تحميل رواية «عندما يعشق العلماء» PDF

مروان سريعا: جاسر بس انت عارف انا ممكن اعمل ايه بلاش دا سر.

الام سحر: بتخبي عليا يا ولد والله ماشي ها انا زعلت خلاص.

مروان: والله مش قصدي يا حبيبتي انا بس عشان مش محدد مشاعري لحد دلوقتي اتجاهها. هحددها بس واقولك يا قمر وهتبقي أحلي أم عريس وأحلي من العروسة كمان.

الام سحر: بكاش بس وعد هتقولي.

مروان: وعد.

الام سحر: انا هروح أشرف على الأكل عشان نتعشى مع بعض ماشي.

جاسر ومروان: ماشي.

جاسر: ما تقولها يا عم فيها ايه هو حرام ولا عيب؟ انت ابنها الوحيد وعاوزة تفرح بيك.

مروان: انت مش فاهمني، هي لسه صغننة دي في أولى جامعة لسه. وبعدين انا مش عارف حبتها ازاي أصلا، بس حاجة كده خطفتني فيها.

جاسر: ربنا يهديك لطريق الصواب يا صديقي.

مروان: يارب، انا وانت يارب. وانت مفيش حاجة كده ولا كده؟

جاسر: انت عارف اللي فيها، مستني اللي هتصون بيتي بس بنات الأيام دي غريبة اووي.

مروان: فعلا معاك حق، ربنا يرزقنا بزوجات صالحات يارب.

جاسر: يارب.

الام سحر: الحج محمود اللي في حتة تانية، ركز معانا يالا عشان هنتعشى يالا يا ولاد.

الاب محمود: معلش القراءة في الكتاب خدتني والله، يالا.

***

وها قد أنتهي الترم الأول للعام الدراسي لهم بالجامعات، من منهم عمل بجهد واجتهاد، ومنهم لم يخلو مرحهم واستمرار الضحك والمشاغبات لدينا.

في مكالمة جماعية بين الفتيات.

دينا بفرحة: وأخيراً هرجع بكرة لوطنيي، هييييييييه.

مي بضحك: والله هبلة، مصر كلها وطنك.

سما: لا احنا كده لازم نحدد معاد عشان نتقابل، وحشتوني اووي.

نسمة: عندك حق، لازم نشوف بعض، لازم نحكي مع بعض في كلام كتير لازم نحكيها مع بعض.

مي: ايوه وبالمرة نعمل شوبنج مع بعض، لازمني لبس تاني.

دينا: أشطات، نتقابل لما ارجع باذن الله.