الفصل الثامن عشر

رواية معجزة الزين الجزء الثامن عشر 18 بقلم أسماء علي معجزة الزينرواية معجزة الزين الحلقة الثامنة عشر _يعني سارة كَانت معاكم وخلال دقيقة إختفت من غير ما تأخدوا بالكم. _آه والله ده اللِ حصل. قالتها رزان ليا بهدوء، وزعت نظري علس المكان اللِ كان جنينة خلفية للمكان وإتنهدت بضيق، وقلت: _بس اللِ أنا متأكده منه إن محدش منهم هو اللِ أخدها من جنبنا. _يعني سارة قامت من جنبكم بإرادتها.

_أكيد، وهي كمان مكنتش تعرف إن إحنا قاعدين هنا عشان نستخبيٰ. بصيت لِ ملك بعمق، وقلت بعدم فهم: _طب إزاي لما رنيت عليكوا سمعت واحد بيقول مين فيكم سارة، وسارة كانت معاكم. ردت ملك بسُرعة وقالت: _لا سارة ساعتها مكنتش معانا، كانت في البروڤا وإحنا قلنا إن محدش فينا إسمه سارة وسبناهم وماشينا بسرعة، دخلنا أخدنا سارة وطلعنا بترقب عشان نخرج من المحل. _وبعدين؟!

_أثناء ما كُنا ماشين رزان لمحتهم ورانا، فإضطرينا نغير طريقنا عشان نختفي من قدامهم لحد ما وصلنا للجنينة الخلفية دي ومكنوش ورانا وبعدين لحظنا إنك رنيت علينا. _وبعدها سارة إختفت! _سارة أكيد في أي مكان هِنا، بس إحنا محتاجين نلاقيها بسرعة. _كل واحد فينا هيتحرك في إتجاه عشان نستغل الوقت ونلاقيها بسرعة، وأهم حاجة خدو بالكم من نفسكم. بصتلي رزان وقالت بإستغراب: _أنا وملك هنروح مع بعض؟! _أكيد، محدش منكم يمشي لوحده. إتحركنا،

وكل واحد فينا عارف طريقه.. المحل كبير وفي ممرات كتيرة، وغير كده كُلة ستات.. إزاي الرجالة دي قدرت تدخل هِنا. دورت في الطابق كُله عن سارة ملهاش آثر ولا في أي مكان هِنا، حاولت أرن عليها أكتر من مرة موبايلها مُغلق أو مفيهوش شبكة، سألت كذا حد عليها محدش شافها.. إيـــــــــة إِختفت!! وفقت مكاني وإتنهدت بقلق وغضب في نفس الوقت، قلقان إن يكون حصلها حاجة، وغضبان بسبب أفعالها المتهورة. وسط ما أنا واقف

لمحت بنوتة واقفه ولابسه فُستان أبيض مع ست وراجل وبنوتة صغيرة، ضيقت عيني بترقب، وإتعمقت أكتر في صاحبة الفستان الأبيض، وقلت بهمس: _سارة! إتقدمت من الأشخاص الواقفين وأنا جوايا بتمني إحساسي ميطلعش غلط، قربت منهم، وسمعت الست بتقول: _شُكراً أوي ليكِ، مش هنسالك جميلك مهما عشت. ردت البنت اللِ كانت عطيالي ضهره، وقالت: _متقوليش كده، ده واجبي وبعدين أنا وحبيبة بقينا صحاب، مش كده يا بيبو؟

قالتها سارة وهي بتمسك خد الطفلة اللِ الست شايلاها، هزت الطفلة رأسها بإبتسامة مُأيدة كلام سارة. إبتسمت بهدوء وإرتياح، لما إنتشلت مسامعي صوت سارة وهي بتتكلم. وقفت روا سارة وحطيت إيدي علي كتفها، وقلت بهدوء: _سارة! _زين! قالتها بنبرة متعجبه من وجودي هنا، وكملت وقالت: _بتعمل إيه هنا؟! _لما نمشي هقولك. قلتها بهدوء مُريب وأنا ببصلها بوعيد، بصيتلي بعدم إرتياح وكانت لسه هتتكلم لولا إن الست إتكلمت وقالت:

_هنضطر إحنا نستأذن، وشكراً ليكِ مرة تانية. إبتسمت سارة، وقالت: _ولو العفو. وقربت طبعت بوسة علي خد البنوتة، وقالت: _خلي بالك من نفسك يا بيبا، وإسمعي كلام ماما ومتمشيش لوحدك تاني. _حاضي يا أبلة ساية. ضحكت سارة، وقالت: _ساله من ساية مش فارقة كتيرة. ضحكت علي كلامها، وإفتكرت ريان.. ودعتها، وقالتها: _مع السلامة يا بيبا. لوّحت البنوتة بإيدها لسارة وهي بتضحك، حركت عيني علي سارة بهدوء لفت لي بإبتسامتها الساحرة، وقالت:

