تحميل رواية «عشقي الاول» PDF

دخلت أوضتي ولسه مش مستوعبة!

معقولة هيخطب خلاص؟ معقولة هيبقى من حق واحدة تانية غيري؟ معقولة كل حاجة انتهت؟

سمعت صوت ماما من ورايا:

"بتحبيه؟"

كان نفسي أترمى في حضنها وأعيط كتير أوي، بس مبقاش ينفع خلاص. طول عمري ساكتة، هاجي دلوقتي وأتكلم؟

"بحب مين يا ماما؟ أنا بس تعبانة شوية ومنمتش كويس."

"بتضحكي على مين؟ أنا أمك يا مريم."

"يا ماما انتي بتقولي إيه؟ من امتى وأنا بفكر في الكلام ده؟"

"مسألتش هيخطب مين حتى؟"

"ما أنا بقولك تعبانة، هدخل أنام دلوقتي وبكرة هسألك جامد أوي."

"ههه ماشي يا أختي."

*هو أنا غلطانة إني مبينتش وكنت على طول بصدّه؟ بس برضه من كلامه وتصرفاته كنت بحس إنه بيحبني. في يوم وليلة ألاقيه هيخطب؟ خلاص كده؟ طب أكلمه؟ لأ، قد إيه أنا مهزأة.*

نفضت كل الأفكار دي من دماغي، وصليت القيام. وبفتح الفون لقيت مسدج منه:

"بقالي كتير مستنيكي، مش هتطلعي بقا؟"

أصل أنا كل يوم في الوقت ده بطلع أقف في البلكونة لغاية الفجر. بيبقى الجو تحفة، هه. وهو كان بييجي يغيّظني.

أخدت النسكافيه بتاعي وبتاعه، لأني متعودة دايماً أعمله معايا، والكتاب اللي بحب أقرأه، ودخلت البلكونة.

القمر شكله عسول أوي مع الجو الهادي ده، حاجة مريحة جداً.

"قمر بيبص لـ قمر."

كنت عارفة إني هلاقيه، عشان كده متفاجئتش.

"إيه ده يوسف؟ انت هنا!"

"حاسك مش مبسوطة."

"آه والله يا ابن عمي، الشغل منكد عليا."

"ابن عمك؟ من امتى وانتي بتقوليلي كده؟"

"إلااااه، هو انت مش ابن عمي وأخويا وشقيقي؟"

"آه ماشي يا مريم."

"صحيح، كنت عايز أقولك حاجة."

"خير."

"أنا هخطب."

حاولت أتمالك أعصابي وأبان عادي:

"ألف مبروك، الله يكون في عونها."

"قصدك يبختها."

"مين اللي ضحك عليكي وقال لك كده؟"

"انتي."

"محصلش."

"فين النسكافيه بتاعي؟"

"أهو يا خويا اتفضل، يكش يطمر."

"قمر عليا النعمة قمر، وعايزة تتأكلي أكل."

"اشرب يا خويا وانت ساكت."

"مش عايزة تعرفي مين؟"

"أهم حاجة تكون مبسوط، مش عايزة غير كده يا يوسف."

"هو أنا ليه حاسك متغيره؟ فين هزارك ورخامتك؟"

"وبالله شغل يا جدعان، للدجادي رخامتي وحشتكو؟"

"هروح أتقدم بكرة."

"أيوه يا عم العريس الجامد، انت. ألف مبروك. ها، إيه تاني؟"

"ألبس إيه؟"

*بيقولي ألبس إيه وأنا رايح أخطب واحدة غيرك؟ البجح المستفز!*

"انت مش صغير عشان كل ما تروح في حتة تقولي ألبس إيه؟"

"محسساني إن دي أول مرة أسألك."

"بس مش هفضل أقولك تلبس إيه وأختار لك كل حاجة كده."

"لا هتفضلي."

"يوسف، انت رايح تخطب، ده بقا من حقها هي مش أنا."

"لا من حقك انتي. واخلصي، قولي ألبس إيه."

"مش قايلة."

"خلاص مش رايح."

"إيه شغل العيال ده؟"

"قولي يا مريومتي بقا."

*كنت دايماً بفرح إنه بياخد رأيي في كل حاجة. دي أول مرة أضايق وأبقى عايزة أقتله. هو هيحصل حاجة لو قتلته؟ لأ، ده حبيبي، ده ميهونش عليا.*

"إلبس القميص الأسود، تحته البنطلون الأبيض والكوتش الأسود اللي فيه حتة بيضة من الجنب ده، وإلبس الساعة السودا وحط البيرفيوم اللي جبناه مع بعض."

"ليه الأسود؟"

"بحبك فيه."

"إيه."

"إيه؟!"

بحبك فيه

ايه

ايه

اقصد يعني بيخليك حلو شويه

امم حلو شويه ماشي يامريومتي

هدخل بقا عشان الفجر اذن اهو

ادعي توافق

بتحبها اوي كده

اوووي

ربنا يجمعكو سوا يا يوسف

دخلت وانا مستغربه من نفسي جدا انا ازاي هفضل مش مستوعبه واعامله عادي دا هيخطب يعني مش من حقي اتكلم معاه.. حتي لو بنت عمو.. صليت ودعيت كتير ل ربنا يبعدو عني ويطلعو من قلبي.. روحت انام عشان اهرب من الكابوس ال انا بعيشه لسه هنام لقيت ريناد صاحبتي باعته ع الجروب انهم خارجين قولت كويس حاجه تفرفشني شويه بدال م انا كئيبه كده

صحيت ع رنه الفون.. وطبعا رديت من غير م اشوف الاسم

السلام عليكم

عليكم السلام انتي لسه نايمه ياخم نوم انتي

عايز اي دا.. حاجه بتقولي اقفلي ف وشو وحاجه بتقولي قوليلو بحبك.. وانا نفسي امسك الحاجتين دول اخبطهم ف بعض وانام تاني

عايز اي يا رخم انت

انا قاعد برا ع فكره انجزي اطلعي عشان عايزك ف كلمتين

يلا يا بابا من هنا مش فضيالك

قومي يا مريم بدال م اسيب امك هي ال تجيبك

امي اي لا انا قومت اصلا

طب هو عايز مني اي دلوقتي انا عايزه اموڤ اون بقا دا اي الغتاته دي

قومت غسلت وشي ولبست عبايه وطرحه وطلعتلو

وجودك مش مرحب بيه خالص ع فكره

مريم انا عايزك تيجي معايا وانا رايح اتقدملها

لا كده كتير اوي انا تعبت منو دا لو قاصد يستفزني مش هيعمل كده

لا يا يوسف مينفعش وبعدين انا عندي شغل

هستناكي لغايه م ترجعي انا عايزك تشوفيها

قولتلك مينفعش روح انت وفيروز وشوشو

لا انا عايزك

حد يمسكني هقولو بحبك ياولاد

لا وبعدين عايزني اجي لي

عشان تقوليلي رأيك فيها

حتي دي عايز رأيي فيها هو انا ال هتجوزها في اي يا يوسف

تعالي معايا يا مريم مش كفايه ساكتلك وانتي بتقولي ل ماما يا شوشو

ملكش دعوه.. بص يا يوسف انا مش هاجي ف بلاش تتحايل بقا

طيب يا مريم براحتك انا هقوم بقا

طيب

كان لسه ماشي بس ماما وقفتو

متعرفش ولا اي يا يوسف اصلها خارجه مع صحابها

قالتها ومشيت وانا واقفه زي الهبله

مفيش خروج

نعم

زي م سمعتي

وانت مالك اخرج ولا مخرجش

هزعلك جامد لو الكلمه دي اتقالت تاني

ايوه انا عايزه اخرج عشان اغير جو مع صحابي

هبقا اخرجك انا

لا بقولك اي انت مش رايح تخطب بالسلامه انت وانا اروح ف اي مكان بقا براحتي

اظبطي نفسك يا مريم انتي عارفه ان جو عايزه اخرج مع صحابي دا ممنوع عندي يا انا اكون معاكي يا تقعدي ف البيت

