رواية نصف شهر عسل الفصل السادس وأربعون 46 - بقلم غزل الحجامية

.

احجي جذب حسبالها.ماتدري من تكرب علي اخرد بريحه شالها💖

..

نمت بالكوة فزيت المغرب ع صوت شذى

ريحانه همم شكو

شذى كومي تعشي يمعودة شينيمج باليل وانتي هلكد نمتي

ريحانه اي كايمه

كمت لميت شعري واتذكرت كلامه ابتسمت بسرعه

شذى اي عيني ابتسامات وكذا شكو

ريحانه ماكو شي هيج

شذى اممم دكومي يله

كمت من الغرفه طلعت غسلت شفت بابا رحت بسته لانو ماشفته من اجيت وطبيت للمطبخ وي شذى صبينه العشه وكعدنه ناكل

بس اسد علي ماكو بقيت اباوع ع الباب وع الدرج

ريحانه لعد وين اسد علي

هبه عرس صديقه اليوم وراح

شذى امم يوم الي النه

ريحانه وجع نصي صوتج

شذى شبيج يمعودة قابل كايله شي غلط بس اكو مشكله

ريحانه شنو هيه

شذى اني عندي كرم انتي منو عندج😉

ريحانه ها اني ماعندي

شذى اممم نشوفلج شكو بيها

ريحانه لا حبي ماريد اهتمي ابنفسج معليج بيه

شذى بكيفج

.. بقينه ساكتات وراها بعدين كمنه نرتب بالمبطخ وسوينه كيكه صغيرة شذى اكلت وديت لبابا هماتين اكل شويه لانو موزين عليه وخليت الباقيه بالثلاجه

بقينه اني وشذى نقرة لل11وكرم خابر ع شذى وبقت تحجي ويا كلت خلي اعوفهم ع راحتهم وهيه من تحجي ويا تنساني اصلا ولا درت بيه طلعت منها

كعدت بالاستقبال اقرة وكل شويه اصفن شايفين المخبل من فجاءة يفصن ويضحك

اصفن واضحك والزم شعري حسيت نفسي مراهقه يبو

واني اقرة حسيت واحد كاعد يمي وباسني من ركبتي كبل فزيت وردت اعيط لزمني من حلكي ورجع باسني من ركبتي وشمني

ابتعد مني بقيت اباوعله بعدين درت وجهي ورتبت شعري

ريحانه احم اجيت

اسد علي انتي ششوفين

ريحانه امم عندي قرايه رايد شي

اسد علي امم يعني زعلانه لو خجلانه

ريحانه ع شنو

اسد علي ع شنو زعلانه لو ع شنو خجلانه

. باوعتله وابتسمت عبالك اريده بس يحجي حتى اسمع صوته وسوالفه

ريحانه ع الاثنين

اسد علي احمم اذا زعلانه فالانو اليوم من كعدتي وتعشيتي اني ماجنت موجود واذا خجلانه يعني مشتاقتلي وتريدين تحضنيني بس مستحيه مني صح

ريحانه هيو هيوو ع كيفك يالممثل الاجنبي

اسد علي يخسه الممثل الاجنبي اني اسودي وعراقي مو اجنبي

ريحانه احله اسد بالدنيا

اسد علي ها ها صايرة تتغزلين واني استحي ديري بالج

ريحانه احمم ها لا مقصدي

اسد علي ليش يعني مقصدج اني احله اسد بالدنيا

ريحانه لا مقصدي

اسد علي اهاا بس اني تعجبني الكلمه الاوله

ريحانه دكوم هسه اريد اقرة

اسد علي لا جابني الوضع هيج

ريحانه كاعدين ع كورنيش الاعضميه

اسد علي هو لو كورنيش الاعضميه هيج عطره هم اعوفه

ريحانه اشلون يعني

اسد علي يعني عطرج احسه من الجنه مو مالت بشر

.. ريحانه من حجه هيج باوعت بعيونه وابتمست انتبهت النه اشلون كاعدين واحد بصف الثاني كلش ماكو مجال بينه حتى انفاسنه مختلطه

بقيت اباوعله تقرب راد يبوسني دنك وجه بس اني درت وجهي بسرعه وخليت شعري ورة اذني وباوعت للكتاب

عاد هو مسح وجه بيده

اسد علي تدرين مماكل شي

ريحانه ليش مو جنت بعرس

اسد علي اي بس صديقي كلش فاماكدرت اكل بقيت اهتم بالعرس

ريحانه امم اسويلك عشه

اسد علي لا اني اسوي ابقي اقري

ريحانه لا اني هم جوعانه اسوي لنفسي واسويلك

اسد علي ماشي بس ترة تعبان ونعسان كلش من العرس بسرعه سوي

ريحانه امم مسوين كيكه اليوم اجيب كيكه وعصير

اسد علي ماشي يله

ريحانه ابتعدت منه وكمت حتى ماطخ بي رحت للمطبخ سويت كيك وعصير وطلعت باوعت للغرفه صوت شذى ماكو

