تحميل رواية «عشقت مجنونة» PDF

نور: ماما أنا طلبت أكل.

نورهان بزعيق: اااااااااااايه.

نور: إيه يا ماما، هتبلعيني؟

نورهان: في إيه؟

نور: أكل إيه اللي عملاه ده؟ أوديه فينه؟

نورهان: سبيه لبكرة ولا أي حاجة. أنا لقيت عرض على البرجر اللي طلبته والطاجن والمشويات، قولت أطلب، وبعدين المطعم جديد.

نورهان: وإنتي طلبتي كل دول؟

نور: آه يا ماما.

نورهان: طيب كام؟ أكيد مش هيعدوا الـ 100 جنيه.

نور بتوتر: احم.

نورهان: إيه؟ 50؟

نور: هو هو صفر كمان جنب الـ 50.

نورهان: إيه؟

نور: احم. 500.

بعد شوية.

نور: يا ماما فوقي. مش المفروض ندلع بطننا كل فترة؟ المفروض زي ما إحنا بنعوز نخرج عشان بنزهق، أكيد هي كمان بتزهق من أكل البيت.

نورهان وهي نايمة على السرير بتعب: هي مين دي اللي بتزهق؟

نور: بطني يا ماما.

نورهان: عوض عليا عوض الصابرين ياااااااارب.

نور: طب فين الفلوس طيب؟ الدليفري بيتصل، تلاقيه تحت.

نورهان: عندك في الدولاب. شوفي هناكل إيه بقى بقيت الأسبوع، وأخوكي لسه مقبضتش.

نور: احلفي.

نورهان: آه والله يختي، يعني آخر فلوس اللي معايا المفروض تكفينا أسبوع.

نور: يوووه. ما إنتي مقولتيش بقى. أنا نازلة.

(ترن على)

نورهان: حسبي الله ونعم الوكيل.

نور: فيا.

نورهان: لا، فياا.

بعد شوية.

نور: شكراً جداً يا أستاذ.

عارف: (نور) عارف؟

نور: عارف إزاي يعني؟ إنت كنت عارف إني هقولك شكراً.

عارف: (يقطعها) يابنتي لأ، اسمي عارف.

نور: غريبة يعني، أبويا وهو بيولد قال: هسمي ابني.

عارف: (يقاطعها ثانية واحدة) أبويا هيولدني إزاي يعني؟

نور: يا عم قصدي أمك قالت: سموه عارف. يعني إنت بتمسك في الكلمة.

عارف: لأ يا ستي، أنا بعد ما كبرت عرفت إن اسمي حسن.

نور: ممم. وعرفت إزاي بقى؟

حسن: جدي أبو أمي مات وهي بتولد.

نور: نحس يعني.

حسن: والله أنا غلطان إني بتكلم مع واحدة معرفهاش.

نور: قال يعني أنا معتبراك ابن أختي. اخلص كمل خليني أطلع آكل.

حسن: تعالي خديني.

نور: قلمين.

نور: أنا آسفة. كمل. أنا حشرية معلش.

حسن: المهم، بابا بقه مكنش بيحب جدي أصلاً، بس ماما قالت له: هنسمي الواد عارف على اسم جدي. أبويا قال لها: حاضر كده وخلاص، بس سماني حسن.

نور: يالهوي. ده حرام عليه.

حسن: مهو لما قال لها الحقيقة ماتت.

نور: ربنا يرحمها. اتصدمت ياعيني.

حسن: آه.

نور: عارف نيهيهاهاهاها.

حسن بصلها بقرف ومشي.

نور: استني يا أستاذ حسن يا عارف. إنت الفلوس.

يالهوي.

نورهان: دفعتي الفلوس يا أختي.

نور: شكلك كنتي باصة فيهم. الواد مشي ومخدتش الفلوس.

نورهان: إزاي يعني؟

نور: معرفش بقى. يلا خلينا ناكل.

نورهان بزعيق: إنتي اتهبلتي؟ رني عليه.

نور: ما أنا رنيت عليه. تلفونه مغلق. باين كده. وقع في البلاعة اللي على أول الشارع.

نورهان: طيب هتقومي حالا تروحي المطعم ده.

نور: وأنا هروحه إزاي؟

نورهان: إنتي ذكية كده لمين؟

نور: ليكي يا قلبي.

نورهان بزعيق: مكتوب العنوان على الشنطة يا موكووووسة.

نور: خلاص، أوعدك بكرة أبقى أروح أسأل عليه. بس سبيني أنا وحتة الكفتة دي سوان.

نورهان: هتعملي إيه؟

نورهان: هتعملي إيه؟

نور: هلعب أنا وهي شوية. هعمل إيه يعني يا ماما؟ هنزلها بـ...

نورهان: كلي يا أختي كلي، بس سيبي لأخوكي.

نور: لأ، يبقى ياكل من الأكل اللي إنتي عاملاه.

نورهان: وهي بطنه مش عايزة تتمتع زي ما بتتمتعي بطنك يا أختي؟

نور: خلاص هسيبله. أنا حاسة إني مش أمك، قصدي إنتي مش بنتي، يعني...

نورهان: إنتي بتقولي إيه؟

نور: معرفش. سيبيني آكل بقى.

ماجد: يا أهل البيت!

نورهان: قلب ماما.

نور (بتريقة): نور عين ماما. فـ... شـ...ـه. معـ...ـامـ...ـيع. ماما ونـ...ـيـ...ـنـ...ـيـ...ـنـ...ـي.

ماجد: اسكتي يابت.

نور: دايماً بقول إن الواد ده ابنك عني، مش بتصدقوني.

ماجد: اسكتي. أنا جعان أوي. عاملة أكل إيه يا ماما؟

نور: جبتلك أكل من برا. أي خدمة.

ماجد: احلف!

نورهان: مالكو يا ولاد؟ محسسيني إني مش بعمل أكل.

ماجد: لأ يا ست الكل. أكلك زي الفل، بس بطننا ساعات بتطلب أكل من برا.

نور: أنا انهاردة اتأكدت إنك أخويا، لأني لسه قايلة نفس الكلام.

نورهان: طب روح كل بقى. وسيبالك بطاطا في الفرن.

نور: احم. ماما، أنا داخلة أنـ...

نورهان: طيب.

بعد شوية.

نورهان (بزعيق): نوووووووووور!

نور (وهي بترتعش تحت اللحاف): معقول عرفوا إني كلت... البطاطا؟ ياربي! هيولعوا فيا انهاردة. عااا!

نورهان: قومي! أنا عارفة إنك صاحية واللحاف بيرقص أهو. قوميلي بقى تاكلي بطاطا أخوكي.

نور: يا ماما، وأنا إيش عرفني؟ ما إنتي مش كاتبة اسمه عليه.

نورهان: والله، وأنا المفروض أكتب الاسم بعد كده؟

ماجد: بقى تاكلي البطاطا بتاعتي يا بلاعة إنتي!

نور: الله أكبر في عينك يا خوي.

ماجد: إنتي فظيعة.

نور: بدل ما تقولولي بالهنا والشفا، على قلب نـ...ـنـ...ـعـ...ـيـ...ـنـ...ـي.

نورهان: بالهنا والشفا، لو واكلة اتنين. لكن إنتي واكلة عشرة. بتلاتة بتوعك.

نور: هما كانوا عشرة؟

نورهان: آه يا أختي. تلاتة ليا، وتلاتة لأخوكي، وتلاتة ليكي.

نور: معلش يا ماما. معدتش وأنا باكل.

ماجد: وفين البيبسي بتاعتي اللي كانت في التلاجة؟ شفطتيها؟

نور: ما أنا بلعت الأكل بيها. يرضيك أزور وأموت؟

ماجد: والله معندكيش أوبشن مايه.

نور: معلش يا مجودي. أنا آسفة.

ماجد: أوعي. أنا داخل أتخمد.

نور: مكنتش بطاطا يعني يا أستاذ ماجد.

نورهان: تصبحي على خير يا لمضة.

نور: كل يوم بتأكد إنكم مش عيلتي.

تاني يوم.

نورهان: نوووووووور!

نور (بخضة): إيه؟ الواد ماجد مات؟

نورهان: يا ساتر يارب. بعد الشر.

نور: مش القصد يا ستي، بس حد يصحّي حد كده.

نورهان: ما إنتي مش بتصحي غير كده.

نور: تقومي تصحيني كده؟

نورهان: ما أنا كان لازم أصحيكي كده.

نور: طب عديني كده.

ماجد: هو إيه "كده" اللي طفحت على الصبح ده؟

نورهان: البسي يا نور، يلا عشان تروحي تودي الفلوس للراجل.

نور: طيب.

ماجد: راجل مين؟

نورهان: شاب جه يوصل الأوردر بتاع امبارح. معرفش مشي من غير ما ياخد الفلوس. بس أكيد اختك رزلت عليه، فمستناش ومشي.

ماجد: طيب. أنا نازل بقى.

نورهان: مع السلامة يا حبيبي.

بعد شوية.

نور: أنا نازلة يا ماما.

نورهان: ماشي يا حبيبتي.