بس مش ممنوع عندي وبعدين اصلا انت بتعمل كده لي

عدي يومك وملكيش دعوه.. قرب مني.. متخلنيش اتعصب واعمل حاجه متعجبكيش

ابعد كده ابعد واطلع بره

لو خرجتي من ورايا هعرف يا مريم

هه بكره تخطب واخرج براحتي وابقا روح اتحكم ف خطيبتك

بتحلمي.. باي يقمري

لالالا انا هيحصلي حاجه بجد الواد دا عبيط ولا في حاجه ف مخو

اي مش هتخرجي مع صحابك

مين ال قالك تقوليلو يا ماما

عشان عارفه انو مش هيخرجك وانا مبرتحش ف صحابك دول

وانتي مبسوطه كده يعني

جدا

انا داخله

عايزه تشوفيه وهو رايح طبعا

اشوف مين يا ماما مايغور ف. داهيه

عينك فضحاكي

انا خافيه يا ماما دا اي الليله السودا دي

الساعه 6 ونص المفروض انو يكون بيلبس

خرجت ع البلكونه وعقلي مكنش معايا طول الوقت دا بتصرف ب قلبي عشان انا موكوسه اوعو تعملو زيي

واقفه ف البلكونه عشان اشوفو انا واثقه انو هيبقا قمر ولما اشوفو هعيط طب هو لي عمل فيا كده

مريملالا مش هبص هعيط والله هعيط

نعم

بصيلي يا مريم

بصيتلو.. قد اي كنت اتمني ابقا مكانها.. قد اي موجوعه عشان واحده غيري هتبصلك وتركز ف ملامحك ال انا بعشقها صعبانه عليا نفسي اوي

انتي بتعيطي

هه دي دموع الفرح ياولا

دخلي شعرك دااااااا

في اي متزعقش هي ال بتتزحلق

بتتزحلق تثبتيها بدبوس بدال م اجي اثبتهالك انا

متزعقليش طيب

ما انتي بتعصبيني يا مريم

وانت تتعصب ليه لما شعري يبان

عشان افرضي حد معدي وشاف شعرك انزل اقتلو ولا اقتلك انتي ولا اعمل اي

وانت تدايق ليه لما حد يشوف شعري

انتي بتسألي كتير لي

عادي عايزه اعرف

شعرك لو طلع تاني هتزعلي

طيب يارخم

اي رأيك فيا بقا

يعني ماشي حالك

يا مريم بقاااااا

قمرر اوي يا يوسف

تفتكري هعجبها

دي تبقا حلوفه لو موافقتش

غمز وقالي لو مكانها هتوافقي

غمز وقالي: يعني لو مكانها هتوافقي؟

= وأنا هبص لك على إيه؟ امشي يلا روح لحبيبة القلب.

_ رايح اهو، رايح. ادعي لي يا مريومتي.

* هو مبسوط؟ للدرجة دي بيحبها؟ يمكن كل اللي أنا كنت عايشة فيه دا وهم. بس دا كل اللي حواليا كانوا عارفين إنه بيحبني بسبب تصرفاته. يمكن هو أصلًا طبعه كده، حنين وبيغير. يارب ريح قلبي يارب.

نزلت اتمشى شوية، يمكن قلبي يرتاح. زمانه راح وشافتو. أكيد زمانهم قاعدين مع بعض، وطبعًا عمال يبص لها. الخاين اللي موته هيبقى على إيده.

تعبت من الجري، كنت بجري بكل قوتي كنوع من أنواع جلد الذات، فقعدت شوية أرتاح.

لقيت نفسي بعيط.. بعيط على حياتي اللي مبقاش باين لها ملامح.. على مستقبلي اللي كنت ببناه مع واحد راح يخطب غيري بـ لبس أنا اللي مختراه. أنا حقيقي تعبت.

شفت طفلة جاية عليا ومعاها وردة.

_ ممكن تاخدي الوردة دي مني ومتعيطيش تاني؟

= حاضر يا قمري.

_ ماما دايما بتقولي لما تشوفي أي حد زعلان لازم تفضلي معاه لغاية ما يضحك. ممكن بقا تضحكي عشان اتأخرت على ماما ولازم أروح لها.

= يا روح قلبي تسلم مامتك. هاتي بوسة.. روحي لمامتك عشان متتأخريش.

_ بااااي.

أنا بحب الأطفال. جوزوني عشان أجيب بنوتة وأربيها زي دي. أنا عايزة من دي.

= طفلة هتربي طفلة إزاي يعني؟

_ يوسف!! إنت إيه اللي جابك؟

= روحت لك البيت. مامتك قالت لي إنك نزلتي تتمشي. توقعت إنك تبقي هنا.

_ آه، طيب.

= مالك؟

_ مالي إزاي؟ أنا كويسة أهو.

= مريم أنا مش أهبل. إنتي من امبارح متغيره ومش عايزة تقولي مالك. أنا أكتر واحد حافظك. وكمان مسألتنيش عملت إيه؟

_ مفيش يبني. أنا اتأخرت ولازم أمشي.

لسه بمشي لقيتو مسك إيدي.

_ أنا بكلمك.

= سيب إيدي. إنت إزاي تمسك إيدي كده أصلًا.

_ يا تلبسي الطرحة عدل وتدخلي شعرك زي الناس، يا متخرجيش من البيت أصلًا.

= هي اللي بتتزحلق. وبعدين إنت مالك؟ أنا أعمل اللي أنا عايزه.

_ إنتي عبيطة! يعني إيه تعملي اللي انتي عايزاه؟ وإزاي أنا مالي؟ ما تتظبطي يا مريم.

= ملكش إنك تقولي البسي ومتلبسيش. مين إنت عشان تتحكم فيا؟

_ أه، دا إنتي اتهبلتي في مخك بقا! يلا قدامي عالبيت ونكمل كلامنا هناك.

شديت إيدي اللي كان ماسكها ومحستش بـ ولا كلمة من اللي أنا بقولها.

= ابعد عنيييي بقاااااا. سبنييي ف حااالي. أنا بكرهك ومبقتش طيقاااااك. إنت مفكرنيي لعبة ف أيييدك وقت م تحتاااجني تلاقيييني. إنت ملكش دعوووه بيااا فااااهم؟ وابعد عنيي بقا ياا اخييي. حرااام عليييك. سبني ف حاااالي بقااااا.

الدنيا اسودت في وشي. شيفاه واقف مصدوم. منطقش بـ ولا كلمة. محستش بنفسي غير وأنا عالسرير.

= إيه الـ حصل؟

لقيتو قاعد بعيد وماما جمبي.

_ مش عارفة يبنتي. أنا لقيت يوسف جايبك وإنتي مغمي عليكي وبسأله مش راضي يقول حاجة.

= احكي لي يا بنتي، في إيه؟

_ مفيش يا ماما. دوخت ووقعت عشان كنت مرهقة شوية.

= ممكن تسيبينا شوية يا مرات عمي.

_ حاضر يبني.

فضلنا باصين لبعض شوية وساكتين.

= عايز إيه يا يوسف؟

_ عايز أعرف مالك.

= أنا مخنوقة شوية. عادي. متاخدش في بالك.

_ طب أنا جبت لك شوكولاتة.

تلقائيًا ابتسمت عشان أنا مهزأة وهبلة وبيضحك عليا.

= شكرًا.

_ من إمتى في بينا شكر؟

= ها؟ قول عملت إيه.

_ لسه هيردوا علينا بكرة. تفتكري ممكن متوافقش؟

= لو خير ليك ربنا هيجلعها من نصيبك.

_ يوسف.

= قلب يوسف.

* الله يخربيتك بقا!

= هي حلوة؟

_ دي منجايا.

* عيوني دمعت.

= حلوة أوي يعني.

_ أوي أوي.

= يعني دي أحلى واحدة إنت شفتها؟

_ ولا عمري شفت واحدة في جمالك. بس للأسف بقا إنتي أختي.

* دا إنت قليل الأدب بقا. والادب مش هينفع معاك.

= أه، أختك.. لا.

_ حنين.

= طول عمري.

_ طب يلا طريق السلامة إنت بقا عشان ماما متجيش تطردك.

