تحميل رواية «منطقه 13» PDF

منطقه 13

البارت الاول

للكاتبه مريم السعدي

  ...........🌹🍁.........

سلمان --- سلمان-- سلمان ووجعه كومم

ها بويه

كوم. ووجعه ابوي كوم وي اخوتك على باب الله

صار بويه كايم

يله   راجح يله محمد كوم وياي

صباح عراقي. خالص خالطت  عبق رائحه الشاي الجديد اللذي تغليه امي على نار  كدفىء حنانها مع رائحه التراب المبتل بماء المطر .  وصوت قرآن امي  الهادي بايات القصيره يطرب مسامعي.

ها يمه صباح الخير

هله يوم. يله تعال تربع تريك تكعد يم الجوله تدفيك

لا يمه مرتاح

راااجح

اي ايي جييت جتي اتغوسل

يمه محمد مراضي يصحه تعبني

عوفه يمه هذا ممتعافي خلي اليوم يرتاح

كلشي مابي شو من ميطلع للشغل يكضيها تدبج بالفرع ياهوالفات وتحرش بي. عايق محد يكدرله

ميخالف يمه خطيه

كيفج ومديت ايدي

شحلاتها الصبح بيض وطماطا وابويه ياكل دبس وراشي كاعد على رجل وثاني اللخ ولابس حزام الفتق وعيونه تجدح غضب ويباوع لراجح ويباوعلي. 

واحنا ممسوين  شي ونتراجف لدرجه اخاف اساله شبيك يابه. كملنا اكلنا وراجح حافه الخبز دويره مياكله وعاط بي ابويه فززني وانكلب استكان الجاي على رجلي هو منا يركص الاستكان كعدته ممضبطه وي الماعون لان كزازه مو اصلي. والخاشوكه فافون

نتر ابويه

ولك راااجح  طايح الصبغ تاليها وياك هالسوله الكشره هاي شنو حواف الخبزه باجر الله يعمي عيونك

شبعت يابه كملت كرصتي

اكل هاااي النووب يللله

اي يابه صار

وضل يعلس بيها وحدها وامي تباوع من جوه عينها عليه بقلق صبت استكان لخ وتباوع لحلكه

همست

اكلها يمه وفوكها جاي حتى تنزل

اخذ الاستكان الثاني ويباوع لعين ابويه راضي لو لا

سلمان كملت

اي يابه

كوم بسع على راضي خلي ينفخ تاير البايسكل بنجر

اي يابه

وكمت طلعت واني احك براسي الصبغ بعده مجلب بشعري صارت بيه سوله امشي واكشر باطراف شعري الصاير بيها صبغ نفخت التاير ورجعت  للبيت

شفت راجح ينتضرني وبيده المالج.  والعربانه وطاسه العماله ببطنها والجفوف باوعتله كال

اليوم الجوف الي البارحه انت لبستهم

اي صح الك  دمشي اطلع كبالي اذب البايسكل وارجعلك

اوك

لتوكف وي. هذا الكلاوجي السختجي.  وبعدين تتمالخون وتلمون العالم وتصير بالموالج

لا خلي يولي

ذبيت البايسكل ولحكت اخويه فرعنا من الصبح صوت الجلف بي مال طرامي كلمن طرمته هلكداتها والمي يجري من جوه بيبان البيوت الصغيره بنص الدربونه المجري كاص الشارع بالنص على طوله والمي مخبوط قاصر على تايت وعلى غفله تجيك روجه دهله ريحتها تذبح

الطرشي خربان عد بيت ابو محمد ابو الطرشي

وصلت راس الفرع وكفنا بالمسطر اقل الربع ساعه واخذونا لبيت نبني  وصعدنا بالسياره.

شتاء سنه ١٩٨٥ هايه

لي من العمر ٢٨ عام

غير متزوج

واسكن بمنطقه من مناطق بغداد الفقيره

سلمان. رغم اني لم اسلم من حضي النحس

ارغمت على ترك دراستي  لاعين والدي اللذي يعمل باعمال الزراعه والفلاحه والبستنه في مناطق بغداد ذات الطابع  الراقي

يجول بدراجته. شوارعها ساعات كي يصل لوجهته  لاجل لقمه العيش وانا بدوري مع اخوتي نساعده

---

مافد يوم جربت التكتبون عنه لو اللي اسمعه من جماعتي من نبني كلمن يغرد من صفحه واني وراجح صافنين نضحك اللي يكول

كمزتلها البارحه بالسطح

واللي  طاير بخطوبته وبس يتبسم وغيرته متسمحله يحجي

واللي بس يتصفن بعلاج امه ولكمه جهاله شون حيوفرها

كلمن يبجي على ليلاه  

محمد اخويه

مدلل امي  يتمرض الصبح والضهر يصير  قرد  عمره ١٥ سنه  واربع سنين راسب بالخامس تالي بطلناه يشتغل ويانا

احسن

بس لكالها خوش درب يوميه وصاح كلبي بطني رجلي ويصرخ وامي متتحمل حتى ابويه  يسكت من يمه واحنا عايفيه على بعده صغير خلي باجر يكبر ويجر عدل

كملنا بناء البيت وطلعنا كلمن لبيته صعدنا نفرات ورجعنا لمنطقتنا ايدي كلها اسمنت البرد فطر جلدها وتدمت وتحرك بس تعلمنا وصلت للبيت وغسلتها مي حار وامي تفركها تفطرت والدم يجري واني كل الاحسه حكه دهنتها الحجيه دهن حر وملح. وحارت بيه يم الصوبه دفيت  ورجلي الوكف بيها الدم مشه وتدفه يم الجوله كمت اغفي من الخمسه الفجر للخمسه العصر اغمض وافتح وامي تدهن ايدي انتضر اخويه يكمل سبح دافوت تمددت وصحت

راجححح  لتخلص المي بالجدر طايح الصبغ

ايييي فهمنا

يمه تارسته الجدر لو نصه

لا يمه تارسته  والالبريمز يشتغل على عين الصغيره هسه يطلع اخوك واسبح تدفي روحك

خوش نزعت قميصي مليان جص جسمي اكلني وطلع راجح ويفرك براسه

يمه راح الصبغ

اي يوم راح تعال ادهن ايدك

راجح-دصبيلي اول انخرطت

سلمان- طبيت سبحت احس روحي حوكع من دفو المي كملت وطلعت عدل لفراشي  نمت

يمه ميصلللح تنام هسه كوم وكت وذان

يمه دخليني حتى الله يعذرني وروح ابوج

لا يوم مزين وجهك يصير اصفر

هسه علساس هو احمر هو مطكع مال شمس،

شبي جنه ورد نور محمد بوجهك يوم

ابتسمت وكمت اغفي خليت ايدي جوه خدي وغفيت حسيت على ابويه. ينزل المسواك من سله البايسكل ويحجي لامي على اسعار المواد اليوم

هاي لكيته كوتره كتله جيب الخمس كيلوات على كذا سعر

وامي تكول يا  زين بلاش الحمد لله

كملت نومتي الغدا الاكلناه بيت البيت البنيناه جان كلش طيب واكلت هواي كملت نومتي  رجعت حسيت على امي تطفي الصوبه علاء الدين وتفوت لكبتها كملت لنومتي بدفو البطانيه رغم انها تجكجك مال جيش بس خرب عراضها شكد تدفي غفيت براحه واشوف روحي بطيف ادفى من بطانيتي

بنيه تخبل سميره ومربربه تقربت مني على نومتي تبتسم ونزلت كصيبتها صفح كالت

انت سلمان

واني سرسرحت رحت  اضحك وايدي على وضعها جوه خدي  اي اني

وتلمست خدي بدفو اي ها غمضت وفزيت على صوت ابويه

سلمان

فزيت اكمز من فراشي وادور داير مدايري احس البنيه موجوده وابويه حيشوفها ملكيت غير ابويه عاكد الحاجب يباوعلي ويلف حزام الفتق على خصره

شبيك بويه خيرك حلمان شنو

ها لالا هه لالا بويه شنو بيش ساعه

ب٣  يابه نام بعد وكت داصلي نافله الليل

ها زين زين ورجعت تمددت ايدي على كلبي يدك بسرعه بسرعه غمضت وملامحها انحفرت ابتسمت وراح كلبي التفتت نطيت  ضهري لابويه صار بوجهي راجح فاك حلكه ونايم  فتحات خشمه تنفتح وتنسد من يتنفس غمضت ماريد صورتها تروح من راسي

مكدرت انام بيومها بعد --------

يتبع............

مساءكم عافيه مساءكم  امل ويقين بالله

بلشت بالقصه لان ماعدي شي  بس

شوكت ميصير مجال انزل الثاني

خلو ولو بالاسبوع بارتين خلوني عراحتي فدوه. 

شكرا للمتفهمين منكم

مراح انطي وعد محدد وموعد حتى مااخلف بي كلما صار مجال انزل

يمكن هاي اقوى قصه اني اكتبها يمكن اكتب وايدي على كلبي 

اتمنالكم متابعه ممتعه 🌹

منطقه 13

البارت 2

للكاتبه مريم السعدي

؛؛؛؛؛؛؛؛🌹؛؛؛؛؛؛؛؛؛؛

صبح صباح الله وطلعت وي راجح ومحمد وراي يمشي ويمسح بخشمه بطرف ردنه ويون عباله حكوله ارجع انداريت عليه نترت،الزم المالج زينن لتصير مايييع

اييي

ووجعي رفعت تك حاجب خزرته والتفتت باوعت لراجح

اليوم حوده طلع سبوع الكاضي بالبيت

باوعتله وباوعت لراجح راجح ابتسم كال

مى تدلل اليوم ولاطابوكه تضل جوه بيت الحسناوي كلهن يصعدن جاوب باستهزاء

محمد- اصعهدن قابل شنو نمونه فد قضيه يعني

سلمان-ههه تدري كم بايه عدهن مثل درجنا عبالك شبخه وللسطح درجهم ١٣ بايه روح اكلها بالعافيه عليك ترس خل اشوفك شون بعد تتكلب بحضن امك واخ واخخخ ويمه وراسي و-- يوجعني خنثه

كلتها ودرت وجهي  على راجح

راجح الكبان نسينا بيت الصايغ اروح اجيبه واجيكم عينك على هذا اذا سختت من اجي اني اعرف شون اشتغله زين

صار يابه صار

سلمان- باوعت لمحمد يباوع باستهزاء مو مال افكس عينه دار وجهه يبتسم ويفر بيده صلف حيل وميحترم دلال امي  سكطه حيل احساس ماعده صار ميهتم خلص المي الحار وكت جيت ابويه عادي

اكل الخبزه الزينه قبل كعده ابويه المهم هو قبل الكل

وهالشي جان حيل غاثني اني وراجح وابويه بالبيت ماكدر اخبزه بالشغل كلسا ممشي عالصراط المستقيم  من اجيبه بعلابيه

واذا فات الحمام ضل ساعه ينتضر وكت الغده واذا تغده ساعتين حدما يخلص  وكت الشغل لل٥

بقينا عالشارع ننتضر واجتي سياره التصريف تسحب المي مال تصريفه لان ماعده مجاري بمنطقتنا والريحه تذبح صعدت بالتاته طريقي غير طريق الولد اجيب الكبان وارجع

طلعت ونطيت كروه السياره لراجح وصعدت وصلني للمنطقه مال بيت الصايغ وفتت بالفروع امشي واقميصي مطكع والف بقمصله ابويه مال جيش على جسمي بردان حدما وصلت البيت طبيت ركض فارغ البيت واشوف المي مفتوح وصوت صدى بالبيت يحجون

طبيت ساكت واحجي وي روحي اخذ الكبان بالحمام بره البيت عالرازونه واطلع شلي خص شغلنا وكملنا

طبيت للحمام وهم جوه  صوت نسوان صدى ورجال يصيح

اجلفي منا الملاعين منكطين سبغ عالكاشي يابه مناا تعاي  مسحي الجام واني فتت للحمام الخارجي وعيوني عالداخل مال بيت شفت رجال لابس بلوز زيتوني صوف مزرف وسروان وشاد غتره على راسه لاف راسه ولحيته طويله مشيبه ومره مدنجه تجلف وهو يضرب الكاشي كاغد جام يوخر الجص المطفر طبيت عرفتهم منضفين فتت للحمام الخارجي توني افتح الباب لكيت بنيه ضهرها عليه وتجلف بالتواليت الفرنجيه ( الغربي)

وتدردم

هذا شون يغضون حاجتهم بي يكرم الله لون كعدت عليه اكع بنص منه وماعاد اكدر اطلع

ضحكت اباوعله. وكصيبتها شطولها اخذت الكبان وصوت خشونه الرازونه وي السمنت الباقي بيها صار صوت التفتت فازه

وارتدت ليوره

يايوووم انت منو

فكيت كل عيني وانصدمت ساكت هي نفسها والله هي هاي هي بلعت ريكي

ااني البننه لتخافين ححطلع

مانه خايفه عشتو عليمن اخافن هسا اصيح ابويه يجنزك

ميحتاج ابتسمت وتاشر وكحه وعيونها مزرزره وسوود والفرك مال شعرها اببيض رغم سمارها  اليخبل وهاي خدودها تنكرط

شبيك تعاين هيج انفكست عينك

غابت ابتسامتي ضجت من لسانها

ميحتاج هالمسبه تره.  بس داكولج. ااشسمه  وخفت لحضتها من شفتها تطلع كلت تروح تصيح ابوها  وتصيرلي هبيه طلعت وهي تمشي وتتلفت عليه وتشمر كصيبتها صاحت يابببه

واني طلعت لباب البيت شبه انهزم دااطلع والتفت  لداخل البيت اباوعلها

دااطلع وصار بوجهي صاحب البيت

هله سلمان هله عيني

هله بيك عمي عالخير بيتك

عاشت اديكم والله همزين جيت علمود الكبان مو

اي والله نسيناه ورحعت علموده

زين ردت منك شغله بس ماريد الولد اريد، وحدك

كول عمي تدلل

يابه رايد منك تبني غرفه لخ تكدر وحدك

اي شكو منهااخوتي وياي بس الخلفه خاف ميقبل

محد يدري لان هو يدك بالعالي ويجر ويعر يسويها طويله وهي شكداتها

خوش عمي صار بس انت هم لتوصله خبر احجي واباوع جوه البيت بالي يم السميره وارجف وكلبي يدك سريع

كال

تعال يابه فوت

عمي مو اكو نسوان جوه

تعال ذوله غجر ينضفون وره العماله فوت

طبيت وراه بارتباك صحت

يا الله وبلعت ريكي مدري شصار بيه شفت الرجال كال

هله هله يابا عمي ساعتين والبيت يغده ليه ولوز

كمل كمل مالكم دخل بينا دنصعد السطح

صعدت وعيوني جوه شفتها طلعت تشلهت ورفعت راسها ليفوك تباوع باتهام وعبست حلكها غمتني ودارت عينها بجره غرور صرت اعصاب.بقيت صافن شنو هالتربيه المخربطه وليش بالذات هي جتني بالنوم بحياتي مصايره عدي حاسه سادسه لو حلم يتصدك ابد ساعه السوده من صدك بيها

صعدنا واشرلي وين يريد الغرفه وافتر واباوع واحسب وهو يوصفلي رادها بالسطح  وكتله صار تفاهمنا ونزلت كتله باجر تجيب الولد واجيك وفاتت من يمي ابنيه وتعدل بدشداشتها شعجب ممحجبه هي امها شامها الفوطه شمر واحتها اللخ نص كذلتها طالعه والاب واكف مو يمه

يله بويه صبي لعمج جاي وضحه

بلي بويه

التفتت عالصايغ باوع لبنته الثانيه ابتسم وهي تتمضحك واجه الشايب ابرهم خله ايده على كتف بنته كال

عمي هاي وضحه سباعيه كالت جننه صباح العيد وجهه ابو البيت

ابو البيت ابتسم وضل يبصبص عليها والاب واكف قشعر جسمي جن يعرضها عليه ابتعدت ليوره اريد احجي والله خفت باوعت لبو البيت يكصها كص  ويجر الجاي على وكفته  كال

ورده ضحاوي وهي تتبسم وتهز بجسمها مثل المصرع ولازمه ايدها اليمنه باصبع ايدها اليسره

سلمان-ععمي  اني رايح الباجر فجريه اجي

هاي هي سلمان ماوصيك مو سبوعين ١٤ يوم الغرفه خالصه

اي انشاء الله احجي واتلفت الامايه مو يمها تباوع لبنتها وتتبسم ذيج اللخ وين طلعت للطرمه شفتها تذب الزبل مال كلگ  بالبرميل باوعتلي ودارت عينها بغضب رافعه تك حاجب مدري شصار بيه تخيلت هي هم تتحشك بابو البيت ولو هاي صغيره تطلع بت ال١٦. بس مربربه باوعتلي نترت

ليش تببباوع

نصيت وطلعت راسن شعر راسي وكف يبو عليك من اب يبو يوم الاغبر من فتت وشفتك خرب   اهلك. روح زين شاربك

خرب عراضك شكد بله غيره

اوف يمه بووخت امشي واهف نص الطريق عديته عالشارع كصيته واني محاس بروحي صعدت النفرات ورحت لاخوتي كملت الشغل ورجعنا تعذرت من ابو البيت الديبنون بي اخوتي ومن الخلفه  كتله عدي عمل بهال١٥ يوم وعذرني. هم زين مسال يابيت تبني بي كتله كرابتنه وسكت  واتفقت وي اخوتي الصبح نرو

بيومها مكدرت انساها كلسا وانطي العذر لاهي عصبيه عليه

ولك يالاغبر قابل انت ابو البيت الملااچ وتتتمضحكلك وتشوفك وجه. انت وملابس الميبسه برد وحر

غمضت بس ردت تطلع من راسي خفت حتى انام وتجيني بالنوم وتذمرت حجايه ابو البيت

غجر ذوله عادي فوت  وختمها

عرض خاص  ذولي

عرض خاص شنو عمي

يعني جوه السوك ههههههه

لزمت راسي اخوتي بصفي نايمين همزين الله ماعدي اخت طلعت وخرت برده الباب وكعدت عاله بالباب وخليت راسي بحضني الهوه يكص كص من البرد واني بطرك الفانيلا والشروال

ساعه وحده بالليل والجلاب تفوت من يمي عبالك متشوفني ولا توكف

حتى الحواوين ميشوفونا رفعت راسي للسما وجريت نفس

شكد جانت صافيه وتلمع النجمات بيها. والكمر  واااضح.

هناك وانتبه غيمه بصف الكمر غطته. ابتسمت واتذكر اغانيينا النغنيها

ياحوته يامحيوته.

عوفي كمرنا العالي

اضربج بسجينه

واطلع مصارينج

ورجع وضح الكمر. --- اول مره بحياتي. اصفن هالصفه على عمري

اول مره اكول

اريد مره

احتاج مره

اريد مره. الي لراحتي

لحضني

احبها وتحبني تبتسم الي. وابتسم الها وتخجل غمضت ورجعت جتي على بالي 

حضي الاغبر بس هي الحلمت بيها

شبيه اليوم جن من صدك صحيت وتذكرت اني رجال

والله العضيم قبل كم سنه. يله حسيت بامي وابويه مره ورحال جنت اتوقعهم خوان لان ابد ممصادفيهم بوضع. شائب. واحنا غرفتين البيت كله

حوش وغرفه الهم

ومره وحده جان عمري٢٣

وسمعت صوتهم. من امي ضحكت بتوالي الليل

ضحكت وكلت

ذوله هم مثل المتزوجين عبالي بطلو

واليوم حسيت اني

اريد اتزوج

يمه اريد مره

ومنو التقبل بيه

وشون تكفينا اللكمه

لزمت راسي وافز فزه تسوه ٢٧ سنه من عمري

بزونه منيله راسها تباوعلي صافنه جوه المبرده مال بيت علوان الكبالنا

اشتعل ضميرج اي والله وتحكرت كشيتها انهزمت ورجعت وكفت بعيد صافنه عليه

كل عقلي عطت بيها

شبييج تباااعين.

فزت وعدلت وكفتها ورجعت  كعدت تباوعلي

خرب ان اليوم

ركضت وراها انهزمت تشلبهت  عالتيغه  مال بيت حميد عالسطح بقيت واكف جوه ستارتهم اباوعلها وهي منصيه تباوعلي

شون اليوم شلت حجاره وشمرتها عليها وطفرت

يله ارتاحيت رجعت اتمشى عااد يله حسيت ببرد

هشششه  بارده  رجعت للبيت ورجعت جوه فراشي ضحكت على روحي

والله سوايتي عاقل ميسويها الا مفرور ويله

وغمضت. عبالك توني اغفه وكعدتني امي وتمسح وجهي  برايه السيد محمد

يمه سليمان

يوم كوم اشو

صلاه الصبح حتصعدها الملائكه وانت نايم

فتحت عيني ابتسم اي يوم كمت روحي هسه اجي وراج

كامت امي واني تمددت

ينعل يوم  الاحلام غمضت ولزمت راسي

توني اغفه وجتني بالنوم تبتسم بترس وجهه كل ملامحها حنان عكس الشفته منها.   وراحت روحي. فزيت على نغه امي مره لخ

رجعت نمت سلمان اول تالي شبيك يوم اخاف مالك خلك

لايوم كمت صاح ابويه

تعاي

مللليكه

اي اي جيت

واني كمت وتعليت وطلعت وكفت صليت

طبيعتنا من عمر العشر سنين صلاتنا وصوتنا ممسموع امي بحياتها سوك مفاتت من اخذها ابويه لليوم محد شايف ضلها ومن اخذها من بيت ابوها السيد بت الرباطعش لليوم. وهي متخالفه ابد

وابويه كذلك

عصبي وقاسي بس من يشوفها تسمع كلامه. وتخاف منه  يسكت   رغم يقسى علينا. بس حنين.  وهاي احنا ماشين ضبط عالصراط المستقيم

ابويه دوم يحذر

يابه دير بالك من لكمه الحرررام ابتعد منها شارعين   يابه تضل بين اللحم والشحم لتكول بس هالنوبه  وخلص.  هاي تس ي قساوه وباجر تنسال عنها

خليت هالشي ببالي جان دوم يكول اموت تعب ولا لكمه بحلككم حرام

كبرنا.  يوم يوم ولامره اكلنا شي بالحرام واذا ابويه شك بي ينشمر

اتذكر مره كاعدين ناكل وامي طلعت الدجاج من الجدر ومحمد شهك

دجاااج

وامي تبسمت اي بعد شتريد

باوعت لابويه يباوع رافع تك عين وويدير وجهه ويرجع يباوع كال نتر

انتي متاكده.  هاي مال ثواب موزعيها

اي وروح ابويه.  همه كالولي

مليكه خاف مال صدقات واحنا متجوزلنا صدددقات

صفنت امي وتباوع للماعون وباوعتله وكف ابويه وشال الماعون شمره بالزبل  وصيح

بعددد لتاخذين شي

بقينا صافنين محمد بخنيك بخنيك بجه وهو صيح

بسسسس اللصم باجر اجيبلك وصاح بامييي

البااااب اذا انفكت لاحد بعد اهدها على راس فاهمه

صار صار

شيلو الغده محد ياكل

ابو سلمان الولد جواعه

وجوعهههه بكور ولا يطب بحلكهم لكمه حرام طلعي  الطماطا كلي وتشله يعاونها.  هو ييكشر بالبيتنجان ويملح وامي تكلي بالطماطا كمنا من يمهم ابويه معصب وامي تدمع ومنصيه تخاف ينتبه وكاعده بالكع يم الجوله تكلي عفناهم واني تمددت راجح بصفي تمدد

هو شكو

شوي اسكت والتفتت اباوع لابويه باس راس امي وابتسم وجر راسها لحضنه.