فتحت الباب شفتها بعدها تخابر سديت الباب ورحت للاستقبال شفته كاعد ولازم الملازم مالتي

ريحانه هممم

اسد علي ولج ذني شنو اشلون اتحفضين

ريحانه شنسوي لعد

خليت الصينيه وجبت الملازم خليتهن بحضني لانو لابسه بجامه ضيكه جنت اكل وبقه يسولف وياي واحنه مخلين ضهرنه ع القنفات ونسولف

ريحانه حلو العرس اليوم

اسد علي اي يعني

ريحانه منو هو صاحبك

اسد علي رائد متعرفينه

ريحانه اممم اتزوج عن حب

اسد علي اي بس مدري اشلون حبها

ريحانه ليش

اسد علي يمعودة مايعه مبينه كلش بالكوة نزلت من السيارة وبالكوة تمشي

ومن ذبحت الدجاجه كدامها عاطت وماقبلت تفوت للبيت ادري بنت النعال غير العادات هيج شنسوي لعد

ريحانه يمكن اصغيرة

اسد علي لا بكدج

ريحانه قصدك اني جبيرة

اسد علي لا ولج بس يعني عمرها بكدج

ريحانه اممم

اسد علي بس تدرين هنيالها تمناها واخذها يوم الي اليه

ريحانه احمم يله اني كملت رايد شي

اسد علي عاد كولي امين

ريحانه ههه امين

اسد علي يله كومي لعد

عفته وكمت للغرفه حتى الصينيه عفتها

لكيت شذى بعدها تحجي بالتليفون

ريحانه يمعودين ناموو نامو باجر كليه وسولفو بيها

شذى ههه اي هاي ريحانه ماشي يله باي

شذى وجع هو اني اصلا ردت اسده

ريحانه مبين كلش

شذى اكلج اجه اسد علي

ريحانه اي

شذى وشعجب بقيتي يمه

ريحانه مو كلت خاف يسمع صوتج كتله مسوين كيك تاكل وكعد يسولف ع عرس صديقه

شذى امم
..

ريحانه مرة فتره حلوة بيني وبين اسد علي شقه وضحك واكثر من مره يجيني للكليه يطلعني قبل ماينتهي الدوام وشذى ناسيتني لانو عبالها

انو عايفتها ع راحتها وي كرم مرة الشهر والشهرين واني واسد علي يوم ضحك ويوم عرك وعركنه طبعا كلش حلو وع اسباب تافها

مثل جنه بيوم طالعين سوة بالسيارة وبقه يتغزل بيه واني خجلت فابتسمت ودرت وجهي وجانت اكو سيارة واكفه يمنه بيها شباب باوعلي واحد منهم وغمزلي

واسد علي تخبل وبقه يغلط عليه ويصيح لحد مابجيت اجه حضني

وراضاني بس اني بهيج مواقف يبوو استغله لانو يبقه يتوسل بيه يعجبني الوضع بس مرات لا انقهر عليه

اخر فترة حسيت هبه شكت بينه وبقت تبسمر بالكلام

بس اسد علي يجاوبها انو فرحان لا تضوجيني انتي مو تريديني ابقه فرحان عوفيني ع راحتي وهيه هم تريد راحه ابنها فاتسكت بس طبعا مثاقه مجرد شك انو بينه شي

بيوم خابرني اسد علي كال اطلعي من الكليه ح اجيج

اسد علي دائما من يخابرني ويريد نطلع يكلي اني بالباب هل مرة لا كلت يمكن متاخر بسبب الازدحامات

طلعت وكفت بالباب مالت الكليه حسيت شخص ورايه

درت وجهي ورجعت بخطواتي خفت ع ارتبكت

ريحانه منير شكو شجابك هنا

منير اريد احجي وياج

ريحانه مابينه حجي احنه منير

منير ريحانه كتلج اريد احجي وياج وشغله مهمه

ريحانه منير لا تسوييلي مشكله واسد علي هسه يجي لا تخلي يشوفك وتصير مشكله

منير اذا متريديني تصير مشاكل امشي كدامي

لزمني من ايدي قوي

ريحانه شبيك منير تخبلت ابتعد

منير امشي كدامي كتلج ليش تخلين العالم تتفرج علينه امشي بسرعه

جرني من ايدي واني اباوع ع الطلاب اريد اصرخ بس شكول زوجي السابق يريد ياخذني وهمه كل يوميه يشوفني من اطلع وي اسد علي

اخذني يم سيارة صعدني بيها وقفل الباب ساق السيارة سريع

ريحانه منير فهمني وين ماخذني فهمني

منير نوصل وتعرفين

ريحانه منير الي داتسوي عيب وحرام اني وياك مطلكين

منير صح اطلكنه بس انتي اليه تعرفين شنو اليه

ريحانه منير الله يخليك لا تتخبل رجعني والله ماكول لاي شخص ع الي سويته ولا كانو شفتك

منير لا اني اريد الكل يعرف اريد الكل يعرف اني اخذت مرتي احنه مو اول ناس نطلك ونرجع

ريحانه منير لا انته رايدني ولااني جنت رايدتك ع شنو هل سوالف هسه

منير ليشش ليشش اني محد رايدني امي واخوي ونبراس وانتي بس لا لا انتي الي تعرفين شنو اليه

ريحانه منير اذا متنزلني هسه اصرخ واخلي الناس كلها تلتم

اول ماكتله هيج لزمني من راسي وضرب راسي بالاسيارة فقدت ومادريت شصار وياي وراها

...

