تحميل رواية «من اجل حفيدتي» PDF

رواية من اجل حفيدتي

الفصل السادس6

بقلم هاجر خالد

ـ من اللحظه دي تنسى إن كان ليك صاحب إسمه حسن.

....................................................................................

ـ صابر : وانت هتعمل إيه دلوقتي ياسليم .

ـ الجد سليم بحزن : مش عارف يا صابر مش عارف.......بفكر اديله الفكره بالمشروع كله واخلص .

ـ صابر : بس انت كدا بيتك هيتخرب وحاجات كتير اوي هتبوظ و مش هيبقى في ثقه بينك وبين المقاولين تاني .

ـ الجد سليم : كل دا ملوش لازمه قدام إني اخسر حفيدتي يا صابر.....انا مش قادر أتخيل إنها مش هتبقى موجوده.....مش هيبقى ابني وحفيدتي .

ـ صابر : بس انت لازم تقول لحسن مينفعش تخبي عليه منضمش إيه اللي ممكن يحصل.

ـ الجد سليم: حسن متهور خايف اقوله يتصرف غلط ويضيع هو كمان بس.......هلاقي حل إن شاء الله هلاقي حل.

ـ طبطب صابر على كتفه وقال : أن شاء الله يا سليم متقلقش.

ـ الجد سليم: أنا هطلع بقا اشوف هاجر وزينب لاني اتأخرت النهارده ومش عاوزهم يحسو بحاجه.

ـ صابر : ماشي.....وابقي طمني هتعمل ايه .

( طلع الجد سليم فوق وكان باين عليه الحزن والقلق بس حاول يداري دا لما لقى هاجر و زينب صاحين بيتفرجو على التلفزيون و....).

ـ هاجر : اتأخرت كدا ليه يا جدو .

ـ الجد سليم: معلش ياحبيبتي الدنيا كانت زحمه اوي النهارده وكمان عقبال ماخلصت اللي ورايا.

ـ زينب : انا هقوم احضرلك الاكل يابابا.

ـ الجد سليم: لا يازينب انا كلت برا......هغير بس هدومي واجي اقعد معاكم.

ـ زينب : تمام .

....................................................................................

عند حسن في كافيه تحت بيت مازن

ـ حسن: ها كلمتني اجيلك ليه يابني .

ـ مازن بتوتر : حسن انا في موضوع عاوز اتكلم معاك فيه بس......بس تسمعني للآخر ياحسن انا والله ماكنت اعرف إن هيحصل كدا .

ـ حسن: مالك يا مازن في إيه إحنا من امتى في بينا المقدمات دي اتكلم سامعك.

ـ مازن ماكنش عارف يبدأ منين ولا يقول إيه بس اتكلم وقال : هارون .

ـ قال حسن باستغراب: ماله هارون.

ـ مازن: اهدى ياحسن وسيبني اكمل.

ـ حسن بضيق: كمل يامازن.

ـ مازن : هارون قبل ما هاجر تعمل الحادثه بيومين كلمني وقالي إنه عاوز يكلمني في موضوع مهم و..... بدأ مازن يحكيله كل حاجه حصلت.........

Flash back قبل الحادثه بيومين

ـ مازن : هارون باشا بنفسه بيرن عليا خير إن شاء الله.

ـ هارون: خير يا مازن خير بس انا عاوزك في موضوع مهم اوي .

ـ مازن : موضوع ايه دا .

ـ هارون: هتعرف لما تيجي.......هستناك النهارده في الشركه عندي ، نصيحه مني متحاولش تتذاكى يامازن .

ـ مازن : انا مش فاضيلك ولا فاضلي للحوارات بتاعتك دي ياهارون .

ـ هارون باستفزاز : بس اظن لما تعرف إن الموضوع ليه علاقه بسليم وحسن وهاجر هتيجي صح.....هستناك يامازن متتاخرش .

( قفل هارون المكالمه قبل ما يسمع رد مازن ، مازن ماكنش عارف يعمل إيه يرن على حسن ويفهمه ولا يروح يشوف هارون عاوز ايه الاول......قعدت يفكر كتير لغاية ماقرر إنه هيروح لهارون بعدها يعرف حسن بكل حاجه و.......).

ـ راح مازن في المعاد اللي هارون اتفق معاه عليه وقاله بضيق : ها يا هارون إيه الموضوع المهم اوي دا ......ياريت تخلص بس لاني مش فاضيلك.

ـ هارون : ولا أنت كمان فاضليك يا مازن بس المهم دلوقتي إني عاوزك تجيبلي ورق المشروع الجديد بتاع حسن .

ـ مازن بعدم فهم : اجيبهولك إزاي يعني مش فاهم .

ـ هارون : تسرقه يا مازن انت الوحيد اللي حسن بيثق فيه وعارف عنه كل حاجه ، مش هيبقى صعب عليك يعني.

ـ مازن بغضب : انت اتجننت ، انت عاوزني أسرق صاحبي ، لأ وكمان أسرق اهم فكره حسن وعمي سليم بيخططلو ليها بقالهم سنين ، انا مستحيل اعمل كدا.

ـ هارون : كل الكلام دا ميشغلنيش......المهم عندي إن الورق دا يكون موجود عندي بكرا بالكتير انا مش هستنى اكتر من كدا .

ـ قام مازن وقف وقال بصوت عالي : وانا مستحيل اعمل كدا وأعلى ما في خيلك اركبه يا هارون.

ـ هارون : دا اخر كلام عندك.

ـ مازن: ايوا .

ـ هارون ببرود : خلاص يبقا خليكم قد الجاي بقا و اه صح......خلي بالك من صاحبك وهاجر.

اتفضل برا لاني مش فاضي.

Back

ـ مازن : هو دا كل إللي حصل والله ياحسن انا كنت بحسبه بيهوش ،مكنتش أتخيل أنه ممكن يأذي حد فيكم بالشكل دا انا......

ـ قاطعه حسن بغضب قائلا: يعني انا شكي كان في محله هارون اللي عملها و........وانت انت ازاي تخبي عليا انا وجدو حاجه زي كدا ، انت عارف إن هاجر كانت ممكن تروح فيها ، ازااااي متقولناش ازااااي يا مازن.

