عشق بعياط:
ارجوك يا بابا عشان خاطري قولي حاجة يا ماما.
محمد بحدة:
خشي جوا يا عشق.
دخلت عشق ووقفت ورا العمود تتصنت كعادة البنات المصريات الأصيلات.
محمد:
انت شغال إيه؟
سليمان بتلقائية:
انا سلطان مصر.
محمد:
نعم؟
سليمان بسرعة وتوتر:
انا اقصد...
انفجر محمد في الضحك هو وسلوى وآسر وقال له:
صراحة كنت عاوز أسبُك عليك المقلب بس مش قادر صعبت عليّا. أنا عارف كل حاجة يا سليمان يا ابني وحدوتك انت وعشق هي حكتهالي هي وآسر، وأنا اللي بعتّها وقولتلها تجيبك وتيجي لإنها لازم يتعملها فرح وسط ناسنا هنا ونفرح بيها.
سليمان بعدم فهم:
يعني إيه؟ يعني بنتك كانت بتسخر مني؟
محمد بضحك:
نص كلامك عامي والتاني فصحى.
طلعت عشق وهي فطسانة ضحك:
حرام عليك يا ميد وقّعت قلبي ده أنا صدقتك يا جدع حرام عليكم.
مسكها سليمان من قفاها:
بتضحكي عليّا يا عشق؟
عشق بتوتر:
خلاص بقى يا سولي مقولنالك بلاش تبقى قفوش كده يا جدع.
سليمان:
ماااااشي يا عشق، كله هيطلع عليكي. استني عليّ.
بعد يومين جابوا لمأذون وكتبوا كتابهم تاني وسط المعارف والقرايب وكانوا مبسوطين اوووي وسط الفرح البسيط اللي في بيت عشق. وودّعت عشق أهلها مع وعد إنهم يزوروهم كل فترة عن طريقة آسر.
رجعوا تاني العاصمة.
سليمان:
صغيرتي متي الزفاف هنا؟
عشق:
حدد أنت يا سليمان.
سليمان:
حسناً.
عشق.
تاني يوم أعلن سليمان عن فرحه على عشق. آخر الأسبوع بالليل كانوا قاعدين الأربعة في الجنينة كل واحد مع حبيبته.
سالم:
هيامى متى سترضى عني أنا أيضاً؟
هيام بإستغراب:
ماذا تقصد حبيبي؟
سرح سالم في زرقاواها لما نطقت حبيبي وقال:
منذ عقد قراننا وانتي تلاوعينني في تحديد موعد الزفاف.
هيام بكسوف:
أنا...
سالم بلهفة:
اريد الزواج مثل هؤلاء الناس هناك.
ضحكت هيام جامد على معشوقها.
أكمل:
ما رأيك ان نجعل زفافنا آخر الاسبوع مع عشق وسليمان؟ بالله وافقي بالله؟
ابتسم سالم بسعادة وصدمة وهي بتهز رأسها موافقة.
ومقدرش يتمالك نفسه وقام حضنها بشدة وهو بيصرخ وبيضحك:
اخيراااااا.
تفزعت عشق على صراخ سالم وضحك هيام.
ضحك سليمان على جنون أخوه وقال:
البنت جننت الواد.
عشق:
الحب يا عزيزي.
سليمان:
انتي علمتيني العامية وبتتكلمي فصحى بدالي.
عشق بضحك:
أصلي قعدت سنين لا بسمعها ولا بتكلمها غير عشان الكتب والدراسة فصراحة عجبني الكلام بيها.
سليمان بهيام:
اي حاجة تطلع من عشقي تبقي قمرررر زيها تمام.
ضربته عشق بخفة على كتفه وقالت:
اتلم ياقلبي.
سليمان بضحك:
خلاص خلاص متتحمريش زي الطماطم كده بدل ما اكلك دلوقتي.
