تحميل رواية «عشق الحمزة» PDF

كويس، أدهم ضحك وقال: "يبقى في عقاب."

"عقاب إيه؟"

"نتعشى سوا."

ابتسمت وقالت: "موافقة."

بعد وقت، وصلوا لمطعم.

أدهم بص، لقى هدي ومراد قاعدين. قال بصوت هادي: "الله يحرقك يا مراد، ملقتش إلا المطعم ده."

مراد ضحك وقال لهدي: "بصي، أدهم داخل، لي في إيده مين؟"

هدي: "مين دي؟"

مراد ضحك وقال: "دي حبيبة أدهم."

هدي بفرحة: "بجد؟ أدهم أخويا بيحب؟"

مراد: "أيوه، مش عارف بصراحة بيحبه على إيه، ده رزلة."

هدي: "مررررراد، بطل تقول كده على دومي."

مراد بضحك: "دومي لو سمعك وإنتي بتقولي دومي هيموت."

هدي: "طيب قوم نسلم عليهم."

أدهم قرب منهم وقال: "ليان، تعالي أعرفك على أختي وخطيبها."

ليان: "هو إنت عندك أخوات؟"

أدهم: "آه يا حبيبتي، وهعرفك على أصغر واحدة في العيلة دلوقتي وخطيبها الرزل."

ليان: "ليه؟ ده شكله طيب وكيوت."

أدهم بنرفزة مكتومة: "ده كيوت؟ وبعدين اسمعي، إياكي ألاقيقي بتتكلمي مع..."

ليان ابتسمت وقالت: "بتغير."

أدهم قرب منها وقال: "لسه مشفتيش حاجة من غيرتي، فبلاها تستفزيني."

ليان: "خلاص، خلاص، حاضر."

أدهم وليان قربوا من هدي ومراد.

مراد: "أدهم باشا، وحشني."

أدهم: "على أساس إنك بقالك سنة مشفتنيش."

مراد قرب من أدهم وقال: "الله يحرقك، ملقتش إلا المطعم ده تيجي عليه."

أدهم: "حظي الزفت إني أشوفكم."

مراد: "ده حظي أنا."

أدهم باستغراب ومسك مراد من ليقة التيشيرت بتاعه وقال: "إنت كنت ناوي على إيه يا كلب؟"

مراد: "طب أوعى كده بس، هكون ناوي على إيه يا غبي؟ أنا في مكان عام."

هدي: "في إيه يا مراد؟"

مراد: "اسألي أدهم باشا."

هدي: "في إيه يا أدهم؟"

أدهم: "مفيش حاجة يا حبيبتي، ده أنا كنت بسأل مراد على حاجة."

هدي قالت لليان: "تعالي اتفضلي اقعدي."

هدي قربت من ليان وقالت: "أنا اسمي هدي."

ليان: "وأنا اسمي ليان."

هدي: "اسمك جميل."

ليان: "بجد؟"

هدي: "والله جميل جدا."

ليان ابتسمت وقالت: "شكلك طيبة قوي."

هدي ابتسمت وقالت: "وإنتي كمان. إنتي شغالة إيه؟"

ليان: "أنا دكتورة وشغالة في مستشفى الجيش."

هدي قربت من أدهم وقالت: "أيوه بقى، قولي كده عشان كده معادش بتحب تنزل إجازة."

أدهم بصوت واطي: "هدي يا حبيبتي، ممكن نتكلم في البيت."

هدي بضحك: "طبعًا، طبعًا."

مراد: "إيه يا أدهم، مش تعرفنا على الآنسة؟"

أدهم: "وإنت عايز تعرفها ليه؟"

هدي بنرفزة مكتومة: "أيوه صح، إنت عايز تتعرف عليها ليه؟"

أدهم بص لمراد وضحك وقال: "اشرب يا ميرو."

مراد بعصبية من أدهم قال: "حسابنا مع بعض يا دومي."

أدهم بص له بعصبية وقال: "ماشي يا ميرو."

أدهم قرب من ليان وقال: "مبسوطة ولا نقوم؟"

ليان: "لا، مبسوطة، وهدي لطيفة جدا."

أدهم قرب مسك إيد ليان من تحت الترابيزة وقال: "إنتي اللي لطيفة وجميلة جدا جدا جدا."

مراد قرب من هدي وقال: "شفتي أخوكي بيعمل إيه مع البنت؟"

هدي: "وإنت شاغل بالك بيهم ليه؟"

مراد: "على رأيك، أنا أشغل بالي بيكي إنتي يا روح..."

هدي اتكسفت وقالت: "طب ابعد كده بس عشان أدهم."

