تحميل رواية «نوفيلا /اخر مراحل الجنون ( عشق حطم التقاليد)_بنت الشيطان 3 _» PDF

"كل الأحداث التي تظن أنها تبعدك عن ما تريد .. قد تكون هي تحديداً ما تُقربك منها بطريقة غير التي تراها.. إنها تدابير الله التي لا ندركها."♥️🌍

بِمَدْحِ المصطفى تَحيا القلوبُ

وتُغْتَفَرُ الخطايا والذُّنُوبُ

وأرجو أن أعيشَ بهِ سعيداً

وَألقاهُ وَليس عَلَيّ حُوبُ

ﷺ 💚⁦☁️⁩

نظر ليث بدقه لدانه وتنهد ثم همس لها / الموضوع ده مش هيعدي يا دانه

نظرت دانه له ببسمه واثقه / مستنياك يا بلاكي

نظر بلاك وجد إياد يضم زياد بحنان فذهب لهم وتحدث بتعجب / ماله زياد يا اياد

إياد بحنان وهو يقبل رأس زياد / هو خايف يا بلاك من شويه الست دي كانت حاطه المسدس علي راسه

انحني ليث وحمل زياد ونظر له بحب / زياد قلب بابا انت خايف

اخفي زياد رأسه في صدر ليث بخوف ضمه ليث اليه وهو يقبل رأسه وداخله يتوعد بالجحيم لكل من سولت له نفسه باخافة صغيره

ربت ليث علي ظهره بحنان / اششششش اوعي في يوم تخاف يا زياد خليك دايما قوي اوعي تخاف غير من ربك وتأكد ان القوي دايما في الاقوي منه اوعي في يوم تضعف وتخاف يا زياد فاهم

هز زياد رأسه بضعف فقبله ليث وهو يضمه بحنان شديد

وينظر تجاه غرفة جوان بشر ثم اخرج هاتفه وتحدث مع احد ما.......

نظرت نور لمالك بعشق ثم امسكت يده وتحدثت بعشق /هو ممكن يجي يوم وتجرحني يا مالك

نظر مالك لعيونها بألم ثم دفن وجهه في بطنها وهو يتنهد بألم / لو بموتي يا نور لو بموتي عمري ما هوجعك يا قلب مالك

نور وهي تلعب في خصلاتة / يبقي تأكد أن عمر ما هزعل منك ابدا

اغمض مالك عيونه وهو يدعو ربه ان ينتهي كل شئ علي خير

نظر ليث للجميع وهو يرحل ولم يتبقي سوي هو وعبدالرحمن في المنزل مع جوان وكلوي اما ديانا فقد ذهبت مع الجميع لمنزل مالك

عاد ليث للمنزل ثم صعد بسرعه شديده لغرفته بينما عبدالرحمن كان ينظر له بتعجب فجأه وجده يعود بسلاحه فركص له برعب ولكن كان ليث دخل لغرفه جوان التي استيقظت وأخذت تطرق الباب فتح ليث لها الباب ونظر لها بشر ودموع صغيره مازالت امامه تحثه علي الاكمال فيما ينوي عادت جوان للخلف برعب شديد ونظرت لشكل ليث بخوف / ليث انا لقد....... اااااااااه

قاطع كلامها رصاصه تخرج من مسدس ليث تعرف طريقها جيدا لزراعها امسكت جوان زراعها بألم شديد وهي تصرخ بوجع / ما بك هل جننت سوف تُحاسب علي هذا يا بلاك

ليث ببرود وهو ينظر لسلاحه / لما دخلتي البيت ده اظن اني وضحت ليكي مكانتك وانك ضيفه هنا هتتعاملي كويس هنبادلك المعامله بالمثل اما بقي تلفي وتدوري وتلعبي من ورايا هتزعلي مني

جوان وهي تعود للخلف بوجع / عيالك هما اللي

قاطعها ليث وهو يتحدث ببرود / عيالي ايه بوظوا مخططك انك تنقلي معلومات المهمه لاعدائنا

