال عموماً ده وقت الغدا؟ اتغدا وبعدها اطلع استريح شويه..وشك مرهق جدا.. وياريت متهملش في نفسك لمجرد انك بتشتغل.. صحتك هي اللي هتساعدك تخلص الشغل..فاهم يازين..ومش هنبه عليك تاني..وبص لمريم.. الساعه خمسه..هي زينب محططش الغدا ليه؟مريم : بإستغراب..ايوه عندك حق..المفروض انها عارفه..الساعه ٥ بالدقيقه الغدا بيتجهز عشان زين وريتال و آريان بيرجعو من الشغل..ريتال : طيب ياجماعه..انا هطلع اغير هدومي وانزل بسرعه..زين : طيب بما إن الغدا لسه..اطلع اغير أنا كمان..آريان : بص حواليه..هي تيما فين؟ قالت إنها هنا..تالين : أبلة تيما مع عمتور لارين فوق بيغيرو ل آيان..آريان : طيب انا هطلع اطمن على عمتو لارين. واشوفهم..بعد اذنكم..وطلع..آدم :………!!!مريم : فهمت سكوت آدم.. لأنه بيحب تجمع العيله وقت الغدا. وكمان زين إبنه جعان… وندهت بسرعه..زينب..يازينب..زينب : جت بسرعه..نعم ياست الكل..مريم : بتعجب..ايه يازينب..هو الغدا متحطش ليه لحد دلوقتي؟زينب : بلعت ريقها بتوتر..اء..اصل..اصل..!!مريم : بحيره.. إيه مالك يازينب..انتي تعبانه ولا حاجه؟زينب : هزت راسها بنفي.. لأ انا الحمدلله ياست مريم..بس..الصراحه هو..!!آدم : فهم بما أنها قالت الصراحه.يبقى في حاجه…لكن سكت..!!مريم : بتعجب..قولي يازينب.. في ايه؟ انا مش قادره افهمك..وليه الغدا متحطش لحد دلوقتي؟زينب : واقفه مش ع بعضها..وقالت..اصل بصراحه انا معملتش غدا انهارده ياست هانم..!!مريم : بدهشه..اييه؟ طيب ليه؟ ايه اللي خلاكي متعمليش..!!!آدم : ……….!!!زينب : شافت ملامح خنقة آدم..وخافت.. وقالت..جواها اعمل ايه ياربي في الورطه دي..مريم : خايفه من آدم أنه يزعق ل زينب..وقامت وقفت..وراحت عند زينب..وقالت...بهمس.طيب ليه يا زينب.؟ لو انتي تعبانه ومقدرتيش تعملي الاكل.. في بدل البنت عشره هنا..كانو شالو مكانك وانتي استريحتي.. أو كنتي عرفيني.كنت هتصرف.. بس بجد تصرفك ده..وسكوتك..زعلني منك أوي يازينب..وخصوصاً إنك عارفه إن حفيدتي تمارا حامل..ورينو والده وتعبانه..وكمان البنات واللي راجعين من الشغل..كنتي قوليلي على الأقل.. وانتي عارفه إن آدم بيحب النظام في المواعيد وخصوصاً لأولاده..زينب : واقفه مش على بعضها.وبتفرك أيديها بحيره..وساكته..مريم : متردي عليا يازينب الله يهديكي..ايه السبب اللي منعك تعملي الغدا انهردا؟زينب : ………آركان : من ع الباب. انا اللي قولت لداده زينب متعملش اكل انهردا ياماما..زينب : حطت ايدها ع قلبها ونفخت براحه كبيره..وقالت الحمدلله يارب..الله يسامحك ياسي آركان بيه..مريم : لفت ليه.وكشرت عينيها.وقالت..مش فاهمه طيب ليه يا آركان ياحبيبى..!!آركان : داخل..وابتسم وقال. السلام عليكم الأول. وباس ع أيدها.مريم : بحيره..وعليك السلام ورحمة الله..زينب : جريت على المطبخ خوفاً من آدم..آركان : راح عند آدم..اذيك يا بابا..وباس ع أيدو وراسه..عامل ايه انهردا..آدم : بهدوء..انا بخير الحمدلله.. أنت كنت فين؟آركان : روحت الچيم..وطلعت ع بابا طارق..وقعدت معاهم.. ورحت عملت مشوار مهم جداً.. وجيت على هنا..آدم : هز راسه تمام..مريم : بقلق من آدم. قولي يا آركان الله يكرمك.. انت ليه قولت لزينب كدا؟آركان : بمكر.. لأني عازمك على أجمل غدا يا اميرة المملكة..مريم : اتنهدت بحيره..يا آركان متتعبنيش معاك..اتكلم بجد.. خالك زين راجع من الشغل تعبان..ولسه ما أكلش لحد دلوقتي.. ينفع كدا؟آركان : حقك عليا ياحبيبتي..انا آسف جدآ يابابا. أنا فعلاً طلبت من داده زينب..