قدام المطعم.

نور: ما شاء الله. شكله يفتح النفس. حاسة إني عايزة أطلب تاني.

(نور دخلت وسألت اللي واقف على الكاشير)

نور: لو سمحت، في حد هنا اسمه عارف أو حسن؟ هو بيوصل طلبات.

الكاشير: لأ يا فندم. الدليفري اللي موجود حالياً اسمه علي.

نور: إزاي؟ أنا متأكدة إن في حد اسمه حسن. حتى وصل لي أوردر امبارح. أدهه أهو.

الكاشير: حضرتك، ده مدير المطعم.

نور (بصوت عالي): يا أستاذ عارف يا حسن!

(حسن كان بيكلم الشيف ومركزش معاها)

نور: اهو هو ده. بس راح فين؟ أنا محتاجة أوي بجد.

الكاشير: اطلعي فوق على إيدك اليمين هتلاقي مكتب. خشيه هتلاقيه.

نور: شكراً أوي.

بعد شوية.

نور: ممم. أطلع فوق على اليمين. اهو. المكتب.

حسن (وهو قاعد ومدي ضهره للباب): ممم. ارغي.

نور: أرغي إزاي يعني؟

حسن (لف لها): آآآده إنتي!

نور: إنتتتت...

حسن: اتفضل.

نور: مش كنت دليفري امبارح؟ دلوقتي بقيت مدير؟ عقبالنا يارب على كده. شغلة الدليفريه حلوة يا ولا؟ نصبت على صاحب المطعم؟

حسن: برا.

(نور بنت بسيطة، شعنونه، وبتحب الهزار. عينيها عسلي فاتح، وبشرتها بيضة. باباها متوفي وعايشة مع مامتها وأخوها.)

(حسن صاحب مطعم. عينيه عسلي، وبشرته قمحاوية. عنده 27 سنة.)

(ماجد أخو نور، شايل مسؤولية البيت بعد والده. بيحب نور جداً، ودمه خفيف زيها.)

حسن: برا

نور: إيه

حسن: اطلعي برا

نور: بإحراج: انت فاكرني هتحرج وكده؟ لا، برا في عينك. إيه برا دي؟ هو انت عشان صاحب مطعم كبير كده وأكله حلو أوي وشكله يفتح النفس؟

حسن: الله أكبر

نور: احترم الزبون. وأنا كنت جايه أديك فلوسك اللي نسيتها.

حسن: أنا آسف يا آنسة، بس مضغوط جدًا والله ولسه فاتح المطعم ده جديد. مش عارف أجيب ناس تشتغل منين وإزاي. مافيش غير شيف واتنين عمال توصيل لسه معينهم النهارده.

نور: ياااا ده حارتي كلها نفسها تشتغل. عيني ساعة وراجعالك.

بعد شويه

محمد صاحب حسن: حسن تعال بسرعة، شكل في ثورة تحتي.

حسن بخضه: هي الدوشة دي من عندنا؟

محمد: آه، تعال بسرعة.

حسن نزل ولقى شباب كتير ومن ضمنهم واقفة نور.

حسن لنور: إيه ده؟

نور: مش عايز ناس تشتغل؟

حسن: لو دول اشتغلوا مين هيطلب أكل؟

نور: ياعم طلع اللي فيهم حلو وخذهم، وأنا هتصرف في الباقي.

حسن: غريبة.

نور: إيه؟

حسن: انتي غريبة. يعني أنا مش عارف أشكرك إزاي. أنا المطعم بتاعي كان هيتخرب ولغينا أوردات كتير.

نور: ولا يهمك. عن إذنك أنا مهمتي خلصت.

حسن: مش عايزة تشتغلي انتي كمان؟

نور: أشتغل؟ تف من بوقك يا رب أمي متسمعش الكلمة دي.

حسن: ليه؟ هيبقا ليكي فلوسك لوحدك ومستقبلك وتقدرى تجيبي أي حاجة.

نور: مممم هفكر.

حسن: تمام، وأنا هستنى ردك.

نور: تمام. أنا هسيبلك شباب حارتنا. حطهم في عينك.

حسن: هههههه، ماشي يا ختي.

نور: خدت عليا أوي. بس معرفش إزاي كنت دريفلي وفجأة بقيت صاحب مطعم.

حسن: هحكيلك.

فلاش باك.

محمد: حسن.

حسن: في إيه؟

محمد: في واحدة طلبت مننا أوردر.

حسن: طب مالك خايف كده ليه يابني؟

محمد: ماهو إحنا لسه ملقناش عمال التوصيل. مافيش غير شيف بس اللي بيعمل أكل. ودي أول مرة حد يطلب أوردر مننا. انت عارف إننا لسه فاتحين. وقولتلك منزلش إعلان المطعم دلوقتي غير لما نظبط الدنيا. بس انت مسمعتش الكلام وقولت هتتصرف. لو حد طلب، اهو حد طلب. اتصرف بقى.

حسن: طيب روح ساعد الشيف وأنا هوّدي الأوردر.

محمد: طيب. بس خليك انت. هوّاديه أنا وخلاص.

حسن: يابني انت أخويا ومسؤول على المطعم زيك زيك بالظبط. خليك انت. وأنا هروح وبالمُرة أشم هوا عشان مخنوق شوية.

محمد: حسن متزعلش من كلامي، بس انت اتسرعت لما فتحت المطعم من غير ما نعين ناس.

حسن: أعمل إيه؟ أنا قولت لو نزلت على الفيس ناس كتير هتيجي تشتغل. بس حصل العكس، محدش جه.

باك.

نور: اممممم، طيب تمام.

حسن: هقابلك تاني.

نور: مش عارفة. عن إذنك.

بعد شويه

محمد: إيه يا سطا؟ هي مين البنت اللي معاك دي؟

حسن: مش عارف. بس هي أنقذتنا النهارده. المهم، عملت إيه؟

محمد: عينت ناس. وكمان فيه شباب بيعرفوا يعملوا أكل حلو أوي. اختبرتهم طلعوا فظاع بجد.

حسن: طب الحمد لله.

محمد: يلا.

عند نور

نور: يا ماماااااااااا.

نورهان: عايزة إيه؟ انتي مش بتعرفي تتكلمي بهدوء؟

نور: عاملة أكل إيه؟

نورهان: أكل اللي مأكلتيهوش امبارح يا ختي.

نور: عااااا.

نورهان بضحكة: أيون.

نور: يارب.

نورهان: أحسن محدش قالك تشتري أكل بـ 500 جنيه.

نور: تمام. بصي أنا جايلي عرض شغل في المطعم بتاع الشاب اللي جبلي الأوردر امبارح.

نورهان: وانتي هتشتغلي؟

نور: لا، أنا قولت أقولك بس.

نورهان: طب امشي من وشي.

نور: عيني. أنا كنت ماشية أصلًا.

بعد شويه

نورهان: نور.

نور: أيوه.

نورهان: تعالي يا حبيبتي.

نور: حبيبتي.

نورهان: اقعدي هنا يا قلبي.

نور: قلبك.

نورهان: عايزة أقولك حاجة يا روح.

نور: روحك.

نورهان: والله هقوم ومش هكمل كلام.

نور: كلامك.

نورهان: علقتي ولا إيه؟

نور: معلش كملي يا ماما. مستغربة الحنية دي.

نورهان: حبيبتي أنا حنينة معاكي وإنتي عارفة.

نور: لا، مكنتش أعرف.

نورهان: نور، خمسة جد بقى.

نور: همشيهم عشرة عشان قلبك وروحك اللي قولتلهم من شوية دول.

نورهان: نور، أنا عايزة أطمن عليكي يا حبيبتي. أنا مضايقاني قعدتك في البيت دي. أنا عايزة حياتك يبقى ليكي مستقبل. تنزلي تشوفي شغل، تجيبي فلوس لنفسك. أخوكي مش هيفضل يصرف علينا كده كتير يا بنتي. بكرة يتجوز ويعلم مراته هترضا الوضع ده ولا لأ. أنا لو مت مين هياخد باله منكم؟

نور: ماما إيه اللي بتقوليه ده؟ ربنا يديكي الصحة.

نورهان: روحي عرض الشغل يا بنتي وهاتي لنفسك لبس واتمتعي وشوفي الناس والناس تشوفك بدل قعدتك في البيت دي. أنا عايزة أطمن على مستقبلك.

نور: حاضر، هفكر.

نورهان: أوعي بقى. هتفضلي في حضني كتير؟ خدتي عليا.

نور: حساكي مرات أبويا.

نورهان وهي بتحضنها: هههههه، ربنا يخليكي ليا، إنتي وماجد يا رب.

نور وهي بتفكر في كلامها: يارب.

ماجد: مساء الخير. إده إده الحضن ده وأنا مالي؟

نورهان: هههه، تعال يا حبيبي.

ماجد وجري عليهم، خدتهم في حضنه.

تاني يوم

نور: صباح الخير.

ماجد: صباح الورد.

نورهان: تعالي افطري يالا.

نور: لا، أنا مش جعانة. أنا نازلة.

نورهان: راحة فين؟

نور: الشغل.

