الفصل الرابع

رواية من طرف واحد الجزء الرابع 4 بقلم أروى رواية من طرف واحد الحلقة الرابعة -بقولك مش عارفين حاجة عن ليلى بقالنا اسبوع قولت كدة وخبطت على مكتب مخرجة اللي في معهد ليلى ردت ببرود وهي بصالي -ممكن يا انسة توطي صوتك اتعصبت اكتر وعليت صوتي اكتر من برودها -مش هوطي الزفت، و والله العظيم لو معرفتنيش فين بنت خالتي دلوقتي هوديكم في داهية -انتي بتهددينا يا انسة انتي اتجننتي بصيتلها واكلمت بهدوء

-انا مش بهدد ، انا صاحفية ف متزعليش مني لو لقيتي اسمك واسم المعهد دة منور بكرة الصبح على السوشيال ميديا كنت بكلم كدة بعصبية وثقة وشوفت في عينيها نظرة الخوف عملت نفسي بمشي ولفيت وقدمت خطوة بس حصل اللي متوقعاه ونادت عليا -انسة ندى ابتسمت بثقة ولفيت نفسي ليها و مثلت البرود تاني وهي كملت كلامها -ممكن حضرتك تفهميني اي حصل بهدوء لو سمحتي اخدت نفسي وانا بقولها -ليلى بقالها اسبوع محدش عارف عنها حاجة -يمكن تكون مشغولة

–لو انشغلت عن العالم كلو مش هتبقى مشغولة عن مامتها بقالها اسبوع مكلمتش مامتها، الست زعلانة على بنتها مش عارفة عنها حاجة وكل مرة اجي هنا يقولولي ان حضرتك مشغولة وانهاردة انتي بتكلميني بكل برود ردت بهدوء -انا اسفة هشوف فين ليلى دلوقتي حالا قالت كدة ومسكت التلفون بتاعها وفضلت تكلم فيه -يعني ايه مش موجودة هو هزار دي الكلمة اللي سمعتها منها وهي بتكلم قاطعتها بتعصب وانا بقول مين اللي مش موجودة

رفعت ايدها في وشي علشان استنى واسكت -طيب طيب لو حصل اي جديد بلغوني قالت كدة وقفلت الخط بصيتلها وانا رافعة حاجبي ومش فاهمة حاجة نزلت عينها وهي بتقول -الادارة بتقول ان ليلى نزلت من ست ايام بليل ومقلتش ولحد دلوقتي مرجعتش بصيتلها بعد استعاب وانا ببلع ريقي -يعني مرجعتش قصدك تقولي انها محتفية، هقول لخالتو ايه دلوقتي -مش عارفة بصيتلها بعصبية -يعني ايه مش عارفة اومال مين اللي يعرف رجعت هديت نفسي واتنهدت بعصبية

-لي مبلغوناش بكدة -مكنوش عايزين يقلقوكو -بجد والله كانو هيقولو امتى بقى، دة اسمه استهتار قولت كدة ومشيت ركبت عربيتي وانا مش عارفة اقول ايه لخالتو اللي جات قعدت معانا بعد سفر ليلى ليلى قعدت سنة كاملة وعدت على خير المفروض ان دي التانية بس هي اختفت ومحدش عارف يوصلها روحت البيت اول ما فتحت كالعادة استقبلتني خالتو بنفس سؤال بتاع كل يوم بعد اختفاء ليلى -عرفتي حاجة يا بنتي قولت بهدوء -لا يا خالتو كانت مشغولة كالعادة

قولت كدة ودخلت اوضتي وغيرت هدومي ورميت نفسي على السرير _فلاش باك من اسبوع عند ليلى …………… -ايوة يا ماما -اي يا ليلى مش هتنزلي اجازة يا بنتي وحشتيني -مش هقدر الفترة دي يا ماما معلش مشغولة اوي وداخلة على فترة امتحانات -ربنا يوفقك يا حبيتي -يارب يا حبيتي سلام بقى قولت كدة وقفلت التلفون عدة الوقت وجوعت اوي -لأ امسكي نفسك شوية يا لولا يا حبيبتي الساعة داخلة على واحدة بليل اكل ايه دلوقتي؟