وكمان نبهت عليها متقولش لحد حاجه..عشان انا حبيت أعمل مفاجأه للعيله كلها..مريم : الااه..انت بتتكلم بجد بقى. يعني أنت عازمنا؟آركان : بضحكه..وع أجمل مشويات وكفته وطرب وحمام وكباب فيكي ياجمهورية مصر العربيه كلها. وانا عندي كام عيله يعني..آدم : وايه المناسبه ياحفيدي؟آركان : أبتسم..وقعد جمب آدم..وقال..بمناسبة سلامة ماما يابابا.. وأنها قامت بخير دي عندي بالدنيا كلها.وتستاهل إحتفالات كمان..مش عزومه وبس.انا عارف إن حضرتك مضايق.. بس متقلقش انا هاخد فلوس العزومه من حضرتك.هههه.آدم : أبتسم ع حب آركان لأمه..وفكرو بحبه زمان لنور..واخد نفس عميق واتنهد..وربت ع رجله..وقال.. رينو تستاهل كل خير…آركان : بمرح..طيب الحمدلله.الحج آدم أبتسم.يعني خير واشراقه وتفائل..آدم : بمكر..مش هدفع حاجه..آركان : ضحكته اختفت..وقال بتمثيل البراءه..اوبا..ده انا ماضي على شيكات في الاكله دي؟الكل ضحك..مريم : بابتسامه.قالت ل آركان. طيب ياحبيبى قوم أغسل أيديك..واطلع أنت هات رينو..ويسلام بقى لو عملت ليها مفأجاه.بالعزومه الجميله دي..آركان : قام..علم وينفذ يااجمل ناناه وأم في الوجود..ونده ياداده زينب..ياداده..زينب : جت بسرعه..نعم يسي آركان..آركان : بضحكه..معلش بقى حطيتك في موقف حرج.. متزعليش منى..زينب : بضحكه..المهم ان سيادتك جيت في الوقت المناسب..قبل ما….احم.. الحمد لله الحمدلله يعني..آدم : بمكر..قصدك قبل ما ايه يازينب؟زينب : فتحت عينيها بصدمه..وبلعت ريقها بصعوبه..وتهتهت في الكلام..مريم : بضحكه..خلاص يا آدم زينب متقصدقش.. وكمان حافظت على السر اللي آركان قالها عليه.. ربنا يكرمك يازينب ياحبيبتى..زينب : إلهي ربنا ينجيكي من كل شر ياست الكل يانوراتنا..احم..انتي وسيدي آدم بيه..آدم : أبتسم.. وقال..طيب يا زينب.. اعملي حسابك إن آركان عازمك انتي وعيلتك على الغدا..زينب : ضحكت بسعاده..وقالت والله عارفه إن سيادتك قلبك ابيض من اللبن الصافي.. هتسامحني.. روح الهي يسترك دنيا وآخره قادر ياكريم.. وخرجت مع البنات يجيبو الغدا من عربية آركان..مريم : بزعل.. ياحبيبتى ياميرو..بتحب اوي المشويات..كان نفسي تكون موجوده معانا هي وتيم. ونور ومحمد..آركان : ههههه والله كنت عارف..وغلطتي إني اتصلت على الدكتور تيم..ولما عرف..قالي انا جاي وغير اتجاه العزومه وع وصول.وكمان الدكتور محمد وخالتو نور.. وليليان وكريم..يلا خلي الكل يفرح.. وياكل وينبسط.. ههههه. ربنا يباركلنا ف الحج آدم.. ههههه.آدم : أبتسم..وهز راسه..وقال.. خمس دقايق وتنزل..——————بقلمي مريم نصار.بعد دقايق..Автор: Меріам Насарزينب والبنات..جهزو السفره..وكانت السفره مليانه بكل ما لذ وطاب..آركان : أخد رينو وحط ايدو ع عينيها..ونزلها لحد السفره..وشال ايدو..ورينو : فرحت..وفرحت اكتر لما عرفت إن كل ده آركان أبنها عملو عشانها..وضمته لقلبها بسعاده كبيره. وباست جبينه..محمد ونور وتيم وميرو وصلو.. والكل سلم ع تيم وبارك ليه ع نجاحه في أول تجربه لمهنته.. وكمان هيسافر كمان يومين ع بريطانيا..وزين نزل و ريتال.. وفريحه وتالين.و آريان وتمارا.. وآرين... وبعد دقايق كريم وليليان وصلو..الشباب قعدو ع سفره..لكن آدم رفض مريم تقعد بعيد عنه.. ومريم قعدت جمبه..وباقي البنات كلها قعدو على سفره تانيه..والجو كان جميل جدا بينهم..آرين : بتاكل..لكن ببطء ومفيش عندها الحماس كالعاده..نور : لاحظت عليها..وقالت.. آرين ياحبيبتي.مابتكليش ليه؟ الأكل جميل جداً..