تحميل رواية «من اكون» PDF

رواية من اكون الفصل الاول

للاسف المريضه فقدت زاكرتها بالكامل واحتمال ضعيف ترجعلها تاني..

دي كانت اول جمله اسمعها من ساعه ما صحيت.. صحيت لقيت نفسي في المستشفى راسى ملفوفه بحاجه بيضه دراعي متجبس مكنتش قادرة احركو جسمي كلو جروح كتير تقريبا كده حصلتلي حاد.ثه كبيره..

: انا فين وانتو مين.. كانت اول جمله انطقها..

: انتي في المستشفى يا سارة

سارة: مستشفى.. ليه.. انا ليه مش فاكره اي حاجه ومين سارة دي انا سارة؟!

: للاسف الدكتور بيقول ان انتي فقدتي الزاكرة..

سارة: انت.. انت مين.. كنت بقولها بكل تعب وانا حرفيا مش قادره اتكلم حتى من الوجع..

: اسر جوزك..

سارة بصدمه: جوزي انا متجوزه..

اسر: ومخلفه كمان يا حبيبتي.. لما نطلع من هنا هتروحي تشوفي بنتنا هي كانت قلقانه عليكي اوي..

سارة: انا عندي كام سنه وانت وبنتي عندها كام سنه..

اسر: انتي عندك تمانيه وعشرين سنه وانا خمسه وتلاتين اما كنزي بنتنا عندها ست سنين..

سارة: بجد انت خمسه وتلاتين مش باين عليك خالص..

اسر: اه مانا عارف.. قالها وهو بيضحك بخفه كانت ضحكتو جميله اوي..

سارة: انا هروح امتى..

اسر: الدكتور قال كام يوم كده لحد ما الجروح اللي في جسمك دي تخف شوية..

سارو بتعب وهي بتنام: تمام..

عدا اسبوع وانا في المستشفى كانت طنط زينب اللي هي مامت اسر جوزي بتبات معايا في المستشفى كانت حنينه وكويسة اوي معايا مسبتنيش خالص واسر كان بيروح الشغل وبعد ما يخلص يعدي يقعد معايا لحد ما يروح اخر اليوم علشان ميسبش كنزي كتير عند جارتنا..

دخلت شقتي اللي اول مره اشوفها اول ما دخلت لقيت طفله بتجري عليه وهي بتنادى عليا ب ماما وبتحضني..

بصيت لاسر جوزي بمعنى مين دي..

اسر لكنزي: سيبي ماما تقعد ترتاح يا حبيبتي عشان تعبانه..

نزلت لمستواها شوبة ومسكت وشها الصغير بأيدي الكويسه.. عامله ايه يا قمر..

كنزي: انا كنزي يا ماما مش قمر

ضحكت بخفه على الطفله الشقيه دي: عارفة يا كنوزة قمر دي يا حلوه..

وانا بتكلم مع اللي المفروض بنتي لقيت بنت باين عليها انها في سني تقريبا بتكلمني..

: حمدلله على السلامه يا سارة

بصتلها باتسغراب وابتسمت وقولتها: الله يسلمك.. معليش بس هو انتي مين..

اسر: دي فتون يا سارة جاتنا اللي ساكنه في الدرس اللي تحتينا وكانت صحبتك اوي قبل الحاد.ثه

بصتلها بابتسامه اسف: اسفه بس مش فكراكي.. بس اكيد هفتكرك في يوم

فتون: ولا يهمك يا حبيبتي.. انا هستأذن بقا دلوقتي علشان لما انزل شقتي.. اه انا عملتلكوا اكل قولت اكيد راجعين تعبانين مش هتقدروا تجهزوا اكل..

اسر بابتسامه: شكرا جدا ليكي يا فتون انا مش عارف اقولك ايه بجد..

فتون: متقولش حاجه ده واجبي.. ومشيت بعدها..

اكلنا وطنط زينب طلعت شقتها وانا دخلت انام واخدت كنزي بنتي تنام معايا..

عدا يومين على نفس الوضع حاسه اني تايهه ومش فاهمه حاجه بس في اليومين دول حسيت باستغراب في عيون جيراني والناس اللي في الشارع ليا كانوا كلهم بيبصولي باستغراب وفي منهم اللي كان بيخاف مني.. معرفش بس حسيت بحاجه غريبه كلمت اسر كذا مرة في الموضوع ده

بس كان ردو: عادي يا حبيبتي انتي بس عشان مش فاكراهم بس انتي مكنتش بتتكلمي كتير مع الجيران غير مع فتون بس فتلاقيهم مش واخدين عليكي..

كنت بسكت وبكبر دماغي اصلا الموضوع كلو على بعضو مش فارقلي..

عدا شهر كنت الحمدلله فكيت الجبس وبقيت كويسه نزلت اشتري طلبات من السوبر ماركت وكنت لوحدي..

قاطع طريقي بنت وكانت بتبصلي باستغراب ممزوج ببعض من الخوف: س. سارة

سارة: حضرتك تعرفيني

: سارة انتي ازاي عايشه............ يتبع

رواية من اكون الفصل الثاني 2 ملك ناصر

سارة: ايه ازاي يعني.. قولتها بذهول وانا مش فاهمه ايه اللي البنت الغريبه بتقولو ده..

البنت: انتي سارة انتي مرات اسر انا عرفاكي انتي.. انتي ازاي عايشه انا مش مصدقه اني شايفاكي..

سارة بعدم استيعاب: لا لا استني فهميني انا مش فاهمه حاجه..