قولت كدة ونمت على السرير بس من كتر جوعي قومت بالبيجامة -هو السوبر ماركت على اول الشارع مش بعيد، مش هيحصل حاجة قولت كدة ونزلت تحت بهدوء علشان ادارة المنحة متشوفنيش ويطلعوني لحد ما طلعت برة الاوتيل اتمشيت لحد السوبر ماركت وجبت اكل ورجعت بس انا وراجعة شوفت شابين كأنهم شاربين حاجة خوفت اوي وبدأت امد بس اللي متوقعتوش ان نور الشارع يقطع

اتصدمت من اللي شوفته حطيت ايدي في جيبي علشان اطلع تلفون بس الصدمة التانية اني مجبتش التلفون اصلا ضربت راسي من الغباء اللي فيه وبدأت امد اكتر بس الشابين كانو بيتكلمة الماني وانجليزي علشان افهم كلامهم وواضح اوي انهم نيتهم وحشة حسيت بخوف أكتر لما حسيت ان خطواتهم قربت مني -هو الاوتيل لي بيبعد كدة

وانا وبمد لقيت شارع فاضي بس النور شغال دخلت فية وبدأت اني اجري وبصة على الشابين ورايا بس وانا وبعدي الطريق شوفت نور جامد كان بيقرب مني -يخربيتك يا عز رد عز وهو بيبلع ريقه بخوف -هي…….. هي اللي ظهرت قدامي مرة واحدة والله نزل كريم وهو بيبص على البنت -اي اللي هببتو دة قولتلك امشي براحة -هي اللي ظ…. ظهرت نزلت من العربية بعصبية من عز مسكت ايد البنت -لسا عايشة قولت كدة وشيلتها وبصيت على ملامحها الهادية برغم انو مليان دم

ركبتها العربية بهدوء ونزلت لعز و كريم -هوديها المستشفى اربكو اي زفت وحصلوني رد كريم بهدوء -طيب هو اللي خبطها انا مالي تسيبني في الحتى المقطوعة دي ليه مسمعتش لكلام كريم و ركبت العربية ودورتها و وديتها المستشفى بعد وقت…… -زي ما قولتلك يا احمد محدش يشم خبر ان البنت دي هنا -بس انت عارف لو حد عرف من إدارة المستشفى اي هيحصل -سيبلي إدارة المستشفى بس المهم عندي محدش يعرف، واياك….. اياك تبلغ البوليس مش ناقصين سين وجيم

-بس انت هتعرف توصل مع اهلها ازاي؟ -اهلها مين يا عم هسيب انا الهم اللي ورايا وادور على حاجة هبلة زي كدة هي لما هتقوم تبقى تدلنا عليهم المهم عندي ان البنت دي تبقى عايشة مش ناقص انا بلاوي كشر احمد بضيق من اللي صاحبة بيعملو -متبصش كدة بطريقتي هبقى اعرف……. قاطعته صوت الممرضة وهي بتجري عليهم -دكتور احمد الحق بسرعة -اي حصل -المريضة اللي لسا واصلة قلبها وقف قالت دة وجري احمد يشوفها وفضل ينعش في قلبها

فضلت باصص على احمد وهو بينعش في قلبها وفي البنت دي طلع احمد بعد ما قدر يلحقها -للأسف دخلت في غيبوبة ضربت وشي بضيق -يا صلاة النبي يعني لسا هتقعد في المستشفى بصلي بعدم استعاب -دة اللي فارقلك…… انها هطول في المستشفى من امتى وانت معندكش ضمير كدة اتهندت بضيق -المهم دلوقتي هتقدر تخفيها في المستشفى من اللي هنا لحد ما تفوق -اكيد لاء…… دة كدة وانا مدي فلوس للممرضة اللي معايا علشان متجيبش سيرة لحد -يعني ايه؟