عدت الايام وسط تجهيزات الفرح وعشق طلبت بعد ما هي وهيام بقوا صحاب (ما هي خلاص هتخلع وتسيبلها الراجل) انها تصمم فساتين الفرح والبدل وتعملها مفاجئة للكل ووافقوها كلهم.
يوم الفرح...
راح العريسين ياخدوا العرايس وهما لابسين بدل كلاسيك سوداء فيها خطوط دهبية رقيقة على الكتاف وجزم سوداء كلاسيك صممتها عشق وطلبت تنفيذها برضه وقمصان سوداء كلاسيك فكانوا من الآخر قمرررر.
انفتحت الابواب وظهرت حورياتهم.
كانت عشق لابسة فستان ابيض على شكل قلب بدون أكتاف تحته بلوزة بيضاء متزين ب لؤلؤ ابيض متناثر على الفستان من فوق لتحت والفستان ضيق من الصدر وبيتسع بشكل كبير بطبقات الدانتيل الى الأسفل عليه خمار ونقاب أبيض لابسة جزمة بيضاء نص كعب فيها لؤلؤ ابيض زي بتاع الفستان.
فإنبهـر بها سليمان وتنّح على جمالها.
اما عند هيام فكانت لابسة فستان ابيض بحمالات رفيعة على شكل قلب مضبوط على مقاسها لحد بعد الركبة وبعد كده نازل لتحت بدانتيل منفوش بيزينه ورود بيضاء صغيرة متناثرة على الفستان كله وعليه خمار ونقاب أبيض لابسة جزمة بيضاء نص كعب متزين ورود بيضاء زي بتاعت الفستان.
وبرضه سالم تنّح.
فاقوا لنفسهم ولكسفتهم قدام الخدم وراحوا مسكوا ايدين زوجاتهم بحب.
كانت هيام لابسة تاجها الالماظ المعتاد على نقابها كونها أميرة.
أما عشق فبعد ما سليمان باس رأسها لبّسها تاج ملكة مصر كان ألماظ ومرصّع بالياقوت والاحجار الكريمة فزادها جمال على جمالها.
وخرجوا كلهم للساحة لمراسم الفرح.
أتـفاجئت عشق وعيونها دمعت لما شافت اهلها تحت وسط الناس لإن سليمان طلب من جعفر يجيبهم عشان يفرّحها ويفرّحهم بيها.
جريت حضنت أبوها وأمها.
سلوى:
مبارك يا بنت قلبي قمر ياحبيبتي.
محمد:
حبيبة ابوكى ربنا يسعدك ويحميكى يارب. خد بالك منها يا ابنى دى الغالية.
سليمان:
في عنيا يا عمي.
طلعوا العرسان أوضهم وسابوا الناس تكمّل احتفال.
عند سالم.
سالم:
اخيراااا هيامى انا لا اصدق ان حلم السنين تحقق واصبحتى ملكى وبأحضانى أخيراً.
هيام بكسوف:
معك إلى آخر العمر ان شاء الله يا سالمى.
أثناء ما كان آسر بيرقص وسط المعازيم لمح بنت بترقص وبتضحك سحرته ضحكتها فراحلها.
آسر:
من أنتِ؟
سلمي:
انا تبع العروسة ياخويا.
آسر:
الله وكمان من زماني يلهوي علي المزز.
سلمي بر..دح:
نعم يا روح امكك!!! هي مين دي اللي مزز لأ ياعنيا فوق لنفسك اه انا بقولك أهو انا ماعاش ولا كان اللي يعاك....
قاطعها آسر لما حاوط وسطها وقال وهو إيده عل بوقها:
إيه الماسورة اللي انفجرت في وشي دي ما تهدي كده.. وبعدين أنا مشفتكيش ازاي ولا عشان كان كل اللي من طرف عشق لابسين ماسكات يعني؟ وبعدين انتي طالعة مزه كده لمين؟
لسه هتوطي تقلع الجزمة تناولوا على نفوخه تنّحت لما قال آسر:
تتجوزيني؟؟
سلمى بكسوف اتوترت ومعرفتش ترد.