نظرت جوان بصدمه فتحدث ليث ببسمة مرعبة /إيه مفكرانى مش واخد بالي من حركاتك ودخولك لمكتبي

ضحك ليث بشده / مش عارف انتي غبية ولا بتتغابي يعني مكتبي اكيد هيكون متراقب

نظرت له جوان بخوف / ولما انت عارف كده ليه سكت

ليث / حبيت اشوف اخرك بس غلطي لما لمستي عيالي وفكرتي بس انك تأذيهم

ثواني وكان عبده يدخل ومعه بعض الرجال نظرت لهم جوان بذعر / لم أفعل شئ صدقوني انه هو أنا.....

قاطع كلامها اقتراب احد الرجال وتكبيل يدها وسحبها بكل هدوء معهم تحت صرخاتها بينما خرج احد الرجال وهو يحمل كلوي نظر ليث لقائدهم وسلمه فلاشة / هذه عليها كل المعلومات التي قد تحتاجون إليها

هز الرجل رأسه ثم صافح ليث / شكرا لتعاونك معنا بلاك

ليث ببرود / هذا واجبي

انسحب الجميع ومعهم جوان التي تصرخ ان يتركوها وجاري الفاقدة للوعي

نظر عبدالرحمن لليث بتعجب / هو فيه ايه

ابتسم ليث بخبث / جوان هي العميله اللي كانت مدسوسة في المنظمه

عبدالرحمن بصدمه / إزاي ده وانت عرفت منين

ليث وهو يهز كتفه / كان واضح آوي من تصرفاتها الغريبه غير الفلاشه اللي إياد عطاها ليا واللي كان أخذها قبل كده من التاب بتاعها

ضحك عبدالرحمن بشده / عيالك دول خساره والله للمخابرات

كان الجميع يجلس في منزل مالك وهم يتحدثون كالعاده

بينما إياد غمز لزياد ففهم زياد ونهض يلحق بأياد

وخرجوا وجدوا خالد ينتظرهم في سيارته

صعد إياد وزياد

بينما خالد تحدث بضحك / مش عارف ايه اللي خلاني اطاوعكم في الهبل ده

زياد بغمزه / عشان قلبك الطيب ياباشا

ضحك خالد بشده ثم انطلق لمنزل ليث ودانه

بينما نظرت دانه لباب المنزل ونهضت سريعا وهي تصرخ بفرحه / ادوووووومي

ضحك ادم وهو يلتقطها بين زراعيه / و... وحشتني اوي

دانه وهي تدمع / وانت اكتر يا ادومي ليه الغيبه دي بس

ادم ببسمه وهو يمسح دموعها /ق... قلب ادم ك.... كان عندي شغ.... شغل مهم آوي ب... بس خلاص خ.... خلصته

دانه ببسمه وهي تنظر له / عامل ايه مع رحيل

ادم ببسمه عاشقة /رح.... رحيل ه.... هتشلني والله ب.... بس بحبها

ضحكت دانه وهي تربت علي كتفه / ربنا يسعدك يا قلبي

ادم وهو يبتسم لها ثم اتجه للجميع ورحب بهم وبعدها نظر لدانه / دا.... دا.. دانه عايز مس.... مساعدتك

دانه بانتباه / نعم يا آدم في حاجه

ادم ببسمه / ع....عيد ميلاد رحيل ق.... قريب ع..... عايز ا... اشتري هديه حلوه

ابتسمت دانة/ تمام يا قلبي هجهز ونروح نجيب احلي هدية لاحلي رحيل

ابتسم ادم بامتنان لها بينما هي صعدت لتجهز نفسها

بعد دقائق كانت دانه تصعد للسياره بجانب ادم ولكن قبل انطلاقهم وجدوا سمر تصعد في الخلف / يلا يابا توكل علي الله

دانه / فيه إيه يا سمر ليه الدخله دي

سمر بتذمر / عايزين تخرجوا وتسيبوني مع العواجيز اللي جوا دوا لا يا ختي ده انا فرفوشه وكده غلط عليا