آرين : حاسه بداور..لكن قالت.. أنا باكل اهو ياخالتو..اصل فطرت متأخر..ليليان : كلي يابت يا آرين..مفيش حاجه احلا من الأكل..الكل ضحك عليها..وآرين بدأت تفوق.. ورجع ليها حماسها من تاني.. وكان الجو رائع جدا.. والوقت عدا عليهم بحب ودفا وسلام…——————بقلمي مريم نصار.في ملهى ڤيكتور..الساعه سته ونص الصبح..مراد : صحى چاك من النوم..چاك : فتح عينيه واتعدل..وقال.. ماذا حدث چاكوب؟مراد : بهدوء..وجديه.. تعالى معي فلنتحدث قليلاً..چاك : قام وبيتاوب..ومش فاهم عايزه ليه؟مراد : ضغط ع الزرار.. واخد چاك ونزلو السرداب..!!!عند فهد و آدم..فهد : نايم ع ضهرو..وايدو تحت راسه..وسرحان..آدم مراد : واقف ومربع ايديه..وباصص من الشباك.. وقال.. مش هتقول..شوفت ايه في الاوضه؟فهد : بنفس الشرود.. قال.. أوضه عاديه خالص. سرير وتسريحه ودولاب.. وبرواز بطول الحيطه..وده اللي لفت نظري..واكتشفت إن البرواز ده.. جدار لاوضه داخليه.. جدار وراه..مخدرات بأنواع مختلفة وأنواع لسه جديده..قنابل زمنية.. وغاز مسيل.. متفجرات متنوعه و اول مره اشوفها في حياتي..كبسولات فيها متفجرات.. و آر بي جي فتاك..دولاب كبير..مليان رصاص.. كل حاجه في الاوضه وخلف الجدار ده مميته..آدم مراد : هز راسه..واخد نفس عميق واتنهد بتعب..وقال..متستبعدش أي حاجه عن اللي إسمه حيدر ده..ده غير الإغتيالات لشخصيات مهمه..حيدر عباره عن شيطان ماشي على الأرض.. وحرقه على أيدي انا..مش ايد حد تاني..فهد : بتنهيده.. كنت على أمل ألاقي أكرم.او أي دليل. أعرف هو عايش ولا لأ..آدم مراد : المشكله.. إن مفيش حد هنا اتكلم عن الحادثه دي.. تحسهم منومين مغناطيسي تحت امر من حيدر.. إزاي الشرطه هنا سيباه..امبارح لما اخدني معاه عشان يحتل أرض ناس تانيه غير موريس و أورورا.. قتل البنت عشان بتدافع عن أرضها.قدام أبوها وأخوها الصغير.والجبروت أمر يدفنوها مكانها..فهد : اتعدل..ومسح وشه بايديه ونفخ بخنقه كبيره وقال.. إحنا بقينا في غابه..بيطبقو مقولة البقاء للاقوى..ومفيش أي تقدم. القتل من غير وجه حق بقى. بطريقه سهله ومتكرره مع اختلاف الطرق والقصص..آدم مراد : بص ل فهد..وشافه مخنوق بجد.. وقال.. بس ده مش السبب الحقيقي.لخنقتك دلوقتي..فهد : بقلق مبهم..قال..ربنا يستر. وغمض عينيه بتعب ممزوج بحنين لمراته وبنته.. وولاده..آدم مراد : سند راسه على الشباك..وغمض عينيه..وهمس..آرين..!!!عند مراد..چاك : بعدم فهم..لماذا أتيت بي إلي هنا چاكوب..مراد : مثل البرود..وعدم الاهتمام عشان يهز ثقته في نفسه..وقال..لأعرف منك حقيقة ما فعلته من آجلي..چاك : نفخ بخنقه..وقال. لماذا أنت مصر على أن تجعلني اندم على مساعدتي لك؟مراد : هز كتفه..وقال..لست مضطر على مساعدتي چاك.. لأني لم أفعل شيئاً خطأ..ولم ارتكب جريمه ليعاقبني سيد ڤيكتور عليها..چاك : بسخرية..حقآ؟ اانت مازلت تمثل بهذه السهولة چاكوب..مراد : قعد ع طرف المكتب..وقال ببرود.. دعني أسألك.. انت تقول إنك رأيتني أصلي صحيح؟چاك : ربع ايديه. وقال.. نعم رأيتك عدة مرات. وعن طريق الصدفه..مراد : مركز في عينيه.. وقال. دعني اصدقكك وإن كان هذا صحيحا..سيد ڤيكتور يعاقب من يصلي سيد چاك؟چاك : بثبات..لا لم يعاقب أحد على صلاته وإيمانه. ولكن أنت تدعى چاكوب….!!!مراد : قاطعه..وقاله.ان اسمي.چاكوب موريس.. أهذا ما تقصده صحيح؟چاك : نعم.. وأنا أعرف قليلاً عن الأديان.. وأنت كنت تصلي صلاة المسلمون..وانت اتيت من عائله غير مسلمه.. وهذه هي النقطه التي أتحدث عنها سيد چاكوب..