صحيت لكيت نفسي بالبيت ونايمه بالغرفه ع الجربايه ومنير كاعد يمي اول مشفته فزيت وكعدت

ريحانه شجابني هنا اني شجابني انتي شبيك تخبلت شبيكك

منير انسي كل الي صار وخلينه نرجع مثل قبل نرجع مزوجين ونجيب طفل غير الي راح خلينه نعيش حياتنه بسعادة مثل قبل

ريحانه انته تخبلت مثل قبل شنو هو احنه ققبل حجينه سوة كعدنه سوة ضحكنه سوة حبيتني حبيتك لا لا لا كلشي مصار من هل سوالف اكلك شنو الي صار ذليتني وضربتني

لا والكبر من هاي مرتك وكعت ابني وانته شسويت كلشي مسويت اجيت واتهمتني انو اني بايكه ذهب وفلوس منكم

منير اني اني ممسوي اي شي من ذني ريحانه اني حبيبج حبيبج منير الي جبروج اهلج علئ الطلاك فركونه

ريحانه منير شبيك جاي تخوفني شبيك تخبلت كافي كافي رجعني لبيتنه اني شجابني هنا وين اطياف وين زهرة

منير انسي زهرة اني طلكتها علمودج عفتها ماريد احد ياذيج بعد

ريحانه ابتعد كافييي اشبيك اني ماريدك ماريدك اريد اهلي اريد ابوي واسد علي

منير اسد علي اسد علي اسد علي كلشي اسد علي اطلعين من الكليه وي اسد علي اضحكين وي اسد علي تتغزلين وي اسد علي وتاكلين وي اسد علي واني اني شنووو اني زوجج زوجج

ريحانه مو زوجي انته مو زوجيي اطلكنه منير افهم احنه ماجنه مرتاحين سوة لا انته حبيتني ولا اني حبيتك ع شنو هاي الحجي منين جبت سوالف انو اني وياك مرتاحين منييين احنه عمرنه ماجنه مرتاحين

)منير حتئ لو حتئ لو اذيتج ماكو رجال مماذي مرته واني اعترف وجاي اكلج خلينه نعيش حياتنه مثل الاول

ريحانه مثل الاول هم يكلي مثل الاول اشلون مثل الاول يعني اشلون يعني هم تتهمني بقتل نبراس هم تتهمني وتضربني وتعيشني عيشه كلها نذله

منير انتي انتي من شوكت هيج تحجين ها لا لا ها مو حجيج ها حجي اسد علي حجه هو هو الي علمج صححح

بهل لحضه الباب ندك مالت الشارع بس كلش قوي وي دكت الباب اني صرخت

ريحانه الحكووونييي الله يخليكم طلعوني

من حجيت منير كبل طلع مسدس من ضهىة وضربني ع راسي بي وكعت بين الفاقدة الوعي وبين لا

عافني ونزل اسمع صوت ابوي وصوت اسد علي يصايحون وي منير

اسد علي طلعها طلعها كو.. ادري بيها هنا انته خطفتها

منير انته شتحجي يعني اخطفها ليش اني وياها اطلكنه ومن زمان شذكرني بيها هسه

اسد علي شوف وكلام الله ادفنك وماحسب الله خلقك الطلاب عرفوك انته

ابوي بويه منير انته وياها اطلكتو محاجه هل سوالف اذا بنتي يمك كول واذا مو يمك خلينا نروح نشوفها وين نشوف منو خطفها

منير عمي لا دكول اطلكتو اني اريد ارجع ريحانه ع ذمتي وادري الطريقه مو حلوة بس لني اريدها لريحانه

اسد علي لك كو.. ساق.. يعني عندك ريحانه ريحانه

.. كام يصرخ ودفع منير اسمعه هو ومنير يتعاركون ومنير يكله مرتي فوك شنو تصعد بس اسمع خطوات قريبه منير وكفت يم الجربايه ولازمه راسي نفتح الباب اسد علي ورا منير

اول مشافني اسد علي اندار ع منير وضربه وكعه بالكاع واجاني يركض

طبعا بنات اني مققرة مانشر هسه ابد احتراما للاوضاع وللشهداء الي بالعراق الله يرحمهم يارب بس من شفت الكومنت الي واصلتني كلت خلي انسر بارت بسيط لخاطرجن