تحميل رواية «من الجنون للعقلانية» PDF

ى

_زين،يا زين قوم بقى يووووه.

_عايزة ايه يا ليان دلوقتي سيبيني انام.

_يا زين قوم بجد في حاجه مهمة.

رد عليا بنعاس و هو لسة مغمض عنيه

_ايه يا ليان المهم يعني ابقى قوليلي الصبح مش هتطير يعني؟!

قولت له في محاولة انه يقوم وانا خلاص هعيط

_يا زين الدنيا بتشتي يلا قوم خلينا نمشي تحتها و نجيب ايس كريم.

_هي الساعة كام دلوقتي يا لولي؟

_الساعة 4 ونص الفجر يا زين قوم بقى.

قام فتح عينه و بصلي

_يعني انتي مصحياني الساعة 4 ونص الفجر عشان امشيكي تحت الشتا يا ليان؟

_اه ونجيب ايس كريم كمان.

_طب معلش يا لولو دلوقتي مش قادر مرة تانية هخدك و ننزل يا عيوني حاضر.

_يا زين بقى.

_معلش يا لولو عشان خاطري.

و قام باسني من خدي و نام تاني اللي مبيحسش.

_____________________

_لولي قاعدة في الجنينة في الوقت المتأخر دة ليه يا قلبي؟

بصيت كان بابا اللي باين عليه لسة قايم و كان بيدور عليا في اوضتي ملاقانيش ف طلع يشوفني هنا.

_زين مش راضي ياخدني و ننزل تحت الشتا زي ما بنعمل دايما يا بابا يرضيك؟

قولتها وأنا بترمي في حضنه.

اخدني في حضنه و دخلنا قعدنا في الريسبشن و بعدين طلعني من حضنه

_ليه هو زين فين اصلا،هو صاحي؟

هزيت راسي بنفي و انا برد عليه

_لا زين نايم يا بابا و مش راضي يصحى.

_طيب يا قلبي،انتي عارفة زين بيبقى جاي تعبان من الشغل ازاي مرة تانية لما تشتي هخليه ياخدك و تنزلو تمام؟

_ماشي يا بابا.

_يلا اطلعي نامي دلوقتي عشان الوقت اتأخر مش عندك دروس بكرة؟

_اه عندي اتنين.

_طب يلا اطلعي ارتاحي عشان تبقي فايقة بكرة.

هزيت راسي ليه و طلعني لحد اوضتي و غطاني كويس و باسني و نزل يروح اوضته هو و ماما عشان ينام هو كمان.

_____________________

تاني يوم.

_ليان هو انتي زعلانه من حاجه؟

رديت عليه و مرفعتش عيني من الكتاب اللي قدامي

_لا يا زين مش زعلانه.

_امال مالك حاسك زعلانه؟

_يا زين قولت لك مش زعلانة خلاص بقى.

قومت لميت حاجاتي و اخدت موبايلي

_ماما انا ماشية عايزة حاجة؟

_سلامتك يا لولو ابقى طمنيني عليكي لما تخلصي الدرس الأول.

_حاضر يا مامي باي.

و لسة همشي لقيت زين قام اخد مفاتيح عربيته و جه ورايا

_اركبي هوصلك.

_شكرا مش عايزة هروح لوحدي عشان صحابي مستنيني.

_اركبي يا ليان بطلي عند بقى.

_اووووف بقى.

ركبت وانا على اخري منه لحد ما وصلنا قدام السنتر و قبل ما انزل زين قالي

_لما تخلصي رني عليا اجي اخدك ماشي؟

_حاضر.

_و خدي بالك من نفسك.

_حاضر.

_____________________

نزلت و روحت السنتر مع اصحابي

_ايه يا جماعة جايين النهاردة ولا ايه؟

_لا يا يوسف مش هنلحق عندنا درس تاني.

_يا ليان فكك مكنتش حصة يعني.

_يا جماعة لا دة احنا عندنا فيزياء و بعدين انا مش معايا عربية انهاردة اصلا نسيت احجز واحدة من هناك.