جعفر:
يبقا علي بركة الله السكوت علامة الرضا.
احمّر وش سلمى من الكسوف فتاه آسر فى عيونها الخضراء وشعرها البني الناعم وملامحها الطفولية.
جعفر:
إنتي بجد؟
سلمي بكسوف:
إبعد شوية طيب ميصحش كده.
جعفر:
حلاوتك يا أبيضاني.
ضحكت سلمى وبصت لعيونه البنية وشعره البني الناعم وبشرته القمحية وقالت وهى بتشاور على أبوها:
سلمي بكسوف:
علي بركة الله.
جعفر بضحك:
يا بركة دعاكي يمااااا.
أما عند عشق وسليمان.
سليمان:
مبروووووك يا قمرررر.
عشق:
ولاااا اثبت كده واعقلس.
سليمان بصدمة:
ولا...
عشق بثقة:
سلطان دى برة الاوضة دى لكن وانت معايا كلنا ولاد تسعة يا با.
سليمان بضحك وهو شايف توتها اللى بتداريه ورا (الرد..ح):
سليمان بإبتسامة مسك إيديها وقعّدها.
حس بإرتعاشها فوسعت ابتسامته وهو بيبصلها.
عشق:
ااايه فى ااايه؟
سليمان:
اهدى يا عشقي متخافيش انا عمرى ما افكر ائذيكى او اجرحك ده انتى حلم سنين وقدر ربنا ساقه لحد عندى بطريقة لا يمكن كنت أتصورها انا بحبك يا عشقي حتى الكلمة متكفيش ولا اى كلام يوصف حبي ليك.
احمـرّت خدود عشق جامد و قالت:
انا كمان كنت مش قادرة افسر اشمعنا انا اللى اجى هنا بالطريقة دى وكنت خايفة بس اتضح ان ربنا بعتنى عشان الاقى سعادتى وأمانى معاك يا سليمانى انا كمان بحبك اووووى.
قال سليمان بضحك:
بقي دى اللى كانت بتردحلى من شوية وبتقولى يا ولا قمرررر يا فراولة.
عشق قلبت فجأة وخضته:
لااااا انت هتتريق على هرموناتى الجميلة وتقلباتى القمر ورد..حى العسل لاااا ده انت متعرفنيش ده انا مسجلة خطررر.
سليمان ضحك بصوته كله وقال:
متجوز سرسجية.
قربت عشق ومسكته من ياقة قميصه وقالت برفعة حاجب:
عرفت سرسجية دى منين يا ولا؟
سليمان بضحك:
شفت واحدة بتهزق واحد فى الشارع واحنا بنلف فى الشوارع فى زمنك وقالها بحب سرسجية فلقيتك عملتى زيها قلتهالك.
عشق بضحك:
لااا ده احنا اتطورنا اوووى.
سليمان بغمزة:
البركة فيك يا قمرررر.
عشق بقلق:
ايه احنا فينا من الحركات دى؟!
سليمان وهو بيسحبها فى حضنه:
انا اسعد واحد فى الكون النهاردة لإنى حققت حلم عمرى..الحمد لله رب العالمين.
عشق بإبتسامة بصّت له:
ربنا يخليك ليا يا سلطانى.
سليمان وهو بيحصنها بسعادة وبيدور بها تحت ضحكاتها:
بعشقك يا عشق السلطااااان.
بعد مرور خمس سنوات.
قام سليمان على شد شعره ووشه:
اصحى يا باااااابي يلا بقييييي عاوزين نفطر.
:يلا يا عم الحج انا جعااااان.
صحي سليمان بضيق:
يا عشققققققق.
فتحت عشق باب الأوضة وهي بتجري:
مالك يا حبيبي فى ايه؟
سليمان:
يعنى بدل ما اصحى علي ايدك وهى بتلعبلي فى شعرى ولا كلمتين حلوين كده أصحى على شد شعرى.