وامي تبسمت

جانت احلى لحضات حياتي. وراها امعنا مره لخ واكلنا القاسمه الله وابويه ارتااااح حيل ارتاح وعالوعد ثاني يوم جاب دجاجه وشواها

بتور الطين بالسطح جان اليوم عدنا جنه العيد بس ورها يومين ابويه ضل لل٨ بليل يله يطب محودب لان ديعوض الشغل بالصرف الصرفه

وضعنا صعب

بس اللكمه حلال

وهالفتره فكت لان اشتغلنا اني والولد والشغل موكف الحمد لله كمنا نشارك بالبيت كهربائياته. والسطح اللي يخر سويناه  والفطور بالحايط اللي يطب ويطلع منها الجريدي سديناها

والحمام سوينه المقعد نايلون وصبيناه  بعد ماكان صب مربع ومكسره كاعينه

صبغنا بويه وضووه اني نفسها ارتاحت كلش 

وهاي اني اليوم الفجر اخذ اخوتي واروح بيت الصايغ  والبيه خوف ولهفه ساعه يم الحلم اتلهف وساعه يم واقعها وواقع صوره ابوها الضلت بمخي اتكهرب واخاف

وصلنا وصعدنا كبل البيت فارغ  بعدهم محد جاي وبلشنا اني والولد واذني جوه والله حد ماجهجر الوكت وسمعنا اصواتهم باوعلي راجح

منو جوه صوت نسوات

اشش رفعت راسي وحواجبي ثنينهم

مالنا دخل

شنو اهله جوه شون تنزل ونصعد

شعدك نازل صاعد حمام وبصفك

باوعلي

وشبيك ترجف على كيفك

سكتت ونصيت شوي وصاح الشيبوب

يوولد سليمان

باوعت لراجح ونصيت

بلي عمي

تعال بويه ابو علي وصاني عليكم كال ريكهم

لا تسلم متريكين

ها واني شعلاااي هو دزاني

نصيت راسي من الدرج شفتها تمسح ببيبان البيت تجلفها جانت نشطه حيل عيوني صارت عليها ودرت وكهي مرتبك ليشوفني ابوها نزلت بايتين واخذت الصينيه راح ابوها ورفعت راسها وصعدت الدرج وبيدها الوصله

كلبي وكف صعدت اريد انهزم عبالي جايه عليه خلصت الدرج ونطيتها مجال انلزكت بالحايط باوعتلي مستغربه كالت وعاكده الحاجب هزت بايدها

كبور كون

بلعت ريكي لازم اردها

ويايه

مردت وصلت للغرفه الفوك ولزمت تمسح ببالباب القطرات مال صبغ

ضهرها عليه واني تحجرت وي محجر الدرج صافن عليها وعلى كصيبتها شعرها محابس محابس ومسويته ضفيره ضبه دشداشتها عريضه وتجلف قوي بالوصله التفتت مرتين شافتني على وكفتي عكدت الحاجب نصيت ورجعت رفعت راسي

كالت بصوت بي علو

شرايدد تباوع هجي

بقيت عاكد حاحبي فاك حلكي صافن عليها حسيت روحي من وكاحتها اصغر منها

تخوصرت وتقرب نصيت ردت اطب بنص القوري كال

اكل لبوي عليك

بقيت منصي دافوت

كالت

ماعدك خوات ماعدك عرض تباري

التفتت عليها بقيت اباوعلها بعيني مو بيدي تحجرت واتذكر منامي كالت

شبييك  جنك سططل حتى بالحلم ماخلصانه منك نفضت بايدها والوصله بيدها وعافتني وراحت

فكيت عيني

حتى هي حلمت بيه

حتى هي

ليش هيج ديصير

ذبيت الصينيه ووكفت كلت احجيها وخل اخللص ولاتضل بزردومي واضل الليل كله اكل بروحي محجيتها باوعت من المحجر ماكو ابوها باوعت لباب السطح الولد يسوون الخبطه وملتهين تقربت وهي ضهرها عليه تفرك بالباب. ببعد متر. همست  ورجف صوتي

حلمت بيج قبل لاشوفج. ----

يتبع.................

للكاتبه مريم السعدي

ناقله : حنوو

🌹🍁⁦❤️⁩

المنطقه 13

البارت 3

للكاتبه مريم السعدي

الناقله حنوو

.................🍁........

سلمان-

شفتج بالحلم قبل لاشوفج واقع

التفتت عليه عاكده الحاجب تخوصرت مستغربه

شوكت حلمتي بيه انتي سالتها وانعديت من ملامحها احجي واتلفت جوه ويسره صفحه اخوتي خاف احد ينتبه. ملامحي مستغربه وباوعت بوجهه

حكت وجهه وخلت شعرها وره اذنه ملفلف همست وعيونها نزلتها تتذكر باوعت للكع وحواجبها انعكدت همست

جوز اول البارح يوم الشفتك في وباوعتلي ضيقت عينها

اضن انك تجذب علي

ابتسمت لا والله

كالت

براي شغل وانت بس ترغي شيفيدني منامك عكب اذا طكني ابوي

اي حقج عفتها امشي والتفت ورايه وهي هم تلتفت وترجع تمسح وترجع تلتفت عليه مستغربه

واني بلشت بالغرفه. وي الولد. وبالي هناك مدري  شيصير بيه من اتذكر استغراب ملامحها و براءتها

نزلنا المغرب جان البيت فارغ مموجودين ويوم يجر يوم واني حدما اسمه صفاره حارس الليل بليل. يله عود دااكدر اغفه كل تفكيري صار بيها صفنتني اكلي قل واخوتي مرتين شافوها وشافو اختها. مقهرني غير بس راجح. من شاف اختها الجبيره

كال

اكولك شوهاي مدري شون تباوع

شعلينا راجح سد حلككك

لا شعليه بس شكلهم موخوش يعني الاشوي يكوله لبو البيت بيتها عدك

نترت بصياح مسيطرت

سددد حلككك معلينا معلينا

انتبهت على روحي جنت ادوخ بنضراتها وحتى هي مجانت تقبل وضحه توديلنا الجاي والريوك تكمز تكول

انه اودي

واني انتضر دقيقه دقيقه وبس اسمع خطواتها اركض كبل لتفوت الغرفه اخذ الصينيه واتخبل من محمد يكول عليها

ام شعر الطويل اتخبل

نضراتها صارت حنينه رغم ماكلمه منحجي بيننا ابد بس عيوننا ومن اشوفها تباوعلي اعوف البيدي واصفن عليها حدما تروح

قبل ليكمل الشغل بكم يوم. حجيت وي ابوها واني اشرب الجاي وتبادلنا اطراف الحديث متفرقات

وين كاعدين عمي

والله يابه منا ومنا يعني كل يوم بديره اههه والحمد لله

يعني ماعدكم مكان ثابت شنو

يابه احنا مو منا من يصير شغل نجي ليجاي ومن يكمل نرد لاهلنا

وين اهلكم يعني

بويه انت شرايد

نتر بوجهي

بقيت صافن عليه بلعت ريك كال وياشر ويمد شفته الجوه ليكدام من يحجي

بويه تره ماننطي لمجاديه احنا تره مهر البنات قالي. غالي يقصد. مازوجهم لون مااستفاد منهم

سكتت دار وجهه معاحبه وراح رجفه بكلبي صارت واحتقن بلعومي راسن بيومها رجعنا للبيت واني حسبه تجيبني وحسبه توديني محمد كاعد على صفحه بحضن امي راسي ويتبشبش وياها ويباوعولي واني اريد اهج من البيت افكر وحدي صعدت السطح ولزمت راسي الكاع تجوي من البرد واني

مبوووخ. صاير نار.  حفضت موقع نجمه نجمه وصافن عالكمر  سكنت مخي. هالفتره. كلما تفوت من يمي توكف شوي تباوعلي واني اصفن بعيونها عكده حاجبها وتحك باذنهاتدير عينها وترجع تباوعلي مرتبكه بس  تمثل القوه. وعدم الاهتمام

واني اضل فاك حلكي صافن هسه تحجي هسه تسال هسه تطلب مني شي

وتنزل مهزومه مني وتروح

باجر استلم الكباله. واخذ غراضنا من البيت باجر اخر يوم  غمضت وسمعتونه الباب مال سطح التفتت

ابويه مركز بعيونه مضيق نضره يشوف منو

كال بصوت بي شك

سلمان بويه هذا انت

اي نعم يابه اني نزلت من الساتر ووكفت امشي تجاهه ها حجي شكعدك

يابه انت هنا بطرك فانيلتك موبارده عليك   شبيك يابه احجيلي ماكو شي حجي ههه فدوه لطولك شبيه

لايابه اني متفطن عليك صار جم يوم مشدوه بفكرك

لايابه هه لاماكو شي

يول خاف ماخذه عقلك وحيده

صفنت على ابويه بعينه اول مره يتجرا يمون على واحد من عدنه ومن صفنتي هز راسه والتفت صاح

مليييكه

عيني ابو سلمان

جيبي الجاي ليفوك وتعاي عدي حسبه وياج

ااصار جاييتك

ورجع باوعلي ارتبكت وتخربط وضعي لزمني من ساعدي وهز راسه مبايم بقلق

اكعد يابه اكعد

كعدت واباوعله كعد كدامي وجر نفس

يابه انت هم من حقك حتفوت ال٣٠ وتريد مره

نصبت راسي وتنهدت

كول تريد امك التخطبلك لو مخلي وحده جوه ابطك

باوعتله ونصيت   ييابه ووين اخليها وباوعت عالبيت جريت حسره ابتسمت البيت ميكفي حجي

يابه  نبني هنا غرفتين بالسطح وطبت امي للسطح باوعتلنا خافت كالت

خير

كل خير ام سلمان بس ابنج يريد يعرس

ابتسمت امي وتربعت عالدجه مال درج العالي كالت

اي يوم اشر وتدلل

باوعلي ابويه كال

بيانه ابنج معينله وحده

نصيت راسي

كال

بتمن يابه من يا عمام

النوبه تخربطت بعد اكثر كل الكلته

مماعرف

وين شفتها كالت امي تبتسم بلهفه ام تفرح بابنها

بلعت ريكي واباوعلهم ابويه ضيق عينه بشك خاف لاعدي شي وياها همس

سلمان بويه عجب يطلع منك الغلط

نترت لابويه ابد والله فوكايه يشهد وحك هالليل الاسود غير نضره بعينها منباوع الله يفكس عيوني

ابتسم والدي همس

دامك  رايدها حلالك يابويه الله يسهلك بيها بتمن يابه دنروح نمشيلك عليها

كلتها والباقي على الله

بت المنضف  اللي ينضف. البيت الاشتغل ببيته

يعني شنو خدم نترها ابويه بعصبيه

بلعت ريكي

يابهالدنيا صعبه اي هو عامل يبقى بيت الحجي حدما يكمل وشو وين بعد يردون تنضيف هو وعائلته يرحون على باب الله

وشنو وين مكانهم بيتهم

ماعدهم بيت حجي

فك حلكه ابوبه صفن

استغفر الله ربي الهي لك الحمد والشكر ابني ميهم  من يا عمام

بقيت صافن بوجهه

متعرف مو

اي والله يابه

شوكت اخر يوم تروح

باجر استلم الكباله

خوش زين هاهي اساله

اي

تريد اجي وياك احجي وي الاب

صفنت بوجه ابويه

وابويه فهمني

اي بلي جاي وياك واني احاجي

سكتت وامي ايدها على حلكها صافنه بحيرتي كام ابويه مغثوث وامي وراه واني نزلت احس روحي طبيت بعركه افكار خاف وخاف وخاف مينطون

وثاني يوم الصبح رحت وي ابويه وراجح طب ابويه وعرفت الصايغ عليه والصايغ ساله

شنو عملك كله  بستاني وجلب بي عالحديقه. وطبينا كملنا شغلنا كله ونزلت لزمني الصايغ وعيوني طايره ادورها مموجوده بس ابوها وابويه ديحاجي الصايغ يحاجيني واني غير مكان بالي

اخر شي كال

ويايه سلمان لو مو يمي

عمي اامر

مو داكولك اخويه ديبني بيته ورادك وي اخوته تكدر لو لا

اي هذا هو

بيته بصفنا هذا الهيكل

هزيت راسي كال

ننزل نشوفه

اي صار

نزلت وياه باوعت لابوها وابويه وجههه ميتفسر الوالد  همست

يابه اني رايح وي ابو علي اشوف بيت اخو

خوش يابه اتانيكم. هنا

رحت وي ابو علي الصايغ ورجعت لكيت ابويه ينتضرني بالباب طلعت وياه نمشي واريد يفتح الموضوع ومفتحه حدما وصلنا منطقتنا الورتات صعدناها وهو ساكت اباوعله ميباوعلي طبينا فرعنا كال

خل اجيب اسود كيلو

يابه اني اجيب

امشينا احنا وياك

ماشي ا

اخذنا كال

يابه اللي ببالك متصير تره

باوعتله فاك عيني

كال

شبلاك يابه خلصن النسوان امك تخطبلك وحده على معرفتها

بلعت ريك ونصيت كال

الضحى ادزها على بيت السيد عده بنات خوش تربايه تربايته

ماريد يابه هاذ هو

لا يابه بعد وكت زواج انت

ماريد يابه سد السالفه كلها هاهي

كلتها متذمر جريت نفس نتر

شجلللبت بيها ثاري لو هي لو ماريد انت عفت الكل جيت عالغجر وابوها ساقط اخلاق يكولي مهرها كذا بنتي وتنطيني كل شهر هلكد

فكيت عيني وابويه نفسه لعبت ودار وجهه رافع تك حاجب

يابه ذوله ينطون البنيه سلعه يحصلون من وراها

بقيت منصي راسي وصلنا للبيت حتى اكل متغديت لفيت راسي ونمت اسمع ابريه وامي يحجون تكوله مااخطبله خاف يخجلني ويكول ماريد الا هو يكول ابويه سكت

ثاني يوم الصبح. كالعاده بلشنا بيت اخو الصايغ. وطلعت السالفه من راسي. دااشتغل اليوم جيت وحدي اخوتي. رادوهم بالمنطقه يشتغلون واني جاي اخطط وحدي باجر ابلش وي الولد دااشتغل وحسيت خطوات عالسمنت تمشي بهدوء باوعت ملتفت وشفتها واكفه بارتباك وتتلفت وراها وترجع تباوعلي

صبحه!!

باوعتلي ونصت راسها دتروح التفتت

كمت وراها اوكفي صبحه.

روح ماجاي اعطلك فد جيت اخظ القوري

اي بس تعاي احاجيج

شرايد هااا نترت بيه

بلعت ريك صافن عليها كالت

شرايد مني ها ماتستحي تكل لبوي بنتك تعاينلي عاشكتني

اشرت على روحي صافن ااني لا والله كلتها مشدوه وتقربت منها اباوع لحايط ابو علي خاف ابوها يلمحني

التفتت وي التفاتتي ورجعت باوعتلي

والله العضيم صبحه البارحه جبت ابويه يخطبج منه وابوج حجه حجي موحلو

عكدت حاجبها كالت

شكال لابوك انه شفته يزمخ في

بقيت اباوعلها بلعت ريك مصدكه بيه احس همست واني اباوعلها كصيره منصي على طولها والكفوف بيدي بلعت ريكي. همست

صبحه انتي توافقين عليه

بقت فاكه حلكها ياربي شكد حلوه وتنحب وشكد بريئه همست

اانت جيت لابوي. تطلبني كمل حجيك

اي

بلعت ريك واتنفس سريع عيونها الحايره ومدمعه وبياض عينها ابببيض من حياتي. همست

يعني ابوك جاه لاجل عيني

اي اني جبته علمود يحجي وي ابوج

بقت تباوع لملامحي همست

يعني انت ماتكذب علي من تعاينني

لا صبحه اني اول مره اباوع لبنيه وافكر بيها يعني ك. كك. كمره الي كلتها ورجفت نبرتي برطمت. كالت

ابوي مو ادمي مو

نصيت راسي ورجعت رفعته

كالت

ابوي شكال لابوك اريدن  فلوس ياله ارضه

هزيت راسي ساكت

كالت

انه احاجي مالك دخل

كالتها بقوه وعيونها انفكت انه اكله

بلعت ريك شنو اسوي اني

دز ل ابوك يجي لبوي 

بقيت اباوعلها خاف

قاطعتني

مالك خص ناوي ينطيني لبو حمزه متزوج ثنتين وحط عينه علاي

منو ابوحمزه كلتها وكلبي حسيته يريد يطلع من ضلوعي نار صارت احساس محاس بي قبل

كالت

رجال. ليجاي منننا عبن عنده حلال خير من الله

وشون هسه شسوي صبحه

شجاك توهكت جاي اكلك انه ماراضيه عليه وارضى عليك انتم عدكم حوش ملك

ابتسمت

اي عدنا بس صغير

عسى ماجان كن لونه  ملك لكم انه راضيه

زين هه زين اوكفي يعني باجر اجيب ابويه وانتي تحاجين ابوج يعني

اي ياله انه رايحه ان جنت صدك رايدني خل ابوك يجي لعد ابوي باجر الضحى وانه احاجي ابوي

خوش خوش هاهي

راحت ورجعت اشتغل بهميه اريد اليوم يخلص كملت شغل ورجعت للبيت بعد مشفتها وصلت البيت تغدينا وعيون ابويه تحجي للمغرب ديطلع ابويه وحجيت

حجي رايدك بسالفه

نتر

شكوو

على كيفك باوعت لامي واخوتي صفنو جريت نفس

يابه البنيه رايدها وكالت اني احجي وي ابويه

صيح ابويه

واللله يابه خوششش نعم التربايه تحاجيك وهي تقنع ابوها ليش متجي تخطبك فد نوب

نصيت راسي حجي الله يخليك البنيه طيتها وعد

واني مااولي مو ثوبنا لا اخلاق ولا تربيه

البنيه ماعدها شي حجي اربيها على ايدي

سدددد حلككك اشو سد حلككك اربيها على ايدي تربيك وتربي عشيرتك ام عيون الملصلصه

باوعت لبويه بغضب عاف البيت وطلع كعدت بالكع وامي تهدي بيه اخوتي بس يباوعون لزمت راسي حجايتين كلت لامي واتذكر الوعد النطيتها لعيونها

يوم حاجي ابويه قنعي تره اطلع من البيت والله

فكت عينها امي صافنه متفاجئه وحتى اني متفاجيء من روحي بس احساس انه اريد انقذها من ابوها امتلكني احساس انه اريدها الي ومحد يباوعلها تلبس بيه صرت نار اروح واجي واريد امي تفضها لليل واسمع المصايح والعياط واني واخوتي صافنين راجح كال

تره راح يضرب

بقيت اباوعله وفعلا سمعت ضربته وامي صاحت اخ

ركضنا كلنا للغرفه وفكينا الباب امي بالكع وابويه مدنج حاني ضهره باوعلنا واحنا عيوننا على امي لامه خدها ومتكومه بالكع صيحت بعلو صوتي

ليييش يابه للليش وكومت امي امي مقبلت تدفع بينا بره وتبجي ومحمد  يدردم همس وابويه فاك عينه بغضب ولام شفته يخزرها همست

حجي اني الباجر اطلع. من البيت ااجر باي بيت عسى ما غرفه. ماريد مشاكل بعد وامي مالها دخل واذا ونصيت راسي وابويه صافن عليه اذا امي انضربت بعد. اخذها يمي رفعت راسي ابويه يباوعلي بغضب بس بعمره مجاب سيره عرض شريفه او مو شريفه نطقها وكال

كلله منك راكضلي وره وحده وسكت نصه استغفر اللله ربي. واساله التوبه استغفر الله ربي. اساله التوبه نتر

هاي متطب لبيتي ماتفيدك يابه متتتفيدك

بلعت ريكي اباوعله عاكد حاجبي همس

ابني لتاذيني اني علمودك وعلمود جهالك باجر عكبه منو اليربيهم مو امهم يابه ذوله موخوش ناس

بلعت ريك متفاجا من روحي حيل وامي ترتل ايات بس شفافها تتحرك من الخوف همست

يابه اني اربيها على ايدي البنيه طبت كلبي واحسها مضلومه عد اهلها اني اريدها اطلعها من العايشه بس اربيها على اديه اكسب بيها اجر فدوه لتعترض ساعدني يابه هاي اول مره اطلب منك طلب

كعد ابويه وايده على راسه كال

راح تتعب

اريد اتعب يابه هزيت راسي وكعدت لمستواه منصي قرفصت كدامه والله يابه اريد اتعب.مو تكول. الاجر على كد المشقه مو علمتنا. النتعبه بالحلال ناخذ اجره بالاخره.  يابه عاونني فدوه

تتعب وليدي اصل وفصل الزواج مو لعبه. يابه اول مايسالون منين مرته

ونكولهم  من --- هالمنطقه. 