رد يونس و فريدة صحابنا

_صح يا يوسف الفيزياء مش سهلة برضو خلينا نحضرها احسن احنا في سنة مهمه.

يوسف اتأفأف بملل و طلعنا الحصة و كانت طويلة جدا.

خلصنا و روحنا نجيب حاجه ناكلها و بعدين طلعنا ع الحصه التانية.

بعد ما خلصنا يوسف قال

_يا جماعة تعالو هنتسلى شوية و نرجع مش هنتأخر كأن المستر طول شوية في الوقت.

لسة هرد لقيت زين بيرن عليا واحنا واقفين قدام السنتر اكيد شافني يمراري.

_طب سلام انا بقى عشان اخويا شكله جه ياخدني هبقى اجي معاكم يوم تاني.

رديت على زين و اللي كان فعلا واقف قدامنا روحت ركبت معاه و اول م قفلت الباب شغل العربية وهو بيسألني

_ليان مين دول؟

_دول مين يا زين مش فاهمه؟

_دول يا ليان اللي كنتي واقفة معاهم قبل ما اجيلك.

اتوترت من طريقة كلامه

_دي.... دي...

_خلصي يا ليان انتي لسة هتهتهي.

_دي فريدة صحبتي.

_اممم و الشابين اللي كانو واقفين معاكم ايه نظامهم؟

_دة اخو فريدة و ابن عمها معانا في نفس الدرس ف كانت بتعرفني عليهم بس.

_و هي تعرفك عليهم ليه ان شاءالله؟

و بعدين كمل بسخرية وهو نظره على الطريق

_تكونيش عايزة تتجوزي حد فيهم يا حبيبتي؟!

_زين بس ايه اللي انت بتقوله دة.

اخد نفس عميق كأنه بيحاول ميطلعش غضبه عليا

_طب يا ليان انا مش مرتاح للي اسمها فريدة دي ولا للشابين دول ولو لقيتك واقفة معاها تاني هزعلك جامد مني،تمام؟

نهى كلامه و هو بيبصلي قبل ما يوجه نظره تاني على الطريق.

_ملكش دعوة اصلا اكلم مين ولا مكلمش مين.

_لأ ليا يا ليان عشان انتي اختي و بحبك و لازم اخاف عليكي.

مردتش عليه فرجع يسأل تاني

_موصلنيش ردك برضو تمام؟

رديت و انا ببص من الشباك و بحاول اكتم دموعي

_تمام يا زين حاضر.

اول لما روحنا البيت طلعت على اوضتي جري حتى مسلمتش على بابا و ماما على غير العادة مني.

بعد شوية لقيت الباب بيخبط ف مسحت دموعي بسرعة

_مين؟

جالي صوت زين من ورا الباب

_انا يا لولو ممكن ادخل؟

_لا يا زين مش ممكن انا زعلانة منك.

لقيته فتح الباب و دخل ايه الواد دة مفيش حاجة اسمها خصوصية خالص.

المهم جه قعد قدامي على السرير و راح فاتح لي

دراعاته عشان ادخل في حضنه بس انا فضلت

دموعي نازلة بس على خدي و لما لقاني

مبتحركش مسك أيدي و دخلني في حضنه و انا

انفجرت من العياط.

اتكلم بعد شوية

_ياه كل دة مني انا؟قد ايه انا انسان قاسي.

و بعدين طلعني من حضنه و هو بيمسح دموعي بحنية و بيمشي إيده التانيه على شعري

_لولو انتي عارفة انا قد ايه بحبك صح؟

هزيت راسي بمعنى "اه" و مردتش كمل

_و عارفة أن انا بخاف عليكي لأني اخوكي الكبير صح؟

هزيت راسي برضو من غير ما اتكلم

_طب فيه ايه زعلانه ليه بقى؟

انهارت في العياط مرة تانية

_يازين انت اول مرة تبقى قاسي معايا بالشكل ده.

_كل دة عشان قولتلك بس متكلميش البنت دي عشان هي مش كويسة؟

_لأ عشان مرضتش تنزل معايا امبارح في الشتا و كمان كلمتني انهاردة بأسلوب مش حلو.