البنت: انتي مو.تى من خمس شهور والكل كان عارف ده..

سارة بصدمه: اييه

البنت بقلق: انتي مين..

سارة: ممكن تطلعي معايا الشقه تفهميني كل حاحه عشان انا مش فاهمه.. حسيت انها خايفه شوية مني.. متقلقيش صدقيني انا مش فاهمه حاجه عايزاكي تفهميني اكتر..

فعلا اخدتها وطلعت شقتي مكنش فيها حد كنزي في الحضانه واسر في الشغل..

سارة: اتفضلي اقعدي..

قعدت وابتديت احكيلها كل اللي حصل معايا..

سارة: بس ده كل اللي حصل..

شهد: مستحيل انا شوفتهك بعنيا وانتي خارجه مي.ته من اوضه العمل.يات كان وشك مش باين من اثار الحاد.ثه

سارة: بس انا لما صحيت كان في كام جرح وملامحي باينه عادي حتى زي مانتي شايفه كده وشي مفيهوش حاجه وعدا شهر بس..

شهد: انا مش فاهمه اي حاجه..

سارة بتفكير: انتي قولتي انى مت من اد ايه؟!

شهد: من خمس شهور تقريبا..

سارة: طيب بصيلي كده كويس انتي فعلا شايفه البنت اللي كنتي بتشوفيها من خمس شهور..

شهد ركزت في ملامح سارة وقعدت دقايق تدقق فيها..

شهد: انتي من بعيد وبالشكل العام نسخه منها بس من قريب في شوية اختلاف في الملامح.. يعني مثلا انتي منخيرك اصغر منها شوية.. وكمان سارة كان عندها حسنه تحت شفايفها مكنش حد يقدر يشوفها غير اللي بيقعد معاها كتير.. حتى شعرك متغير شعر سارة كان طويل..

سترة حطت اديها على سارة: انا مش فاهمه اي حاجه انا حاسه اني تايهه ان مين..

شهد ربطت على كتفي بحنان: اهدي يا حبيبتي.. بصي انتي مش هتعرفي حد بالكلام اللي انا قولتهولك ده وانك قبلتيني اصلا وهتاخدي رقم تليفوني وتحاولي تراقبي اسر وتفهمي اكتر من بنتك وتوقعيها بالكلام واي حاجه جديده تحصل تتصلي بيا وتقوليلي تمام..

سارة: تمام..

عدا يومين على حديثي مع شهد اليومين دول اتغير حالي بقيت تايهه ومش فاهمه حاجه بحاول افهم من اسر او من حماتي الاتنين بيقولولي نفس الكلام اللي انا عارفاه..

في يوم كنت قاعده مع بنتي لوحدنا وهي كانت قاعده بترسم جمبي.. فجاه لقيتها قربت مني وفي اديها ورقه بشوفها واتصدمت لما شوفتها راسمه رسمه لمكان وكاتبيه عليه مستشفى وكانت راسمه اسر جوزي وبنتين ورسمه نفسها وسرير عليه واحده بس وشها مش موجود..

استنتجت ان البنتين دول هما حماتي وشهد وانها الطفله الصغيرة وشاور على اللي نايمه على السرير..

سارة: مين دي يا حبيبتي..

كنزي: دي انتي يا ماما..

سارة: انا.. اشمعنى رسمتي الرسمه دي..

كنزي: علشان انتي كنتي في المستشفى من ايام كتير وشوفتك كده وبعد كده قعدت كتير اوي مستنياكي ومش بتجيبي وبابا بيقولي انك تعبانه وفي المستشفى وانا كنت بقعد مع تيتا مستنياكي لحد ما جيتي..

كنت بسمع الكلام ده بصدمه.. ده نفس الكلام اللي قالتهولي شهد يعني هي مش بتكدب!!

فضلت قاعده بفكر لحد ما اسر جه وانا مخدتش بالي من وجوده..

اسر: سارة.. سارة

انتبهت ليه: ها.. اسر انت جيت

اسر: ايه يابنتي بقالي ساعه بنادى عليكي روحتي فين..

سارة قامت: معاك اهو.. حمدلله على السلامه.. احضرلك الاكل

اسر: اه ياريت انا جعان اوي هدخل اغير هدومي لحد ما تجهزي الاكل..

دخلت حضرتلو الاكل وقعدنا ناكل وانا كنت لسه سرحانه وهو كالعاده عمال يتكلم معايا عن يومه كان عامل ازاي وقابل مين واتكلم مع مين بس انا مكنتش مركزة معاه..

اسر: سارة انتي مش مركزة معايا خالص مالك في ايه..

قررت اني هقولو كل حاجه مانا بصراحه مش قاظرة اسكت اكتر من كده.. قومت وجيبت الرسمه اللي كنزي رسمتها..

سارة: ممكن تفهمني ايه الصورة دي..

شافها وعلى وشو علامات عدم الفهم: ايه ده مش فاهم..

سارة: انا هفهمك.. دي انا وده انت ومامتك وشهد وكنزي صح..

اسر بدأ يظهر عليه القلق والتوتر: وبعدين..

سارة: ودي مستشفى صح..

اسر قام من على الاكل بغضب: انا مش فاهم عايزة توصلي ايه..

سارة: كنزي رسمه الرسمه دي وقالتلي اني اللي نايمه ظي هي انا وكان من زمان مش من شهر وانت قولتيلي اني مخدتش غير واحد بس لحد ما فوقت ممكن تفسير لكلامي..

