تحميل رواية «عشق المراد» PDF

يا ماما سبيني أنام شويا بليز.

نرمين: قومي يا بت، هأتأخري على الكلية.

نور: طب أنام شوية صغيرين طيب.

نرمين: هأعمل فطار تكوني جهزتي، مش فاضيالك أنا.

نور: أيوا ماشية.

نرمين جهزت الفطار ونور لسه نايمة.

نرمين: محمد، روح نادي لأختك دي مش عايزة تقوم، وأول يوم ليها كلية تروح متأخر. يا أخره صبري.

محمد: عيوني.

نور: أأأأعععع بنغرق.

محمد بضحك: لأ، أنتِ بس اللي بتغرقي.

نور وهي بتقوم: يخفة دم أمك يا جدع.

محمد بصوت عالي: ماما تعالي اسمعي بنتك بتقول إيه.

نور: اطلع برا يازفت.

محمد: خارج من غير إهانة.

نور قامت وأخدت دوش ولبست.

نرمين: هتمشي من غير فطار يا بنتي.

نور: معلش يا حبيبتي، هأفطر في الكلية عشان متأخرش.

محمد: طيب، لحظة هوصلك.

نور: أنجز ونبي.

محمد: أهو، يلا. عايزة حاجة يا ست الكل.

نرمين: خلي بالكوا من نفسكم.

محمد ونور في وقت واحد: حاضر يا أمي.

نور ركبت جنب محمد ومافيش كلام لحد ما وصلوا.

محمد: انزلي يلا، وخلي بالك من نفسك.

نور: حاضر يا بي.

نور نزلت ودخلت الكلية وماشية تايهة وخبطت في واحد.

نور: مش تحاسب يا عم أنت.

مراد: أنا اللي أحاسب؟ ربنا يهديكي.

نور: لأ، استني عندك، يهدي مين ده، أنت أعمى وغبي كمان، أنت شايفني متعفرتة ولا متعفرتة إيه الهطل ده.

مراد: لأ، دا كده كتير، أنا مش فاضيلك. ومشي وسابها.

نور بتكلم نفسها: إيه ده، غبي بصحيح.

مني بصوت عالي: نوووور!

نور بتريقة: نعمممم.

مني: بتتريقي على إيه؟ بقالي ساعة بناديلك وأنتِ في عالم تاني.

نور: أنا جعانة.

مني: طيب نحضر المحاضرة دي بس وبعدين ناكل، عشان بيقولوا الدكتور ده رخــم ولو أتأخرنا مش بعيد يطردنا.

نور: ربنا يستر، يلا يا أختي.

دخلوا قعدوا في المدرج.

مني: ألا قوليلي يا نور.

نور: .......

مني: نور.

نور: .......

مني: نوووووور!

نور: يا بنتي اتكلمي بصوت واطي لله يخليكي.

مني: أنتِ سرحانة في إيه يا عسل.

نور بسرحان: دا مُز أوي.

مني: هو مين؟

مراد: السلام عليكم.

نور بهمس: وإيه اللي جابه هنا ده.

كلهم ردوا السلام.

مراد: أعرفكم بنفسي، أنا دكتور مراد، هأدرسلكوا مادة العلوم.

نور: يا الله، مادة جامدة، هيشرحها دكتور أجمد.

مراد بزعيق وهو بيبص لنور: مبحبش حد يتكلم وقت ما أنا بتكلم، ولو حد عايز يتكلم يتفضل من غير ما أطرد.

نور بصوت مسموع: وأنا مالي يا لمبي.

مراد بعصبية: إحنا هنهزر ولا إيه، اتفضلي بره.

نور: طب المحاضرة الجاية، ميصحش من أولها كده.

مراد بزعيق: سمعتي قولت إيه.

مني بهمس: اتأسفي، اتأسفي.

نور بدموع: مش هتأسف، أنتِ مالك أصلاً. وخرجت.

مراد: أتعرف بأساميكم بقى.

كلهم قالوا أساميهم.

مني: اسمي مني.

مراد: بتعيطي ليه؟ حد ضايقك؟

مني: لأ.

مراد: تمام، نبدأ شرح، ويا ريت لو هتكملي عياط تطلعي تعيطي بره.

مني: تمام، شكرا. وخرجت.

مني: نور، أنتِ بتعيطي ليه؟

نور: متتكلميش معايا.

مني: هو أنا مالي.

نور: أنا جعانة.

مني بضحك: حتى وأنتِ بتعيطي.

نور: أه، صحيح، أنتِ خرجتي ليه.

مني: دا دكتور مراد ده بارد أوي.

مني: مسمحلكيش على فكرة، بقَ هأقول.

نور: بسم الله، هما بيطلعوا منين دول.

مني: والله معرفش يا أختي.

نور: أنتِ كده هتخوفينا يعني؟

مني: طيب، والله لـ أروح له حالا. ومشيت.

مني: هناكل إيه؟

نور: شاورما، قبل ما نطرد من الكلية.

مني: طيب، هأقوم أجيب.

نور: أشطا.

مراد بعصبية: أنتِ يا زفتة، مش تخبطي.

مني بدلع: يا مراد يا حبيبي، أنا مش أي حد.

مراد بعصبية وقرف: مش ناقص. طيب، على العموم، البنتين اللي أنتِ طردتيهم بيشتموكم.

مراد: طيب، روحي ناديهم.

مني: ماشي.

مني: بت يا نور، محمد أخوكي عامل إيه؟

نور: وأنتِ مالك بأخويا ياستي.

مني: أوف بقى يا نور.

مني: يا... الدكتور مراد عاوزكم في مكتبه.

نور: اسمي نور يا سكرة، وهي اسمها مني.

مني: ميشرفنيش أعرف أصلاً.

نور: ده يشرفك غصب عن اللي جابوكي يا روح أمك.

مني: تعالي بس نروح للدكتور ده نشوف عاوز إيه، وبعدين نجيلها نعرفها قيمتها.

نور: يلا بينا. وطلعوا.

نور: خبطي وادخلي أنتِ بقى يا أختي.

مني: لأ، أنتِ، ونبي، وهدخل في دهرك على طول.

بعد نقاش طويل.

نور: خبطي.

مراد: ادخل.

نور: السلام عليكم.

مراد: وعليكم السلام، خير.

مني: أصل فيه واحدة جت قالت إنك قولتلها تقـولنا.

مراد: قاطعها وقال: أه، أنتوا اللي شتمتونــي.

نور: أنا مش شتمت.

مني: وأنا قولت إنك بارد.

مراد بعصبية: صريحة أوي.

نور: هو حضرتك بتطردنا من أول محاضرة لينا، وعاوزنا نقول إيه يعني.

مراد بزعيق وقام وقف: ......

مراد بزعيق وقام وقف: أنتِ تخرصي خالص.

نور بهمس: لميني، هو دا ماله؟

دامراد: مجنون.

نور بخوف: أنت سمعتني؟

مراد: دكتور، إحنا بنعتذر.

نور: اتكلمي عن نفسك.

مراد: اعتذارك مقبول، اتفضلي.

برامني: يلا يا نور.

مراد: أنتِ لوحدك.

نور بخوف: يعني إيه؟

مراد: عاوزك، أما نشوف هتعتذري ولا لأ.

مني: نور انجزي، اعتذري، مش وقت كبرياءك دا.

نور بتحدي: مش هعتذر.

مراد بزعيق وكلامه موجه لمني: برااا.

مني بخوف: حاضر.

خرجت مني، وقعد مراد.

نور: ها، هتفضل كدا كتير؟

مراد حط رجله على المكتب في وشها عشان يضايقها: ولحد ما تعتذري.

نور بغيظ: مش هعتذر، أنا مغلطش.

مراد: لأ، غلطتي.

نور: مغلطتش.

قطع كلامهم رن فون مراد.

مراد: أيوا يا حبيبتي.

كاميليا: أي يا حبيبي، هتيجي امتى؟

مراد: ساعة وهكون عندك، أجيبلك حاجة وأنا جاي.

كاميليا: لأ يا حبيبي، خلي بالك من نفسك.

مراد قصد يضايق نور: عيوني.

نور بتفكير: هو متجوز دا، مش باين عليه خالص.

مراد: أنا عارف إن أنا مز.

نور: أفندم.

مراد: بقولك، عارف إن أنا مز.

نور: وأنا مالي.

مراد: اعتذري عشان مش فاضيين.

نور: وأنا كمان والله ما فاضية.

مراد: طيب، مستنية إيه؟

نور بتريقة: الأذن عشان أخرج حضرتكم.

مراد: اعتذري.

نور: لأ.

مراد: الظاهر إنك حابة القعدة معايا، وأنا مش فاضيلك خالص.

نور بزعيق: الزم حدودك معايا.