مسح دموعي إللي نزلت تاني

_طب خلاص حقك عليا والله انا بس اتعصبت لما لقيت الشابين دول واقفين معاكم كدة،خلاص متزعليش.

_ماشي خلاص.

______________________________

بعد مرور يومين/السنتر

_الو يا ماما بقولك المستر هيأخرنا انهاردة عشان لو اتأخرت متقلقيش.

_ماشي يا لولو ابقي طمنيني عليكي بس.

_حاضر يا مامتي.

قفلت الموبايل و بصيت لهم

_يلا خلاص كل حاجه جاهزة.

وروحنا على مكان السبق بتاع العربيات اللي بروحه دايما.

و احنا هناك و خلاص بجهز للسباق لقيت فريدة بتقولي

_بت يا ليان مش دة اخوكي برضو؟

بصيتله عشان اتأكد لقيته باصصلي كأنه بيشوف انا فعلا ولا مش انا و فجأة........

_بت يا ليان مش دة اخوكي برضو؟

بصيتله عشان اتأكد لقيته باصصلي كأنه بيشوف انا

فعلا ولا مش انا و فجأة لقيته جاي ناحيتي انا و

فريدة فضلت الف حوالين نفسي اعمل ايه اعمل

ايه في الوضع المهبب اللي وقعت فيه دة بس يا

ربي.

_ليان تعالي نروح الحمام بسرعه قبل ما يجي خلصي.

شدتني و روحنا ربع ساعة كدة و لقينا يوسف بيرن

علينا عشان نطلع طلعنا و قعدت ابص ملقيتش زين

موجود حمدت ربنا و فريدة اخدتني و روحنا عند

الباقي.

_ايه كل دة السباق هيبدأ؟!

_اخويا جه كنت عاوزني اعمل ايه يعني كان لازم اختفي لحد ما يمشي.

_طب يلا يا اختي اركبي.

_فريدة خدي موبايلي خليه معاكي.

ادتهولها و قبل ما اركب العربية وقفني صوت يوسف وهو بيقول بتحذير

_ليان الخسارة ممنوعة.

_و ايه الجديد مهو دة العادي.

_يا ليان ركزي السباق دة مهم لفريقنا لازم تكسبيه.

_يووووه خلاص يا يوسف فهمت.

دخلت السباق و لقيت اللي ضدي بيزنق جامد عليا زودت بنزين لحد ما عديته و فزت بالسباق.

بعد ما نزلت من العربية جات فريدة و باقي الفريق

عشان يسلمو عليا بحرارة كعادتهم بعد كل سباق

بفوزه و بعدين فريدة رفعت الموبايل بتاعي قدام عيني وهي بتقول

_ليلو هو زيزو دة مين اللي بيرن عليكي.

اخدت منها الموبايل بسرعه

_يمصبتي دة اخويا.

اعمل ايه.

اروح فين اهرب من تحت عقب الباب مش هيجي على مقاسي.

رديت بنبرة مرتعشة

_ا..الو يا زيزو.

_ايه يا ليان انتي فين؟

_انا ..انا في الدرس المستر قال هيأخرنا النهاردة.

_اممم و ماما تعرف انك هتتأخري في الحصة؟

_اه انا اتصلت بيها و قولت لها.

_طب قدامك قد ايه و تخلصي عشان اجي اخدك.

بصيت لهم عشان اخد منهم إجابة عشان احنا مفكرناش في السؤال دة سوا.

يوسف قال جنبي

_اقفلي يا ليان الموبايل و ركزي في الحصة لو سمحتي.

كتمت ضحكتي و كملت الحوار بعد ما فهمت قصده

_طب هو احنا قدامنا قد ايه و نخلص يا مستر.

_نص ساعة ان شاءالله.

_بيقولك نص ساعة يا زين و نخلص.

_طيب انا هاجي اخدك لما تخلصي.

قفلت الموبايل و اخدت حاجاتي منهم بسرعة وانا بقول

_يلا لازم نرجع السنتر قبل م النص ساعه تخلص.

_يلا يا اختي انا مش عارفة انتي خايفة كدة ليه عادي قوليله روحنا نجيب حاجه.