هز راسه وباوعلي كال

يعز عليه تعبك وليدي يعز عليه اعيش براحه وي امك واشوفك تريد تصير مبهذل احوالك باجر تربايه وتعب موهيج سهله

احب الصعب يابه احب اتعب واشوف تعبي كدامي يبين

هاي هي براحتك ابني بس ابوها طماع تره

هي كالت تقدم مره لخ والباقي عليها ونحاول ونشوف كلتها واني اتقدم بخجل بست راسه ونصيت على ايده ابوسها رفعت عيني يباوعلي وجر نفس وكف محني كال

مليكه

راسن جاوبت

عوفها شوي يابه عوفها ترتاح

واخليها تنام ومكدر خاطرها هاي الممسويها بحياتي مللليكه--

ابتسمت باوعت لاخوتي صافنين راجح كال

هاي حاجيت ابويه هاي قنع  منك  هاي شنو صاير سبع 

ابتسمت بتعب شايل هم الجاي بس اريدها اريدها من كل كلبي وعقلي  يابه من كالت اخطب مره لخ واني احجي وي ابويه شكد فرحت يمكن شباب هالوكت يكولون هاي وكحه بس حسيتها شخصيه ووي الكل رجال بس من توصل عيوني وتنصي خجل احسها تصير بس يمي مره

كمت كل اتحلم بيها كمت اشوفها ببيتي وتحت سقفي يومين مرت وابويه مره لخ اجه ويايه   وكبت العيطه بينهم. وهو شبه يطرده واجتني طايره لبيت اخو الصايغ وتاشر انزل نزلت وعيوني على طرمه الصايغ وعليها كالت برجفه خوف

اني موافقه وابويه يريد ينطيني  لواحد متزوج ماعرف شسوي

بقيت اباوعلها ابويه طلع من البيت وراح بالبايسكل باوعتلها ارجعي صبحه اني احاجي ابوج

ميرضى خل اكلك مايرضى

فركت وجهي والاب دار وجهه عليه ولمحها يمي صررخ

صبببحه. ووصم. شعدج جاي

وعافتني وراحت تركض طلع ابو علي على صوت صيحه ابوها وباوع مستغرب واني لكيتها من الله باوعلي مستغرب كال

خير سلمان

عمي داخل على الله وعليك

رفعت راسي شفت الولد لازمين الخشب مال بناءوصافنين علينا. نترت

كملو يووولد هسه جايكم

وانداريت عالرجال كاتف ايده يباوعلي

عمي رايدها منك

شكو كول سلمان

عمي منين تعرف ابو وضحه

باوعله ملتفت عالطرمه مالته والرجال يباوع بغضب ورجع باوعلي الصايغ كال

كتلك خدم ندز عليهن ينضفون البيت من يكمل

عمي اريد بنته وميقبل مرتين دزيت الحجي ورفضه واهانه والبنيه بينه صارت موده كلتها ونصيت يعني يعني ناس رايده ناس

كال مبتسم

موكعت الا وي هذا اكبر استغلالي ودوني

بلعت ريك صافن عليه كال

انت منيلك هذا يريد مهوره وفلوس وراتب يبيع ببناته موتكول زواج

عمي فدوه اروحلك انت تعرف حالتي وتعرف اهلي هم فدوه قنعه بلكن الله ياخذ منك

باوعله وهز راسه اشوف وتدلل انت خوش ولد وتستاهل روح كمل شغل وخليها عليه

ارتاحيت وصعدت بيه امل والولد يشتغلون وميحجون عيونهم عليه ويتبشبشون بينهم

شوي وصاح ابوعلي

سلمان

مديت راسي من السكله

اشرلي تعال

نزلت راسن وكمزت كدامه

بشر

ابتسم كال

يريد مهر  اله. يريد كد عشر مثاقيل ذهب اله مو لبنته اله

فكيت عيني حاير

كال

ماعدك مو مو كتلك هذا دوني وشي ثاني تره استغفر الله من ذنبهن تره مو والله مادري شكولك ماعلينا. المهم يا ابني هذا الكدرت عليه

مشكور مقصرت

هز راسه  وطلع وانتهى وكت الدوام ورجعت حجيت وي امي ابويه زعلان ميحاجيني.  وبس حجيت وي امي نزعت بتوتها مال عرس ومال النطاها الها ابوها وهمست

روح يوم روح اخذها وانطيها اله وجيب الرادها كلبك والله واني راضيه عليك روحي يمه

نصيت غرغرت عيني واخوتي باجر ميردون يعرسون يتاهلون

الله يدبرها يوم الله يدبرها  

وابويه

ابوك البارحه طيب خاطري كاللي شتردين تسوين  سوي

هزيت راسي. وثاني يوم وكفت ويا ابوها وحجيت وهو عاكد الحاجب معاجبه وكتله حاضره العشر مثاقيل  وتدلل امها ابتسمت كالت

عدك بيت ملك

حجيه بيت ابويه.

نتر ابوها

اريدها ببيت بحيدها

واسمع صوتها ورايه بهمس

بويه انه موافقه بعيشته  شون مجانت انه موافقه

التفتت منصيه راسها وجهه دم واختها تباوعلي وتدير وجهه على اختها ابتسمت. كلبي يركض ركض ربي كون تصير صدك واخذها عدنا اصبح وامسي بوجهه

ونطق الاب

خلي ابوك يجي واخذت عن انه المضبوط كال

انه هالفتره كاعد عد خوالهم لبينما اخلص شغل بغداد وارجع لولايتي

هزيت راسي  وعيوني طايره عليها منصيه وتفرك بديها وكمل كلام

الكعده والملجه تصير عد خوالها والزفه عكب شهر لبينما يكمل بيت اخو لبو علي

هزيت راسي موافق وببالي حسبه الغرفه الراح ابنيها بالسطح. ----

يتبع

منطقه 13

االبارت 4

للكاتبه مريم السعدي

...........🍁..........

سلمان

يزهره الرمان. زهر خريفي

بنص يابس وتعبان. دفه رجيفي

رجعت للبيت مستبشر الولد يباوعولي ويتبشبشون بينهم. حجيت وي امي وابويه كاعد يلعب بشاربه يباؤع بطرف عينه حجايه محجه كال من كملت حجي

شوكت تكمل بيت اخو الصايغ

سبوع حجي ونسلمه

زين حتى تبلش تبني الغرفه اللي بالسطح. ابتسمت وهزيت راسي موافق صعدت اخطط وراجح ورايه صعد سويها هيج وسويها هيج واني اخذ افكار بفرح. كلبي معرس

كملت ونزلنا احجي واني تباوعلي تضحك يمكن البيت كله حس على راحتي وملامحي اللي صغرت عشر سنين

سبوع مر واني وكفت حياطين الغرفه بيومين. حتى بلكون سويت بيها. بوكتها مجان اكو بلكون بدرابين منطقتنا. راجح. كام يحوص

يمه واني شوكت

اصبر خل نزوج اخوك الجبير يمه

وسكت متت قهر تمنيت ازوجه ويايه تمنيت يفرح فرحتي. بس الله يسهل بعد وامي مكيفه كلسا وكالت

ليوين شعرها واصل ومحمد ينط

يمه لهنا وياشر واني اكومله اموته ضرب وهو يضحك

كملت الغرفه والكعده صارت بيت خوالها وامي تمشي وتهلهل واني كلبي وي صوت الهلاهل يدك سريع. سبوع وكطعنا المهر ولبستها اني كردانه. ومعضد نازك كالت

همه حيل فقره حتى بيت خالها وكلسا كلولها شتردين بعد حتكعدين نص بغداد

بيت خالها باطراف بغداد منطقه شبه معدومه كم بيت بيها وبساتين

راجح من رجعنا من الملجه. ضل يحجي على اختها فاير دمه سمعته تخبلت جنت اسبح

يمه شنو هاي اختها ساقطه والله

اش ميصير يمه تجيب طاري بنيه

يمه كتلت روحها مدري شون تباوع كلسا وطالعه وخالها عايط بيها فوتي

ياا تطلع بره

ايي توخر البرده والشارع مليان ولد خوالي وعماتي وعمي

يا عزه

محمد- اصلا هي من جننا نبني مو راحه مو مثل مرت سلكان ذيج رزنه ووكحه هيله اليباوعله تخزره توكع عيونه بالكع الا هاي تمشي وتتمضحك

شعلينا يمه

سلمان- كملت غسل وطلعت شي بيه ارتاح وشي بيه يرجف من سمعتهم

وامي تخيط بلحاف عرسي باوعت لزمت نعومه الستن ابتسمت كالت

خسوي لونه ازرك فيروزي عن النفس

عاشت ايدج يوم

وهاي اللولات كملت عريسنا الورد

بست راسها وغمضت وتنهدت بفرح ابويه يباوعلي بطبته ذب الكاله مليان طين بباب الحوش صاح

مليكه

بلي الله يساعدك

سلمج الله صبيلي العشا اسبح واطلع تعشيتو يابه

لا. لالا حجي ننتضرك

زين يله خل اسبح

ابويه مو كلش راضي وادري بي بس انشاء الله من تجي تغير بنفسيته جنت متحمس اتمنى اروحلها. بس ابوها مقبل بس ردت الاسبوع يخلص وخلص اخيرا ورحنا اخذناها من بيت خالها

بسياره الصايغ خطيه هو زفنا. وصلني لبيتنا وصعدتها. البدلات ذاك الوكت ساك مو منفوخه حسبه هالوكت واني وقاطي الماجره وهي مغطايه بعبايه امي فوك بدلتها صعدنا وامي تطش بالملبس واخوتي يتبسمون وينصون

اخر كوله كالتها عمتي ام البنات عدها خمس بنات خطيه. ووحده احلى من اللخ بس كلبي هوا صبحه.

صاحت

زوجنا وخلصنا منه كام يحوص الاصغر منه باوعلها راجح وباوع لامي

شفتي يوم عمتي حست بيه

عمه ولا يهمك ازوجك اربعه

فدوه اروحلج عمه متقصرين

كالها ويباوعلي ويضحك اخذت صبحه وطبيت الغرفه وسديت الباب تلفتت عليها ذبت العبايه من على كتفها وبينت ملامحها يعمري الكحله ساحت ميت عرك والشعر مكوي بلفلفه وخرت الطاك مال ورد ابتسم

وهو بين الضايجه وبين الخجلانه

نورتي بيت ابويه

نصت راسها تبتسم وتنهدت براحه وتباوع للغرفه وتفترت. بيها

الللللللله سلمان شحلوه الكبه تعيش ايديك البنتها

هه عجبتج

ياغير تكطع. باع الله منايه الصبغ يلمع

بويه هذا نص بويه حتى من تتوصخ تنمسح

وانه عودك اخليها تتوصخ يا فدوه مصدكه عدي كبه نفس الناس. لا اخليها تلك لك كالتها وتلمست اللحاف اللي عالجربايه وباوعتلي

شحلو اللحاف

هاي امي خيطت الصره مالته

اموتن على هاللون واموتن عليك بعد سلمان يعني صدك بعد ماروح افر فر بالبيوت واكرب وي ابوي وتوكع ايديني

بلي. صبحه بعد ايدج فد ببيتج

والله لااخلي بيتك جن قصر والله لاريح امك

تقربت منها وهي باصبعين تحلف مثل الديسب وتحلف من كلبها تقربت بستها من راسها ارتبكت تخففي خجلها

خجلتي

لالا عليش اخجل جا انت صرت رجلي

ها ههه هو اني ميت خجل

هو انه مو هيج بس شوي بعدني مماعرفك

ماشي نتعرف شوي شوي الليل طويييل وجريت نفس ابتسم واني خلكي اطول.

مو خافن. خاف مايصير خاف يتانو نا

منو يتاني ههه كل عقلج صبحه نصيت بموازاتها ابتسم. صبحه. انتي شكد نيتج بيضه

تنهدت براحه وذبت. البركع النفخ نزل شعرها كالت

شلبس انه خاله كالت جهازي بالديلاب

تقربت منها وتدور بالديلاب اباوع ركبتها. من وره. تبرج. رغم سمارها القمحي وبيها شامات مرتبه من اذنها لنهايه. فتحه البدله اربع بصوره عموديه صغار صغار تقربت بستها على كيف. وحجي. خالي يدك براسي. خالي قريب مني لدرجه النصح علمني قبل يوم شون ابدي. وياها بس هي فزت كاشه وتضحك تدغدغت

واني روحي ساحت مدري ليش. مدري لان تخيلت جسمها بيدي. صار عدي مره. وحلاللي. اسوي اليحلالي. لزمتها من خصرها ورجعت كررت الحركه ضحكت متدغدغه.

عليش هيج. تكركرني

لان. احبج

ههه انه بعد.

لفيت ايدي عليها حضنتها متردد وهي مستسلمه بس عيونها تفتر تبتسم بجراه وخجل وكلسا رافعه كتفها وتخرب ضحك واني اموت بدمي.

ملامحي. رخت وعيوني اريد افكها ماكدر همست

شبيك تكدرت.

شبيه بلعت ريكي واباوع لمقدمه. جسمها بالبدله الحصارته

سلكان. اغثيت شبيك

باوعت بعينها

شكوللها وهي متعرف شديصير بيه

همست

صبحه متت عليج روحي تريدج

وانه هاذ ويني. مارايحه بس لاتتكدر

هزيت راسي واباوع لجسمها انتبهت عليه همست

هاذي اول نوبه هجي تتباوعلي

ابتسمت ومشلت عيني

مشايف هيج حسن

نصت خجلانه وجريتها لناحيتي. اول نصيحه من خالي دستها وهي لتخوفها باستعجالك علكيفك مطايره الدنيا. واللي تاكدت منه صبحه كلشي متعرف وموقريبه. من امها ومحد حاجيلها شي

واني اللي راح افهم واقنع وبديت وياها

اشرح. وهي تتصفن وتنتقل من عين لعين. من احجي

صبحه لازم تاخذين عليه اني رجلج. صرت يعني جسدين بروح

هزت راسها

دتفهميني

انه اعرف انك لازم تشوفني عريانه وانه مااخجل

ابتسمت

بس هيج

شنو النوب

تنهدت بتعب وحضنتها شاورتها

انطيني نفسج ومعليج

جا وانا شساويت لعد

يعني شسوي تحملي شوي صبحه اني احبج

جا خوش وانه بعد

سبعه

طفيت. الكلوب الاصفر واحس نفسها مرتبك من المجهول واني افتح قيطان بدلتها بهدوء واهمس

تدرين شكد احبج من اول مره شفتج اصلا من قبل لاشوفج بالحلم كزكزت عليج. ردت اموت ردت بس هيج هييج احضنج

وحضنتها قوي وافتح. بالقيطان حسيت روحها بيدي رخت واني ابوس بهدوء بركبتها

وتقربت منها وتردد

شجاي تساوي لويش هلشكل

انطي مجال اني افهمج شتفقنا

اي اي

وتقربت بخجلي وارتباكي. وخوفها واستغرابها. شداسوي كملت وابتعدت. عليت اللاله اباوعلها لكيتها تتنفس بسرعه عابسه وجهه

ها حبيبي

عليش. اذيتني

هو هيج لازم ههه هو. هذا الزواج كلبي

انه بحياتي مامتوقعه هيج لازم. يعني كلهم هيج

اي هه كلهم غطيتها وبست راسها هسه صرتي مرتي

هزت راسها وعيونها تلزك تعب ونعس ومعبسه وجهه متالمه جريتها لحضني. باوعتلي

كالت

بعد تسوي النوب هيج

ابتسمت بستها من ركبتها لا ماسوي من تطيبين

متوجعه

اعرف كلبي

حتى دميتني

اي ادري هو هيج لازم يصير

سلمان انه مامنه بيك حيل

غمضت وبستها من شفافها غمضت وفتحت

همست

سلمان انت ماراح تخليني اكرب بالبرد موهيج

لا عمري انتي هنا تدفين واني اجيب اللكمه لحلكج. واوكلها الج ورجعت بستها فرت ودرتها عليه مستسلمه. حيل وهادئه واني دخت بيها

قبلاتي ولمساتي الحنينه كمت اسمع. نفسها يعلى

شبيج. صبحوحه

جاي اتوجع

ليش عيني انتي كومي. غسلي بمي دافي وصابون. ركي اني مخليته عالطابوريه محضرته والمي الدافي عالجوله بالحمام

هزت راسها ووجهه معبس وجرت جرجف من جواها لفته عليها وراحت باوعت نيشانها وضميته جو المخده ابتسم شوي وطلعت دايخه وسابحه وجسمها دافي من دفو المي همست

الحمام دافي حيل حتى كاعه تجوي الله ينطيها العافيه لامك ويزورها بيت الله

ابتسمت على فطاريتها لبست وتباوعلي

لاتتباوع علي ييزي

درت وجهي مبتسم لبست ورجعت تنام يميتقربت التفتت راسن حضنتها

واكزكز. يايااابه شكد جنت اتمنى احضن وحده وانام والنوب شفتج بنومي. كمت اتحلم بيج

تحب تشبك وتنام

اممم

احضن المخده

جنت احضنها بس مو بدفو جسمج وطراوته

فراشكم دافي حيل سلمان. انه حيل مرتاحه

عمري انتي عمري وشبكتها قوي شوي وغفت بيدي واني غفيت ثاني يوم اذن الضهر يله حسيت لان الحسينيه قريبه علينا باوعتلها فاكه حلكها. نايمه بعمق لابسه. دشداشه تعاليك فستو ومن دجزروف القماش مبين جسمها واثار شاربي بركبتها لميتها بحضني صارت دكه حيل خفيفه بالباب فزيت والبس صحت

جايك

اني صوتها الحنين

يمه سلمان بيت جدك اجوي جوه تنزل تسلم لو تضل نايم خاف تعبان

لالايوم احم لالا كاعدين

زين يمه المي دافي لو برد اترس الجوله نفط وياي حتى

لا بمه لا موجود نفط بعد عمري

زين

ونزلت باوعت لصبحه فتحت عينها وخلت ايدها على وجهه بخجل كالت

يعزيج يصبيحه اذن الضحى

ابتسمت

تصلين

لاع صلاتيش اقصد بطيت على امك شكد عيب

عروس انتي كلبي بس خطار جوه ولازم ننزل.

جا خوش

افوت اسبح وننزل حتى اصلي وره ابويه

جا خوش تحجي وترتب بالفراش وتنفضه بهميه وخجل وارتباك وتباوعلي

هلكد مستحيه من امك

عمري عادي امي حبابه متدير بال هالسوالف

سكتت وترتب وتلم البدله من المع ترتب بيها طلعت لكيتها تعدل بالفراش. اللي بالكع باوعتلي كالت

هاذي بياضاتك حضرتهن

عفيه بام بيتي تبسمت شالت شعرها تفره

عوفي مفتوح

خاف عيب موحلو جنه صوفه خروف

ههههه اني اموت علي. البسي. فوطه ومن ننزل ويرحون بيت جدي ذبيها

جا خوش

تكحلت واني اباوعلها اتخيل يوميه راح اكعد وانام وهي بوجهي يايمه. ياكلبي

نزلنا وهي تجر بكلابيتها. المخيطتها اني بيضه. وبيها تطريز. ذهبي من الطول للطول وهي مكيفه بيها نزلت وهلهلو امي وبيت خالي مرته وعمتي ويطشون جكليت طارت فرح اباوع وجهه يبتسم مكيفه لان مكيفين بيها وامي محضره الغده

واني صافن عالمصرف الصرفه ابويه اجه راجح بصفي كال

عالخير خويه

يوم الالك راجح

الله يسمع منك

اكولك منو تسوك

ابوي من الصبح طلع

ومنيله باوع كومه جايب دجاج

عمتي جابت البارحه اربعه ابوي بس جاب مخضر وامي ركبته

هزيت راسي باوعت لعمتي تبتسملي وخالي اشرلي كعدت يمه وبدينا نحجي مسالني. ابد ولااني الحجيت ختمتها بانه صار.ت خصوصيات

وصبحه التهت وي امي وامي تبتسم وتبوس بيها كلسا وعينها مدمعه

صبحه رادت بس تكسب رضانا تعتقد خاف اضوج منها وادزها لاهلها ترجع لحياتها. القديمه

تركض للكل اخوتي وابويه حتى الكاله مالته تغسلها وتمسحا وابويه يردد

الله يرضى عليج بنيتي.

اهلها انكطعت ركلهم واني ارتاحيت لهالشي كلش. احوالي نوعا ما على وجه صبحه تعدلت واحلى شي عدي. من اعوفها دافيه بفراشها واطلع الفجر وهي محضرتلي خبز وبيض مسلوك من الليل

الفها باللحاف زين وانصي ابوس راسها تفتح عينها تبتسم

رايح سلمان

اي يابه رايح نامي ارتاحي

الله يوفقك ويرزقك كون هيج تخلي ايدي عالرمل يكلب ذهب

ابتسمت فدوه لحلكج. صبوحه. يله فيماللا

الله وياك

طلعت وي اخوتي وراجح يمشي ويجر بقميصه

شبيك شلشتني

مرتك البارحه خيطت قميصي مرعوط جان بس ماخذه زايد مكصفته تجتفت بي

هاي شسويلك ههه تعلمت بيك

لا سباعيه. فدوه لعينها خطيه مرتبه الفراش الي وامي كالت حتى ديلابي رتبته

سلمان- بلعت ريكي غيرتي لبستني بس اردد بداخلي ماعدنا اخت وهي مكيفه بيهم ماعدها اخوه. واخوتي حيل يحبوها وامي امي طايره بيها

صارت تصيح يمه ويابه مثلنا

راجح كلما رجع جايب ويا شي الها

لو قمر الدين

لو بسكت وحلقوم

وهي مكيفه. بيهم وتداري وتلملم. حتى ابويه راضي عنها سنتين مرت

صارت صبحه هي ام البيت وي امي ابويه عافيته تاذت كعد بالبيت مكدر بعد واحنا مكفين محمد موذاك الكد بس اني وراجح. الحمد لله احوالنا احسن راجح كام يطلع محافضات وي جماعته. يردو عماله واني صرت خلفه. بدلنا. كاع البيت كاشي طبكناها بعد ماكنت صب خلينا سخان وماطور مي وامي ارتاحت.

جيه من جيات راجح من الديوانيه. وتلكينا جايب خير من الله مسواك ومخضر لان هناك بفلس ونص كونهم بساتين فيجيب هواي ويا بالسياره مال صاحبه بيكب ويترس الصندوك كمل تنزل وشال جيس اسود وشمره على صبحه الطايره ترجع وتعدل بالمخضر وره البيت بالمنور لان بارد ميتلف بي الاكل بسع

كال

هاج صبحه هاي الج

لكفته صبحه فتحته لكتها لعابه شكره جبيره ابتسمت بفرح باوعتلي كالت

جايب لعيبه رويجح

راجح كال ويخلي الدجاج بالسنك

تدرين شسمها هاي اسمها صبوحه بس شفتها تذكرتج وجبتها بس هي اطول منج هههه

سلمان- لزمتها صبحه وحضنتها وتضحك تلمست شعرها وكصيبتها ابتسم وامي تبتسم فرحانه كالت

كون الله ينطيكم منها ويترس حضنكم

سلمان- اني ربي

الضوجني شغله وحده واثق من اخوتي وواثق منها هم بس الضايقني محمد كلما فاتت وجر كصيبتها يضحك شون شعر يخبل

وهي تضحك مكيفه

مااعرف ليش اشتعل والضوجني اكثر صلاتها. اله اكولها صلاتج يله تصلي ونوبات تكذب تكلي صليت

عدها شغل البيت اهم رضا امي وابوي ورضاي واخوتي. اهم متعرف قيمتها ابد واني النهار كله بره ل٨ يله ارجع

مرت سنه على زواجنا

واليوم تونا نتعشى واندكت الباب كام محمد ورجع وخر البرده كال

هاي ام صبوحه وابوها

فزت صبحه وابويه شنكل عينه عليها ركضت لباب البيت حضنت امها وتبجي طببنا ابوها مرحبين بيهم وكعدو ويانا عالعشا. وابوها بده يشكي

ماعدي وابو الاجار طردني واخويه غدر بيه وبنتي اللخ زوجتها وكعدت بابو غريب

وصبحه كاعده وتبجي وامها ساكته وتتلمس بكصيبتها وهي تباوع بوجهه وبوجهه ابوها

يوم وضحه تزوجت،

اي يوم

ياهو الخذاها

رجال بيت المختار.

ياعزززه هاذ الشايب

لايوم كلها اربعين سنه عمره وكاعده ومرتاحه بيت شكبره بس طردنا المايخاف الله

سلمان- سكتت وتباوعلي عيونها مدمعه تستنجد بيه

سكتت مغلس ادري ابوها استغلالي باتو يمنا يومين وهذا يقره براس بنته واسمعه يتبشبش وياها وصبوحه غيمت عيونها اخر شي طلبت مني بخجل ومرديتها فلوس العدي كلها طيتها بيدها طتها لامها وكتلها ماعدي غيرهن

ونطتها وطلعو

من يومها مكطعت امها كل فتره وتجي

واني فلوسي تنكص منها

وهي موهي تتهرب من عيوننا كلنا ودوم ضايجه وساكته

واني ادري ومغلس ومستمر بدلالي وحبي الها

ادري الزين يغزر بيها هي موهيج اعرف بيها

حدما يوم وصت لبو غريب عدي بناء. ووكت الاستراحه طلعنا ناكل. باجه عالشاره مطعم من المطاعم وشفت اختها

ابدا موخوش شوفه تخبلت شعر راسي وكف وامها وياها جانت

مشافوني سالت عنهم. المنطقه واسمع. اخبار كمت الطم اله شوي

راجح الطريق الرجعته لبغداد السياره تدك وهو يقنع بيه

لتكوللها

خطيه

هي شنو ذنبها

سلمان لاتخسرها

لاتاذيها

-----------

يتبع.......