-يعني البنت دي لو فضلت لحد بكرة كل اللي هنا هيشوفوها -والعمل اتنهد احمد بضيق -مالِك انا كل دة عامل حساب انك صاحبي ومقدر اللي انت بتمر فيه دلوقتي، بس والله لو البنت دي حصلها حاجة انا اللي هوقفلك…… شوف هتعمل ايه بس اهم حاجة ان البنت تبقى سليمة -هو حد قالك عليا اني قاتل ما انا هخليها سليمة قولت كدة وسابني احمد و مشي دخلت جوة وبصيت عليها وهي مش حاسة بحاجة -كنت ناقصك كمان قولت كدة وطلعت برة ورنيت على عز -انت فين يا زفت

-مش لاقيين حاجة نركبها قولت بعصبية -في دقيقة يا عز لو مجيتش انت والحيوان التاني هكون مموتكم قبل ما نوصل مصر بعد وقت……………….. -دخلت في غيبوبة؟ قالها عز بصدمة -علشان تشوف مصايبك يا سي عز -انت لي محملني المسؤولية كلها على الحصل…….. مش انت اللي قولتلي سرع شوية يا عز بلاش بطأ إدّخل كريم وهو بيهديهم -خلاص يا جدعان اللي حصل حصل و البنت في المستشفى، ممكن نفكر شوية اي هنعمل معاها رد مالِك بهدوء -انا فكرت في فكرة كدة -فكرة ايه؟

-لما يبدأ الصبح احنا ناخدها ونوديها في الشقة اللي جمب شقتنا هكلم صاحب العمارة و اقوله انها قريبتي -وبعدين….. -وقولت لأحمد انه يجيب ممرضة تتابع حالتها في البيت اتنهد كريم وقال بهدوء -ماشي فكرة كويسة ••••••••••••••••••••••••••••

فتحت عيني بس حاسة اني مش قادرة افتحها اتغلبت على الشعور دة وفتحتها بس النور كان شديد عليا غمضت عيني تاني وفتحتها ببطأ ومسكت راسي بسبب الصداع، بصيت حوليا في المكان اللي انا فيه اوضة لونها ابيض وفيها مكتب وكرسي ودولاب والسرير اللي قاعدة عليه والمحلول اللي كان متعلق في ايدي سمعت صوت برة واتفتح الباب

دخلت بنت في العشرينات وفرحت اني قومت بس كانت بتكلم باللغة انا مش فاهمها وبعدين كلمتني بالأنجليزي واللي فهمته منها اني في غيبوبة من اسبوع وهي رايحة تنده الدكتور بتاعي عدة خمس دقايق….. ولقيت الباب اتفتح ودخل شابين اول واحد ابيض وعنيه بني ولابس نظارة وقميص ابيض وبنطلون اسود والتاني كان قمحاوي وعينيه بني ولابس تشيرت اسود وبطلون شروال زيتي اتعدلت في قعدتي وانا بمسك راسي بوجع قرب عليا اول شاب وهو بيبتسم وقال بهدوء

-حمدالله على السلامة، اخيرا فوقتي يا شيخه انا دكتور احمد اللي متابع معاكي أبتسمت بهدوء كمل كلامه وهو بيقول -في حاجة وجعاكي؟ هزيت راسي وانا بمسكها -حاسة بصداع -دي حاجة طبيعية من الواضح ان الخبطة كانت قوية في دماغك علشان كدة دخلتي في غيبوبة بصيت ناحية تانية لمكان الشاب الواقف وهو باصص ليا قولت وانا بصاله بأستغراب -انت مين؟ رد دكتور احمد وهو بيقول -دة صاحبي مالِك هو اللي جابك لهنا هو وعز وكريم -جابوني هنا ازاي معلش؟

-هما كانو ماشين بالعربية ولاقوكي كنتي عاملة حادثة و مرمية على الارض خلص كلامه وبصلي بهدوء بصطلهم هما الاتنين بأستغراب من نظراتهم كمل دكتور احمد كلامه وهو بيقول -هو….. قاطعته وانا بقول بهدوء -طيب انا اسمي ايه؟ بصو الاتنين بأستغراب لبعض من السؤال قرب مالِك اللي كان واقف جمب الباب وقعد على طرف السرير وهو بيقول بلهفة -انتي مش عارفه اسمك هزيت راسي بهدوء وانا بصالهم وقولت -اة