اسر: دي مجرد رسمها عيله صغيرة رسماها..

سارة بغضب وصوت عالي: لا مش مجرد رسمه.. وبدأت احكيلو كل اللي شهد حكتهولي..

سارة بدموع: اسر ارجوك فهمني انا مش فاكره اي حاجه ومش فاهمه حاجه انا مين..

اسر مسكها وفضل يهز فيها بجنون: انتي مراتي سامعه انتي سارة مراتي

سارة بعدت عنو بخوف: انا مش سارة.. انا لو كنت سارة كنت افتكرتكوا.. الدكتور قال اني لو قعدت مع ناس بحبهم وعارفاهم كتير هفتكرهم.. وانا لسه مفتركتش حاجه ومش قادره افتكر.. مش قادرة اتعود على حياتي الجديده افهم بقا..

اسر اخدت تليفونه ونزل من الشقه بغضب اما انا فحضنت كنزي لانها كانت بتعيط وخايفه..

سارة: اهدي يا حبيبتي متخافيش مفيش حاجه..

تاني يوم اتصلت على شهد وقولتها كل اللي حصل.. وقالتلي اننا لازم نتقابل.. وفعلا اتقابلنا ولاقيتها واخداني لمستشفى بس مش دي اللي كنت فيها ايوة مش دي انا فكراها كويس..

سارة: انتي جبتيني هنا ليه..

شهد: دي المستشفى اللي كنا فيها ساعه اما مو.تي من خمس شهور هنسأل على اسماء المرضى اللي كانوا هنا من خمس شهور ممكن نلاقي اسمك فيهم لو لقينا معناها انك انتي مش سارة..

قلبي دق بعنف وخوف من المستقبل وفعلا دخلنا وسألنا وانتظرنا كتير اوي لان الموضوع فات عليه شهور كتير ومكنش سهل ابدا اني الاقي اسمي.. وبعد انتظار دام ساعتين..

لقيت الممرضه اللي كانت بتساعدنا وبدور على الاسماء جت جريت عليها بسرعه انا وشهد..

شهد: ها لقيت الاسم..

الممرضه: انتي قولتي اسمها سارة محمد الهشيمي..

سارة بتوتر: اه

الممرضه:..........

بصينا لبعض انا وشهد و.......... يتبع

تفتكروا سارة دي هتكون فعلا اللي ما.تت من خمس شهور ولا ده مجرد وهم وانها فعلا سارة الحقيقيه وشهد بتضحك عليها؟!

رواية من اكون الفصل الثالث 3 ملك ناصر

الممرضه: انتي قولتي اسمها ساره محمد الهشيمي..

سارة بتوتر وقلق: ا. اه

الممرضه: طلعت ورقه صورتها وخدت منها نسخه.. المريضه سارة محمد الهشيمي السن 28 سنه متزوجه وليدها ابنه والزوج اسر احمد ياسر.. المريضه اتو.فت من خمس شهور واسبوع تقريبا وكانت مي.ته بحا.دثه والخبطه كانت بفدمغها وما.تت بنزيف.. ودي شهاده الو.فاه..

سارة وشهد بصوا لبعض بصدمه وفجاه سارة فقدت الوعي..

صحيت لقيت نفسي في اوضه في المستشفى وفي ممرضه جمبي كانت بتديني حقنه.. وشهد كانت قاعده جمبي..

سارة بتوهان: انا فين..

شهد قامت بسرعه: سارة انتي كويسة..

ضحكت بسخريه: ههه سارة.. انتي لسه بتقوليلي سارة.. سارة ما.تت..

شهد: سارة انتي لازم تفوقي وتركزي معايا علشان نعرف انتي مين..

سارة بتساؤل: شهد انتي ليه بتساعديني..

شهد بتنهيده وهي بتقعد: علشان انا بحبك بجد يا سارة من زمان وانا عايزة اتقرب منك وابقا صاحبتك بس انتي دايما بتصديني وكنتي بتفضلي فتون عني فبعدت عنك..

سارة بحزن: انا اسفه بالنيابه عن سارة الحقيقيه..

شهد بابتسامه صادقه: لا متتأسفيش انتي معملتيش حاجه.. اه صح بمانسبه فتون.. هي كانت صحبتك وكمان كانت عارفة انك مي.ته ازاي اتقبلت وجودك عادي كده وبتعاملك كأنك فعلا سارة الحقيقيه..

سارة: فكرت في الموضوع ده بس مش لاقيه ليه تفسير..

الدكتور دخل..

الدكتور: انتي فاقده الزاكرة مش كده..

سارة: ايوة يا دكتور..

دكتور: بقالك اد ايه

سارة: شهر واسبوع تقريبا..

دكتور: ومفتكرتيش حاجه في الشهر ده خالص

سارة بحزن: لا خالص..

الدكتور: تمام متقلقيش.. انا ممكن اديكي حاجه تنشط الزاكرة بس..

سارة: بس ايه انا محتجاها ضروري

الدكتور: يا ترجعلك الزاكرة يا تد.مر الامل البسيط اللي كان موجود ومترجعش ليكي الزاكرة تاني ابدا..

سارة بصت لشهد وردت بتردد: انا عايزاها يا دكتور..

......... عدا اسبوع كمان اسر معرفش حاجه عن اللي حصل ومعرفش اني باخد منشط للزاكرة.. كنت باخده كل يوم بليل على امل اني اصحى فاكره كل حاجه.. بس للاسف مش بفتكر اي حاجه.. وعظا يوم ورا التاني ومحصلش اي تغيير لدرجه اني كنت بفكر ابطلو.. لحد ما في يوم حصل لقيت شهد جت عندي البيت وكانت فرحانه اوي اخدتها ودخلنا الاوضة..