التنزيل على فرغتي حبايب. كلبي عذروني

للكاتبه مريم السعدي😘

المنطقه 13

البارت 5

للكاتبه مريم السعدي

..........🍁..........

سنتين على معرفتها وسنه على زواجنا.

مجنت اتوقع بيوم حشوف اختها تتحشك بالزلم وتتمضحك الهم

محل صياغه طبت وي امها وتباوعله وتتحشك بي وتضحك وهو يجاوبها ويبتسم عرفت من سالت عليها. معروفه وصبحه عدي ببيتي.

شسوي لزمت راسي مسطور وهذا ينك

ولك والله صبوحه مو مثلهم

لك خطيه لتحجيلها

باوعتله وسكتت هزيت راسي موافق انببهه بنضره تعب

الشافته عيونه اني وياك ميحجي بي لسانك راجح

لا عمي لااحجي ولاابد

بلعتها. وسكتت ولاتغيرت عليها رغم اشوفها متغيره بصفناتها وسكوتها يشاقيها راجح محمد وهي متضحك بس تتصفن وتباوع بالوجوه

كم مره ومره داسولف وي الولد لو امي وابويه والمحها صافنه عليه عيونها مدمعه

اني اعرف البيها شنو

اعرف تانيب الضمير

بس ماراح احجي دامها ضميرها حي هو. يمشيها

وبقت امها كل شهر تجي وكل يوم تنكص من الفلوس كمت اضمهن عد امي بحجه انه ماريد اصرفهن وابقي شي بسيط بالمحفضه

اليقهرني جانت

من تاخذ وكت نومتي منها تصفن عالفلوس وترد تسد المحفضه لان بيها قليل تنقهر عليه وترد ترجع تاخذ ورقه وحده او نوبات ٢

تجمعها حد وكت جيه امها وتنطيها هالطالع بديها

شهور مرت راجح خطبناله بت عمتي وبدينا نبني فوك واني ملاحظ على صبحه حتى اكلها قل وبس تشتغل وبليل نوبات احس عليها تبجي

فلوس اللميتهن امي امي بنينا بيها وي فلوس راجح الغرفه. وجبنا الاخشاب بقه الذهب وطلع للديوانيه. بشغل كال من ارجع نشتري الذهب وضم فلوسه عدي لان امي باتت هالفتره بيت خالي كون مرت خالي مريضه. حتى تداري الولد هناك خالي ماعده بنات. بس٣ ولد

ضميتهن دفنتهن وطبت للغرفه هي فزيت خفت لاتشوفهن وتاخذ منهن صفنت عليه حست بيه ومحجت شي عيونها التعبانه تعبت روحي حيل بس اريدها تصحى حقها اهلها عزاز بس مو تبوك ومكدرت اجرحها. وافهمها انه اني اعرف او شاك ابددد

بقيت اداريها بمي عيني وكلما تطلع وي امي اخلي بيدها فلوس تشتري التريده من غير راجح اللي كلما طلع جابلها شغله

داحاجي ابويه وافهمه عالعرس مال راجح كال

وينها فلوسه

همست يمي يابه

كال

جيبهن اشوف صاحبي ديبيع خشاله ذهب

صعدت اجيبها اباوعلها ارتبكت بالمطبخ. وتباوعلنا

تعبتني عيونها كافي ياعيني دجوزي صعدت وفتحت جيس الكاغد وطلعت الفلوس ونزلت لابويه واعد بيهن والكه بيهن نقص والنقص مو شويه الدنيا اندكت براسي ردت اموت بس بقيت منصي وابويه يردد

شبيك يابه

سلمان بويه

ها حجي ماكو شي

ياصبر ايوب وسكتت بس بين عليه مكدرت اخفي بعد وجهي غيم حيل اربع ايام مرن حجايه ماحاجيها حتى مقتربت منها وهي مستمره بدلالها ومداراتها والله اكثر من قبل. وسديت النقص من فلوس امي وتداينت من عمتي هم وطلعو امي وعمتي اشترو الذهب

طبت امي مكيفه تنتضر جيه راجح. باوعت بعيني واني مبتسم بس داخلي اضلم حيل اضلم.

فتحت امي جيس القديفه البي صندقجه الذهب همست

يوم سلمان هاي خليها بادين مرتك

باوعت

معاضد ثنين رفاع

لايوم ليش مشتريتي لراجح كلهن

عمتك مقبلت كالت كلش كافي٦ مثاقيل هو ابنج ذهب واني بالباقي اخذت لمرتك شوفهن حلوات خشاله ذني واللي لبستهن مبخوته يوم

فدوه لعمرها لعمتي اخذتها من اديها وبست راسها لامي وصعدت فوك طبيت لكيتها صافنه عالسكف واللحاف عليها تموز وتسمط والغرفه موجره وهي متغطايه وهادددءه

تقربت منها وكلبي ملجوم

همست

صبوحه

بلي وكمزت كبالي فازه

تقربت منها وجههي مغييم فتحت الجيس تباوعلي وتباوع لايدي

شنو هذا

جريت نفس باوعتها بعتب. همست

هاي معاضد ثنين حبيت افرحج بيهن

صفنت عليها فكت حلكها ومكدرت تباوع بعيني بعد بس اشوف حنكها يرجف تريد تبجي

جريت نفس بتعب اخذت ايدها ولبستها. وشلتها لايدها وبستها

همست

الف عافيه

مردت بقت مختنكه وتركت الغرفه عفتها. تحاسب روحها. صبوحه داخلها ابيض اهلها ديشوهو اذا واجهتتها راح تتاذه وتخجل مني دوم خليها تواجه مرايه روحها وتعرف غلطها

نزلت روحي لايبه لشوكت جم دوب وانخي بالله ورسوله واهل بيته

دخيلك اسمك جدي. اهديها

طل راجح من الديوانيه الوج يضوي مزين ومحمل تلكيناه بفرح وامي تشوفله الذهب وتهلهل وهو طاير ويباوعلي صاح

وينها صبحه

راجح- صبوووحه

سلمان- شرايد منها عوفها ترتاح

لخو تعبتوها يوم شوكت جيتي من بيت خالي

البارحه ليش

هاي المكروده. عايفتها بعدها صغيره يوم خطيه لج صبوحهه

مد راسه من عالدرج يصيحها ويباوعلي ابتسم كال

خاف مريضه

لا هي تنزل من وحدها

عفت راجح وممنعته خل تشوف معزتها بيننا بلكن تبطل غلط مدت راسها وكصيبتها نزلت

بلي راجح

ولج تعاي شوفي شجايبلج تعاي يحجي ويحرك بحواجبه

ابتسم ونصت نزلت الدرج بهدوء

وفتح راجح العلاكه طلع منها عبايه وخلاها على راسها

اهااا مثل متوقعت فيت اني كتله بكصر الحب مال مي

باوعتله عيونها دمعت تلاشت ملامح راجح التضحك وباوعلي بغضب وباوعلها ورجع باوعلي واني اراقبها شحتسوي شحتحس

التفتت عليه وبجت وصعدت ركض ليفوك

نتر راجح

شبيها شبيك وياها سلمان بروح جدك

عوفها راجح وامي صافنه علينا

يمه شبيها متنحسه صار فتره عليك الله محاجيها شي غاثها بشي

لا يوم هي مشتاقه لاهلها. عوفيها لتلحون عليها

وراجح انسطر ويعاين عليه بس راحت امي جرني من قميص بجامتي

بروح جدي كتلها على اختها

لا والله راجح ماكو شي شوي بيننا

ليش ولك هاي صبوحه ولك شبيك وياها موهاي حب كلبك

ميخالف ابتسمت ميخالف خويه ميخالف مهنننه يارب

ابتسم مره لخ وتنهد كال

نصعد نشد الاخشاب

يله امشي

صعد طاير ومحمد كوه سحلناه صعد ويانا كملنا شد وهو يتمشه بالغرفه ويضحك كال

سلمان بربك اصير بصف غرفتك شتسمع ابلع واسكت استر عليه واستر عليك

ماشي ههه ماشي

نزلنا وصبحه مبينت ابويه كم مره سال عنها وامي هم واني ارد اكول

عوفوها تعبانه

كلهم يردون يصعدون يشوفوها واني مااقبل

تالي غافلني محمد جايب موطه ام الجيس وصعد داك الباب وصعدت راسن وراه بقيت عالدرج اسمع موشكا باخوتي لو بيها ردت اعرف شحتكوله طلعتله مدت بس راسها

كال

عليج الله شبيج ضايجه

مابيه همست وصوتها مطبك

و باجيه خرب اليوم اكول لابويه هذا سلمان غاثج

لاع والله العضيم مو هو انه مريضه شوي

زين توديج امي للطبيب

لا ماريد اريد انامن

كيفج وسكت --خاف موزين عليج موطه يولي اجيبلج. زعرور

لا ماريد فدوه محمد روح

حنتعشى

اي جاهز العشا فد امي ترتبه بالصينيه

يله براحتج زين عود نزلي باجر لتضلين ضايجه البيت كله ضاج لج راجح جايب كومه مسواك وفاكهه انتي تحبيها

سكتت

سمعته جر نفس كال

كيفج يله ارتاحي تصبحين على خير

واني كملت الدرج صار بوجهي باوعلي ودار وجهه ضايج.

كال

متريد تنزل مدري شمسويلها حضرتك

مجاوبته طبيت الغرفه شفتها لازمه العبايه وكاعده على مندر الصدر. وعيونها تكت دمع

بس طبيت مسحتها وكامت علكتها وفاتت للحمام

ذاك الوكت جنت انتظر منها رد فعل عالصار جنت انتضر ضميرها الصاحي شحيسوي تمددت انام حتى مشتهيت اتعشى توني اغفى وسمعت طكت معاضدها نامت بصفي

روحي رادتها حيل بس مردت اتقرب الها حدما تصحى كافي هواي سامحت

غفيت جنت حيل تعبان منها. ومن شغلي حسيت نصل الليل على صوت شهكتها مكدرت كمت باوعتها مشغله اللاله لان الكهرباء طافيه واني فاتح باب البلكون الهوا طيب تقربت منها كعدت يمها وهي زادت بالبجي لازمه بتوتها بيدها

فركت وجي ساكت مدري شون ابدي حجي

كتلها بصوت ناصي

معجبنج البتوت

زادت بجيتها وغطت وجهه بيدها

جريت نفس يمكن عدم سوالي شبيج خلاها تتاكد اني اعرف كلشي خليت ايدي على راسها كد تعبها تعبان قاطات ماريد ثقه اهلي بيها تنهز

خليت ايدي على راسها وطبت بحضني وتشهك بتعب حضنتها قوي واهمس

كافي يكلبي كافي

قابضه ايدها قوي كله ودافعه كل روحها بحضني وتشهههك

همست

كافي الولد وامي وابويه حيسمعون

لزمت ايدها بستها وهي على قبضتها بقوه عاصرتها بستها

شكو بيدج وبقيت ابوس بيدها فكتها وتشهك

صفطه فلوس لامتها معقجه غمضت عيني ودرت وجهي عكس صفحه وجهه

همست

اريد اموتن كون

اسم الله عليج

من وراها مو الي والله

ميخالف يكلبي بسج بجي عيونج راحن

ماريد اعيدها النوب اخافن الله ياخذك مني وارد لايام ابوي النوب كالت هالكلمه وزاد بجيها

النوب اخذت من روجح بكت منه وجايبلي عباه

ابتسمت وبست راسها. ابعد خصلات شعرها من وجهه باوعت بعينها

ماريدك تهدني سلمان

اهد روحي ومااهدج

ماعيدها النوب،هزيت راسي غمضت عيني نطيتني الفلوس همست

النوب من تجي وجرت حسره بشهكه بجيها

النوب من تجي كوللها بنتج ماتت

كالتها وماتت بجي

حضنتها قوي واهدي بيها للفجر

اذن وكمت ولزمتها كومتها

نصلي حبيبه وندعي الله يغفرلنا

هزت راسها وجرت نفس براحه وكفنا صلينا واحس روحي طاير رغم لجمه الكلب بس بينت زينيتي اني واهلي بيها كملنا والتفتت عليها وجهه متفح يلمع من البجي ابتسمت وتلمست خدها نصت راسها

كافي مو. كافي يكلبي

هزت راسها وباوعتلي ماريدها توصل حد حوشنا

من تجي كوليلها ماعدي فلوس وخلص

تضل تبجي وتشكي تعور كلبي

هزيت راسي هذا ابوج دازها

ابوي انكس منها بيه كل العافيه وينطو خير ويصرفهن ويصيح ماعدي تعلم عالجديه

تنهدت ميخالف من تجي وتكولج ضلي كوليلها ماعدي وخلص

وانت تسامحني

اسامحج طبعا هو الله يسامح ادعي يغفرلج بصلاتج ادعي

انشاء الله طبكت السجادات وكمت وياها تقربت نامت يمي وعيونها لابسها الخجل لميتها بحضني وابوس بيها. وهي مغمضه. تبتسم براحه حدما فقدت عليها وتقربت منها.

غفيت بعدها مباشره وحلمت باحلى حلم.

طفل يتلمس. بخدي يبتسم شاورني

يابه كعدت لو لسه بنومك

جان اشكراني نفس جهره راجح وينحب يدخل للگلب. ومبتسم فزيت من نومي مستبشر نفس يوم الشفت بيها صبحه حسيت. صبحه هالشهر حتشيل بس خليتها بيني وبين ربي

راجح تزوج. وره سبوع واني مكدرت اعوف البيت اخاف على صبحه ادري بيها متدير بال من تشتغل بهميه. خفت اخليها تشيل شي وحتى امي حست بيه تشتغل وتطكطك بمعاضدها مكيفه بيها والبيت كله يصيح صبحه بيت عمتي انتبهو علينا شكد اخوتي متعلقين بيها تالي مرت راجح. بصباحيه العرس كالت

شنو صبحه مامحجبه من الولد

جاوبتها امي

منين تتحجب من اخوتها

سلمان- اباوع لوجه صبحه تباوعلي وشالت شعرها النايم على ضهرها بلفلفات تشبه لفات متسلق النبات من تنزل منه لفلفات شكد ناعمه ومرتبه بلفتها.

مروه. مرت راجح كالت

بس هذا حرام شعجب خالي. وسلمان راضين

كلها سكتت وصبحه نصت راسها

مروه حلوه

بس متنحب نفس صبحه

يمكن غيره مروه منها بسبب حب اهلي الها خلاها تحجي هيج بس ابويه بعدها كاللي

يابه حجبها حرام وباوعلها يبتسم

عمي شععرج. بس لرجلج ولو انه من اشوفه ترد عافيتي. هلكد مااحلو شوكت الله يبارك بيكم وتجوبولنا وحيده نفسج

ابتسمت صبحه ونصت باوعتلي وباوعت لامي كالت بخجل

يمه تجيبيلي الباجر فوطه

احلى فوطه تسترج ست البنات

جاوبتها امي مكيفه بيها

صبحه. -- كانت عفويه متعلقه بينا رغم اغلاطها واللي بس اني اعرفها الا ماعدها كل لوله والكل يموتون عليها حتى محمد اللي ميهمه زعل اكبر واحد صبحه يتخبل ولااحد يجي يمها ويغثها كل هاي وجانت ميانتها محدوده. بس يمي. ضحكتها العاليه ودلعها بصوتها بس يمي حركاتها الانثويه.

شهر مر وماكو حمل عد صبحه. مرت راجح شالت وحبيبه كلبي انزوت خايفه وتباوعلي بقلق في حين اني الثاني قلقت. مروه بالغت بفرحتها وكلسا تتنعوص على راجح وابويه.

خالي جيبلي وياك علاجي

خالي اريد كشوه وعسل هافه روحي عليه

وصبحه تروح بصفناتها. كانت رغم وجود مروه بس نفس شغلها ابد مغيرته وسالفه حمل مروه من السبعه. خلت مروه تتاخر عن اداء واجبها حجه بانها حامل . وراجح ميقبل اسمعه يرزلها

وياها مروه حرام عليج

اي ياعيني غير اني حامل ووحام

ابويه. ميصيررر هيج. حرررام هدومي بعد انتي تغسليها وتكويها

صار لاتزعل مني

اسمعهم الصبح من انزل ودوم تسمعني

شنو صبحه متنزل تسويلك ريوك اسويلك اني

لا مسويتلي من الليل

ما تكعدها لعد شون تطلع وهي نايمه والله لو اموت

راجح ذب الخاشوكه من ايده بعصبيه وخزرها

واني جاوبت

اني احب اشوفها دفيانه بفراشها ووممقصره شي ثاني اني اخذ السفر طاس واتريك بالشغل يله فيماللا راجح قفل وراك

اي اي الله وياك جاوب بنتره وعيونه تنفظ غضب لمروه

بيومها بليل طبيت وحبيبتي تلف كبه وتكلي مروه كاعده تثرم خضره امي كالت

صبوحه يوم روحي بدلي ريحت هدومج كباب

اي يمه كملت هسا

طبيت ابتسم الها كرصتها من خدها وايدها كلها عجين كباب شعرها نازل على وجهه

ابتسمت

ها الله يساعدج

هله عيني

وتوخر بنتره شعرها عن عينها وخرته خليته وره اذنها وخليت فوطتها على راسها همست

راجح اجه

ركضت عالسنك غسلت ايدها وعدلت فوطتها وطفت الطاوه وصعدت فوك ويايه طبيت سبحت وطلعت ابدل هي طبت ورايه ونزلنا نتعشى

ابويه كلما نلتم عالعشا يحجيلنا. ابويه تعب غضب اللي بعيونه مال اول راح صارت حنيه وجره. تعب

كال لمحمد

انت عليش ماتكعد لصلاه الفجر امك موتكعدك انه تالي عمري ابني بطولي مايصلي

لايابه صليت

تكذب النوب ولك متستحي

سكتنا

كال

الا قران الفجر والصلاه بويه. هله. هله بيها كل الخير تلكو لاتخلوها قضى حريمه العمر يكضي وانت مضيعها منك كنز هاي كنز

سلمان- واحنا نهز راسنا بالرضا كال

القران يخضر اقرو قران هواي لاتهجروا

اباوع لصبحه تباوع على ابويه تستنشق كلامه مو تسمعه

كمل الحجي--

وهاي كل خليه ميته بداخل جسمكم تحتيي بالقران اقرو وتمعننو بي شوفو ربكم شذاكر بي حاولو تختمو مرتين بالسنه بالقليل

نطت صبحه

يابه هوا جبير شيختمو

ينختم بنيتي كل يوم ساعه من وكتج وهالصوت الحلو اللي تحبو الملايكه. وتوصلها لربج تلكين بيها شكو ذنب ينغفر ومن تنغفر الذنوب ذاك الوكت حتى الدعاء ينقل

نطت مروه

لعد انتي مخاتمته اني خاتمته عشر مرات

جاوبها ابويه

هي مو مسابقه خالي مره وحده اذا تمتعتي بي وبكلماته تعادل عشرين مره ركض ركض موفاهمه منه شي

اللهم اجعل القران ربيع قلوبنا

سكتو ورجعت سالت صبحه بخجل تباوعلي وتباوع لامي وابويه همست

شنو يعني يابه ربيع قلوبنا

ابتسم ابويه واحسه وياها يريد يحجي ويفهمها لانها تريد تتعلم مو رياء من يوم البطلت تمد ايدها واحسها تريد تتعلم واني ممقصر عدلت صلاتها. زين بقه الوضوء مدتحفضه موتتني

جاوبها ابويه

يابه اسمعو هالقصه

ابوي السيد الله يرحمه قبل لاصير انه كعد وي امي وكلها كدما بيج اقري قران كالتله عليش كاللها

المره. مثل الكاع شتزرعها تخضر

صفنت صبحه وتباوعلي ورجع ابويه عاد

المره مثليش ويباوع بوجهنا محمد ياكل ويصيح

حديقه يابه

سلمان- خزرته لمحمد. ورديت. كاع يابه كاع

اها كاع فهاي الكاع شتريد قبل الزرع تريد سماد وتريد ماي حلو يسكيها وتريد تكلب وتهوي الطينه مالتها ياله عود نذب بذورنا ونزرعها ذاك الوكت شيصير الزرع مالها يصير يانننع ونضضر لان الكاع مداريها.

صبحه بس صافنه فاكه كل عينها ردت اكلها كزكزت عليها مثل الطفل شكد نقيه ومحمد يباوعلها ويضحك حتى راجح يباوعلها. مبتسم كمل ابويه

كلامه

ابويه. الحجي. وراح لامي كاللها اقري كدمابيج اقري داري تربتج ياله نسوي جاهل حتى يطلع حنين. ونوراني ورحماني.

صبحه

همست

بس هو بعده مااجه غير وحده من تحبل تقره وباوعت لامي كالت

ابوي جاوب كال

احجيلج سالفه لخ

هاي فد نوبه اجه رجال من اهل اول كال لسيد ال-- كاله سيدنا اني صار عدي ولد واريد اربي تربيه صالحه واريد من هسه مدام توه جاي للدنيا تعلمني شنو اسوي اقره يم اذنه احجي وياه بالتلاوه اريده يطلع خيير

شجاوبه السيد

شجاوبه يابه همست وكلها انصات واني هالحديث سامعه يمكن خمسين مره واحب اسمعه بعد

جاوبه كله تاخرررت عمي جان مفروض قبل لاتحبل بي امه

باوعتلي صبحه متفاجاه وباوعت لابويه ابويه ابتسم كال

ها صبوحه ههههه استغربتي مو

بلي يابه

اقري قران بنيتي اقري اروح فدوه لهالكلب الابيض سلمان يابه

كول حجي

صبحه اذا ختمت القران هالسنه برمضان تلبسها ماشاء الله على كد فليساتك واني اعاونك بيها

صار حجي وباوعتلها تدلل

جاوبت مروه

همزين اني كل سنه مرتين ٣ اختمه امي معلمتني من اني صغيره

باوعلها ابويه ابتسم راجح سوالها لفه كال

هاج اكلي زين

صبحه من يومها تعلقت بالقران ليل نهار تقره واني اعدللها اغلاطها وترد تعيدها صح كلما اكعد الفجر عالصلاه الكاها كاعده قبلي تصلي وتقره قران

اكثر من مره اكعد ماالكاها ومن انزل ادورها الكاها كاعده وره ابويه يقره بالقران وهي تمشي بقرانها وتقره وياه بصوت هاديء وامي بصفها

تعلقت حيل بامي اكثر من مره جتي امها وهي تنزع بتوتها وتنزل تكعد شوي وياها وتكولها ماعدي انطيج وترد تروح حدما انكطعت رجلها

شهرين مرت وفزت مره بليل وفززتني،شبيج صبحه

انه حبله وداعتك وداعه غلاتك انه حبله

شمدريج

حلمت حلمت وحده مغتره بغتره خضره كالت هذا بزر سلمان تسمينه احمد

ابتسمت وهي ميته بجي حضنتها وبست راسها لتحجين لاحد حبيبه كلبي

فد امي فدوه فد امك افرحها

خوش خوش

دتنزل

يا ويين صبحه

اروح لامي اكللها

باجر الصبح

يا وانه يضل عدي صبر. غير اموتن

ههههههه موتتني ضحك ونزلت ركض غمضت براحه شوي وصعدت وتباوع بوجهه بالمرايه

تعاي نامي ياعيني

لا اقره النوب الجزء الاخير عبن ابويه حيختم واريدن وياه

ماشي روحي بس من تكملين صعدي نامي

صار

ونزلت وي سجادتها وجادرها ----

يتبع

مريم السعدي

المنطقه 13

االبارت 6

للكاتبه مريم السعدي

.... .... ....🍁 .... .... ....