أنت لاتعلم حقا لو رأك ڤيكتور ماذا كان حل بك..مراد : هز راسه وقال..حسنا. ولم أنت أنقذتني..ولمٓ لم تنقذ ضحايا قتلو أمامنا انا وأنت..مع العلم أن أخطائهم ليس لها عقاب من الأساس.. لأنها عن طريق غير مقصود.. فمنذ عدة أيام..قتل سيد ڤيكتور السائق الخاص به..وكان خطأه أنه لم يحسن تنظيف السياره..هل هذا صحيح برأيك..؟چاك : عيونه لمعت وتاهت يمين وشمال..وقال. لا اعلم شيء ولا اريد. كل ما أريده فقط تدمير ڤيكتور..مراد : بخبث..لماذا؟چاك : زعق ليس لديك اي حق بالتدخل چاكوب.. انا انقذتك وقدمت لك المساعده..دعني وشأني..!!وضغط ع الزرار برجفه..وجه يطلع..مراد : ببرود.. چاك تايلر…!!!چاك : وقف مكانه بصدمه كبيره..وبص ل مراد.. وعيونه مفتوحه على الآخر..وهمس..ماذاا..!!!!؟——————بقلمي مريم نصار.بعد فتره كبيره..فيلا العدوي..Автор: Меріам Насарتالين رجعت من المدرسه.اولى ثانوي. وسألت على فريحه..وعرفت أنها في اوضتها..تالين : طلعت..وخبطت..وقالت.ماما ممكن أدخل؟فريحه : بتنهيده.. أدخلي ياحبيبتي..تالين : دخلت.وقالت بابتسامه رقيقه..السلام عليكم.فريحه : ابتسمت بحب.. وعليكم السلام ياروحي.. تعالي في حضن ماما..حمدلله على سلامتك..تالين : في حضنها.. وقالت..الله يسلمك يا أمي.. حضرتك عامله ايه؟فريحه : بابتسامة وجع..انا بخير الحمدلله..تالين : كشرت عينيها..وقالت.. ماما في حاجه مضايقه حضرتك؟فريحه : ابتسمت بتمثيل.. أبدا ياحبيبتى. انا كويسه جدا..وكمان مبسوطه إنك رجعتي من مدرستك.. ها قوليلي بقى يومك كان عامل إزاي؟تالين : هزت راسها..كان كويس الحمدلله..والمدرسه جميله اوي. وانهردا اتعرفت كمان على بنوته جميله اوي ياماما هاديه ومحترمه جدآ.فريحه : حطت ايدها ع خدها بحنان.وقالت. طيب جميل جدا..وكمان عايزاكي تركزي في مزاكرتك كالعاده..وكملت بدموع.. أنا عايزه لما مراد يرجع.مايلاقيش مني أي تقصير.. وكمان آدم أبني..وغمضت عينيها ودموعها نزلت غصب عنها.تالين : مسحت دموع أمها..وقالت.بحزن مكتوم..ماما ارجوكي بلاش توجعي قلبك اكتر من كده..وخلي عندك حُسن ظن بالله. وأتيقني إن بابا وأبيه آدم وخالو فهد. راجعين.. انا واثقه.. لأني بكلم ربي كتير عنهم. وبستودعهم عند الله..يبقى ليه القلق.؟وفي الحديث القدسي..أنا عند ظنِّ عبدِي بي إنْ ظنَّ خيرًا فلهُ ، وإنْ ظنَّ شرًّا فلهُ..وأنا ظني في الله خير..خير كبير جدا ياماما.. وكمان بابا بيحمي البلد من الأعداء. بابا راجع ياماما.. بإذن الله كلهم راجعين..فريحه : ضمتها لقلبها ودموعها نازله بصمت..وقالت.. بإذن الله يانبض قلب ماما..ربنا يصلح حالك ياتالين يابنتي..ويبارك فيكي..تالين : دمعه خانتها ونزلت ع خدها.. وضمت امها بإحتياج كبير..وقالت..ويبارك في حضرتك.. يا اجمل واحن أم..!!!——————بقلمي مريم نصار.فيلا زياد جمال..ماليكه في المطبخ مع الشغالين..وقالت..اسمعوا انا عايزه كل الطلبات اللي طلبتها همس؟ تتجهز فوراً..البانيه والشاورما والكبده والزنجر.. كل حاجه نفسها فيها تجهزوها..البنات : حاضر ياهانم..ماليكه : يلا ربنا معاكم. انا هطلع أشوفها.ف اوضة ياسين..همس : بتكلم ياسين في الفون..وقالت.. الو ياسو..ياسين : أبتسم.. همستي.. ايه لحقت وحشتك؟همس : ابتسمت.يابني أنت ظابط.يعني لازم توحشني طبعاً..ياسين : رفع حاجبه بتعجب..والله؟يعني عشان ظابط ..!! امممم ماشي ياستي هعديهالك..همس : بقولك ايه سيبك من كل ده.. أنت هترجع امتى؟ياسين : بدهشه.. أرجع امتى إزاي يامجنونه أنتي؟ الساعه مجتش ٢ لسه بدري..همس : بغيظ..اه يعني هفضل جعانه لحد ماجنابك تشرف..ياسين : ههههه.. أنتي بتلحقي تجوععي إزاي ياهمس.؟ههههه.همس : بغيظ..والله؟ انت بتستخسر فيا يا ياسين؟ وهو انا باكل عشاني؟ انا باكل عشان عيالك..ياسين : كتم الضحكه..وقال عيااالي؟ يابنتي سيبك من الاحلام دي.. لسه مصممه إنك حامل ف تؤام؟همس : بتحدي..ايوه طبعاً..انا قولتلك قبل كدا إن عيلتي بتخلف بالتلاته في بطن واحده..ومرات إبن عم خال مامي.. خلفت خمسه في بطن واحده..ياسين : بتعجب.. ماشاء الله.خمسه؟ دي كدا متبقاش بنت عم خال مامتك..دي كدا تبقى أرنبه ياهمس..همس : هيهيهي عسل..يخربيت الخفه..بقولك ايه بقى ياياسين..متخلص وترجع انا بجد جعانه..ياسين : أبتسم بحب..وقال.. أنتي ما اكلتيش حاجه من وقت فطارنا مع بعض؟همس : بعفوية.. أبدا ده يدوب طبق باتيه. وفطير بالعسل...وماما ماكي كانت عامله بسبوسه من امبارح..قولت خساره ممكن نص الصينيه دي تترمي.. فضحيت بنفسي واكلتها.واهو قدامي طبق كاچو وبندق ولوز.اسلي نفسي لحد ما الغدا يجهز.. وأنت ترجع ياحبيبى..ياسين : فاتح بوقه وعينيه ببلاها…………!!!همس : بإستغراب..الااه؟ ياسين هو انا مش بتكلم؟ مبتردش عليا ليه؟ومسكت شوية كاچو وبتاكل فيهم..ياسين : لسه متنح ……….!!!همس : نفخت بخنقه.. أنت روحت فين يا ياسين؟ياسين : استوعب..وقال..ها..اه.اه معاكي ياهمس.. احم..اجبلك فوار وانا راجع؟همس : لأ لأ..هاتلي جاتوه..مش عارفه حاسه إن الحمل ده قافل نفسي من الاكل..وخسانه شويه..ياسين : بزهول. نعععممم؟همس : بصوت عالى..ماليش اكله وخسيت يا ياسين؟ انا اييييه؟ياسين : بإستسلام..مالكيش أكله نهاااائي. وخسيتي النص..!!! عشان خاطري ياهمس..حاولي متهمليش في نفسك..ولا تهملي أكلك..همس : ياحبيبي يا ياسين..طول عمرك خايف عليا.. بس بالله عليك.تعالى بقى عشان جعانه..!!!——————بقلمي مريم نصار.في الجامعه..مصطفى : ماشي في الجامعه..ومعاه بنت في نفس الجامعه. وقال..يعني أنتي متأكده من اللي أنتي هتعمليه يا رنين؟رنين : ههههه طبعا يامصطفي..دا انا ماصدقت إنك أخيراً كلمتني..يمكن أقدر اغير وجهة نظرك. وتشوفني بقلبك مش بعينيك.مصطفى : بتريقه..انا أصلا بدعي ربنا اغمض عيني وافتحها الاقيكي اختفيتي من وشي..رنين : ههههههه والله العظيم يامصطفي انا بموت فيك بجد. وطريقتك دي اللي جننتي..يبني انا أول يوم دخلت فيه الجامعه.. مفيش غير مصطفى عزيز.. مصطفى عزيز..بجد أنت واو جداً.. وكلمتك انترنت كتير جدا لكن أنت مش بترد..مصطفى : بتريقه..كلمتك مش بترد..معقول طب متقول منا هو بقول..رنين : هههههههه مبقتش تحبني..مبقتش تحبني.. بكلمك ع الواتساب..مصطفى : ماشوفتهاش.رنين : لاياشيخ..مصطفى : ايه يارنين الله يخربيتك..هضيعي الخطه بعبطك ده .بصي يارنين عشان نكون متفقين.. أنتي فعلاً كلمتيني كتير..وانا بطبيعتي محبش اكلم حد.. مش تجاهل ولا بقلل منك..لكن انا بحب چود..ومعنديش إستعداد اخسرها لأي ظرف.. لكن هي لازم تتحرك بقى..دي خنقتني معاها ولازم ليها آخر بقى..المهم بقى..انتي لما بعتي رساله وقولتي طب خلينا اصدقاء..انا فكرت.. إنك ثبتي حُسن نيتك من ناحيت الصداقه يعني وكدا..فجبتك انهردا عند ألسن..ولما نشوف ست چود هانم هتعمل ايه؟رنين : بمكر..طيب لو چود طلعت مش بتحبك.. وقتها توعدني تفكر فيا..؟مصطفى : نفخ بخنقه..مش ايه بس يارنين؟ انتي متأكده إنك من المهندسين يابنتي؟رنين : طبعا أنت مش مصدقني؟مصطفى : بتريقه..