رواية وقد كانت صدفة الفصل الثامن وأربعون 48 - بقلم غـدير عبداللّٰه

"وقد كانت صدفة"

چان الملاگه صلف
ما خله چفي يلوحها
بعيني لحتها وغمضت
شوگي غلبني و دمعت
ساعتها لحظة تخيلت
چفي يجيس چفوفها
بأيديها لمن اشرت
روحي رحلت عني ومشت
خوفي اليدردملي سكت
بس گلبي سامع صوتها
صح من مكاني تحركت
و بفرحه و بكسره رحت
بس انا عايش ما متت
چي بس لمحت عيونها

___________________________

شهد:يجر بأيدي واني احجي ويا وهو ولا يمه وگفت نص الطريق وسحبت ايد منه جان يجره حيل ومبين اعصاب جان يدخلني بغرفه من الغرف جان ما بيه أحد دب الخوف بيه صرت ارجف بس لا شو شنو يسوي...

شهد:ءءانت شنو تريد مني يا اخي فهمني وين ما اروح الگاك بوجهي،يتقدم عليه واني ارجع ليوره ونفس ملامح الغضب مرسومه على وجه طخ جسمي بالحايط ،خلصت كلامي گال...

اشتر:بس فهميني أنتِ شنو من بشر شنو زعطوط گدامج وتضحكين عليه تگليل روح جيب ماي وتشردين ها شگد شايف صلفات بس مثل صلافتج ما شفت عبالج بسوايتج هاي رح اسكت لا رح اشوفج شي ميعجبج ...

شهد:فتحت عيوني على كلامه،يمكن رغم الناس تشوفني اضحك لو اتشاقه بس شخصيتي قويه وما اخاف وحتى إذا خفت ما أبين ضعفي گدام أحد وما احب احد يحجي عليه ويسيء الي رفعت اصبعي بوجه وگتله...

..احترم نفسك ولتجاوز ولتنسه نفسك انت الي اجيت ولحگتني مو اني،بعدين اني مو من ذولي البنات الي تضحك عليهن حتى ترضه نفسك اني بنت عالم وناس روح شوف غيري وبعدين الي صار هذاك اليوم تره انت الي مراقبني واجيت وراي، شنو تريد مني تحبني اني ما احبك اكرهك تعرف يعني شنو اكرههههههك،بس خلصت الكلمه ما حسيت اله وخدي وجر نار من الضربه مالته خليت ايدي على خدي ورفعت راس اله جان تنزل دموعي وره ما شال ايده هو ضل باهت على الي سواه...

اشتر:اسف والله مو قصدي اضربج أنتِ الي ضغطتي عليه،اباوع عليه خاله ايده على خده ودموعه تنزل وحده وره الثاني مثل المطر ما اعرف شنو ردت اسوي ستغفرك ياربي اني شنو سويت بعده زادت بالبجي رحت عليه ما اعرف شنو اسوي غير بسرعه ومن دون تفكير حضنته صارت تنشغ مثل الطفل،دفعتني حيل عنه وبعدت عني بسرعه ردت احجي سكتتني...

شهد:اشششش والله اذا حجيت الم العالم كله عليك اطلع بره ...

اشتر:بس دقيقه افهمج والله مو قصدي بس....

شهد:اطلع بره گلت...

اشتر:دقيقه خرب....

شهد:تطلع بره لو شلون،ما سمع كلامي توجهت للباب ردت اطلع جان يجي...ماشي طالع بس والله اسف والله ما قصدي ااذيج بس انتِ أجبرتني اسوي هيج واني جنت متحمل عليج...

..اطلع بره،باوع الي بنظره كسر درت وجهي عنه واني الشهگه بيه وطلع سديت الباب وراه واستندت عليه وصرت ابجي جانت هاي اول مره اضهر ضعفي گدام أحد...

جنت حتى الي ياذيني رغم اذيته الي ما بينه ضعفي گدامه لكن هل مره ما تحملت من كثر الضغط منا الي صار ومنا هذا مدري منين طلع حسيت طاقتي خلصت...