ضحك ادم وهو يهز رأسه بيٱس فسمر ستظل سمر

بعد دقائق وصل الجميع لاحدالمولات فانطلقوا للبحث عن شئ مناسب فجأه وقعت عين دانه علي محل ملابس به اشياء جميلة فاتجهت له

كانت دانه تتنقل في المحل وهي تنظر للملابس بدقه ثم نظرت بجانبها فلم تجد سمر نظرت حولها جيدا ولكنها اختفت تماما ولكن وجدت فتاه تقترب منها ببسمه لم تستلطفها كثيرا

ثحدت الفتاه ببسمه نظرت لها دانه بحاجب مرفوع / نعم اتفضلي

الفتاه وهي تبتسم لها / كنت بس عايزه مساعده حضرتك في موضوع

دانه وهي تشير خلفها لاحدي للسيدات / حضرتك غلطتي انا مجرد زبونه مش من استف المكان

هزت الفتاه رأسها بسماجه / عارفه انا مش عايزه حضرتك في حاجه بخصوص المحل

دانه بحاجب مرفوع وبسمه سخريه / آيوه حضرتك عايزه ايه يعني

ألقت الفتاه قنبلتها في وجه دانه دون أن تنتبه لملامح دانه / مالك

دانه بعيون مليئة بالشر / ماله

الفتاه والتي لم تكن سوي سجي / الحقيقه كنت عايزه اتطمن عليه لاني بقالي فتره مش عارفه اوصله وبالصدفه شوفتك هنا وعرفتك لاني شوفت صورتك قبل كده في عربيته مش انتي بنته برضو

دانه بفحيح / آيوه وياتري بقي هدهد الجناين يعرف بابا منين

سجي وهي لا تعلم انها تفتح أبواب الجحيم ولكن هي ظنت انها هكذا ستثبت نفسها / اوووه هو مالوكي مقالش ليكم

دانه ببسمه مرعبه / للأسف الحاج مالوكي بيتقرف يتكلم عن الزباله

سجي وهي تتجاهل حديثها وتقول بتشفي / أنا ابقي مرات مالك ياقمر يعني في مثابه والدتك

نظرت لملامح دانه التي فجأه انفجرت ضاحكه في نفس وقت اقتراب سمر وهي تنظر بتعجب

ثواني أوقفت دانه ضحكها في نفس الوقت التي ركضت للفتاه وامسكت رأسها بحده وجذبتها لها وهمست بفحيح / للأسف ياقمري مالك مش بيحب الرمرمه أصل نفسه بتموعه من الأشكال دي فكلامك ده تضحكي بيه علي حد تاني

ركضت سمر لها فاشارت دانه لها بصراخ وعيون حمراء اخافت سمر بشده

دانه بصراخ هز المكان / شكلك عارفه العيله كويس ياروح امك معرفتيش بقي اللي بيلعب مع عيله الشيطان ايه اللي بيحصله

رفعت سجي عينها لها وابتسمت بتشفي / أنا مقدره زعلك ده يعني والدك شاف واحده غير والدتك اكيد هتعملي كده بس ياقموره والدك بيحبني وانا مراته زيي زي والدتك

سمر بحاجب مرفوع /مالك مين

ضحكت سجي / شكل عقلكم علي قدكم يا عيني انا ابقي مرات مالك..... م ر ا ت ه

ضحكت دانه بشر ثم نظرت لها / امشي قدامي من غير شوشرة انتي فاهمه

كادت سجي تصرخ بها لولا شعورها بمسدس يخترق خصرها / من سكات كده تمشي قدامي

نظرت سجي لها برعب هي لم تحسب حدوث ذلك هي فقط أرادت ان تجعلها توصل رساله لوالدتها حتي تترك مالك

سجي وهي تحاول أن تدعي القوه / انتي اتجننتي انتي مش عارفه انا ابقي مين ومين هو بابا وجدو

