تحميل رواية «نصيبي المدمر» PDF

_اوعي تفتحي بوقك باللي حصل، لو حد من أهلك عرف هيكون عقا.بك كبير أوي أوي فاهمة؟! ابعتي الصور إللي قولتلك عليها أول ما تروحي

_ مش عايزة أتصور مش عايزة

_مش عايز نقاش، اسمعي الكلام أحسن لك اتفضلي …

الجملة كانت بتتردد في دماغي و أنا داخلة البيت بعد ما رجعت من برا مع خطيبي، كنت خايفة حد يكتشف إللي عمله، خايفة من أهلي و منه هو

كنت عايشة حالة ر.عب و مش كويسة، خا.يفة من كل حاجة وأولهم هو، حتى خايفة أقول لأهلي، لأنهم خطبوني غصب عني و مش هيقبلوا إن افركش الخطوبة

ماما دخلت عليا الأوضة و أنا ببص لنفسي على المراية

_ مالك راجعة مكشرة لي؟! دا أي الفقر دا، مش المفروض ترجعي من خروجة مع خطيبك بتتنططي؟!

_ مش كل البنات بترجع فرحانة مع خطيبها

_ البنات النكدية إللي زيك بس إللي بيرجعوا مكشرين و يقرفوا، يا بت الواد هيسيبك، فتحي عينك بقا و فوقي

_ تفتكري ممكن يوم يسيبني؟!

_ يوه بطلي الفال دا، عايزاه يسيبك لي؟! طول ما أنتِ مطيعة و بتسمعي كلامه مش هيسيبك، لكن العند دا وحش

_ يعني لما اعند وماسمعش كلامه هيسيبني أخيرًا ؟!

_ يسيبك يسيبك؟! لو الواد دا سابك أنتِ حرة، دا عريس لقطة

_ بس … بس أنا مش عايزاه يا ماما

_ و أنا مش عايزة أسمع رأيك في الموضوع دا، إللي إحنا شايفينه هيحصل، فوقي أنتِ من نكدك دا بس و ابتسمي

خرجت و سابتني و أنا كنت بمو.ت من جوايا، قلعت الحجاب وبصيت لأثر علامات الضرب عليا و أنا بعيط، مش عارفة أعمل أي، أنا مخطوبة بقالي خمس شهور لشخص أكبر مني بعشر سنين، لا أنا قادرة أفهمه، ولا أفهم ببتعصب لي، أو عايز أي، هو إنسان مش مريح خالص … طلباته غريبة و نظراته أغرب

جسمي انتنفض لما سمعت مسدج على الفون

كان هو

_ فين الصور ..؟؟؟

غمضت عيني و تجاهلت الرسالة و رميت الفون .. مش عارفة أعمل أي، بس أنا بخسر نفسي، و محدش جنبي ينقذني..

قررت اتجاهل الرسالة و أحاول أنام، لكنه بعت تاني

_ عارف إنك شوفتي الرسالة، ولو الصور متبعتتش حالًا، مش هيحصلك طيب، ولا تحبي تضربي تاني زي النهاردة، وأقول لأهلك عملتي أي؟!

شعور إن حد بيخـ..نقك من رقبتك و بيمو..تك بالبطئ كان صعب و غير محتمل، أنا ماكنتش قادرة استوعب حظي إللي وقعني في طريق حد مريض بالشكل دا

بس قررت أعترض و ميهمنيش .. لأن أنا كدا كدا خسرانة

_ مش باعته حاجة، ولو فكرت تمد إيدك عليا تاني هفضحك

_ تفضحيني؟! أنتِ إللي هتتفضحي يا بيبي، أنا مبتهددش

_سيبني في حالي بقا حرام عليك

_ أنتِ بتاعتي فاهمة .. ابعتي حالًا عشان ماخليش أيامك معايا سودا

قفلت الفون وفضلت اعيط لحد ما نمت، وصحيت تاني يوم على صوت ماما

_قومي بسرعة اجهزي خطيبك برا

_اي أي إللي جابه؟!