ماجد: شغل؟

نور: أه، هشتغل.

ماجد: هو أنا مقصر معاكي يا ماما؟ الحمد لله قبضى حلو وكمان المعاش مساعد.

نورهان: يا حبيبي إنت مش مقصر، بس هتفضل تصرف علينا ومش هتعمل حاجة لمستقبلك بقى.

ماجد: إنتي عارفة إني مش بفكر أتجوز غير وإنا مطمن على نور.

نور: ميجو حبيبي، أنا كده كده زهقانة من قعدة البيت. فيها إيه يعني؟

ماجد: لا، الشغل بهدلة يا نور.

نور: مش على أختك. ده أنا محدش يقدر يكلمني.

ماجد: طبعًا.

نور: إيه؟ عندك شك؟

ماجد: لا يا قلبي خالص. هههههه.

نور: جوعتني وأنا مكنتش جعانة. هقعد آكل بقى.

ماجد: طيب، هاخدك في طريقي.

نور: ماشيين.

نورهان: ربنا يخليكم لبعض يا رب.

بعد شويه

نور: أيوه، هو ده المطعم.

ماجد: أخش معاكي؟

نور: لالا، روح انت شغلك.

ماجد: طيب، خلي بالك من نفسك.

نور: ماشيين.

في المطعم

حسن: عايز خمس بنات جرسونات. مش عايز شباب.

محمد: تمام. هنزل على الفيس.

حسن: ادخل.

حسن: طب يا محمد، اخرج انت ولما أحتاجك هكلمك.

محمد: ماشي. بقولك، أنا ممكن أروح وأكمل شغلي على النت بخصوص المطعم بدل ما أنا قاعد ماليش لازمة.

حسن: تمام. ماشيين.

نور: إزيك؟

حسن: الحمد لله بخير. إيه فكرتي؟

نور: أنا موافقة اشتغل معاك.

حسن: طب كويس جدًا.

نور: هبدأ امتى؟

حسن: الوقت اللي تحبيه. لو مستعدة من دلوقتي تمام، وأنا هفضل جنبك. بس في أي وقت حبيتي تسيبي الشغل، لازم تقولي لنا قبلها بأسبوع على الأقل.

نور: تمام.

حسن: أنا كنت محتاج جرسونة.

نور: نور. تمام، أنا جاهزة.

حسن: تمام. انزلي غيري وأنا هنزلك.

نور: ااااايه؟ أغير؟ مكنتش أعرف إنك هتطلع زيهم يا أستاذ يا محترم.

حسن: يابنتي انتي فهمتي إيه ده؟ لبس الشغل هتستلميه تحت، مينفعش تشتغلي بلبس ده.

نور: احم، أنا آسفة جدًا.

حسن: خلاص ياستي، وأنا قبلت. كفاية المعروف اللي عملتيه معايا امبارح.

نور: طب هو حضرتك هتفضل في المطعم؟ مش هتمشي؟

حسن: أيوه، أنا ببقى هنا فترة صباحية، وبعدين أخويا هيستلم فترة مسائية.

نور: الصراحة أنا اطمنتلك، لسه مش هعرف أتعامل لوحدي، فاهم.

حسن: متقلقيش، مدام منال المشرفة عليكوا وعلى غسيل المواعين، ست طيبة وهي هتبقى معاكي.

نور: طيب، هنزل بقى أشوف شغلي.

حسن: تمام.

بعد شوية.

نور: انتي مدام منال؟

منال: أيوه يا بنتي.

نور: أنا الجرسونة الجديدة.

منال: آه، تعالي معايا أجيبلك الزي بتاع الشغل.

نور: ماشي.

بعد شوية.

نور وهي بتبص لنفسها بإعجاب: الله، شكلي حلو أوي. بس البلوزة حساها قصيرة.

منال: طيب، خدي دي أكبر.

نور: حاضر.

حسن: الو يا محمد، إيه؟ عملت إيه؟

محمد: نزلت بوست على الفيس أهو، وفي بنات كتير كلمتني.

حسن: طب كويس.

محمد: هكلمهم ييجوا أختبرهم.

حسن بمقاطعة: ثواني يا محمد، هكلمك بعدين.

محمد: في إيه؟

حسن كان واقف ومكتبه في جدار كبير إزاز، يقدر يقف يشوف الناس اللي تحت وكل حاجة. فضل واقف وهو حاطط إيده في جيبه، يبص على نور وهي بتقدم الطلبات.

نور: اتفضل.

- شكرًا.

نور ابتسمت ولفّت. حست إن في حد بيبص عليها. بصت لقت حسن واقف وبييبص عليها. ابتسمتله ومشيت تشوف باقي الطلبات.

بعد مرور 8 ساعات، كانت نور واقفة مستنية تاكسي.

نور: آه يا عضمي يا نور.

حسن: احم، مستنية حد؟

نور: أيوه، هوقف تاكسي وأمشي، بس مافيش تاكسي عدّى لحد دلوقتي.

حسن: طب ممكن آخدك في طريقي؟ من حسن حظك بنطلع مع بعض، لو معندكيش مانع أوصلك.

نور: لا، هعطلك.

حسن: لا، أنا رايح كده كده. محمد هو اللي هيقف. قولتلك أنا بستلم فترة الصبح بس.

نور: لو مش هعطلك، تمام.

حسن: تعالي.

بعد شوية.

نور: شكرًا جدًا جدًا.

ماجد: نهار أبيض! مين ده يا بت؟

نور بخوف: عااا، ماجد! والله معرفه، أنا لقيته بيوصلني.

ماجد: يوصلك بتاع إيه ده؟

نور بخوف: معرفش، معرفش أسأله.

ماجد بص له بعصبية: توصلها بتاع إيه؟

حسن: احم، اهدا بس يا أستاذ.

نور طلعت بيتها بخوف وسابتهم مع بعض.

حسن: يا نور، يا نووور، منك لله.

ماجد: وكمان عارف اسمها! ونزل عليه ضرب.

نور: افتحي يا ماما، الحقيني!

نورهان: إيه؟ براحة، هو أنا واقفة على الباب؟

نور: خبيني يا ماما بسرعة، خبيني.

نورهان: في إيه؟ هببتي إيه؟

نور نزلت تحت السرير.

نورهان: آه يا هبلة.

بعد شوية.

ماجد بعصبية: هي فين؟ ست الحسن والجمال اللي رجعالي مع شاب في عربيته.

نورهان: اهدا يابني بس، في إيه؟

ماجد بعصبية: هي فين؟

نورهان بخوف: تحت السرير، والله.

ماجد: طلعيلي.

نور بخوف: كده يا ماما؟ ياشيخة، ده أنا حتى بعتبرك زي أمي.

نورهان: وأنا أعملك إيه يا أختي؟ أخوكي متعصب وممكن يبلعني.

نور: يا ماجد، افهمني بس.

ماجد شدها ومسكها من إيديها: مين ده؟

نور: استني، اهدا بس، هفهمك.

ماجد: مين ده يا نورررر؟

نور: ده صاحب المطعم، كان ماشي ولقاني واقفة، فصعبت عليه، قال يوصلني عشان مكنتش لاقية تاكسي.

ماجد: والله؟

نور: صدقني، بس هو انت عملت فيه إيه؟

ماجد: هاع.

عند حسن.

محمد: أده، إنت رجعت تاني ليه؟ مش كنت تعبان وقولت إنك هتر... أده! إيه اللي عمل فيك كده؟

حسن: عربية نقل دخلت فيا.

محمد: عربية نقل إزاي يعني؟

حسن: أخو نور يا عم، شافها وهي معايا ونزل فيا ضرب.

محمد: إزاي يعمل كده؟ تعال نروح للدكتور نعقم الجروح دي.

حسن: لا، مش هنعرف نسيب المطعم لوحده.

محمد: طب ما رحتش البيت ليه؟

حسن: إنت عايز ماما تشوفني كده؟

محمد: طب هتعمل إيه؟

حسن: مش عارف، بس أنا تعبان، هقوم أمشي. هي أكيد نامت.

محمد: طيب، قوم وطمني عليك لما توصل.

حسن: ماشي.

عند نور.

ماجد: ماشي يا نور، بقه توافقي تركبي مع واحد غريب؟ إنتي اتجننتي؟ افرضي كان عمل فيكي حاجة.

نور: يا ماجد يا حبيبي، انت مش عارف أختك، يعني ده أنا بميت راجل.

ماجد: عارف، بس أنا بخاف عليكي برضه.

نور: خلاص، مش هركب معاه تاني، بس أنا كنت تعبانة ومصدقت ألاقي حد يوصلني.

ماجد: خلاص يا حبيبتي.

نور: خالي عيالي اللي بحبه يا ناااس.

ماجد: هههههه.

عند حسن، كان روح بيته.

زين: بابيييي.