= أنا آسف لو زعلتك من غير قصد، بس عايزك تعرفي إن زعلك عندي بالدنيا.

* حد ياخد الواد داااا من هنا حاااالاااا.

= عمري ما أزعل منك. إنت أكتر من أخويا يا يوسف.

_ إنتي قفيلة. أنا ماشي.

= بالسلامة يا أخويا.

_ أه صحيح، إحنا معزومين عندكم بكرة.

= مين اللي عزمكم؟

_ أكيد أمك. أمال هنستنى واحدة زيك تعزمنا يعني.

= طب طير من وشي بدل مـ أجيلك.

_ غمر.

= متيجي.

_ امشششي.

* هو أنا ليه ساعات بحسه بيحبني وساعات بحس إني ولا حاجة بالنسباله. ياااارب بقااا ابعدووو عني.

* صوتك يا متخلفه عندي صداااع.

= حاضر يا ست الكل. الحماس بس واخدني معلش.

* نيت عـ فيروز أخت يوسف عشان كنت مخنوقة ومحتاجة أتكلم معاها شوية.

_ السلام عليكم.. الإبله اللي نسيانا.

= وعليكم السلام.. والله إنتي اللي كلبة ولا معبراني.

_ مريم إنتي لي مش عايزة تقولي له إنك بتحبيه؟ ما يمكن لما يعرف يلغي الخطوبة.

= لا يا روز. مش هخليه يسيب اللي بيحبها عشاني. هي ذنبها إيه؟ مينفعش أبقى أنانية كده. أخوكي مش صغير وعارف هو بيعمل إيه.

_ عرفتي إننا معزومين عندكم بكرة؟

= أه. أخوكي قالي.

_ اممم. أخويا قالك؟ دا إنتوا اتقابلتوا بقا. أيوا يا عّم.

= يا أختي اتنيلي اسكتي. هو أخوكي دا بيحس؟

_ المهم يعني. فاكرة عمر اللي كنت حكيتلك عنه؟

= أه. مالو؟

_ اعترف لي بـ حبه وكلم يوسف بس رفضوه.

= ما أكيد يا روز. هو مش كويس. أخوكي هيرفضه لي غير عشان كده.

_ لا، هو رفضه عشان لسه طالب.

= ما طالب يعني مش شايل مسؤولية ومش جاهز.

_ لا يا مريم. هو جاهز. لسه بس بيدور عـ شغل، لكن شقته موجودة وكل حاجة. عشان خاطري كلمي يوسف. إنتي الوحيدة اللي هتقدري تقنعيه.

= حاضر. هتكلم معاه. متقلقيش.

_ مش بحبك من فرااغ.

= غوري بقا وجعتيلي دماغي.

_ باااي.

قمت عملت قهوة وعملت له معايا ودخلت البلكونة. لقيتو واقف مستنيني.

= إيه يا جميل.

_ إيه يا رخم.

= متيجي ننزل نتمشى؟ أجيب لك شيكولاتة ونرجع تاني.

_ إنت مخلص فلوسك عـ الشيكولاتة اللي بتجبهالي يبني والله.

= لو أطول أجيب لك القمر هجيبهولك.

_ يلا يا أخويا. انزل بلا محن.

= طب قولي لـ أمك وأنا هستناكي.

تحت.

قولتل لـ ماما ووافقت. لبست واتعمدت أبين شعري عشان أشوف رد فعلو. نزلت لقيتو مستني تحت. يخربيتك وإنت قمر. خايفة تتخطف مني وإحنا ماشيين.

قرب مني.

= مالك يا يوسف؟

قرب أكتر.

= ابعد يا يوسف. في إيه؟

شد الطرحة لـ قدام. بوظهالي الرخم.

= يخربيتك. الطرحة باظت.

_ على فكرة أنا مش هقولك تاني. شعرك ميبانش.

= خلاص خلاص. متعيطش. معنتش هيبان.

_ ظريفة ودمك يلطش.

= هه. إنت تطول واحدة في خفة دمي.

غمز.

= كفاية عليا إنتي. مش عايز واحدة تانية.

.........

_ صحيح بقولك. أنا وإنتي اللي هنطبخ بكرة. ابقي استنيني. متعمليش حاجة ولا تخلي مرات عمي تعمل حاجة.

= أنا مبحبش حد يساعدني في المطبخ.

_ ياعم. بتوتر.

= وهو أنا حد باردو؟

_ لا.

= سبت. هعهعهع.

_ غوري من وشي.

وصلنا المحل لقينا بت ملزقة كده. هيييح. استغفر الله.

= اتفضل. أؤمرني. تطلب إيه؟

* دا إيه البت المسهوكة دي. ماهي أصلًا مش طالبة أمها خالص.

_ هو عم أحمد صاحب المحل فين؟

= هيييهي. إنت متعرفش؟ ما أنا جديدة هنا.

* جديدة عـ نفسك ياما. انجزي هاتي الشوكااالااااطة.

= ياااع! إيه البيئة دي. جايبها منين؟

_ وحيات أمك لو ما ظبطي لسانك لـ أجي أشـدك من شعرك اللي فرحنالي بيه دا.

= بقولك إيه يا حلو إنت؟ ما تسيبك من الشرشوحة دي وتيجي أجيب لك الشيكولاتة.

دخلت مسكت شعرها. ماهو مبدهاش بقا. دي بتتمايص عـ جوزي. دا أنا ذات نفسي معملتهاش.

= هو مين دا اللي حلو يا زبالة يا مايصة يا معفنة. إنتي أمّال لو مكنتيش حاطة الميكب اللي في بيتكم كلو هتبقي عاملة إزاي؟

شالني عشان مكنتش راضية أسيبها. تستاهل عشان تبقي تتمايصي عـ أبو عيالي.

= نزلني يا يوسف. خليني أربيها.

_ فضحتـينا. يخربيتك. إيه اللي هببتيه دا؟

= دي بت مايعة وقليلة الأدب.

_ بس مش كده. البت كانت هتموت في إيدك.

= أه. حقك تدافع عنها. ما إنت مبسوط بـ سفالتها.

_ بس بصراحة. بت جامدة.

= تمم. ماشي. خلي الجامدة تنفعك. أنا غلطانة إني جيت معاك أصلًا.

مسك إيدي وشدني.

_ والله بهزر معاكي.

= متهزرش.

_ إنتي مدايقة لي؟

= مش مدايقة.

_ أوعى تكوني غيرانة.

= احم. هغير من إيه يعني؟ لا. وسيب إيدي كده. وابعد. إنت مقرب مني لي كده.

قرب أكتر وبصلي.

= تصدقي شبه الملايكة من قريب.

قرب أكتر وبصلي.

"تصدقي شبه الملايكة من قريب."

"لو مبعدتش عني حالاً هقوله تتجوزني؟ وأخليكم تلبسوا أسود وتنزلوا تعزوا في كرامتي."

"أول مرة أعرف إن عيونك عسلي.. انتي حلوة أوي يا مريم."

"لا مبدأهاش بقى، أوعى يلا. انت صدقت نفسك ولا إيه؟"

"يوسف ابعد مالك في إيه؟"

"ابعد عني وبكل هدوء."

"يلا نروح."

"يلا."

روحنا البيت. وقبل ما أدخل افتكرت موضوع فيروز.

"يوسف."

"نعم."

"عايزة أتكلم معاك في موضوع."

"سامعك."

"انت ليه رفضت عمر؟"

"أنا حر."

"يعني إيه حر؟ هو بيحبها وهي بتحبه. انت ترفض وتفرقهم عن بعض ليه؟"

"عشان أنا حر."

"طب فكر في الموضوع، هو كويس وطالما بيحبها يبقى هيحافظ عليها."

"مش هفكر في حاجة يا مريم، ومش انتي اللي هتقوليلي أعمل إيه."

"انت بتكلمني كده ليه؟"

"معرفش."

"ومعدتيش تكلميني في الموضوع ده."

"سمعتي؟"

"متزعقليش."

"ادخلي جوا."

دخلت من غير ما أرد. هو الواد ده عنده انفصام؟ ما كان بيهزر من شوية.