وخاصه هاي السوالف كُلش اخاف منه وخاصه اخويه كُلش اخاف منه وبهذاك اليوم الي رحت لبيت خالتي من وصلت جان اشوفه لو اني يبس الدم بعروگي من سألني وين جنتي ضليت امتمت بالكلام بعدين گتله...

شهد:مو شسمه هذا جنت بالمستشفى اليوم جان شغله هواي وهسه ستوني خلصت، بيومه رزلني رزايل غسل ولبس وصعدت وياه وهو مستمر يرزل اخويه من النوع العصبي نار ميشوف گدامه أحد اذا عصب وبنفس الوقت گلبه طيب شلون رهمن ما ادري....

مسحت دموعي وگمت عدلت شكلي وطلعت ولا كانوا صاير شي...

ميسم:بعد ما وصلت ايلاف لبيتهم رجعت اني ما بيه حيل احجي دخلت جان تتلگاني ماما وجه ميتفسر شفت وضعه مو طبيعي گلت...

ميسم:ها ماما خير شبيج ليش هيج وجهج باهت؟

..ءء شسمه

ميسم:ماما احجي والله ما بيه حيل احجي گولي شكو الي صار؟

..ءءفلوي ضاع ما هوه من الصبح ادور عليه وملكيته!...

ميسم:جنت ما مركزه بكلامه لكن من سمعت ضاع فتحته عيوني،شنو شوكت ماما صُدگ تحجين؟

..اليوم الصبح اول ماگعدت اريد أنطي اكل ما لگيته دورت البيت كله هو ماكو ليش لما طلعت ولگيت الباب مفتوح...بعده ما مكمله حجي بسرعه طلعت مثل المخبله ادور بالشوارع ماكو،اسئل أهل المحلات يگولون مندري ما شفناه ويضحكون عليه من يشوفون حالتي حقهم همه وين شايفين هيج شي،طبعاً بالنسبه الي أحبه مثل ابني ربيته من عمره ايام دوم كل ما اجي من الدوام يتلگاني بالباب رجعت للبيت واني ميته من القهر اجت امي گالت...

..هاااا لگيتي؟

ميسم:لا ماكو فص ملح وذاب يا هو الي اسئله يضحك عليه عبالهم ابني من اكل الهم چلب مالتي يضحكون عليه...

..زين تعالي دخلي شوفي وجهج شلون احمر من الشمس وتعالي هذا سيف خبص الدنيا بالمكالمات....

ميسم:يا عزززه نطيني،بس فتحته وعاطه...

سيف:بنت الاوادم صار الي ساعه ادگ عليج وين صرتي اني كلب ابن كلب اذا تصلت عليج ليش متردين صار الج ساعه من راجعه من الدوام...

ميسم:حجيت بدموع،الووو سيف...

سيف:ها ولج شكو شبيج يبعد حيلي ليش تبجين شكو شنو الي صاير؟

ميسم:سيف فلوي ضاع ومن اجيت من الدوام واني ادور عليه وصار الي ساعه ادور ما لگيته تكول فص ملح وذاب...

سيف:عابت عبالي شو شنو طلع چلب!

ميسم:سيفففف لتحجي عليه والله ميته قهر عليههههه...

سيف:ها عمي اسفين نعتذر من حجي چليب والله عمي بختك هل كبره صار الي ساعه محروگ دمي عليه تالي تبجيلي على چلب العفو فالوله لو شنو اسمه واني ميت خوف عليه؟

ميسم:سيفففف لتحجي عليه والله احسن منك هو روح بعد ما احجي وياك ولتتصل عليه مره ثانيه، وغلقت التلفون بوجه وضليت انوح نص ساعه بالاخير تعبت ورحت لغرفتي نمت حتى ما تغديت...

گعدت على ايد تدغ بيه واسمعه تحجي...