_لقتني إزاي! حاوطت كتفها بتريث، وخرجت موبايلي ورنيت علي رزان.. _أنا لقيتها، خُدي ملك وإستنونا عند العربية. ردت رزان، وقالت: _حاضر. _تقصد إيه بلاقيتها؟ إنتوا كنتوا بتدوروا عليا؟ بصتلها بطرف عيني، وقلت: _مش عايز صوت يا سارة، وإمشي. ضيقت عينها بإستغراب، وقالت: _مش لما تفهمني؟! _لما نوصل هتفهمي كل حاجه. _لما نوصل فين؟ _العربية، لما نوصل العربية ياسارة. بلعت ريقها بتوتر، وقالت: _تمام. خرجنا من المحل بهدوء،

ولمحت ملك ورزان واقفين قدام العربية بترقب.. قربنا منهم، جرت رزان وملك علي سارة وحضنوها، وقالت ملك: _قلقتينا عليكِ يا سارة، كنتِ فين؟ بصيتلي سارة بطرف عينها وكإنها دلوقتي إلتمست إنها كانت في مصيبة، _مش وقته دلوقتي، المهم إنها بخير. قالتها رزان وهي بتبعد عن سارة، عدلت سارة طرف حجابها، وقالت بهدوء: _أنا مش فاهمه حاجه؟!! هو إيه اللِ حصل؟!! _اللِ حصل إنك سبتينا ومشيتي، وإحنا قلقنا عليكِ. _بس أنا ما مشيتش!

_إنتِ إختافيتِ من غير ما تقوليلنا حتيٰ يا سارة. كانت لسه سارة هترد علي ملك، قطعتها، وقلت بهدوء: _يلا نتحرك ونكمل كلامنا في البيت. إتقدمت من العربية بهدوء، وركبت. ركبت سارة معاهم في الكُرسي اللِ ورا، مجادلتش، وشغلت العربية ومشيت. طول الطريق وسارة بتخطف ليا نظرات متوترة، إبتسمت بتسلية علي خوفها اللِ ظاهر في عيونها وإنفعالاتها. ومحدش من البنات إتكلم، كإن الصمت ابتلعهم وأجبرهم علي السكوت

والتلاته كانوا بيبصوا لبعض بتوتر.. وملك هتموت وتضحك، بس مصدره الوش الخشب قدامي. أنا مش زعلان من سارة، بس حَرفيا حركتها وقعت قلبي، وخوفي اللِ بدأ يظهر أول ما دخلت حياتي وجع قلبي.. عارف اللِ عملته من غير قصدها ومشت ورا قلبها وطيشها اللِ مش هيبقي مسكوت عنه الفترة اللِ جاية بس كانت المفروض تقول لِحد قبل ما تتحرك من مكانها.. بس الصبر، هربيها من جديد وعلي مَزاجي. وَصلنا البيت، نزلت ونزلوا ورايا وأخدوا الاكياس اللِ إشتروها

وطلعوا يجروا من قُدامي. سِندت علي العربية براحه وإتنهدت بصوت عالي، وقلت: _شَكلك إنتِ اللِ هتعيدي تربيتي بِحبك يا سارة. وإبتسم بخفة، وإتحركت للبيت. _أهرب علي فين؟ أهرب علي فين؟ أهرب من تحت عُقب الباب؟ مش هيأخدني. قُلتها بخوف وفزع وأنا بتحرك في الأوضة بتاعت رزان بإرتباك شديد. وملك ورزان قاعدين يضحكوا عليا، _إنتوا بتضحكوا علي إيه؟ ها.. بتضحكوا علي إيه؟ _لا متأخديش في بالك، أصلها هابه مننا. _طب والعمل؟!

_العمل عمل ربنا والله يا أخت سارة. _بت! إسكتِ إنتِ عشان كلامك بيعصبني. وقربت قعدت جنب رزان، وقلت: _قوليلي إنتِ يا راسية أعمل إيه؟ _تعملي إيه في إيه. _يا شيخه ألطم، ألطم يا رزان. قلتها بإنفعال وأنا بحرك إيدي بطريقة مضحكه، ضحكت ملك بصوت عالي وهي بترجع بضهرها لِ ورا، بصيت عليها بشرار، وقلت: _ضحكتِ علينا اللِ ميسواش أهو. _حقك عليا يا ستي. _قصدها إيه الشبر ونصَ دي! _قصدها كُل خير يا ملك. _وهيجي منين الخير يا رزان؟!

