تحميل رواية «وليا معاه حكاية رواية حسام وحبيبة» PDF

وليا معاه حكاية رواية حسام وحبيبة – الفصل العشرون

قصة..(وليا معـــــــــــــاه حكـــــــــــايه)

برارابابابابابا..

صحي حسام ع الصوت دا

وبص لقي حبيبه وقفه فوقيه ومسكا غطا حله ومعلقه

وبطخبت عليهم وبتغني..

انتي بتعملي اي يا نيله..

لا دا انا قمت ولقيت نفسي عايزة اهيص كدا

اي صحيتك ولا قلقتك بعد الشر يعني..

انتي مستفزة..

ميرسي..

ورجع ينام تاني

قعدت جمبه وفتحت التليفزيون وعلت الصوت جامد لف بصلها وحط المخده علي دماغه

فضلت تعلي وتبصله وهي بتضحك

قام رمي المخده وراح الحمام بعد ما جه بصلها وهي قعده بتتفرج ع التليفزيون وقعد جمبها..

هاتي الريموت دا..

لي ان شاء االله..

عايز اتفرج ع التليفزيون..

ولي مقلبش انا

بص ف فيلم كارتون هنا حلووو اوي..

بصلها بعصبيه وجز علي سنانه

حبيبه: خلاص خلاص اهه..

فضل يقلب وبعدين سألها : انتي هتفضلي قعده كدا..

اقوم اتشقلب مثلا ولا اي..

قومي حضريلي الفطار..

لي حد قلك اني الفلبينيه اللي مامي جبتهالك..

مدام ف بيتي وف شقتي ومقفول علينا باب واحد يبقي تحترمي نفسك وتسمعي الكلام

قبل كدا كنتي بتتحامي ف اي حد دلوقتي انا لو عملت اي هقول مراتي ومحدش ليه دخل فقومي حضريه احسنلك ..

مش قايمه..

انا قلت قومي ..

االله هو انا هطفحك كمان

امال كنت في بيتكو بتعمل اي..

انا عمري ما عملت حاجه كلو بيتعملي واخلصي بقه عشان جعان..

مش قايمه قلت..

بصي انا هفهمهالك

امبارح كان الزفت فرحنا صح..

امم والمطلوب..

هقولك اهه يعني ادام الناس اسمك مرات فلان

يعني انتي لو ضيقتيني

هتعصب ولو اتعصبت هضايق ولو اضيقت ممكن اعمل فيكي حاجه لاما هطلقك..

ياااة

وانت فاكرني هعيط واصوت بقه انك هطلقني دا يبقي يوم المني..

منا جايلك ف الكلام اهه

انتي لو اطلقتي في اي وقت هيبقي بالنسبالك الموضوع كويس

ولو اني اشك برضو ماعلينا

بس بقه لو اطلقتي بعد فرحك بيوم اتنين شهر سنه هيبقي منظرك ااي

ولا الناس هتقول اي ولا يا عيني اهلك هيبقي شكلهم اي ادام الناس..

انت قديم اوي ع فكرة

هو لسه في حد بيفكر كدا..

كل حاجه بتتقدم الا دي فاسمعي الكلام بالزوق احسنلك..

بص تاني للتليفزيون وفضل يقلب وفضلت حبيبه تفكر بقلق بصلها تاني..

ها يلا يا عروسه قلتلك جعان..

اللهي ما تلحق تكله..

وقامت تحضرهوله

راحت المطبخ وجهزته ورجعت الاوضه تاني حطتهوله ع السرير وابتسمت بغيظ..

اتفضل يا جوزي يا حبيبي مطرح ما يهري يهري…

بصلها حسام وهو بيضحك زيها : ميرسي يا مراتي..

بدأ ياكل واول ما كل اول قطمة رمي الاكل اللي ف بوقه..

اي دا..

اي الاكل مش عجبك ولا حاجه..

البيض كله ملح..