مراد: صوتك ميعلاش، بدل ما أقطعلك لسانك.

قطع رد نور الفون بتاعها بيرن برقم غريب.

نور: ممكن أرد.

مراد: افتحي الاسبيكر.

نور: وأنت مالك؟

مراد قطع كلامها: انجزي.

نور: ردت وفتحت الاسبيكر زي ما قالها، ومتكلمتش لحد ما لقيتها بنت بتتكلم.

نور: السلام عليكم.

البنت: وعليكم السلام، حضرتك دا ميعاد شغلك، والنهاردة أول يوم، مش مسموح بتأخير.

نور: حاضر.

قفلت.

نور: ممكن أروح الشغل عشان حضرتك سمعت أهو.

مراد بجدية: المرا دي أنا عدّيتها عادي، بس صدقيني لو اتكررت تاني مش هتفضلي في الكلية أصلاً، فبلاش تتحديني أنا. يلا برا.

خرجت نور وفضلت إنها متردش عليه عشان مش حابة تتأخر على الشغل.

خرجت برا الكلية ووقفت تاكسي ونزلت عند الشركة ودخلت.

نور: السلام عليكم.

هنا: وعليكم السلام، حضرتك الآنسة نور.

نور: أه، أنا.

هنا: طيب، المدير لسه موصلش، بس أكيد على وصول، اتفضلي انتظري هنا.

نور: تمام، شكراً.

وقعدت تتفرج على الشركة وعلى حجمها.

بعد ساعة من الانتظار.

نور: هو مش حضرتك كلمتيني وقولتيلي إنو مش مسموح التأخير، أومال هو فين؟

هنا: حضرتك، أنتِ جاية تشتغلي، مش تتأمري. اتفضلي ادخلي، وشاورت على المكتب، هو دا مكتب.

نور بقرف: تمام.

نور خبطت.

مراد: ادخل.

نور: السلام عليكم.

مراد: وعليكم السلام.

نور: أنتَ.

مراد: هاتي الملف بتاعك.

نور بصدمة: اتفضل.

مراد: تمام، استني من السكرتيرة تليفون بالقبول أو بالرفض.

نور: تمام، شكراً، بس أنا كنت فاكرة إن هيبقى في شغل النهاردة.

مراد: لأ، مفيش.

نور: تمام، شكراً.

وخرجت.

علي بتصفيرة: أوعى أي القمر دا.

نور: أفندم.

علي: بقولك قمر.

نور: الظاهر إنك مجنون.

علي: أنا مجنون.

نور: أه، أنتَ.

ولسه هتمشي مسك إيدها.

علي: على فين يا بطة.

نور بـ إيدها التانية وقلم يستاهل وش.

علي بزعيق: أنت اتجننت.

خرج مراد من المكتب ولقى علي ماسك إيد نور.

مراد: أي المهزلة دي.

نور بزعيق: سيب إيدي ياحيوان.

علي: مش هسيبه.

مراد بعصبية: ضرب علي بوكس وقع في الأرض.

نور بعياط: شكراً.

مراد وعيونه حمرا: أمشي من وشي.

نور مشيت بتعيط وتلعن اليوم اللي شافته فيه.

نور مشيت تعيط وتلعن اليوم اللي شافته فيه.

وقفت تكس وروحت البيت ومسحت دموعها.

نور: السلام عليكم، ازيك يا ماما؟

نرمين: الحمد لله يا حبيبتي، مالك؟ أنتِ معيطة ولا إيه؟

نور: لاء مش معيطة، أنتِ عامله أكل؟

نرمين: مالك يا نور؟

نور: مفيش يا حبيبتي، هيا بس حاجة دخلت في عيني.

نرمين: طيب، هقوم أجهز الأكل عقبال ما أخوكي ييجي. ادخلي غيري هدومك.

نور: حاضر يا ماما.

علي: في إيه يبني؟ كل دا عشانها؟ أنت شكلك وقعت ومحدش سمي عليك.

مراد: علي، بدل جنان دا، مكان شغل ومكان محترم جداً. لو هتفضل كدا، فتمشي من غير مطرود.

علي: يعم، أنت ناسي إن أنا ليا في الشركة زيك بالظبط.

مراد: هخلصلك حقك يا علي.

علي: وأنا مش موافق.

مراد: مش بمزاجك، أنا هتكلم مع بابا النهارده.

علي: برضه مش موافق.

مراد بتحدي: هنشوف.

وخرج برا المكتب، بل من الشركة بأكملها وركب عربيتة وراح ع البيت.

وصل قدام قصر جميل جداً.

وده بقى قصر عائلة الدمنهوري.

فريدة: مراد يا حبيبي، عامل إيه؟

مراد: بخير يا حبيبتي. أومال فين جدي؟

فريدة: نايم.

مراد: هو كويس؟

فريدة: الحمد لله. أبوك في المكتب وقال أما تيجي تروحلوا.

مراد: حاضر.

ودخل.

مراد: السلام عليكم.

زين: وعليكم السلام، ادخل.

مراد: خير يا بابا؟

زين: كنت عاوز أجيب شركة لعلي عشان يبقى مسؤول عن نفسه، وأسيبك في الشركة دي تبقى بتاعتك، عشان شايفك إنها وهوا معاك فيها، أنت اللي قايم بكل حاجة.

مراد: لو صبر القاتل على المقتول، كان هيموت لوحده.

زين: كنت عاوز تاخد الشركة ليك لوحدك؟

مراد: آه، بس كنت هديله حقه.

زين: لاء، حقه عندي أنا، مش عندك أنت. كدا كدا الشركة دي جدك كتبها باسمك، بس عشان الكره والحب قولنا تبقى مع بعض.

مراد: طيب، أنت ناوي تبني الشركة أنت ولا تشتريها؟

زين: جدك مش هيسمح نشتريها. أنا من رأيي أحول لعلي كل الفلوس اللازمة وأسيبه يعمل اللي هو عايزه.

مراد: كدا مش هيعمل شركة، دا هيعمل كباريه.

زين: ربنا يهديه.

علي: أنا مش موافق إنه ياخد الشركة.

زين: مين سمح لك تدخل؟

علي بزعيق: أنا سمحت لنفسي.

زين: وبتعلي صوتك على أبوك كمان؟

علي: وعلى أي حد يقف في طريقي.

زين: اطلع برا يا علي، مش عاوز أشوف وشك.

مراد: اقعد كدا يحاج واهدي، بس متعصبش نفسك. علي استنى رايح فين؟ تعالي كدا اقعد ونتفاهم. الزعيق مش هيجيب حل.

زين: أنا مش هتكلم معاه، دا حيوان مبيطمرش فيه.

علي: أنتو طول عمركم بتفضلوا مراد عني، أصلاً أنا عارف إن رأيي مش هيغير حاجة، بس أنا فعلاً همشي ومش هتشوفوا وشي تاني.

علي لسه هيخرج، زين مسكه وتك قلم.

مراد: عن إذنك يا حاج.

وخرج.

زين: مبسوط كدا؟

علي: بصراحة آه.

زين: تعرف إن مراد بيحبك أكتر من نفسه، وأنت والله ما تستاهل أصلاً. بس أقولك إيه؟ أنا غضبان عليك ليوم القيامة، ومش هتقعد في البيت دا ثانية ثانية، برااااا.

الدمنهوري: في إيه يولدي بتزعق ليه؟

زين: قرفني.

الدمنهوري: حصل إيه؟

زين: حكاله كل اللي حصل.

الدمنهوري: أنا مش عارف أقولك إيه، بس مهما كان دا ابنك.

زين: متقولش كدا، دي مش تربيتي.

الدمنهوري: خير إن شاء الله، يومين ويرجع، دا عامل شبه العيال.

زين: ربنا يهديه.

مراد بيخبط ع الباب، تقريباً دا أكتر باب كل ما بيتعب بيدخله.

مراد يخبط على الباب.

تقريبًا ده أكتر باب بيدخل فيه كل ما بيتعب.

نيرا: ادخل.

مراد: وحشتيني.

نيرا: وانت كمان، فينك بستناك من بدري.

مراد: كان في موضوع كده كنت بخلصه مع باب.

تعرفوا على نيرا.

نيرا دي بنت جميلة محجبة، وطبعًا بأمر من مراد عندها 19 سنة.

مراد شايف إنها أكبر وأعقل بكتير من 19 سنة، وعشان كده هي أقرب حد ليه.

عارفة عنه كل حاجة وهو عارف عنها كل حاجة.

ومراد مانع إنها تخرج برا الأوضة طول ما علي موجود، عشان ساعات مش بيكون في وعيه ومرا بيخاف عليها أوي.

وشايف إنه مش بس أخوها، لأ ده أبوها.

وهي كذلك بتعشق مراد.