..ولج گومي گُعدي سيف اهنا يريدج گومي بسرعه....

ميسم:گمت بسرعه واني فاتحه نص عين،صُدك ماما هنا عززه بس لا رح يسويه ويكتلني...

..شنو؟

ميسم:هااا لا ماكو شي هسه بسرعه نازله ماما گومي بسرعه روحي يم الولد فشله...

راحت هيه على السريع واني رحت غسلت وجهي وبدلت ملابسي ونزلت اول ما دخلت سلمت عليه هو رد عادي بس ما باوعلي لو اني كُلش خفت منه لان هو محذرني يكلي كُلشِ سوي بس لا تغلقين التلفون بوجهي يتخبل من هاي الحاله عززه ...

ضل يسولف ويه ماما شويه وحجه گال...

سيف:عمه عادي أخذ ميسم شويه اليوم وبالليل نرجع لان نفسيته تعبانه...

ميسم:لا لا كُلشِ مابي...خزرني يمه متت اكيد هاي الطلعه لازم اكو وراه شي، وافقت ماما اشر الي اگوم بسرعه ابدل ترددت بعدين ستسلمت ورحت بدلت على السريع ونزلت من شافني گام سلم على ماما وطلعت مشه قبلي واني هم صعدت يمه حتى ما حجه كلمه لو رفع عينه عليه واني گلبي يدگ من الخوف...

سيف:يي ست ميسم تغلقين التلفون بوجهي؟

ميسم: حجيت بخوف،والله مو قصدي انت الي خليتني هيج تدري بيه إذا عصبيه ما اعرف شنو احجي وانت بس تستهزئ عليه واني ميته قهر وانت تضحك،وجان يطگه بضحكه ضليت منصدمه...

سيف: هههههههههههه خرب بويه لو شايفه شكلج من تحجين جنج فاره لعد وينه راحت ام للسان لو بس بوخه...

ميسم:والله تستاهل الي سويته وياك بس اخ حكم القوي على الضعيف...

سيف:وغصبن على خشمج هذا،وجرني منه حيل...

ميسم:اخخخخ سيف مو هيج اوييي دتوجعني، ما ادري وطلعت مني بمياعه ما ادري اكو بعض الكلمات الاخيره تصير عندي بمياعه يعني اجر الكلمه ما ادري ليش ...

سيف:شتعلوا الهنود الحمر خرب ميسم والله إذا بعد حجيتي هيج اسوي بيج سوايه مصايره...

ميسم:ليش شنو سويت؟

سيف:باوعت اله بمكر،هيه فتهمت دارت وجه وغيرت الموضوع...

ميسم:هسه انت وين ما خذني؟

سيف:اگول اني سمعت بيج مماكله ليش يعيني ليش هيج تسوين؟

ميسم: والله مجان الي نفس اليوم وصارت هوسه بالمستشفى وبعده اجيت،وحجيت بقهر ،ولگيت فلوي ماكو نسدت نفسي...

هو هم مگال شي لان يدري بيه إذا انقهر ما اكل وصلنه لمكان الي عزمني عليه وگعدنه نسولف تعشينه سوه وبعده أخذني فرني شويه غيرت جو ورجعت للبيت...

مشت الايام وفلوي ما اله اثر شگد دورت عليه ماكو بالاخير ماما گالت اكيد نباگ لان هو شكله يخبل ابيض وكل شعر ف اكيد ينباگ تقبلت عدم وجوده،وبعده لتهيت بالدوام لو كل فتره نطلع نجهز اني وماما لو اني وايلاف واكثر شي ويه ايلاف وأمه لأن هيه عرسه قريب ف بدت تجهز ....

ايلاف:نزلت وسحبت شال وخليته على راسي وطلعت ليبره فتحت الباب وجان يصير بوجهي بتسم الي دخلته...

..امير ليش اجيت؟

امير: يعني أنتِ هي هاي اخلاقج طردين خطارج يله اني اروح، ودرت وجهي اطلع...