بص مالِك لأحمد بسرعة وهو رافع حواجبه ليه وقاله بأستغراب -ايه؟ رد احمد بهدوء وهو بيبص عليا وقال -طيب انتي مش فاكرة حاجة عنك خالص…… عندك كام سنة؟ ، اسمك؟ ، عنوانك مثلا؟ هزيت راسي بنفي -لا، هو انتو متعرفونيش رد مالِك بهدوء -لا يا انسة احنا بس لقناكي مرمية على طريق فريدريش بس بصيت بأستغراب من اسم الشارع وقولت -اي الاسم دة ضحك بسخرية وبصلي -انتي مستنية شوراع برلين تبقى ايه؟ بصيتله بصدمة وانا ببلع ريقي

-هو…….. انا في المانيا قولت كدة بس هو ضرب ايده في راسه وبص على احمد -احييييه، دي ناسية ان هي في المانيا اصلا رد كتور احمد عليه بعصبية -اذا كانت نسيه اسمها مش هتنسى هي فين حطيت ايدي على بوقي ومقدرتش امسك نفسي من العياط -يعني……… انا مين؟ ، وفين؟ كملت بعصبية وانا بزعق -مين انتو، اي اللي جابني هنا اصلا قولت كدة وحسيت جسمي كله بيترعش ومش قادرة ابطل بكي قرب مني احمد وهو بيقول بهدوء -اهدي يا انسة أنشاء الله خير

قولت بزعيق وانا بشهق -خير ايه؟ ، انا مش فاكرة حاجة -ممكن يكون فقدان مؤقت لذاكرتك بسبب الحادث قالي كدة بس انا زادت رعشتي وشهقاتي بتعلى _بعد وقت……. خبطت ايدي على راسي من الكلام اللي سمعته من احمد وقولت بقلة حيلة -يا صلاة النبي……. فقدان في الذاكرة يعني البت دي هطول معانا خلاص قولتو كدة ولقيت احمد رد بعصبية -نفسي اعرف المدة فارقة معاك في ايه؟

مصعبتش عليك المسكينة دي من شوية وهي بتقول مش فاكرة حاجة لولا اني اديتها حقنة مهدأ يا عالم كانت هتعمل ايه؟ بصيتله بسخرية وانا بقوله -صعبت يا حنين…… بس البت دي كل مالها بطوّل هنا معدل خطورة بيزيد قولت كدة واحمد فهم قصدي -متقلقش بس نحاول ان احنا نساعدها _في مصر صحيت على صوت رنة التلفون بضيق -دة مين المستفز دة، حد يرن في وقت زي دة زفرت بضيق وبصيت لاقيته رقم غريب رديت عليه وانا مضايقة -الو -الو انسة ندى؟ -ايوة مين

-انا نادين يا ندى مخرجة معهد بتاع ليلى قالت كدة واتعدلت في قعدتي -اة ايوة عرفتي حاجة عن ليلى -محتاجة اقابلك بكرة الصبح حسيت بتوتر -ليه ما اقولي دلوقتي -الكلام اللي عايزاكي في مهم لو سمحتي عدي عليا في المكتب الساعة سبعة الصبح -حاضر قولت كدة وقفلت الخط سندت راسي على السرير بس مجاليش نوم وكنت بفكر هي عايزاني في ايه بس قطع تفكيري صوت اذان الفجر قومت واتوضيت طلعت الصالة لقيت خالتو كانت بتصلي برة -صباح الخير يا خالتو

-صباح النور ليه صاحية بدري كدة -مفيش سمعت اذان الفجر قولت اقوم اصلي -ماشي يا حبيبتي قالت كدة وابتسمت ودخلت اوضتي وصليت وجهزت نفسي عدة الوقت………… وصلت عند مكتب المخرجة وانا باخد نفسي بسبب السناريوهات اللي دخلت في دماغي خبطت الباب -اتفضل دخلت لما سمعتها قالت كدة قعدت على الكرسي اللي قداها وانا مركزة معاها -في جديد في اختفاء ليلى اتنهدت بهدوء وهي بتقول -انا كلمت الأكاديمية اللي فيها منحة ليلى هزيت راسي بهدوء وكملت كلاها