سارة: في ايه مالك..

طلعت التليفون بسرعه وورتني صورة..

بصيت على الصورة لقيتها صورتي.. ايوة دي انا..

سارة: د. دي انا.. قرأت اللي مكوت فوق الصورة.. وكان مكتوب.. مليكه الجارحي.. اختفت من شهرين واللى حد الان مفقوده ياريت اللي شافها قبل كده او يعرف طريقها بتصل على الرقم ده وليه مكافاه مليون جنين..

بصيت لشهد بصدمه: مليكه

شهد: مليون جنيه.. قولنا كده في نفس الوقت..

شهد: مليون جنيه للي هيلاقيكي.. انتي كده اهلك اكيد اغنيه..

سارة مكنتش بتفكر في كده: انا.. انا لازم اتصل بالرقم ده لازم اعرف اهلي.. بس.. بس ازاي حطين صورتي بشعري وانا محجبه..

شهد: متنسيش انك عايشه ك سارة مش ك مليكه..

سارة: طيب انا هعمل ايه دلوقتي..

شهد: مش عارفة.. الوقت اتأخر يالا تعالى اوصلك بعربيتي وننام كده وبكره تيجي عندي الصبح بعد ما تودي كنزي الحضانه..

سارة بحزن: هي كده كنزي مش بنتي..

شهد: اكيد

سارة: طيب..

روحت البيت واول ما فتحت باب الشقه اتفاجات ب....... يتبع

رواية من اكون الفصل الرابع 4 ملك ناصر

4

اول ما فتحت باب الشقه اتفاجات باسر قاعد ومستنيني وشكلو متعصب..

دخلت بهدوء: رجعت بدري يعني..

اسر بغضب: كنتى فين يا هانم كل الوقت ده..

سارة: انت بتتكلم كده ليه لو سمحت وطى صوتك شوية..

اسر بعصبيه اكبر: انا اعلي صوتي زي مانا عايز سامعه.. بقالك اكتر من خمس ساعات بتعملي فيهم ايه وسايبه بنتك عند امى..

سارة بغضب: كنت عند شهد في ايه ليه العصبيه دي كلها.. وبعدين انا سايبه بنتي في الشارع ماهي عند جدتها..

اسر بتحذير: اسمعي يا سارة اياكي تتأخري كل ده تاني ولما اكلمك على التليفون ترودى..

سارة دخلت اوضتها بغضب وقفلت الباب وراها بقوة..

تاني يوم..

وديت بنتي الحضانه.. او مش بنتي والله ما عارفة.. المهم.. وديت كنزي الحضانه وبعدين روحت عند شهد.. عملتلنا حاجه نشربها وقعدنا نتكلم..

سارة: وبعدين هنعمل ايه..

شهد: احنا هنروح نشوف اهلك دول وبعدين نشوف هنعمل ايه..

سارة: طيب هنروح امتى وهشرحلهم ازاي اللي حصل..

شهد: هنروح دلوقتي ولما نروح يحلها حللال..

سارة: تمام يالا.. شهد دخلت تلبس وانا قعدت مستنياها..

لقيت ماسدج جيالي من اسر.. فتحتها لقيتو كاتبلي.. انا هتأخر في الشغل النهارده وماما مش هتجيب كنزي من الحضانه علشان رايحه عند خالتي روحي هتيها انتي..

عملت سين ومردتش وبعدها قفلت الفون ولقيت شهد خارجه..

شهد: جاهزة..

سارة: جاهزة.. قولتها بتوتر وانا ابدا مش جاهزة..

روحنا على العنوان المكتوب وبعد وقت لقيت شهد بتقف اودام فيلا كبيرة يحيطها جنينه كبيرة جدا وجميله بصيت ليها بأعجاب وفجأه جت صورة ليا وانا فيها وفي بنت بتجري ورايا وبنضحك.. مسكت راسي بألم والصداع شديد جالي في اللحظه دي..

شهد: سارة.. سارة.. انتي كويسة..

سارة: اه اه يالا ننزل..

نزلت واول ما نزلت من العربيه قربت من الحراس اللي موجودين على البوابة.. ولسه هتكلم لقيت واحد منهم بلهفه..

الحارس: مليكه هانم حمدلله على السلامه يا هانم نورتي بيتك اتفضلي اتفضلي.. ووسعلي هو والحراس الباقيه الطريق.. بصيتلو بأستغراب: انت تعرفني؟!

بص للحارس اللي جمبو بتعجب: هو في حد ميعرفكيش يا هانم؟

دخلت الفيلا وانا مش فاهمه اي حاجه خبطت على الباب لقيت الشغاله فتحت..

الشغاله بفرحه: مليكه هانم.. الف حمدلله على السلامه يا هانم كنتي فين..

سارة: كن..

شهد بمقاطعه: طيب مش هندخل الاول

الشغاله وهي بتبعد: طبعا طبعا اتفضلو اتفضلو..

دخلت جوه لقيت الفيلا من جوه حلوه اوي وكبيرة كنت ببص حوليا بأعجاب..

الشغاله: ثانيه واحده يا هانم هطلع انادي البيه الكبير وانزل..

هزيت راسي بموافقه وقعدت انا وشهد جمب بعض بنبص للفيلا بأعجاب وانبهار..