عشق بضحك:
مش ولادك الله.
سليمان بنبرة مضحكة وغاضبة:
بلا ولادي بلا بتاع بقا يا شيخه بقا في امييير اميييير المفرووض هيحكم مصررر مصررر بلد كاااملههههه والشااااام الشااااااام بلاد كاااملهههههه بيقول أنا جعاااانننن!!!!
عشق:
مالهم ما هُم كيوت وقمرات اهُم زعلان ليه بس..احلى امير واميرة اهُم.
سليمان:
امير واميرة ايه بس دول مبيتكلموش كلمتين عدلين على بعض وخناقات وضرب وبهدلة لبنات عمهم سالم وأى حد ميعجبهمش يقع تحت ايديهم.
عشق:
ده بس هزار يا حبيبي ..ما احنا علمناهم الفصحى والاتيكيت وبيتعلموا لسه وهيبقوا احلى ملك وملكة لمايكبروا بإذن الله.
آدم بثقة:
اننى اعرف كل شىء يا والدى العزيز وأتحدث الفصحى بطلاقة ولكن انا مزااااااجى كدههههه اتكلم وقت ما أحب زى ما أحب هه.
سليمان:
شايفة ابنك هيجننييييي.
جميلة بدلع:
خلاص بقي يا بابي متزعلش حقك عليا انا.
عشق:
شايف المنحنحة بنتك هتفقعنييييي.
سليمان:
طب والله ما في غيرها فالحة ايه رأيك بق.
عشق:
طيب يلا علي الأكل يلا.
سليمان بضحك ويخرج لسانه:
لاااء.
عشق بغيظ:
قوم يا سليمان قدامى انا مش ناقصة فقعة مرارة كفاية عليا نحنحة بنت.
سليمان بغيظ:
مش احسن من البلطجي اللى جنبك ده.
عشق وهى تحتضنه وهو يبتسم بسماجة لأبيه:
ده قلب ماما ده.
سليمان بغيظ:
والله!!! ماااشي يا عشق.
خرج الأولاد على أوضة الطعام فمسك سليمان إيد عشق وهو يقول:
جيبالى توأم عشان ياخدوكى منى وخصوصاً الواد الرخم آدم بتحبيه اكتر منى.
عشق بغيظ:
ماانت عندك ست جميلة الملزقة اللى خدت مكانى.
سليمان حضنها وقبّلها قبلة سريعة وهو يقول:
حبيبتي بتغير عليا من بنتها.
عشق وهى بتحاوط رقبته وتقبّله قبلة سريعة هى كمان:
ما حبيبي بيغير عليا من ابنه رغم ان حبه فقلبي ميتقارنش بمخلوق.
سليمان بحب:
عارفة اكتر حاجة بحبها فى البنت جميلة دى ايه؟!
عشق بغيظ:
ايه؟؟؟؟؟
سليمان:
انها شبهك حتة منك فبشوفك فيها.
عشق:
وده اللى بيخليني احضن آدم وأدلعه لإنه شبهك بالظبط عنده زتونتين زيك بس الاصل يغلب زتونتين حبيبي يدوخوا.
الاثنين بصوت واحد:
بحبك.
عشق:
يلا بقي الكل مستنينا على الاكل.
سليمان بحب:
يلا ياروحى.
نزل "المنح..نحين" على أوضة الطعام.
عند سالم وهيام.
ليلي:
مامي يا مامي إصحي بقا الله.
ليان:
ابويااعععع إصحاااااا.
سالم بفزع:
الله يخربيتك يا عشق خليتي عيالي سرسجية!!
ضحكت هيام وقالت:
اجل اجل ولكن يكفي صراخ.
ليلي:
يلا عشان اونكل سليمان بيقولكوا تيجوا للأكل.
ليان:
إيه اونكل دي متعدلي بُقك يا بت انتي.
سالم:
بقى دي اميرة!!! يلهوييييه.
هيام:
هيا هيا يا سالمون.