ومضت ايامنا

وحامها بالنوم. ومن تكعد تدوس على روحها.  بالشغل  والخياط علمود جهازها. مروه جهزتها عمتي كاول طفل وللاسف. مروه مو نفس نفسيه عمتي جانت تتباهى بالغراض واني وراجح صرنا اعصاب ابويه مابينها كاللها الف عافيه خالي

وامي هم بس ابتسامه صبحه الخجلانه اذتنا كلنا حتى محمد اللي مكدر يسكت ونغزها بحجايه

شخبصتينا امي وامي عبالك كاعده بنص يتامى شيليهن ياله حتبدي اللعبه

وشالتهن. واني عيوني على صبحه الجرتها امي وشاورتها ابتهج وجهه ونصت باوعت لابويه اللي هز راسه يبتسم تقربت منه نصت على ايده وباستها وابويه لزم راسها وباسه همس

ولاتزعلين يم كلب الابيض

باوعت لراجح ابتسم

كال

جتها الامدادات صبحه وداعه ابو فاضل الا شوي ادفر مروه اطرحها وتعوذت بالشيطان من كيد النسا

معود عقلهم هلكدته

اي وداعتك دكوم لك محمد

هااا

دكوم جيبلنا حب شمس شي

دروح بلشو النشيد الوطني

سلمان- باوعلي راجح عمي

بالقران بالقران فد يوم اجفص ببطنه اطلع حليب امي من خشمه ولك صار سبوع ميطلع من البيت يكولها لامي بطني تاذيني تكول علي العاده استغفر الله

عوفه نشوف ليوين هذا مو ينوي يعرس ياكل تبن باثنين اديه ويكول الحمد لله

راجح- اي والله خل اروح اجيب حب من ابو مصطفى

طلع والتمينا عالتلفزيون

سنه ١٩٨٨

لعبه الخليج.

احمد راضي الهداف بوكتها

اعصابنا تعبت حدما هددف

وربحنا بوكتها الناس كلها طلعت للشارع

اخذنا كاس الخليج بيومها وتسجل احمد راضي. افضل لاعب باسيا

كلها فرحانه رغم نهايه الحرب الايرانيه بس انترس كلب الناس فرح

كم يوم مرت وصعدت فوك. من شغلي التاخرت بي بوكتها جان شفتين. واني لازم شفت الليل لان محد قبل يلزمه والحجي ابو البيت كال انطي اكثر لليبقى يكمل بالليل بقينا اني وراجح.

رجعت وصعدت فوك جانت فجريه طبيت لكيتها تقره بالقران

هااصبوحه اليوم وحدج

الله يساعدك عيوني

عمي بعافيه سوده ببجهي ماكدر يقره

فكيت عيني شبي ابويه داانزل كالت

لالا لاتنزل تعال نام لانه نايم والله العضيم

يابه اشوفه واصعد شبيج

كيفك بس لاتكول لامي انه كتلك خاف تزعل لانها دوم توصيني اني ماكدرك اول ماتطب وانه مدري شجاني

غمت روحها

نسيت وكتلك

لا زين تسوين نزلت شفت ابويه جان دايخ والوجه احممر

حجي شنو فلمك كوم اوديك مستشفى

لا يابه هسه انام وارتاح

حجي وجهك مدرك اخاف الضغط

لابويه هاي اخذت حبايه وحنام

بقيت اباوعله بقه مغمض عينه امي همست

اني يمه يوم اذا احتاجيتكم اصيحكم متاكل

لايوم ابو البيت وصه على كباب خطيه

الله ينطي العافيه والف عافيه على كلوبكم

يله محتاجين شي ها يابه

الحجي- روح بويه دارتاح روح

صعدت فوك راسي مسطور باوعت لصبحه كملت القران ولازمه هدومي تحضرها

شنو الصار صبحه

باوعتلي متفاجاه

شنو

ابويه شبي شنوتلاغه وي محمد

ها مادري كالتها ودارت وجهه بارتباك

احجي ماكول لامي

باوعتلي ونصت كالت محمد مدري شفي بس يرده لعمي وعمي زمخ كاله ماتحتتترم

تحجي وتعيط صوت عالي عود تمثل ابويه مدري اعصب مدري اضحك عليها وصلتها صوره وصوت ماشي

اكلك سلمان

ها يابه شبيج

اانه طلعت من الحمام ووكفت اصلي شو هذي مروه تكلي ما يقبل صلاتج لازم ينشف الراس ياله تتوضين

اي نشفي بخاولي للفرك وتوضي معليج منها

صفنت بوجهي وجرت نفس

شبيج

صعب كله صعب لااكدر احفظ الوضو لاني اعرف اكولن الدعا مالته

ههه شون بيج ميت مره علمتج

انساه انسااه هو الماء يكول ابوي نازل مطهر جا من تغسل تطهرت بعد عليش هالحركات والله هذي بدعه

ها هههههه ولج صبحه ههه بدعتج يولو مذكور بالقران الوضوء

ايييي وانه ماجاي اكدر احفظه دماغ مدمممغ وضربت على راسها تريد تبجي الا شوي

جريتها اضحك وحضنتها تعاي تعاي احجيلج فد قصه مو انتي هم يرادلج وكت واني النهار والليل كله بره اشتغل

كون الله يوفقك ويرزقك ويريحك

فدوه لدعوتج دتعاي احجيلج قصه

اي احجيلي نفس ابويه

انتي تعرفين الوضوء شنو معناه

لا ماعرف بس لحتى نتطهر ونوكف كدام رب العباد

عفيه بس ليش عالمواضع الاربعه بالذات ليش مسالتي روحج مع العلم اكثر مواضع نضيفه هي الايد والوجه والراس والرجل.

صفنت كالت

والله ماعرف مامفكره بيها مااكلك دماغ مدمغ

لا ههه لالا حشاج. جريتها كعدت كبالي عالجربايه وتعدل بشعرها تضفره وعيونها تريد تطلع عليه وتستمع نزعت هدومي بقيت باللباس فانيلا واني توني مدشن حمام بيت الحجي البنيته وجيت عدلت شعري وهي تباوعلي تنتضر قصه الوضوء وبديت

فد يوم واحد يهودي. اجه عالرسول

همست راسن

اللهم صل وسلم وبارك على الرسول واله

صفنت عليها نفس ميكول ابويه تعلمت. كزكزت عليها وبستها من حلكها

وكملت ايي صبوحه

فاجه عليه كله يارسول الله ليش بالذات هالمواضع الاربعه وهي انضم مواقع ليش الله امرنا نغسلها قبل الصلاه ليش مو بقيه انحاء جسمنا

جاوبه الرسول كاله

لمن وسوس الشيطان لنبينا عليه الصلاه والسلام وعلى اله وصحبه وسلم

تباوعلي بامعان وتهز راسها وحلكها وعيونها مفتوحه تسمع

لمن وسوس الشيطان لادم عليه السلام دنا من الشجره.

من دنا من الشجره وباوعلها. شصار نزل مي وجهه للنبي ادم عليه السلام

ضربت على خدها وهمست

ياااعزززه العزا للشيطان

متت ضحك هسه اكمل لو هههه اضحك صبوحتي

لالا كمل النوب والله جاي افهم

وراها تقدم خطوه وهي اول خطوه بالبشريه كلها نحو الخطيئه لان قبلها الملائكه ابدا مغلطانين كونهم معصومين من الخطا ملاك بعد

اييي

فمشا نحو الخطيئه النبي ادم اول خطوه بقدمه لهذا شنسوي نمسح قدمنا

ونزلت امسح قدمي كدامها وهي صافنه تستمع

وبعدها شسوه

صبحه- شسوه

بعدها شال ايده يقطف من ثمارها فطار الحلى والحلل اي يعني ضهر مواقع الحرام بجسده وجسد حواء فاحنا شنسوي

هزت راسها بتفهم وعيونها دمعت

نعلي ايدينا وبرطمت

ابتسمت

وراها النبي ادم عرف مكيده الشيطان وعرف روحه. اذنب ونصه على ايده على راسه فاحنا شنسوي

همست بصوت يرجف

نمسح راسنا بالمي لان خله ايده على راسه

اها عرفتي هسه شبيج حتبجين كلتها مبتسم همست

سوده بوجهي يارسول الله شصار بي لمن عرف روحه اذنب وهو اول بشر يغلط

ابتسمت ودموعه تنزل همست

من الله لاينطي للشيطان كون يحترك بنار جهنم ومايطلع منها

حضنتها اريد اكلها

اني شون بيج شوون ولج هاي فطاريتج وطيبتج حتموتنيي

لا اسم الله عليك لاتكول هيج اروحلك فدوه

ماكول ماكول ههه صبوحه.

بلي وكفت وشالت قميصي الذبيته

سويلي جاي

ياا سلمان. راح ياذن الفجر جاي ايش هسا نام

زين لعد نصلي وننام كملتي قران

اي. فد اتسبح واجيلك عدي بعد سؤالات خوماضوجك بيهن انت همات الك الاجر

اي تدللي

طبت للحمام ورجعت يمي باوعتلي كالت

اكلك سلمان

عيوني

اكلك هو صدك يعني تعلاه ال. ال وتنصي وترجع ترفع راسها مال لمن يعني تكربلي

الجنابه

اي اي

شبي ابتسمت

انه اخجل اكول لخالتي وشو عبالك غلط

اني موعلممتج

نسيته وذاك اليوم سمعت السيد بالراديو كال مو نفس مالنا

دتعاي نصلي ووراها نتفاهم

صلينا  والتفتت عليها سجدت وطولت بسجدتها مسحت على راسها التفتت عليه تخبل بالجادر جريت راسها ونزعتها الجادر وتقربت منها كملنا وسحبتها ويايه

وين نروح ماريد سوه نتسبح

ليش دااعلمج التعلاه كلبي

ها هيج زين

جانت خجلانه. رغم زواجنا الماصارله شري بس ترس عينها الخجل والوجه يضوي حمار تجتفت تضم معالم جسدها وشلت الطاسه من النجانه واعليها مبتسم تباوعلي رافعه عيونها هلكد بياضها نقي نفس نقي كلبها روحي ارتبكت ولاجن توني كربتلها لميتها بحضني واردد

 ها تعلمتي

امم ماراح انسى النوب

انلبجت لبج ورجعت تقربت الها وهي ساكته متفاعله بس برزانه ورجعنا تعلينا وطلعنا نمت بتعب. بيومها وهي بحضني حست الصبح دتنزل وجريتها

نامي بعد وكت

عيب من امي ومروه

معليج اني احاجيهم يمته نمتي انتي نامي

ولفيتها بحضني غفت  مره لخ

الايام تمشي ابد مافد يوم كالت مروه كالت مروه حجت ابدا.  وقربت ولاده مروه وجابو الجده للبيت وجابت توم ولد وبنيه

رقيه وقاسم

فرحه وصدمه نفس الوكت  راجح انشخط اله شوي وانترس البيت هوسه الجهال والبيت صار على امي ومروه وجانت تنزل كلما بجو تكعد يم مروه تعينها

شهرين لخ وجابت صبحتي واجه حمودي نور دنيتي طلعت روحي واني اسمع طلوكتها يطردوني ومااقبل اطلع بالطرمه الوب وياها وكون اقاسمها الوجع واخيرا هدات وصوت الطفل طلع طبيت ركض واسمع الجده تصيح

اللهم صل على محمد وال محمد

اللهم صل على محمد وال محمد

باوعت لراجح شكو

مادري تفوت

لا اخجل خاف يطردوني

وطلعت امي تبجي وبيدها النجانه

درت وجهي بخجل نترت

لك يوم اطلع روح

يمه عليج القران شونها

زينه يمه ولك ابنك اجه مبركع.  صلوات عالنبي كثر مامرتك قاريه قران بي هذا يطلع نوراني ورحماني وكول امي كالت

دمعت عيني الله يسمع منج يوم الله يسمع منج

ونورني حمودي وترس البيت فرحه وي جهال  عمه شهرين مر ورجعت من الشغل الضهر واشوف مروه وحدها بالمطبخ تدردم

السلام عليكم

هلو عليكم السلام

وين صبحه وامي لعد

جوه جايه اختها عليها كالتها ودارت وجهه معاجبها

---

يتبع

للكاتبه مريم السعدي....

المنطقه 13

االبارت 7

للكاتبه مريم السعدي

.............

سلمان....من سمعت اختها جتي. بس ردتها تطلع داحاجيها. وامي وياها جوه وره ويين طلعت وصلتها للباب وامي وياهم وطبت الوجه مستبشر وتبتسم بفرح بقيت اباوعلها بعتب غابت ضحكتها ونصت راسها

امي ابتسمت كالت

خطيه اختها جتي مفرفحه عليها

هزيت راسي واباوعلها محجيت شي حتى غده متغديت صعدت فوك شوي ولحكتني واني اباوعلها تروح وتجي كدامي تلملم اخر شي مكدرت بعد

كتلها بصوت ناصي

شعدها جايه

فزت وجتي راسن كعدت كدامي

مومو متزوجه. ووجتي تشوفني تفاجات بحمودي وضلت تبجي خطيه حتى خلت بيدي فلوس مال وكعته باوع وطلعت الفلوس اباوعلها مو شوي

عكدت حاجبي همست

وعيني عالفلوس

صبحه فلس مينصرف منها تنطيها لاحد محتاججج فاهمه

صفنت عليها وعيونها مدمعه

اختج اذا جتي بعد امي تطلعلها تكوللها شالت صبحه. وماعرف وين راحت. مفهوووم

يا. هاي اختي سلمان فدوه

ماااعرف متوصل ولاالج علاقه بيها

ليش هاي مروه مو كل يوم جايه اختها لعدنا تساعدها وتونسها عجب بس اني

صبببببحه اختج مو مثل خوات مرووه فاهمتني وفاهمج

وشبيها اختي مو جاي اكلك تزوجت ورجلها ادمي ومامخليها ولامخلي اهلي معتازين شي

نترت

اييييي من التفرفر مالتها بين الزلممم لتخليني احجي

صفنت عليه وترجف شفتها تخاف تسالني وين اكو هيج شي واحجي

همست

بس متزوجه هي وعقلت والله غفور رحيم

دااااكولج شفتها بعيني تطب بمحل وتطلع من محل والضحك مالتها وي امج فلس ونصصصص.

صوتي عله ماعرف شون خلص حلمي وصبري وطلعت القضى والمضى كمت اعيط واصيح والفلوس بيدها تبجي وقابضه عليها جريتها منها بقوه وشككتتها كدامها

واريد من الله بعد توصل اذا وصلت اطررردها. من الباب بعد عليه. العوالللم

بجت صبحه واني عفتها ونزلت يومين انام جوه. واسمع مروه تحجي وي راجح. تكوله

اختها. اخوك يكول عليها عالمه

انجبي حسج ماسمعه شنو هالحجي اني الباجر اروح لعمتي واكوللها مروه هيج تكول اريد اشوف تربايتها شون تجيب بعروض العالم ولي من وجي يله

وضلت تتوسل ماعيدها بعد بس هي حالتها مو طبيعيه مخشخشه بالذهب وكومه نطت وكعه لصبحه ووسمعت اخوك يصيح عليها

انتتتي معليج هسه هم يتدخلووون. بيننا مروه قسم بالله. اذبحج اذا عدتيها بعد،

لالا توبه بعد

سلمان

الايام تمشي وتمر سهله وصعبه.

صبحه متغيرت صلاتها وقرانها زاد منقص وحمودي يمها من تقره من صغره كام يحفظ الايات الصغار وتعلم. يكعد على حسها بالليل ويزحف يروح يم سجادتها ويكمل نومته.

راجح صارت مرته حامل عالاربعين فوك التوامه. ومرت الايام. وجابت مرته ولد لخ وحمودي يكبر. جنت. مرتاح كون صبحه مو راسن تحبل. مردت اكوم جهال واقصر بتربيه لو دلال والم على صفحه على كيفي. صبحه ضبطت الخياط من امي. وصارت تخيط لكم بيت. موهواي كوني مااقبل وهي ملتهيه بهوسه البيت والجهال من غير وسواسها بالنضافه متعرف فركاني الا انضف شي يله تتركه

راجح صار عده خليل وره قاسم ورقيه. وهم عالاربعين حبلت مروه.

وبده المكايد عبالها حنموت عالجهال صار عمر احمد٣ سنين وهاي كلمافاتت من يم صبحه وكالت

اوف يمه النساوه موتتني

وراجح يعيط بيها

شخبصتيني من تزوجتج لحد الان تتنسين

متكيف اشيل بسع اكو عالم تتحسر عالخلفه

جاوبتها لان مكدرت بعد

الله يساعد الماعده بزره. الحمد لله اكرم وانعم

وشلت احمد اللي كبر وبعدني اشيل بي من اشتاقله

ابويه احواله تازمت خطيه كام ميفرق بين الجهال ويتعب بالهوسه ومروه بس تصيح عالجهال حتى امي اكثر الاحيان اشوفها تخلي ايدها على راسها تزهك وتغمض

وصبحه من تحجي وي احمد بهدددوء حيل اغلب الوكت مااسمع تشاور مشاوره وهو تعلم منها حضي وراجح من يحاجي ينتر بي

عمييي صير زلمه جاوبني عدل لتصير مااايع خدرت بصوتك هههه معود هذا لحك علي

واني مرتاح لهدوءه ورزانته. ودوم ينكتل من قاسم. اللي حيل مشيطن متعب البيت كله

فجاءه وصبحه صارت بس تنام. شكيت بيها حامل وهم لاحني طيف.

شي نزل من الكمر واني اباوعله وصار بيدي من اباوع حجر وردي ويلمع. صغير بس صار بيدي انترست ايدي كبر حجمه بقيت صافن وبرد جف ايدي ملفوف بوصله حرير فزيت من النوم واحس بجف ايدي باارد من اباوع سبحه صبحه دتسبح بيها وغافيه واني لافها بحضني من وره ولازمها بالغلط بس لونها اسود ليش بارده حسيت بيومها. صبحه حامل لان وردي جنت كلما اشوف هيج طيوف اخليها بيني وبين الله

وفعلا حبلت صبحه اول مشالت كتلها

تره بيج بنيه

فرحت حيل كالت اباوع لرقيه واكول الله ينطيني نفسها وكون الله يستجاب

يستجاب حبيبه هو وين اكو منج انتي

ومرت الايام وبسنه ال٩١ جتي البنوته سهله ولادتها حيل صرخه وحده صرخت. صبحه وامي طلعتها للبنيه وفوتتها للحمام وتغسل بيها وتحاجيها طلعت من الحمام واني انتضر وحمودي بيدي شايله

صارت بوجهي باوعتله وشوفتها الي باوعها يوم باوع وجهه هلكد رحماني

مبركعه لو لا احجي واباوعلها نزلت احمد اللي بس صافن عاللي صار منو هاي منين طلعت امي كالت

اي يوم بزرتك صنينهم مبركعين كثر صلاه صبحه وقرانها ونيتها

اذنت باذنها واباوعلها

لج يمه هاي عدها خدود

اي صلوات ههه تنوكل اكل

اجه محمد توسل بيه يشيلها طيتهيا ويباوعلنا

هاي مالتي ماانطيكمياها

يول دتزوج نفرح بيك

امشي امشي انت انضحك عليك تريد ينضحك عليه

الله يهديك

باوعتلي امي ابتسمت

شحتسميها

عيني جنتج تكول اسميها باسم امك

يايمه يايمه تسمرها باسمي اووف وحضنتها وتصير مليكه الصغيره اوف يمه اوف

وبلشت حياتنا وي مليكه الصغيره حتى ابويه. مكيف بيها احس يحب جهالي اكثر من بزره قاسم. مليكه اللي ماكانت ترضع بدون صوت قران صبحه.

ومتنام الا تقره قران

النسوان تسوي ديللول وصبحه تقره يس والذاريات

بصوت هاادي

مليكه اللي كانت كلما بجت تنزلها امها يم ابويه يابه اقره على راسها

وياخذها يختم القران ساعات ساعات يطول والله العضيم وميمل وهي تفر بعينها وتناغي بهدوء سبحان الله

وصار عمر مليكه شهرين

سلمان- غمضت عيني افرح بيها اني وباذني اسمع مروه

شلواكه مليكه. هو من يسمي بعد مليكه عود يعني هي تحب مرت خالي

ومن طبيت سكتت تحجي وي روحها. جانت غلست ويامكثرهن المهم صبحه تغلس وامي تعرف دواها لمروه

مليكه جانت سمراء قمحيه بعيون سون رمش اسود طوخ ملفوف نفس بيبتي حسب ما ابويه يكول هاي طالعه لبيبتك وعدها يم حنكها شامه ودكه مو بنص الحنك لا صفح خشمها ملفوف ومن تبجي تشنف. وتخزر متتت متت بيه ازيد من حمودي

رغم ماذاك ماخذ ثلثين الكلب بس هاي صارت بروحي لدرجه اريد اخلص شغلي بسع حتى ارجع للبيت واخليها بحضني واناغيها

احمد حفظ جزء عمه وهو بعمر الخمس سنين طبعا وي امه وامي ومليكه حافضه شكو ايات صغار نادرا ماكانو يتعاركون بس اليعجبني بمليكه الصغيره انها وكحه وهيله اذا واحد تدناله من ولد عمها تكلب الدنيا بالبجي ومحمد ميقبل احد يضوجها

والدي اخر سنين. بده ينسى وميفرق بين الجهال رغم مداراتنه اله بس بده للاسف يخرف

صبحه. كان البيت عليها واني اعرف بس هي مشاكيه ومروه تتحجج بالجهال .