مراد بنرفزة: "يا أدي أدهم وحمزة اللي مش عارف آخد راحتي معاكي بسببهم."

هدي ضحكت وقالت: "إخواتي الغاليين."

مراد: "والله؟ طب وأنا؟"

هدي بكسوف وابتسامة: "إنت القلب كله، ملككم."

مراد: "ربنا يديمك ليا يا روحي."

هدي: "حبيبي."

في بيت العمده.

عماد بعصبية بيكلم مدير أعماله: "أنا عايز مراد السويفي ميت."

مدير أعماله: "حاضر."

إيمان كانت واقفة وسامعة كل حاجة وقالت لنفسها: "ماشي يا عماد، نهايتك على إيدي."

في قصر الهادي.

حمزة: "ماما، هي شروق فين؟"

هدي الأم: "سبها يا حمزة، هي فاكرة إنك السبب."

حمزة: "بس مش أنا يا أمي."

هدي الأم: "عارفة يا حبيبي."

حمزة: "لا، بس أنا لازم أكلمها."

حمزة فضل ينادي على شروق.

"شروق... شروق... شروق."

شروق: "عايز إيه؟"

حمزة: "عايز أقولك إني مش عملت حاجة."

شروق: "وإنت بقى عايزني أصدق، صح؟"

حمزة: "أيوه، لازم تصدقي."

شروق: "طيب، ممكن تبعد عن طريقي؟"

حمزة: "لا، مش هبعد. إنتي فاهمة."

وفجأة دخل شريف من الباب وقال: "حمزة، إيه اللي إنت عملته ده؟"

الكل وقف مكانه وحمزة بص له وقال: "عملت إيه؟"

شريف: "إنت إزاي تخطف بنتي؟"

حمزة: "أنا معملتش حاجة."

شروق بصت لحمزة وحمزة بص ليها. وهي فهمت إن حمزة قصده إنها تأكد كلام شريف.

شروق: "شفتوا كلكم؟ حمزة الهادي هو اللي خطفني."

حمزة لسه هيتكلم، موبايله رن.

حمزة: "إيه؟"

مدير أعماله: "حمزة باشا، أسهم شركة الحديد والصلب نزلوا."

حمزة بعصبية: "إنت بتقول إيه؟"

مدير أعماله: "وشركة البلاستيك كمان."

حمزة: "اقفل، أنا جاي."

ورن على مراد وأدهم ييجوا الشركة بسرعة.

محمد: "في إيه يا حمزة؟"

حمزة بص لشريف وقال: "لو ليك يد، هقطعهالك."

شريف استغرب بس فرح إن حمزة بيخسر. ومسك إيد شروق وقال: "حببتي يا بنتي، أنا معاكي وحانبك وحقك عليا."

شروق: "لو سمحت ابعد عني. لو حمزة هو اللي خطفني، فأنا هحاسبه. إنما إنت حسابك عند ربنا."

شريف رفع إيده، وليس هيضرب شروق. بس مي مسكت إيده وقالت: "إياك إيدك تتمد عليها، إنت سامع؟"

ونزلت إيده من عليها. وشريف اتنرفز وقال: "شكلك عايزة تتربي من تاني."

ورفع إيده على مي وضربها بالقلم.

محمد بعصبية: "إنت مجنون؟"

في شركة الهادي.

حمزة لمدير أعماله: "شكرا ليكم."

مدير أعماله: "حمزة باشا، ده شغلي."

حمزة: "إنت فعلا جدير بالثقة."

مدير أعماله: "حمزة باشا، أنا مش هنسى وقفتك جنبي."

حمزة: "أنا اللي بجد مش هنسى وقفتك جنبي. لولا إنك قلت لي على خطط مدير أعمال عماد العمده، كنت خسرت كل حاجة."

مدير أعماله: "ده واجبي يا باشا."

حمزة: "طيب، ممكن تكمل اللي بدأناه؟"

بعد وقت، حمزة وصل البيت لقى محمد قاعد وأمه جانبه ومي قاعدة بتعيط.

حمزة: "في إيه؟"

هدي الأم: "شروق اتخانقت مع شريف، وشريف ضرب مي. وشروق ضربته وقالت: 'إياك إيدك تتمد على أمي تاني، أنت سامع؟' وكملت كلامها وقالت: 'وشروق قالت إنها هتسيب البيت'."

حمزة: "طيب، هي فين؟"

مي: "فوق في أوضتها."

حمزة طلع وخبط على باب أوضة شروق ونادى على شروق، بس مردتش.

شاف، ففتح الباب وقال: "شروق..."