_يوه يابت خليكي زوق شوية، هو أي إللي جابه، جاي يقعد معاكي و بيقول عايزك تفطروا برا مع بعض

_لا يا ماما ماشية.. أنا تعبانة مش قادرة أخرج، قوليلة يمشي

_ أي قلة الذوق دي؟! خمس دقائق و تكوني برا

خرجت و أنا قلبي مليان خوف .. مرعوبة من وجودة

وهو أول ما شافني أبتسم بلطف وسلم عليا

بس أنا عارفة إن الابتسامة دي مش بريئة، عارفة وشه التاني

بعد ما ماما دخلت تعمل شاي، لقيت أيده فاجأة بتخنـ..قني، وصوتي مات جوايا

_ بقا بتتجاهليني أنا هوريكي، والله والله لو فكرتي تتجاهلي كلامي تاني هفضحك

_ ابعد… ابعد عني

_ سامعة كلامي لو ماتسمعش هفضحك .. شوفتي وصلتلك في قلب بيتك إزاي، خافي مني بقا

لما سمع ماما جاية بعد وقعد في مكانه تاني بهدوء

و فضل قاعد شوية وبعد كدا مشى وهو بيبص ليا بتحذير

ماما بصت ليا بإستغراب

_مالك مش على بعضك لي؟!

قلعت الاسدال ورميته جنبي و أنا بزعق بصبر اتبخر ووجع وضعف بياكلوا فيا

_عشان تعبت مش طايقاه

لكن فاجأة سكت على شهقة ماما وهي بتقول

_اي العلامات دي!!

ماخدتش بالي من أيده إللي سابت علامات على رقبتي وأن هدومي بينت باقي علامات الضر..ب إللي سابها عليا…

تفتكروا هتتكلم، ويكون موقف أهلها أي ؟!

انتظروا الجزء التاني..

_ قولتلك إني مش بحبه، قولتلك بيضا.يقني، و بيطلب مني حاجا.ت مش كويسة دا نتائج إنك عايزاني أسكت

_ آه لازم تطلعي نفسك منها و تجيبي الغلط عليه، مش عشان أنتِ إللي قليـ.لة الأدب، و عاملة نفسك مظلومة و مش طايقاه؟؟

_ دي علامات ضر.ب، هو بيضر.بني

_ بطلي كذب

_ أنا مش كذا.بة، أنا مش بكذ.ب، لي بتطلعيني غلطانة، بقولك بيضربني و بيعمل حاجات مش كويسة، ارحميني بقا حرام عليكي

_ اسمعيني كويس، إياك إياك تقولي الكلام دا تاني، لو ابوكي عرف هيعمل مشكلة، وأحنا ماصدقنا لقينا عريس كويس

_ بس دا مش كويس، دا مش كويس دا بيطل مني حاجات مش كويسة، أنا مش عايزاه، أنا مش عايزة أكمل معاه، دا لسه ضا.ربني

بابا جه فاجأة وقال بصوت مصدوم

_مين دا إللي لسه ضر.بك

ماما خافت و قالت بسرعة

_ أخوها أخوها لسه ضار.بها

ماكنتش مصدقة إنها بتدافع عنه، لكن قررت ماسكتش المرة دي معايا دليل، ولو سكت حياتي هتبقى جحيم

_ لا مش أخويا يا بابا، خطيبي إللي عمل كدا، بيضر..بني و بيهددني و بيطلب مني طلبات مش كويسة و ماما مش عايزاني أتكلم

بابا بص لماما بصدمة وكأنه مش مصدق إللي بيسمعه

_الكلام دا حقيقي؟!

_ لا متصدقهاش دي بتعمل كدا عشان شوية مشاكل بينهم

_ أنتِ بتعملي كدا لي؟ بتدافعي عنه لي دا أنا بنتك، أنا بنتك ، أهو يا بابا شوف المحادثة بينا، وشوف كلامه

أنا مش عايزاه، مش عايزة أكمل معاه، عشان خاطري يا بابا، أنا بكرهه

_ لي ماقولتليش ؟!