نيرا: يعني بابا كان بيزعق عليك؟

مراد: لأ، وحكالها اللي حصل.

نيرا بدموع: أكيد هيرجع تاني صح؟

مراد: أكيد، واخدها في حضنه. بتعيطي ليه بس دلوقتي؟ المهم، أنتِ البرد راح؟

نيرا: آه.

مراد: يعني هتنزلي الكلية من بكرة إن شاء الله؟

نيرا: إن شاء الله. أنا بجد قلقانة عشان هبقى لوحدي.

مراد: أنا هبقى معاكي يا حبيبتي، متقلقيش.

نيرا: حاسة كده إنك وقعت ومحدش سمي عليك.

مراد: مش عارف.

نيرا: طب احكيلي.

مراد: جميلة. لاء، جميلة دي قليلة. بصي، هي مدارية كل حاجة فيها تقريبًا، ناقصها النقاب وتبقى كملت جمالها. مش قادر أوصفه بجد. شوفتها وكأني أول مرة أشوف بنت في حياتي. حاسس إنها فعلًا مختلفة، محترمة وعنيدة، بس مش هادية خالص. بس خطفت قلبي. والمفاجأة بقى إنها عندها 19 سنة وفي كلية طب، يا معلم.

نيرا: الله! هصاحبها دي. هتبقى أختي، بس يارب تحبني.

مراد: مش هسمح لحد ياخدك مني.

نيرا: بليزززز، محتاجة أصاحب واحدة على الأقل.

مراد: وأنا موافق، بس تكون هي.

نيرا: اسمها إيه؟

مراد: نور.

نيرا: زوجة أخي هتبقى اسمها نور؟ يا جماله.

مراد: يمكن أقدر أنساه.

نيرا: طب ليه حبها؟ وادي لقلبك فرصة.

مراد: مش عاوز.

نيرا: وحياة أغلى حاجة عندكم.

مراد: هو أنتِ أغلى حاجة عندي.

نيرا: طيب، وافق بقى.

مراد: هحاول.

نور نايمة وماسكة الفون.

مش معقول، بقالي تلت ساعات معرفتش غير إن عنده 30 سنة. ده أكيد عمره ما يفكر يحبني، ده هو يخلفني.

ياربي بقى، ما إن شاء الله يقبلني في الشغل وأعرف عنه كل حاجة.

نيرا: سرحانة في إيه؟

مراد: هيا. مقدمة تبقى السكرتيرة بتاعتي. أرفض عشان مش عاوزها تشتغل.

نيرا: لاء طبعًا، وافق عشان أكيد هتشوف شغل تاني وكده هتبقى سكرتيرة حد تاني.

مراد: تصدقي، يخرب عقلك. يلا يا أروبة ننام عشان هنصحى بدري.

نيرا: تصبحي على خير.

مراد: وأنتِ من أهل الخير يا عسل. وخرج وراح أوضته.

أشرقت شمس يوم جديد على أبطالنا.

مراد قام وخد شاور ولبس وخرج يصحي نيرا.

نور صحيت متأخر زي عادتها، وخدت شاور وخرجت.

نرمين: مش هتفطري برضه؟

نور: هفطر في الكلية يا حبيبتي. فين محمد؟

نرمين: جه امبارح متأخر ولسه نايم.

نور: ماشي يا حبيبتي، بايع.

نرمين: خلي بالك من نفسك.

نور: حاضر. خرجت، أخدت تاكس وراحت الكلية ودخلت قعدت في الكافتيريا وطلبت فطار.

مني: مش عيب تاكلي لوحدك؟

نور: عاملة حسابك، يلا اقعدي كُلي.

مراد: يلا يا حبيبتي انزلي. تحبي أدخلك المدرج ولا تروحي الكافتيريا شوية؟

نيرا: هروح الكافتيريا أشرب قهوة.

مراد: طيب، خلي بالك من نفسك. ولو أي حد ضايقك، رني علي.

نيرا نزلت ودخلت الكلية.

نور: هرد على الفون وأجيلك.

مني: ماشيين.

نور: السلام عليكم.

البنت: وعليكم السلام. حضرتك اتقبلتي في الشغل وشغلك هيبدأ من النهاردة الساعة 3 إن شاء الله.

نور: تمام، شكراً.

نور: مش تحاسبي؟

نيرا: أنا آسفة والله، ما أخدتش بالي.

نور: تمام، ولا يهمك. ده أول يوم ليكي؟

نيرا: بصراحة آه، ومش عارفة أي حاجة هنا.

نور: طيب، أنتِ عايزة تروحي فين؟

نيرا: كنت عايزة أدخل الكافتيريا أشرب قهوة، بس الظاهر إننا هنتأخر على المحاضرة. أنتِ اسمك إيه؟

نور: اسمي نور، وأنتِ؟

نيرا بابتسامة: عاشت الأسماء، أنا نيرا.

نور: طب لحظة، أنادي مني ونروح المدرج عشان كده هنتأخر. أنتِ عارفة المدرج بتاعك فين؟

نيرا: آه.

نور: تمام.

مني: يلا عشان هنتأخر.

نور: يلا، تعالي يا نيرا.

ودخلوا نفس الدرج.

نور: إيه ده؟ أنتِ معانا؟

نيرا: آه.

مني: مين دي يا نور؟

نور: دي نيرا، لسه متعرفة عليها.

مني مدت إيدها لنيرا: أنا مني.

نيرا: اتشرفت بمعرفتكم.

مراد: السلام عليكم. أنا هاخد مكان دكتور نادر عشان هو مقدرش يحضر النهارده، وإن شاء الله يبدأ معاكم المحاضرة الجاية.

نور بهمس: يادي النيلة السودا.

مراد خلص شرح وقام. نيرا سألتها ونيرا جاوبت كويس.

مراد: برافو عليكي يا نونا.

كل المدرج كان مستغرب.

مراد مكنش يقصد، بس هو متعود يقولها يا نونا.

مراد: نسيت أعرفكم، نيرا زين الدمنهوري، تبقى أختي.

مني بصت لنور بصدمة.

مراد: آنسة نور.

نور بخص: عملت إيه تاني؟

مراد تجاهل وسألها سؤال.

نور جاوبت كويس بس كانت خايفة.

مراد: برافو عليكي يا نور.

نور بفرحة: شكراً.

مراد: وبكده تكون المحاضرة خلصت. وخرج.

نور ونيرا وملك خرجوا.

نور: أنتِ مش جعانة يا نيرا؟

نيرا: هروح أجيب فلوس من مراد عشان نسيت الفلوس في البيت، وأجي. تعالوا معايا عشان معرفش المكتب.

نور: أنا معايا، تعالي بس ناكل الأول وبعدين نشوف موضوع الفلوس ده.

نيرا: بليز، حد يجي معايا.

مني: روحي أنتِ يا نور عشان ترتاحي، وأنا هطلب أكل لحد ما تيجي.

نور: اوكي، اطلبيلي شاورما فراخ.

نيرا: وأنا كريب كفتة.

مني: عيون.

نور ونيرا طلعوا.

نور: ادخلي، وأنا هستناكي هنا.

نيرا: لاء طبعًا، هتدخلي معايا.

نور: بصي، بصراحة بخاف.

نيرا: طيب، عشان خاطري.

نور: ادخلي يا ست نيران.

نيرا خبطت ودخلت، ونور دخلت وراها.

مراد: حبيبي، في حد مضايقك ولا إيه؟

نيرا: لاء، محدش ضايقني بس أنا نسيت الشنطة في البيت، وهي كان فيها الفلوس.

مراد طلع من جيبه حوالي 500 جنيه وعطاهم لها.

نيرا طلعت منهم 200 وبترجع له الباقي.

مراد بزعيق: برا يا نونا.

نور: طيب، ليه ما كنا حلوين؟

مراد بضحك: إحنا حلوين في كل الأوقات.

نيرا: أيوه طبعًا.

نور وهي بتبص لمراد: يلا ربنا يهديك.

مراد: خلي بالكوا من نفسكم، ولو احتاجتوا أي حاجة، تعالوا.

نيرا: حاضر. وخرجت ونور اكتفت بابتسامة.

مني: وأخيرًا! ساعة حضراتكوا، كنتوا بتعملوا إيه كل ده؟

نور: أهم حاجة الأكل جه، أنا هموت من الجوع.

نيرا: وأنا كمان والله.

وأكلوا وحضروا باقي المحاضرات وروحوا.

ونور راحت على الشركة.

وصلت 3 ونص.

نور: مراد بيه موجود؟

السكرتيرة: أه، أقولوا مين؟

نور: قوليلوا نور.

السكرتيرة: أنتِ السكرتيرة الجديدة؟

نور: آه.