"ماما انتي عزمتيهم ليه؟"

"عادي يا مريم، قولت يجوا يقعدوا معانا شوية."

"طب صحيني بدري هروح أقعد مع صاحبتي عشان مش هقعد معاهم."

"إيه الهبل ده؟ انتي عبيطة؟"

"معلش يا ماما."

دخلت غيرت هدومي وصليت. وأخدت الفون لقيت ماسدج.

"أنا آسف.. هفكر في الموضوع عشان خاطرك."

شفتها ومردتش. بعدها لقيت الموبايل بيرن.

"خير."

"مش عارف إيه الناس القموصة دي."

"عايز إيه؟"

"متزعليش بجد، كنت متضايق."

"متضايق على نفسك مش عليا."

"وعليكي يا روح أمك."

"طب قولي رفضت عمر ليه؟"

"عشان مش جاهز."

"بس بيحبها."

"الحب مش كل حاجة."

"كل حاجة يا يوسف. هم لو بيحبوا بعض هيقدروا يواجهوا أي حاجة صعبة هتقابلهم."

"مش شايف إنه مناسب ليها."

"اختك بتحبه، متكسرش قلبها."

"حاضر يا مريم، هفكر في الموضوع والله."

"وعد؟"

"وعد."

"هتصل بيكي أول ما أصحى عشان تنهيني تصحي يا خم نوم انتي."

"آه صح، دا انتوا جايين.. انت عايزنا نطبخ مع بعض ليه؟ مش فاهمة، ماهي ماما هتطبخ هي وخلاص."

"لا الفكرة دي جت في دماغي وحابب نخاطر ونجرب نطبخ."

"ماشي يا عم الشيف. هقفل بقى عشان أنام وأعرف أصحى."

"ماشي، باي يا مريومتي."

"باي."

"ماممممممممم صحيني بدري عشان هقعد معاهم."

"ما أنا مخلفة حلوفة كل شوية برأي."

"معلش بقى، مين هيستحملني غيرك."

نمت من غير ما أفكر في حاجة. ما أنا مبقتش فاهماه خلاص.

صحيت على رنة الفون.

"عايز إيه؟"

"يا شيخة ارحميني وقولي مرة صباح الخير."

"انجزززز."

"قومي اخلصي عشان أنا جاي."

"انت لازقة ليه كده؟ ما تصبر شوية، متجيش دلوقتي."

"قومي يا مريم عشان مزعلكيش."

"قومت أهو، امشي بقى."

أصلها كانت ناقصاك بني آدم خاين ورخم كمان، الاتنين مع بعض.

قمت صليت ودخلت المطبخ. لبست الطقم بتاع المطبخ وربطت الطرحة لفوق كده، بقيت ست بيت جامد يعني.

"أجمد شيف شفته في حياتي."

"عاااااااااا يخربيتك خوّضتني. انت جيت امتى؟"

"لسة جاي."

"وانت هتطبخ بالمنظر ده؟"

"إيه مالي؟"

"مالك إيه؟ انت مش خارج يا برنس، ادخل جوه غير هدومك والبس حاجة من هدوم بابا."

"لا كده حلو."

"هتتبهدل ومش هتعرف تعمل حاجة."

"خايفة عليا؟"

"إيه الهبل ده؟ إن شاء الله ما دخلت، يكشي الأبيض ده يبقى أسود."

"هششش هششش، إيه خلاص داخل أهو."

مش عارفة بحبه على إيه ده.

خرج وهو لابس هدوم بابا واسعة أوي عليه وقصيرة عشان هو أطول من بابا بكتير. كان منظره يموت من الضحك.

"ههههههههههههههههههه الحقوني هموت من الضحك."

"على فكرة هاخد نفسي بهدوء كده وأمشي. انتوا جايبيني هنا تهزأوني ولا إيه؟"

"خلاص والله سوري، بس شكلك فظيع."

"دمك بارد.. قولي هنطبخ إيه؟"

"مكرونة بشاميل."

"بحبها أوي."

"وأنا كمان."

"وانتي كمان إيه؟"

"بحبها."

غمز.

"يبختها."

"احم، طب يلا عشان نلحق نخلص على طول."

قعدنا نطبخ ومبطلناش هزار وضحك. قد إيه هو قمر وضحكته قمرين. ياااه محظوظة أوي اللي هتبقى مراته. هيساعدها ويخاف عليها ويحبها ويهزر معاها. من موقعي هذا بقولها يابختك. مكنش بيرضي يخليني أقطع حاجة بالسكينة وبياخدها هو ويقطعها. بس قولتله وحلفت إن أنا اللي هقطع المرة دي. هه، طلعت موكوسة واتعورت. جري عليا وخد إيدي حطها تحت الماية. كان شكله خايف أوي، مع إنها كانت تعويرة بسيطة. بس وشه كان مرعوب.

"مش قولتلك متتمسكيش السكينة؟ انتي مب تسمعيش الكلام ليه وبتعانديني؟"

"يوسف دي تعويرة صغيرة."

"بتوجعك؟"

"شويه."

جاب مرهم حطوا عليها وربطها.

"والله صغيرة مش مستاهلة كل ده."

"تعرفي تخرسي؟ اقفي هنا قوليلي أعمل إيه وأنا اللي هعمل. إيدك متتمدش على حاجة، فهمتي؟"

"حاضر."

فيروز جت. ولما لقته واقف معايا، غمઝتلي.

"هههههه، إيه اللي انت لابسه ده يا چو؟"

"شكله مسخرة صح؟"

"هههههه، جدااااا."

"لا بقولكم إيه، متتلموا كده هزعلكوا والله."

"بس قمر في كل حالاتك."

"ماشي يا عروسة."

أنا وفيروز في صوت واحد.

"عروسة؟"

"اممم، ما أنا اتصلت بعمر وهييجي بعد بكرة."

"لالالالاااااااااا بتتكلم جد يا چو؟"

"وأنا هزر معاكي ليه؟"

"شكراً أوي يا چو."

"اشكري مريم، هي اللي أقنعتني."

"بحبك أوي يا مريومة، ربنا يجمعك مع اللي بتحبيه."

"مع اللي بتحبيه؟!!!!!! انتي عبيطة؟ مريم مبتحبش حد."

"لا بتحب، وهي اللي قالتلي."

بصلي بعصبية.

"ده بجد؟"

فيروز بصتلي عشان أقول آه.

"آه بجد."

"مستحيل، انتي بتكذبي."

"لا مش بكذب، هو الحب حرام ولا إيه؟"

"اخرسي! اياكي تقولي إنك بتحبي حد، فاهمة؟ ومعنتيش هتروحي الشغل تاني.. أقولك حاجة؟ مش هتخرجي من البيت أصلاً."

"إيه اللي انت بتقوله ده؟"

"انت متضايق ليه يا يوسف؟ هي بني أدمة وطبيعي هتحب، ما انت كمان بتحب تارا."

"مش من حقها تحب حد، ومفيش مخلوق هيدخل البيت ده، سمعتي؟"

قرب مني وهو متعصب ووشه أحمر.

"سمعتي بقول إيه؟"

"لا."

"وهو جاي يتقدم قريب وأنا هوافق وهتخطب ليه."

لقيت قلم نازل على وشي.

*لقيت قلم نازل ع وشي*

منطقتش ب ولا حرف.

دخلت الاوضه قفلت ع نفسي وقعدت اعيط.

عند يوسف وفيروز.

_حرام عليك يا يوسف، اي ال عملتو دا.

_انتي مش سامعه هي بتقول اي.

_انت ال مش سامع نفسك بتقول اي. ضربتها عشان بتحب؟ طب م انت حبيت وهتخطب اهو، انت مسمي ال عملتو دا اي.

_معرفش.

_يوسف انت بتحبها.

_لا طبعًا، دي اختي.

_خلاص سيب اختك تعيش حياتها مع ال بتحبه.

_اخرسي بقولك، محدش هيدخل البيت دا غير ع جثتي.

_انت جرحتها يا يوسف، مريم محدش مد ايدو عليها وعمرها م تتوقع منك حاجه زي دي، انت طول عمرك حنين عليها، اي ال حصلك دا بدال م تفرحلها.