ايلاف:لا تعال مو قصدي اطردك بس سىئلتك ليش تگلبه جد...

امير:تردين الصراحه جنت مشتاقلج ومن سمعتج تبجين ما تحملت واجيتج بس ولو مبين خوش خايفه عليه...

ايلاف:لا والله مو هيج بس....

امير:اششش قابل ما ادري بيج تعالي كُلش مشتاقلج وسحبته وضميته بحضني سحبت نفس من عطره الي اتسودن بي...

ايلاف:سحبني وخلاني بحضنه جنت اول مره اصيره يمه بهذا القرب نوب بحضنه واني حاضنته صرت اسمع دكات گلبه السريعه مثل دگات گلبي عبالك ديعزفون على لحن واحد نفس الدگه متناغمه بعدت عنه جان الشال واگع على كتفي جان يشوف شعري ويگول...

امير:صُدك سبحان ربج من يبدع بخلقه شگد جنت احب الشعر الطويل للبنيه لكن من شفت شعرج لا لا اسحب كلامي،بعده صار يلقي كلمات جدا رائعه ..

- ذاتُ الشعر القصير

أُنثّى ذّات شعرٍ قَصير
اَسودَ اللوُن
جَميلةٌ جَداً
مَملوُحَةٌ مُخَتلِفه
تَمشي مُنفردةً بَين ألاَف النِساء
يالَبرائةَ وَجهِها كَم هي جَميلة
- صَوتُها آه
- لِنبرةِ صَوتِها
أن تكَلمت ، يّنظر الجَميع الى شَفتيها
يَا لَيتني أعَرف اوُل حَرفاً مِن أسمها
لعَلي أُعيدُ ترتيبَ اسَامي الكَثير مِن النِساء
لاّجد أسمُها !
- شفتچ مِن ابّعيد كَمريه تَلالي 🤍.

ايلاف:لازم شعري ويحجي خجلت من كلامه،احم هاي شنو صاير شاعر واني ما ادري؟

امير:لعد شعبالج وبعد عندي مواهب ما مكشوفه بعدين نكتشفه اني وياج ،وبتسامت مكر على شفايفه...

ايلاف:يي عود بعدين مو هسه هسه يله روح قبل ليشوفوك اهلي عبالهم حرامي...

امير:يي خوش حرامي جاي يشوف بتهم يبوگه منه حضنات خرب غيرتك سيف...

ايلاف:الولد شعليه ليش تأخذ غيبته،بعدين هاي شنو بايدك؟

امير:خرب نسيتيني جبت الج شغلات واندومي ادري بيج تحبي وجباسه ونساتل ما اعرف تحبيهن لو لا لان غنى دائما توصيني عليهن...

ايلاف:صُدك جبت اندومي يا اخي انت شنو...

امير:اني شكم مره گايل الج لتگولين اخي اني مو اخوج بابه زوجج

ايلاف:حبيت هل كلمه منه وضحكت وگلت،الله زوجج يعني هسه انت زوجي؟

امير:خرب غيرتك سيف أنتِ ما ادري شلون صرتي دكتوره حرامات خسارته اهلج بيج...

ايلاف:يااا ليش،لا بس تدري اول مره اسمعه ف حسيته غريبه وحلوه هم؟

امير:يله اني اروح بس لازم فد شي قبل ما اروح يعني اني تعنيت واجيت حتى بس اشوفج هاي عاد راعي الله بيه وخلي بين عيونج الحلوات...

ايلاف:مثل شنو يعني اسويلك اندومي ويايه...

امير:اخخخ يا يأبه على ذكائج اروح احسن الي...

ايلاف: هههههههههههه لا والله اتشاقه وياك،شجعت نفسي وتجرئت ورحت بسته بخده بسرعه...

امير:هيه هاي الله گدرج عليه...

ايلاف:يااا لعد شنو تريد؟

امير:وجعا يله اني اروح...