-اللي فهمتو منهم ان هما شافو ليلى من كاميرات المراقبة بتاعة الاوتيل وهي طالعة منه لوحدها الساعة 12 وتلاتة واربعين دقيقة بالظبط -اممم وبعدين بصيتلي بهدوء وهي بتكمل كلامي -ومرجعتش من وقتها عيني بدأت تدمع من اللي سمعته -مرجعتش……… ط… طيب لي مبلغوش الشرطة -بلغو ووصفه شكل ليلى وانها مصرية وجاية للمنحة….. بس محدش وصل لحاجة انا بقولك كدة علشان اعرفك اللي وصلتلو واحاول على قد ما اقدر اطنمك بصيتلها بسخرية وقولت

-هو انتي لما تقولي انها مرجعتش من اسبوع ومحدش عارف يوصلها كدة بطمنيني -انا مقدرة حالتك بس دة فعلا اللي وصلت ليه زفرت بضيق وفضلت ساكتة دقايق كسرت الصموت دة وبصتلها وانا بقولها -ممكن تقوليلي فين عنوان الأكاديمية والاوتيل بتاع ليلى بصتلي بأستغراب من سؤالي وقالت -هو انتي ناوية تسافري قالتلي كدة وهزيت راسي بالموافقة وبعدين ادتني العنوان ومشيت

ركبت عربيتي وسوقتها وانا مش متأكدة من الخطوة اللي هعملها دي بس مضطرة دخلت العمارة اللي كانت ساكنة فيها خالتو قبل ما ليلى تسافر اتجهت للشقه اللي قصادهم وانا بخبط على الباب فتح الباب وبصلي بأستغراب -ندى اتنهدت بهدوء وانا وبقول -ازيك يا مروان بعد وقت مع كلامي مع مروان بصلي بعصبية وهو بيقول -انتي ازاي متقوليش من بدري انها مختفية -محبيتش اقلقك مسح وجهُ بعصبية كملت كلامي وانا بقول

-انا محطيتش في دماغي انها مختفية اول يومين لما مكنتش بتكلم حد قولت عادي لأنها قالت انها داخلة على فترة امتحانات فقولت اكيد يعني مشغولة بس بعد كدة مفيش اي خبر عنها فروحت وكلمت المخرجة معرفتش اقابلها في الاول بس بعد كدة قابلتها واخدت منها عنوان الأكاديمية والاوتيل اللي عايزاه منك دلوقتي موافق تيجي معايا وندور على ليلى سكت شوية وبعدين بصلي وهز راسو بالموافقة -اكيد ابتسمت بهدوء -تمام ………. هعدي عليك بليل نحجز تذاكر

قولت كدة ووقفت بعد ما هو وافق ومشيت رجعت البيت _عند ليلى •••• فتحت عيني وفوّقت نفسي لقيت الدنيا هادية حوليا شيلت الغطاء من عليا وقومت بس اول وقفت حسيت بدوخة وعدم اتزان ووقعت -اةةةة بس حسيت ان رجلي مش بتتحرك حاولت احركها بس كانت بتتحرك بضعف حاولت اني اوقف تاني بس مش عارفة حسيت بخوف وعيني دمعت وجسمي اترعش وباخد نفسي بالعافية -لا…… لا كنت بجمع كلامي بأرتباك وانا بقول -انا…… اتش….. اتشليت

دخلو الاربع شباب للأوضة على صوتي كان منهم دكتور احمد وصاحبة مالِك وشابين تانيين قرب دكتور احمد عليا وهو شايفني مرمية على الارض قالي بلهفه -انتي بتعملي ايه؟ بصيت عليه وبصيت على رجلي و مسكتها وزادت ضربات قلبي وباخد نفسي بالعافية -رجلي…….. مش عارفة اوقف على رجليا ضميت وشي بين ايدي وانا وببكي اكتر -انا اتشليت مقدرتش امسك نفسي من الضحك وقتها بسبب كلامها نزلت ايدها وبصتلي بعصبية وهي بتسمح دموعها بصيتلها بهدوء وانا وبقولها