_افرحلها عشان هتبقا ل غيري.

_انت بتقول اي، انا مبقتش فهماك.

_ولا انا فاهم نفسي.

_انت محبتش تارا يا يوسف، دا مجرد اعجاب، وبعدين مستحيل واحده زي تارا تقدر تعيش معاك، هي غيرك تمامًا، اه هي حلوه وبتجذب كمان بس مفيش روح خالص، وبعدين دي ع طول حاطه ميكب، يعني انت ذات نفسك متعرفش شكلها من غير ميكب، عكس مريم تمامًا، وبتلبس قصير وجينز وانت مبتحبش كده، انا مستغرباك جدًا.

_اخرجي برا يا فيروز.

_فكر ف كلامي.

_اخرجي.

*اااااااااه يا خدي، يكش كانت تتقطع ايدك قبل م تمدها عليا يا ابن شوشو يا بتاع تارا، اي تارا دي اصلا اسم ملزق زيو*

الباب خبط.

=مين.

_اي يبنتي مش هتاكلي.

=سبيني يا فيروز معلش.

_افتحي طيب عايزه اتكلم معاكي.

=بقولك سيبيني.

_اطلعي بس كلي عشان محدش يلاحظ، صوتكو كان عالي وهم حاسين ان في حاجه.

=طيب طالعه اهو.

*مسحت دموعي وطلعت عشان اكل، وانا واعده نفسي اني مش هبصلو حتي*

خرجت وسلمت ع شوشو وقعدتني جمبها، بس دورت عليه ملقتهوش قاعد، معقول مشي.

_قومي يا مريم هاتي الاكل يلا.

=حاضر يا ماما.

دخلت لقيتو لسه واقف جوا.

لسه باخد الاكل مسك ايدي.

=مريم.

=.......

شيلت ايدي وخرجت من غير م ارد عليه.

وهو خرج ورايا.

قعدنا عشان ناكل وانا فضلت ماسكه المعلقه ومش باكل.

_اي يا مريومه مش بتاكلي ليه.

=عادي يا شوشو، مليش نفس والله.

_اي يبنتي مال خدك احمر لي كده.

بصتلو وانا مدمعه ورجعت بصتلها تاني.

=لا دا انا كنت بجرب ميكب جديد وحطيت هنا، عماله اشيلو مش راضي يطلع.

_وانتي من امتي بتحطي ميكب.

=عادي تغيير بقا.

_صحيح، احنا كنا متقدمين ل بنت، هي صاحبه يوسف ف الشغل واهلها اتصلو بيا النهارده وقالو انهم موافقين.

*مكنتش قادره اكتم العياط بس مش عايزه ابان ضعيفه*

_الف مبروك يا يوسف يابني، ربنا يسعدك، انت طيب وتستاهل كل خير.

قام خرج من غير ولا كلمه.

حتّي بصتو ليا مكنتش فهماها.

اه ما اكيد رايح يكلمها الخاين المهزأ.

_لسه قدامك فرصه يا مريم، قوليلو انك بتحبيه، انتي مش شايفة كان غيران عليكي ازاي.

=دي مش غيره يا فيروز، دا مرض اخوكي مريض، شوفو دكتور كويس يعالجو.

_يا مريم عشان خاطري اعملي حاجه قبل م يخطب، انتي لي مستسلمه كده.

=حاجه اي ال هعملها، واحد بيحب واحده وهيخطبها اقوم انا راحه قيلالو متحبهاش وحبني انا، انتي بتقولي اي.

_لا مش كده، يوسف بيحبك بس هو ال مش عارف يعترف ل نفسو حتي.

=وانا ميخصنيش.

_يا مريم انتي متعرفيش تارا دي مش كويسه اصلا ومستحيل يكون بيحبها. مختلفه عنو وعننا ومش محجبه ولبسها ضيق ومدلعه، يعني مش مستوعبه ازاي اصلا هيخطبها.

=ميخصنيش باردو، هو حر يعمل ال هو عاوزو.

_طيب هخلي عمر ييجي بكره مش بعدو وانتي هتيجي عشان تبقي جمبي.

=حاضر يا روز، هو انا عندي اغلي منك.

_تارا هتيجي.

=ما تيجي، انا مالي بيها.

_هستناكي.

=عيوني.

*تاني يوم*

صحيت بدري عشان ابقا جمبها زي م اتعودت.

روحت خبطت وشوشو فتحتلي.

_القمر ال جاي ينور البيت.

=انتي ال قمر يا شوشو، هي فين البت ال هتتخطب وتتنك علينا دي.

_جوا اهي، ادخلي.

*دخلت لقيتها قاعده مع يوسف.*

=هستناكي بره.

_تعالي يا هبله اقعدي عشان تقوليلي البس اي.

*هه افتكرتو لما كان بيخليني اختارلو كل حاجه*

=امممم بصي يا عروسه، عندي شويه ماسكات لازم نعملها مع بعض بس عايزين حد ينزل يجيب المكونات بتاعتها. هنزل انا.

_لا مفيش نزول، انا ال هنزل اجيبلكو ال انتو عايزينو.

*مردتش عليه واخدت كراسه كتبت فيها الحاجات ال هنجيبها وادتها ل فيروز وخرجت م الاوضه*

_بصراحه تستاهل اكتر من كده يا چو.

=انا مش ناقصك يبت انتي، ابعتي الحاجات دي ع الواتس عشان اتنيل اجيبها.

خرج وبصلي بعصبيه.

_ مريم.

=لو سمحت مبقاش في كلام بينا.

_مش انتي ال تقولي في كلام بينا ولا مفيش.

=سبني ف حالي بعد اذنك، انت خاطب مبقاش من حقك تتكلم معايا.

_يا مريم اسمعيني عشان خاطري.

=مش عايزه اسمعك، ابعد عني بقاا.

قرب مني جامد.

_انتي بجد بتحبي حد يا مريم.

=ملكش دعوه.

خبط ع الحيطه جامد.

_ردي علياااااااااا متعااانديييش.

زقيته.

=قولتلك ملكش دعوه بيا، روح شوف خطيبتك وسبني بقا ياشيخ، حرام عليك، بدال م تعتذر ع ال عملتو امبارح جاي تزعقلي كمان.

_اسمعيني طيب.

= مش عايزه اسمع منك ولا كلمه.

_طب خليكي فاكره ان محدش هياخدك مني فاهمه.

*عليا النعمه اهبل وعايز يتعالج*

*سبني ومشي.. انا مبسوطه من نفسي عشان معنتش بضعف اهو، سقفولي قدرت احافظ ع الجزء الباقي من كرامتي*

الباب خبط.

روحت فتحت عشان الأبله كانت بتكلم خطيبها.

اي دا، اكيد مش ممثله من بتوع هوليود، مين المزه دي، يخراااابي ع الجمال، ما تيجي ناخد سلفي يا بت يا قمر انتي، بس دي اي ال جابها هنا، هي البت فيروز عارفه ناس نضيفه كده.

=مين حضرك.

_انتي ال مين.

=انا مريم بنت عم فيروز.

_وانا تارا خطيبه يوسف.

أنا مريم بنت عم فيروز.

وأنا تارا خطيبة يوسف.

نعم يا روح أمك.

أفندم.

أقصد اتفضلي.

آه، كنت داخلة أصلاً. فين چو؟

مين چو ده؟

أقصد يوسف. فين؟

يوسف مين؟

ابن عمك.

آه، يوسف معرفش راح فين.

خلاص، أنا هتصل بيه.

اتفضلي اقعدي.

من غير ما تقولي، ده بيتي أصلاً.

*هه، ومدايقة منك عشان حبيت غيري؟ ده أنا ذات نفسي حبيتها.. طب ع فكرة مش حلوة بقى، بت معندهاش ذوق وكلها فيك. أي كمية الميكب دي؟ أصلاً أنا لو حطيت نص الميكب اللي هي حاطاه هبقى أحلى منها... عااااااا، ماشي يا يوسف يا كلب.*

مين يا روما اللي كان بيخبط؟

رديت وأنا بدلع زيها وبقلدها.