ـ مازن بحزن محاولًا تهدأت حسن : والله ياحسن ماكنت اعرف إنها ممكن توصل لكدا و كمان انت كنت مسافر كنت هستناك لما تيجي واحكيلك كل حاجه بس.....بس ملحقتش هارون نفذ علاطول .

ـ حسن بغضب : والله؟! كنت هتقولي لما اجي من السفر ، واديك شوفت اهو هو فعلا مستناش وكان ممكن يقت**لها ، أنا بجد مش مصدق إنك كنت عارف إن ممكن حد فينا يتأذي وكنت ساكت .

ـ مازن بحزن: والله ياحسن انا......

ـ قاطعه حسن وهو بيقوم من مكانه وبيقول بضيق وغضب : انت تسكت خالص و من النهارده تنسى إن كان ليك صاحب إسمه حسن.

ـ حسن قام يمشي ومازن ماشي وراه بيحاول يلحقه فقال : ياحسن استنى بس انا مليش ذنب والله .

ـ حسن : امشي من قدامي يامازن .

ـ مازن: ياحسن افهم بس .

ـ ركب حسن العربيه ومازن واقف قدامها: اتحرك يا مازن عاوز امشي .

ـ مازن: لأ مش همشي ياحسن .

ـ حسن: يابني امشي انا ماسك نفسي عنك بالعافيه.....امشي .

( اتحرك مازن من قدام العربيه وحسن مشي....بس مازن ركب عربيته وراح وراه ، وصل حسن البيت وطلع عند عمو صابر علاطول و......).

ـ صابر : حسن ازيك.....ادخل .

ـ حسن: معلش جيتلك فجأه بس مش هقدر اطلع فوق دلوقتي .

ـ صابر : مالك ياحسن إيه اللي حصل.

ـ لسه حسن هيتكلم بس قاطعه خبط على الباب فقام يفتح وفقال بغضب لما شاف مين : انت ايه اللي جابك ورايا يالا انت.

ـ دخل مازن وقال : اهمد بقا واتهد.

ـ حسن : اطلع برا يالا.

ـ مازن: مش طالع.

ـ حسن: والله!!طب تعالى كدا بقا .

ـ مسك حسن في مازن ولسه هيضربو بس وقفهم صوت عمو صابر بزعيق وهو بيقول : بس يالا انت وهو......ايه مش عاملين أي احترام ليا خالص.

ـ مازن: هو اللي بدأ ياعم صابر .

ـ حسن: اسكت يالا .

ـ صابر: اخرسوا انتو الاتنين واترزعو هنا لحد ما أرن على سليم ينزل.......جدتكو الهم .

ـ راح صابر يرن على الجد سليم ولكن حسن قال بهمس لمازن : هنفخك يامازن بس ننزل .

ـ مازن: مش هرد عليك عشان انا غلطان بس .

ـ جه الجد سليم ودخل وقال بغضب : إيه اللي بيحصل هنا دا انت وهو

الفصل السابع من هنا

رواية من اجل حفيدتي

الفصل السادس عشر16

بقلم هاجر خالد

إيه نخطفها!!!!

.....................…………….………….….…....…….......................

ـ هارون بيتكلم في الموبايل: جدع يا سعيد ، الفلوس هتتحولك ، وجهز نفسك عشان هحتاجك في شغل تاني ، يلا اقفل دلوقتي .

ـ قفل هارون مع سعيد ، في اللحظه دي دخل مازن قعد في الكرسي المقابل لهارون وقال : صباح الخير ، إيه الحاجه المهمه اللي جايبني عشانها؟.

ـ هارون : بما إنك بقيت شريكي ، وعدونا واحد ، فالمفروض تعرف أنا بعمل إيه .

بص هارون لمازن بتركيز بعدها قال : انا بعت حد لحسن في الشركه يعمل شو كدا ويهلل إن حسن نصاب والشغل دا يعني عشان نضربله اسم الشركه .

ـ أتصدم مازن لأن حسن لسه محاكلوش حاجه بس بين عكس كدا وقال بتصنع الشر : حلو اوي دا يا هارون كدا بقا نبدأ نلعبها صح .

ـ هارون : كنت متوقع تتفاجأ شويه ، دا كان صاحبك يعني .

ـ مازن ببرود مصتنع: كان بقا يا هارون ، دلوقتي هو عدوي وبس.

ـ هارون : كدا انت تبقا شريكي صح.

اخبار الورق ايه اللي طلبته منك .

ـ مازن بجديه : يومين بالظبط وهيبقا جاهز .

ـ هارون : تمام يامازن .

انا عندي اجتماع دلوقتي ، تعالى احضره لو حابب.

ـ مازن : تمام يلا .

....................................................................................

" عند حسن في المخزن"

ـ سعيد : كدا انا عملت اللي اتفقنا عليه.

ـ حسن: تمام ، بس لسه دورك مخلصش .

ـ سعيد : إيه المطلوب تاني.

ـ حسن: انت خلاص دلوقتي بقيت شغال معايا ، يعني المطلوب منك إن أي حاجه هارون يقولهالك تنفذها ضدي ابقا عارفها ، تحركات هارون تبقى عندي ، وطبعا غير إنك هتقولو انك بتعمل كل حاجه هو بيكلفك بيها والدنيا ماشيه زي الفل.

ـ سعيد بتوتر : بس.......بس هارون لو هعرف هيأذيني وانا مش حمله.

ـ حسن بجديه : متقلقش طول ما انت معايا ومش بتلعب من ورايا ، اضمنلك إن مفيش حد هيأذيك .

ها اتفقنا كدا؟.

ـ سعيد : ماشي اتفقنا .

....................................................................................

" في منزل الجد سليم "

ـ شريف : في الاير بودز بتاعتي .

ـ هاجر : مش عارفه......شوف كدا يمكن اللي مروان لابسها دي .

ـ بص شريف لمروان لقاها معاه فعلا فقال بصوت عالي خض هاجر ومروان : انت يا زفت.

ـ خلع مروان الاير بودز من ودانه وقال بخضه : ايه في ايه؟!!.

ـ قال شريف وهو بياخدها منه : انت رخم يالا بتاخدها ليه فين بتاعتك.

ـ مروان : باظت ياشريف ، وبعدين هو أنا خدت ايه يعني دي معفنه .

ـ شريف : معفنه!!!!

انت عارف دي بكام ؟؟.

ـ هاجر بفضول : بكام ؟؟.

ـ مروان : بس انتِ دلوقتي.

ـ شريف : متلمسش حاجتي تاني فاهم .

ـ مروان : ياعم اتنيل .

ـ هاجر لمروان : انا رأي تسكت لأن شكلك هتتعجن دلوقتي .

ـ شريف : اول مره تقولي حاجه صح يا هاجر ، اسمع كلامها بقا .

ـ هاجر : ممكن خلاص بقا كفايه خناق.......و حد فيكم ينزل معايا اجيب طلبات من تحت .

ـ قالت هاجر كلامها وقبل ماحد يرد كان عمر دخل من الباب وسبقهم في الرد وقال : انا هاجي معاكي .

ـ قال مروان وهو بيبص لشريف: ياريت تاخدو الكائن دا معاكم .

ـ شريف : يابني هنفخك يابني.

ـ قالت زينب من المطبخ : بطلوا خناق وحد يجي يساعدني .

ـ اتحرك مروان ناحية المطبخ وهو بيقول : جايلك يا زوزو اهو.

ـ هاجر: يلا بينا ياعمر ننزل إحنا.

ـ عمر : يلا.

....................................................................................

" عند حسن في الشركه "

ـ قاعد حسن بيخلص شغل ، موبايله التاني رن وكان مازن ، فرد حسن وقال : ألو....... إيه يامازن إيه الاخبار .

ـ مازن بعصبيه: انت ليه مقولتليش اللي حصل معاك امبارح .

ـ حسن : كنت هقولك يامازن ، بس امبارح اتسحلت في كذا حاجه معرفتش اكلمك.

ثواني انت عرفت منين؟!!

ـ مازن : هارون قالي النهارده ، وكمان قالي بعد ماخلصت معاه الاجتماع أنه في حاجه مخططلها ليك هيقولي عليها النهارده .

ـ حسن : حاجه ايه دي؟!!.

ـ مازن : مش عارف بس اكيد لما يعرفني هقولك .

المهم دلوقتي انت عملت ايه مع الراجل اللي هارون باعته دا .

ـ حسن : ولا حاجه ، اخدته المخزن عملت معاه الواجب بعدها اتفقت معاه إنه يكلم هارون يقوله إن الدنيا ماشيه تمام .

ـ مازن : وبعدين .

ـ حسن : بس كدا ، هارون قاله إنه لسه هيكلفه بحاجات تانيه عشان يضر بيها الشركه.

ـ مازن : طب انت ضامن إن الراجل دا ميروحش يحكي لهارون كل حاجه.

ـ حسن : لا متقلقش انا ظبطته وكمان هو هيخاف يقول لهارون ، لأن لو هارون عرف إنه اتكشف ممكن يق** تله فيها .

ـ مازن : ركز كويس ياحسن اليومين دول ، وانا اي حاجه هارون ناوي عليها هقولك عشان تبقا عامل حسابك ، ومتقلقش انا معايا كام تسجيل ليه هيوديه ورا الشمس .

ـ حسن بإمتنان: اخويا يامازن والله مش عارف اقولك ايه بجد شكرا.

ـ مازن : بس يالا عبط ، روح كمل شغلك يلا وانا اهو مروح البيت بعدها اروح على الشركه .

ـ حسن : ماشي خلي بالك على نفسك.

ـ مازن : ماشي وانت كمان......مع السلامه .

ـ حسن: سلام.

....................................................................................

" عند هاجر وعمر في السوبر ماركت "

ـ عمر : خلاص كدا ولا لسه فاضل حاجه .

ـ هاجر : لا كدا تمام ، جبنا الخضار والجبن وجبنا التوابل و.......يالهوي.

ـ عمر بخضه : إيه في إيه!!!

ـ هاجر : نسينا الخيار.

ـ عمر : يابنتي بقا يابنتي كل الخضه دي على الخيار .

ـ هاجر : ايوا دا اهم حاجه ، يلا نجيبه .

( راحت هاجر جابت الخيار ودفعوا حساب الحاجه وروحوا البيت ، مروان وهاجر كانوا بيساعدو زينب في المطبخ ، الجد سليم وعبدالله ك قاعدين يلعبوا طاوله في البلكونه ، عمر وشريف ونديم كانوا قاعدين معاهم و........).

ـ زينب : روحي ياهاجر رني على حسن عشان يجي خلاص قربت اخلص الغداء .

ـ جايه هاجر تطلع من المطبخ عشان ترن عليه بس لقت حسن جه فقال : أنا جيت يازوزو خلاص .

ـ زينب : حمد الله على السلامه يا حبيبي.....روحي غير هدومك يلا الغداء قرب يخلص .

ـ حسن : هوا انا جعان اوي اصلا.

( راح حسن يغير هدومه ، زينب خلصت الغداء وهاجر حضرت السفره هي ومروان ، والعيله اتجمعت على السفره وبدأو يتغدوا ، بعد الغداء دخل الولاد كلهم قعدو مع بعض في البلكونه ، الجد سليم وعبدالله وزينب كانوا بيتفرجوا على التلفزيون و..........)

ـ عمر : احنا مدينا الاجازه بتاعتنا شويه لغاية مانشوف موضوع إننا نستقر مصر .

ـ هاجر بفرحه : أحلف.

ـ ضحك عمر وقال : أيوا والله.

ـ هاجر : دا خبر حلو اوي بجد .

ـ مروان لهاجر : طب بمناسبة الخبر دا ، انا شوفت كيسه اتكمرت في الأوضه شكلها حلويات ، انا عاوزها.

ـ هاجر : اتكمرت!!!! انتم متأكدين أنه كان معاكم في ألمانيا.

ـ عمر : الصراحه لأ ، شكله عيل بيئه.

ـ نديم : بيئه ياما .

ـ مروان : والله اتلميتوا عليا دلوقتي .

بعدين بص لهاجر وقال : قومي يابنتي هاتي الحلويات دي نشوف بتقول إيه.

ـ قالت هاجر وهي بتقوم : انا كدا كدا كنت جيباها عشان لما نسهر سوا.

( قامت هاجر جابت الحلويات وجت قعدت معاهم ، وقعدوا كلهم يتكلمو مع بعض ويهزروا ويعملوا TikTok ) .

ـ مروان : ماكنتش متخيل إن شريف و نديم يعملوا تيك توك بصراحه.

ـ حسن : ولا أنا يابني والله .

ـ نديم : ليه ياجماعه بس .

ـ هاجر : بصراحه ياجماعه شكلكم جد اوي ساعات بخاف منكم .

ـ مروان : ساعات!!!!

ـ شريف بهزار : بس انت .

ـ مروان : حاضر يا رجوله .

ـ بيكلموا كلامهم بس هاجر سكتت ، حست بتعب فجأة ، حسن لاحظ دا فقال : انتِ كويسه .

ـ بصتله هاجر وقالت بابتسامه : انا تمام بس هقوم اجيب مياه.

قامت هاجر طلعت من البلكونه بس......بس اختل توازنها ووقعت اغمى عليها .

ـ قاموا كلهم بخضه جريوا عليها بيحاولوا يفوقوها و.......

……………………………………………………………………………….........

" عند هارون ومازن "

ـ مازن وهارون قاعدين في المكان بتاع هارون اللي بيجتمع فيه فقال هارون : عندي طريقه نقدر نلوي بيها دراع حسن وسليم وتخليهم ينفذوا كل إللي إحنا عاوزينه.

ـ مازن : طريقة إيه دي؟!

ـ هارون بشر : نخطف حفيدته هاجر.

ـ مازن بصدمه حاول يخفيها : إيه نخطفها!!!!!

الفصل السابع عشر من هنا

رواية من اجل حفيدتي

الفصل السابع عشر17والاخير

بقلم هاجر خالد

ـ الحق عمر يا بابا

....................................................................................

ـ الدكتور : تمام تقدر تمشي لما المحلول يخلص .

ـ حسن : هي حصلها كدا ليه.

ـ الدكتور بتوضيح : الدوا اللي كانت بتاخده بعد الحادثه كان قوي وفي فيتامينات تساعدها تعوض اللي فقدته وكان يقوي بنيتها ، لكن هي وقفته والظاهر إن بقالها فتره فا دا أدى إن حصلها ضعف وكمان قلة اكل .

ـ بص حسن لهاجر بضيق بعدين قال للدكتور : تمام يادكتور شكرا.

ـ الدكتور : العفو ، الف سلامه عليها.

ـ الجد سليم بلوم : ينفع كدا ياهاجر.

ـ هاجر: sorry ياجدو مكنتش احسب هيحصل كدا.

ـ زينب : بعد كدا هتابعك لأن انتِ طلعتي بتضحكي عليا كل ما أسألك تقوليلي ايوا اخدته ياخالتو .

ـ هاجر : خلاص بقا يازوزو اخره مره.

ـ عمر : الف سلامه عليكي.

هاجر : الله يسلمك ياعمر .

ـ اطمن شريف ونديم ومروان على هاجر برضو ، قعدت شويه في المستشفي وبعد ما المحلول خلص نزلوا كلهم وروحوا ، طول الوقت دا حسن ماكنش بيكلمها وكان مضياق منها ، بعد ماروحوا قعدو كلهم مع بعض شويه بعدين كل واحد راح على بيته و...............).

ـ حسن كان طالع من بيت الجد سليم عشان يروح شقه بس وقفته هاجر وقالت : حساك مقموص مني ياحسن .

ـ بصلها حسن بعدها قال : حاسه!!.

ـ هاجر : لا بصراحه متأكدة انت مش طايقني من ساعة ماكنا في المستشفى.

ـ حسن : روحي نامي يا هاجر .

ـ هاجر : في ايه ياحسن بجد بقا .

ـ حسن : تعرفي ان احنا علاطول كنا بتتخانق بسبب إنك مهمله في نفسك ومش بتحبي تاخدي علاج ولا حتى بتهتمي بتعبك .

ـ هاجر : مش فاكره بس انا لما لقيت نفسي كويسه وقفت العلاج ، متوقعتش يحصل حاجه.

ـ حسن : و أهو حصل.....متشغليش دماغك تاني بقا ممكن .

ـ هاجر : حاضر.............يعني مش زعلان خلاص ؟.

ـ ابتسملها حسن وقال : لا خلاص ، وانا من امتى بعرف ازعل منك يعني .

ـ هاجر : ماشي.......هروح انام انا بقا تصبح على خير .

ـ حسن : وانتِ من أهل الخير .

....................................................................................

" عند هارون ومازن "

ـ هارون : مالك اتصدمت كدا ليه.

ـ مازن : لا متصدمتش ولا حاجه ، بس كدا إحنا ممكن نتضر ، واكيد هيعرفوا إن أنت اللي عملت كدا .

ـ هارون : هو أنا اهبل ولا ايه ، انا هكلف ناس تانيه خالص بالموضوع دا وكمان مش انا اللي هتعامل معاهم ، يعني في وسيط بينا ، مفيش داعي للقلق.

ـ مازن : تمام يا هارون ، هتنفذ امتى .

ـ هارون بخبث : لسه مش عارف اكيد لما اقرر هقولك .

ـ مازن : تمام.

( خلص مازن مع هارون ونزل ماكنش عارف يعمل ايه غير إنه يرن على حسن عشان يفهمه وبالفعل رن عليه وقاله كل اللي حصل و.........).

ـ حسن بصدمه : يعني إيه يامازن الكلام دا هو فاكر إيه يعني .

ـ مازن : اهدى ياحسن ، انا بس عاوزك تخلي بالك الايام دي لأن هارون شكله مش هيسكت .

ـ حسن : مش عارف اعمل إيه يامازن بجد مش عارف ، انا خايف عليها اوي مش مستعد اخسرها مش هقدر .

ـ مازن بمواساه : عارف ياحسن وحاسس بيك ، انت بس أهدى وحاول ركز معاها الفتره دي ومتسيبهاش لوحدها ، وانا اول مايحصل جديد هكلمك.

ـ حسن : تمام يا مازن.

ـ مازن : ومتقلقش انا كل حاجه حصلت متسجله لهارون فا اي حاجه هيعملها ، هيشرف في القسم وابقى قابلني لو طلع .

ـ حسن : كويس جدا دا ، وانا هحاول على قد مااقدر أأمن هاجر الفتره دي .

ـ مازن : تمام يامعلم ومتقلقش.......هسيبك بقا تنام يلا مع السلامه.

ـ حسن : سلام .

( عدى على اليوم دا اسبوعين كانت الدنيا ماشيه تمام ، ومفيش اي حاجه حصلت من ناحية هارون وحسن كان مستغرب وقلقان مش عارف هارون بيخطط لإيه ، بس كان بيتعامل عادي ومش بيحسس هاجر ولا العيله بأي حاجه ، لغايه ما جه اليوم اللي محدش عامل حسابه ولا متوقعه و..............).

" في منزل الجد سليم "

ـ هاجر : جدو انا هنزل النهارده عشان اروح الكليه زي ما اتفقنا ، عشان اشوف الدنيا ماشيه ازاي .

ـ الجد سليم : ماشي ياحبيبتي ، مين هيجي معاكي ؟؟.

ـ هاجر : عمر مستنيني تحت ، انا نازله بقا .

ـ الجد سليم : خلي بالك من نفسك.

ـ هاجر : حاضر باي .

ـ نزلت هاجر لعمر وطلعوا بالعربيه راحوا الجامعه ،وهاجر عرفت كل التفاصيل اللي محتاجها وعرفت هتعمل ايه عشان ترتب نفسها ترجع الجامعه تاني ، بس وهما راجعين في الطريق كان في زي حركه غريبه هما حاسين بيها فقالت هاجر : عمر العربيه دي ماشيه ورانا من ساعة ما طلعنا من الكليه، انا خايفه.

ـ قال عمر عشان يطمنها لانه حس بنفس الحاجه : لا يابنتي ماشيه ورانا ايه بس مفيش الكلام دا .

ـ هاجر : طب سرع شويه يا عمر .

ـ عمر : حاضر ، متقلقيش مفيش حاجه.

ـ بدأ عمر يمشي أسرع ، العربيه اللي بتراقبهم خدت بالها ، بدأت تسرع وراهم اكتر وبقت تزنق على عربيه عمر لدرجه إنه كان هيخبط في العربيات التانيه ، فقالت هاجر بخوف : عمر في إيه ، انا قولتلك ماشيين ورانا مصدقتنيش ياعمر ، اسرع اكتر ارجوك.

ـ عمر : بس اهدي اهدي مفيش حاجه .

ـ هاجر بصوت باكي : لا انت مش شايف احنا ممكن نتقلب ارجوك اتصرف ، كلم جدو أو حسن .

ـ عمر : اهدي انا هتوهم ، هدخل في شارع جانبي ومش هيلحقونا.

ـ هاجر بتوتر : يلا والنبي ياعمر .

ـ بدأ عمر يزيد من سرعته اكتر كل دا تحت عياط هاجر وخوفها الشديد ، وبالفعل دخل في شارع جانبي مقطوع بس العربيه كانت ماشيه وراه برضو ، زاد عمر من السرعه اكتر ، بس العربيه كسرت عليه ونزل منها 4 رجال شكلهم غريب وراحوا ناحية عربية عمر ، نزل عمر من العربيه وقال بصوت عالي وزعيق : انتم مين وايه اللي انتو بتعملوه دا .

ـ واحد من الاربع رجال قال : اركن انت على جنبك عشان متتاذيش ، احنا عاوزينها هي .

ـ رزع عمر باب العربيه وراح ناحية الراجل اللي بيتكلم وقال بعصبيه وصوت عالي وهو بيزق الراجل : انت شكلك مجنون صح ، مين دي اللي عاوز تاخدها ، انا ممكن ادف***نك مكانك لو ممشتش من هنا .

ـ قال واحد تاني منهم : دي أوامر ومش هنمشي من غيرها .

ـ ضربه عمر بالبوكس وقال بعصيبه : أوامر مين انت مجنون يلا دا انا.............

وقبا ما يكمل كلامه ضربه واحد من الاربع على دماغه ، وقع عمر في الأرض دماغه كانت بتن** زف فانزلت هاجر من العربيه وجريت عليه فقال عمر وهو بيزعق عشان ترجع مكانها وتقفل على نفسها العربيه : ارجعي ياهاجر مكانك ارجعي .

ـ بس هاجر ملحقتش اول ما نزلت من العربيه ادخها واحد من الرجاله اللي باعتهم هارون ، هاجر فضلت تصرخ ، عمر حط ايده على دماغه وقام رايح نايحتها ، واحد منهم ضربه ، وقع عمر على الأرض كان دايخ ودماغه بتن* زف جامد اوي ، هاجر بتصرخ ومش عارفه تفلت منهم وبتنادي على عمر .

ـ هاجر بصراخ وعياط : ياعمر قوم ياعمر بالله عليك قوووووم.

ـ بس عمر كان اغشي عليه من الضرب غير جرح اللي في رأسه ، الرجل اللي كان مكتف هاجر عشان تمشي دخلها العربيه وقفل عليها بسرعه ، هاجر من كتر عياطها وتوترها نفسها راح واغمى عليها ، مشيت العربيه اللي هاجر كانت فيها ، عمر كان واقع في الأرض والد*م حواليه ومفيش اي حد في الشارع ينقذه لان الشارع مقطوع ومحدش بيمشي فيه اوي حتى لو الصبح الا ناس قليله .

..................................................................................

ـ هاجر فاقت لقت نفسها في مكان زي مخزن نوره بسيط والباب مقفول ، فقالت بعياط وهي تخبط على الباب : حد يفتحلي........طلعوني من هنا ، حد يرد عليا .

ـ رد عليها صوت غليظ من برا بيقول : اقعدي مكانك واسكتي لحد مانشوف هنعمل معاكي إيه.

ـ هاجر بعياط : ممكن تخرجني من هنا و عاوزه اطمن على عمر والنبي طلعني من هنا .

ـ الرجل من برا بصوت عالي افزعها : قولتلك اقعدي ساكته مش ناقصين وجع دماغ فاهمه .

ـ هاجر بصوت يرتجف من البكاء : لو سمحت مشيني من هنا ارجوك ، انا معرفش انتم عايزين مني ايه ، طلعني من هنا .

( بس للاسف محدش رد عليها ، يأست هاجر وراحت قعدت في ركن في المخزن وقعدت تعيط و..... ) .

.........…………………………………………….………………….............

ـ في منزل الجد سليم كان قاعد مروان بيصلح حاجات مع الجد سليم ، بس موبياله رن وكان رقم غريب فقال الجد سليم : شوف موبايلك يا مروان.

ـ مروان : دا رقم غريب ياجدو فكك.

ـ الجد سليم : رد يابني يمكن في حاجه مهمه .

ـ قال مروان وهو بيمسك موبايله عشان يرد : حاضر .

ألو مين معايا .

ـ ممرض من المستشفي اللي اتنقل ليها عمر : حضرتك صاحب الموبايل دا في ناس لقيتها مرمي في شارع مقطوع وكان متبهدل خالص وهو في المستشفى دلوقتي .

ـ مروان بخضه : ايه!!! عمر حصله ايه ومستشفى إيه دي .

ـ الممرض : مستشفى ********.

ـ قفل مروان المكالمه ومكانش مستوعب بس قال بصوت مهزوز : عمر في المستشفي ياجدو .

الحق عمر يابابا.

ـ جه عبدالله بسرعه عليه وقالت بخضه : في ايه ماله عمر .

ـ قال مروان وهو بيتحرك ناحية الباب : عمر في المستشفي يابابا .

ـ عبدالله: استنى يامروان أنا جاي معاك يابني استنى .

( نزل مروان بسرعه هو وعبدالله والجد سليم وزينب وراحوا المستشفي اللي عمر فيها ، سألوا عليه وطلعوا لاوضه بتاعته لاقوه على السرير إيده رجله متجبسين ودماغه ملفوفه و..... ).

ـ دخل عبدالله والجد سليم ومروان وزينب بسرعه الاوضه عند عمر جريوا عليه فقال عبدالله : عمر حبيبي إيه اللي حصلك ،مين عمل فيك كدا ، وهاجر هاجر فين .

ـ عمر بتعب : اخدوها........اخدو هاجر يابابا.

ـ الجد سليم بخضه : مين اللي أحدها حصل ايه يابني فهمنا .

ـ عمر ماكنش عارف يتكلم ولا كان شايف بس حكالهم كل حاجه حصلت لغاية ما اغمى عليه وخدوا هاجر .

ـ قال مروان وهو بيطلع موبايله : انا هكلم حسن لازم يعرف اللي حصل .

ـ الجد سليم بحزن : هتكوني روحتي فين ياهاجر بس ، ربنا يرجعلك ليا بخير يارب .

ـ زينب بدموع : يارب يابابا يارب تبقا بخير .

ـ كلم مروان حسن وحكاله اللي حصل ، حسن نزل جري من الشركه وراحلهم على المستشفى ، دخل اوضة عمر ، وراح ناحية عشان يطمن عليه فقال : انا اسف ياعمر اللي حصلكم دا بسببي انا اسف .

ـ عمر بتعب : هاجر ياحسن .

ـ حسن : هترجع.....هرجعها إن شاء الله محدش هيقدر يقرب منها تاني .

ـ الجد سليم : هتعمل إيه ياحسن .

ـ حسن : عمل كتير ياجدو ، انا همشي ، وهاجر هترجع البيت النهارده .

ـ الجد سليم : خلي بالك على نفسك ياحسن انا مش مستعد اخسركم يابني .

ـ حسن : متقلقش ياجدو كل دا هينتهي النهارده.

ـ طلع حسن من الاوضه ونزل من المستشفى بسرعه وغضب ، ركب عربيته ورن على مازن : انت فين يامازن تعالى على المخزن ، هاجر اتخطفت .

ـ كان قاعد مازن على كرسي مكتبه فقام بسرعه وقال بخضه : إيه حصل امتى دا وازاي .

ـ حسن : مش وقته يامازن تعالى بسرعه انا مش ههدي غير لما هاجر تبقى موجوده في البيت النهارده .

ـ اخد مازن مفاتيح عربيته من على المكتب وطلع بسرعه وهو بيقول : هاجر هترجع البيت النهارده ، وهارون هيشرف التخشيبه خلاص كدا جاب آخره معانا ، انا مسافة السكه وابقى عندك .

ـ راح حسن على المحزن وكلم سعيد يجيله على هناك يمكن يعرف منه أي معلومه ، وبعد وقت قصير وصل مازن وسعيد ، دخلو المخزن وبدأ حسن يوجهه كلامه لسعيد فقال : انا عاوز اعرف منك معلومات عن كل الناس اللي هارون بيتعامل معاهم عشان ينفذوا الخطط بتاعته ، واياك تكتب عليا في حرف هدف****نك مكانك ، فاهم.

ـ سعيد بخوف : فاهم ياباشا انا هقولك كل حاجه .

ـ حسن : يلا أنجز .

ـ سعيد : هارون في الحاجات اللي زي دي مش بيتعامل بنفسه مع حد وش لوش ، بيبقا في وسيط بينهم هو اللي بيكلفنا بكل حاجه هارون عاوزها .

ـ حسن : مين الوسيط دا .

ـ سعيد بتردد : دا شاكر كان زميلي في الشغل وعلاطول هارون بيكلفه والحاجات اللي فيها خط*ف ، سر**قه والحاجات دي ، بس بالله عليك ياباشا ماتجيب سيرتي في الموضوع لأن محدش يعرف حوار شاكر دا غيري .

ـ حسن : وانا اضمن منين إنك مش بتكدب .

ـ اتكلم مازن بسرعه وقال : مش بيكدب ياحسن لأن فعلاً هارون قالي إنه مش بيتعامل بنفسه بيبقا في وسيط في كل الحوارات دي .

ـ حسن بص لسعيد وقال : تمام ، انا عاوز اعرف عنوان شاكر دا دلوقتي ، ياإما تيجي معايا بنفسك .

ـ سعيد : لا يا باشا الله يرضى عليك ، ابعدني عن الموضع دا ، انا هقولك العنوان وتروح انت .

ـ حسن : اخلص قول .

ـ سعيد : العنوان **************

بس بالله عليك ياباشا ماحد يعرف إن انا اللي قولتلك .

ـ حسن هو بيلبس الچاكيت بتاعه وهيطلع من المحزن : قولتلك قبل كدا طول ما انت ماشي عدل معايا متقلقش.........تقدر تروح دلوقتي ، واي وقت ارن عليك فيه الاقيك قدامي ، فاهم .

ـ سعيد وهو بيطلع بسرعه من المحزن : فاهم يا باشا فاهم .

ـ حسن لمازن : يلا بينا على بيت شاكر دا .

ـ مازن : بعد ما نخلص موضوع شاكر هطلع على القسم اسلم كل تسجيلات هارون .

ـ قال حسن وهو بيركب العربيه هو مازن : تمام يلا .

ـ بدأ حسن في طريقه لبيت شاكر وبعد 20 دقيقه وصل البيت وطلع الدور اللي سعيد قاله عليه وهو كان الدور الاخير على سطع عماره ، خبط على الأوضه اللي موجوده ، بعدها فتح شاكر وقال : أيوا يا باشاوات في حاجه؟.

ـ قابله حسن ببوكس في وشه وهو بيقول بغضب : ايوا فيه .

ـ شاكر وهو حاطط ايده على وشه مكان الضربه وبيقول بخوف : في ايه انت مين.

ـ حسن : مش مهم انا مين ، فين هاجر يالا.

ـ شاكر بكدب : هاجر مين ، انتم جايين ترموا بلاكم عليا .

ـ قابله حسن ببوكس تاني وهو بيقول بغضب اكبر : انت هتسطعبط يالا...... هاجر اللي هارون كلفك تبعت ناس يخطفوها ، هي فين انطق.

ـ شاكر وهو مصمم ميتكلمش : قولتلك معرفش ، انا محدش كلفني بحاجه .

ـ مسكه مازن من لايقه قميصه وشد وراه ناحية السور وزقه كاتهديد ليه إنه يوقعه وقال بغضب : هتقول هي فين ولا تحب صورتك تنزل في صفحة الوفيات .

ـ شاكر بتوتر وخوف : قولتلك معرفش .

ـ مازن وهو بيضغط عليه اكتر ناحية السور : خلاص يبقا انت اللي اخترت .

ـ مازن ماكنش هيعمل كدا بس هو كان بيخوفه ، وشاكر خاف فعلا ، وقال بسرعه : خلاص يا باشا هقول والله هقول .

ـ شده مازن من ناحية السور ورماه على كرسي كان محطوط وقال ببرود : ماكان من الاول كان لازم نتعصبك عليك يعني ، يلا لخص وقول.

ـ شاكر وهو بيبلع ريقه بخوف : هاجر في محزن من بتوع هارون باشا ، المخزن اللي جمب شركته القديم في الصحراوي .

ـ حسن : انت عارف المكان .

ـ شاكر بتردد وخوف : ايوا.....ايوا ياباشا.

ـ مسكه حسن من هدمه ومش بيه عشان ينزل : طيب ياحلو تعالى معانا بقا .

ـ نزل حسن ومازن ومعاهم شاكر ، ركبوا العربيه وطلعوا على مكان المخزن اللي قالهم عليه شاكر وبعد ساعه بالظبط وصلوا فقال حسن لشاكر : هو دا المخزن يالا .

ـ شاكر : ايوا ياباشا هو .

ـ حسن : تمام انزل.

ـ نزل حسن ومازن وشاكر من العربيه ، حسن طلع مسد**س من العربيه ومسك شاكر وحطه على دماغه فقال شاكر بخوف : ايه دا ياباشا هتعمل ايه ، انا عملت كل اللي حاجه قولتهالي .

ـ حسن : بس يالا ، انا هدخل بيك ليهم كدا عشان اعرف اخد هاجر ، ولو حصل اي عوق منهم اتشاهد على روحك .

ـ بلع شاكر ريقه بخوف ، فقال مازن : يلا حسن مش عاوزين نضيع وقت .

ـ راح حسن وهو ماسك شاكر ومازن ماشي قدامهم ، وصلوا عند المخزن ، مازن زق الباب برجله فقام الرجال اللي كانوا قاعدين قدام باب الاوضه اللي هاجر محبوسه فيها ، وراحوا ناحية حسن ومازن وهما بيطلعوا المسد**سات من جيوبهم فقال حسن : ارجع منك ليه ، بدل ما افرتك دماغه .

ـ قال شاكر بزعيق لرجالة هارون : اسمعوا الكلام وارجعوا وسيبوا السلا**ح دا مجنون ويعملها .

ـ واحد من الرجال لشاكر : انت مجنون دا هارون بيه يموتنا فيها .

ـ قال حسن باستهزاء : لا ماهو مش هيلحق .

بعدين بص لمازن وقال : خد منهم المفتاح وافتح الباب يامازن .

ـ اخد مازن المفتاح منهم بعد ماشاكر قالهم يسييوا المفتاح ، فتح مازن الباب لقى هاجر قاعده في ركن ضامه رجليها وقاعده بتعيط فنادى عليها وقال : هاجر.... هاجر تعالي .

ـ بصت هاجر قدامها لقت مازن قامت تجري ناحية وقالتب بعياط : مازن انت جيت ازاي انا كنت خايفه اوي وفين حسن ، انا خوفت يعملوا فيا حاجه انا عاوزه اروح لجدو .

ـ قال مازن وهو بيطمنها : بس اهدي خلاص هتروحي ، حسن برا وهنروح كلنا متخافيش .

ـ هاجر وهي بتمسح دموعها : بجد طب يلا بينا ، وكمان وديني لعمر ،انا قلقانه عليه اوي .

ـ مازن : تعالي نطلع من هنا الاول وهتروحي ليه المستشفى .

ـ طلعت هاجر هي ومازن ، وحسن اول ماشافها ساب شاكر لمازن ، وجري عليها وهي خضنته جامد وقعدت تعيط : كنت متاكده إنك مش هتسيبني ياحسن ، انا كنت خايفه اوي.

ـ طبطب حسن عليها وقال : متخافيش ياحبيبتي انتِ معايا دلوقتي الحمدلله ،وهنرجع البيت ، محدش هيقدر يقرب منك تاني ، متخافيش .

ـ هاجر : انا عاوزه اروح لعمر وجدو .

ـ حسن : حاضر هنروح دلوقتي .

ـ مازن وهو ماسك شاكر : هنستنى بس كام دقيقه البوليس جاي في السكه .

ـ شاكر وهو بيحاول يفلت من ايد مازن : ايه بوليس ايه يا باشا متفقناش على كدا .

ـ طلع اللي كانوا خاطفين هاجر يجروا من المكان اول ما سمعوا إن البوليس جاي بس ياخساره ملحقوش اول ماطلعوا لقوا الظابط في وشهم وبالفعل تم القبض عليهم وعلى شاكر ، وطلع هاجر ومازن وحسن من المكان وركبوا العربيه فقال حسن : انت بلغت ازاي يابني وامتى .

ـ مازن : انا ليا ظابط صحبي كنت حكيله الحوار من الاول خالص ومفهمه كل حاجه هنعملها عشان يبقا معايا على الخط ، واول ماعرفت إن هاجر اتخطفت كلمته وكنت فاتح المكالمه طول الوقت عشان كدا هو سمع كل حاجه وعرف المكان وجه .

ـ حسن : اخويا يامازن بجد تسلم دماغك .

ـ هاجر : ممكن نروح عند جدو بقا .

ـ حسن : هنروح بس تبطلي عياط بقا ممكن .

ـ قالت هاجر وهي بتمسح دموعها : ممكن.

ـ ابتسم لها حسن وطلع بالعربيه، ووصلوا المستشفي عند عمر ، واول ما هاجر دخلت الغرفه العيله طلعت تجري عليها وقعدو يطمنوا عليها ، بعدها راحت ناحية عمر وقالت بدموع : أنا اسفه ياعمر بجد ، كل دا بسببي .

ـ عمر رغم تعبه قال بهزار : بس ياعبيطه المهم إنك بخير دلوقتي ومعانا.

ـ مروان بهزار : ياعيني يا عمر دا انت اتخرشمت خالص .

ـ شريف بهزار هو الآخر : مبقاش نافع خلاص ادشمل .

ـ نديم : ياعيني عليك ياعمر ماكنش يومك .

ـ قال حسن وهو بيبص لعمر : بس يالا انت هو ، هو اه مبقاش باين من الجبس بس هيبقا كويس إن شاء الله .

ـ عمر : ماتشوف احفادك ياجدو .

ـ الجد سليم : بس يالا انت وهو سيبوا الواد في اللي هو فيه هو مش ناقص .

ـ هاجر : سيبك منهم ياعمر خف انت بس عشان اعملك مكرونه بشاميل اعوضك بيها عن اللي حصلك دا .

ـ نديم : ابسط ياعم هيتعملك مكرونه بشاميل اهو .

ـ زينب : اهو النق دا اللي دشمل الولد كدا .

ـ الجد سليم : يلا كلوا على برا سيبوه يرتاح شويه يلا .

( طلع الكل برا الاوضه بعد ما عمر اخد دواء ونام ، قعدت عمر في المستشفى اسبوع بعدها طلع ، وبعد شهر فك الجبس ، هارون اتحبس بعد ما مازن بعت كل التسجيلات اللي معاه والورق وكل حاجه تودي هارون في داهيه للبوليس وكمان شاكر اعترف على كل حاجه هارون كان بيعملها ويكلفه بيها ، شركات هارون وكل شغل الشمال باظ بعد ما اتحبس ، رجعت عيلة الجد سليم لحياتها الطبيعه من غير خوف وقلق ، عبدالله وأولاده خلا نقله شغلهم مصر واستقروا هنا ، وفي يوم كانت قاعده العيله مع بعضها بعد الغداء ، حسن كان مقرر إنه يتكلم مع الجد سليم انه يخطب هاجر و.........).

ـ حسن : انا عاوز اقول حاجه .

ـ الجد سليم : قول ياحسن في حاجه ولا إيه.

ـ حسن : لا ياجدو متقلقش بس انا.......انا....

ـ الجد سليم : قول ياحسن بتقطع ليه .

ـ قال حسن بسرعه مره واحده : انا عاوز أخطب هاجر .

ـ اتفاجأت هاجر وقالت بعد ما كله بصلها بفرحه : هاجر مين .

ـ حسن : مش ناقصه غباء ارجوكي انا ماصدقت .

ـ الجد سليم : بس ناخد رأيها الاول...... انتِ إيه رأيك ياهاجر .

ـ سكتت هاجر شويه بعدها قالت بتوتر : موافقه .

ـ زرغطت زينب وحضنت هاجر ، شريف وعمر ونديم ومروان قاموا حضنوا حسن وباركلوه وعبدالله والجد سليم كمان ، والعيله كلها كانت فرحانه ، راح وقف حسن وقف جمب هاجر وقالها بهمس : بحبك على فكره.

ـ هاجر بفرحه: وانا كمان ياقلبظ .

ـ قال حسن وهو بيبصلها بيأس: تاني يا هاجر .

تمت