حسن جري عليه: زين حبيبي، عامل إيه؟

زين: بابيي

حسن جري عليه: زين حبيبي عامل ايه

ريناد وهي بتحط ايديها على وشه: حسن حبيبي ايه اللي عمل فيك كده

حسن مسك ايديها نزلها: ريناد متنسيش إننا اتطلقنا

ريناد بدموع: حسن أنا بحبك

حسن: وأنا خلاص بطلت أحبك، بقيت بكرهك فاهمة

هيام: حسن

ريناد: عايزين تتكلموا اتكلموا لوحدكم، مش قدام زين

حسن: تعال يا زينو، أنت وحشتني أوي، تعال وoxh وطلع أوضته

هيام: إيه، عايزة تجرحيه زي ما جرحتيه زمان

ريناد: طنط صدقيني أنا بحبه

هيام بزعيق: مممم بتحبيه إزاي وإنتي خونتيه ليه راجعة دلوقتي

فلاش باك من خمس شهور

حسن: بتكلمي مين

ريناد بصت وراها بتوتر: ها حسن، أنت أنت جيت إمتى يا حبيبي، دقيقة وهحضرلك الأكل

حسن: ريناد، كنتي بتكلمي مين وبتقوليله يا حبيبي

ريناد: شكلك تعبان

ريناد جاية تمشي بس حسن مسكها من ايديها جامد

ريناد بوجع: أه يا حسن، ايدي

حسن: هاتي موبايلك

ريناد: ها حسن، دي كانت كانت واحدة صحبتي، خلاص بقى

حسن: هاتي موبايلك

ريناد: خد

حسن فتح موبايلها: مممم كارما دي مين

ريناد بتوتر: أيوه دي صحبتي، هات بقى، شفت وشكيت فيا وخلاص

حسن رن ورد عليه كان صوت راجل

- إيه يا قلبي، قفلتي بسرعة، قولت يبقى حسن جه

ريناد بدموع: حـ حسن، صدقني أنا

حسن: مين ده

ريناد: أنا، صدقني

حسن: مين ده

ريناد: ده ده ابن عمي يا حسن، كنت بحبه أوي بس سافر ودلوقتي رجع

حسن: انتي أبوكي غصبك عليا ولا متجوزاني عشان تنسيه

ريناد: حسن أنا

حسن: انطقييي، انتي بتحبيه

هيام: في إيه يا ولاد، صوتكم عالي ليه، وابنكم بيعيط

حسن: اسألي الهانم حب عمرها رجع من السفر وبيكلموا بعض، ويعلم أكيد كانت بتخطط إنها تتطلق عشان ترجعله

ريناد: حسن طلقني

حسن: انتي طالق يا ريناد، طااالق

باااك

ريناد بدموع: مهاب طلع كداب ومش بيحبني وطلع متجوز وفهمني إنه مش متجوز، خرب بيتي منه لله

حسن: ممممم، وإنتي عايزة تفهميني إني هرجعلك مش كده

ريناد: حسن

حسن: حسن بقى يكرهك، أنا مش عايز أشوف وشك تاني، أنا حبيتك يا ريناد بس انتي للأسف خونتيني وكنتيش بتحبيني، وضحكتي عليا لما كنتي مفهماني إني الحب الوحيد اللي في حياتك، وأول ما رجع مفكرتيش فيا وطلبتي الطلاق عشان

ريناد: سامحني يا حسن

حسن: مش هقدر يا ريناد، ويا ريت متحاوليش، لأن خلاص أنا بقيت أكرهك، وابني هبقى أجي أشوفه، ويا ريت متعبيش نفسك وتيجي

ريناد: ابني فين

حسن: نام، سيبه، هجبهولك بكرة، وأه، انتي كنتي فين، كنت كل ما أجي عشان أشوفه مش بلاقيه

ريناد: كنت عند عمتي في إسكندرية

حسن: تمام، اللي حصل ده ميتكررش تاني، عايزة تسافري، سافري لوحدك، لأن زين ابني زي ما هو ابن

ريناد: تمام

بعد شوية

هيام: حسن، أنت بتعيط

حسن: كانت ممكن تفضل معايا يا ماما، ليه ليه تعمل فيا كده، أنا كنت بحبها أوي يا ماما، بس هي خانتني وحرمتني من زين، تعرفي لما خدته في حضني نام على طول، وأول كلمة قالهالي متسبنيش، أنا قلبي وجعني أوي إنه مش معايا، عارفة يعني إيه خمس شهور بعيد عني، وكل ما أروح عشان أشوفه هي متكونش موجودة

هيام: يا حبيبي، اهدا، أنت ممكن تتفق مع ريناد إن انت أسبوع وهي أسبوع، لأن من حق الولد يقعد مع أبوه زي ما هيقعد مع أمه برضوه

حسن: تفتكري هتوافق

هيام: يمكن، الله أعلم

حسن: طيب، هقوم أنام أنا عشان أنا اللي هفتح المطعم بكرة

هيام: ليه يا حبيبي، ما محمد يفتحه، أنت تعبان

حسن: لا، كده هيبقا تعب عليه، هيبقا مطبق كده

هيام: طيب يا حبيبي، الكلام خدنا ونسيت أسألك، إيه اللي عمل في وشك كده

حسن: ها، وقعت من على سلم المطعم

هيام: طيب، تعال أعالجهالك أحسن تتلوث تاني

تاني يوم

نور وهي داخلة المطعم شافت حسن: اااادهه، إيه عمل في وشك كده

حسن: والله

نور: مين عمل كده في وشك

حسن: اتزحلقت وأنا بوصلك

نور: هتتزحلق إزاي، ما أنت كنت راكب في العربية

حسن: أخوكي ياستي، بعد ما طلعتي عملني كفتة

نور: أنا بجد آسفة، ياريت كان قالي إنه عمل فيك كده

حسن: كنتي هتعملي إيه يعني

نور: مكنتش جيت انهارده، يا كسفتي ياني

حسن: هههه، حصل خير

حسن: خلاص ولا يهمك، عادي

نور: بجد آسفة جدا

حسن بعصبية: خلااااااص بقى، آسفة، آسفة، خلاصصص

نور اتخضت وجرت

حسن: إيه ده، فظيعة

حسن: ايه ده فظيع.

محمد: مالك يا حسن؟

حسن: مافيش، يلا امشي انت بقى ارتاح.

محمد: جيت ليه طيب؟ شكلك تعبان.

حسن: لا أنا كويس، بس بقولك زين في البيت، خلي بالك منهم.

محمد: اده مين جابه؟ وكمان بات؟

حسن حكاله اللي حصل.

محمد: طيب هروح ألعب معاه، وحشني أوي.

حسن: طيب.

عند نور

نور: عاملين إيه؟ اده في بنات جم جديد.

منال: أيوه، رانيا ورقيه.

نور: ازيكوا؟ أنا نور.

رانيا ورقيه بقرف: كويسين.

نور في بالها: مالهم دول؟ أجيبهم من شعرهم.

بعد شوية

رقيه: سمعت إن صاحب المطعم قمر.

رانيا: ما إحنا شفناه يابنتي، مش اسمه محمد باين؟

رقيه: لا، هما أخين، واحد بييجي فترة الصبح والتاني بليل.

رانيا: أهار؟

رقيه: أكيد المطعم ده بيكسب إيه؟

رانيا: أكيد، انتي مش شايفة شكله متكلف إزاي؟

نور كانت سامعاهم بس طنشت وراحت تشوف شغلها.

بعد شوية

منال: نور، خدي كوباية القهوة دي، طلعيها لأستاذ حسن.

نور: حاضر.

بعد شوية

حسن بتعب: اتفضل.

نور: القهوة.

حسن: آه، حطيها هنا.

نور: اتفضل. احم، هو حضرتك كويس؟

حسن: آه.

نور: مصدع بس مش أكتر.

حسن: طب ما تروح ترتاح؟ ليه بتيجي انت بنفسك؟ ممكن تعين حد يبقى مدير.

حسن: لا، أنا بحب الشغل جداً ومش بحب قاعدة البيت، وكمان بحب أشوف الشغل أنا بنفسي.

نور: ممم، طيب خد ده شريط، بس خد حباية واحدة هتريحك أوي، اوعى تاخد الشريط كله، عشان كده هترتاح للأبد.

حسن: هههههه، تمام، شكراً يا آنسة نور.

نور: العفو، هنزل أشوف أنا شغلي بقى.

حسن: تمام.

بليل

زين: بابي، انت كنت فين؟

حسن: تعرف إنك وحشني أوي.

زين: وانت كمان. هو ليه مامي مش عايشة معاك؟ أنا عايزة أقعد معاك انت، وهيبقى.

حسن: هاه.

زين: إيه يا بابي؟

حسن: احم، تعال يلا أوديك لماما.

زين: أنا عايز أقعد معاك.

حسن: بجد يا زين؟

زين: أيوه.

حسن: ممم، طب إيه رأيك نقول لماما إنك تيجي تقعد عندي أسبوع، وعندها أسبوع؟

زين: فكرة حلوة أوي.

حسن: طيب يلا يا بطل نمشي.

زين: يلا، بس ثواني أسلم على عمو وتيتة.

حسن: ماشي، يلا.

عند نور

نور: قفشتك.

ماجد: ن... نور، انتي هنا من امتى؟

نور وهي بتقلده: من ساعة، وحشتيني يا ميمو، ووحشني صوتك.

