يعني إيه؟ إزاي ده حصل؟
اهدأ يا آدم، مش كده.
اهدأ إيه يا معتز، نزل سعر أقل منا بحاجة بسيطة. يعني معناه إنه عارف إحنا هنقدم إيه، فنزل أقل منا على طول عشان يستهزأ بينا.
أنا مش فاهم إزاي ده؟ محدش يعرف الورق ده غيري أنا وانت، وانت كمان خدته البيت. يعني... يعني حد من البيت خاين.
أنا مش قصدي كده يا آدم، بس ده مش طبيعي.
لأ، انت عندك حق. حد من البيت خانّي.
بس تفتكر حد من الشغالين؟ دول موجودين من زمان، إشمعنى دلوقتي يعني؟
لأ، ما أعتقدش حد منهم. هشام حاول قبل كده وفشل معاهم.
طب مافيش حد جديد عندك في الفيلا؟
لأ، فيه نغم.
ما ينفعش نظلمها يا آدم، افرض إنها بريئة.
هتأكد الأول قبل ما أعمل أي حاجة.
إزاي؟
انت جمعتلي معلومات عنها زي ما قولتلك.
طلبت من رجالتنا يدوروا وراها، بس هي من ساعة ما جات الفيلا عندك ما خرجتش أبداً.
هبعت أجيب ملفها نشوفه.
بسرعة يا معتز.
حالا هجيبه بنفسي.
لما أشوف حكايتك إيه يا نغم.
***
ممكن أدخل؟
اتفضل.
حضرتك طلبتيني؟
آه يا بنتي، عايزة منك خدمة واتمنى ما تردينيش.
أنا أقدر حضرتك، تؤمري.
الأمر لله يا حبيبتي، عايزةِك تشوفي مريم مالها. أنا عارفة إنها بتعاملك وحش من ساعة ما جيتي هنا، بس معلش اعتبريها أختك الصغيرة وغلطت.
أنا بعتبر مريم أختي فعلاً، وعارفة إن أحوالها مش مظبطة اليومين دول. دخلتلها كذا مرة كانت نايمة، والنهارده ما كانتش لسه جات من الجامعة. هي لسه واصلة من شوية. هروح أشوفها.
ربنا يخليكي لينا يا بنتي ويبارك فيكي.
ويبارك لي فيكم. عن إذنك.
اتفضلي يا بنتي.
ربنا يهديكي يا مريم.
***
إيه اللي بتعمليه ده؟ انت اتجننتي؟
انتي مش فاهمة حاجة يا نغم، لازم أموت.
عايزة تموتي كافرة يا مريم؟
ما ينفعش أعيش، لو فضلت عايشة هأذي كل اللي حواليا.
استغفري ربنا، تعالي أحكيل لي كل اللي حصل معاكي وأنا هتصرف.
لو حكيتلك هتتقرفي مني.
إيه اللي بتقوليه ده؟ انتي أختي الصغيرة، أكيد غلطتي وكل إنسان معرض للغلط. المهم إننا نصلح الغلط ده مش نغلط أكتر.
حاضر، هحكيلك.
بدأت مريم تحكي لنغم كل اللي حصل.
لا حول ولا قوة إلا بالله. يارب استرها من عندك.
أنا تعبت يا نغم. عارفة إني غلطت، بس أتعاقب لوحدي على غلطي مش أأذي كل اللي حواليا.
كده معايا أكبر غلط إنك ساعدتي تأذي أخوكي. كنتِ حميتيله اللي حصل وهو يجيبلك حقك. هو بيحبك ومستحيل يأذيكي.
خوفت من آدم، هو عصبي وما كانش هيقبل بحاجة زي كده، كان هيموتني.
خايفة يموتك تيجي انتي تموتي نفسك يا مريم؟
(تبكي)
أعمل إيه بس يا نغم. الحيوان عايزني أروحله الشقة تاني بعد الجامعة.
بكرها.
وعمري ما أروح تاني، واللي عنده يعمله.
بتقولي إيه يا نغم؟ هيفضحني في الجامعة كلها وهيدمر آدم.
مريم، آدم لازم يعرف.
أنا أموت نفسي أحسن من إني أقولها.
أخوكي عمره ما هياذيكي، هو هيحميكي.
بصي، انتي ما تروحيش بكرة الجامعة خالص عشان ما يجيلكيش. لو اتصل بيكي، ما ترديش عليه ونشوف هيحصل إيه. وربنا يسترها معانا.
يارب يا نغم، أنا خايفة أوي.
ما تقلقيش، ربنا معانا. ادعي انتي بس كتير وصلي.
أصلي!
مالك؟ مش بتعرفي؟
عمري ما صليت قبل كده.
طيب، أنا هعلمك يا ستي. ونصلي مع بعض. يلا بينا.
***
اليوم التاااااالي.
الساعة كام دلوقتي؟
2.
باشا، كده؟ ما تجيش؟
فاكرة كده بتهرب منك؟
هههههه، وماله، هبعتلها حاجة دلوقتي هتحبها أوي.
هههههه، طول عمرك لاعيب يا باشا.
أكيد، اتفرج واتعلم.
نغم! الحقيني.
إيه يا مريم؟
الحيوان بعتلي رسالة فيها فيديو وهو معايا.
وريني كده.
وربنا ينتقم منه، بس كويس الفيديو ده هينفعنا.
إزاي يعني؟
واضح في الفيديو إنك متخدرة ومش في وعيك. وده كويس. لو آدم شافه هيعرف لما نكلمه إنك فعلاً اتضحك عليكي.
بس أنا اللي روحت معاه البيت يا نغم.
عارفة إن ده غلط، بس اهو نرحم آدم عليكي شوية.
طيب، دلوقتي أعمل إيه؟
هقولك، ابعتيله كلام يشتميه وكده، وقوليله إنه خدرك عشان لما يرد عليكي ناخد الرسايل دي دليل عليه. فاهمة كده؟
أه، تمام. هرد دلوقتي.
طيب، بسرعة.
بعت تاني.
قوليله إنك هتديله أي حاجة مقابل إنك تاخدي الفيديوهات دي ومش هتساعديه ضد آدم.
طالب فلوس؟
مش مشكلة.
بس ده مبلغ كبير أوي، إزاي أطلبه من آدم؟
ما تقلقيش، أنا هتصرف وهقابله أنا بداله.
هتجيب الفلوس منين؟
أبيع الدهب ده.
بس انتي قولتي قبل كده إنه من والدتك الله يرحمها.
قالتلي هخليه معايا لحد ما أحتاجه، وده أفضل وقت ليه.
ربنا يخليكي ليا يا نغم، مش عارفة من غيرك كنت هعمل إيه.
آدم هيعرف إيه عن نغم؟
نغم هتقدر تساعد مريم؟