مش عارف.مش هصدقك ليه بس؟ مش انا بكلمك عادي اهو..ومش انتي بتردي عليا.؟ومش إحنا واقفين نتكلم اهو….!!وشاف چود. وقال يلهوي..هو يوم مش معدي انهردا..چود : خارجه من المبنى ومعاها سمر و دينا..سمر : اه معدتي فاضيه.وجعانه جدآ..دينا : انا فطرت قبل ما انزل..بس هطلب اوردر تاني.. وانتي ياچود؟چود : ماشيه عينيها بتدور عليه..وقالت . لأ مش جعانه..اطلبو ليكو انتو..سمر : اوكي..انا معرفش مالك الفتره دي..چود : بخنقه..مالي بقى بشد في شعري..ولا بضرب في الناس وانا ماشيه .منا كويسه اهو..اله..سمر : اوووف ياچود أنتي ايه ياشيخة..ماصدقتي..دينا : شهقت..هيييي..مش ده إللي هناك مصطفى؟ ياترى مين البنت اللي معاه دي؟چود : رفعت عينيها..ع أساس أنها آرين مع مصطفى.. لكن شافت بنت حلوه..وواقفه مع مصطفى..؟ لأ وكمان بتضحك اوووي…سمر : بغيظ..طيب ما هو واقف مع بنت بشرتها بيضا أهي.. ليه العنصريه دي؟دينا : ههههه عنصريه ايه يامتخلفه انتي كمان.. وبعدين استني لما نسأل چود أكيد قريبتهم..ولا ايه ياچود..چود : عينيها مفتوحة.وسمعت ضحكهم.والنار طلعت من ودانها..وصكت ع أسنانها بغضب واضح..وقالت من بين أسنانها..نهار أبوك اسو….يابن عزيز..وديني لاخلي يومك شبه شعر راسك.. ومشيت رايحه عندهم.. وغيرتها سابقاها..وناويه على الشر..مصطفى : من بين أسنانه.. رنين..چود جايه.. جايه علينا..اضحكي يارنين..رنين : بغباء. اضحك ليه من غير سبب؟مصطفى : هه صح انتي صح .مانا اللي استاهل.. اسمعي اسمعي النكته دي..واحده اسمها رنين غابت من المدرسه سجلوها مكالمه فائته.. هههههههه.رنين : هههههههه فظيع موت أنت يامصطفى بجد..مصطفى : شاف چود بتقرب..ووشها كله شر.. لكن قلبه بيدق من اللي ممكن يحصل..واتكلم وعارف أنها هتسمع..وقال بثبات..تعرفي.يارنين..ان زي النهارده من ١٠ سنينكان باقي ١٠ سنين على النهارده.ههههاهاااا.رنين : ههههههههه لأ مكنتش أعرف معلومه جديده دي.. ههههههههه..مصطفى : جواه..ينعل ابو معرفتك..دمك يلطش..انا لو عطست..هتضحكي وتقولي فزيع فزيع يامستفى. وفتح عينيه بدهشه..چود : قربت ووقفت بعيد كام خطوه..وبتنهج بغيره واضحه..مصطفى : عمل نفسه مش شايفها..وقال..انتي عارفه انا مشفتش بنت في نص عقلك ده ابدا بس معرفش ليه حاسك وحيده اوي و حزينه احكيلي بقيتي كدا إزاي؟رنين : اتنهدت اه والله انا وحيده اوي يامصطفى.. وا…چود : زي الإعصار..مصطفاااااهمصطفى : قلبه اتخض وقال..سلاما قولا من رب رحيم.. هي زعابيب امشير هبت بدري ليييه؟رنين : اتخضت..ولفت. وفتحت عينيها بدهشه من چود..چود : زقت رنين ووقفت قدامه.وقالت..بنرفزه.. مييييين دي؟مصطفى : مثل البرود..ومط شفايفه اممم..ليه؟چود : غمضت عينيها بتمتص غضبها ولكن استحاله..وقالت من بين أسنانها.. انا قولت مين دي يامصطفى. وواقف معاها ليه؟ لأ وكمان بتضحك اوووي..مييييين دي؟رنين : بغيظ. هو ايه يا آنسه أنتي؟ في ايه جايه علينا كدا وداخله زي القطر كدا ليه؟ ايه أول مره تشوفي اتنين واقفين مع بعض؟هتسميه ايه انتي بقى؟ أظن واضح اوي علينا.. أننا بنح…..!!!مصطفى : من بين أسنانه..بخوف الله يخربيت أهلك اسكتي ..البت دي معاها موس في بوقها وهتشوفي دلوقتي يارنين..هترفع عنك الخدمه.. وكح عشان رنين متكلمش..چود : بغضب وزعيق..واضح عليكو اييييه ياختي؟مصطفى : قلبه بيرقص من غيرة چود عليه..ورقص حواجبه.. وقال جواه..ياااااه أخيراً يابنت فارس.. شوفت غيرتك عليا..بس اصبري بقى عليا.. ومثل الجديه..احم..في حاجه يا آنسه چود؟