السكرتيرة بقرف: وجاية متأخرة نص ساعة ليه؟

نور: وانتِ مال أمك أنتِ؟

السكرتيرة: مش مسموح بتأخير، اتفضلي بره.

نور بزعيق: يا دكتور مراد، يا دكتور مراد.

مراد بعصبية: إيه الدوشة دي.

السكرتيرة: بقولها مش مسموح بتأخير، مش عاوزة تمشي.

مراد: ومن إمتى وإنتي اللي بتقرري مين يمشي ومين يقعد.

السكرتيرة: آسفة.

مراد: اعتذري لنور.

السكرتيرة: آسفة يا نور.

مراد: اتفضلي يا نور، ادخلي.

دخل قبلها وقعد.

مراد: اقعدي، خايفة كده ليه؟

نور: لأ عادي، فين الملفات بتاعتكم؟

مراد: بصي هناك كده.

وأشار عليهم.

نور: تمام.

قامت أخدتهم وقعدت على الكنبة تدرسهم، وعرفت إنه أكبر رجل أعمال في الشرق الأوسط، اسمه مراد زين الدمنهوري، عنده 30 سنة، كلمته بتمشي على الكبير والصغير، والكل بيعملوا له ألف حساب، شهرة وفلوس وجمال، ده أنت مش محروم من حاجة.

مراد: بتقولي حاجة؟

نور: احم، لأ، أنا قرأتهم.

مراد: تمام، والمواعيد وكل حاجة من بكرة إن شاء الله.

نور: تمام.

وخرجت أخدت تاكسي وروحت.

نرمين: يلا اقعدي، الأكل سخن.

نور: قعدت تاكل. وحشتني يا واد يا محمد.

محمد: وإنتي كمان والله، إمتى الإجازة تيجي؟

نرمين: لسه الدراسة بدأت عشان تيجي الإجازة.

نور: آه والله يا ماما، ده غريب.

نور: تصبحوا على خير.

نرمين ومحمد: وإنتي من أهل الخير.

نور: دخلت أخدت شاور ونامت على طول.

مراد رجع راح لنيرا، لقاها نامت، دخل أخد شاور ونام هو كمان.

عدى أسبوع على أبطالنا.

نور ومراد أخدوا على بعض أكتر من الأول.

ونيرا ونور بقوا صحاب أوي.

ونور بقت عارفة كل حاجة عن نيرا، ونيرا بقت عارفة عن نور كل حاجة.

بس نور خايفة تقولها إنها معجبة بمراد.

نرمين: قومي يلا يا نور، كفاية نوم كده، هتفضلي نايمة للعصر يا بنتي.

نور بخضة: هتأخر على الكلية.

نرمين بضحك: النهاردة الجمعة، عندك شغل ولا لأ؟

نور: في حفلة تبع الشغل.

نرمين بقلق: لازم يا بنتي الحفلة دي.

نور: حاولت مع مراد والله، وهو بيقولي مينفعش.

نرمين: طيب قومي يلا ناكل.

نور: حاضر.

وقامت أخدت شاور ولبست بيجامة وخرجت، وكانت نرمين جهزت الغدا.

نور قعدت تاكل والجرس رن.

نور: خليكم، هقوم أنا.

وقامت فتحت.

مراد.

نور: دكتور مراد، اتفضل.

مراد: لأ شكراً، بس جبتلك الفستان ده عشان تلبسيه في الحفلة، المرة الجاية هجبلك إسدال.

نور ركزت هي لابسة إيه، وقفل الباب في وشه ودخلت تلبس الإسدال.

نرمين: مين يا بنتي؟

نور: .....

محمد: مين يا جموسة؟

نور: .....

نور لبست الإسدال وخرجت فتحت.

مراد: أنا يتقفل في وشي الباب.

نور: آسفة.

مراد: أيوة كده، هو ده اللبس اللي بتفتحي بيه الباب. اتفضلي الفستان.

نور: بس أنا مش بحب الحاجات بتاعت الحفلات والشغل الضيق والحاجات دي.

مراد: أكيد يعني مش هجبهولك ديق.

وسابهولها ومشي.

نور: أوف، كل مرة مش بيستنى يسمع ردي وبيمشي.

ودخلت.

نرمين: إيه اللي في إيدك ده؟

نور: فستان مراد جابه عشان ألبسه في الحفلة.

محمد: أنا مش مرتاح لمراد.

نرمين: ولا أنا.

نور: كفاية، أنا مرتاحة.

محمد قام مسكها من شعرها.

محمد: بتقولي إيه؟

نور بضحك: حرام عليك، بيوجع، ارحمني.

محمد: أيوه كده.

نور: طيب يلا بقى، هروح أجهز أنا.

دخلت الأوضة، فتحت الفستان، وكان لونه أزرق ستان، وجايب معاه خمار أزرق وحزام أسود وهيلز أسود.

نور: يخرب عقلك، ذوقك بيجنن.

نور لبست ومحطتش أي مساحيق تجميل، وكانت جميلة فعلاً، وقعدت تستناه يجي.

نور لنفسها: هو فيه سكرتيرة بتبقى مدلعة الدلع ده كله؟ ده لو خطيبته مش هيعمل كل ده.

قطع تفكيرها رنة تليفونها، وكان مراد.

نور: السلام عليكم.

مراد: وعليكم السلام، ممكن تطلعي ولا أفضل برا كتير؟

نور: إنت برا من زمان بجد؟

مراد: آه.

نور: وأنا يعني كنت هعرف منين، لحظة وهخرج لكم.

مراد: لسه هستنى لحظة كمان.

نور: افندم.

وقامت خرجت وفتحت الباب، لقته راكن على العربية ولابس النضارة.

مراد: ......

مراد خلع النظارة: أوف، يخربيت جمدان أمك.

نور بابتسامة: بجد؟

مراد: مش أوي.

نور بحزن: تمام.

مراد: يلا، اركبي.

نور رايحة تركب ورا.

مراد: شايفاني السواق بتاعك ولا إيه؟ اركبي قدام.

نور ركبت وهي ساكتة، ومراد اتحرك.

مراد: الحفلة دي مهمة أوي، عاوزك تكوني حريصة على أفعالك.

نور بعدم فهم: تمام.

مراد وقف قدام القصر بتاع عيلة الدمنهوري.

نور بخوف: أنت وقفت هنا ليه؟

مراد: هقلك، يعني أنتِ خايفة كده ليه؟ هجيب نيرة.

تليفون مراد رن.

مراد: ادخلي ناديها لحد ما أخلص المكالمة دي.

نور لسه هتتكلم، كان مراد رد وبعيد عنها.

نور: ياربي.

ودخلت القصر.

فريدة: اتفضلي يا بنتي، أنتِ مين وعايزة إيه؟

نور: طنط، معلش ممكن تنادي نيرة؟

فريدة: مش هينفع تخرج غير ومراد موجود هنا.

نور في نفسها: إيه الناس الغريبة دي.

نور: مراد بره وهو اللي قال لي أناديها.

فريدة: طيب، اطلعيلها فوق يا حبيبتي، وعرفتها مكان الأوضة.

نور: حاضر.

نور طلعت وخبطت.

نيرة: ادخلي.

نور: السلام عليكم.

نيرة: وعليكم السلام.

نور: ها، خلصتي؟

نيرة: آه، بس قوليلي إيه الجمال ده كله؟

نور: ده جمالك يا روحي، يلا عشان مراد تحت.

نيرة: يلا.

ونزلوا.

مراد: إيه كل ده؟ ساعة!

نيرة: معلش يا حبيبي، يلا بقى عشان متتأخرش.

نور: يلا.

نيرة: طيب، اركبي، ولحظة يا مراد وجاية، هجيب موبايلي عشان نسيته.

مراد بضحك: يخرب عقلك.

نور راحت تركب ورا.

مراد في نفسه: يعني طلعت عشان تركبي أنتِ قدام، وبرضو رايحة ورا، يارب صبرني.

مراد بصوت مسموع: ما قولنا مش أنا السواق بتاعك.

نور: ما نيرة هتيجي تركب قدام.

مراد بزعيق: انزلي يا نور، انزلي.

نور: ده جنان واللهم.

مراد: بتقولي حاجة؟

نيرة وهي بتركب: أنا جيت.

مراد وهو بيبص لنور: نورتي يا جميلة.

نيرة بخبث: ده الظاهر كده إنو نورها.

مراد: أول مرة تقولي حاجة صح.

نور: نيرة، رني على موبايلي كده معلش.

نيرة: مش معايا رصيد، أنتِ نسيتيه أنتِ كمان ولا إيه؟

نور: مش عارفة، بس أنا فاكرة إن أنا جبته معايا.

مراد: خرج التليفون بتاعه، خدي اكتبي الرقم ورني عليه.

نور كتبت الرقم، بس الصدمة.

