روح بدموع:
صقر أنا لازم أموت يصقر، أنا سبب كل المشاكل اللي أنت فيها، أنا لازم أموت. أنا نحس بجد زي ما بيقولوا، بس والله عمري ما آذيت حد، أنا علطول بتمنى الخير للناس، بس هما بيردوه ليا بشر. أكبر مثال أخويا ومراته. أنا ذنبي إيه هه؟ ذنبي إيه ليه بيعملوا فيا كده؟ علطول بحط أعذار ليهم وبسامح، بس ما فقدتش الذاكرة وفاكرة كل واحد عمل فيا إيه. حرام بجد، كان نفسي أبقى زي اللي في سني وأدرس وألعب، بس اتحرمت منهم وقولت ماشي، الحمد لله على كل شيء. بس كان نفسي في شوية حب وحنان واحترام، بس جه بالعكس وعشت ذل وقهر وعذاب وضرب، بس برده قولت الحمد لله. بس ما عدتش قادرة، تعبت تعبت، مخنوقة، ما عدتش قادرة أستحمل. سامحني وادعيلي والنبي.
وفجأة سكتت ونطقت بالشهادة.
قاطعها صقر بغضب جحيمي:
روح! أوعي ياروح أوعي، أرجوكي متعمليش فيا كده.
قاطعه صوت ارتطام جسد بالأرض.
صقر بصراخ:
روووووووووووح! روروووووح!
إياد بخضه:
صقر صقر، في مالك إن شاء الله خير.
صقر بزعر:
روح روح فين؟
وبعدين بص على نفسه، لاقى إنه لسه قاعد على الكرسي وقدام غرفة العمليات.
إياد بحزن:
روح لسه جوه في غرفة العمليات، متخافش، إن شاء الله خير وتكون كويسة بإذن الله.
قاطعهم صوت الدكتور وهو بيقول بهدوء:
متخافش حضرتك، مفيش أي خطر على حياتها، بالليل بالكتير هتفوق، والحمد لله قدرنا نوقف النزيف ونخرج الرصاصة.
صقر بفرحه:
الحمد لله يا رب، الحمد لله.
وبعدين قال في نفسه:
الحمد لله طلع حلم، وربنا هعوضك ياروح عن كل حاجة حصلتلك.
عند مها.
مها:
يماااا اصحي يماااا، والنبي!
وبتبكي:
يما اصحي، والله العظيم ما قتلتها. يارب يارب سامحني، أنا عارفة إن كل ده من اللي كنت بعمله في روح وهنية. يارب يرررررررررب. آآآآآه.
الظابط:
يلا يا عسكري خودها.
مها قامت، ولسا الصدمة مقصرة عليها.
ونقلوا أزهار على المستشفى، بس بعد فوات الأوان، وصعدت روحها السماء، بنفس مذنبها ومعصيتها.
في مكان تاني في قصر رحيم.
وصلوا.
رحيم:
ريفيان.
ريفيان بهدوء:
نعم يارحيم.
رحيم بخبث:
إنتي عارفة اسمي منين؟ أنا مفكرتش إني كنت قلت لك اسمي.
ريفيان بتوتر ملحوظ:
آآآآآه.
رحيم بخبث:
أكيد عرفاني من التلفزيون صح؟
ريفيان بسرعة:
آه آه، أيوه صح.
رحيم بخبث:
وروح الطابق اللي فوق، أول غرفة على اليمين، ادخلي فيها، دي غرفتك.
ريفيان بهدوء:
حاضر.
رحيم بصوت عالي نسبيًا:
يولاء! ولاء! خدي ريما لغرفتها وأكليها.
ولاء خدت ريما ومشيت.
رحيم راح غرفة ريفيان.
ريفيان بصوت منخفض:
أيوه يا فندم، أنا الوقتي في الفيلا، متخافش. كل حاجة ماشية تمام. حاضر يا فندم. إن شاء الله هكون عند حسن ظنك بيا، بإذن الله، مع السلامة.
ولسه بتتلفت، شافت رحيم وعيونه احمرت أوي بشكل مخيف.
عند روح صحت، وبعدين كله دخل ليها يطمئنوا.
صقر بعشق:
روح حبيبتي، الحمد لله إنك بخير، الحمد لله.
وجري عليها وحضنها جامد:
كده ياروح تخضيني عليكي، أنا كنت هموت من غيرك، الحمد لله.
روح بوجع:
صقر صقر، براحة.
صقر بتوتر وخوف:
آسف، آسف والله ما قصدت، وحشتيني أوي.
روح ببرود:
طلقني.
صقر بهدوء:
السلامة عليكي.
وبعدين قال بصدمة بعد ما استوعب كلامها:
إيييييه؟
روح ببرود عكس اللي جواها:
ط.ل.ق.ن.ي.
صقر:
وووووو.
عند إياد، شد إيد مني وخرج بره وقال بغضب شديد:
كل ده بسبب أخوكي.
مني بصت له بحزن وصدمة في نفس الوقت.
إياد:
بكرة وربنا لادفعك التمن، إنتي وأخوكي.
مني بخوف بس قالت بشجاعة:
احترم نفسك، إنت متعرفش أنا مين، أنا مني القاسمي، إنت فاهم؟ وابعد.
وزقته.
إياد مسكها من إيدها جامد وقال بصوت زي فحيح الأفعى:
إنتي اللي جبتيه لنفسك.
وثبتها في عقله أكتر. وقال:
امشي قدامي.
مني بغضب:
سيب إيدي أحسن لك، ومهتحركش من مكاني.
وابعد وزقته.
إياد خبطت راسها في الحيطة جامد، ومن الخبطة فقدت الوعي.
إياد شالها ومشى. واتصل وقال:
ابعتلي مأذون الوقتي حالا.
عند مها.
الظابط:
مها هانم، تقدري تقوليلي قتلتيها ليه؟
مها مبتردش.
الظابط:
ردي، برئي نفسك على الأقل. ليه عملتي كده؟ هل كان في مشاكل بينكوا؟
مها مبتردش.
الظابط:
ردي.
مردتش، وكل اللي على لسانها:
مقتلتهاش، أما متسبنيش يمااااا، يمااااا.
الظابط بص عليها بحزن وعلى حالتها.
المقدم قال:
اكتب عندك يا ابني، تحول لمستشفى الأمراض النفسية والعقلية.
العسكري:
حضرتك الظابط اللي ماسك القضية عايز يدخل.
المقدم:
دخله.
الضابط:
حضرتك، أنا مسكت السكينة عشان أشوف البصمات، مطلعتش بصمات مدام مها. وأما روحت وسألت الخدم، إن في أي مشاكل حصلت قبل وقوع الجريمة. (وعرف اللي زين عمله، وطلع بصمات زين اللي على السكينة، وإن هو اللي قتل أزهار لسبب لسه هنعرف بعدين).
المقدم:
طب جيبوا زين ده.
الظابط:
أنا روحت الفيلا وملقتهوش.
المقدم:
اكيد هيهرب، امنعوه بسرعة، روحوا بسرعة المطار.