دي تارا خطيبة يوسف.

ههههه، تصدقي نفس طريقتها.

هه، يا أختي معرفش بيجيبوا نعومة الصوت دي منين.

بقولك إيه، إنتي هتحطي ميكب النهارده وهتلبسي فستان جديد. أنا جايبة اتنين، إنتي هتلبسي واحد وأنا واحد وهنخرج. قصة حلوة كده من شعرك القمر، ها؟ إيه رأيك؟

مش عارفة روح التحدي ظهرتلي في الوقت ده ليه، وكان كل اللي في دماغي إني أبين أحلى من تارا الملزقة دي، مع إني عارفة إنها فيك، بس برضه كنت حابة أثبت لنفسي إني قمر في الحالتين.. أو أثبت ليوسف، أيهما أقرب.

موافقة، مع إني مبحبش الميكب، بس إشطة. أخوكي هيجيب الماسكات وهنعمل إحنا الاتنين، وبعدين تحطيلي إنتي الميكب الأول وبعدين أنا أحطلك، وإنتي عارفة إني ميكب أرتست أصلاً، بس مبحبش أتكلم عن نفسي عشان الحسد. والميكب اللي هتحطيه ليا يبقى خفيف موت يا فيروز عشان مقتلكيش.

حاضر، والله أنا عارفة إيه اللي هيليق عليكِ.

شويه ولقينا يوسف جاي.

أنا كنت حاطة الطرحة عليا كده بس مش لفاها.

خدي يا أبلة فيروز، ممكن أعرف خلتيني أجيب من كل حاجة اتنين ليه؟

عشان أبقى قمر بزيادة.

فضلت واقف شوية وباصصلي وأنا اتجاهلته تماماً وأخدت الحاجات ودخلت عشان أجهزها.

مش عارفة يا يوسف تارا جايه ليه.

هي اللي قالتلي عايزة تيجي.

ومحدش عايزها في البيت ده أصلاً.

بس يا فيروز، خليكي في اللي إنتي فيه.

يوسف يا حبيبي، إنت فين؟ سايبني قاعدة لوحدي برا.

دخلت لقيتها واقفة وماسكة فيه وعمالة تدلع عليه. طبعاً مش عايزة أقول لكم كنت عايزة أعمل فيها إيه.

رجعي شعرك لورا يا روز عشان ميجيش عليه حاجة من الماسك.

أنا طبعاً اللي هحطلك الميكب يا فيروز، صح؟

لا، مريم اللي هتحطلي لأنها كانت واخدة كورسات في الميكب.

ولما هي واخدة كورسات مش شايفاها حاطة ليه؟

عشان هي مش محتاجة ميكب لأنها قمر رباني كده.

*البت وشها قلب وكانت عايزة تجيبني من شعري.*

يوسف يا حبيبي، هي الخطوبة بتاعتنا هتبقى إمتى؟

مش عارف يا تارا، والله لسه محددناش وقت معين.

هنخرج أنا ويوسف نتمشى شوية لحد ما تخلصوا.

لا، أنا هفضل هنا عشان لو احتاجوا حاجة أنزل أجيبها.

*بصراحة فرحت موت من الرد بتاعه.*

تربيتي الواد ده.

يعني إيه مش هتخرجي معايا؟

أقولك حاجة عشان تضيعي الوقت، روحي ساعدي ماما.

لا طبعاً، إنت عايزني أطبخ وأبوظ إيدي ويبقا ريحتي طبيخ.

*لا كده كتير، البت دي اتخطت حدودها، ده إحنا مولودين في المطبخ.*

خلاص، روحي بيتك يا تارا.

يعني إيه يا يوسف؟

بصي، أنا معايا كتاب حلو أوي، ممكن تاخديه وتدخلي البلكونة تقرئيه، هتلاقي الوقت بيعدي بسرعة.

إيه الجو ده؟ مبحبش الناس اللي بتقرأ في كتب والهبل ده.

تارااااا، لسانك عشان مقطعهوش.

مالك يا يوسف؟ إنت عمرك ما اتعصبت عليا كده.

*عمرك!!! ده الموضوع من زمان بقى.*

خلاص، هدخل البلكونة ألعب بالموبايل لحد ما تخلصوا.

خرجت البومة وهو قعد ع الكرسي اللي جنبنا.

إنت شايف منظر لبسها يا يوسف.

لو سمحتي يا فيروز، اقفلي الموضوع ده.

عاااااا، شيلي إيدك يا غبية، كده مش هينشف.

آه، آه، شيلتها يا مريم، وشي بياكلني.

معلش، شوية وهتتعودي. خليكي هنا بقى على ما أروح أشوف شوشو عايزة مساعدة ولا لأ.

متتأخريش عشان هشيله من وشي والله.

لعععععع، إياكي. وأنا بتكلم بعفوية قولت..

يوسف، خلي بالك منها، لو إيديها اتمدت، اديها في وشها على طول.

*يختاي! أنا إيه اللي خلاني أكلمه؟ يخربيتي.*

لقيته ضحك وكان لسه هيرد، بس أنا مشيت على طول.

ده أكبر دليل يأكدلك إنها نضيفة من جوه.

إنتي يبت لكاكة ليه؟

يوسف، وشي بياكلني، عايزة أحط إيدي عليه.

إياكي، والله أديكي في وشك على طول.

ههه، عمر قالك جاي إمتى؟

ساعتين كده وييجي.

طب أنا هقوم أروح أوضة ماما عشان حاطة الفستان هناك.

دخلت وأنا ناسية إن مليفيتش الطرحة، وكان فيه مروحة في الأوضة. أول ما دخلت الطرحة طارت. كنت عاملة كحكة.. أنا شعري طويل أوي، كانت العيلة كلها بتحسدني عليه وأنا صغيرة، ويوسف كان بيحبه أوي وع طول يقولي وإحنا صغيرين لو قصيتي شعرك معنتيش تكلميني.

محسيتش إن الطرحة وقعت.

ملقتش فيروز في الأوضة وهو قاعد متنح.

فجأة قام وقعد يقرب وأنا أبعد، هو يقرب وأنا أبعد، لغاية ما لقيت الحيطة ورايا وأنا هبلة مش فاهمة حاجة ولا حاسة إن الطرحة وقعت.

إيه يا يوسف؟ مالك؟

بيرد بصصلي وساكت، وأول مرة أشوف اللمعة دي في عيونه.

مد إيده وشال الدبوس، قامت الكحكة مفكوكة وشعري نازل. وقتها استوعبت إني مش لابسة الطرحة.

ابعد يا يوسف.

........

ابعد بقولك، إيه اللي إنت بتعمله ده؟

كان نفسي أشوف شعرك من زمان أوي يا مريم، من وقت ما اتحجبتي وعرفت إني مش هشوفه تاني.

يوسف، عشان خاطري ابعد بقى.

بحبه أوي.

إيه؟

شعرك.

ها؟

زقيته وأخدت الطرحة لبستها وفيروز جت.

كنتي فين يا حيوانة؟

بجيب الفستان. إيه مالكم؟

مفيش. مالك يا يوسف؟ مبتسم لي كده، خير؟

خرج من غير ولا كلمة.

إيه يا بت؟

الطرحة وقعت وشاف شعري.

حقه.. حد يشوف الجمال ده ويبقي طبيعي.

بت، أنا راحة أحط الماسك على ما تلبسي.

آه، روحي وأنا هلبس وبعدين تقومي إنتي لابسة وأحطلك الميكب، وبعدين إنتي تحطيلي، متنسيش إني كنت معاكي في الكورسات.

لا يا أختي مش ناسيه.

*حطيت الماسك وبعدها فيروز خلصت لبس. غسلت وشي وروحت عشان ألبس.*

لبست. كان فستان أسود، كلمة تحفة مش هتوصف جماله، ولبست معاه طرحة نبيتي. بصيت لنفسي في المراية حسيت إني أنا العروسة مش فيروز. منكرش إنه ضيق شوية، بس قولت ده أسود مش باين إنه ضيق أوي.

لالالالا، إيه القمر ده؟ يخربيتك، الفستان تحفة عليكي.