كتبت الرقم بس الصدمة إنها لقتُه متسجل (الباردة اللي مدوخاني).

نور بصدمة: أنا باردة.

مراد: بتكلمي نفسك.

نور: لأ بكلمك.

مراد: بتقولي إيه.

نور: بقولك أنا باردة.

مراد: دا أنتي مجنونة مش باردة بس.

نور لفت الفون ليه: دا إيه دا.

مراد بيتذكر: دا رقم مين.

نيرا فهمت وحبت تلطف الموقف: رنيتي يا نور.

نور: لأ.

مراد: طب رنّي.

نور بعياظ: ماشي.

ورنت ولقيت الفون تحت رجلها.

مراد (في نفسه): يعني كان لازم تديها هي اللي ترن، ما كنت ترن أنت، أديك سخمتها.

نور (في نفسها): يعني كدا مش حب من طرف واحد.

مراد: وصلنا، يلا انزلوا.

نور ونيرا نزلوا.

مراد نزل وأخد إيد نيرا، ونيرا ماسكة إيد نور، دخل بيهم وقعدوا.

نادر: ازيك أستاذ مراد.

مراد: الحمد لله.

نادر مد إيده لنور يسلم عليها.

مراد مد إيده سلم عليه: مش بتسلم على رجالة.

نادر: آه تمام.

ومشي مكسوف.

نيرا: نوووور.

نور: إيه يا بنتي براحة.

نيرا: ساعة بناديكي.

نور: ما خدتش بالي.

نيرا: سرحانة في إيه بقى.

نور: هو في حد غيره.

نيرا: هو مين.

نور: مراد.

مراد: بتتكلموا عليا؟ بتقولوا إيه بقى.

نور بتركيز: هاني.

نيرا: كانت بتسأل أنت رحت فين.

نور: أهم.

مراد بعدم تصديق: امم تمام.

نور: الحفلة هتخلص امتى؟ أنا كدا هتأخر أوي.

مراد: طب يلا نروح.

نيرا: طب اسبقوني وأنا هسلم على صاحبتي وجاية.

مراد بهمس ليها: دا أنتِ مش إيلك حل بجد بقى.

نيرا بابتسامة: إحنا أي خدعة.

مراد: يلا يا نور.

نور: يلا.

وخرجوا.

نور: أركب فين.

مراد: قدام.

نور مكنتش فايقة عشان كدا معلقتش وركبت.

مراد: مالك.

نور: مفيش.

مراد: مش باين عليكي.

نور: لأ، شوية صداع مش متعودة على جو الحفلات ده.

مراد: آه.

وفتح حاجة كدا في العربية وخرج برشام صداع.

نور: شكراً، أما أروح هاخُد في البيت.

مراد: أكيد يعني مش هبقى جايب لك من بره.

نور: مش قصدي والله، بس أنا أما بكون تعبانة وباخد برشام بدوخ وبنام.

مراد: أهم حاجة هترتاحي في الآخر.

نور: آه، بصحى كويس.

مراد: طيب خوديه.

نور: مش هينفع.

مراد: اسمعي كلامي مرة في حياتك.

نور عشان فعلاً تعبانة ومش قادرة تتكلم أخدته منه وشربته وبدأت تغمض عينيها.

نيرا: يلا يا اسطى نروح.

مراد: هششش.

نيرا بصدمة: أنت عملت فيها إيه.

مراد: معملتش حاجة، عطيتها برشام صداع ونامت.

نيرا: إحنا هنتهزر.

مراد: خلاص بقى عشان متصحاش.

نيرا: اومال أنت هتروحها إزاي.

مراد: مش هروحها.

نيرا: لأ استحالة.

مراد: هو إيه اللي استحالة يا بنتي، فرصة.

نيرا بدموع: حرام عليكم.

مراد: ليه يا بنتي.

نيرا: عشان خاطري بلاش.

مراد: ليه.

نيرا: هو إيه اللي ليه، مش أنت بتحبه.

مراد: أيوا يا بنتي، انزلي.

نيرا: هاجي معاك توصلها.

مراد: مش هروحها، أنتِ بتفهميني.

نيرا: حرام تعمل معاها كدا، دي طيبة والله.

مراد: براحتك.

نيرا بصراخ: وسع جدا، أنا هصحيه.

مراد: صوتك.

نيرا: وحياتك عندك لأ.

مراد: يا بنتي لو مش عاوزاها تنام معاكي هنيمها في أوضة تانية.

نيرا بتسرع: لأ تنام معايا.

مراد: طيب، اطلعي يلا وأنا هجيبها وجاي.

(كنت بعمل فيكوا مقلب 😉😂)

نيرا طلعت ومراد شال نور وطلع وراها.

زين بزعيق: مين دي يا مراد.

مراد: لحظة يا بابا وهجيلك.

زين: وأنا اللي كنت بقول مراد ده تربيتي.

مراد طلع وسابهم عشان نور متصحاش وحطها على سرير نيرا.

مراد: كلمي مامتها بقى.

نيرا: أقولها إيه.

مراد: اتصرفي.

ونزل تحت لزين.

زين بغضب: إيه ده.

مراد: يا بابا دي صاحبة نيرا.

زين: نص الليل ونايمة وشايلها على إيدك، وفي الآخر بتقولي دي صاحبة نيرا، كدا هصدقكم.

مراد: والله صاحبتها.

زين بخبث: نيرا مش بتصاحب الناس دي.

مراد بعصبية: ناس مين دي، أنضف من أي حد، وهي لو حاسة إني شايلها ما كنتش هتسمح بكدا أصلاً، وأوعى تكون فاكر إني ممكن اسمحلك تهينها.

زين: وقعت ومحدش سمى عليك يا ابن الدمنهوري.

مراد: شكلها كدا.

زين: طب ولي الكدب.

مراد: يا بابا والله صاحبتها فعلًا.

نيرا من فوق: مراد تعال بسرعة.

زين: لأ خلاص، ما عادش ينفع يدخل الأوضة لحد ما صاحبتك تصحى.

نيرا: يا بابي هي تعبانة أوي.

مراد: يا بابا هطلع أشوفها.

زين: لأ، أنا اللي هطلع، خليكم.

مراد بغيره: نعم، لأ طبعًا.

زين: في إيه يا عم، هشوفها مالها.

مراد بعصبية: بابا اطلع نام وأنا هتصرف.

وطلع ودخل الأوضة لقاها وشها أحمر خالص وبتاخد نفسها بالعافية.

مراد: كلمي الدكتورة بسرعة يا نيرا.

نيرا بخوف على صاحبتها: حاضر.

واتصلت بالدكتورة.

مراد: قالتلك إيه.

نيرا: جايه أهي.

بعد فترة مش طويلة من قلق مراد ونيرا، وصلت الدكتورة وكشفت عليها وخرجت.

مراد: طمنيني.

الدكتورة: دي قلة أكل وهي تقريبًا ليها مغذيات مش بتاخدها.

مراد: طيب والحلال.

الدكتورة: كتبتلها على علاج، حاولوا في أقرب وقت تفوقوها وتدوهاله.

مراد: تمام، شكراً، تحبي أوصلك.

الدكتورة: شكراً.

مراد نزل جاب العلاج والفجر أذن.

مراد: صحيها وأديها العلاج ده وأنا في أوضتي هستناكي تطمنيني.

نيرا: حاضر.

ودخلت صحيتها.

نور: أنا فين؟ أنا بعمل إيه هنا.

نيرا: خدي بس العلاج ده وبعدين نتفاهم.

نور بتعب: ده إيه.

نيرا: خديه بس عشان ترتاحي شوية.

نور: حاضر.

واخدته.

نيرا: ها حاسة بإيه.

نور: أكيد مش هيعمل بسرعة كدا.

نيرا: تحبي تقومي تاخدي شاور عشان تفوقي.

نور: ياريت.

نيرا: طيب ادخلي وأنا هطلعلك هدوم وهسيبها، اطلعي البسي هنا وأنا هطلع بره.

نور: ماشي.

وقامت تاخد شاور ونيرا طلعت الهدوم وخرجت وقفلت الباب وراها.

وراحت عند مراد.

راحت تخبط على باب أوضة مراد.

مراد: ادخلي.

نيرا: إنه الحُب يا سادة.

مراد: ها عاملة إيه.

نيرا: الحمد لله، خليتها تاخد شاور عشان تفوق.

مراد: ماشي، أنا هنام ولو حصل أي حاجة تعالي صحيني.

نيرا: حاضر.

نور: إيه ده يا بنتي، أنا هلبس كدا إزاي، هاتي هدومي عشان هامشي الصبح.

نيرا: يبنتي ده سواريه، هتلبسيه إزاي، مش هتبقي مرتاحة.

نور: طيب هاتي حاجة طويلة من عندك، مش معقول اللبس كدا يعني.