ماجد: اتلمي.

نور: إيه ميمو دي؟

ماجد: احم، طيب اطلعي بره.

نور: اسمها إيه؟

ماجد: مريم.

نور: طيب يا مريم، أنا هنام، أه، قصدي يا ماجد.

ماجد: نور، عشان خاطري، ده سر ما بينا.

نور: طبعاً، طبعاً.

عند حسن

ريناد: زين حبيبي، عامل إيه؟

زين: الحمد لله.

ريناد: اذيك يا حسن.

حسن: بخير.. عايز أتكلم معاكي في موضوع بخصوص زين.

ريناد: تمام، اتفضل.

حسن: أنا عايز زين ييجي يقعد معايا أسبوع، وانتي أسبوع، وهكذا.

ريناد: أسبوع بس؟ أنا مش هقدر أعد الفترة دي كلها من غيره.

حسن: ومفكرتيش في كده زمان؟

ريناد: احم، أنا مش موافقة يا حسن، أنا مش هقدر أبعد عنه.

حسن: وأنا مش بقولك هتبعدي عنه، هو أسبوع مش سنة.

زين: مامي، فكرة بابي حلوة.

ريناد: تمام يا زين، طالما هتكون مبسوط، وأنا مش هقدر أحرمكم من بعض.

حسن: يلا هات حضن يا زين.

زين حضنه جامد.

عند نور

نور: أه والله يا ماما، اسمها مريم، وكان بيقولها يا ميمو.

نورهان: مااااااجد.

نور: طيب، هروح أفسح في أوضتي شوية، ولو ماجد قالك أنا فين، قوليله سافرت.

ماجد: أيوه يا ماما.

نورهان: تعال يا حبيبي.

ماجد: احم، نور قالتلك أكيد.

نورهان: وليه متجيش تقولي انت، ونروح نطلب إيديها؟ كنت هتفضل مخبي علينا لحد امتى؟

ماجد: مش معايا فلوس يا ماما، أخد الخطوة دي.

نورهان: اهلها عارفين؟

ماجد: لا.

نورهان: الي بتعملوه ده غلط يا ماجد.

ماجد: عارف يا ماما، بس أنا مش معايا حاجة، هروح أقول لأهلها إيه، وهجيب شبكتها منين؟

نورهان: مش معاك، يبقى تسيبها وتطلبها من ربنا يا ماجد، مش تفضلوا تكلموا بعض من غير ما يكون بينكم حاجة.

ماجد: أنا بحبها أوي، وخفت تضيع مني.

نورهان: ثواني يا ماجد.

بعد شوية

ماجد: دهب؟ لا يا ماما، مستحيل.

نورهان: خده يا حبيبي، أنا مش محتاجاه، انت أهم دلوقتي، وسعادتك عندي بالدنيا، وبعدين إن شاء الله ربنا يكرمك وتجبلي أكتر من دول.

ماجد باس إيديها: ربنا يخليكي ليا يا ست الكل، وما يحرمني منك. أنا آسف يا ماما، بس خوفت تضيع مني.

نورهان: ممم، هنروح امتى بقى نتقدم؟

ماجد بفرحة: بكرة.

نور خرجت من أوضتها فجأة.

نور: لولولولولولولولييييي.

ماجد: تعاليلي بقى.

نور: عااااااا.

بعد مرور أيام

منال: إيه الي واخد عقلك؟

نور: إيه؟ اعطسي حتة، خوفتيني.

منال: لقيتك سرحانة، مالك؟

نور: مم، مافيش.

منال: مش مركزة في شغلك ليه انهارده؟

نور: عايزة أسيبه.

منال: ليه؟ في حاجة حصلت؟ حد ضايقك؟

نور: لا، بس قولي كده، بهرب.

منال: بتهربي؟ بتهربي من إيه؟

نور: من الحب.

منال: ممم، وانتي بتحبي؟

منال: طب ليه متقوليش إن الشخص ده بيحبك زي ما بتحبيه؟

نور: معرفش، مش حاسة إنه ممكن يكون بيحبني.

منال: طب ما تعترفي له.

نور: ها، لا، طبعاً مستحيل.

منال: طيب، روحي شوفي شغلك.

رانيا: سمعتي الي سمعته؟

رقيه: قلبي حاسس إنها بتحب حسن.

رانيا: بس لو عرفت إن حسن كان متجوز، مش هتفكر فيه أصلاً، هههه.

رقيه: إيه؟

رانيا: وعنده ولد كمان.

رقيه: وانتي عرفتي منين كل ده؟

رانيا: يابنتي ده كان جوز ريناد صحبتي.

رقيه: احلفي.

رانيا: ريناد ام زين الي كانت لسه مطلقة دي الي حكتيلي عنها.

رقيه: اه.

يلا منال بتناديكي.

***

حسن: اعترف ولا لا اعترف ولا لا.

مش تفتحي دلقتي العصير عليا.

فين مدير المكان؟ انتي لازم تتفصلي.

ازاي يشغلو واحده زيك غبية.

نور بدموع: صدقني انا اسفه جدا، حقك عليا.

حسن: ايه في ايه؟

انت مدير المكان.

ايوه انا المدير وصاحب المطعم.

طيب حلو اوي.

الآنسة دلقت عليا العصير، ممكن تفهمني همشي ازاي انا بمنظري ده.

حسن: تمام وحضرتك هي اعترزت، ومكنش قصدها.

يبقا تقعد محترم يااما تخرج برا.

حسن: تمام انا هخرج.

يلا يا بيبي.

حسن بقرف: كتك قرف.

نور بدموع: انا اسفه جدا، انا هدفع تمن المشروبات الي ادلقت دي، حقكك عليا.

حسن: خلاص محصلش حاجة، هو اوڤر اصلا.

انتي عملتي الي عليكي واعتزرتي، هو لو محترم كان قالك تمام وقعد.

الي حصل حصل.

نور: طيب ممكن اتكلم معاك؟

حسن: تعالي.

***

حسن: ايه هتسيبي الشغل؟

نور: انا قولت اقولك زي ما اتفقنا لما جيت هنا اول مره.

حسن: هتسيبي الشغل ليه؟

كل ده علشان الراجل ال***.

نور: لا طبعا، ده انت لو مكنتش جيت كنت زماني مخلصة عليه.

انت متعرفنيش ولا ايه؟

حسن: اه اه انتي هتقوليلى.

نور: عندك شك ولا ايه.

حسن: طيب عايزه تمشي ليه؟

نور: احم عادي كده احسن.

حسن: نور.

نور: ايوه.

حسن: ممكن رقم والدك.

نور: ياريت بس بابا متوفي.

حسن: بجد ربنا يرحمه.

نور: انت كنت عايزة في حاجة؟

حسن: كنت عايز اطلب ايدك.

نور: هتطلبها منين؟ انا معنديش غير اتنين.

والله لو كان عندي تلاته مكنتش اتاخرت عليك.

بس عايز ايدي في ايه؟

حسن: انتي هبلة.

نور: وانت هتغلط.

حسن: امشي يانور خلاص.

نور: يلا يا حس كنت عايز ايه؟

حسن: نسيتي اخر حرف من اسمي في الطريق ولا ايه.

نور: شكل دمك خفيف وهتقرفنا بقه، وانا بيجيلي صداع.

حسن: والله.

طب ياستي هقولهالك بطريقة الطفن.

نور: قول.

حسن: عايز اشرب معاكو القهوة.

نور: وانت مش عندك قهوة في بيتك جاي تشربها عندنا.

حسن: يابنتي في ايه بقه نور، انا بحبك وجاي اتقدملك خلاص حلو كده.

نور: بتحبني انا ازاي.

حسن: زي الناس.

نور: هي كمان الناس بتحبني، الله ده كتير عليا.

اومال اخويا وامي بيكرهوني ليه.

حسن: اوعي يانور اوعي.

نور: استني بس هتيجي امتي طيب.

حسن: مهو اديني رقم مامتك.

نور: ممم قول كده عايز رقم امي ليه بقه هاا اه يا خاين.

حسن بزعيق: يابنتي اسمعينيييي.

نور بخوف: سسمعاك وشيفاك، انا اسفه كمل.

حسن: انا هاجي وهجيب اهلي انهارده علشان عندهم هبلة انا عايزها.

نور: الهبلة دي انا مش كده.

حسن: ايوه.

نور: تسلم.

طيب اطير انا بقه علشان اجهز.

حسن: ياربي بحب واحد صحبي.

نور: وانا كمان بحبك.

عن اذنك.

حسن: نور.

نور: ايوه.

حسن: انتي قولتي ايه من ثانية.

نور: احم مقولتش اي حاجة.

عن اذنك.

حسن: انا اسف يا نور اني هخبي عليكي حكاية اني كنت متجوز.

بس انا خايف تسبيني، بس اوعدك اني هقولك في اقرب وقت.

***

رقيه: رانيا.

رانيا: ايه يا بنتي في ايه.

رقيه: شكنا طلع في محله، الاتنين واقعين في الحب يا اختي.