وهي عدها بس جهال ثنين تكدر اكثر مني

صبحه ماكانت تشكي وامي رغم تعبها بس معافتها تساعدها بالتركيب على كعدتها تركب عالجوله. وتخلي مليكه يم ابويه اللي رغم ماكام ينسانا بس بعمره مانسه القران حافضه صمم ويقره بالقران يم مليكه وهي تخدر وتنام على صوته

الايام تمشي بهدوء رغم هوسه الجهال وعركات راجح ومروه اللي كامت متخجل اذا البيت سمعو انها دتغلط على صبحه او على جهالي وراجح يضل بنص هدومه

اذكر مره من المرات. طلعت من غرفتها وتعد

نترت بيها

تره ميصير صوتج بالغرفه وسمعت شكلتي لرجلج على مرتي وجهالي لو جيف ساكته تاكليها

وانت منووو يمممك عيني منووو يممك محد كاللك تتصنتط

صفنت عليها متفاجا ماشوف الا راجح فتح الباب سحلها من حجابها ووكع وانجرت من شعرها للغرفه مااسمع بس التطبطب وصراخها ونفس اليوم راحت لبيت اهلها وعافت الجهال وتعد وتعيط

اباوع مليكه الصغيره من البلكون تغمها من دتطلع من البيت لبست عباتها وراحت وبقو الجهال براس صبحه. اربع جهال راجح وثنين جهالي والبيت ومشتكت بس تركض منا ومنا

وراجح مغلس

يابه كوم جيبها

خل تولي لو تموت ماروح خلي عمتي شوي تحير بيها

عشر ايام مرت والله العضيم الجهال كرصو بايد صبحه عقلو هداو حتى لعبهم من نطب بهدوء وهي تهمس مو تحاجيهم على هدوءها هداو

سلمان- راجح شو الجهال ميصيحون

راجح- انت شايف ام احمد شون تحاجيهم تكول بلبل على كييف وهمه عبالك مخروعين يجاوبوها نفس الشي بنفس النبره. ذيج متحجي بس تصيح تخبلهم تخليهم حتى حجي ميحجون بس يصيحون

الله يهديها

سبوعين مرت وجتي عمتي للبيت ووياها مروه

انتضرو جيت راجح واني كاعد سلمت على عمتي مسلمت على مروه كلش اخذت بخاطري. منها. صبحه جتي تسلم عليها سلمت ببرود بس عمتي لا تلكتها وبدت امي تسولف اباوع عمتي تباوع للجهال نضيفين وعقال ومكيفين بامهم. كالت

خو متعبوكم الجهال

جاوبتها

لا والله عمه صبوحه قايمه بيهم ذوله ولد عم يعني هم مثل جهالنا

والنعم منك سلمان انت ذهب اخوك وين صار

هسه على جيه. ههه ديدورله مره

عمتي - يتدلل ازوجه اربعه هههه

هذا شقه عمه الحلو بيها طيييبه نفس طيبه ابويه وابد متحب تخسرنا على حساب اي احد ولا تخسر اي احد

طب راجح

صاح سلام عليكم هله بعمتي بوسها وباوع لمروه بعتب كال

صبوحه صبيلي العشا

مروه جرت عينها بغرور

صبحه نفذت وخلت الصينيه كدام راجح وعمتي حجت

عيني راجح ادري شنو متريد مراوي متسال

لا والله عمه ماريدها جاوب ومنصي راسه. وياكل عاكد الحاجب

ليش ياامي مشتاقيتلها دباوعها جنها جماره

شالفايده عمههه شالفايده خلقه بلا اخلاق نفس التواليت المرمر

صفننا على كلامه دفرته برجله

مالكم دخللل زين لو مزين. باوعلي وباوع لامي ورجع باوع لعمتي

عمه بنتج ممحترمه نفسها نترت مروه وبجت

اني شسووويت انت متتحملني شايفلك شوفه

اهاااا اي شايفلي شوفه داريد اتزوج وحده فقيره لان الوكحه تعبتني عمه رحتلج فدددوه اخذيها وروحي اني حالف تره اطلك اطلك

ياااا رويجح احجي عدل

عمه احجي انفتتتح. لو اضل ساكت

لا احجي اني جيت احجي اريد افهم بيش عايبه دااعيد تربايتها الك

عمه ترضيها. تعيط باخويه ترضيها تتعارك ويايه بالغرفه صوتها واصل البيت كله يسمعه يابيت الشارع سمعه باع باعي الجهال خبلتهم تره هاي لتشوفيهم ساكتين تعلمو منها بس يصيحون كامو هاي عود على هالسبوعين علمتهم صبحه

من العاطت باخوك مروه

وباوعت لبتها لج مروه عطتي بمحمد

راجح..... هههه شفايتلج بمحمد اخويه الصغير عمه عاطت بسلماااان رزلته تكوله شدعواك عيني شدعواك ليش تتصنت

مروه- كذذاب ااني

ماشوف الا راجح كام وضربه على حلكها من الجذذاب للج.

وعمتي كامت صاحت

عمتي- لج ادبسسسز امدايه جايه وياج تردين تخزيني وي ولد اخويه كومي كوومي وياي اليوم اكول لابوج

مروه- لايوم فدوه ماعيدها وداعت جهالي لايوم الله يخليج اوكفي،

امشيييي

سلمان- اوكفي عمه اووكفي عمه اروحلج فدوه راجح تعال يابه جهالك ماتو بجي

وموتتهم انعل ابوهم لابو الرادهم

انجببب عاد كلت من بين سنوني ولزمته من ساعده وعمتي بالباب ترزل ببتها وامي كاعده تريد تطلع تخجل ولحكتها لعمتي صايره منقله. من الاعصاب وجريت راجح وياي

هاهي عمه عوفيها

راجح- والقران اذا انعادت يامروه وداعت امي اطلكج

عمتي- يول عوفها خل ابوها يادبها

راجح- لاعمه غلطت وتتعلم من غلطها ومتعيدها مو للج

مروه- لا والله العضيم اسفه السموحه سلمان وداعت جهالي ماتنعاد

راجح - عمه شنو السالفه دهديها. غير هي ام قويسم هاي حبيبه الكلب بس ردت اادبها عمي هي مال ابوها هو اني اخاف من عده دروحي

ضحكت عمتي والتمينا عليها اني وراجح نبوس بيها وهي تضحك وتخزر بمروه

سلمان - طبي ام قاسم طبي يابه جهالج اخترعو خطيه

وهيج تصالحو بس بقت بحقدها وبدت صبحه تشكي منها. بليل واني ساكت مادري شسوي الها

فتره مرت دخلنا بسنه٩٤ حمودي عمره٦ سنين. حفظ هواي من القران بس مو بالترتيب سوره يس سوره الدخان والواقعه. ومن يقراها يجود نفس التلفزيون وحيل افرح وامه تصححله اذا غلط المصيبه ميثق بيه

اذا قره ايه مواثق بيها كال

مو يوم

وامه تباوعله تبتسم واني اكوله اي يابه هيج ويصيح

يوم هيج

لك بابا هيج اي كمل اني اعرف

لا بس ماما تعرف

ها رحمه الله والديك عمي طلعت اني ماعرف

وصبحه تخرب ضحك

ولد راجح خطيه مو واهس تلاوه ابد دخلو روضه كلهم الانضار صارت على احمد

وقاسم وكح حيل مرتين انطرد وراجح يشبعه كتل بس ميكعد الله يستر عليه تالي راجح زهك مره كال

عمي هذا ليش هيج باوعلي وصيح كولي اني غلطان بتربايته غلطان بحياتي فد يوم الله يعاقبني بي انت تعرفني

ضحكت عليه كتله

ولك هذا يطلع فطططن وتجوتك باجر وكول اخويه كال

دكوم عمي شك حلكي شبعت تمرمط من وراه

يكبر ويصير سبع. مو عمي باوعت لقاسم. وجهه مشخط من الراشديات مال ابو كال ومسح خشمه بكفا ايده

اي عمي اكتل الناس

راجح- اي خلف الله عليك حتى يسجنوك ويطيحون حظك وحظ ابوك وياك

مليكه اروح فدوه لخطاها وكحه ولسان والشعر ملفلف بله كوي وامي متخبله عليها ومتنام اله يمها واني خلصان لانها مونفس احمد فطنه تنتبه بس اكيس امها فزت مربيتلي عله

سنين تمشي واللي اعرفه انه وضحه مكطوعه رجلها من البيت مااكذب اهل. صبحه الكاهم بصفنتها تالي الليل نوبات احس بيها تشهك والمها بحضني

فتره مرت ودخل حمودي مدرسه. وصبحه طايره ومفتخره واني مكيف بي رجعنه وبنفس اليوم العصر تطلع الفرحه من عيننا

لكيت اختها بالبيت بالصاله وامي خايفه مني بس طبيت نترت

شعدها هاي هنا ردت تسمعني وامي ردت

يمه على بختك اسكت ابوها وامها ماتو بحادث

اباوع صبحه لطمت وركضت للصاله واسمع البجي والصياح كسر كلبي ساعه وراحت اختها.

وصبحه وكعت بالفراش وتلوم بيه حرمتني منهم كم مره اجتي امي ومتقبل اطلع خليتني بحسرتها امي هاي اني تقبل احرمك من اهلك

خلتني اعصب بين تانيب الضمير وبين اكول حقي اريد اعزلها عنهم واصيح بيها بصوت وهي ترد تالي ضربتها ووكعت بالكع ساكته وكامت بهدوء وفاتت للحمام عفتها شوي وطلعت وعالسجاده. ساعه ساعتين ثلالثه وتصلي وتقره قران واني غفيت مكدرت الصبح كعدت لكيتها نايمه عالسجاده تقربت منها دفعتني ومتباوعلي طلعت وهي زعلانه ورجعت احاجيها مترد حتى كدام اهلي

نترت مو وياج

امي لزمت ايدي تتوسل

تعوفها لا والحق اخذها واروح لبيت اخويه عوفهااااا

سكتت بلعت ريك اباوعها وجهه بله حياه صافنه تتحرك وتسوي شغلها بهدوء ولابسه الاسود سبوع مر وهي متحاجيني ابد تنام يم امي وابويه سبوع اللخ من طب مكدرت بعد طبيت للغرفه جريتها وصعدتها كوه بس طبت الغرفه بجت

نترت بصياح

عااايفج عايفج مااكيسج بس ابقي هنا اركدددي بكبتج

هزت راسها ودموعها عشره عشره متباوعلي

تانيب الضمير حرك عشيرتي. حسيت الصبح دتحضر هدومي سويت روحي نايم شفتها فتحت الدخل مالها وطلعت صفطه فلوس هنا عقل مضل براسي

منيلللج هاااي غضب

فزت ونصت راسها

منيلج احجي من اختج

هزت راسها اي

واني شكايلج

برطمت وهمست

مكدرت اكسر خاطرها كالت. نسوي ثواب لابويه وامي حدزه بيت الخبازه خطيه بلكن الله يشفعلهم

يابه روحي فرفحت جريتها لحضني وزادت شهكاتها

واني اقوي حضني بيومها اخذنه الجهال ورحنا لسامراء بتنا بيت صاحبي عدنا هناك

غيرت جو وصالحتني اخذتها للثرثار مليكه وحمودي تونسو حيل واخذتها للامام زورتها والسيد محمد حدما ارتاحت ٣ ايام ورجعنا

هي اعصابها هدات واني هم.

شهر مر ووالدي تخربط حيل حرنا بي مستشفى وبات اربع ايام

وتوفى كانت اول صدمه بحياتي. اول مره احس روحي رجال صرت من مات ابويه تدمرت رغم هومخرف بس اساله عن كلشي ونوبات فتره يله يجاوب حسيت بمسووليه اخوتي وامي والبيت براسي صارت

وامي ذبلت وتباوع مكانه

صبحه معافتها الجهال كمنا ننيمهم يمها ومروه تتغالب لااخلي جهالي تالي امي كالت وكحين مااكدرلهم خلي بس ملوكه

الايام تركض ركض ملوكه دخلت مدرسه وحمودي صف ثالث الاول عالمدرسه وعاقل وهاديء كامل الاوصاف يسمو من اروح اسال عنه ومحمد هو هو متغير واتكالي لدرجه كام يطلب من عدنا فلوس حدما رزلنا فد يوم وبطل رجع لشغله حصل كم فلس غاب خلصن رجع وهكذا

كم سنه مرت اجيت مره من وكت ولكيت اختها عدنا لوتخبلت بقيت ساكت خاف تزعل نفس ذيج الزعله بقيت اروح واجي بالمطبخ.

باوعتلي مروه كالت

هي اصلا دوم تجي ومرتك متكولك

بلعت ريك همست لا ادري بيها صبحه متسوي شي بله متكولي وباوعتلي نضره الممصدكه بضحكه

صرت اعصاب اني اذا الزمها ابتلي بيهم طلعت صبحه شافتني اخترعت وارتبكت باوعت لايدها مماخذه فلوس ارتاحيت نوعا ما

لليل حجينا كالت اشتم بيها ريحه اهلي ومتطول وتروح ومتاثر عليه عصبت وصرت نار قسمتلي اخر مره ومتنعاد وصدكتها شهر مر بسلامه واني يوميه احلفها وتحلف بروح ابويه متعيدها واذا جتي تكولها امي طالعه

جانت روحها بجهال صبحه لان ميصير عدها خلفه

وتعاركو راجح ومروه وتصيح بالغرفه فلوسي مبيوكه وطلعت لامي وتصيح عمه فدوه شون شسوي صار سنين اجمع شسوي ماعرف وين راحت خاف فات حرامي للبيت

اني شسويت

غلطت اكبر غلط بحياتي

باوعت لصبحه باتهام وكلهم باوعو لنضرتي صبحه خزرتني فكت حلكها ودمعت عينها

راجح نتر

شبيك سلمان تخبلت بابا هاي شو وين ضامتها وناسيه

صبحه طيري فوك مروه همست

اني اكول هي ماخذتها. علمود اختها

امي نترت

يمممه اختها متزوجها مقاول معرف ايش وهي تتوسل بيها تنطيها فلوس وصبحه متقبل ومخشخشه بالذهب

واني الغبي صعدت فوك فتحت كنتورها كدامها ادور كلبته كلب ملكيت غير ذهبها والفلوس النطيها الها وهي صافنه عليه ايدها جوه خدها كملت وباوعتلها اخاف احجي هناك وسمعت صيحه راجح

لك انتتت عاااار. مو اخ عاااار شون تطب لغرفتييييي

نزلت ركض شفتهم يتضاربون هو ومحمد طلع قاسم فاتن عليه طاب للغرفه وكت روحت راجح ومرته بيت اهلها واحنا فوك وامي نايمه عباله قاسم وياهم وهمه مياخذو من وكاحته وفتن عليه بقيت بموقف بين صبحه وبين

صدمتي بابن حجي عدنان. يمد ايده تالي وكت محمد ينكر وراجح يضرب تالي تلازمو وامي وكعت تخربطت

عافيتها ردت الها بعد اربع ايام وهالايام صبحه ماشوفها حدما صعدت فوك خجلان جيت اعتذر وبيدي محبس ذهب

تقربت منها بست راسها

همست بهدوء

طلكني

نمل جسمي صافن باوعتلها لكيتها مغمضه ترجف

همست

ماابقى وياك مستحيل اني تعيرني مرت اخوك وتكولي اهلج حراميه حتى رجلج يشك بيج

اننننني تسمعنننني حجججي تكولييي وين اضم الفلوس بيت لو سجننن كالتها تصيح اول مره تعيط بيه اول مره اشوفها بهالاعصاب

بلعت ريكي اهدي بيها وهي تنفر مني

همست

اختي جايه عليه

اختج شمدريها

باوعتلي بثقه

خابرتها من بيت ابو ماجد وكالت تحضري اجي عليج

لزمتها من كتفها

وروح ابويه اذا طلعتي مترجعين بعد

ماريد ارررجع لهالبيت مخبله داابقى هنااا مخبلله اطك واموت اتحمل كلشي الا ليل نهار تعيرني وحده ماكمل حتى دينها بصلاتها المكطمممه

اول مره تحجي على مروه العصبيه البيها خلتني اكعد على ركبي اتوسل

بويه صبحه بيتنا وجهالنا بيتج هذا

خلي الها تشبع بيييي سريتك بسر لكيتك خيمه وستر تفضحنننني

تاشر على روحها وتضرب بصدرها وجهه صار ازرك

ولازمه صفحه بطنها

دكعدي افهمج

مااكعد بهالبيت بعد مااكعد دددد

راسن جاوبت بدون تفكير

ااجرلج بيت غيره بيت. بيت صغير على كدنا بس لتروحين وياها صبحه جيت اعتذر جايبلج محبس ادري بيج تحبين الذهب

صفنت عالكع واندك الجرس وكفت

وكفت وياها

صبحه باجر ااجرلج بيت

باوعتلي بغضب

ماانزل حدما تطلعني بيت والله وداعت حمودي ان كذبت

كاذب علليج بيوم صبحه

ااشر على روحي ومميل راسي

اذا كذبت اعوف بزرتك عليك واطلع ماتندل مكاني وين

خوش ماشي لاهسه اطلع ادور على بيت شو يامكثرهن

ركضت عالكنتور واباوعلها كعدت عالجربايه منصيه راسها طلعت فلوس الضامها وطلعت

لاختها همست

روحي تصافينا

باوعتلي وجرت عينها بوكاحه وهزت بيدها النوب ماعاجبه

امشي طلعي بررره

طالعه من الخرابه ماكاتله روحي عليهاعوع

راحت واني طلعت ادور ولكيت بنفس المغربيه. بعد فرعين عننا مشتمل صغير تكفي فلوسي والله انطي فلوسه وايدي ترجف شون اطلع من بيت ابويه قررت اخذ امي ويايه ---

يتبع

للكاتبه مريم السعدي

ناقله حنووو

منطقه 13

البارت 8

للكاتبه مريم السعدي

............

سلمان-

نوبات واحد ميتوقع. روحه بمكان جديد ممتصور راح يرتاح

من اجرت لليوم. يوميه احس روحي اصغر سنه.

ردت روحي

موشغله متضايق بيت اهلي لا بس حياتي ترتبت امي جتي يمي رغم راجح انقهر بس اخرتها كال امي مترتاح يم مروه مرعبله وهوسه اخذها يم مرتك بس كل سبوع تسيروا يمي والله اختنك

كتله اجيك والله وشوكت متريد تعال

كام بين يوم ويوم يجي وي رقيه بنته. الجبيره. ويبقى ساعه زمان ويروح

الهدوء والراحه ببيتي الجديد نفسيتي حيل تغيرت وصبحه. يايابه ياصبحه. كلبته جنه النهار كله تجلف الطابوق جان بي سواد كام يبرج وهو طابوك ياالله

البيت كان حوش وداير ميدوره الغرف

غرفه لامي والجهال سوه وغرفتنا والمطبخ والحوش ممسكف بيوت قبل واني رممت بي سديت فطور الحايط مجاري سويتها كهربائيات شوي شوي عدلتها

ومرتي تسوي واهس

الترتيب اللي صار تكول قلعه مو بيت هو كرويت بنص الحوش كل سبوع مفرش شكل ومخدته وياه وبرده الحوش اللي بشباكين

والطبله الخشب الطالعه روحها مغلفتها بنفس المفرش

حتى اللاله خلت بيها كشكش من نفس المفرش الغساله. هم تزينت بي تفاصيل حيل بسيطه بس بشغل صبحه كامت تضوي

جهال ارتاحوا وكامو ابد ميترزلون يوميه المغرب من تطفى الكهرباء ننجمع بالحوش ومليكه تتربع بكصايبها وتنزل الدشداشه الكودري مالتها حتى ميضهر جزء من اجزاء ملابسها الداخليه

جنت اتعجب على صبحه

من عشقها لحياتنا تخيط الي ولاحمد نفس اللبس نفس الخياط والها ولمليكه نفس اللبس الموديل والخياط

اتذكر مره دتخيط الها العفو اتك ابيض

كتلها

هاي الج

كالت لا هاي لملوكه جوه الهدوم هاي دشداشتها تلالي

حبيبه بعدها صغيره

لا حتلو امي تكول خلي تتعلم تصون جسمها

مليكه صار عمرها ٦ سنوات اذكى من احمد واسبع منه فطنه ونبيهه من اباوعلها اتذكر عيون صبحه من لجحتني بالحمام اول مره

تبتسملي. وتفر بكصيبتها تلوي طرفها

ساعتها مااتحمل ااشرلها وتجيني ركض المها بحضني

احمد رزن وهاااديء حيل تنطي راشدي يكلك هاك اللخ الحايط يحجي وهو ميكول

محمد كام كل فتره يجينا ونوبات يبات بس منطيته وجه

اذكر بيوم الفتحت موضوع الطلعه وي راجح عيونه دمعت ومروه كيفت حيل امي راسن كالت

اي يوم مبيها شي ومن كتلها اخذج ويايه صفنت عالبيت بليلتها اباوعلها تفتر وتمسح بالحيطان تتصفن

جوله اني اخذتها وياها بس شنو صبغتها صبحه ولونتها خلت امي تطير

اللكمه النضيفه المرتبه والاكل بالاقتصاد واشكال تعلمت تسوي حلويات يوميه المغرب عكب الصلاه اندار عليها

شمسويه اليوم حرافيش مرافيش

وترد بابتسامه بشفافها المحمره

لو حلاوه شعريه لو حلاوه تمن لو لكيمات

لزمت ايدي اكثر الاجار كمت اكدر اجمعه واجمع شوي فوكاه مرت سنين واحنه باحلى عيشه

مروه موصلت رغم صبحه كل اسبوع نروح سوه هناك بيت اهلي البيت غده خرابه هوسه الجهال وهوسه مروه يعين كلب رويجح مروه جابت ولد لخ. صارو اربع ولد وبنيه

راجح كوه لازم روحه بس يشكي منها ويتعارك والنهار كله يشتغل بده يتعب من وكت ومن يرجع ميلكه الراحه ببيته كم مره ومره متعارك واجه لبيتنا تفرشله صبحه بغرفه امي وينام عدنا

بس ثاني يوم يرجع عده ولد ومرته متسيطر عليهم وكحين الله يستر عليهم

حمودي وصل صف سادس ابتدائي والاول عالصف

اني ادرسه تسميع فقط

وصبحه تدرس مليكه متفقين من اول هيج

من جانو يرحون مدارس من نضافتهم وترتيبهم يلمعون

الكصايب مال مليكه مزينه بشرايط مدنفشتها ازيد من ما هي دنفوشه سمينه مدعبله وتخبل حتى الكدله ملفلفه. وخدودها حمر

ولا ترتيب حميدان وقميصه اليشع بياض وكوي متغسله بيدها صبحه لو تموت

لا شنووو بالغساله. يعدم عود

ليليه اسمع قصص امي وي الجهال وضحكهم الهاديء واحمد الله واشكره.

صبحه تعلمت تتسوك هي وحدها وتاخذ احمد وياها تروح سوك القماش سوك المخضر تتسوك وترجع

فتره مرت وفد يوم كاعدين المغرب واندكت الباب قوي جانت سنه ٢٠٠٢ كمت ركض فتحتها راجح لازم صدره وينهد

شبيييك ولك

اخوك راح اخوك اخذوه البعثيه الحك الحك

وين شمسوي يمصخم

طلعت اركض وياه ونحجي كال

حاجي لغوه فارغه وساحلي

لا بشرفك ويامن حاجي اول تالي لك هذا جبان

مادري مادري بس امشي

وطلعنا نركض وصلنا المركز لكينا المختار مالتنا واكف بس شافنا عرفنا كال هنا هنا شغلتكم عدي

عمي شنو السالفه

اخوك جوه ابو احمد وسالفته صعبه

ليش شمسوي غير اعرف

يعني متعرف بي مشتري ستلايت

ستلايت ستلايت شنو معود

دش دش متعرف باخوك عده

لا والله ولاعرفه وروح ابويه

معليه بعد شادله صحن شكبره فوك السطح وملفلفه واجينا اخذناه

وهسه شون على بختك عمي

عمي لازم تدفعون فلوس تطلعو

شكد يعني

يعني ٧٥٠

بقيت صافن عليه باوعت لراجح صفك ايده براسه رجعت للبيت اخذت ذهب صبحه وبعته وامشي واشتتم امي اتخربطت وكاعده بالباب تبجي تنتضر جيتنا محجيت وياها شي ابد لاهي التسال تخاف اخذت الذهب وبعته ووديته طلعته بقه منصي

راسه

ها خجلان موو.