_بس يا زفتة انتي انا اصلا مش عاجبني السكة اللي احنا ماشيين فيها دي مش عارفه انا بسمع كلامكم ليه اساسا.

ضحكت و رجعنا السنتر تاني قعدنا فيه لحد ما لقيت زين بيرن عليا و بعدين بعت رسالة

_ليان انا تحت خلصتي؟

شوفت الرسالة و نزلت و هما نزلو ورايا و بعدين روحت العربية و انا مقررة اني هقوله كل حاجه عشان مش عاجباني السكة دي.

_ايه اخبار الدرس يا لولو؟

_كويس ماشي الحال الحمد الله.

_طب عايزك بقى تشدي شوية عشان تجيبي مجموع عالي.

_حاضر يا زين هحاول.

_شاطرة يا قطتي.

_زين انا كنت عايزة اقولك حاجه،ينفع؟

_يسلام طبعا،كلي أذان صاغية.

_بص هو.......

_فيه ايه يا ليان متقلقينيش كدة؟

_طب بص اوعدني انك مش هتزعل مني.

_اممم كدة يبقى هببتي مصيبة،قولي يا ستي مش هزعل منك.

_انا .....

قاطعني صوت موبايله وهو بيرن ف شاف مين المتصل و قالي

_طب ثواني يا لولو معلش.

_لا ولا يهمك براحتك.

بعد شويه

_ها يا لولو كنتي عاوزة تقولي ايه؟

_لا خلاص كنت هقولك بس انهم في السنتر

امبارح طلبو مني رقم ولي الأمر عشان درجة

الامتحان بتاعتي مش حلوه و انا اديتلهم رقمك

انت.

_ بس؟

طبعا مقدرتش اقوله الحقيقة عشان زين دة مش بس

اخويا الكبير لكن انا كمان بعتبره ابويا و بخاف على

زعله معرفش ايه اللي خلاني هببت العمله دي

بس و اتعرفت على العرر دول.

_اممم بس كدة.

شغل العربية و هو بيسألني

_وليه يا ترى درجتك مكانتش حلوة؟

_الامتحان كان صعب يا زين والله.

_ليه دي مادة ايه؟

_فيزياء.

_يلهوي يا ليان دي سهله اوي بتحطي القانون و تعوضي بس.

_اه طالما هي كدة ليه كل الناس دول بيشيلو فيزياء يا ترى؟

_عشان الفيزياء دي ال كوين محتاجه حد بيفهم بس مش اكتر.

_اممم ماشي اللي تشوفه.

تليفوني رن و كانت فريدة قلبت عيني بملل و عملته سايلنت بس زين لاحظ

_مين اللي كان بيرن عليكي؟

_دي فريدة صحبتي.

_هي مش دي البت اللي انا قولت متكلميهاش تاني؟

_اه هي بس والله يا زين انا عايزة اقطع علاقتي بيها بس خايفة اكسر قلبها أو تزعل مني.

_متولع يا ليان انتي بتكلميها ليه اصلا بعد ما انا قولت لك كدة؟

_م عشان خايفة تزعل مني.

_يا ليان انا مش هقولك هي مش كويسة و الصاحب ساحب و

الطيور على أشكالها تقع و كل الكلام الحلو دة،

انتي مينفعش بنوته جميلة زيك محترمة كدة تكلم

الأشكال دي شكلها اصلا مش زيك تربيتها مش

زيك مينفعش حد شبهها يكون واخد سنتي في

حياتك حتى.

_حاضر يا زين مش هكلمها تاني خلاص.

_وعد؟

_وعد.

_طب يلا طلعي موبايلك اعملي ليها بلوك و

أمسحي رقمها و اصلا ماما قالت هتجيب ليكي

مدرسين برايفت عشان هي حاسة انك مش

بتذاكري في السناتر.

طلعت موبايلي و عملت ليها بلوك فعلا زي ما قال

و مسحت رقمها ووريته و قعدت افكر لما اروح

هبعت لهم اقولهم ايه؟

مفوقتش غير على صوت زين لما روحنا البيت

طلعت و سلمت على ماما و بابا و غيرت هدومي

و قعدنا نتغدا سوا في جو اسري لذيذ بس زين نده

عليا و احنا قاعدين

_ليان حصل معايا حته موقف انهاردة لازم احكيهولك.