رانيا: طب ما ايه رايك نخرب العلاقة.

رقيه: ازاى.

رانيا: هقولك.

***

ريناد: ايه ده؟ بيحب؟ انتي متاكدة يعني؟

يعني هيتجوز بسهولة دي؟ انا مستحيل اضيعه من ايدي تاني، مستحيل.

رانيا: انا قولت اقولك علشان انتي صحبتي الي بحبها.

ريناد: ممم فهمت قصدك تمام.

عدي عليا هديكي مبلغ هيعجبك بس تجيبيلي كل اخبارهم واخبار البت دي.

سلام.

رانيا: سلام يا حب.

بس اه حسن مقلهاش انه متجوز.

ريناد: حلو اوي.

سلام.

رانيا: سلام.

ريناد بغيره: بقه عايز تتجوز؟ مستحيل، مستحيل يا حسن.

بس جدع انك مخبي عليها انك كنت متجوز، هتسهل عليا حاجات كتير.

***

نور: ودوني على بيت حبيبي نعيش مع بعض فيه.

دا بقالنا مدة طوبة طوبة من الحب بنبنيه.

أنا لابسة الطرحة ومش سايعاني الفرحة وأنا وياه.

نورهان: بنتي اتجننت.

نور: ماما حبيبتي انا خلاص هروح بيت حبيبي وهيجي ياخودني بحماره الابيض.

نورهان: هي مش كان حصان بقه؟ حمار! والله ما حد هيشلني غيرك.

نور: ماما في واحد اتقدملي عن اذنك.

نورهان: خدي هنا تعالي.

نور: احم ايوه.

نورهان: مين ده وشغال ايه وعنده كام سنة واسمه ايه؟

نور: شششش ايه؟ خلاص.

نورهان: طب تعالي فهميني عرفتيه منين يابت.

نور: والله مديري في الشغل مش اكتر ومكنتش بتكلم معاه كتير.

نورهان: مممم قولتيلي وعرفتي انه طلب ايدك ازاى.

نور: انا لقيته بيقولي هاتي رقم والدك، قولتله متوفي وكده وعرفت بقه انه بيحبني، انا اصلا كنت عايزه اعترفله واقوله اني بحبه اده انان.

نورهان: اه كملي وبعدين يا عين امك.

نور: وبعدين هو بقه خد رقمك والمفروض يكلمك علشان يحدد معاد يجي ياخد ايدي فيه.

نورهان: ياخد ايدك ازاى.

نور: قصدي يعني يطلبها يا ماما.

نورهان: ممم طيب.

ومخدتش رقم اخوكي ليه؟ مش زي اخوكي ده برضوه.

نور: اده صحيح ده انا ليا اخ معلش يا ماما الفرحة نستني انا مين اصلان.

***

نور: ماما حد رن عليكي.

نورهان: لا وسبيني اخلص الاكل.

نور: طيب.

***

نور: ماما حد رن.

نورهان: خدي يانور خدي الموبايل اهو خليه معاكي لو حد رن هاتيه ده انتي رخمة.

نور: هاتي يا حبيبتي.

***

ريناد: الو.

حسن: عايزة ايه.

ريناد: حسن علشان خاطري سامحني وارجعلي.

حسن: ريناد انا داخل على البيت اهو افتحي علشان تاخدي زين.

ريناد: طيب.

***

زين: ماميييي.

ريناد: زين حبيبي وحشتني.

زين: انتي اكتر يا ماما.

حسن: باي يا زين خلي بالك من نفسك.

زين بدموع: لا يابابي خليك معايا.

حسن: لا لازم امشي بقه وهجيلك الاسبوع الجاي اخدك تمام.

زين بدموع: لا خليك معاي.

حسن: زين طب تيجي ننام في اوضتك فوق ايه رايك.

زين: وهتحكيلي حدوته.

حسن: هحكيلك حدوته.

زين بفرحه: هيييي.

***

حسن: مش عارف اقولها يا محمد خايف تسبني، انا اتعلقت بيها اوي.

تعرف نور جدعة اوي يا محمد، انا حبتها اوي فوق ما تتخيل.

محمد: طب هتعمل ايه.

حسن: هاخد معاد مع اهلها وهروحلهام.

محمد: طب وناوي تقولها امتي.

حسن: مش عارف اخد الخطوة دي، مش عارف اقولها ازاى.

محمد: انت لازم تقولها.

حسن: حاضر، انا هكلم اهلها اخد معاد منهم وهقولها الحقيقة.

محمد: انت فين.

حسن: عند ريناد.

زين فضل يعيط دخلته اوضته نيمته وهمشي اهون.

محمد: طيب يالا.

حسن: ماشي سلام.

محمد: سلام.

ريناد بخضه وتوتر: اا حسن انا كنت لسه جايه اقولك زين نام.

حسن: سلام

حسن قام وفتح الباب.

ريناد بخضه وتوتر: اا حسن انا كنت لسه جايه اقولك زين نام.

حسن: وانا مسالتش انتي جايه ليه وبعدين مالك متوتره كده.

ريناد: ها مافيش حاجه.

حسن: طيب عن اذنك…

ومشي.

ريناد بعصبيه: بقه هتنساني بسهوله دي يا حسن مستحيل لاااا.

تاني يوم

ماجد: يعرووووسه.

نور بخضه: ايه في ايه البيت بيولع.

ماجد: علي اساس لو بيولع هاجي اصحيك.

نور: اخص عليك هتسبني اولع.

ماجد: مش بدل مااولع انان.

نور: طب اخلص في ايه.

ماجد: في عريس متقدملك وهيجي بليل.

نور: حسن.

ماجد: اه هو اسمه حسن.

نور: لسه فاكر.

ماجد: نعم يختي وانتي عارفهه.

نور: احم احم هو صاحب المطعم الي شغاله فيه ونفس الشخص الي ضربته قبل كده ضربه في ايد.

ماجد: ونبيي انا ولا هو يا نور.

نور: ايه السؤال ده يا ماجد اكيد هو.

ماجد: والله.

نور: اوعا كده بقه علشان اروق علي نفسي عااا ده انا عروسه.

ماجد: اه يا هبله.

في المطعم

رانيا: تفتكر نور مجتش ليه.

رقيه: مش عارفه اكيد منال عارفه.

عند منال

منال: ربنا يفرحك يا بنتي انا بجد مبسوطه اوي يا نور تعرفي والله بحسك بنتين.

نور: ربنا يخليكي لياا يا حبيبتي.

رانيا: احم احم.

منال: طيب روحي اجهزي بقه هقفل انا علشان الشغل وهستناكي بكره بقه.

نور: ماشي سلام.

رقيه: هي دي كانت نور.

منال: اه يا بنات هتخطب عقبالكو لا وكمان استاذ حسن.

رانيا بخبث: ممم متعرفيش امتي.

منال: هي قالت خد معاد وهيروحلها انهارده.

رانيا: مممم تمام.

بعد شويه

ريناد: حلو اوي يا رانيا.

رانيا: انتي هتعملي ايه.

ريناد: ولا حاجه.

رانيا: شكلك ناويه علي حاجه هتخرب اليوم ده.

ريناد: ههههههه.

رانيا: طيب سلام علشان ورايا شغل ولو حد شافني بتكلم ومش بشوف شغلي هترفد.

ريناد: طيب سلام.

عند حسن

حسن: ها شكلي حلو يا ماما.

هيام بدموع: انت عمرك ماكنت وحش يا حسن انت هتفضل في نظري اجمل واحد.

حسن: بتعيطي ليه طيب.

هيام: دموع الفرحه يا واد.

حسن: هو محمد مش جايه.

هيام: قالي مش هيجي علشان المطعم.

حسن: ااايه ليه ماانا قولتله يديهم اجازه ويقفل ويجيه.

هيام: مش عارفه بقه.

حسن: طيب يلا علشان منتتاخرش.

هيام: يلا يا حبيبي.

حسن: شكلي حلو بجده.

هيام: في ايه يا حسن يلا يا حبيبي.

عند نور

نورهان: والله يا نور زي القمر خلاص بقه يا حبيبتي صدعتيني يرضيكي ابقا مصدعه ومعرفش اتكلم لما يج.

نور: ماجد انا شكلي حلو.

ماجد: يختاااااي والله هنزل واسيبك.

نور: خلاص خلاص انا اسفه انا اصلا عارفه اني حلوه معرفش بسالكو ليه.

ماجد: يساتر.

نور: بجد يعني شكلي حلو.

ماجد: ماما انا نازل.

نور: لا خلاص خلاص.

ماجد: لا يانور اوعي بجد انا زهقت اوعي.

نور: خلاص يا ماجد بقه.

نورهان: اهم جم روح افتح يا ماجد وتعالي يانور المطبخ علشان تاخدي العصير.

نور بتوتر: انا انا خلاص لا مش عايزه.

ماجد: نعم يا اختي.

نورهان: روح ياحبيبي افتح الباب وانا هشوف الهبله دي.

بعد شويه كان ماجد دخلهم الصالون ورحب بيهم.

ماجد: احم انا اسف جدا.