شمسوي همه --- ميخلون الواحد يتنفه

تنفهت زين هسه ونفهتني حيل عاشت ايدك امشي بعد لتخربط رحمه لابوك جر عدل رايح اطمن امي

تعال سلمان

ها شبيك روح للبيت اغسل وتعالي امي تشوفك

تعال طيني بعد ربع

ربعيش عيني ضيقت نضري مقدم راسي تجاهه

كال

ربع مليون الدش مو مالتي واخذو مال صاحبي وهسه يريد فلوسه

وجنت الزمه واشبعه تكفخ وهويدفعني تالي بقيت صافن منين اجيبله لهذا تالي تداينت ونطيته الفلوس بس خلي اخلص وليش اخلص مااخلص رجعت للبيت حجيت لامي وكتلها شوي ويجيج

وطبيت للغرفه نفضت تعبي يم صبحه حجيت كلشي مفرفح وهي تهدي وتقره ايات قرانيه بهمس

دفوت اسبح تاج راسي ميخالف غير اخوك الصغير

تعبت طلعت روحي رجال رجال طك الشيب براسه عيب عيب عليه البكده ابنه بطوله

ميخالف ياكلبي هو غير يحسبك مثل ابو

فتحت باب الغرفه شفت احمد واكف وره الباب صافن عليه فاك عينه

ها يابه شبيك

يابه ليش تنطي لعمي هو ميكدر يشتغل هسه شون راح تكدر تدفع اجار وانت ماعدك هالشهر

جريت نفس ولميته بحضني بعد شوي يوصل بطولي باوعت لامه ابتسم خايف على ابوك حمودي

يابه واني منو عدي غيرك اني مرتاح هنا ماريد ارد بيت جدي

لابويه منرد لتخاف حبيبي انت العليك تقره وتوصل تعينني بكبرتي واني عليه اذوب دم كلبي واوصلكم وماقصر عليكم

نصه على ايدي باسها ابتسمت امها وتلمست شعره الا اني خنكتني عبرتي

من يومها واني حلفت اخر مره اخر مره احير باخويه او اي احد غير جهالي. وامي ومرتي

مليكه صارت صف سادس

واحمد صف ثالث متوسط

وامي بدت عافيتها تروح سكرها تعللك وحرت بيها علاج وابر وكشف كل فتره سنه ال٢٠٠٣ نطو انذارات الحرب واني الم واجمع وراجح ويايه شايل هم

راجح عده تجوه اله اني منو الي

ولد عمتي خوال ولد راجح شغلو ولدهم قاسم وخليل لان تركو المدرسه لان ديرسبون بيها

هالسنه قبل الحرب بشهر واني مسيطر ومجمع خوش تجميعه وحصنت الشبابيك خوفا من الضرب وحضرت جوه الدرج

وطلعت اني وصبحه نتسوك يابس وحمودي ويايه. وبقيت مليكه عد امي

واحنا نتسوك وهوسه السوك العالم ميته خوف مرتعبه من الجاي كلها تكول حتصير حرب داميه وخايفين منها

دااشيل الغراض واوكف تكسي صبحه ورايه لافه العباه على وجهه توني امد ايدي واجه ابو ماطور بوجهي عرفته من مشيته ممسيطر عالماطور او ميعرف رجعت ليوره طيته مجال والتقدمت عني صبحه ماشوف اله الماطور وكف بيها جان بسرعته ووكف بيها بببطنها ووكعت

روحي انسحلت سحل اريد اشيلها احمد يصيح يوم شلناها اباوعلها تريد تجر النفس متكدر

الناس التمت واحمد لازم ضهري

صبحه باعيلي يابه واعيه عليه

زركت شفافها وغمضت

شلتها ونفس التكسي صعدت بي وعفت حتى المونه ارتعش بحياتي بحياتي مخفت هالخوف هذا ابويه نزلته بكبره بيدي مخفت هالخوف

متطمن عليه قرانه وصلاته توكفله ركض للمستشفى وهي مواعيه عليه اخذوها مني بوكتها مستشفى الكرخ وطببوها طواريء راسن واني صافن عليهم

باوعلي احمد

يابه امي حتموت اخاف محجت ويانا كالها وبجه حضنته

لايابه لا انشاء الله مبيها شي

شوي وجابو الولد ابو الماطور راسه مفتوح ويركضون بي طلعت نوبه صرع عده وجاييته الحاله خطيه

اريد اطب وياهم للطواريء ميخلوني روحي فرفحت لا طلع دم لا ابد كلشي مبيها هسه اخذها وارجع.

شوي وطلع الدكتوره مدمه باوعلي كال

انت وي المره الجابوها هسه

صفنت عليه تقربت منه هزيت راسي ساكت كال

روح تبرع دم وجيبلي ورقه وتعال بسرعه

ششنو الصار دكتور

كلاتها تمزق بيهن والرحم متضرر عمليه ربع ساعه ويجي الطبيب عمليه فورا

فكيت عيني كال

امشي ابويه روح بسرعه

بقيت اباوعله صافن مدري شسوي اول مره احس روحي وحدي

كال

هاي تحاليلها شبييييك معوود اصحه وياي وياي خليك

بلعت ريك وجتي الدكتوره باوعلها كال دكتوره عالطواريء فدوه احاله فوريه عالعمليات مره حامل شهر ونص واندعمت الكله متمزقه والرحم متضرر نزف مديوكف

صفنت احس روحي مو اني بس دااتفرج على مصيبه واحد اسمه سلمان

الدكتوره باوعتلي كالت

وقع اخي عالعمليه واني خايف ايدي ترجف

معود وكت ماعددي بسرعه وقعت وطبت راسن

الرحم متضرر لازم ينرفع نوقف نزيف المريضه حامل شهر ونص امشي واحجي وي روحي تركنا المانع صار اربع شهور وهسه حملت جان عاجبها تخاوي حمودي ومليكه لان سيطرت عالبيت والجهال والمصرف

هنا وكف كلبي ورجع نبض من ركزت زين فززتني بجره ايدي بيد احمد

يابا فدوه امي حتموت يابه روح جيبلها دم

وركضت وماحس بروحي بطلين تبرعت وركضت بالورقه وارجف

واتذكر حجايته الطفل وكع جانت حامل. جانت حامل. يربي بس تكوم بسلامه كلشي ماريد

ربي اني مسني الضر وانت ارحم الراحمين --

يتبع

مريم السعدي

المنطقه 13

البارت9

للكاتبه مريم السعدي

............🍁............

سلمان-

رجعت من السحب امشي سريع وبيدي حمودي اخاف افقده هو هم خابرت من تلفون المستشفى على بيت جوارينه ام ماجد وكتلهم بلغو راجح اني بفلان مستشفى يروح لامي ياخذها وي مليكه

رجعت للردهه البيها صبحه بالعمليات واكف والوب ساعه مرت حيل حيلي انهد وحمودي بالزويه حسه مطلع. اباوع لشفافه تتحرك ودموعه تجري عبالك ذكرتي بالتلاوه وكعدت اقره باللي حافضه من القران وانخي الله والرسل واهل البيت رفعت راسي الباب انفتحت والدكاتره تروح وتجي وكفت فاز طلعت الدكتوره باوعتلي وجرت نفس همست

الحمد لله عالسلامه عدتها سلامات بس تره كلاتها متاذايه حيل

ييعني شنو دكتوره فدوه

كالت

شوي ارتاح وتفضل للعياده هنا بنهايه الممر

ممنون منج يابه مقصرتي

حمودي وكف بصفي لزم ردني وطلعوها بالسديه والله لو تدرين يابعد روحي شعرج مبين. جان كلبتي الدنيا امشي وره السديه واغطي بشعرها ودموعي تجري واحمد يصيح

يوم تسمعيني. يممه اني احمد حمودي

وصلنا لرده بينهن بردات ودخلوها بوحده منهن وسحبو البرده وكفت يمها فكت عينها بصعوبه باوعتلي وتعلس نصيت بست راسها وشميت عطرها

ياعمر سلمان انتي

مليكه

همست بتعب

بالبيت دزيت راجح ليضل بالج ارتاحي

شنو الصار

مامو شي حبيبه ارتاحي عمليه سوولج خيطو شك الماطور الضربه مالته

رجعت غمضت ونامت وترتل بشفافها وهي بنومها احمد اجه كعد بصفي جريته لحضني

لابويه ماريد

نام بويه على جتفي

لالا يابه شنو صغير اني

لا رجال بعد ابوك رجال وسسبعع

نصه راسه عدلت شعره بعد راسه يضوج واحد يطوخ اهتمامه بي يضوج يتدلل مثل ابو ابتسم وطلعت فلوس من جيبي

كوم يابه جيبلي لفه الي ولفه الك من المطعم جوه

زين وامي

امك متكدر تاكل شي هسه روح حبيبي

نزل شوي وجاب واجاني راجح يهف

باوعلي عيونه مفتوحه كلها ونزلت دموعي باوعلها وعض شفته حضنني همس

شلونها بروح ابوك

زينه يكلون زينه بس كلاتها مزينه

انطيها كلاتي ولك هاي صبوح

خل اشوف. اني اتبرع بس خل اشوف الدكتوره شتكول

كوم هسه نزوحلها وينه ابو شهاب

ديجيب لفات هذا اجه

ها عمي شونك سباعي

زين عمي الحمد لله عمي مليكه بحوشكم

اي عمي ليضل بالك

زين ببيتي يمها

عكد حاجبه راجح باوعلي ابتسم

يول هذا يخاف على اخته ههه

غير اخته شبيك راجح تره كبرو صارو زلم

اي والله شفت

عفنا احمد بعدما طمننا على امه وطبينا عالدكتوره وبدت الحجي كالت

تكدر تعيش بتك بس تدير بالها لان عدها التهاب بيها قوي وواصل للكله راح انطيها علاج التهابات بالاضافه الى غسل كلوي كل اربعه شهور ضرروري

صار دكتوره ووشوكت تطلع

بعد بعد فد ٣ ايام نتاكد النزيف ميرجع ومكان الرحم تره. حيل ياذي لازم مسكنات قوي تحت اشراف الطبيب

صار تومريني بشي

روح الله وياك مشافاه انشاء الله

رحم الله والديج

دااطلع شفت راجح طلع من جيبه صفطه ام الربع خلاها بيدها تطلع عشره الاف دينار وهي مقبلت الضاهر متقبل خطيه حتى اكراميه وضل راجح يتوسل اكراميه مقبلت شيلها وروح جلبت اخذها وضل يتشكر

طلعت ورجعتلها وبقينا يوم يجر يوم و٣ ايام ورجعنا

لحد الان متدري رحمها مشيول واخاف احجي

رجعنا بيت اهلي كبل عبالي نبقى ترتاح وجه مروه. ميشجع وصبحه دقيقه مقبلت تضل رجعنا لحوشنا بس فاتت رجت راسها على كتفي وهمست

لله الحمد

حمودي ضحك وباس راسها همس

يممه تحبين حوشنا

يوم روحي ترفرف هنايا. حيل احبه هنا لكيت راحتي نفس روح ابوك هالبيت وانه روحي بابوك وبي

ملوكه تبوس بيها وتنزع فوطتها والعبايه تعلكها.

من يومها ملوكه احسها كبرت عشر سنين.

رغم ماكنت تعلمها عالشغل والطبخ بس من يومها صارت هي لازمه البيت تنضيف وطبخ وتروح وتحي سريعه وهميه. مموتتني ايدها من تجلف النهار كله

لج يابه عوفي ميطلع

يابه ماكوش ميطلع اكو وصخ مايطلع. يطلع غضب عننه يطلع

ماعدها حل وسط لو وصخ لو نضيف. واني اشوفها اتاذه اخاف عليها حمودي لزم عني المسواك واني رديت لشغلي لان مبقه عدي ولافلس

علاج صبحه كلش غالي وبلشنا غسيل كلوي كلتها فد نوب حالتها متازمه. وبلش الدمتور بالبدايه بالسبوع ٣ مرات نغسلها كل غسله ٤ ساعات تطول وتتالم بيها

انلعب بيها طوبه ومن ترجع تنام وتكعد تكوم عالبيت تهجمه هجم تكربه كرب

يابه عوفي ارتاحي

وداعتك ارتاحيت خليني

واعوفها براحتها

بلشت الحرب ودكت الغاره وكعدنا ببيوتنا وانربطت همزين الله مشتري كميه علاج الها بس حرت بالغسيل شلون

جننا ننجمع كل يوم المغرب الضرب مشتغل واني احجيلهم قصص وحتى صبحه تستمع وياهم ونوبات. امي تقاطعني مصححه

لا ابو احمد موهيج هيج

ها اي صح مثل مكالت بيبيتكم

احمد كان جدا واعي ورزن من يستمع واحسه يفسره بداخله بالذات بقصص الانبياء والائمه جانت دوما اسالته غريبه ومن منضار يختلف

ومليكه اسالتها تدوخ لازم احجي هواي يله توصللها اكبر من عمرهم

مليكه من عمر ٥ سنين تصلي صلاه الليل وصلاتها الواجبه والادعيه والنوافل احمد كذلك.

من يومهم ماتركوها ابد كان احلى منضر لمن نتحضر للصلاه ونصلي كلنا ويصلون ورايه جنت اكوم واشيل سجادتيي

وهمه ينسطر ن بصف امهم يكملون الادعيه بعد الصلاه

عجيب ماملو. ابد عجيب. اطفال بكدهم يضوجون يحبون يلعبون تتعب امهم من تعلموها ابد. ابد استمروا عليها

ومن يشتد الضرب نلتم جوه بالفراش الجوه الدرج. بيتنا كان قريب. عالقصور مال الريس وكلهن اكلن قصف واحنا وياهن

ميحمينا غير دعوه امي والدرج والجهال يخافون

فجاه بيوم من ايام الحرب الصبحيه وعرفت صبحه بالصدفه. بانه رحمها استاصلو. لان العاده كطعتها.

استغربت وكلسا تكول خاف اني شايله ليش مدتجيني

من غير الالم التاكله. ليليه من يفك المسكن وتكولي ليش اسفل بطني يعذيني السالفه صعبت مكدرت اكوللها حدما. صباح ذاك اليوم كلتها بهدوء ولازم ايدها

صبحه هذا امر الله والحمد لله عدنا بنيه وولد،

شكو سلمان فدوه جفلتني

والله انتي عدي بالدنيا كلها والله من رجعتيلي كانما انولدت من جديد

سمتت ودمعت عينها

همست واباوعلها

رحمج استاصلو لذلك انكطعت عادتج وهالشي تره مياثر. عادي الحمد لله. عدنا جهال

اني كتلها هيج. لو وجهه انترس قهر وتبجي ومتكدر تسكت صامه حلكها تخاف يسمعون الجهال حضنتها واهدا بيها وهي تشهك حدما غفت بتعب كانت بسرعه تتعب وجهه على غفله يصير ازرك. وشفافها رجلها تورم نوبات ورجفه بضلوعها تصير والم

بصدرها وكلبها

والمسكن ماعدي غيره مستشفيات حاله حرب وين اطلعها. واوديها. عالعلاج وبس يفك الوضع اوديها مع العلم وديتها وكالولي. الاجهزه موجوده بس الاطباء موموجودين ورجعت بيها للبيت. الشوارع فاارغه. والناس ميته خوف من الجاي

والصحافه تكول ماكو امريكان واحنا نسمع صوت الضرب والدبابات تمشي تهز الكع وبيوتنا المطكطكه

مليكه يابه تكلين الكباب

كليته يابه جاي اسوي الطماطا

احمد- لجعيها زين مليكه

صار بعيني

وصبت مليكه وانلمينا ناكل صبحه بتعب خبزت وتقربت يمنا ذبته ونزعت دشداشه الخبز شلت ايدي وكعدت عدلت شعرها وره اذنها ابتسم

باوعتلي ونصت عرفت عدها الم من تتالم تتهرب من عيوني

همس بذنها،شيوجعج عيني انتي

شوي نفسي

ارتاحي وره العشا

خوش

كنلنا عشا وغسلت ومددتها بالحوش عالجودليه والعب بشعرها طلعت اني بالعوجيه سكرها اثر على رجلها ومشيتها ومفاصلها خليت راس صبحه على رجلي بحضني وانسد بشعرها غمضت كام حمودي وجاب جرجفف خفيف غطاها وباوعلها

شيوجعج يمه

مايوجعني يوم مابيه

مليكه تكدرت وافترت خلت راسها بحضني عكس راس امها ورفعت راسها تضحك ابتسمتلها وكعدت امسد براسها همين ايد منا وايد منا

حبي وكلبي بحضني باوعت لاحمد

عدك هيج راحه

ربي يخليهم ويخليك النا يابه

فدوه لحلكك ابو شهاب

جنت اصفن عليه غريب والله العضيم لافد يوم تناكر وي اخته لا فد يوم تصالف وي احد بالبيت لو بره البيت يا الله خاف يطلع جبان وتذكرت. روحي اني جنت هيج ليش استغرب هاي البحضني الصغيره اوكح منه وتتعارك وياه اذا عاط بيها ويسكت عنها يعوفها راسن ونفس الوكت تخاف من زعله لايزعل لان اذا طنكر هاهي بعد امر من ابو

ايام. الحرب والضرب.

واشتد الضرب واني اعلي صوتي حتى ينتبهون ويايه. واقص بهالقصص ويوميه مليكه تختار قصه جديده بابا احجيلنا قصه نبي ادم اكو واحد يتزوج اخته

ومنو كال اخته يابا

احمد- يابه هو مو اكو عده احاديث انت مره حجيتلياها

اي يابه اي

واشتد. الضرب

اسمعو باوعت لصبحه رفعت عينها باوعتلي تسمع وامي تباوعلها بقلق صافنه عليت اللاله وحجيت

النبي ادم عليه السلام وتصيت على مليكه الصغيره تبسمت كرصتها من ارتبه انفها جرت ايدي وباستها

اكو احاديث ثنين باوعت لاحمد اكو حديث تفسير لابن كثير

واكو تفسير للامام الباقر. عليه سلام الله

واحنا مكننا بزمنهم لذلك نتقبل الرايين ونحاول نتقبلهم. ابويه الله يرحمه يكول. كلمن دارس ومفسر. والرايين مقبول بفقهاء الدين

الامام الباقر عليه السلام شيكول

يكول كلما كانت حواء تخلف ولد ينزله الله من الحور العين زوجه اله حتى يتم التزاوج وهكذا تكاثرو

وابن كثير شيكول يكول كل ماكانت حواء تحبل تحبل بولد وبنيه. فكان يتزاوجون الولد من هالبطن يعني شك التوم وي توامه البطن اللي بعدها وهيج تم التكاثر

مليكه- يابه لعد عليش كتل اخو

يابه مو. اكو روايتين

اي يابه فهمت والله

وشبيج بابا ههههه

مو دارد اعرف

اي هسه راح افهمج ههههه حضنتها جرت روحها مني ضايجه وحجيت جانو خايفين متوترين واني ومحاولاتي بالتخفيف والالهاء فشلت بس استمريت بالقصه.

يكلون لمن حملت حواء بقابيل حملت بتوام اله اسمها ترك الحوراء هيج كان اسمها

اي

كالتها وصارت ضربه فزيت باوعت للدرج تساقط منه رذاذ التراب غمضت وهمست بداخلي دخيلك ربي احمد لف ايده عليها باوعتله مليكه. متفاجاه يمكن اول مره يسويها باوعتله بفخر ابتسم همس

كمل حجي كمل امي خايفه تباوع همست

سلمان خاف ينهد البيت علينا

كولي يا الله حجيه

باوعتلي مليكه

كمل بابا حتى ماخاف

صار ملوكه

اول مره حملت بقابيل وترك الحوراء بعدين. ووراها حملت بهابيل وتوامه جهينه اللي كانت من اجمل جميلات الارض والسماء

والروايه الثانيه تكول انه موتنزل وي كل ولد حوريه تكون اخته نزلت وي قابيل ترك الحوراء ونزلت وي هابيل جهينه

فبعد فتره من كبرو خاف عليهم النبي من الفتنه فكال لقابيل اني قررت ازوجك من جهانه وازوج هابيل من اختك ترك الحوراء

وقابيل رفض كله تزوج اختي الجميله اله وتنطيني اخته القبيحه فالنبي كلهم. هذا سهمين وهذا موضع السهم واحد. باسم اجهانه وواحد باسم ترك الحوراء الللي يخلي السهم ياخذ الاسم اليطلعله

وتزوج هابيل ترك الحوراء لان اصاب السهم بامر . الله الله رايد هالشي

بس مكتله

صبر يابه

اي يابه دكللي موتعبت اريد اعرف

ههههه خلي يصير عدج صبر يابه باوعلت لصبحه نامت مرجيه راسها على دبه الطرشي اللي عليها الكوشه مال خبز غطيتها وجريت نفس وجهه حيل تعبان وكملت بنغه مليكه الصغيره الي

يابه يابه

ها يابه اي واكو روايه اخرى تكول النبي كلهم قدمو قربان لله واللي يتقبل الله قربانه ياخذ ترك الحوراء

وقابيل رفض كله تزوج اختي الجميله اله وتنطيني اخته القبيحه فالنبي كلهم. هذا سهمين وهذا موضع السهم واحد. باسم اجهانه وواحد باسم ترك الحوراء الللي يخلي السهم ياخذ الاسم اليطلعله

وتزوج هابيل ترك الحوراء لان اصاب السهم بامر . الله الله رايد هالشي

بس مكتله

صبر يابه

اي يابه دكللي موتعبت اريد اعرف

ههههه خلي يصير عدج صبر يابه باوعلت لصبحه نامت مرجيه راسها على دبه الطرشي اللي عليها الكوشه مال خبز غطيتها وجريت نفس وجهه حيل تعبان وكملت بنغه مليكه الصغيره الي

يابه يابه

ها يابه اي واكو روايه اخرى تكول النبي كلهم قدمو قربان لله واللي يتقبل الله قربانه ياخذ ترك الحوراء

قابيل كان مزارع

وهابيل راعي

شسوه هابيل

شسوه يابه

نطه اغلى شي باغنامه واحسنها قربان لرب العالمين

قابيل نفسيته مو نضيفه نطه ارخص شي بالزرع مالته شعير فاسد

الله. باذنه حرك شعيره بنار نزلها من السماء

وتقبل. قربان هابيل لان نيته سليم مولان افضل شي لا بس النيه السليمه اللي يريد ينطي احسن شي لرب العالمين

اي يابه

فتقبل قربانه

الحسد خله اخ يقتل اخو هابيل مرضه كله اذا مديت ايدك تريد تكتلني اني ماامد ايدي واكتلك تالي قتله وضل شايله يفتر بي ميعرف شيسوي محد ميت قبله ودافني ميعرفون عاد شاف غراب يدفن غراب ميت وسوه مثله

كملت وصارت ضربه كلش قويه كسره الجام لميتهم لجوه الدرج وهدات تقريب العشر دقايق دكت الغاره تعلن انتهاء الضرب وتمددنا واحد بصف اللخ الف مره قريت الحمد ونمت ساعه اكل بروحي امول ليش مرحت للخالص وي راجح. ساعه اكول لا ماعوف وين اروح بكل مكان حرب امي منامت بس اسمع همس قرانها

حسيت الفجريه وي الوذان واباوع صبحه مقرفصه كمت صليت خفت اكعدها شتغربت مكعدت بس كلت خليها مرتاحه خطيه توه خف وجعها. نامت داصلي التفتت ملكيتها شفتها طبت الغرفه وهم مصلت تمددت بفراشها

رحت يمها

صبوحه عيوني شبيج متصلين

لالا اريد انام

ها كيفج

جيت انام يمها همست

روحي يم الجهال خطيه يخافون

واعوفج وحدج امشي. يمنا

ماجاي ارتاح عالكاع معلمه عالدلال معلمه عالجربايه سلمان

ابتسمت نصيت بستها من راسها حسيت كصتها ثلج

صبحه شدتحسين

ماجاي احس بشي

كصتج ثلج غطيتها واباوعله ترجفين صبحه

اي شوي كامشتني البارده

لفيتها بحضني كرمشت جفونها

همست

اول عشك مر بطوايف روحي

اول نضره خلتني اسهر الليل

ابتسمت

حتخليني اشوط تره دير بالج مني ولفيتها اقوى وابوس براسها

انه بس ارد اشوفن انه شسويت والله عطاك ليه

نيتج صافيه

يعني لون ضاله عد ابوي ماجان صرت نفس اوخيتي تدري انه خليفه عليها

شسشش

والله خايفه عليها من باجر خايفه تكف بين ايدين رب العباد وهي مفتشله سلمان شلون

حبيبتي عدها عقل وتفكر بي

شكد كتلها وتوسلت بيها فد تهز راسها ماعاجبها

الله كريم

تحجي وترتجف غطيتها غطه لخ

سلمان انه صرت بنيتك وحبيبتك ومريتك تعرف ليليه اذكر ابو علي ابو الملك بصلاه الليل عبن عده تعرفت عليك

انه تعرفت عليج بطيفي

عاد انت طيفك ولايغلط

همستها ولزمت وجهي وعصرت روحها

شيوجعج ابويه لتخبليني

لا مامش وكامت فاتت للحمام شوي ورجعت جنت احسها تمشي ببطا

حبيبه ليش هيج تمشي

حتى مايوعون علي

ورجعت نامت يمي غفينا واحس كل شوي تتقلص بحضني وترجع تفك وترجع تنام صباح اليوم ٨-كعدت الصبح روحي ملبوجه وصبحه نايمه غطيتها زين تذكرت من بدايه زواجنا اعوفها دفيانه واطلع وطلعت اجيب دبس مليكه قبل يوم وصتني وامها مسوت هالصيف وملحكت تكبس بسبب مرضها اشتريت ورجعت طبيت حضرت الريوك وحمودي ويايه يساعدني مليكه واني وصبحه نايمين روحي ترجف مدري شبيه اشتغل وبالي يمها

هسه افوت اوعيها

هسه اصيحها تاكل ويانا وازين بالماعون البيض والبتيته هي تحبه هسه تكيف من تشوف الصينيه

كملت وكعد احمد اخته وببيته واني طبيت

صبووح

صبوحه كومي سويتلج ريوك ----

يتبع

اشرقت شمس قصتي بالمغيب لكن ماان تغيب حتى تشرق غيرها غدا

االايام الجايه ناخذ كامرتنا ونسافر للمنطقه ١٣ فتهياو للسفره

منكم واليكم

مريم السعدي

منطقه 13

البارت 10

للكاتبه مريم السعدي

............🍁............