بعد وقت مش كبير لقيت راجل كبير بينزل من السلم بسرعه بس كان بيسند على عجاز ومش قادر يمشي..

: مليكه حفيدتي الغاليه وحشتيني اوي.. لقيتو بيفتحلي حضنو وانا بحركه لا ارادية اترميت في حضنو حسيت بحنان اول مرة احس بيه لدرجه اني مكنتش عايزة اخرج من حضنو..

خرجني من حضنه بهدوء: كنتي فين يا حبيبه جدك كده تبعدي عني الفتره دي كلها.. وخد بالو من شهد.. ومين القمر اللي معاكي دي..

عرفتوا عليها وقولتلو كل حاجه حصلت معايا من اول ما صحيت لقيت نفسي في المستشفى لحد مانا قاعده معاه دلوقتي وهو كان بيسمعني بحزن..

كاظم: يعني دلوقتي مش فكراني يابنتي..

مليكه بحزن: للاسف لا يا جدو.. هو فين ماما او بابا مشوفتهمش يعني من ساعه ما جيت..

كاظم بحزن: انتي.. انتي باباكي ومامتك الله يرحمهم..

اتصدمت وعيوني اتملت بالدموع.. انا كان نفسي اشوفهم اوي.. يعني معنديش ام واب ولا انا سارة.. ولا حتى مليكه..

شهد وهي بتواسيني: متزعليش يا مليكه دانتي طلع عندك جد زي القمر اهو.. قالتها بمرح عشان تخفف عني.. جدو ضحك بخفه عليها..

كاظم لشهد: وانتي يابنتي عايشة مع مين..

شهد بحزن: انا ماما متوفية.. وبابا في دبي مش بشوفوا غير كل فين وفين بيبعتلي فلوس كل شهر وساعات بيتصل عليا بس.. وعايشة لوحدي..

كاظم: خلاص يبقا تيجي تعيشي معانا هنا..

شهد بصدمه واحراج: شكرا يا كاظم بيه مفيش داعي..

كاظم: انا قولت كلمتي ومش برجع فيها ابدا.. وبعدين ايه كاظم بيه دي قوليلي يا جدو زي ما مليكه بتقول..

مليكه: طب وهنعمل ايه مع اسر..

كاظم بغضب من اسر: ده بقا حسابوه عسير معايا انا هعرقوا ازاي ينصب على حفيده كاظم السيوفي..

مليكه: انا مش عارفة هو عمل كده ليه بس اكيد ليه سبب..

واحنا بنتكلم فجاه سمعت صوت بينده بأسمي بسعاده ولهفه..

ببص ورايا لقيت شاب وحضني بدون اي تقدمات..

بعدت عنو بسرعه بخضه: ا. انت مين اوعى تقولي جوزك..

بصلي بدهشه: جوزك؟!

كاظم: هه ده كنان.. اخوكي يا مليكه..

ارتحت واتبسطت اوي اني عندي اخ..

مليكه وهي بتحضنوه: هيييح مش تقول يا عم.. الحمدلله اني عندي اهل..

كنان: انا مش فاهم حاجه ايه اللي بيحصل.. لسه هرد عليه لقيت بنت جايه من وراه وبصوت عالي: ملييييييكه

انا اتخضيت ببص ورا كنان لقيت بنت قصيرة كده بتجري عليا وقامت حضنتني..

كارما بدموع: كنتي فين يا مليكه انتي قولتيلي مش هتسبيني زي ماما وبابا وسبتيني لوحدي.. انتي وعدتيني ومنفزتيش وعدك.. الصراحه انا قلبي وجعني اوي عليها وشديت من حضني ليها..

قولت بدون وعي: انا اسفه..

بعدت عن حضني شوية: كنتي فين يا مليكه..

كاظم: دي اختك كارما يا مليكه اختك الصغيرة..

كارما باستغراب: ايه ده يا جدو انت بتعرفها عليا ولا ايه.. وكملت بضحك: انتي لحقتي تنسيني يا كوكي ولا ايه ده هما شهرين بس اللي بعديهم عني..

قولت بأسف وحزن: انا.. انا فاقده الزاكرة..

كنان وكارما بصدمه: اييه؟!........ يتبع

4

رواية من اكون الفصل الخامس 5 ملك ناصر

@الجميع

5

عدا الوقت وانا قاعده بتكلم مع اخواتي وجدو لحد ما لقيتوه بيتصل عليا..

بصيت لجدو بتوتر..

مليكه: اعمل ايه

كنان: رودي عليه وقوليلوه يجي على عنوان الفيلا هنا ولما يجي انا هعرف شغلي معاه..

مليكه هزت راسها بتوتر وردت..

اسر بغضب: انتي فين يا سارة كل ده..

مليكه بحده: هبعتلك لوكيشن على الواتس تيجي هتلاقيني مستنياك هناك..

اسر بعدم فهم: مش فاهم لوكيشن ايه

مليكه: اعمل اللي قولتلك عليه يا اسر نص ساعه وتكون عندي.. وقفلت السكه..

وفعلا عدا نص ساعه بالظبط وكان صوت الجرز مسمع في الفيلا..

فتحت الشغاله وهو دخل واول ما دخل الصالون لقاني قاعده انا وجدو وشهد وكنان وكارما..

اسر بلع ريقو بتوتر: س. سارة انتي بتعملي ايه هنا..

كنان قام بغضب وكان هيضربوا بس انا مسكتوه.. اهدا يا كنان..

جدو قام بكل هيبه وهو ساند على عجازه وبيقرب منو..