اة سوري يا حبيبي انت عارف بقه البنات لما تتجوز جديد بيبقو لسه بيتعلمو استحملني معلش ..

وأكل نوع تاني الاكل كان حراق اوي ووقف ف زورة فضل يهوي ع بوقه ويشاور انه عايز ميه..

اي دا مش فاهمه عايز اي

استني عارفاها اللعبه دي

فيلم ؟

لا لا

مسلسل .. !

بصلها والنار هتطلع من عنيه..

هههههههه خلاص خلاص..

راحت جبتله ميه وادتله يشرب وهي فطسانه من الضحك

بعد ما شرب وهو خلاص كان هيروح فيها رمي الصينيه علي الارض

وحبيبه خافت فضلت ترجع لورا عشان ميعملش فيها حاجه مسك اديها جامد..

انتي بتستهبلي ؟

انا عارف انك انسانه وقحه بس مش للدرجادي

اشورلك اني عايز ميه وانا هموت وبتستعبطي فيها!

انا قبل كدا كنت بسكت انما قسما بربي لانا اللي معلمك الادب وهخليكي تدعي ربنا انه يرزقك بحاجتين

يا تطلقي يا تموتي ودا ان نولتهملك..

كانت حبيبه بتبصله بخوف وهي مش عارفه تتكلم وبتحاول تخليه يسيب اديها لاكنه ماسكها جامد

كان باين ع وشها الخوف والالم رما اديها وخرج برة مسكت اديها وقعدت علي الارض وهي بتعيط

لان عمرها لا اانت ولا حد زعقلها دايما مدلعه واللي تطلبه بيجلها حته لو مش من باباها وممتها من صحبتها دايما بيشفوها طفله

وعمرهم ما حولو يزعلوها

فضلت تعيط بحرقه

هي اة كانت عارفه ان حسام وحش بس مكنتش تتخيل انه يعمل معاها كدا

او يخوفها كدا فضلت قعده ع الارض لحد بالليل من غير اكل ولا شرب وحسام محولش يدخلها.. ساعت النوم دخل عشان يجيب

مخده وحاجه يتغطي بيها

لانه قرر ينام برة

لقاها نايمه علي الارض مكنها قرب عشان يروح يقومها

بس رجع تاني في كلامه

وخد المخده وخرج

صحيت حبيبه وجسمها كله مكسر من النومه اللي هي نامتها

قامت وبصت لنفسها في المرايه

لقت عنيها مورمه من كتر العياط

طلعت عشان تعمل فطار لنفسها

شافت حسام ف الطورقه وعنيهم جت في عنين بعض قامت بصه ف الارض وكان باين عليها الزعل

كملت لحد المطبخ فضل كل واحد قاعد ف مكان لحد ما باب الشقه خبط

جريت حبيبه عشان تفتحه..

ماما وحشتيني اوي اوي اوي..

فضلت حبيبه تحضن ممتها زي ما تكون مشفتهاش من سنه

كانت هتعيط بس مسكت نفسها..

اي يا حبيبه دا انا يدوب سبتك يوم واحد..

وانتي مستقلياة برضو يا ماما..

المهم اخبارك اي..

انا الحمد الله بابا فين..

تحت وطالع هو

وحماكي وحماتك..

ماشي يلا ندخل..

انتي لبسه الازدال لي..

اممم اصلي بردانه شويا..

بردانه ف الحر..

منتي عارفاني بقه يا ماما ببرد في اوقات غريبه وبحتر ف اوقات اغرب..

شاف حسام مامت حبيبه سلم عليها بكل احترام وحبيبه اول ما شفته بصت الناحيه التانيه..

نورتينا يا طنط اتفضلي..

منور بيك وبحبيبه يا حسام..

ربنا يخليكي يا طنط ها حضرتك تشربي اي..

لا هو احنا جين نشرب ونتعبكو..

حبيبه: تعب اي يا ماما

ايه اللي بتقوليه دا

قوليلي بس اجبلك عصير ولا اعمل شاي؟

محمد: شاي احسن..

