صوت جه من ورا عشق:
ده يخصك؟
بصت عشق على الصوت بصدمة:
ماما!
الام:
تعالي عايزاكي.
عشق افتكرت اللي حصل وقالت بغضب:
انتي نسيتي اللي عملتيه فيا؟ انتي جيتي ليه؟
الام:
عملت كده عشان مصلحتك يا بنتي.
عشق ضحكت بسخرية:
مصلحتي؟ تبعيني يا ماما؟
اسد ف الوقت ده كان جه:
مبعتكيش يا عشق، بس هتعرفي الحقيقه ف الوقت المناسب.
عشق استغربت اسد اللي بيتكلم بهدوء وقالت:
حقيقه إيه؟ أنا عايزه اعرف، فهموني بقا.
اسد بص على مامت عشق بمعني "روحي".
الام فهمت ومشيت.
عشق جريت عليها وقالت بدموع:
استني يا ماما، ارجوكي قوليلي حقيقه إيه عشان خاطري.
الام دموعها نزلت ومشيت وسابتها.
عشق بانهيار قعدت ع الأرض:
حد يرد عليا، انتو ليه بتعملوا فيا كده؟
وفجأة فقدت الوعي.
اسد جري عليها بخوف:
عشق! عشق!
شالها بسرعه وجري على عربيته وطلع ع المستشفى.
"ف المستشفي"
اسد بصوت عالي:
دكتوره بسرعه!
الدكتور بخوف:
اتفضل يا اسد بيه.
اسد بغضب:
بقول دكتوره.
الدكتوره جات جري على الصوت ودخلوا اوضه الكشف. وبعد شويه.
الدكتوره:
اسد بيه، المدام عندها هبوط في الدورة الدموية وده بسبب قلة الأكل.
اسد بقلق ولهفه:
يعني هتبقي كويسه وهتفوق امتى؟
الدكتوره:
متقلقش يا اسد بيه، هكتبها ع علاج واهم حاجة تاكل، وان شاء الله هتبقا كويسه وكمان شويه هتفوق، متقلقش.
اسد هز دماغه وقعد على الكرسي جمب عشق لحد ما فاقت.
عشق بتعب:
أنا فين؟
اسد قرب منها:
انتي ف المستشفى.
عشق افتكرت اللي حصل وقعدت تعيط.
اسد بحنيه:
ارجوكي بلاش تعيطي، انتي متعرفيش لما بتعيطي بيحصلي إيه.
عشق بصت عليه بدموع:
بيحصل إيه يعني؟ ومن امتى الحنيه دي؟
اسد بتوتر:
مش بيحصل حاجة..
وقال بحده:
يلا عشان نروح.
عشق مسحت دموعها وقامت وحست بدوخها.
اسد قرب منها وشالها.
عشق بكسوف:
نزلني لو سمحت.
اسد بص ف عيونها وسرح ف جمال عيونها.
عشق لاحظت واتكسفت جدا:
متبصليش كده.
اسد بضعف وبدون وعي:
انتي جميلة اووي.
عشق وشها بقى عبارة عن طماطم.
اسد فاق لنفسه وركبها العربية واتحركوا ع الفيلا.
"ف المخزن"
احمد بقى عبارة عن جثة كله دم من الضرب.
احمد بصوت طالع بالعافيه:
خ خلاص كفايا حرام عليك.
وفي الوقت ده دخل اسد وبص على احمد وبعدين بص على رجالته.
اسد بضحك:
عاش يا رجال.
احمد بتعب:
سبني ارجوك ومش هقرب على حاجة تخصك تاني.
اسد قرب منه وقال:
انت قربت على اغلى حاجة عندي، أنا مش هسيبك بساهل كده.
صوت انوثة جه من ورا اسد:
مفيش اغلى مني طبعًا.
اسد بص على مصدر الصوت وقال بصدمة:
انتي!