چود : بصتله وبتتنفس غيظ..وقالت ده في حجات ياعم الكتكوت..انا عايزه اعرف مين البت اللي انت واقف ومنشكح معاها دي؟ وتعرفها منين اصلاااا..مصطفى : قلبه بيطلع قلوب صغيره بترقص..وفرحان جدآ. لأنه أول مره يشوف غيرة چود بالطريقه دي..رنين : بنفاذ صبر.. لأ بقى. مين بت يابتاعه أنتي. ماتحترمي نفسك..بدل ماعرفك مقامك..مصطفى : شهق..واتشاهد على رنين..چود : حدفت الشنطه والكتب على الأرض..وقالت.. أحترم إيه؟ احترم نفسي؟ وأنتي هتعرفيني مقامي اناااااا؟مصطفى : بسرعه..چود چود..هي متقصدش..وا….چود : اتحولت..وقالت بصوت عالي. غلطت ولازم تتربى..تعالى ياروح امك. وشدت رنين تحت أيديها.. وفين يوجعك..ووقعتها على الأرض وضربتها..مصطفى : اتصدم..يخربيتك ياچود..رنين راحت فين؟ و حدف الكتب وبيفصل بينهم ومش عارف..رنين : تحت چود وبتحاول تتنفس..وبتصرخ..ااااه دي طلعت بتعض يامصطفااااااه..چود : بغيظ..متنطقيش إسمه ياحربوقه..وخدي دي..وعضتها من دراعها..رنين : ااااااه. الحقووووني..مصطفى : وقف بينهم..وقال خلاص ياچود..انا هفهمك..چود : بتضرب عشوائي.. ضربت مصطفى بوكس ف وشه..مصطفى : ااااه..الله يخربيت جنان أهلك..ماتتهدى بقى..رنين : زقت نفسها..ووقعت بعيد..وبتنهج..وقالت. مش عايزه مصطفى..خديه..خديه..اااه. وجريت من قدامها..چود : بتنهج بسرعه كبيره..ولسه متغاظه.. وزعقت للبنات اللي بتتفرج..وقالت..اييييه.. بنبيع لحمه هنا؟ يلا ياختي انتي وهي من هنا..الكل بدأ يمشي..مصطفى : كاتم الضحكه..وقال بتمثيل الجديه.. ينفع إللي أنتي عملتيه ده..طفشتي البنت اللي حبتها…چود : اتعصبت اكتر..وضربت مصطفى من صدرو وزقته اكتر من مره..وصرخت بجنون..وقالت. أنت محبتش غيري أنا.. ومستحيل تحب غيري..مستحيل تحب غيري يامصطفي أنت فااااهم..مصطفى : زعق فيها بجديه…وقال ليه ياچود.. ليييه واثقه أوي اني ماينفعش أحب غيرك هاااا؟ متردددي..چود : عيطت وزقته وبتضرب فيه..وقالت بعياط..عشان أنا بحبك.. بحبك اوي يامصطفى..و مبحبش حد غيرك فاااهم.. وماينفعش أشوفك واقف مع حد غيري.. عشان ممكن اقتلك واقتلها. أنت فاهم..!!مصطفى : رغم أنها بتزقه..وهو واقف ثابت..لكن ضحك.. ضحك بسعاده..بفرحه..ضحكه مختلفه عن أي مره ضحك فيها قبل كده.. قلبه مبسوط من الاعتراف.. هو مكنش عايز يعرف غير أنها بتبادله نفس الشعور. وواقف ينهج ويضحك بسعاده كبيره..سمر ودينا متابعين اللي حصل..وفرحو لچود وخافو منها في نفس الوقت.. وحطو مصطفى في البلاك ليست بالنسبالهم عشان چود متأذيهمش بجنون العشق..چود : فاقت من اعترافها..واتصدمت. ورجعت كام خطوه لورا..وهزت راسها بعدم تصديق..مصطفى : قال..وانا كمان بحبك ياچود.. بحبك ياتراب القمر..وعمري ما اقدر ابص لحد لغيرك..چود : صكت ع أسنانها بغيظ.. لأنها فهمت.. واخدت شنطتها..وبصت ل مصطفى وقالت.. وانا مبكرهش في حياتي……!!!مصطفى : لحقها وقال..خلاص بقى..مش نغمة موبايل هي.. اسمعي بقى يابت يا چود..چود : بغيظ.. أسمي چود ياعديم الدم..مصطفى : بغمزه..احبك أنت اعسل وأنت متعصب..چود : اتحركت وسابته وماشيه..مصطفى : بصوت عالى..اعملي حسابك إني هاجي قريب اووي اطلب إيدك..چود : وقفت وتنحت ولفت ليه..وقالت .قول والله كدا؟مصطفى : بضحكه..عارف إني أكبر من توقعاتك يابنتي..چود : حدفته بالكتب. وقالت بغيظ.. أنت حيوان..مصطفى : ببرود..وهو الحيوان بيتجوز ايه غير معزه.ههههههه.. چود انا مبسوط جدا.. ينهار مش واضح انهردا ياجدعان.. لازم تاكلي البت الغلبانه دي علقه عشان تعترفي؟