سمعت الصوت دا لفت وطلعت جري عليه..

بابا وحشتني موووت كدا تسبني يوم بحاله..

هو انا سيبك لوحدك منا سيبك مع جوزك يا بنت..

فضلت حضناه وقت كبير..

هتسبيني وتسلمي علي عمك مجدي

ولا هتمسكي فيا كتير..

كان والد ووالدت حسام وقفين وراة..

سابته وراحتلهم : ازيك يا عمو ازيك يا طنط نورتونا..

بنورك انتي يا حبيبه..

اتفضلو..

فضلو قاعدين يضحكو ويتكلمو وحسام

ما بنهم ساكت كالعاده كل اللي بيعمله مجرد ابتسامه بيضحك عليهم بيها

واتغدو معاهم وقررو يقومو..

امال: بصي يا حبيبه انا سيبالك كل الاكل ف التلاجه انتي بس تسخنيهم في المايكرويف وهيقضوكو اليومين الجاين..

عاا يومين بس يا ماما

طب وبعد كدا اتسمم من طبيخي مثلا..

هههههه لا يا حبيبتي بعد اليومين دول مش هتحتاجو اكل ف البيت بقه..

هنصوم.. ?

يابت انتي مش هتتغيري ابدا

عمك مجدي هيبقي يفهمكو

امشي انا بقه عشان كدا اتاخرنا خدي بالك ع نفسك هتوحشني اوي..

اي دا هو انتي مش هتيجي الايام الجايا..

لا بقه هسيبكو شويا و لما تيجو هبقي اجيلكو..

نيجي منين..

لا مينفعش اقولك يلا سلام..

اي دا انا مش فاهمه حاجه..

مش لازم يلا سلام..

سلام..

ومشيو كلهم وقفلت حبيبه الباب ومشيت تكلم نفسها : انا مش فاهمه حاجه نيجي منين

ويومين اي نكونش هنهج ولا هطلق

يا سلاام..

بصلها حسام وهي بتكلم نفسها وبعدين سالته : انت فاهم حاجه..

وانتي بتساليني لي ماعندك ممتك اساليها..

انا بكلمك لي اصلا

ولا بسالك لي بص اسكت خالص..

انتي عبيطه يا بت انتي..

ملكش فيه..

ودخلو قعدو في الاوضه حسام بيتفرج علي التليفزيون وحبيبه قعده تفكر كل شويا تغير قعدا

وتقوم وتقعد وتبصله

وبعدين تبص الناحيه التانيه..

خيلتيني..

اي عايز اي..

انتي مقعدتيش من بعد ما مشيو

وانا قربت ابل منك..

عقبال ما تشد ف شعرك..

طب ادي لربطك ف السرير..

بس ياض..

ياض ?

متتلمي يابت..

بته لما تبتك واسكت بقه عشان عايزة افكر

يكونوش جيبنلنا طباخ اة ممكن

او عملين مفجأه وهنسافر كلنا باريس مثلا يااه واجيب هدوم

واتفسح انا وبابا بقه..

لو مخرصتيش هجيب بلاستر من برا وهكتمك خالص..

انت حتي مش عايز تعرف ف اي؟

ولا اي اللي عمو هيقولهولنا

فين الحس الفضولي بتاعك..

وانا اعرف لي

مالي يتعمل يتعمل..

ياباي عليك..

اسكتي واطلعي اتخمدي برة بقه

عشان زهقت منك..

هو انا كل يوم اللي هطلع برة

متطلع انت..

منا لسه كنت نايم برة امبارح

وبعدين اة انا ظالم هخرجك كل يوم..

لا مش خارجه وبعدين انا بخاف لما بنام برة لوحدي..

مليش فيه خدي حجاتك ويلا برة..

انت معندكش دم ولا احساس وانا مش خارجه النهارده لو عملت اي..

ولا انا خارج

وهنام ف السرير كلو لوحدي وشوفي هتعملي اي..