كاظم بهيبه وحده: خطفت حفيدتي حفيده كاظم السيوفي.. وغيرت كينيتها.. وغيرت حياتها.. غيرت اهلها وبعدتها عنهم..

تفتكر القضية دي تاخدلها كام سنه سجن..

اسر بتوتر: ا. انا مش فاهم حاجه.. مسك ايدي وقالي.. يالا يا سارة من هنا كنزي مستنيانا.. فجأه لقيت ايد مسكه ايدوا جامد وبعدتها عني ببص لقيتو شاب طويل وعريض وسيم لدرجه تدوخ.. بيبص بنظرة شر على اسر..

: لو ايدك اتمدت عليها تاني هندمك على اليوم اللي اتولدت فيه..

اسر بغضب: انتو عايزين ايه سيبوه مراتي.. انا هاخدها ونروح بيتنا.. ايوة ايوة بنتنا مستنيانا.. كان بيقولها بجنون وبيكرر نفس الكلام.. هنروح بيتنا.. بنتنا مستنيانا.. انتي سارة مراتي يالا نروح بيتنا..

قربت منو وعيونى مليانه بالدموع وقولت بغضب: انا مش سااااارة.. انا مليكه فاهم انا مليكه..

اسر بجنون: لا لا لا لا انتي سارة انتي سارة مراتي انتي سارة..

ضربتوا بالقلم بقوة واتكلمت: ليه عملت كده.. ليه دمرتلي حياتي.. انا مين.. انا معرفش انا مين.. انا مين.. قولتها بتعب وانا حاسه بدوخه اثر الارهاق والتفكير الزايد.. وقعت وانا فاقدة الوعي واخر حاجه شوفتها الشاب اللي مسك ايد اسر قبل شوية وهو بيلحقني قبل ما اقع على الارض..

صحيت لقيت نفسي على السرير في اوضة لوحدي بصيت حوليا بتعب ملقتش حد غير شخص واحد بس.. ايوة هو نفس الشاب.. لقيتوا بيبصلي بصه انا مفهمتهاش بصراحه..

غموض.. حب.. عتاب.. اشتياق.. كلام كتير كانت عينو بتقولهولي..

مليكه: انت مين..

: مش فكراني يا مليكه..

مليكه: ادمت بسألك انت مين يبقا اكيد مش فكراك..

: هاها.. نفس اللماضة متغيرتش صحيح هي عادتك ولا هتشتريها..

مليكه: هشتريها..

: نعم

مليكه: المهم انت مين برضو معرفتش

: انا.. وسيم..

مليكه بنظرة اعجاب: اه ماهو باين الصراحه.. بس انا سألتك عن اسمك..

: مانا بقولك انا وسيم.. اسمي وسيم..

مليكه: احم بجد.. لا اسم على مسمى بصراحه.. اهلا وسهلا.. بس برضو مفهمتش مين.. يعني تقربلي ايه..

وسيم: انا....

مليكه بمقاطعه وخوف: لا استنى اوعى تكون جوزي..

وسيم بضحكه رجوليه دوبت قلب مليكه: هههه لا يا ستى انا مش جوزك انا ابن عمك..

مليكه: والله لو كنت جوزي مكنتش هزعل اوي يعني..

ابتسم وسيم على تلك المجنونة اللي كان مفتقدها..

مليكه: هاااي يا عم روحت فين..

وسيم: معاكي..

مليكه: عملتوا ايه مع اسر..

وسيم: وديتوا الحجز لحد ما نشوف هنعمل معاه ايه..

مليكه بصدمه ايه الحجز.. ليه كده

وسيم برفعه حاحب: ايه زعلانه عليه ولا ايه؟!

مليكه: لا مش كده بس العشره برضو..

وسيم: والله هما الشهرين اللي قعدتيهم معاه بقوا عشره خلاص..

لسه هرد عليه اتفجات ب......... يتبع

رواية من اكون الفصل السادس 6 ملك ناصر

@الجميع

6

جدو دخل علينا لقاني فتحت عيني..

كاظم وهو بيقرب منها بحنان: حبيبه جدو انتي كويسة دلوقتي..

مليكه بابتسامه: انا كويسة يا جدو متقلقش عليا..

كنان: الف سلامه عليكي يا كوكي..

شهد: الف سلامه عليكي يا حبيبتي خوفتيني عليكي

كراما: ايه يا كوكي ده كل ده نوم..

مليكه بتساؤل: ليه هو انا قعدت اد ايه فاقده الوعي..

كارما: يااااه دانتي بقالك يوم كامل..

مليكه بصدمه: بجد..

كارما: اه والله زي ما بقولك كده..

مسكت بطني اللي كانت بتوجعني من كتر الجوع..

مليكه: انا جعانه اوي هو مفيش اكل هنا..

كاظم: لا لا ازاي طبعا فيه.. انزلي يا كارما قولي للداده تجهز الاكل لمليكه بسرعه..

كارما: حاضر..

وسيم: طيب انا هطلع اوضتي بقا يا جماعه علشان مليكه ترتاح شوية.. تعالى معايا يا كنان عايزك..

كنان ووسيم طلعوا وبعدها خرج الجد ومليكه كانت قاعده بملل وسرحت في حاجه وكانت بتلعب في شعرها فجاه جه في بالها حاجه..

مليكه بفزع: الطرحه.. حجاابي

دخلت عليها كارما وفي اديها صنيه الاكل..

مليكه: فين الطرحه بتاعتي مين اللي قلعني طرحتي..