نيرا: للأسف معنديش، اصحي مراد يروح يشتريلك ويجي.

نور: لأ طبعًا، خلاص هلبسه.

نيرا: والله قمر.

نور: أيوا، بس مش هعرف أخرج من الأوضة كدا.

نيرا: طيب ننام وبكرة هخلي مراد يجيب لك.

نور: يبنتي هتقوليله إيه، مينفعش.

نيرا: لأ عادي، ممكن يجيب لك من لبس ماما.

نور: أنا عاوزة أتعرف عليه.

نيرا بدموع: الله يرحمه.

نور بحزن: أنا آسفة والله، ما كنت أعرف.

نيرا: ولا يهمك، إلا قوليلي، كنتِ بتقولي إنك كنتِ سرحانة في مراد، هو أنتِ بتحبيه.

نور بضحك: أنتِ لسه فاكرة، لأ يا اختي مش بحبه.

نور بضحك: انتِ لسه فاكرة؟ لا يا ستي مش بحبه بس ده أنا بعشقه والله.

نيرا بفرحة: بجد؟

نور: أيوه، انتِ فرحانة كده ليه؟ ده لو أنا مكانك كنت جبتك من شعرك، مش بتغيري على أخوكي؟

نيرا: لأ طبعاً، اللي يفرحوا يفرحني.

نور: هو بيحبني؟

نيرا بتردد: مش عارفة.

نور: أومال ليه بتقولي اللي يفرحوا يفرحك؟

نيرا: أكيد هيحبك، بس اصبري.

نور: نامي وأنتِ، محدش مستفيد بحاجة منك.

نيرا: أنام إيه بس، والكلية؟ ده مراد هيقتلني.

نور: ماما دلوقتي هتموت من القلق عليا.

نيرا: لأ، أنا كلمتها.

**فلاش باك**

نيرا: ازيكم يا طنط؟

نرمين: الحمد لله، مين؟

نيرا: أنا صاحبة نور، أخت مراد.

نرمين: أيوه يا حبيبتي، عاملة إيه؟

نيرا: معلش يا طنط، هي كانت مصدعة وأنا اديتها برشام صداع ونامت، وبابا قال إن مينفعش نروحها كده، ممكن تبات معايا وبكرة تيجي.

نرمين: أهم حاجة هي كويسة بجد.

نيرا: آه يا طنط، بالله.

نرمين: ماشي يا حبيبتي.

نيرا: شكراً يا طنط.

نرمين: على إيه، دا أنا اللي أشكرك، خلي بالك منها.

نيرا: في عيوني.

نرمين: تسلميلي يا حبيبتي.

نيرا: باي.

**عودة للفلاش باك**

نور: طب الحمد لله، دي كانت هتموتني.

نيرا بضحك: عدي الجمايل.

نور: واحد.

نيرا: ماشي يا أختي، هروح أصحّي مراد عشان هو اللي هيعرف يجيب لك هدوم من أوضة بابا.

نور: اتنين.

نيرا: لسه اللي جاي أكتر يا مرات أخويا.

نور: يخرب عقلك، أمشي.

نيرا خرجت وراحت تصحّي مراد.

نيرا: نور عايزة هدوم.

مراد: ما تلبسيها من عندك.

نيرا: بتقول قصيرة أوي.

مراد بتذكر: آهه، طب أروح أشتري لها.

نيرا: ممكن نسرق حاجة من بتاعة ماما ونرجعها تاني.

مراد: بابا هيعرف وهيزعلني.

نيرا: طب قول له الأول، وشوف هيقول إيه.

مراد: ماشي، روحي البسي يلا.

وقام أخد شاور وخرج.

زين: ادخل.

مراد: جايلك في خدمة يا حاج.

زين: انجز.

مراد: عاوز طقم لنور تلبسه عشان زي ما أنت شايف جاية بفستان، وهي هتنزل من هنا على الكلية، وطبعاً مش هينفع لبس نيرا عشان هي مختمرة.

زين: صعب، بس مفيش حل غير كده.

مراد: يعني موافق؟

زين: أهم.

مراد: يحيا العدل.

زين: بطل جنان وانجز قبل ما أغير رأيي.

مراد: لأ وعلي إيه.

ودخل طلع طقم وأخده وخرج.

نور: ادخل.

مراد: اتفضل.

نور بكسوف: شكراً.

وأخدته وقفلت في وشه الباب.

مراد: يعني كده بطل وكده بطل، طب أعمل إيه طيب؟

نيرا: اعترف لها يا بطلي.

مراد: يمكن مبتحبنيش.

نيرا: قوي قلبك كده.

نيرا مشيت وسابته قبل ما تسمع الرد.

مراد: ربنا يستر.

ونزل قعد يستناهم تحت. نور ونيرا نزلوا، ونور كانت حورية، لابسة أدناء ولفة عليه الخمار، وكانت جميلة أوي.

زين: تعالوا اقعدوا جنبي.

مراد بغيرة: افطروا في الكلية عشان متأخرين.

زين موجه كلامه لنور: تعالي يا حبيبتي هنا، أنتِ خايفة؟

نور: أخبارك إيه يا عمو؟

زين: لأ، قوليلي يا بابا، أنتِ زي نيرا بنتي بالظبط، ولو جينا للحق، فـ أنتِ شبه مراتي الله يرحمها.

مراد: ها، خلصت؟

زين: سيبك منه، أنتِ اسمك إيه؟

نور: اسمي نور، يا عمو.

زين: قولنا بابا، أنا اسمي زين.

نور: تمام يا بابا زين. أمشي أنا بقى عشان ميأكلناش.

زين: دا غيور أوي.

نور بعدم فهم: بيغير على نيرا من أبوها؟

زين بضحك على براءتها: أهم.

مراد بزعيق: نوووور.

نور بخوف: جاااااي.

زين بعصبية: صوتك ميعلاش في وجودي.

مراد باحترام: حاضر. يلا يا نيرا أنتِ ونور.

وخرجوا ونزلوا الكلية.

مراد: عليكم دكتور معتز، ملكوش أي كلام معاه عشان ده قليل الأدب، يلا، ولو عمل أي حاجة، رنوا عليا.

نيرا: حاضر.

مراد وهو بيبص لنور: الكلام ليكي أنتِ كمان.

نور: حاضر.

ودخلوا المدرج. دخل الدكتور معتز وبدأ يشرح، وحاول يستخف دمه كذا مرة مع نور، وهي صدته.

نور: ماماااا، وحشتيني.

نرمين: وأنتِ كمان يا حبيبتي.

نور: حبيبتي يا ماما.

نرمين: يلا عشان ناكل.

نور: أنا مش جعانة أكل، أنا جعانة نوووم.

نرمين: كُلي وبعدين نامي.

نور: وعد، أول ما أصحى هاكل. تصبحي على خير يا حبيبتي.

نرمين: وأنتِ من أهل الخير.

نور أخدت شاور ونامت.

**صباح يوم جديد على أبطالنا**

نيرا: مش عايزة أروح، أنا تعبانة أوي، عايزة أنام.

مراد: آخر كلام؟

نيرا: آه، ونبي.

مراد: ماشي.

وخرج وسابها تنام، ما هي إلا اللي اتظلمت في العلاقة دي.

نرمين: يلا يا نور، قومي.

نور: يا ماما، مش هروح. نيرا كلمتني وقالت نريح النهاردة، وهيا هتخلي مراد يجيب لنا المحاضرات.

نرمين: ماشي يا حبيبتي.

وخرجت.

محمد: ماما، قومي، هنروح ونرجع على طول قبل ما تصحي.

نرمين: استني أما تصحى، ناخدها معانا عشان متزعلش.

محمد: يلا، بس هنروح ونيجي بسرعة. هي بتفضل تعيط وبتتعبنا، وكأنها طفلة.

نرمين: ماشي. أما أقوم ألبس، أنا قلبي مش مطمن.

محمد: وحشني أوي، نفسي أروح أخليكي وأروح أنا.

نرمين: لأ، هاجي معاك.

وقامت لبست وخرجت.

نور: صحيت من النوم بتدور على أمها، ملقتهاش. رنت على مراد.

نور: السلام عليكم.

مراد: وعليكم السلام.

نور: معلش يا دكتور، مش هعرف أجي الشغل النهارده.

مراد: بس فيه اجتماع ضروري النهارده.

نور: أنا صحيت ومش لاقية ماما، وهي مش عادتها تخرج من البيت من غير ما تقولي، أكيد فيه حاجة. لازم أفضل في البيت.

مراد بخوف حاول يداريه: يعني ممكن تكون راحت فين؟

نور: مش عارفة والله، بس محمد كمان مش هنا، يعني أكيد خرجوا بالعربية.