حسن: علي ايه بس.

ماجد: اني ضربتك يعني قبل كده بس انا اعمل ايه شوفت اختي نازله من عربيه واحد غريب.

حسن: انا عارف ومزعلتش عاد.

نورهان: السلام عليكم.

حسن: وعليكم السلام ازيك يا ام.

نورهان: الحمدلله ياحبيبي.

هيام: ماشاء الله انتي نور.

نور بكسوف: ازيك يا طنطه.

هيام خدتها في حضنتها: ماشاء الله قمر.

نور: احم ازيك يا حسن.

حسن: الحمدلله بخير احم شكلك حل.

نور: ايه الاحراج ده بقه.

حسن: خدودك احمرت ليه كده.

هيام: بس يا حسن الله كسفت البنت تعالي يا حبيبتي اقعدي جمبي.

نور: حاضر.

بعد شويه

نورهان: طب نسيب العرسان يتعرفو تعالي يا ام حسن احنا نقعد في البلكونه.

هيام: ماشي يا حبيبتي.

نور لماجد: ايه وانت لازق مش هتقوم.

ماجد: لا طبعا انتي هبله هقعد معاك.

نور: رخم.

ماجد لسه هيرد تلفونه رن وكانت مريم.

ماجد: احم طيب جالي مكالمه هستاذن ان.

نور: احسن.

حسن: نور.

نور: ايوه.

حسن: احم انا كدبت عليكي في حاجه كان لازم تعرفيها قبل حته مااجي هنا ولازم اقولك عليه.

نور: قول سمعاك.

حسن: نور انا كنت.

نور: ثواني الباب بيخبط.

حسن: نور.

نور: ماجد مش سامع الباب كل ده.

علي الباب.

نور: حضرتك مين.

نور: انتي انتي مين.

ريناد: ام ابنه.

نور: اااااايه.

ريناد بخبث: عن ازنك يا حلوه.

نور بدموع: ابو ابنها حسن كان متجوز.

بعد شويه

حسن: اتاخرتي ليه كل ده.

نور: ها معلش كنت في الحمام.

بعد شويه

حسن: اتاخرتي ليه كل ده؟

نور: ها معلش كنت في الحمام.

حسن: طيب.

نور: انت كنت عايز تقول حاجه؟

حسن في باله: شكل في حاجة زعلتها، أكيد مش هتستحمل لو قولتلها إني كنت متجوز، أحسن حل إني أستناها لما تروق.

نور: إيه؟

حسن: لا مكنتش هقول حاجة، انتي في حاجة زعلتك؟ مين كان على الباب؟

نور وهي بتديله المحفظة: خد.

حسن: إيه ده؟

نور: محفظتك.

حسن: لقيتها فين؟ كنت قالب عليها الدنيا انهارده.

نور: كانت عند أم ابنك.

حسن: اه... مم... اااايه؟

نور: إيه؟

حسن: انتي... انتي مين قالك؟

نور بجمود: اطلع برا.

حسن: نور أنا كنت هقولك، صدقيني.

نور: اطلع برا علشان الموضوع مايكبرش يا حسن، وعلشان ما تتأذيش.

حسن: نور صدقيني أنا آسف والله، كنت هقولك.

نور: هقولهالك تاني يمكن مسمعتش، اطلععع برا ياااا حسن.

نورهان: في إيه يا ولاد؟ مالكو صوتكو عالي؟

نور: أنا داخلة أوضتي، عن إذنكم.

نورهان: استني هنا، في إيه؟

نور ودموعها نزلت: البيه طلع كان متجوز وعنده ولد، وكان عندها امبارح. عرفتي في إيه؟ بنتك كانت هتتخطب لواحد غشاش وكداب. كنت هتفضل بتكدب عليا لحد امتي هاااا؟ انطق، ساكت ليه؟

هيام: حسن، انت مقولتلهاش؟

حسن: أنا كنت خايف أخسرك يا نور، خايف متتقبليش إني كنت متجوز، كنت خايف تضيعي مني يا نور، أنا حبيتك بجد.

نور دخلت أوضتها.

حسن: طنط صدقيني أنا بجد كنت هقولها الحقيقة.

نورهان: بنات الناس مش لعبة يا أستاذ حسن، كنت ناوي تقولها امتي؟ بعد ما نقرا الفاتحة؟ ولا بعد ما تتخطب؟ ولا يوم كتب الكتاب؟

حسن: صدقيني أنا...

هيام بمقاطعة: يلااا ياحسن.

بعد شويه في العربية

حسن: يا ماما.

هيام: أنا مش أمك.

حسن: ماما انتي بتقولي إيه؟

هيام: انت كدبت عليهم وعليا يا حسن، انت لو بتعتبرني أمك بجد مكنتش كدبت عليا.

حسن: ماما إيه الي بتقوليه ده؟ انتي عارفة انتي بنسبالي إيه؟ انتي من ريحة أمي الله يرحمها، أنا عمري ما اعتبرتك خالتي، انتي أمي.

هيام: انت احرجتني يا حسن واحرجت نفسك وكدبت عليا، لما سألتك البنت عارفة إنك منفصل وعندك ابن، قولت أه عارفة.

فلاش باك الصبح

هيام: حسن.

حسن: أيوه يا ماما.

هيام: انت قولت للبنت إن عندك ابن ومنفصل؟

حسن: ها... أه... أه قولتلها.

هيام: طب كويس، ربنا يسعدك يبني يارب.

حسن: يارب.

باااك

حسن بدموع: أنا حبيت بجد يا ماما، حبيتها، أنا عارف إنها لو كنت قولتلها مكنتش هتوافق، مافيش واحدة ترضا تاخد واحد منفصل وعنده ولد، كنت خايف تضيع مني، عارف إني غلط وانتو صح، بس أنا حبيتها وكنت هقولها، بس الباب خبط.

هيام: كل اللي بتقوله ده غلط يا حسن، هي بتحبك، عارف لو كنت انت اللي قولتلها بنفسك كانت هتفكر، و70 في المية كانت هتوافق، علشان واضح في عيونها قد إيه بتحبك. لاكن للأسف انت خبيت عليها وعرفتي من حد تاني، وحتى لو بتحبك مش هتعرف تسامحك، لأنها كانت نفسها تعرف منك انت بس، وانت خيبت ظنها.

حسن: ريناد هي السبب.

بعد شويه حسن كان وصل هيام البيت وراح عند ريناد.

ريناد: حاضر، حاضر.

حسن: ليه عملتي كده؟

ريناد: علشان بحبك ومستحيل تكوني لحد غيري يا حسن.

حسن: انتي أنانية يا ريناد.

ريناد: صدقني معرفتش إني بحبك غير لما بعدت عني، أنا آسفة وارجعلي.

حسن: اللي اتكسر عمره ما هيتصلح يا ريناد، أنا مستحيل أفكر أرجع لواحدة زيك، مستحيل، انتي خونتيني وجرحتيني.

ريناد: حسن أنا بحبك.

حسن: بعد اللي عملتيه انهارده أنا بقيت أكرهك أكتر من الأول، ابعدي عني وعن حياتي بقى، انتي إيه يا شيخة؟ أنا بكرهك، بكرهك.

زين: بابي في إيه؟

حسن: زين حبيبي، عامل إيه؟

زين بدموع: أنا سمعتكوا وانتوا بتتخانقوا.

حسن: لا يا حبيبي، أنا بس كنت بتكلم أنا ومامي.

ريناد: أه يا زين.

زين: طيب بابي ممكن تيجي تنام جنبي؟

حسن: حاضر يا حبيبي.

ريناد: لازم ترجعني ليك يا حسن، ونعيش أنا وانت نربي ابننا سوا.

عند حسن وزين

زين: بابي انت ليه مش عايش مع ماما؟

حسن: احم... نام يلا يا زينو علشان الوقت اتأخر.

زين بدموع: لا مش هنام، كل ما أسألك ليه مش عايش انت ومامي سوا، بتتكلم في حاجة تانية.

حسن: افرجك على كرتون اللي انت بتحبه.

زين: بجد موافق؟

حسن: يلا تعال نتفرج أنا وانت.

زين: هي هي.

تاني يوم

نورهان: راحة فين يا بنتي؟

نور: نازلة أدور على شغل.

نورهان: مالك يا نور؟ انتي كويسة؟

نور: أه أنا كويسة أوي يا ماما.

نورهان: عيطي يا نور، تعالي في حضني وعيطي.

نور عيطت وحضنتها جامد: أنا مش كويسة خالص، أنا قلبي اتكسر يا ماما، ليه؟ ليه اللي بحبهم بيسبوني؟ ليه يا ماما؟

نورهان: متقوليش كده يا حبيبتي.

نور: أنا حبيته أوي، بس هو جرحني يا ماما وكدب عليا وغشني، هو طلع غشاش، أنا بكرهه.

نورهان: ششش... أهدي يا حبيبتي.

نور: أنا... أنا لسه بحبه.

بعد مرور أسبوع

نورهان: أخيرا شوفت ابتسامتك.

نور: هفضل مكتئبة لحد امتي يعني؟ هو كداب وميستهلش إني أحزن عليه.

