رواية عشقت فهد الصعيد — الفصل 25 — بقلم الكاتبة المجهولة
جهزت البنات واتجهوا لي تحت وهما في قمة الحماس والخوف في نفس الوقت.
نور بهمس: أقسم بالله لو حد شافنا من الرجالة لنتعلق.
ضحي: ما خلاص بقى وبعدين محدش من الرجالة يمكن يجي هنا.
شيماء بهمس: خلاص يا جماعة إحنا نازلين على الناس أهو.
سحر: آه ياريت لو سمحتوا.
نزلت البنات وهما مغطيين وشهم بالبرقع، وكل كان بيبص لهم بصدمة من جمالهم واللبس اللي لابسينه.
زينب بصدمة: أحيييه نهاركم أسود إيه ده.
ضحي وهي بترفع البرقع من على وشها: فيه إيه يا ماما دي ليلة حنة يعني بنرقص ونفرح وكده.
فخرية: ماشي يا بنتي بس الناس عينها عليكم والعين بتفلق الحجر، وكمان لو فهد جه وشافكم لابسين كده والله ما هيعدي الليلة على خير.
ضحي: لا متخافيش يا ستي فهد بره مع الرجالة ومش هيدخل دلوقتي خالص، صحيح إيه رأيك بالحنّة.
فخرية: جميلة قوي ياروحي.
ضحي: هنسيبكم بقى ونروح نهيص.
مشيت ضحي هي والبنات، وهي ماشية بصت على عبير وغمزت ليها وضحكت بدلع.
فخرية بهمس: بنتك كيادة قوي يا زينب.
زينب: أكيد مش بنتي.
بصت لها فخرية وضحكت.
كانت ضحي وشيماء بيرقصوا على أغنية "بص على الحلاوة"، وكانوا بيرقصوا صعيدي بالعصاية وكانوا في قمة الجمال.
عند الشباب:
كانوا قرايب العيلة قاعدين في المندرة بره بيتكلموا، وفهد وحازم ومحمد وعمر قاعدين بعيد بيتكلموا لحد ما جه تليفون لفهد.
فهد: أيوه يا أحمد خير.
أحمد: فهد بيه لو سمحت كان فيه شوية أوراق محتاجها عشان السفر.
فهد: تمام يا أحمد هبقى أصورها ليك وأبعتها لك.
أحمد: بس ياريت بسرعة يا فهد بيه عشان أنا محتاجها ضروري جداً.
فهد: تمام سلام.
حازم: فيه إيه يا فهد رايح فين؟
فهد: هطلع جناحي فيه ورق مهم أحمد عايزه هصوره وأنزل ليكم.
محمد: طب يا فهد ياريت تقول لي ضحي تقول لي سحر يلا عشان الواحد جاي من السفر على هنا على طول.
فهد: أولاً إنت مش هتمشي من هنا غير بعد العيد يعني هتعيد معانا هنا.
محمد: لا والله ما ينفع يا فهد.
حازم: إيه يا عم ده إحنا لينا سنين متجمعناش.
محمد: بس يا ح...
عمر: مبقاش إنت هتقعد هنا لي بعد العيد، ويا فهد قول لي عمتي تجهز جناح لمحمد.
فهد: تمام.
مشي فهد واتجه لي القصر، وقبل ما يدخل نادى على هنية.
هنية: نعم يا بيه.
فهد: أنا عايز أطلع جناحي هعرف.
هنية: لا عادي يا فهد بيه اطلع هما في الجناح الغربي يعني بعاد أوي.
فهد: تمام.
سبها فهد ودخل القصر وطالع على السلم لحد ما سمع صوت عالي.
ضحي وهي بتتكلم بصوت عالي ورافعة البرقع عن وشها وماسكة العصاية: يا هنية فين العصير أنا خلاص هموت.
هنية بصتلها بتوتر وصدمة: أأصل...