دانة وهي تدفعها بحده / ولا عايزه اعرف اتنيلي امشي قدامي

سارت سجي معها خوفا من السلاح الموجه لظهرها وخلفهم سمر خرجوا من المحل في طريقهم للسياره ولكن نادت سمر لدانه / استني يا دانه

نظرت لها دانه بتعجب فاقتربت سمر وقامت بصفع سجي بشده / معلشي أصل ايدي كانت بتاكلني آوي

هزت دانه رأسها بيأس ثم اخذت سيارتها ونظرت لسمر / شوفي ادم يا سمر وحصلونا وطبعا مش محتاجه اقولك ان الموضوع ده سر لحد ما اعرف الحقيقه

هزت سمر رأسها بايجاب ثم اجرت اتصال بادم

بينما دانه نظرت لسجي التي تجلس بجانبها وهي توجه لها المسدس ثم توقفت علي جانب الطريق وقامت بضرب المسدس برأسها منا ادي لاغشائها تنهدت دانه وأخرجت هاتفها وتحدثت / الو إياد هات زياد واستنوني علي باب البيت فيه مهمه عايزاكم فيها

انتهي ليث من كل شئ في منزله وتسليم جوان وكلوي ثم اغلق المنزل وانطلق مع عبدالرحمن للمنزل ولكن قبل دخولهم لاحظوا وقوف إياد وزياد امام الباب

ليث بتعجب / بيعملوا اي هنا

عبده بسخريه / ده كلام يا راجل اكيد مصيبه

ثواني وكانت سياره دانه تقترب من الباب وتنادي علي الاولاد الذين تقدموا منها وقاموا بمساعدتها لإخراج احد ما من سيارتها

نظر ليث بتعجب / مين دي وبتعمل ايه مع دانه

عبدالرحمن / احيييييه يا ليث مراتك بقت قتاله قتله دي بتجرها زي الجثث وعيالك معاها ده انت عايش مع عصابه

يابني

‏هبط ليث من السياره واقترب من دانه ليسمعها تتحدث مع أطفاله

‏دانه بتذمر / جر ياض وانت ساكت

‏ إياد /انتي عايزه تلبسينا مصيبه معاكي ولا إيه

‏زياد وهو ينظر لسجي / هو ايه حكايه العيله دي مع المزز مش فاهم كل شويه ألاقي مزه متبهدله بسببكم مش عارف حد يرفص النعمه كده يا كفره

‏نظرت له دانه بحده / شد ياض انت وانت ساكت

زياد بتبرم / افضلوا ارفصوا النعمه كده لحد ما تزول من وشكم

‏اياد بتذمر / يعني هنحطها فين

‏دانه / في المخزن بتاع مالك

‏نظر إياد بخوف لزياد / لا اصل هو المخزن

‏دانه بسخريه / فيه الحيوانات عارفه مفكرين اني مشوفتيش وانتم بتهربوا الحيوانات بمساعده خالد بس عموما مش موضوعنا اتفضلوا قدامي يلا

‏ثم استمروا بسحب سجي حتي وصلوا لباب المخزن ولكن فجأه سمعوا صوت ليث خلفهم وهو يقول ببرود / بتعملوا ايه ومين دي

‏التفتت دانه اليه ونظرت له برعب ثم رفعت يدها / انا هعترف علي كل حاجه ياباشا.

ثم أشارت لاياد وزياد / الاتنين دول هما اللي قتلوها

زياد / احيه امك سلمتنا تسليم أهالي

إياد لليث / طبعا لو حلفت ان مراتك هي اللي قتلتها هتصدقني لانك عارف مراتك صح

نظر مالك لنور بحنان ثم قبل جبينها ونهض ليرتدي ثيابه ولكن قاطع ما يفعل وصول رساله له اخرج هاتفه وفتح الرساله سرعان ما احمرت عيناه بغضب جحيمي وهو يري الرساله والتي كانت من لوسيفر ( وها قد عدت يا شيطان استعد لجحيمي..... جحيم لوسيفر)