_قول حصل ايه؟

_صاحبي كان سايب عربيته في مكان سبق

عربيات كدة انهاردة روحت اجيبهاله لقيت بت

شبهك طبق الأصل منك.

اتوترت شوية بس حاولت أبين الشجاعة

_سبحان الله يخلق من الشبه أربعين.

_فعلا والله سبحان الله.

خلصت و دخلت اوضتي ارتب أفكاري شوية و بعدين حسمت الأمر مسكت الفون بتاعي و فتحت الجروب و بعتلهم

_جماعة انا اسفة بجد بس السكة بتاعتكم دي مش

سكتي و مش عاجباني انا بس كنت عاوزة اجرب و

ندمت اني جربت دة مش اسلوب حياتي و لا انا

متربية على كدة انا ماما هتجيبلي مدرسين في

البيت هطلع من الجروب و ياريت محدش يرن عليا

او يحاول يكلمني بأي طريقة لإني مش هرد على

حد ،شكرا.

و طلعت من الجروب فعلا و مسحت ارقامهم كلهم من عندي و الباب خبط و دخل زين ف قولت له بتردد

_زين انا عايزة اقولك حاجه.

_قولي يا لولو بس هتتكلمي المرادي ولا هتسكتي.

_لأ هقولك كل حاجه بس متقاطعنيش و متزعلش مني.

_حاضر.

قعدت حكيتله كل حاجه من اول ما شوفتهم و بقيت اروح معاهم السباقات و كل حاجه وهو كان قاعد يسمع بهدوء غريب لما خلصت قالي

_خلصتي كدة ولا في حاجه تانيه؟

_لا خلصت مفيش.

_طيب انا كنت عارف اصلا كل حاجه من البداية.

_ايه!!!!!

_خلصتي كدة ولا في حاجه تانيه؟

_لا خلصت مفيش.

_طيب انا كنت عارف اصلا كل حاجه من البداية.

_ايه!!

_اه كنت عارف كل حاجه من الاول،فاكراني مش هعرف انتي كل أسبوع بتتأخري فين ولا ايه؟!

و بعدين اتكلم زيي وهو بيقلدني

_المستر بيأخرنا عشان الحصة مهمه.

ضحكت جامد بعلو صوتي راح ضحك هو كمان و كمل

_مش عارف انا ايه المستر اللي بتروحيله اربع ايام في الأسبوع دة و كل مرة حصته مهمه؟!

بعد شوية هديت من ضحكي و قولتله

_لا بس بجد عرفت ازاي؟

راح مسك السلسلة اللي في رقبتي و قالي

_عرفت بدي فاكرة جبتهالك امتى؟

______________________________

Flash Back

_ليان انا جبت لك هدية.

_بجد يا زين ايه هي وريني بسرعة!

طلع سلسلة من ورا ضهره كان شكلها تحفة على

شكل قلب بينك جميل و حواليه طائر الفلامنجو

لونها أحمر و السلسلة بتاعتها مطلية دهب عامله

زي الاستانلس ستيل كدة و شكلها كلها على بعض حلوة اوي بجد.

سأل بفرحة و حماس طفولي

_عجبتك؟

رديت بفرحة مماثلة ليه

_تحفة يا زين بجد حلوة اوي.

_طب تعالي البسهالك بقى.

لبسهالي و بعدين بصلي و ابتسم وهو بيقول بحنيه

_البسيها علطول و متقلعيهاش تاني بقى لحد ما نكبر،اتفقنا؟

_اتفقنا مش هقلعها ابدا.

Back

______________________________

_ايوة مش فاهمه برضو انت عرفت منين؟

_يا ليان دة انتي اللي عداكي من ابتدائي ظلمك و ظلمنا معاكي على فهمك ده.

_يا زين بجد مش فاهمه حاجه.

_يعني هي من زمان بس فيها جهاز تتبع صغير انا رابطه بموبايلي عشان اعرف اوصلك.