وزقها من علي السرير ونام عليه كلو وقفت حبيبه وهي متغاظه وبتدب في الارض..

انا مكرهتش ف حياتي ادك حاسب عشان اخد مخدتي

حاسب..

وراحت عشان تنام علي الكنبه اللي جمب السرير..

انتي هتفضلي هنا برضو..

انت مش مكفيك انك خدت السرير

ملكش دعوة بقه انام علي الكنبه

انام فوق الدولاب ميخصكش ان شاالله اتعلق في النجفه ..

قام قفل الباب وقفل النور

اتخضت حبيبه لما الاوضه ضلمت خالص

انت قفلت النور لي..

عشان هنام..

طب سيب نور الابجورة اللي نحيتي..

لا انا مبعرفش انام الا والدنيا ضالمه كدا..

طب طب افتح بس وبعدين اكلمك..

مش فاتح حاجه..

وحيات بباك

افتح عشان خطري..

قام فتح الابجورة وبصلها كانت قعده وماسكه في الكنبة زي ما تكون هتهرب منها ..

عايزة اي..

اصلي مبعرفش انام الا والدنيا منورة لو نور خفيف..

يبقي اطلعي نامي برة..

مانا برة برضو بخاف..

والمطلوب..

سيب بس نور الابجورة دي..

مبعرفش انام كدا..

طب اقولك حل احسن

نفتح الباب وهيجبلنا هو نور من برة وخلاص..

برضو مبحبش كدا..

وقفل نور الابجورة تاني..

لا لا وحياتك

والنبي افتحه خلاص هطلع انام برة بس افتحه..

ادينا فتحناه اتفضلي..

خدت حجتها وهي حضناها ومشت وهي زعلانه وطلعت برة

وطبعا حسام ولا هنا

فتحت النور والتليفزيون كالعاده

وحولت تنام

واول ما نامت سمعت صوت

خافت فقامت عشان تشوف اي دا بصت لقته التليفزيون..

انا نقصاك انت كمان

يعني كل الافلام خلصت مجبتوش علي حظي غير فيلم رعب اعمل اي دلوقتي..

قامت وراحت الاوضه وحسام نايم فضلت تصحيه وهي بتبص حواليها..

حسام انت يا زفت..

بعد تفكير قررت تنام جمبه

ونامت بس ع اول السرير خالص

خلص الليل وصحي حسام وفرد درعاته جت ع راس حبيبه بص باستغراب لقاها نايمه جمبه زي الملاك

اول مرة يشوفها نايمة كانت عسوله يمكن عشان نايمة ويمكن عشان ساكته ومش بتتكلم كتير

بص لطرحة الازدال وهي مفكوكه وباين منها معظم شعرها ناعم جميل

والخصله اللي جايا ع عنيها حاول يشيل الخصله دي

فصحت حبيبه وبصو لبعض قامت مفزوعه وقعدت مكاا وعدلت الطرحه وحسام بيببص الناحية التانية..

انتي اي الي جابك هنا..

اصل كان ف فيلم رعب شغال امبارح فخفت

وجيت اصحيك بس انت مسمعتنيش..

وانتي خارجه تتفرجي ولا تنامي..

لا انا كنت مشغله التليفزيون عشان اعرف انام

بس لقيته شغال بقه ع فيلم رعب..

ساا وقام قعدت تعدل طرحتها وهي قلقانه وبعدين قامت عشان تحضر الفطار سمعت صوت الباب فراحت عشان تفتح لقته والد

حسام..

اتفضل ياعمو..

صباح الخير يا حبيبتي..

صباح النور ازي حضرتك..

تمام فين حسام..

لقي حسام داخل عليه وسلمو علي بعض وقعدو

مجدي: بصو بقه انا عملكو مفجأه بصتله حبيبه بفرح..

االله انا بموت ف المفاجآت..

بصلها حسام عشان تسكت..

حبيبه: خلاص سكت اهه اتفضل يا عمو..

اتفضلو..

وخرج تزكرتين سفر من جيبه وحطهم ع الطربيزة..