-اهدي يا انسة…… رجلك محصلهاش حاجة بصيت عليه وانا بمسح دموعي اكتر -طيب ليه مش حاسة بيها؟ ….. وليه وقعت؟ مسكني من ايدي بلطف وقعدني على السرير وهو بيقولي -حاجة طبيعية انتي كنتي في غيبوبة لمدة اسبوع واكتر كمان وكل دة كنتي على السرير نايمة….. يعني عضلاتك هتاخد كام يوم لحد ما يرجعو طبيعين بصيتله بعدم تصديق -يعني انا متشليتش ضحك اكتر على كلامي وقال بهدوء -والله متشلتيش… الممرضة هتكون معاكي من بكرة الصبح هتساعدك في الحركة

اتنهدت براحة من اللي قالو كمل كلامة بهدوئة اللي اتعودت عليه -انتي كويسة دلوقتي؟ اومأت راسي بالموافقة وبعدين قولت -هو…… هو انا هفضل كدة كتير يعني امتى هفتكر بص لصحابة وبعدين بصلي -في اقرب وقت أنشاء الله سكت شوية وبصيت عليهم هما الاربعة ولا واحد شبه التاني يعني باين عليهم مش اخوات مقدرتش استحمل فضولي وقولت -هو انتو عايشين في المانيا رد احمد بهدوء وقال

-لاء انا جاي هنا من حوالي سبع شهور بشتغل هنا في مستشفى مؤقتا وبعدين هرجع مصر كمل كلامه وهو بيشاور على اصحابه ودول بيشتغلو….. قاطعه مالِك وبصلو بهدوء -احنا شغالين في شركة هنا قولت بأستغراب -انتم التلاتة رد بهدوء -اة شركة استيراد وتصدير ونفس سبب احمد مؤقتا وهنرجع مصر -اةةةةةة…… طيب انا عرفتك انت قولت كدة وشاورت على احمد وكملت كلامي وشاورت على مالِك -وعرفتك انت مين انتو بقى

رد واحد منهم وكان لابس قميص سماوي و بنطلون جينز ازرق -انا عز وزي ما قالك مالِك كدة بنشتغل مع بعض في شركة و رد التاني و كان لابس تشيرت اوڤر سايز وبنطلون كاجوال -انا كريم كمل كلامه وهو بيغمز -تقدري تقوليلي كيمو ابتسمت ليهم بهدوء واتندهت -كان نفسي اعرفكم على نفسي بس انا مش فاكرة حاجة بصلي عز بتعاطف وهو بيقول -متضغطيش نفسك في التفكير أنشاء الله تفتكري كل حاجة قريب ابتسمت ليه بلطف وبعدين افتكرت حاجة

بصيت ليه مالِك وانا بقوله -هو انت مش قولتلي انكم لقيتوني في شارع اسمه…… قطعني بسرعة -شارع فريدريش بصيتلو وانا ببتسم بذكاء وكملت كلامي -مش ممكن لو ودتوني الشارع دة افتكر حاجة………… يعني على الاقل ممكن افتكر انا عملت حادثة ازاي قولتلهم كدة بس هما بصولي بصدمة قال كريم بهدوء -هو انتي ليه عايزة تفتكري الحادث؟ -علشان اعرف مين اللي خبطني رد مالِك بهدوء عليا -ولما تعرفي هتعملي ايه؟ اتنهدت من سؤاله

-مش عارفه بصراحة……… بس هو او هي كان السبب في اللي حصلي فأكيد هجيب حقي بصيت لأحمد بهدوء وانا بوجهله الكلام -ممكن لو روحت افتكر حاجة بص لصحابة وبعدين بصلي وهز راسة بهدوء بالموافقة -ممكن…… كمل كلامه وابتسملي -باين عليكي ذكية -ممكن……… انا بعرف نفسي معاكو اهو -طيب نسيبك ترتاحي شوية وهعدي عليكي بكرة -ماشي قولت كدة و هما لفو علشان يطلعو بس قاطعتهم -امتى هتودوني لف مالِك ليا وهو بيقول -لما تعرفي تقومي على رجليكي