ضحي: مالك يا بنتي؟
هنية كانت بتشاور بعينيها لي فوق، لفت ضحي وراها مطرح ما هنية بتشاور، لقيت فهد بيبصلها بصدمة وإعجاب.
ضحي وهي حاطة إيديها على صدرها وبشهقة: ن نهار أسود ف فهد يماما.
وطلعت تجري على جوه.
كان فهد لسه واقف في مكانه بيبص لي مطرح ضحي بصدمة وهو شارد في هذه الفاتنة وبدلة الرقص اللي لبساها ونقوش الحنة اللي مزينة جسمها.
فاق فهد من شروده على صوت هنية.
هنية بخوف وتوتر: عايز حاجة يا بيه؟
فهد ببرود: لا روحي إنتي.
طلع فهد جناحه وهو لسه بيفكر في ضحي، صور الورق لأحمد وبعته، وبعد كده نزل تحت وهو بيبص في كل حتة ممكن يلاقي ضحي، خرج فهد من القصر وراح عند الشباب.
جريت ضحي وهي حاسة إن رجليها مش شايلها من شدة خوفها، راحت وقفت جنب البنات.
شيماء: مالك إيه وشك مخطوف كده ليه؟
ضحي بخوف: فهد.
سحر: ماله فهد؟
ضحي: شافني.
نور: يالهوي وعمل إيه؟
ضحي: ملحقش يعمل أنا جريت على طول.
عبير بدلع: مالك يا ضحي عاملة كأن حد عطالك علقة موت.
ضحي بتعب شديد: إمشي من وشي حالاً.
شيماء: هنية هاتي كباية عصير بسرعة.
مشيت عبير بغيظ وراحت المطبخ.
دخلت عبير وهي بتبتسم بخبث وبتجيب كباية العصير وبتحط فيها حاجة.
عبير بخبث: لما نشوف يا ضحي هانم هتعملي إيه.
هنية: خير يا هانم في حاجة؟
عبير بتوتر: ها لا ما فيش دا أنا كنت بجيب كباية عصير لضحي، خديها أهي.
أخدت هنية العصير وراحت عند ضحي.
هنية: اتفضلي يا هانم.
أخدت ضحي العصير وشربته.
شيماء: أحسن دلوقتي.
ضحي: آه الحمد لله.
زينب: يلا كفاية كده يا بنات عشان هنحط الأكل للحريم عشان بيقولوا هيمشوا.
نور: لا يا عمتي إحنا هناكل مع الرجالة وكلوا إنتوا الحريم وإحنا هنا.
زينب: تمام.
مشيت زينب، وضحي بصت لنور بغيظ.
نور: فيه إيه؟
ضحي: يعني كان لازم نستنى الرجالة يعني؟
نور بعند: آه.
بعد مدة كانت الحريم مشيت.
فخرية: امسكوا البسوا عشان الرجالة داخلة ويلا عشان العشا.
كل واحدة من البنات خدت ملحفة سودة وطرحة سودة ولبستها.
ضحي بإعجاب: تصدقوا الملحفة الخليجي حلوة عليا جداً.
شيماء: فعلاً شكلهم حلوين أوي.
زينب من بره: يلا يا بنات.
قامت البنات وخرجت ما عدا ضحي.
سالم: أمال فين ضحي؟
شيماء: جايه أهي يا جدي.
محمد: ألف مبروك يا شيمو.
شيماء: الله يبارك فيك يا محمد.
سالم: حمدلله على السلامة يا سحر.
سحر: الله يسلمك يا جدي.
بعد كده طلعت ضحي وهي بتفرك في إيدها وبتبص في الأرض.
سالم: تعالي يا قلب جدك.
رفعت ضحي وشها ولقيت فهد بيبصلها بهدوء، ارتبكت ضحي وراحت عند جدها.
محمد: وحشتيني إيه الحنة القمر دي.
ضحي بحب: شكراً يا جدي.
مشيت ضحي وراحت قعدت في آخر كرسي.