حسام: اي دا..

دي تزاكر سفر لتركيا..

قامت حبيبه وفتحت بوقها وهي مش مصدقه وقالت وهي مصدومه..

اي دا هروح اشوف مهند ؟ .. !

بصلها حسام ومجدي بأستغراب فحاولت تستوعب اي اللي هي قالته دا

قصدي هروح تركيا واشوف الممثلين انا مش مصدقه نفسي..

كان حسام قاعد قلقان وعنيه مترلتش من ع التذاكر..

وقال: بس انا اجازتي مش كبيرة لدرجه اني اروح تركيا يا بابا..

انا همدهالك متشلش هم..

بس..

من غير بس انا عايزكو تتبسطو..

انا بصراحه يا عمو مبسوطه

مبسوطه اوي

وكمان هركب طيارة ياة حلم حياتي ربنا يخليك ..

طيارة ? ..قالها حسام بقلق فرد والده..

اه طيارة امال هتروحو تركيا بأي

بعجله ؟ يلا بقه يا دوب تجهزو الشنط الطيارة الفجر..

كانت حبيبه بتتنطط من الفرحه وحسام واقف مش عارف يعمل اي مشي بباة ودخلو

حبيبه فضلت تحضر في شنطتها ومبطلتش كلام واي هتلبس واي هتخده معاها وازاي هتركب طيارة

وحسام حاطط التذاكر جمبه وباصص عليهم..

حبيبه: طب هو الجو حر عندهم ولا برد يعني اتقل ولا اخفف

لا انا لازم ادخل ع النت واشوف الموضوع دا يااه واروح واتصور بقه وافرج اسماء ع الصور

شكرا يا رب شكرا شكرا شكرا..

بصت لحسام وسألته : انت مش هتحضر شنطتك ولا اي..

كان حسام تايه فمسمعهاش سالته تاني : يبني هتحضر شنطتك امته..

نعم..

نعم االله عليك

بقولك هتحضر شنطتك امته..

كمان شويا..

مالك كدا مش عوايدك متزعقش..

لا مفيش..

وطفي النور عشان ينام ففتكر حبيبه وفتح نور الابجورة

استغربت شويا وبعدين ظبطت المنبه عشان يبقو يقومو بدري ويلحق حسام يحضر شنطته رن الجرس فقامت تصحيه لقته بيتقلب جامد

وهو نايم

زي ما يكون بيحلم بكابوس حولت تصحيه سمعته وهو بيتكلم فقربت تسمعه..

هند

هند انزلي يا هند هند..

قعدت جانبه وحولت تصحيه بس براحه: حسام حسام ..

قام مفزوع ووشه عرقان بصلها بخوف : ف اي..

مفيش انا قلت اقومك عشان تلحق تحضر شنطتك..

ماشي ..

قام وبدأ يحضر شنطته وكل شويا حبيبه تبص عليه

كان بيحاول ميبصلهاش

جهزو حاجتهم وخبط الباب فتحت حبيبه لقت مجدي فسألهم..

اي يا ولاد جهزتو..

اة يا عمو تمام اهه..

طب يلا نترل الشنط..

نزلو كلهم وقفلو الشقه

وحسام وراهم ساكت سلمو ع ممته وركبو العربيه

اول ما وصلو المطار

فضل حسام باصص عليه..

مجدي: يلا يا حبيبه..

نزلو كلهم ووصلهم مجدي لصالة الانتظار

انا هسيبكو بقه عشان تستنو الطيارة خدو بالكوو علي بعض

حسام خد بالك علي حبيبه..

حاضر يا بابا..

فضلت حبيبه تشاورله وهو ماشي

لحد ما خرج رجعت تقعد جمب حسام وهو ساكت

قعدت تتكلم وهو مش بيعلق عدي الوقت وحبيبه بدأت تزهق

حطت الشنط جمبها وهي بتجبهم كانت وحده منهم هتقع فحولت تمسكها سعدها حسام فلمست اديها اديه

كانت بردانه اوي بصتله بأستغراب وفضلت تفكر شويا

وجه معاد طيارم

فقام وهو بيسحب الشنط بصتله وقالتله..