قبض مااك علي هاتفه بشده ثم حمل جاكته وهبط للاسفل وخرج من المنزل بعنف شديد

بينما في المخزن نظر ليث لدانه /وانتي بقي صدقتي ان مالك يعمل كده

دانه باعتراض / اكيد لا طبعا متأكده ان مالك ميعملش كده أبدا بس انا قولت اجيبها هنا قدام عيني اضمن ليا وللكل مش يمكن تلعب بديلها وتفكر تقول لنور دي كانت تموت فيها

مسح ليث وجهه بملل / قدامي امشي قدامي دلوقتي

دانه وهي تشير لسجي /طب وهدهد الجناين ده هنعمل فيه إيه

عبده بملل/ سيبيها لحد ما مالك يجي ويشوف صرفه معاها

هزت دانه رأسها ورحلت معهم وهي تنظر بشر لسجي

بينما ليث هز رأسه بيأس علي زوجته وأغلق الباب أثناء عودتهم للمنزل قابلوا سمر التي نظرت لدانه بترقب لتفسيرها

جذبتها دانه خلفها ودخلت للمنزل بينما ليث نظر لولديه وابتسم لهم / ادخلوا انتم جوا لماما يلا

بعد رحيلهم نظر ليث لعبدالرحمن / نادي سراج يا عبده وجيبه علي المكتب وانا هكلم مالك لازم نخلص من الموضوع بأسرع وقت

سمر بعدم فهم / يعني هي مرات مالك ولا مش مراته

دانه / إيه يا سمر يعني انتي متعرفيش مالك ولا إيه لايمكن مالك يبص لواحده غير نور

سمر بتركيز / مالك هو اللي قالك بنفسه انه مش متجوزها

دانه وهي تنفي / لا اما مشوفتيش مالك اصلا بس ليث وعبده اكدوا ان مفيش حاجه وانتي عارفه مالك كويس

سمر وهي تهز رأسها / عارفه مالك بس اللي مستغرباه هو الثقه اللي كانت بتتكلم بيها كأنه بجد

دانه وهي تزفر بضيق / وانا برضو محتاره من الموضوع ده بجد

سمر وهي تنظر لها / هي فين البنت دي

دانه / في المخزن تحت كن......

قاطع كلامهم فتح الباب وظهور نور خلفه وعيناها مليئه بالدموع نظرت دانه اها بهلع / نور الموضوع مش زي ما انتي ف......

قاطع كلامها نور وهي تركض للاسفل ثم الي خارج المنزل بينما دانه تهبط الدرج بسرعه وهي تصرخ باسمها ثواني وكانت نور تدخل للمنزل وهي تجر سجي من شعرها بحده ثم القتها أرضا وهي تصرخ بها / مالك مين اللي جوزك ياروح امك ها انطقي مالك مين

سجي وهي ترفع رأسها بتكبر وشماته / جوزي انا وحبيبي وروحي كمان وانتي ب......

صوت الصفعة رن في المكان كله نظرت نور لتلك الفتاه بقرف / عارفه لو شوفتك معاه بنفس السرير لا يمكن أصدق ان مالك يبصلك او يفكر حتي انه يخوني

وضعت سجي يدها علي خدها بغل وصرخت بها / فوقي بقي من وهمك ده مالك سبق وخانك يا جدتي ومش بس خانك لا كمان اقولك ايه تاني ان جوزك بيجي في حضني ويشتكي منك ليا

رفعت نور عيونها البارده وابتسمت / عارفه لو مالك نفسه جه وقال الكلام ده ليا لا يمكن أصدق وهقول انه مجبور يقول كده

سجي بكره وغضب / عارفه ليه لأنك معندكيش كرامه

سمر وهي تجذبها من شعرها / ورحمه ابويا لكون مطلعه عين اللي خلفوكي

نور ببسمه بارده وهي تنظر لسجي / تؤ تؤ لاني بعشقه وعارفه كويس اوي الشيطان وانا مين بالنسبه للشيطان

صرخت سجي بها وهي تبعد سمر عنها بحده / افهمي بقي هو مش بيحبك وسيبيه في حاله انتي ايه واحده لازقه كده ليه