سالم: إيه يا بنتي قاعدة بعيد ليه تعالي اقعدي جمب جوزك.
ضحي بتوتر: لا أنا هنا كويسة.
الكل جه من المطبخ وقعدوا، وجت آخر واحدة عبير وراحت جنب فهد مكان ضحي، والكل بص ليها باستغراب.
عبير: أخبارك إيه يا فهد وحشتني.
فهد ببرود: بخير.
سالم بغضب طفيف: إزيك يا عبير.
عبير: بخير يا جدي.
حنان: كيفك يا عمي.
سالم: بخير يا بنتي.
حنان: كيفكم يا حبايب عمتكم.
الشباب بابتسامة: بخير يا عمتي.
عبير بدلع: أحطلك رز يا فهد.
بصت ليها حنان بغضب.
قامت ضحي بغضب وراحت جنب فهد: هاي إنتي قومي من مكاني.
عبير بغضب: ما إنتي كنتي قاعدة هناك.
ضحي: كنت بشوف حاجة وبعدين دا مكاني الواحدة بتقعد جمب جوزها قومي يلا.
حنان بغضب: قومي يا عبير عيب كده.
قامت عبير بغضب وقعدت ضحي مكانها، كل ده والبنات كاتمة ضحكها.
حازم بضحك: إيه يا بنات إنتوا لابسين أسود ليه كأنكم في إيه.
بص فهد لضحي وهي اتوترت.
عمر: أيوه فعلاً هو إنتوا كنتوا في الحنة لابسين أسود كده.
ضحي: ها أه كنا لابسين كده وكلوا وإنتوا ساكتين.
بصت لفهد ولقيته بياكل، رجعت تاني بصت لطبقها وكلت في هدوء.
بعد مدة انتهى الجميع من العشاء.
فخرية: محمد يا بني الجناح بتاعك جاهز، وإنتي كمان يا حنان إنتي وعبير.
سحر: بس إحنا هنمشي يا عمتي.
محمد: لا يا ستي إحنا هنقعد هنا لي بعد العيد.
سحر: أيوه بس...
ضحي بحماس: مبقاش إحنا لينا كتير متجمعناش مع بعض.
سالم: يلا اطلعوا ارتاحوا عشان بكرة كتب الكتاب ويومكم طويل.
قام فهد أول واحد وطلع، وهو على السلم اتكلم.
فهد: ضحي تعالي عايزك.
قال كلمته وطلع جناحه.
ضحي وهي بتقول وبتقول بهمس: ربنا يستر.
في جناح فهد:
دخلت ضحي الجناح لقت فهد ساند ضهره على السرير ولابس بنطلون أبيض وعاري الصدر وبيشرب سيجارة.
ضحي بتوتر: كنت عايزني.
فهد وهو بينفخ دخان السيجارة: ادخلي اقلعي البتاعة دي وغيري اللي تحتها وتعالي ليا.
بصت ضحي ليه بصدمة وخوف، وبعد كده دخلت غرفة الملابس وخلعت الملحفة وظبطت شعرها والبدلة وطلعت بخفوت وهي بتفرك في إيدها ووشها محمر من الخجل.
بص عليها فهد وبلع ريقه من هذه الحورية.
فهد وهو بيديها العصاية بضيق: ما هو مش الغريب يشوفك وأنا جوزك، لا دا أنا حتى أولى.
أخدت ضحي العصاية، وفهد شغل أغنية "بص على الحلاوة"، وقفت متوترة شوية وبعد كده رقصت على الأغنية ونسيت توترها، وكانت بترقص بمهارة عالية، وفهد بيبص عليها بدهشة وإعجاب.
بعد مدة قفل فهد الأغنية وشد ضحي واعتلاها.
فهد بهمس: المرة الجاية لو لقيتك لابسة حاجة زي دي تاني قدام أي حد هزعلك تمام.
أومأت له ضحي.
فهد: طالعة زي القمر.
وقرب منها فهد و...