نزلوا على أوضة الطعام.
سالم بغيظ:
عاجبك كده يا عشق العيال باظوا وبقوا سرسجية.
عشق بضحك:
خلاص بقي يا سالم قلبك ابيض وبعدين ده احنا اتطورنا اوووى قعدتك معايا فى دروس العامية للعيال نفعت.
سالم:
صراحة اللغة دى غريبةةةة اوى والعربية الفصحى احلى منها بس لغة دمها خفيف واتعودت عليها بسرعة.
هيام:
ماذا تقولون؟!
عشق:
اهو كل ده عشان مبتحضريش مع جوزك والعيال متقلقيش انا وراكى وهديكي درس خصوصى يا هيام يا أوختى.
ضحك سالم وسليمان على استغراب هيام وعدم فهمها.
عشق:
لاتقلقي اختى هيام سأعلمك هذه اللغة قريباً لكى تفهمى علينا.
ابتسمت هيام وقالت:
شكراً يا عشق.
خلصوا أكل ونزلوا كلهم على الجنينة وكل واحد قاعد مع معشوقه.
سالم:
هيامى يا نور فؤادى وعمرى احبك.
هيام:
وانا لم اعرف معناً للحب سوا معك سالمى.
سليمان:
احم احم نحن هنا وحشتيني.
عشق خدت إيده وحطتها على قلبها وقالت:
انت مش بس هنا (قدام عنيها) انت هنا (قلبها) وحركت إيده لرأسها: و هنا (عقلها).. وحركت إيده لصدرها: وهنا (روحها وأنفاسها).
سليمان:
بعشقك يا عشق.
عشق:
بعشقك يا سليمانى.
وليه بيقرّب يبوسها لقى اللى بيحشر دماغه بينهم.
آدم برفعة حاجب:
انت بتعمل ايه!!!!
سليمان بغيظ:
امشي يالا انت من هنا يالا.
جميلة برقة:
مالك يا بابي زعلان ليه يا حبيبي؟
عشق بغيظ:
امشي يا بت انتى العبي بعيد مع بنات عمك اجري.
سليمان بضيق:
مبدهاش بقي النَفَس هنا بقي ضيق.
وأخد عشق وطلع يجري فى الجنينة والكل بيضحك عليهم لحد ما عشق عيونها وقعت على حد وقال:
عشق:
هيي نظر عصفورا الحب الآخران يا سليمان.
بص سليمان مكان ماعشق باصة وساف آسر واقف بسلمى تحت الشجرة وشكله بيتغزل فيها.
سلمي:
ياجعفر بقي.
جعفر:
متناديني بإسمي الحقيقي شوية.
سلمي بكسوف:
يا أسر إبعد!!
جعفر بضحك:
عيون أسر والله.
سلمي بكسوف:
أسر إب...
قاطعهم سليمان وعشق واتفزع الاتنين:
إقفش بتعمل إيه يلا منك ليها!!
جعفر (آسر):
يا شيخ حرام عليك قطعت خلفى عاوز أخاوى الواد.
سليمان وعشق بضحك:
خلاص يا عم فى ايه بنهزر معاك او بنرخّم ايهما اقرب.
طلع آسر يجري ورا سليمان وهو بيقول بغيظ:
هو انا ناقصكم مش كفاية الواد زين الغلس اللى انا مخلفه اللى قاعد فى وسطنا نهار وليل حرام عليكم عاوز استفرد ب البت شويةةةةة.
وساب سليمان وراح لسلمى يحضنها من الخلف وهى بتضحك بخجل:
يا آسر اتلم كسفتنا.
آسر:
انا حررر مرااااتى وبرااااحتى.
حضن سليمان وسالم زوجاتهما وقعدوا يدوروا بيهم تحت ضحكاتهم اللي بيعشقوها.
وجه الاطفال ومسكوا أيادي آبائهم وعملوا دائرة كبيرة وقعدوا يدوروا وينطّوا ويضحكوا بسعادة.