ابتسمت نور لها واقتربت منها وهمست بصوت مرعب / طب علي الاقل تتحكمي في ايدك اللي بتترعش دي عشان اصدقك

ثم ابتعدت عنها ونظرت لها بشفقه / أنا لحد دلوقتي ماسكه نفسي ومش مطاوعه شياطيني اني اقتلك بأبشع الطرق دلوقتي زي الشاطرة تمشي من قدامي عشان انا ماسكه نفسي بالعافيه يا جميل ماشي

نظرت لها سجي وكادت تجيب لولا تدخل دانه وهي تنظر لها بشر /أنا صبرت عليكي كتير قسما بالله لوريكي مقامك يا حيوانه انتي

وكادت تهجم عليها لولا خروج عبده وسراج وليث وامساك ليث بها

سجي بملل/ أنا مش فاضيه ليكم ابقي فهمي ماما ياقمر تبعد عن مالك لانه خلاص مبقاش طايقها و..... ااااااااااااه

صرخت سجي وهي تشعر برصاصه تخترق زراعها رفعت نظرها فوقع قلبها برعب وهي تري امامها الشيطان كما لم يكن من قبل اقترب مالك منها بشده وهمس لها بفحيح جعلها ترتعش / نور لا

سقطت سجي أرضا وهي تصرخ من الألم والرعب / مالك انا د.....

قاطع كلامها صراخ مالك بها / اخرسسسسسسسي

ارتعشت أوصال دانه من صراخ مالك فضمها ليث بحنان شديد وهو يهمس لها أن تهدأ

مالك بصراخ / مين دي اللي مراتي هاااا انطقي

سجي برعب / أنا بس كنت عايزه ابعدها عنك عشان.....

صرخت وهي تري مالك يضرب يده بالفازه بجانبه / وانتي كنتي مييييين عشان تبعديها عني هااا

سجي ببكاء / أنا بحبك

مالك بصراخ وجنون /وانا عمري ما حبيتك ولا هحبك ولا عمري هحب غير نور وبس انتي فاهمه

سجي بألم / بس انت قولت ليا انك منجذب ليا

مالك بضحكه مرعبه / أنا قولت كده أمتي انا عارف نفسي قولت ايه كويس انا في حياتي كلها مقولتش كلمه بحبك لست غير نور انا أمتي قولت ليكي بحبك او معجب بيكي او تتجوزيني ها أمتي قولت انطقي

سجي ببكاء وصراخ / عايزني اعمل ايه وانت مش طايقني كل ما تشوف وشي تتجاهلني آكتر من مره اقولك بحبك وانت مش بتتحرك زي الحجر قلبك ده حجر مش بيحس

مالك بفحيح / ولما انا كنت بتجاهلك جاتلك منين الجرأه انك تيجي بيتي وتتبجحي وتقولي اني متجوزك ها انطقي

كادت سجي تجيب لولا صوت الرصاص الذي صدح بالارجاء اعقبه صرخه شقت المكان وسراج يركض وهو يصرخ / سمممممممممممممر

استووووب خلص الفصل عارفه انه قصير وجدا كمان بس والله انا ربنا يعلم انا كتبته إزاي انا من الصبح والحمي مساكاني ومش شايفه اي حاجه والله مش فاكره حتي الاحداث ومش عارفه إذا كانت مترتبه ولا لا وكمان المراجعه اختي الي راجعتها لان التعب زاد عليا كدا ومش قادره والله وكنت بكتب الكلام وانا بخرف من كتر الحمي ومره واحده ألاقي نفسي نمت ومحسش بنفسي غير وانا بصحي والفون في أيدي وكاتبه كلام غريب من كتر ما بخرف فخليت اختي تكتب الباقي وتراجع وانت بمليها تكتب ايه ودماغي هتنفجر فبعتذر لو الفصل مش زي ما كنتم متوقعين بس والله مش قادره اكتب او افكر

وبإذن الله البارت الجاي اعوضكم

دمتم سالمين

رحمه نبيل ❤️❤️❤️