ملك
بنوته جميلة ورقيقة تبلغ من العمر ٢٥ عاما تملك بشره خمرية فاتحه وعين رمادية ويزيد جمالها حجاب انيق يدارى جمال شعرها البنى اللامع المنسدل ..
يوسف : شاب وسيم يبلغ من العمر ٢٥ عاما يمتلك بشره فاتحه وشعر اسود لامع وعين بنيه ولحيه خفيفة مهندمة تزيد وسامته
يوسف وملك خريجين كلية التجاره ..بيحبوا بعض من اول سنه وكانو مرتبين كل حاجه في حياتهم ..وبعد التخرج يوسف فضل يدور على شغل علشان يقدر يتقدم ل ملك ويتكلم مع والدها بقلب جامد
يوسف كان بيحاول يشتغل ايام الدراسة برضه لكنه كان منتظر شغل اكبر واحسن ….
قصتنا هتحكي حكايه ملك ويوسف وهنشوف حياتهم كانت عامله ازاى
استيقظت ملك على صوت هاتفها ليعلن ان المتصل يوسف ..فعقدت حاجبيها ثم امسكت هاتفها
ملك: بجد حرام عليك جاى في وقت غلط خاالص كنت سبتنى شوية كنت خلاص بحلم اننا مع بعض
يوسف : احنا من النهارده خلاص هنكون مع بعض يعنى مش لازم تحلمى
ملك ساكته ومش بتتكلم
يوسف : عندى ليكى مفاجأه حلوه اوى
ملك بلهفة: ايه هى
يوسف : لالا تدفعى كام الأول
ملك: يا يوسف بطل رخامة وقولي مفاجأه أيه
يوسف : طيب طيب متزوقيش كده..بصي ياستى ولامقولكيش مش عارف
ملك : يووووووووسف
يوسف: خلاص خلاص يامجنونه اهدى انا خلاص هستلم الشغل من بكره ودى البداية وكلها كام شهر بس وهاجى اخطفك من بيتكو
ملك بفرحة: الحمدلله يارب حلمى اتحقق انا فرحاانه اوى يا يوسف اخيرا بقي الحمدلله
يوسف : هو ده السبب الى بعيش علشانه ..علشان اشوف فرحتك واخليكى اسعد انسانه في الدنيا وكمان اشوف احلى ضحكه في عنيكى ياملك
ملك: ربنا يخليك ليا ياحبيبي
يوسف : لازم اشوفك النهارده اوك
ملك: مممممم افكر
يوسف : فكرى يا بايره بس هتيجي برضة فى الاخر
ملك عقدت حاجبيها : انا بايره طيب لما اشوفك يا يوسف النهارده هوريك
يوسف مداعبا اياها: انتى مش قولتى مش هتيجي
ملك: لا هاجى علشان اطلع عينك النهارده
يوسف : ربنا يخليكى ليا وتطلعى عينى براحتك ياست البنات
ملك : احم بتثبتنى يعنى
يوسف : هو انا اقدر برضة ياحبيبة قلبي انتى تعملى الى انتى عوزاه وتطلعى عينى دلوقتى براحتك علشان بعد الجواز انا الى هطلع عينك وكله هيطلع عليكى
ملك: ومين قالك انى هتجوزك اصلا
يوسف : مش بمزاجك يا بايره
ملك: تاااانى بايره طيييب يا يوسف
يوسف : ههههههههه مانتى فعلا هتكونى بايره لو متجوزتنيش لان محدش هيقدر يفكر انه يتقدملك او يجى عند بيتكو ويطلب ايدك غيري
ملك: ليه بحب بلطجى بقي ولا ايه
يوسف : والله ممكن فعلا ساعتها ابقي بلطجى مضمنش نفسي
ملك: ههههههه ماشي ياعم البلطجى نشوف الموضوع ده النهارده
يوسف : مستنيكى يا بايره ..والنبي احلى بايره في الدنيا
ملك: ياله ياض من هنا سلام
مرت الساعات ولم يحدث شيئ يستحق الذكر الى ان امسك يوسف هاتفه و..
يوسف : انتى فين يابنتى بقالى ساعه واقف مستنيكى
ملك: خلاص ياحبيبي خمس دقايق وهكون عندك
يوسف : بقالك ساعه ونص بتقولى خمس دقايق
ملك: طيب خلاص والله جايه اهو باى باى
يوسف : ماشي ياملك سلام
ملك: مدام قولت ياملك تبقي زعلان منى
يوسف : لما تيجي نبقي نتكلم خدى بالك من نفسك بس
بعد مرور خمس دقايق وصلت ملك التى كانت تشبه الملائكة في حجابها الذى يزيد جمالا على جمالها الهادى ..
يوسف مداعبا اياها: مالسه بدرى ياهانم
ملك بأبتسامة يعشقها يوسف وينسي بها كل مايحدث: معلش حقك عليا
يوسف : ماشي ياروح قلب حبيبك ولا يهمك ياله بينا علشان منتأخرش
ركبا سياره اجره وكعادتها ركبت بجانب النافذه ..وكعادته يعشق النظر اليها والتأمل فى ملامح وجهها يريد ان يحفظ صورتها بقلبه
ملك: ايه مالك بتبصلي كده ليه كأنك بقالك فتره مشفتنيش
يوسف : مش عارف بس عاوز افضل باصصلك كده كتير عاوز اشبع منك ولو انى مبعرفش برضه
ملك وهى تحتضن ذراعه: وحشتنى
يوسف : انتى كمان وحشتينى جدا ..مبسوطة
ملك: اوى اوى ياحبيبي
يوسف : عايش علشان اشوفك ديما اسعد انسانه في الدنيا يا اجمل اوزعه
رفعت ملك حاجبا عن الأخر