------ مليكه --

يابه. كوم ردنا لبيتنا. مااكدر ابقى يوم هنا بعد تعبت اريد ارجع لبيتنا اريد ارتاح

يابه وين اخذج تبقين وحدج. بالبيت اني اطلع الصبح ارد بالليل شون تسيطرين عالطبخ البيت تكدرين

اني وبيبي بالبيت اي اكدر امي الله يرحمها علمتني

ماشي يابه براحتج اني علمودج.

طلعنا من بيت جدي. ورجعنا بمجرد ان دخلنا بالباب كلها انعادت.

............

صبوحه.

صبوح

دكومي ياعيني شون بيض وبتيته سويت

تقرب ابويه يبتسم من امي النايمه بعمق وراحه مدينا راسنا اني واحمد نبتسم اول مره من بعد دعمتها تنام هيج براحه واول مره نكعد قبلها

تقرب ابويه اكثر وخر الغطا وصفن هز امي وباوع بقلق قرب وجه يمها صرخ

صبحههه

فزينا اني واحمد باوعلنا فاك كل عينه ونزل رج خله ايده على كلبها خضه بقوه شالها من كتفها

صبببحه جاوبي جاوبي جاوببببي

يشيل ويردم بجسمها

اريد افوت للغرفه ثكلت رجلي احمد كعد على ركبه صرخ

يابه امي ماتتتت جاوبه ابويه بعصبيه

لالا لتكول هيج

لايابه ماتت كلبها ديدك

بقه ابويه صافن عليها بيده جسمها وراسها مايل شالها وخله عليها العبايه وطلع للشارع يركض

بحاله اول مره اشوف بيها ابويه هيج امي وره مرضتها ضعفت حيل وابويه شايلها بيدي عبالك ورقه يروح يمنه ويرجع يسره ويباوعلها ويضغطها على صدره تالي ركض بيت الدوشمجيه صيح

صلاااح صلاح ابو جاسم الحكلي

طلعله واني صافنه عليه بالباب انشدهنا احمد ركض لببيتي اللي راسن كامت تلطم وتصيح وطلع ابويه بسياره صلاح اللي مشه مالف من يم باب بيتنا بقيت كاعده بالدرب صافنه

هسه تجي

هسه ترجع يسوولها عمليه وترجع

هسه بليل لو باجر يجيبوها

بيبي تخربط واحمد طلع لبيت جوارينه يخابر عمي المشكله خط ماعدنا هالبيت من اول خط تلفون مبي رغم بي النقطه بس خربانه

اجه عمي اخذنا واني كوه طلعت لحد الان ساكته بمجرد ان طبيت بيت جدي وصرخت عمتي مروه

يبو

فزيت تحضن بينا وتصيح

صرتم يتامى

رعشه سرت بجسمي ورقيه صافنه عليه حتى قاسم اللي قبل يومين ضربني على ايدي لان مخليه اصبعي بحلكي امصه لان رغم ماكبرت وصرت صف سادس بس من اصفن بله مااحس اصبعي الابهام يصير بحلكي وارجي راسي واول شي يجي ببالي

امي

طلعي اصبعج يوم عيب صرتي جبيره

واطلعه راسن واباوع حواليه خاف احمد لو ابويه لو حتى بيبي تشوفني واخجل.

جان هذا سري الوحيد

بوفاه والدتي كمت اسافر بخيالي هواي وانيى روحي والداير مدايري رغم البيت مال جدو هوسه ولغوه وصياح خاله مروه. بس الكه روحي انقطع من العالم الخارجي من اصفن بملامح امي وارتجي واصبعي بله وعي يصير بحلكي وارجع ذيج الصغيره اللي تنام بحضنها على ريحتها وصوت تجويدها الهاديء واغفه

ايام مرت

ولبه والدي طلبي

والدي كان افضع من عدنا بحزنه. تعبان حيل والحزن اكل بي ساعه يكول بسببي لو مماخذها ويايه للسوك

ساعه يكول لو طالعين للخالص يمكن اكو مستشفيات

ساعه يكول

محافضت عليها مشبعت منها

احمد بس ساكت وبليل بعد ما الكل ينام اسمع شهكه انفاسه اتمنى اتقرب منه واحسه وابجي بس مكدرت اسويها.

اخجل منه ويخجل مني

ميحب يبين ضعفه. كدام احد ولا اني احب يكولون عليه خطيه يتيمه

بعدني بقوتي

بعدني بحيلي.

اريد يكولون مثل امها سبعه خلي بالليل ابجي وانهار بس كدام مرايتي بس مو كدام احد. جنت كلما انهار واحس روحي اختنكت افتح سجادتها واصلي.

ساعات.

قران وتسبيح ودعاء امشي على طبكات كتابها كملت ختمتها اللي باديه بيها وهديتها الها

مشكلتي بس

الجهل

مجنت اعرف اي شي يخص الانثى

ملحكت امي . تعلمني. اي شي

وهاي راحت ذاك الوكت جنت احس روحي ممحتاجه احد وامي علمتني كلشي متوقعت اكو عالم كامل اني اجهل عنه اي شي

اعضائي التناسليه. والانثويه. جنت اتوقعها للادارار فقط وللرضاعه بعد ما. يصير عدي طفل

متوقعت بيوم حتجيبلي الانضار متوقعت بيوم. حتكون. نقطه استغلال الي

ورجعنه للبيت بدخلتنا والدي تخربطت ملامحه

تاذه حيل وطب راسن للغرفه ببيتي مكدرت تسكت بقت تبجي هواي واحمد طب للغرفه بقيت بمطبخها باوعت عالمصفي

على جفيه ايدها باقي صار اربعين يوم مكلوب على الميز الصغير يوشل منه المي.

والخواشيك مصفطه على المحرمه تنشف حتى تصفطها بالجرار

رتبت وعدلت البيت ولثاني يوم الفجر يله طلع والدي من الغرفه عيونه حمر دم والضهر محني احمد محس على صلاه الفجر وكفت وره والدي وصليت. لكن من سجد كطع الصلاه وبجه بقهر.

واني انهاريت وياه.

بس الفرق كان

هو بصوت عالي

واني بس دموع تجري

صاح بصوت ناصي

والله مداكدر شون يربي بجاه. اسمائك. صبرني

ورجع عاد الصلاه واني وراه حسي مطلع كمل صلاته وكام فات الحمام وطلع همس

ملوكه بابا

نعم بابا

تسوينا ريوك حبيبتي وخله ايده على كتفي يباوعلي وجهه احمر

هزيت راسي

اي بابا سلكت البيض

اجيب خبز وارجع

اريد صمون ابو السمسم

يله تدللي حضري الصينيه حبيبتي حضريها ام البيت وجر نفس دك باب غرفه احمد طلع احمد راسن كال

اني حروح يابه لتطلع ارتاح

بقه بابا يباوعله وهو يجر الحزام يفره على خصره باوعلي

مليكه تيشرتاتي وصخه.

اااهسه اغسلهن

ارجع الضهر. احتاجها مليكه

اي والله اغسلها

ديله محتاجه شي للبيت بعد

لا هاهي

باوعله ابويه مستغرب

منيلك فلوس بابا

نصه راسه ورجع رفعه

دااشتغل وي خليل حجي

فك حلكه ابويه صافن

اول مره يكلها احمد

حجي--

كل مره

يكول يابه

خليل ابن عمي راجح سبع احسن من يحيي ومنصور وقاسم ويشتغل وي خواله. بالعماله هم وراح وياهم احمد كم مره

ابويه جان يطلع الصبح يجي بليل اني شبعت ضيم بيت جدي

تسميع حجي من خاله مروه

-- كوم لحم فوك لحمي جايين منين نصرف هو بيت جنه كن الدجاج وين انيمهم اني عدي شبابب

واني اغلس واكول ابويه ميكدر بعده متاذي

ويوميه الكرب والتنضيف من غير الرزايل ورقيه كلما رزلتها امها تكولها مو اني هاي مليكه وتجي عليه متقصر

بالبدايه كانت تستخطيني مر سبوع واشتغلت رحمه الله

مشكلتي مو يمهم مشكلتي من هذا الحقير يفوت من يمي يكفخني على ايدي لان سارحه واصبعي بحلكي

لو يخزرني من مااجاوب من يسالني

انت شعلليك مني

كم مره سال

وين حتنامين

واني مارد عليه

اخوج وين

ماجاوبه

تخبل

هومنا مدري على شنو شايخ من صغره حقير

لذلك كلت لابويه نرجع

ارتاحينا كلش هنا بس ابويه ديذوب كلبه. الم واشتياق بيبي رجلها فد نوب راحت حارو بيها اطباء ماكو صارت تزحف دتروح طبيب وكلما اجي يمها بليل انام تضل تقره براسي القران وتمسد بشعري اامن وانام

نوبات اكعد الصبح الكه ابويه نايم يمنا وايدها على صدره وتفرك بي وتهمس بالايات من افز تهديني وتحجي صوت ناصي

ماكو شي يوم اجاني مخنوك وهسه نام ارتاح

واهدا

احمد شوي شوي سواله كيان اله خاص بي بس كان كل اسبوع ينطيني اسبوعيه. اخذ شهاده الثالث وصار بالرابع هالسنه صار السقوط وتغير الحكم هواي شغلات تغيرت وابويه دخل التلفزيون يمكن احنا الوحيدين الماعدنا تلفزيون لان امي كانت تارسه وكتنا صلاه ووالدي بالقصص والدراسه

خله ستلايت وتلفزيون بغرفه بيبي وكمنا نتابع مثل مجننا بيت جدو

رغم هالشي اني مااحب اباوع هواي جنت الكه روحي من اغسل هدوم راجح وابويه وبيبيتي واحس امي راضيه عني احس اريد اكمل رسالتها

واني طفله عمري١٢ سنه ودخلت ب١٣

نجحنا ثنينا وبالعطله قرر احمد يسافر للديوانيه وابويه خاف عليه

وين يابويه وين رايح

اشتغل وي صحباني حجي مو صغير اني

يا ابويه دضل يمي ونروح ونجي سوه

لا اريد وي الولد لتوكفلي عارض فدوه رحتلك تره اني هنا ميت والله العضيم. خليني اهجج

صفن ابويه عليه وكعد لزم راسه واحمد يتوسل ومخلي ايده على كتف ابويه

حجي خليني اكون نفسي اريد مثلك اصير ومن تكمل العطله اجيك ومجمع كم فلس واكمل دراسه واني والولد هناك بيت خال صديقي عده بيت وعده ولد واحد ننام بالديوانيه مالتهم ومن الصبح لليل بالعماله فدوه حجي ارضه وخليني اروح مرتاح

ابويه مكال غير كلمه وحده

عليمن انتجي اني ابني

احمد قرفص كدامه

ابو احمد. اجيك كل اسبوع وارجع. خليني  اشتغل يابه

ودراستك ابني دراستك شون

ابتسم احمد بحنان لابويه لزم راسه باسه

بويه بس بالعطله تاج راسي

هز راسه ابويه وغمض ارتجي على يده الكرويته وعدل الكوشه. كال

الله وياك.

راح احمد وبهالفتره هاي. اكتشفت شي جديد عليه. اكتشفت حب ابويه لاميي ورقه ورقه انكشفت. جانت تمر ساعات المغربيه اطفي التلفزيون ونصلي نكمل يتمدد ابويه عالكرويته وراسه رافعه يباوع للسكا الطالعه من كشفه الحوش. النجرم التوها. تلمع لان توه الليل يليل.  وبيبي متمدده عالسجاده. وتقره قران وتنود بجسمها

على غفله يبتسم ابويه وعيونه عالسما

شبيك. يابه

لايابه هيج

يابه تذكرت امي

يبتسم اكثر وعيونه تغمض متنهد ويبدي يحجيلي.

يابه شون تعرفت عليها

حجالي القصه كلها واني اتخيلها بعيونه الذايبه. حنان واشتياق وبيبيتي تستمع ويانه وتذكره بمواقف ويرجع  يبرر ويكمل كلام

جننا نضحك عالمواقف التضحك نحزن بالمواقف القاهرها بيها وتدمع عينه. حجالي شكد فرح بيه وباحمد وشون حلم. قبل مايتزوج وتحمل امي  بينا.

تقربت من والدي  حد. العشق. كمت مااكدر انام الا يجي ينام يمنا بالغرفه. واخجل اروح لغرفته ادك الباب اكوله تعال نام بالغرفه يمنا اريده من وحده يجي ماقلق راحته

واستمرت قصصه عن الانبياء والائمه. تاسرني. علقتني بربي بروح امي وبرسولي والائمه.

بيت عمي. مرحت بعد ولاوصلت. وعمي يجي كل اسبوع. يمنا نوبات حتى يبات واني احير شطبخ. نوبات مالح نوبات ماصخ ونوبات حبايه التمن واكفه. حسهم ميطلع. ويثنون عليه. وبيبي باسلوب رطب. مياذيني. تعلمني حتى بعد الغلطه متتكرر

احمد غاب شهر وابويه انقهر منه حيل هالفتره نزلت الموبايلات. بس غاليه بعدها. الارضي صلح الخط مال بيت ابويه النا يكول حتى يخابر عليه احمد

واخيرا رجع

بس انفتحت الباب الصبح وصوت سياره و واحد بالباب يحجي

ابو شهاب هاي علاكتك

اي اي مروان الف رحمه على اهلك

ووالديك يابه هاي هي الحمد لله عالسلامه

فيماللا الله وياك

احمد!!

هذا احمد والله احمد. وكمزت من فراشي شعري منكوش وشعلاته وطويل حيل وركضت لباب الحوش وخرت البرده احمد منصي عالجيس ديسد الباب برجله.  رفع راسه ابتسم من شافني

وركضت عليه

جانت اول مره بحياتي احضنه.

بجيت باشتياق وهو لاف تك ايده عليه ويتنفس سريع. شوي وشهك يبجي. وراسن سكت روحه

شتاقيتلك. والله كثر ممشتاقه لامي

يهز راسه منصي عينه ابتعدت عنه اباوعله احس حتى لحيه صار عده عبالك كبر عشر سنين مو شهر

تعال تعال فوت

ابويه طالع ؟

لالا نايم لساته. اليوم ماعده شغل.

ها ببيتي وينها

نايمه تعال فوت

شونكم انتي شونج زينه

،اي اي الحمد لله

اباعله واعدل بقميصه. ياخته وردنه المعقجه. ابتسم. ورجع تقدم حضنني بهدوء واني بقوتي كلها جريته.

شكصرج. ولج شوكت تطولين.

مااطول هو اني دبه. وانت عامود

دحضري ريوك هاي جايب لبن من الديوانيه. حضري ريوك لبينما ما اسبح واكعد ابويه

خوش وطبيت ركض احضر الريوك

ذاك الوكت مجنت اتوقع روحي احب اخويه هلكد بس من غاب  شتاقيتله هواي. ومن شفت ملكاه. عرفت بي يمكن يحبني كثر حبي اله

كملت وسمعت صوت ابويه يحجي وصوته عالي مكيف باحمد واحمد يشرح شون بنو وشون خريطه البيت وشكد مساحته ومفلشين الدرج مرتين بي غلط وابويه يستمع بامعان اله

بيبيتي مكيفه وتبوس بي.  من راسه. وهو يبتسم يكمل كلام

كملنا ريوك واني اراقبه شون ياكل باستعجال ويحجي وابويه هم يراقبه مبتسم. يحجي عن جماعته هناك. شون اوادم. وبقه يسولف. وياكل جنت خايفه لا الاكل مطيب من كمل سالته

طيب

يخبل عشتي جنه ريوك امي

يابه شصار بيه جن الدنيا كلها عدي صارت.

وكمت بهميه طبخت.  باحسن ماعدي طبخ. هو سوده عليه نام للعصر وابويه موعاه  ولا تغدينا نتانيه. حدما وعه من وحده يفرك براسه جنت من اباوعله مممدد بالحوش كلبي يصير هالكبره. يمه ربي لايحرمني طولك. وشوفتك مرتاح

كعد وتغدينا. وبقه عدنا سبوع. هالاسبوع حيل تعلقت بي ومفتخره. وكلشي احجيله. وهو ميحجي بس يسمع ويهز راسه نفس عمي راجح. عكس ابويه يناقش ويستمع ويفتهم الا حمودي رزن حيل رزن. نفس ابويه. بس قليل كلامه

قبل ليروح للديوانيه بيوم

اجاني للمطبخ طب بليل

همس

ملوكه

كول خويه

قمصاني وين

كويتهن الك حت مال الشغل. وصفطتهن بالجنطه

عاشت ايديج هاج هاي الج

شال ايده بيها فلوس بس مو شوي

هاي هاي كومه

ميهم هاي حصتج هالشهر  اشتري اللي يحبه كلبج. العيد جاينه. موكافي حزن روحي لبيت عمي واطلعي وي ابويه عيدي نفس الناس ملوكه شون امي لمن جانت  تخيطلج. وتطلعي احلى وحده ببنات عمج

هزيت راسي ونصيت ديطلع

صحته

احمد

بلي

احمد انت تحبني

صفن عليه

ابتسم

خو طبعا احبج غير اختي وهالوحده عدي

اني حيل احبك

الصار عدي من كثر ما ابويه حجالي عن امي والحب البنهم تمنيت احد يحبني حيل مو فد ابويه تمنيت احد يكولها الي يوميه حتى اعيش بحب نفسهم

بقه صافن عليه فاك حلكه مبتسم

شبيج ملوكه

مادري جاي اشتاقلك حيل واريد كل شوي تكلي اني احبج

ابتسم وفر ايده وعافني وراح

استحيت حيل وندمت راسن اني شبيه شكد عيب هسه شيكول عليه جي طيته فلوس هيج سوت

حضرناله اني وبيبيتي. كليجه وجرك وخليتهن بجياس من جان نايم خليتها يم جنطته وابويه بيومها نام يمه بالحوش للفجر حسيت عالصلاه صلينا كل احنا وره ابويه ووراه

وتحضر فات سبح واني احضرله هدومه الكويتهن وجلفتهن بيدي تلمع وعطرتهن بقلونيه ابويه. طلع صفن عليه

هاي منمتي

لاع اودعك يله

ابويه راح الله ويا

بلي طلع توه ماودعك

لا ودعني وفتت للحمام

زين اخذ مني القميص والبنطرون صافن عليه مستغرب اهتمامي الزايد شسوي غير انت ريحه امي احجي وي روحي كمل وطلع يمشط احس حتى المشط ماريد احد يلزمه بعد لان هو اخر واحد مشط بي

وشال غراضه ويباوع للساعه شوي واندكت الباب صاحو

احمممد يله

صاح

جاي جاي

ياله يابه والتفت على ببيتي الغفت همس ونصه باس ايديها وهي غافيه رفع راسه باوعلي يبتسم

همس

هالعيد مااكدر انزل ماكلت لبوي ماردته ينقهر خليتله ورقه وعايدته جوه لولته ( المخده)

هزيت راسي مبرطمه

هذا اول عيد بله امي

نصيت راسي

شال غراضه كلهن جر نفس تقرب باس راسي وابتعد

وفتح الباب التفت همس

ملوكه

التفتت عليه ميته بجي وصامه حلكي

ابتسم

تره اني احبج

ابتسم من كلبي وهو هم ابتسم وطلع ذبيت مي وراه من غير ماطلع راسي وراحت السياره  فرحانه حيل بالكاله اخوي الي وراح حزن فراكه واردد

راح يجي وره العيد ماراح اضوج دامه مرتاح

ايام مضت وابويه. كل يوم يموع كدامي ولاجن الوجع. خف عده الفراك. تعبه ازيد باليوم صار يذكرها بالدقيقه. واللحضه ازيد من قبل

وممل من كلامه عنها حجالي عن خالتي وبيت جدي ومن جنت اتعمق بالسؤال يرد

مو ملتنا يابه مو ثوبنا مخربطين وبعيدين عن الدين واني بعدت امج لهالسبب

يعني اني افكر لو بعدوني عنك وعن اخويه اموت

سكت ابويه وجر نفس

ذولي مو اهل يابه سرطان----

يتبع

عذروني لان سويتها اسبوع

هاي مقدرتي