_بس ازاي احنا كنا صغيرين على حسب ذاكرتي.

_ليان دة و انا في اعدادي يعني من عشر سنين

بس انتي اللي كنتي صغيرة اوي في ابتدائي

باين أو أصغر كمان.

_اه يعني انت بتراقبني كل ده يا استاذ جاسوس؟

_اه براقبك عشان طول عمري من وانا صغير وانا بخاف عليكي.

_برضو مش مبرر يخليك تفضل مراقبني.

عدل قعدته قدامي و قال بجدية نوعا ما

_نتكلم جد شوية بقى؟

_طبعا اتفضل.

_انا مش عاجبني مستواكي في المذاكرة خالص.

_يا زين ما انا اعترفت لك في العربية.

_ليان انا مش بتكلم على الفيزياء و بس انا بتكلم

عموما مش عاجبني مستواكي،طب ايه مش عاوزة

توصلي لحلمك و تبقي مهندسة قد الدنيا شبهي

و نشتغل سوا؟

_عايزة اوصله طبعا بس الثانوية العامه دي صعبه

اوي يا زين مش حكاية دراسيا و ماديا بس لا كمان

نفسيا انا بدأت اتعب و لسة مبقاليش غير اربع شهور بس في ثانوية عامة دي.

_يا لولو انا عارف انها سنه صعبه و ضغط عليكي و على كل اللي في ثانوية عامة بس الحلم كبير و يستحق تتعبو عشان تحققوه.

_بصي لو الحاجة اللي انتي عاوزاها جاتلك

بسهولة من غير ما تتعبي عشان توصليليها ممكن

تفرطي فيها بسهولة إنما لو تعبتي عشان

توصليليها هتقدريها كويس و هتخافي انك

تخسريها أو تضيع منك،فهمتي؟

هزيت راسي بالموافقة ف كمل كلامه بعد ما اخدني في حضنه

_دلوقتي احنا لسة في أول السنة يعتبر عدى منها

بس اربع شهور ف انتي ك بنوته شطورة هتحاولي

تلمي اللي مش معاكي و المدرسين اللي هييجو

ليكي كمان و تركزي على حلمك و بس مش على

حاجه تانيه ووعد مني مش هتلاقي غير كل تشجيع

مني من اول دلوقتي لحد اخر السنه، موافقه؟

_موافقة.

مد إيده قدام وشي و هو بيرفع حاجبه بجدية

_ديل؟

_ ديل يا زيزو.

______________________________

_يلهوي بقى انتي صعبة كدة ليه؟!

قولتها و انا بعيط و بحاول احل مسئلة الفيزياء اللي قدامي و مش ظابطة معايا خالص.

جه زين من برة خبط على الباب

_ليان انتي كويسة انا سامع صوت عياطك من برة؟!

_لا يا زين مش كويسة سيبني في حالي بقى.

دخل بخضة اول ما لقاني بعيط على المكتب جه بسرعة ناحيتي

_ايه يا لولو بتعيطي ليه يا حبيبي؟

_مش عارفة احل مسئلة الفيزياء يا زين انا فاشلة.

_بس يا بنتي ايه الدراما دي انتي عارفه مش ظابطة معاكي ليه؟

_ليه؟

_عشان مش بتحبي المادة حبي المادة وانتي هتلاقيها سهله.

_انت بتهزر يا زين بجد؟!

_لا والله مبهزرش،طب بلاش دي صليتي العصر؟

_لأ لسة.

_طب قومي صلي العصر و ان شاءالله لما ترجعي هتلاقيها بقت سهله و هتعرفي تحليها.

قومت اصلي زي ما زين قالي و رجعت تاني و زين قعد جنبي

_يلا حليها و انا هشوف هي صح ولا لأ.

حليتها ووريته

_كدة صح؟

_هو الناتج صح بس القانون غلط،هو القانون دة موجود في الدرس؟

هزيت راسي برفض

_يبنتي انتي هتشليني يا حبيبتي انتي بتألفي قانون جديد و تحلي عليه لأ و المصيبة انه صح.