بجد؟

بجد، إيه ده؟ ولا أميرات ديزني. تعالي يلا عشان أحطلك الميكب.

*حطتلي ميكب خفيف جداً وهادي ورقيق، يدوب بس بين ملامح وشي أكتر.*

عااااااااااااااااااا، إياكي تباني قدام عمر، ده هيغير رأيه في ثانية. يالهوي يا مريم قد إيه إنتي رقيقة وقمر، خايفة أحسدك.

*بصيت لنفسي.. متغيرتش كتير، بس وشي بان أكتر. عمري ما حطيت ميكب، مكنتش أتوقع إنه هيبقى حلو بالطريقة دي.*

طب تعالي أحطلك يلا.

هااا يا مريم بقالك ساعة بتحطي.

خلصت. ياروحي ع القمر، ربنا يحميكي.

بس مجيش جنبك حاجة طبعاً.

بس يبت، يهبلة إنتي.

مريم، مريم، استخبي، يوسف جاي يدخل.

دخلت البلكونة عشان مكنتش عايزة أشوفه. آه، نسيت أقولكم إني مرضتش أبين حاجة من شعري عشان ميبقاش ليه حجة يزعقلي أو يتكلم معايا أصلاً.

إيه العروسة القمر دي؟

إيه رأيك في أختك؟

أختي طول عمرها قمر.

حبيبي يا يوسف. بتدور على إيه؟

ها، لا مفيش. يلا عشان عمر وصل ومعاه أبوه وابن عمه.

وصلوا؟

آه، يا مريم أنا خايفة.

متخافيش يا هبلة، ده عمورة يا بت.

مش وقت رخامتك.

يلا بس تعالي نجيب العصير.

طب ابقي خليهم يسيبونا لوحدنا.

يا أختي اتلمي.

بجد بقى؟

حاضر.

مرررريم، أنا خايفة موت.

متخافيش، أمال لو مكنتيش تعرفيه بقى.

*دخلت جبتلها العصير.*

يلا ادخلي وأنا هدخل وراكي.

خليكي معايا عشان خاطري.

والله في ديلك أهو.

طب بس متضحكنيش.

*دخلت وسلمت عليهم وأنا دخلت وراها وقولت السلام عليكم.*

بصيت ليوسف لقيت وشه أحمر ومتعصب أوي. شوفت نظرات الحب في عيون عمر لفيروز، قد إيه باين إنه عافر كتير أوي عشان يوصلها، قد إيه باين عليه بيحبها وروحه فيها.

قعدوا يتكلموا شوية وأنا اتجنبت يوسف ومبصتلوش.

صح يا يوسف، معانا حق.

........

يوسف!

ها.

ها إيه يا ابني؟ إنت روحت فين؟ شكلك مش معانا خالص.

*وطبعاً في الوقت ده كان بيبصلي، معرفش دي بصة إعجاب ولا بيستحلفلي.*

أنا معاكو أهو.

*كان معاهم واحد كل ما عيني تيجي عليه من غير قصدي الاقيه بيبصلي وبيضحك، لدرجة إني فكرته أهبل.*

طيب يا جماعة، مش هنسبهم لوحدهم شوية؟

آه، يلا إحنا نخرج ونسيبهم شوية مع بعض.

*أخدت الهدايا دخلتهم الأوضة وخرجت.*

لقيت يوسف مسك إيدي جامد ودخل الأوضة وقفل الباب.

ابعد كده، إنت إزاي تمسك إيدي وتشدني بالطريقة دي؟

إيه اللي إنت حاطاه في وشك ده؟ وإيه اللبس ده؟

ميخصكش.

لا، إنتي تردي عليا زي خلق الله، بدل ما وربي أجيبك نصين.

حاطة ميكب ولابسة فستان، عايز إيه بقى؟

آه، وإنتي بقى العروسة وأنا مش واخد بالي؟

أختها.

لا، مش أختها. هتبقي مبسوطة لو دخلت السجن بسببك، وجبت سكينة حطيتها في بطن ابن عم عمر اللي كان عمال يبصلك ده.

متزعقليش.

قرب مني.

ابعد عني يا يوسف، والله أصوت وألم الناس عليك.

صوتي؟

يوسف، ابعد بقى وملكش دعوة بيا.

أنا مليش دعوة غير بيكي.

طب ابعد ونتفاهم.

تؤ.

طب أنا آسفة، مش هعمل كده تاني.

بصيلي.

والله أعيط وما هتعرف تسكتني.

بصيلي يا مريم.

آه، بصيت.

...........

آخر مرة والله.

إنتي أجمل واحدة شافتها عنيا.

ها؟

وتارا؟

تارا مين؟

خطيبتك.

ششششششششش.

يوسف، متقربش، ابعد كده، إنت أصلاً عامل زي السكران. أوعى بقى.

*شدني وحضني.*

ضربته على ظهره عشان يبعد وهو ماسك فيا جامد.

ابعد، إيه اللي إنت بتعمله ده؟

متبعديش عني أبداً، عشان خاطري.

*طب أقوله إيه؟ الأبلة المتخلف ده.*

حاضر.

*بعد عني وملامحه اتغيرت من كائن كيوت لطيف قمررر لزومبي.*

ادخلي امسحي القرف ده وغيري هدومك.

لا، مش داخ..

قرب..

بتقولي إيه؟

ماهو يعني، أنا بقول هقعد بعيد.

أنا بقول تقعدي هنا لحد ما يمشوا، إيه رأيك؟

يابا، اعتبرني غيرت أصلاً.

ومعنتيش تحطي القرف ده عشان مزعلكيش.

بزمتك، مش قمر؟

انجززززي، متلكيش كتير.

الباب خبط.

چو، إنت هنا؟

الحربوءة! إيه اللي جابها؟

أنا هدخل البلكونة عشان متشوفناش مع بعض.

خليكي مكانك.

فتح الباب.

إنتو بتعملوا إيه مع بعض؟

انتو بتعملو اي هنا مع بعض؟

= مفيش، انا كنت بس بدخل الهدايا و..

_يلا يا يوسف الناس مستنيينك. ادخلي غيري هدومك يا مريم وتعالي.

*مشي.. ولسه هدخل لقيتها مسكتني.*

= في حاجه يا تارا؟

_ اوعي تكوني مفكراني مش فاهمه حركاتك الزباله دي. انتي عارفه لو مبعدتيش عن يوسف انا هعمل فيكي اي. مفكراه هيبصلك ويسبني؟ انتي واحده غلاويه. ولو مخرجتيش من حياتو انا هحطك ف دماغي وهزعلك جامد اوي. فهمتي؟

*سبتها ومشيت من غير م ارد عليها.. يمكن اه معاها حق، انا لازم ابعد عنو.*

فضلت ساكته ومتكلمتش ولا بصيت ل حد، وباين من عنيا اني زعلانه.

عيله عمر مشيو، وفيروز كانت فرحانه جدا وانا كنت مبسوطه ليها اوي. بس البومه دي ال عكننت عليا.

_ حقيقي انتي اكتر واحده وقفتي جمبي، مقدرش اوصفلك قد اي مبسوطه انك ف حياتي.

= انا اهم حاجه عندي تبقي مبسوطه يا فيروز.

_ انا مبسوطه عشان انتي معايا.

*حضنتها..*

= طيب انا همشي بقا، عايزه حاجه؟

_ تمشي اي انتي هبله؟ احنا هنسر سوا.

= لا مش هقدر والله، دماغي وجعاني وعايزه انام.

_ هو في حد مزعلك؟ ما تسيبيها تمشي يا فيرو وهسهر معاكي انا.

= لا معلش، انا متعوده اني اسهر مع مريم.

_ نعوضها يوم تاني يا روز، يلا باي.

*خرجت وروحت البيت.*

دخلت ع اوضتي غيرت هدومي وروحت ف النوم.

عند يوسف......

_ تارا، نعم يا حبيبي.

= انتي قولي حاجه ل مريم؟

_ هقولها اي يعني.

= ردي، قولتلها تبعد عنك بس.

_ انتي عبيطه ازاي تقوليلها كده؟ بصراحه يا يوسف علاقتك بمريم علاقه غريبه اوي.

= مريم انتمتي.. اختي ودي حدود العلاقه.

_ لا انا شايفه غير كده.

= وانا ميهمنيش انتي شايفه اي، واتفضلي بقا روحي بيتك عشان هننام.

_ انت بتطردني؟

= لا بقولك هننام.

_ ماشي يا يوسف انا ماشيه.

*عدي اسبوع كامل لا بشوفو ولا هو بيشوفني، لا اعرف حاجه عنو ولا هو يعرف حاجه عني. معنتش بطلع البلكونه وقافله فوني ومعنتش بروح الشغل، قاعده ف اوضتي وقافله عليا، حتي يعتبر مكنتش باكل. اسبوع باهت، افكار ف دماغي ع طول انو خلاص خطب وبقا من حق واحده غيري، زمانو مبسوط معاها وخلاص ناسيني، وانا لازم اتعود اعيش حياتي بعيد عنو.*

_ اي يا مريم هتفضلي قاعده ف الاوضه كده من غير اكل؟ حرام عليكي نفسك يا بنتي.

= معلش يا ماما انا كده مرتاحه.

_ طب في واحده متقدملك.

= موافقه.

_ متأكده يبنتي؟

= اه يا ماما متأكده.

_ ربنا يريح قلبك.

*فتحت الموبايل لقيت ماسدچات كتير اوي منو، شوفتهم ومردتش.*

فتحت البلكونه عشان اتخنقت من جو الأوضه والكتمه ال كنت فيها.

_ بقالي كتير اوي مستنيكي.. هونت عليكي تسيبيني كل دا؟

*مش المفروض يبقا ف الشغل؟ طب اقولو اي؟ انا ماصدقت بعدت عنو فتره.*

= كنت مشغوله.

_ كدابه.

= اه كدابه. عايز م الاخر، مكنتش عايزه اشوف وشك واقولك حاجه كمان، في واحد متقدم وانا وافقت وهييجي بكره، ممكن تبعد عني بقا عشان مبقاش ليك الحق تتكلم معايا اصلا.

*فضل باصصلي شويه وساكت.*

_ محدش هييجي ولا انتي هتقعدي مع حد.

= اي الهبل دا؟ مين انت اصلا عشان تقولي اقعدي ولا متقعديش.

_ سمعييييييي.. واخفي ادخلي جوا عشان مش طايقك.

= ولا انا طيقاك وصوتك ميعلاش عليا تاني وملكش دعوه... انا بحبو وهو بيحبني وجه طلب ايدي من بابا ف لو سمحت بقا شوف حياتك مع خطيبتك وسبني اشوف حياتي مع ال بحبو.

_ اقسم بالله لو كلمه اتقالت زياده ل هموتك ف ايدي يا مريم. ادخلي جوه ومفيش خروج من البيت تاني ولا حتي طلوع البلكونه واخفي من وشي بقا.

*دخلت وانا لسه مصممه اني هعاندو واقابل ال جاي دا وهدي ل نفسي فرصه عشان انساه. دا بني آدم اهبل، لا عايزني ليه ولا عايزيني ل غيرو.*

تاني يوم..

قومت صليت وقرئت شويه، وبعدين جه الوقت ال هم جايين فيه.

*مكنتش مهتمه البس حلو ولا احط ميكب ولا اي حاجه، كان كل همي ان اليوم يعدي واهرب منو ف النوم زي كل مره.*

فضلنا اكتر من ساعه مستنيين باردو محدش جه.

لقيت ماسدج.

_ اطلعي عايزك.

*مردتش عليه.*

بعدها رن باردو مردتش.

فضل يرن اكتر من عشر مرات.

قولت ارد اشوفو عايز اي.

_ مش قولتلك اطلعي.

= مش طالعه.

_ بقولك اطلعي متعصبينيش.

= وربي ما انا طالعه، انت ايي يا اخي مفكرني شغاله عندك؟ ابعد عني بقا.

*وقفت ف وشو وعملت بلوك ع طول.*

سمعت صوت جامد جاي من البلكونه، قولت اكيد قطه.

وبعدين لقيت خيال، خوفت اوي ولسه هنادي ع ماما.

لقيت خبط ع باب البلكونه، قولت مفيش حرامي هيخبط.

وقررت اخاطر واشوف مين.

*فتحت لقيت يوسف ف وشي.*

= نهاري اسود! انت نطيت يا غبي؟ افرضي كنت وقعت بقا، الله يخربيتك.

_ اي خايفه عليا؟

= لا ما تخفه.

_ لسانك طول.. الهانم لابسه وراحه ع فين؟

= ملكش دعوه.

_ ااه مستنيه العريس يا قطه؟

= اه مستنياه.

_ وانا مش قولتلك محدش هيدخل البيت دا.

= انت عايز اي دلوقتي؟

_ متستنيش كتير عشان مش هييجي.

= نعم يعني اي؟

_ يعني مش هييجي.

= عملت اي يا يوسف؟

_ اجيبلك شيكولاته؟

= يوووووسف.

_ قولتلو انك مخطوبه.

= نعاااااااااااام؟ هي مين دي يا عين امك؟

_ لمي لسانك.

= وانت مين قالك تقول كده؟

_ انا ال قولت ل نفسي.

= يوسف انت بتستهبل!!! مش شايف نفسك بتعمل اي؟

_ شايف.

= ومسمي ال بتعملو دا اي؟

_ مش عارف.

= قولتلو كده لي يا يوسف؟

_ مش عايز حد ياخدك مني.

= ليه؟

_ قرب.

= اممم بصراحه.

_ اممم.

= لانك اكتر من اختي.

_ طب ابعد بدال م ارميك م البلكونه.

= وانا اطول قمر زيك يرميني.

= عايز مني اي يا يوسف؟

_ بحبك يا مريم.

= نعم.. قولت اي؟

_ بقول بحبك.

= انت مجنون.

_ مجنون بيكي.

= وتارا؟

_ تارا مين؟

= متستهبلش.

_ انا سيبت تارا يا مريم.

= نعم.. ليه؟

_ سبتها لما لقيت نفسي ولا حاجه من غيرك. الاسبوع ال بعدتي عني فيه دا انا كنت تايه.. عايز اوصلك ب اي طريقه. كنت باجي كل يوم عندك بس مامتك مكنتش بتخليني اشوفك.. كنت بقف كل يوم هنا استناكي ع امل تطلعي.. كنت ببعتلك رسايل وارن عليكي كتير اوي.. تارا دي كنت واخدها عشان اثبت ل نفسي اني مش بحبك وان غيرتي عليكي وكل دا تعود عشان احنا مع بعض ع طول، بس مطلعش تعود طلع إدمان يا مريم. والله العظيم بدمنك مش بس بحبك.. انا مكنتش بغير ع تارا ولا باخد رأيها ف حاجه ولا هي بتهتم بيا زيك ولا عارفه تفاصيلي ولا ببقا طاير من الفرحه وانا معاها. كنت بقف كل يوم قدام الدولاب محتار هلبس اي. كنت ببقا عايزك تطلعيلي من اي مكان عشان تختاريلي اللبس. مش قادر اعيش من غيرك.. انا بحبك اوي يا مريم.

= بس بس انا مش بحبك.

_ كدابه.

= مش كدابه.

_ لا كدابه، عيونك فيها لامعه دا دليل انك فرحانه.

*بصيت تحت.*

= لا مش فرحانه.

*حط صباعو ع خدي رفع وشي ل فوق.*

_ انا عارف اني غبي وعارف اني جرحتك بس حبك ليا ميجيش ربع حبي ليكي يا مريم ووعد اني هخليكي اسعد انسانه ف الدنيا.

= انت رخم اصلا.

_ وانتي قمر اصلا.

= طب امشي بقا.

_ قوليها.

= تؤ.

_ خلاص انا ماشي.

= ب بحبك.

_ يشيخه بموت فيكي اقسم بالله.

= طب بس بقا.. خطوبه فيروز امتي؟

_ هتبقا مع خطوبتنا.

= *هاغمز*

_ اجيبلك شيكولاته؟