تعرف حد ف شرطه السياحه..

نعم؟..

تعرف حد من شرطة السياحه ف شرم الشيخ..

اة يعني لي..

تعرف تقول لحد فيهم يحجزلنا هناك..

واي االي هيودينا شرم الشيخ!..

اصل من الاول يعني وانا مش مشجعه موضوع تركيا دا

وكمان انا بحب اشجع صناعه بلدي..

فضل مركزلها وهو مش فاهم..

وكمان انا بحب جو الاتوبيسان والرحلات دا واقعد اقول سالمه يا سالامه..

فهم قصدها وابتسم بس مرضاش يبينلها ورد عليها : لا مينفعش

وكمان دي رحله وبابا حجزها والحجات كلها متظبطه ..

متخلص بقه وكمان احنا هنتصل بيهم ونلغي الحجز أو نأجله لو ينفع..

انتي مفكراها لعبه كدا..

اة عادي يعني

اتصل بحد وبينا ع اول محطه اتوبيسات واول اتوبيس ع شرم

يلا بقه عايزة اصيف..

حاول حسام يوافق من غير مايبن انه فهم عشان ميحسش انه ضعيف قدمها طلعو وركبو تاكسي

وحجزو في اتوبيس شرم

وفضلو مستنينه واتصل حسام بصحابه عشان يحجزوله فندق في شرم

وركبو الاتوبيس بالرغم انه مكنش المكان اللي حبيبه مستنياه

بس برضو كانت فرحانه زي اللي طالع رحله واشترو فينو ورومي ولانشون مخصوص

عشان حبيبه تحس اا في رحله وهي بتعمل ساندوتشات

واتعرفت علي الناس اللي معاهم وشغلو اغاني وفضلت تسقف وحسام قاعد كالعاده

بس وهو بيبصلها..

انتي متعرفيش ان ف طيارة لشرم..

بجد لا اول مرة اعرف..

انتي هتستهبلي..

متتلم بقه

وبعدين انا قلتلك اني بحب اجواء الاتوبيسات دي عشان الهيصه

انما هقعد ف الطيارة كدا هزهق..

كذابه..

نعم..

انتي كذابه..

لي يعني..

انتي عارفه انك كنتي هتموتي وتروحي تركيا

وكنتي هتموتي اكتر وتركبي طيارة..

عايز اي يعني ..

عملتي كدا لي..

اكيد مش عشان جمال عيونك يعني

انا بس عارفه ان الواحد سعات بيخاف من حجات غصبا عنه

او يفكر انه بيخاف منها وانا عارفه إحساس الخوف دا

وحش اوي وكمان مبحبش افرح بحاجه واشوف غيري زعلان.

فرحتي مش بتكمل..

ومين قالك اني خفت..

انا مقلتش انك خفت

انا برضو مركبتش طيارة قبل كدا

وكنت قلقانه منها فعشان كدا مرضتش اجازف ..

اتعصب وقلها : ع فكرة انا عمري ما خفت من حاجه وانتي لسه متعرفنيش ولو مفكرة اني بقيت ضعيف في حاجه فدا بعدك

كل الحكايه اني مبحبش ربطت الطيارة بتخنق منها..

جاتك نيله تخدك

اسكت خالص بقه بدل ما الم عليك الاتوبيس واوعي تفكر اني عملت كدا عشانك ولا حاجه

انا لسه مش طيقاك

ولسه الحرب بنا ..

يعني انا اللي لسه طقتك منا كمان مش طيقك..

هما الاتنين قالو نفس الكلام اللي بيقولوة كل مرة

بس المرة دي كل واحد كان بيقوله وهو حاس بأحساس مختلف عن المرات اللي فاتت

في حاجه اتغيرت بس هي اي االله اعلم…

****