نورهان: جدعة يا نور.

نور: أنا هنزل أدور على شغل.

نورهان: ماشي يابنتي.

نور: ادعيلي.

نورهان: بدعيلك على طول يابنتي، تعالي بقى هاتي حضن.

نور حضنتها: بحبك أوي.

ماجد: وأنا فين؟

نور: ههههه تعال.

نور: شوفت.

ماجد: راحة فين كده؟

نور: هنزل أشوف شغل.

ماجد: لا يا نور.

نور: أنا لازم أشتغل يا ماجد، انت داخل على جواز، إيه ناسي ولا إيه؟

ماجد: مش ناسي بس...

نور: مبقاش، أنا لازم أشتغل يا ماجد، انت داخل على جواز إيه ناسي ولا إيه؟

نورهان: سيبها يابني، قاعدة البيت بتجيب اكتئاب، سيبها تنزل وتشوف الناس وتشم هوا.

نور: يلا، عايزين حاجة؟

نورهان: سلامتك.

نور نزلت وكانت ماشية بس وقفها صوت حسن.

حسن: نور.

حسن: نور

نور: بعصبيه: انت تاني؟ انت ايه يا أخي مش كفايه جرحتني وكدبت عليا؟ لا وبكل بجاحة جاي تحت بيتي؟ انت اتجننت؟

حسن: صدقيني كنت هقولك الحقيقة.

نور: ههههههه بجد والله؟ طب وماقولتش ليه؟

حسن: كنت هقولك بس الباب خبط وروحت تفتحي.

نور: ولما رجعت؟

حسن: نور صدقيني أنا والله كنت خايف أقولك تسبيني. كنت متردد ولما شوفتك مضايقة رجعت في قراري وقولت هقولك بعدين بس أعرف مالك.

نور: وكنت ناوي تقولي امتى؟ ساعة كتب الكتاب؟

حسن: والله كنت هقولك بس...

نور: أنا بكرهك وخلاص. حبك اتشال من قلبي.

حسن: أنا بحبك.

نور: تعرف أنا نفسي في إيه؟ مشوفش وشك تاني. بص هقولك على حاجة. سافر أحسن عشان أنا بجد مش طيقاك ومش طايقة أشوف وشك في أي حتة. ابعد عني يا حسن.

حسن: لو ده هيريحك أنا موافق.

ماجد: انت تاني؟ انت ايه يا ابني؟

حسن: خليها تسمعني.

ماجد بعصبية ونزل عليه ضرب.

نور بدموع: ماجد خلاص سيبه عشان خاطري. خلااااص.

حسن بوجع: بخاف عليكي.

نور بدموع: ماجد خلاص عشان خاطري كفاية.

ماجد سابه: مشوفش وشك في الشارع تاني. واياك تقرب منها. انت فاهم؟

حسن بدوخة: أنا كنت خايف تسبيني. أنا بجد حبيتك. قولها إني حبيتها.

نور بدموع: امشي يا حسن.

نور لفت ضهرها ليه ولسه هتمشي بس سمعت صوت حاجة وقعت على الأرض. لفت وشها وشافت حسن مرمي على الأرض.

نور بخوف: ح حسننن! حسن فوق! حسن! ماجد الحقه بسرعة.

ماجد وقف تاكسي وحطه وطلعوا على المستشفى.

نور بخوف: دكتور بسرعة.

***

الدكتور: المريض فاق.

نور: بجد؟

الدكتور: تقدروا تشوفوه.

في أوضة حسن.

نور: حمدلله على سلامتك. أنا آسفة على اللي حصلك.

حسن: الله يسلمك.

ماجد: أنا آسف بس اللي انت عملته مش شوية.

محمد بخوف: حسن مالك؟ انت كويس؟ آنسة نور كلمتني جيت على طول. إيه اللي عمل فيك كده؟

حسن بص لماجد: هاه.

محمد: أنا هبلغ يا حسن مين المجرم اللي اتهجم عليك بالشكل ده.

حسن بتسرع: لا لا مافيش حاجة. كانت حادثة مش أكتر. أنا كويس وماجد ونور شافوني وجابوني على طول. متقلقش.

محمد: بجد كويس؟

حسن جاي يقوم عشان يمشي.

محمد: انت بتعمل ايه؟

حسن: عايز أمشي بقى أنا كويس.

محمد: لا استنى.

حسن بوجع: آآآه دراعي.

نور بخوف: حسن براحة. اقعد انت لسه تعبان.

حسن: مافيش حاجة. أنا كويس. أنا تعبتكم معايا. تقدروا تمشوا.

نور: أنا مش همشي وأسيبك في الحالة دي. أحم قصدي نطمن عليك وبعدين هنمشي.

حسن: أنا كويس يا آنسة نور.

نور في بالها: إيه الرسمية دي؟ أومال مين اللي كان بيعيط عشان أرجعله؟ هو فقد الذاكرة ولا إيه؟

ماجد: يلا يا نور.

***

حسن: ماكنتش حابب تشوف وجعي. عارف إنها لسه بتحبني. مش عايزها تشوفني وأنا كده.

محمد: مافيش أمل إنها تسامحك؟

حسن: مستحيل تسامحني يا محمد. أنا كدبت عليها وغشتها.

محمد: شش. أهدى طيب.

حسن: أنا هسافر.

محمد: آآآه؟ تسافر؟

حسن: آه هسافر. لازم أبعد يا محمد.

محمد: وهتسبنا يا حسن؟

حسن: هرجع بس أغير جو.

محمد: لا يا حسن مش هسيبك تسافر.

حسن: لازم أسافر. عايز أبعد يا محمد.

إلهام: لو ده هيريحك سيبه يا محمد.

حسن: ماما انتي جيتي؟ مين قالكم؟

محمد: أنا قولتلها.

حسن بوجع: آآآه. تعالي هنا.

إلهام: خليك زي ما أنت. كنت بتقول هتسافر مش كده؟

حسن: أنا لازم أسافر يا ماما. عايز أغير جو. مخنوق أوي ومش قادر أقعد في القاهرة.

إلهام: وابنك وأنا وأخوك إيه؟

حسن: كده أحسن لزين. زين اللي كل ما يشوفني يقولي ارجع لماما وأنا مش عارف أرد عليه بإيه. ولا أقوله أمه عملت فيا إيه.

إلهام: وأنا يا حسن هتسبني؟

حسن: انتي أغلى حد في حياتي. أنا مستحيل أسيبك. هرجع تاني يا ماما. بس لو بتحبيني سبيني أسافر أغير جو. انتي عارفة إن الأيام اللي فاتت دي كانت صعبة عليا.

محمد حضنه: وأنا هتسيبني لمين؟

حسن: يا ولاد صدقوني هرجع. متقلقوش. شهر وأرجع.

بعد مرور أيام وجاء معاد السفر.

محمد: أنا قولت أقولك يمكن تديله فرصة تانية وتغيري رأيك ويفضل قاعد.

نور: هيسافر؟

محمد: آه.

نور: مش قادرة أسامحه. هو كدب عليا.

محمد: حسن شاف في حياته كتير. ومراته طلبت منه الطلاق بسبب اللي كانت بتحبه قبل حسن. رجعت وكانت بتكلمه وتخرج معاه. عارفة يعني إيه حسن يسمعها وهي بتقوله: "هطلب منه الطلاق ونتجوز".

نور: معقول حد يعمل كده؟

محمد: اليوم اللي حسن كان ناسي فيها محفظته عندها كان اليوم ده رايح يودي زين. بس زين فضل يعيط عشان باباه ينيمه. وكلمته وقتها وكان متوتر أوي إنه مقللكيش الحقيقة. بس صدقيني حسن بيحبك. عشان كده كدب عليكي. بس كان ناوي يقولك يوم قراية الفاتحة الحقيقة. وإنتي ليكي حرية الاختيار. هو قالي إنه كان هيقولك بس الباب خبط. ولما رجعتي كان باين عليكي الزعل. فـ قال: "هتكلم في وقت تاني".

نور: يعني بجد كان ناوي يقولي ولا كان هيخبّي؟

محمد: صدقيني هو بيحبك. وكان هيقولك. مش هيخبي زي ما انتي فاكرة.

نور: طيب يلا وديني ليه بسرعة. لازم ألحقه يا محمد.

في المطار.

حسن: محمد مجاش ليه؟

***

حسن: سلام يا ماما. أشوف وشك بخيره.

هيام بدموع: سلام يا ابني.

حسن: سلميلي على محمد. ومتقلقيش لو مردتيش عليكي عشان الخط بيقف. هحاول أجيب خط وهكلمكم. ومش عايزك تقلقيه.

هيام: حاضر يا ابني. خلي بالك من نفسك.

حسن: سلام.

عند نور.

نور: بسرعة يا محمد.

محمد: حاضر حاضر. أهو قربنا.

بعد شوية كانوا وصلوا المطار.

نور ومحمد: المطار.

محمد: ماما ماما حسن فين؟

هيام: سافر يا ابني.

نور بصدمة: آآآه. سافر. يعني إيه؟