الفصل السادس

رواية نصيب مؤجل الجزء السادس 6 بقلم مهرائيل أشرف نصيب مؤجلرواية نصيب مؤجل الحلقة السادسة الظابط قفل الملف وبص لحمزة وقال الاسم مش هينفع أقوله دلوقتي بس اللي متأكد منه إن اللي مع عمران كان من عيلة الهواري حمزة زعق يعني إيه متقولش أنا من حقي أعرف الظابط قال بجدية ولما أتأكد هتعرف لكن دلوقتي متتحركش لوحدك حمزة لف وسابه ومشي سالم جري وراه استنى يا ابني رايح فين حمزة وقف فجأة وقال على بيت عمي شوقي سالم اتصدم

إيه اللي وداه في دماغك حمزة قال من ساعة ما الظابط قال من الهواري وأنا قلبي مش مطمن بعد ربع ساعة وقفوا قدام البيت حمزة خبط الباب بعنف شوقي فتح وهو مستغرب خير يا حمزة حمزة زقه ودخل عايز أعرف الحقيقة شوقي اتوتر حقيقة إيه حمزة زعق عمران كان بينفذ لحساب مين وشك إيه في كل اللي بيحصل شوقي سكت وسالم حس إن فيه حاجة غلط وفجأة دخلت مرات شوقي وهي بتعيط الحقوه ابني وقع من فوق السطح حمزة وسالم جروا بسرعة

لقوا الولد مرمي على الأرض وهو بيتأوه الناس اتلمت والجيران نزلوا يجرو سالم شال الولد وركبوا العربية وجريوا على المستشفى بعد ساعة الدكتور خرج وقال الحمد لله حالته استقرت بس عنده كسر وهيحتاج فترة علاج شوقي قعد على الأرض وهو بيبكي وقال حسبي الله ونعم الوكيل حمزة كان بيبصله وحاسس إن الراجل مخبي حاجة في نفس الوقت واحد لابس كاب وقف قدام محل شوقي بص يمين وشمال وكسر القفل دخل وقلب المحل كله طلع درج صغير خد منه ورقة

وحرق باقي الورق وخرج قبل ما حد يشوفه تاني يوم الصبح شوقي رجع لقى المحل متكسر صرخ بأعلى صوته يا نهار أسود كل أهل الحارة اتجمعوا حمزة دخل يبص لقى الخزنة مفتوحة والورق كله اتحرق ما عدا ورقة واحدة كانت واقعة تحت المكتب رفعها ولما قرأها اتجمد مكانه سالم قال بقلق فيها إيه حمزة بصله وهو مصدوم وقال دي وصية أبويا لكن… آخر سطر فيها ممزوق وفي السطر المقطوع كان مكتوب أول حرف من اسم الشخص اللي غير حياة العيلة كلها