_ كنت خايفة، حتى ماما دلوقتي مش عايزة تخليني أقول، مش راضية تخليني أتكلم

_ متخافيش يا حبيبة قلبي، أنا هجبلك حقك من الحيو..ان دا

حسيت إن ارتحت لما حد وقف جنبي أخيرًا، قفلت الفون و منعت أتكلم معاه نهائي و بابا عمل قاعدة

لكن ماكنتش أتخيل أبدًا إنه يقول

_ الكلام دا ماحصلش بنتك كدابة و بتتوهم، يا إما عملت الكلام دا مع حد تاني وهي مش مظبوطة

_ أحترم نفسك و أنت بتتكلم على بنتي، الشات بينك و بين بنتي أهو خير دليل، يا بجح

_ دا مش أنا، و دا مش رقمي أصلًا

قولت فاجأة و أنا مش مستوعبة كلامه، وقد أي هو كداب و بمليون وش

_ يا كداب يا كداب أنت لسه كنت هنا الصبح بتهددني

_ أنا جيت لما مامتك كلمتني وقالتلي إنك زعلانة، هو دا جزائي يعني إن جيت أشوف مالك !!

بصيت لماما بذهول، وهي اتهربت مني، أنا مش مجنونة صح، إزاي إللي يعمل فيا كدا أمي؟!

_اسمع يابني الخطوبة دي مش هتكمل، خد حاجتك وغور في داهية، ماعنديش بنات للجواز

_ يعني أي يا عمي لي، مش من حقك تعمل كدا

_ أنت مجنون؟! دي بنتي

_ طب أنا بقا هجبهالك على نور، أنا معايا صور و حاجات تفضح بنتك، ولو فكرت تفسخ الخطوبة، عنصر الصور و هقول لكل الناس إن بنتك شمال

بابا ماقدرش يسمع الكلام دا ود.مه فار، وقام قائم فاجأة ضاربة بالقلم، ومسك فيه

_ يا وا.طي يا زبا.لة، دا أنا هوديك في ستين داهية

صوت القلم كان راحة كبيرة ليا، و فاجأة أخويا دخل وشاف بابا بيضر.به، قام هو كمان داخل ضربه، واخد علقه حسيت براحة وعيني دمعت وأنا شايفة حقي بيجيلي

_تفضح مين دا أنا بنتي أنضف منك و من عشرة زيك، دا أنا هعملك محضر دلوقتي و اوديك في ستين

و بالفعل بابا عمل محضر، وقدم المحادثات إللي بيهددني فيها، و محضر إعتداء بالضر..ب عليا

ولأن الحاجات دي إجراءاتها بتمشي بسرعة

فأتروق عليه في القسم، و جه لحد عندي يترجاني أتنازل لكن رفضت، شوفت الخوف إللي كان جوايا طول الفترة دي في عينه، حتى لما أهله توسلوا ليا أتنازل، و هنا هيسيبوا الدهب ليا كتعويض

رفضت و قولت لازم يتعاقب

و اتحكم عليه ب ٣ سنين سجن وغرامة ٥٠٠ ألف جنيه

حسيت براحة لما أخدت حقي لأول مرة، ولما فكرت إن كانت حياتي معاه هتبقى ازاي لو كنت سكت كنت بعيط من خوفي، بس الحمد لله.. ماسكتش

بابا قالي وهو بيطمني

_عمري ماكنت هقف ضدك… حتى لو كنتي عايزة تسبيه بدون سبب، اوعي تخافي من حاجة و تسكتي و تخبي عليا، أنا في ضهرك دائمًا وعمري ما اسيب حقك ..

دا إللي عطاني القوة إن أتكلم، و حسيت إن كان لازم أتكلم من زمان .. من أول مرة فكر يمد أيد..ه عليا و يهد..دني، و دا علمني إن مضعفش أبدًا، و ماخفش

تمت