مراد بخوف معرفش يداريه: يعني هيخرجوا يروحوا فين؟

نور: معرفش. وبعدين أنت مالك؟

مراد: طيب، اقفلي، هكلمك تاني.

نور: ماشي.

مراد: أيوه يا حبيبي، وحشني والله.

مازن: وأنت كمان.

مراد: كنت عاوز منك خدمة بس ضروري.

مازن: قول يا حبيبي.

مراد: فيه حادثة على طريق *****. طبعاً سمعت عنها.

مازن: آه، دول مدمرين خالص ومش عارفين نوصل لأي حد من العيلة.

مراد: طيب، مكنش معاه بطاقة؟

مازن: لأ، فيه بطاقة.

مراد: اسمه إيه؟

مازن: ...

مازن: محمد علي أبو المهد

مراد: ماشي شكراً

مازن: تعرف

مراد: اه انت متأكد أنهم ماتوا بجد

مازن: أيوا يبني طيب تعرف مين هيستلم الجثث

مراد: أنا

مازن بصدمة: البقاء لله شد حيلك

مراد: والدوام لله هنستلمها امتى

مازن: انت تيجي دلوقتي في مستشفى *****

مراد: تمام

وخرج من المكتب على بيت نور وخبط

نور: حاضر جايه

مراد: البسي وتعالي يلا

نور: في إيه ما قولتلك مش هعرف أخرج وماما مش في البيت

مراد: هاخدك

نور بدموع: هي كويسة

مراد بصوت مهزوز: لأ

نور: لي لي لأ متبتنيش زي بابا أعيش من غيرك إزاي

مراد: طب البسي وتعالي كدا

نور بقلق: حاضر

نور: مراااااد

مراد: في إيه يا بنتي

نور: بنادي بقالي ساعة يلا بس إحنا هنروح فين فهمني

مراد: أنا مش عارف أجبهالك إزاي بس اوعديني إنك هتجمعي

نور بعياط: ماما ومحمد مالهم قولولي إنهم كويسين ونبي

مراد: البقاء لله

نور بعياط: لا لا متبتنيش مليش حد غيركم

مراد: طب اهدي بس كدا أنا معاكي ومش هسيبك

نور بعدم تصديق: انت أكيد بتكدب عليا

مراد: طيب تعالي كدا

وأخدها ركبها العربية وساق لحد المستشفى وهيا طول الطريق بتعيط من غير كلام

مراد وقف قدام المستشفى ونزلوا من غير كلام ومسك إيدها يطمنها وهيا مش في العالم ده أصلا

مراد: نور

نور بصوت مبحوح: نعم

مراد: متعمليش في نفسك كدا اهدي وادعيلهم بالرحمة

نور: ......

مراد: اتكلمي متسكتيش

نور: .....

مراد: طب زعقي فيا طيب

نور: ......

مراد: مسك إيدها بإيدو الاتنين قولي ربنا يرحمهم مش انتِ مؤمنة بالله ادعيلهم بالرحمة دي الحاجة الوحيدة اللي تقدري تعمليهالهم وهنخرج على روحهم صدقة وكل اللي انتِ عايزاه اعمليهلهم أنا هساعدك فيه بس صحتك أهم حاجة

نور بصوت مبحوح: ربنا يرحمهم

مراد أخدها ودخلوا مكتب

مراد: خليكي هنا هخلص كل حاجة وأجيلك متتحركيش من مكانك

نور: عايزة أشوفهم

مراد: هتتعبى

نور بعياط: دي آخر مرة هشوفهم فيه

مراد: طب تعالي بس اهدي عشان خاطري

وهما داخلين

الدكتور: لو سمحت الأقرب ليهم يدخل يتعرف على الجثث مينفعش انتو الاتنين

نور: خليك وأنا هدخل

مراد: هندخل مع بعض

الدكتور: مينفعش

مراد: مش فايقلك إنت مال أمك إنت هتأمرني في مكاني ولا إيه

الدكتور بصدمة: مكانك!

مراد خرج كارت من جيبه وعطاهوله وزقه من على الباب ودخلوا

مراد كشف وش حد منهم والوش متشوه خالص وهوا أصلا ميعرفهمش

مراد: ركزي كدا يمكن مش هما

نور بخوف: مش عارفة

مراد: طب تعالي

وأخدها ودخل المكتب وطلب كل اللي كان موجود معاهم

شخص: اتفضل يا مراد بيه دا كل اللي لقوه معاهم

مراد: تمام

نور بلهفة: محفظة محمد

وأخدتها وفتحتها لقيت فيها صورة ليها وهو مع بعض مسكتها وفضلت تعيط

مراد قام يشوف دي إيه لقاها صورة بنت وولد صغيرين فهم إن ده محمد وهي

مراد: لو فضلتى كدا هروحك ومش هتحضرى الدفنة

نور وهي بتمسح دموعها ببرائة: خلاص

مراد أخد منها الحاجة ولمها وحطها في جيبه ومسك إيدها وخرج من المكتب وكانوا هنا اتغسلوا واخدوهم وخرجوا ودفنوهم وخلصوا

مراد: مش كفاية كدا بقى يلا نروح

نور: لا أنا هبات معاهم

مراد: قومي يا نور ربنا يهديكي

نور: روح انت وأنا هقعد شوية وبعدين هروح

مراد: ده على أساس إن أنا هاخدك بيتك أنا هاخدك معايا

نور: لأ شكراً

مراد: أنا مش بخيرك ده أمر

نور: معلش مش هينفع

مراد: ولو قولت عشان خاطري

نور: قولت مش هينفع وامشي عايزة أقعد لوحدي

مراد: مش هسيبك يلا قومي

وبعد إلحاح من مراد شديد قامت نور وركبت معاهم

مراد: هوديكي البيت تجيبي هدومك وأي حاجة تخصك

نور: هو مينفعش تسبني في البيت عايزة أكون لوحدي بجد هرتاح لوحدي

مراد: بصي أولاً مينفعش بنت قمورة شبهك كدا تقعد في بيت لوحدها وكمان أي في مكان كله ناس مش تمام وثانياً بقى أنا عارف إنك قلقانة من جو البيت عندنا بس بابا عرف كل حاجة وهو اللي قالي ميصحش أسيبك لوحدك كمان وبعدين ده باباكي زين ده عامل لك بحنية عمري مشوفتها لسه عايزة إيه تاني

نور بعياط: عايزة ماما ومحمد

مراد: ادعيلهم بالرحمة

نور: حاضر

مراد: يلا انزلي هستناكي هنا براحتك بس متعيطيش

نور: حاضر

ودخلت لمّت حاجتها وطلعت مراد راح لها على الباب أخد منها الشنطة حطها في العربية ونور راحت ركبت بعد ما قفلت البيت ومراد اتحرك بالعربية

نور: هو أنا هاجي البيت تاني امتى

مراد: كل ما تحبي تيجي هاجيبك

نور: بس أنا برضو مينفعش

مراد قطع كلامها وقال: لو عليا ممكن أقعد في الشقة بتاعتي

نور: لأ طبعاً ده انت أكتر واحد حسيت معاه بالأمان

مراد بفرحة: وأنا جنبك ومش هسيبك

نور ابتسمت وهيا بتعيط وميكس إيه بقى

في قصر الدمنهوري

زين: إيه يا علي جيت ليه

علي: مفيش معايا فلوس

زين: انت بجح أوي

علي: يعني أكذب

مراد: نور

نور: نعم

مراد: إنتِ عارفة أوضة نيرا اطلعي عليها على طول يلا بسرعة

نور بخوف أما شافت علي بيبصلها: تعالي اطلعي

مراد أخدها في حضنه عشان يهديها وعشان يعرف علي إنها تخصه

زين فتح إيده لنور: تعالي يا حبيبة قلب أبويا

مراد بهمس: نور متحضنينيهوش اقفي بعيد علي مش هيقدر يعملك حاجة طول ما أنا موجود

نور ببرائة: ليه محضنهوش

مراد: يلا يا نور اسمعي الكلام

نور: حاضر

ومشت بخوف لحد ما وصلت عند زين ووراها علي راح مراد وقف قدام علي وبقى هو اللي ورا

زين: اتغيرتي أوي يا حبيبتي ليه كدا

نور: ......