چود : بتريقه..غلبانه؟ قد ايه واطي وحنين.؟. وكملت بغيره..هي ميييين البت دي؟مصطفى : قصدك المرحومه.؟ خلاص هي دلوقتي بتتحاسب..مفيش منها أي قلق. بس أنت طلعت وحش. يخربيتك والله خوفت منك..چود : بتحذير.. اسمع يالا.. أنت عملت كل الحوار ده عشان اعترف صح؟مصطفى : بغمزه..طول عمرك نبيه ياتراب القمر..چود : أسمع غور من وشي بقى..وانا أصلا رفضاك.. واستحالة اتجوز واحد ذيك…مصطفى : قرب من وشها وقال ببرود.. بصي ياجود يا انا اخدك ياربنا ال ياخدك. غير كدا مش هيحصل..چود : تنحت وبعدها كتمت الضحكه..و حاولت تهدا..وقالت..طيب ماشي يامصطفى.سبني أفكر.وهتتردلك بس الصبر..مصطفى : بغيظ.تفكري؟ وانتي كمان ليكي عين تتكلمي بعد الملين اللي انتي حطتيه في العصير؟ وطول الليل رايح جاي ع الحمام..دا انا نمت في الحمام اليوم ده. انتي تسكتي خالص أصلا..ماسمعش صوتك.چود : هههههههه…مصطفى : نفخ..وبعدين بقى في جمال امك ده. ماتتعدلي يابت..چود : من بين أسنانها..اتعدل ياجاهل؟.. أسمع يالا.. أنت دلوقتي عرفت بكل حاجه جوايا. وانسى خالص إني اتكلم معاك في أي حاجه من الكلام ده..مصطفى : هو انتي بتعرفي تتكلمي أصلا كلمتين حلوين ع بعض..چود : بتحذير.. مصطفى….!!!مصطفى : ههه خلاص آسف. عموماً انا مش عايز أسمع منك حاجه تاني دلوقتي..لحد كتب الكتاب..چود : بتكشيره..اشمعنى بعد كتب الكتاب..وتسمع إيه اصلا بعد كتب الكتاب؟مصطفى : بتريقه.. الرعد ياچود..هسمع الرعد في وداني..بعد كتب الكتاب..شتا بقى وانتي عارفه..چود : كاتمه الضحكه..وبصت بعيد..وقلبها بيرقص بفرحه كبيره جدا..مصطفى : أبتسم.. قريب أوي.هتبقى خطيبتي ياچود..!!!——————بقلمي مريم نصار..بعد كام يوم..في ملهى ڤيكتور.. Автор: Меріам Насарڤيكتور : خارج من الملهى..وقال ل آدم..كيران أستعد لتقلني إلي المطار الآن..آدم مراد : هز راسه.. أمرك سيد ڤيكتور..ڤيكتور : ركب العربيه..وقال. فلتسرع.. أخي ينتظر في المطار.. ايمكنك القياده بحرفية..؟آدم مراد : بشبح ابتسامه..قال. للأسف سيد ڤيكتور.. أنا أعاني باضطرابات من القياده المبالغ فيها..ڤيكتور : نفخ بخنقه..حسنا حسنا. تحرك الآن..وحاول أن تسرع..آدم مراد : بإشارة لفهد..وساق العربيه. والجارد وراه..بعد شويه في الطريق.. آدم سايق وشاف مجموعة شباب. وواقفين على الطريق.. وأي عربيه تعدي يوقفوها ويفتشو الناس اللي فيها.ويشوفو بطاقاتهم…. وقرب منهم وهيوقف..ڤيكتور : بأمر لا تقف أستمر في القياده.انهم اتباعي…!!!عند الملهى..فهد : بهمس. صقر.. الديزل….!!!مراد : دخل الحمام..وقال..عارف ياحوت. أنا كنت ف المكتب دلوقتي..واللي إسمه بيبرس وصل قبل ميعاده بساعه..عشان كدا خرج بسرعه..حتى ما اخدش صوفيا معاه. وهي قاعده متضايقه في المكتب..فهد : كشر عينيه وبص حواليه.. وقال..هي ايه حكايتها البت دي..عينيها من الكل ولا ايه؟فهد : أبتسم لناس داخله..وقال..حسنا..——————بقلمي مريم نصار.قدام المطار..آدم مراد : وقف قدام المطار..وقال..لقد وصلنا سيد ڤيكتور..!!ڤيكتور : مردش..واتصل ع بيبرس…وقال. هاي بيبرس. نعم أنا وصلت. امام المطار مباشرةً.. نعم.. أعلم أن أليس معك.. حسنا تقدم.. أين أنت..لم أراك..بيبرس : أتكلم بالعربي..وقال.. انا قدامك حيدر..!!!ڤيكتور : نزل.. وأول مره يضحك بسعاده..وفتح ايديه.. وقال بالعربي.. نورت أوكرانيا بيبرس..!! وحضنه بعض..آدم مراد : رفع عينيه يشوف بيببرس..لكن فتح عينيه بزهول كبير.. وقال بصدمه.. أكرم….!!!! ——-