ايلاف:راح راد يطلع گلت،الله وياك حبيبي دير بالك على نفسك،دار وجه وگال..

امير:شنو گلتي؟

ايلاف:دير بالك على نفسك...

امير:لا القبله؟...

ايلاف:الله وياك...

امير:لا الي بنص؟

ايلاف:حبيبي،شو هذا اجه أخذ بوسه وراح اني ضليت صافن عليه عززه ستحيت اخخخ ...

مشت الايام وصار امير كل ما عنده شغل يدز الي رساله ومنه اطمن عليه، وضليت حايره ويه ميسم مقهوره على الچلب مالته ضايع إلى أن حاولت تنساه،بدينه نجهز لان ما بقه على عرس شي بدايه السنه الجديده..

دخلنه بشهر محرم وبعاداتنه بهذا الشهر نلبس الاسود حد الاربعين الامام الحسين(ع) وراه ننزعه...

وبالعشره الاولى ليلة الطباگ او ليلة العاشر يسموه،بيت جدو يسون قرايه ويطبخون هريسه ونسهر عليه للصبح ونجيب مله تقره االنه كل مره بيبي موجوده ويأنه بهذا اليوم لكن هل سنه كُلش فتقدناه،تمشي الايام واجه صفر وبدت زيارته الاربعين ماما كل سنه تروح لأهله لان عدهم موكب على طريق المشايه تروح تخدم وياهم كل مره نروح وياه اني وآدم ورافد وبابا هم لكن هل مره مگدرت اروح لان دوام وامير ما قبل اروح ما ادري ليش خلصت هاي الايام الي نتمنه متخلص بخدمت زوار الامام الحسين (ع)..

بعده بدت تبرد الدنيا ومطر واني بعدني ما مطلعه ملابسي الشتويه لان جانت الدنيه حاره وتالي خوش وگعت الي بمرضه من هاي الزينه وفلاونزه والصخونه واني كُلش مكروه بالمرض حتى اني اضوج من نفسي اذا تمرضت وبالشافعات يالله صحيت منه...

خطيه امير هاي الفتره جان عنده شغل كومه وصارت عنده سفره ويوميه يخابرني...ها مرتي شلون صرتي...ومن اسمع هاي الكلمه اضحك عليه بعز خوفه عليه ما ينساه واضطر اطمنه واگله...لا مابيه شي...لان ما اگدر اقلقه وهو عنده شغل...

والحمدلله من بعد العلاجات الاخذتهن صرت احسن وكل يوميه اني وماما لو ميسم نطلع نجهز الحمد لله خلصت التجهيز وبقت كم شغله گالت ماما اني اجيبهن الج لان اني ملتهيه بالدوام ومن ارجع تعبانه ما أكدر اروح...

احس الايام تركض ركض واليوم گاعدين كل احنه عد بيت جدو مسوين لمه والبنات مسويات الي توديع العزوبيه وحفله بسيطه بيناتنه لان بعد بأجر العرس واحس گلبي كل ما تمر ساعه يدب الخوف والتوتر بيه،ويوميه امير يتصل عليه واول ما رجع من السفره رحنه اني وياه ختارينه الغرفه وحجزناه وبيوم الي شدوه صوره الي ودزه تجنن جان لونه رمادي تركيه كُلش عجبتنه ثنيناتنه...

گاعدين على الغده جان يوم جمعه ولمتنه الحلوه كله موجوده اباوع الهم رح اشتاق الهم كلهم ضليت اوزع نظري عل كل واحد من بابا وماما وجدو لعمامي ونسوانهم وأولادهم العصافير الحب رفل وليث واموني الي صار عمره اشهر وگاعد بنص الصينيه ولايص الامه كله وأبو مكيف للبنات وسوالفهم وجمعاتهم حسيت الدمعه نزلت بسرعه مسحت حتى لحد ينتبه لهناك وجان نسمع....

..ها يا خونه مسوين سمج مسگوف وما منتضريني؟..

يتبع...
لاتنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله