تحميل رواية «عشقت منتقبة» PDF

فجأةً، عاااااااشميت برفان، غير ريحة الجو. لفيت وأنا مخضوضة، ولقيته واقف وباصص لي باحتقار واستهزاء. استغربت جداً إنه مش بيبص لي غير بالطريقة دي، لكن لقيت نظرته اختلفت لأول مرة، فكان مصدوم وقال:

_ انتي مين؟

_ إيه يعني هكون مين؟ أنا شهد.

هو اتصدم أكتر، فهو كان متوقع إني فعلاً وحشة، بس اتفاجأ بيا. فأنا بشرتي بيضا وشعري طويل وأسود وعيوني واسعة وسودا ورموشي طويلة وشفاه ممتلئة كريزية.

أنا بصيت له بانتصار وقولت:

_ إيه، كنت فاكر إني وحشة فعلاً؟

بص لي بغيظ مكتوم وقال:

_ خلصي واغرفي لي، جعان.

سبته وكملت غرف وحطيت الأكل على السفرة، وناديت عليه علشان ياكل. جه وقعد وقال باستغراب:

_ انتي مش هتاكلي؟

_ لأ، مش جعانة.

_ مش هقولها تاني، اقعدي كولي.

_ وأنا قولت مش عايزة.

قال بصوت عالي حاد:

_ قولت اقعدي.

بصيت للأكل، أنا بصراحة جعانة، بس مش طايقة أكل معاه. ومنكرش إن عنادي خسر قدام شخصيته القوية، فهو بحكم شغله شخصيته قوية (عقيد في الجيش).

بص لي بتحذير، فقعدت بسرعة وأنا خايفة منه.

أكلت كتير، أما هو فكان كل شوية يبص لي، وأنا كنت مكسوفة. وقال باستفزاز:

_ واضح إنك مش جعانة خالص، ده انتي شوية وهتاكليني.

_ عندك مانع؟

_ لأ، خالص.

وخلصت أكل وهو كمان خلص. ولميت الأطباق وغسلتهم، ودخلت قعدت على الفون بملل.

صحيت تاني يوم لقيته مشي، بس فرحت وقولت:

_ أحسن إنه مشي، ده أنا هاين عليا أولع فيه.

لقيته بيتكلم بشماتة من ورايا وبيقول:

_ تؤتؤتؤ، عيب كده.

أنا اتفزعت وقولت:

_ هو انت إيه ده؟ مين دي؟

قال بشماتة وابتسامة نصر:

_ سلمي على مراتي الجديدة.

أنا مقدرتش أتكلم أصلاً، أنا كنت تحت تأثير الصدمة، وقولت:

_ أييييههه..