كارما: في ايه يا مليكه اهدى انا اللي شيلتها علشان كانت هتخنقك وانتي نايمه..

غضبت جدا من كلامها واضايقت ان في حد شاف شعري وبالاخص وسيم..

مليكه بغضب: ومين اللي قالك تقلعهولي ينفع كده بسببك وسيم شاف شعري..

كارما: مليكه في ايه مالك انتي اصلا مش محجبه ووسيم كان بيشوف شعرك عادي..

مليكه: عارفة بس انا اتحجبت.. لما كنت لابسه حجابي كنت مبسوطه وانا حاسه اني مستوره ومش باين مني حاجه دلوقتي حاسه اني عريانه من غيروه.. لو سمحتي هاتي الطرحه بتاعتي دلوقتي..

كارما رفعت كتفاها باستسلام: تمام براحتك.. ربنا يسبتك..

.. اكلت ونمت تاني بتعب.. صحيت على اذان الفجر قومت اتوضيت ولبست الاسدال وفضلت ادعي ان الزاكرة ترجعلي وارجع افتكر كل حاجه.. خلصت وقومت حسيت بجوع وعطش وملقتش ميه في اوضتي نزلت تحت وفضلت ادور على المطبخ بصراحه حسيت اني توهت الفيلا فعلا كانت كبيرة كانت اشبه بالقصر فضلت الف حولين نفسي زي الهبله لحد ما سمعت صوت لفيت بفزغ وخضه..

وسيم: بتعملي ايه..

مليكه: ايه يا عم حد يخض حد كده..

وسيم: سلامتك من الخضه يا جميل.. قالها بابتسامه دوختني الصراحه😂

استغفرت ربنا في سري ورديت عليه: صحيت على اذان الفجر صليت وجيت انام تاني حسيت اني جعانه وكمان مش جيلي نوم..

وسيم: امممم انا كمان صحيت عشان حسيت بجوع.. طب ايه اللي وقفك كده..

حمحمت بأحراج: احم.. بصراحه مش لاقيه المطبخ.. حاسه اني توهت.. يعني مش عارفة ايه البيت الكبير ده بتعملوا في ايه..

وسيم ضحك ضحكه رجوليه خفيفه: هههه طيب تعالي معايا..

مشيت وراه لحد ما وصلنا بسلامه المطبخ..

مليكه وهي بتحط اديها في وسطها: ها هناكل ايه

وسيم فتح التلاجه: مش عارف هشوف في حاجه في التلاجه..

فجاه لقيت عيني لمعت لما لقيت نوتيلا في التلاجه بلعت ريقي بجوع..

وسيم وهو بيبصلي: ايه عايزة نوتيلا..

هزيت راسي بسرعه وهو ابتسم وطلعها وطلع عيش..

مليكه: ايه بتعمل ايه..

وسيم: بطلع العيش وهحطوا في الميكرويف..

مليكه: اشطا بس طلع ليك انت بس

وسيم: ليه يابنتي مش هتاكلي..

شديت النوتيلا من ايدو: هات دي بس انا هتصرف.. جبت معلقه وفضلت اكل في النوتيلا بأستمتاع.. وهو بيبصلي بنظرة.. مفهمتهاش.. لا مش هكدب.. فهمتها بصراحه بس مكنتش متأكده من ظنوني.. خلصنا وبعدين بصلي وقالي: هتطلعي تنامي..

مليكه بتفكير: اممممم مش جيلي نوم بس ممكن اتفرج على التلفزيون اللي في الاوضه..

وسيم: طب ايه رأيك نتفرج سوا هنا في اوضه الليفنج..

مليكه: تمام معنديش مشكله.. روح شغل فيلم وانا هعمل فشار..

وسيم: اشطا..

عدا اليوم وراه يوم لحد ما عدا اسبوع كان اسبوع حلو اوي عرفت في حاجات كتير عن عيلتي وجزء من الزاكرة رجعلي وكل يوم بفتكر زكريات اكتر من اللي قبلها.. في يوم كنا قاعدين كلنا على الفطار.. الجرز رن والداده فتحت اتفاجات بزينب اللي هي اللى كانت حماتي ومعاها كنزي.. كنزي اول ما شافتني جريت عليا وحضنتني وبادلتها الحضن بصراحه كانت وحشاني اوي..

كنزي: وحشتيني اوي يا ماما ليه سبتيني تاني مش قولتيلي مش هسيبك تاني..

معرفتش ارد عليها..

زينب بأسف ممزوج برجاء: انا اسفه يابنتي.. انا غلطت ومعترفه بده.. بس صدقيني كان غصب عنك..

رضيت بأدب: تعالي نقعد جوا يا ماما زينب.. قعدنا وهي ابتدت الكلام..

زينب: انا ابني اسر مريض نفسي..

مليكه بصدمه: اييه؟!....... يتبع

رواية من اكون الفصل السابع 7 والأخير ملك ناصر

@الجميع

7

زينب: انا ابني مريض نفسي..

مليكه بصدمه: اييه؟!