قال كدة ومشيو وقفلو الباب حطيت راسي على المخدة بس معرفتش انام اتعدلت وانا ببطرم -ارتاح ايه اكتر من كدة انا نايمة بقالي اسبوع كامل انام ازاي تاني قولت كدة وسندت راسي على المخدة وفضلت اتقلب على السرير كنت عايزة اقوم بس افتكرت اني مش هعرف بسبب رجلي بكيت على الحال اللي وصلت ليه لحد ما تعبت ونمت عدة اليوم وجه تاني يوم صحيت على نفس الممرضة اللي شوفتها قبل كدة وكانت بتتكلم معايا بالانجليزي ساعدتني في الوقوف….

خبط الباب وراحت فتحت بعد ما قعدتني في الصالة دخل عز وكان معاه شنط -اي اخبارك دلوقتي؟ -كويسة الحمدلله حط الشنط جمبي وهو بيقول -دول شوية هدوم ليكي نزلنا جبناهم انهاردة انا و مالِك بدل الهدوم بتاعة المستشفى دي ضحكت على كلامة وقولت -مكنش ليه لزوم تتعبه نفسيكم -لا عادي ولا يهمك…… خلي بالك من نفسك ابتسمت ليه -حاضر……… شكرا -العفو قال كدة ومشي وقفلت الممرضة وراه الباب

مسكت الشنط اللي جمبي وفتحتها وكان فيها هدوم كتير منها خروجي وبيتي واسدال للصلاة ابتسمت على الحنية بتاعتهم وحمدت ربنا انهم بيعملوني بلطف كدة واخدت بيجاما ودخلت استحمى بمساعدة الممرضة عدة اربع ايام وفيهم عرفت اتحرك كويس لوحدي روحت لشقة الشباب اللي كانت جمبي خبطت الباب وفتح كريم سمعت صوت من ورا وكان واضح انه صوت احمد -مين يا كريم -دي الانسة اللي احنا خبط…….. لقيناها مركزتش في كلامه و ضحكت

-معلش احنا منعرفش اسمك اي لحد دلوقتي فهنقولك الانسة اللي لقيناها -لا عادي….. طلع احمد من وراه -انتي كويسه ؟ -اةةة تمام…….. انتو كنتو قولتولي انكم هتودوني المكان اللي لقتوني فيه لما اعرف اتحرك هز راسة بهدوء واتندهت -انتي عايزة تروحي انهاردة -اة -طيب تمام هوديكي….. كمان ساعتين واجهزي ابتسمت ليه وهزيت راسي بالموافقة -ماشي قولت كدة ومشيت _قفلت الباب بعد ما هي مشيت وطلعت التلفون و كلمت مالِك -الو

-يا سطا البنت عايزة تروح المكان اللي خبطوها فيه -حاول تمنعها -امنعها ازاي افرض شكت في الموضوع…… اي فيها لو راحت وافتكرت -افرض عرفت ان احنا اللي كنا سايقين العربية…… وباين عليها مش سهلة اصلا هدخلنا في حوارات وانا مش ناقص كفاية المهمة اللي عليا يا احمد -طيب البنت مصممة تروح -خلاص انا جاي قالي كدة وقفل الخط

عدة الساعتين وكنت وصلت البيت بعد مكالمة احمد ودخلت جهزت لحد ما هي خبطت الباب ودخلت استغربت لما شافتنا كلنا هنيجي معاها -انتو كلكم جايين -اةة نزلنا لتحت وركبت جمبي من قدام والباقي ركب ورا نزلنا للشارع اللي خبطناها فيه وهي نزلت وفضلت تبص حواليها وانا براقبها وحاطت ايدي على قلبي بس لقيتها قعدت على رصيف ومسكت دماغها وهي بتصرخ قربنا منها قولت بهدوء -مالك يا انسة

كانت مغمضة عنيها وهي ماسكة دماغها وبتاخد نفسها بصعوبة…… فتحت عينها بعد دقيقتين وقالت وهي ماسكة فيا -انا افتكرت حاجة……………………