_يا زين مش عارفه احفظ القانون اعمل ايه؟

_ما هي دي في حد ذاتها مصيبة يا نور عيون زين،

تعالي هشرحهولك و أمري لله.

قعد يشرحهولي و الصراحة الواد شرحه حلو اوي

مطلعش مدرس ليه وريحنا بدل اللفة اللي احنا

فيها دي.

بعد شويه لقينا ماما داخله بتقولنا ان المستر بتاعي

جه و زين قالها ثواني و هيطلعني و لما خرجت

سألني

_هو المستر اللي برة دة بتاع ايه؟

_فيزياء.

_اللي انا قاعد اشرحلك قوانينها دي؟

هزيت راسي بالموافقة ف راح قالي

_يلهوي الطم، طب هو عارف بحوار تأليفك للقوانين ده؟

هزيت راسي برفض من غير ما انطق.

_ اممم ما لازم ميعرفش دة هيعمل منك بوفتيك يا

حبيبتي لو عرف.

_زين طب ما تيجي تقعد جنبنا و هو بيديني

الحصة تحسبا لأي حاجه ممكن تحصل يعني.

_و مالو اجي اقعد جنبكم معنديش مشكلة،يلا

قدامي يا آخرة صبري.

______________________________

بعد شوية

_يا ليان دي مش القوانين اللي احنا واخدينهم انتي جبتي الناتج دة منين و القانون غلط؟

قالها المستر وهو بيحاول يمسك اعصابه عشان قبل

كدة لما اتعصب عليا عيط له في الحصة.

بصيت على زين اللي هو تعالي الحقني اعمل اي

حاجه لقيته باصصلي و كاتم ضحكته المستفز البارد

كائن التلج اللي امي جابتهولي دة.

_ما هو انا مش عارفة احفظ القانون يا مستر.

_امال جبتي الناتج صح منين؟

_ألفت قانون جديد.

_لا والله؟

_اه والله.

_يارب ارحمني عشان مرميش حد دلوقتي من فوق السور دة.

_هو انتي بتذاكري الفيزياء ازاي يا ليان؟

شاورت على زين

_زين بيذاكرهولي.

_دة انا هشعلقك انتي وزين دلوقتي.

لقينا زين اتكلم

_انا مالي انا طالبتك عندك اهي شعلقها براحتك.

_اه يا ندل.

المستر فطس ضحك و راح قالي

_شوفتي سلمك من قبل اول قلم حتى.

_اخوكي دة؟

_بيقولو.

ضحك تاني و قال من بين ضحكه

_يعني ايه بيقولو يعني هو مش اخوكي؟

_بص يا مستر هما بيقولو انه اخويا بس عشان مبقاش كدابة انا معرفهوش.

المستر فطس ضحك مرة تانيه

و زين بصلي

_ندلة بحق و حقيق يعني و ربنا ما انا سايبك.

______________________________

بعد مرور كام شهر

طلعت من لجنة امتحان الفيزياء بتاعي اللي كان

آخر يوم لقيت زين مستنيني برة قدام المدرسة

وواقف جنبه مستر الفيزياء بتاعي ايه اللي جابه

هنا دة؟

روحت عندهم و المستر كان ماسك في إيده بوكيه

ورد لقيته بيديهولي اخدته منه و بصيت لزين بعدم

فهم ف قالي

_بصي يا لولو مستر مراد ما صدق انك خلصتي

امتحانات و جه طلب ايدك من بابا عشان يعجنك

على تأليف القوانين دة براحته و العيله كلها في

البيت مستنين رأيك ها قولتي ايه؟

_وانت هتسلمني ليه كدة يا زين بكل سهوله هتخليه يعجني؟!

_و انا مالي يا قلبي هدخل ما بينكم ليه دة هيبقى

جوزك ان شاءالله،خليه يعجنك براحته مليش دعوه

بيكي.

ضحكت انا و مستر مراد و قولتله و انا بهز راسي يمين و شمال بيأس منه

_ندل بحق و حقيق يعني.

انتهت احداث الرواية نتمني أن تكون نالت اعجابكم وبانتظار آراءكم في التعليقات