زينب: اسر اتجوز بعد ما اتخرج من الجامعه اتجوز سارة الله يرحمها.. كانوا بيحبوا بعض اوي اتعرفوا على بعض في الجامعه بعد ما اتخرجوا مباشرة اتجوزوا.. مكنوش بيزعلوا من بعض ابدا.. كان ما بنهم احترام.. عدد المرات اللي اتخاقنوا

فيها تتعد على الايد.. لحد ما خلفوا كنزي كانوا عيله جميله اوي.. وفي يوم سارة كانت راجعه من شغلها وكانت سايقه العربيه بتاعتها.. فجاه طلع اودامها عربيه.. عملت حاد.ثه كبيره اوي العربيه اتقلبت اكتر من مرة وكانت هتو.لع بس

الناس لحقوها وخرجوها منها.. وودها على المستشفى.. في الوقت ده كان اسر لسه راجع من الشغل وكان عندي فجاه تليفونه رن وعرفنا الخبر.. كانت صدمه كبيرة على اسر ومكنش مصدق.. روحنا المستشفى وعلى دخلتنا لقيناها خارجه من اوضة العمل.يات كانت.. وكملت بحزن.. كانت

ما.تت اسر قرب منها بصدمه.. وشاف وشها اللي ملامحوه مكنتش باينه من الجروح.. كانت اتشو.هت.. من اليوم ده واسر مش قادر يتسى اللي حصل ولا قادر ينسى شكلها

وديتوا عند دكتور نفسي علشان يعالجوا.. حياته وقفت..

مبقاش يشتغل ولا ياكل ولا يشرب ولا حتى يتكلم.. كان طول الوقت نايم حتى كان بيتكلم كتير مع نفسوا كان بيحلم بكوا.بيس.. لحد ما في يوم كان خارج من عند الدكتور وفجأه ظهرتي انتي في وشو.. ولأنك شبه سارة بنسبه كبيره جدا افتكرك هيا وكان هيقرب عليكي بس فجأه انتي للاسف

خبط.تك عربيه جري عليكي وخدك على المستشفى وكلمني وقالي انه لقا سارة خلاص.. طبعا انا اتصدمت بس روحت على العنوان بتاع المستشفى وفعلا لقيتوا واقف قربت منه وخرج الدكتور وقالنا انك فقدت الذاكرة بالكامل واحتمال مترجعش تاني لأن الخبطه كانت قوية على دماغك.. لما شوفت فرحه ولهفه ابني عليكي مقدرتش اقوله انك مش

سارة مقدرتش اتكلم.. وفعلا اقتنع كامل الاقتناع انك سارة مش مليكه وحتى اقنعت كنزي بكده.. اما فتون فكانت رافضة بس مع محيالاتي ليها لدرجه اني عيطت اودامها وافقت.. وبس اخدناكي على انك سارة وكتبنا في المستشفى بيناتك انك سارة مش مليكه..

كنت بسمعها والدموع نازلة من دموعي ومش مصدقه انى كنت مغفله كده!! انا كنت لعبه بين اديها علشان تراضي ابنها!!

فوقت من شرودى على صوتها..

زينب: انا عارفة اني غلطت بس صدقيني اسر ملوش دعوه.. ارجوكي خرجيه من الح.بس ابني مش هيقدر يقعد هناك اكتر من كده.. لو مش عشان عشان بنتو كنزي.. كنزي دلوقتي ملهاش ولا ام ولا اب..

بصيت لكنزي ومسحت دموعي ووجهت كلامي لزينب: انتي عارفة انك انتي اللي المفروض تتحبسي مش هو؟! دمرتي حياتي وحياه ابنك وحياه حفيدتك كمان.. انتي انا.نيه.. كان المفروض تخليه يتأقلم على الوضع الجديد مش تجبيلوا بنأدمه تبوظي حياتها علشان يكون مبسوط.. انتي اكتر حد انا.ني انا شوفته في حياتي.. كنان

كنان: نعم

مليكه: عايزاك تحسب الشكوى

كنان: ايه؟ انتي هتسيبي حقك..

كاظم: انتي متأكده يابنتي..

مليكه: ايوة يا جدو متأكده.. ووجهت كلامي لزينب تاني..

مليكه بتحذير: من النهارده مش عايزة اشوفك ولا اشوف ابنك تاني اطلعي بره..

زينب بلعت اها.نتها وكانت هتخرج بس كنزي سابت اديها وجريت على مليكه وحضنتها من رجلها: ماما.. انتي قولتي مش هتسبيني يالا نروح بيتنا.. انتي وحشتيني اوي يا ماما نفسي انام في حضنك.. الكل اتأثر جدا بكلام كنزي الطفله الصغيرة اللي حصلها كل ده في العمر الصغير ده..

وطيت لمستواها وكلمتها بحنان: انا مش ماما يا حبيبتي انا اسمي مليكه.. ماما دلوقتي في مكان حلو اوي اوي.. عارفة فين.. كنزي: فين

مليكه؟ فوق عند ربنا وشايفاكي وسمعاكي كمان..

كنزي بصت لفوق بطفوله: طب ربنا حلو؟!

مليكه: حلو اوي اوي.. عايزاكي كل ما ماما توحشك تدعيلها وتقولي ربنا يرحمك يا ماما.. ماشي يا كنوزة..

كنزي هزت راسها بموافقه وزينب اخدتها وبصت لمليكه ابتسامه شكر ومشيت.. اما مليكه فهي لسه مش مصدقه انها عرفت هي مين عرفت اهلها الحقيقين.. بصت لجدها واخواتها بحب وحضنتهم.. اما وسيم فكان بيبصلها بعشق وحب صادق..

وسيم: مليكه

مليكه خرجت من حضن جدها.. نعم يا وسيم..

وسيم: تتجوزيني..

مليكه بصدمه وفرحه: موافقه.. موافقه.. موافقه........

وتم بحمد الله ♥

اكتبولي رأيكم في الرواية +اسفه جدا على التأخير🌹❤