زين: البقاء لله يا حبيبتي شدي حيلك واحنا جنبك

نور: والدوام لله الله يخليك يا عم

زين: لأ كدا أزعل

نور: حاضر يا بابا

زين: حلوة منك تعالي في حضن أبوكي بقى

نور بخوف: مرااااد

زين فهم وضحك

مراد: يلا يا نور اطلعي لنيرا وأنا هجيبلك الهدوم وجاي

نور: حاضر

زين: إنت مخوفها كدا ليه

مراد بغيظ: بابا الزم حدودك معاها

زين: مش فاكر كنت بتعمل إيه مع أمك الله يرحمها عشان تضايقني بس أنا بجد شايف إن فيها من أمك كتير أوي

مراد: وأنا كمان

زين: وكمان أمها ماتت قبل ما نشوفها يعني لو كان في أمل يبقى أمل مات

مراد بضحك: لأ متقلقش أمل عايشة هعرفلك كل حاجة بس أما الأمور تهدى بجد صعبانة عليا أوي

علي: بابا أنا عايز فلوس انتو جايبين واحدة من الشارع تصرفوا عليها وأنا ابني ومش عايز تصرف عليا

مراد بصوت هز أركان القصر: علييييي

ودب بوكس وفضل يضرب فيه لحد ما حس إن نفسه بيروح وزين بيحاول يشيل ونور نزلت ونيرا طبعاً متجرأتش تنزل

نور بعياط: مرااااد

مراد أول ما حس إن إيدها عليه وبتشده قام وأخدها في حضنه بس المرة دي هو اللي كان محتاج الحضن مش هي

زين بزعيق: خد أخوك المستشفى

مراد: سيبوه يموت خسارة فيه يعيش

زين بزعيق: ابعددد بعيد عنها

نور خرجت من حضنه وجريت على نيرا وهيا بتعيط

مراد: أنا هطلع أنام

وأخد شنطة نور وطلع قبل ما زين يرد

زين طلب دكتور لعلي

مراد: نور خدي شاور ونامي على طول يلا وأنتِ يا نورا

نورا ونور: حاضر

مراد: لو في أي حاجة تعاليلي يا نيرا ولو نور منامتش تعالي قوليلي

نور بخوف: لأ هنام على طول

مراد: أيوا كدا يلا

وخرج وراح أوضته وأخد شاور ونام

ونور أخدت شاور ولبست بيجامة ونامت وصحيت بليل تصرخ جامد وتعيط ونيرا صحيت مفزوعة ومراد عشان أوضته في نفس الجناح وخرج جري على أوضة نيرا لقاها هدت

مراد: إيه اللي حصل

نيرا: هي صحيت تصرخ معرفش

مراد: طب خلاص هي نامت أهي ناميني

نيرا: حاضر

مراد خرج وهو خايف على نور أوي وراح معرفش ينام وفضل صاحي وفتح الفون لقا نور أون لاين واتساب

مراد: إيه اللي مصحيكي دلوقتي

نور: نمت من بدري فصحيت بدري

مراد: إنتِ كويسة يعني

نور: الحمد لله بس عايزة أروح لماما ومحمد

مراد: امتى

نور: دلوقتي

مراد: طب نامي شوية وتصحي هنروح على طول

نور: ...

نور: لازم أنام.

مراد: ااه.

نور: ما خلاص بقينا الصبح أهو.

مراد: نامي عشان متعبيش.

نور: أنا بجد نمت.

مراد: طيب، صحي نيرا ويلا ننزل نفطر.

نور: أنا مش جعانة.

مراد: طب صحي نيرا وانزلوا كده ونتفاهم وش لوش.

نور: خلاص هنام.

مراد بعصبية قام خرج وراح على أوضة نيرا.

مراد بزعيق: نووور!

نور بخوف: نعم.

مراد: يلا ثواني وألاقيكي قدامي.

نور: هلبس وأجي.

مراد: ماشي.

ونزل عشان يخلي الخدم يحضروا الفطار وقعد يشرب القهوة.

نور نزلت، وأول ما وصلت عند مراد أخدت القهوة من إيده وراحت حطيتها في الحوض ورجعت.

مراد بعصبية: إيه اللي أنتِ هببتيه ده؟

نور: أشرب قهوة بعد الفطار.

مراد: براحتي، وأنتِ مالك؟

نور: طيب تمام.

ولسه هتخرج.

مراد: راحة فين؟

نور: لماما ومحمد.

مراد: لوحدك؟

نور: براحتي، وأنتَ مالكم؟

مراد بزعيق: نووور اتظبطي!

زين بزعيق: لأ، أنتَ اللي تتظبط. هيل تعمل اللي هي عايزاه.

نور بعياط راحت تجري في حضن زين.

زين: أهو ده الحضن اللي كان نفسي فيه من زمان، يقلب بابا، تعالي يا نيرا مع أختك.

مراد بعصبية: بابا!

زين: أنت مالك، ما هي ما كانتش هتترمي في الحضن ده غير أما تكون مزعلاها أنت وشطارتك بقى.

مراد بهدوء: نور.

نور: .....

زين بهمس: ردي عليه بدل ما يتعصب، إحنا مش قد عصبيته.

نور بهمس: سيبه شوية.

مراد بصوت عالي: نووور!

نور بخوف: نعم.

مراد: تعالي أما أقولك.

زين بهمس: روحي يا حبيبتي.

نور خرجت من حضن زين وراحت عند مراد.

نور: نعم.

زين شاور على الكرسي اللي جنبه: اقعدي هنا.

نور بصت لزين وزين حرك دماغه بالموافقة وقعدت.

مراد بحنية: كُلي.

نور: حاضر.

وبدأت تاكل أكل أي كلام.

مراد: كُلي كويس.

نور: شبعت.

مراد بزعيق: أنتِ أكلتي إيه عشان تقولي كُلي كويس؟

نور: بجد معتش قادرة.

مراد: نيرا لو سمحتي اطلعي أوضتي هاتي العلاج اللي على السرير عشان نسيت أجيبه.

نيرا: حاضر.

وطلعت جابته وعطته لمراد، ومراد خرج منه اللي بعد الفطار وعطاه لنور.

نور: ده إيه؟

مراد: ده علاجك يا ابله اللي نسيتيه عندنا.

نور: بس أنا مكنتش جايه بعلاج.

مراد: ما أنا اللي جبت العلاج.

نور: إزاي؟

مراد: ما الدكتورة كشفت عليكي وكتبت على علاج وهو ده.

نور: بس أنا بقيت كويس.

مراد: طب خودي العلاج ومتفضليش تتعبيني.

وعدى أسبوع على الحال ده، ونور لازم كل يوم تروح المقابر وقلب على نفسها من جديد.

وجه اليوم المنتظر.

زين: مراد ونور خلصوا أكل وتعالولي المكتب.

مراد بتفهم: حاضر.

نور باستغراب: حاضر.

خلصوا أكل ومراد خبط ودخل ونور وراه وقعدوا قدام زين.

زين: طبعًا اللي أنا شايفه من يوم ما انتِ جيتي يا نور ده أنا ما أقبلهوش على بنتي، وأنا شايف إنك بنتي وعشان خايف عليكي بقولك إن انتِ ومراد لازم تتجوزوا في أسرع وقت.

نور: بس ده وقت مش مناسب يا بابا.

زين: أنا عارف، بس على الأقل كتب كتاب عشان تعرفي تاخدي راحتك في البيت ومراد كده كده مش مبطل غلاسة، وده ميصحش.

نور: بس أنا مش موافقة يا بابا.

مراد بصدمة: ليه؟

نور: عشان ده مش وقت الكلام ده خالص، وأنا عايزة أرجع البيت تاني.

زين: بصي يا بنتي، هو ده بيتك خلاص مفيهاش كلام، وأنا بفرض عليكي كتب الكتاب ده وبعد كده براحتك.

نور: يعني أنتَ عايز تجوزني بالغصب وتقولي براحتك؟

زين: بصي يا حبيبتي، أنتِ ممكن تكتبي كتب الكتاب وأوعدك إن مفيش أي حاجة هتتغير، بس أنا وجهة نظري إن اللي بتعملوه ده حرام إنه يشوفك بملابس البيت والكلام معاكِ عمومًا حرام عشان هو مش من محارمك، بس أما تكتبوا كتب الكتاب بكده أنا بحلل كل ده.

نور: خلاص يا بابا، مش هكتب كتب الكتاب وهاخد بالي من كل ده.

مراد خرج وسابهم.

زين: كنت لسه هقوله يخرج عشان أكلمك على انفراد، بس الظاهر إنه زعلان.

نور: اتفضل اتكلم.

زين: أنا شايف إنك بتحبيه، بتكابري ليه؟

نور: عشان ميشوفنيش ضعيفة بعد كده وأنا مليش أهل، وكفاية كسرة واحدة مش هتكسر مرتين.

زين: يعني بتحبيه؟

نور: بصراحة آه.

زين: طيب واللي يضمنلك حياتك معاه وبعدين تقولي مليش أهلي ده، أما أنا أموت؟

نور: هوافق على طول، بس مين اللي هيضمنلي؟

زين: أنا.

نور: أنتَ؟ ويترا هتقف في صف ابنك ولا الغريبة؟

زين: بما إننا بقينا في دايرة الجد بقى أقولك أنتِ مين.