قالتها ملك بسخرية، بصتلها بطرف عيني، وقلت بإستهزاء: _قوليلها يا رزان هيجي منين الخير وهي قاعده. _إسم الله إسم الله، صاحبة المصايب المتتالية بتتكلم بوش بجح. _زي أحدهم كده عارف نفسه. _إستهدوا بالله يا بنات، شيطان ودخل بينكم! _بتلقحي إياك! _اللِ علي رأسه بطحه يحسس عليها. قُلتها ببرود وأنا ببعد نظري عنها وماسكه ضُحكتي بالعافية عشان الكريزما. _شَكلي هعمل منك شاورما يا سارة دلوقتي! _لا أنا نفسي في بُفتيك لو سمحتِ.

قلتها بنبرة مستفزة وأنا بضحك بمرح، ضحكت رزان وهبت ملك من مكانها عليا. صوت، بس ملحقتش أتحرك بسبب سُرعة ملك، _عايزة بُفتيك! ومالوا يا شابة نأكلك بُفتيك، أهم حاجة راحتك. ضحكت، وقلت بكسوف مصطنع: _الله يبارك فيكِ يا سي حصبالله. ضحكنا كُلنا، وفي الدقيقة دي الباب خبط. زقيت ملك وقعتها من علي السرير بخضة، وقُمت بإنتباة وأنا حواسي مستشعرة الخطر. _آه يا عضمي، منك لله يا سارة عمود الفقري. قالتها ملك وهي بتقوم من مكانها،

ضحكت بخفة رغم توتري من صاحب الطرقات. قامت رزان وفتحت الباب، وقعدت ملك علي السرير بوجع وكانت بتكرمش وشها بملامح مضحكة خلتني أموت ضحك عليها. فَتحت رزان والباب، وطلع منه… يا مساء العنب! مين برأيكم اللِ طلع.. آدم باشا.! _إيه يا آدم! بصيلها آدم بطرف عينه بضيق، وقال: _جدو بعتني عشان أقولكم الغدا جاهز، لو عايزن تطفحوا؟! ضحكت بصوت عالي، وقلت: _جدك قالك كده؟ _لا، أنا اللِ جبتُها من عندي. _هو إنت ياض حد زقك علينا؟

قالتها ملك بسرسجية لِ آدم اللِ بصيلها ببرود، وقال: _شايفة إيه؟ قاتل نفسي عشان أجيلكم. _عيب يا آدم، مشاعرنا يجدع! قالتها رزان بصدمه من كلام الواد، ضحكت بعدم تصديق علي آدم اللِ سابق سِنه. _لا، ألف سلامة علي مشاعِركم! إخلصوا هتيجوا ولا اقوله مش عايزين. _غور ياض وإحنا جايين وراك. قالتها ملك بضيق وهي بترفع شفايفها بطريقة متغاظة، رميٰ آدم علينا نظرة من تحت عينه، ولف ضهره وقال:

_إحنا مش هنستنيٰ كتير، وقت ما ألِف وشي ألاقيكم ورايا. ومشيٰ آدم الشاب اللِ مش معروف أخلاقه دي جايبها من وين، _الواد ده متربي! قلتها بصدمه وأنا بضحك، رفعت ملك شفايفها بطريقة متحسرة، وقال: _تربية جوزك يا ختي! _زين! مستحيل!!! قُلتها بإعتراض كبير علي كلامها حركت نظرها علي رزان، وقالت: _بتقولك مستحيل ها! ضحكت رزان، وقالت: _إعذُريها، سارة لسه تحت المعرفة بزين. _تحت الصفر أصدك، مش تحت المعرفة.! _إنتوا بتقولوا إيه؟

_بُكرة تعرفي بنقول إيه! قالتها ملك وهي بتحط إيدها علي كتفي بجدية، ضيقت عيني بعدم فهم، عدلت ملك طرحتها، وقالت: _يلا نلحق إبن الهبلة ده ولا هيفضحنا. وسحبتني ملك من إيدي. نزلنا، الكُل كان موجود وباين عليهم مستنينا، إلا آدم الوقح. اللِ بصيلنا بطرف عينه بتسلية وغمز لنا، ضحكت عليه بيأس وقلت: _أنا كده بدأت أصدق إنه تربية زين. إتقدمت وقعدت في الكُرسي اللِ جنب زين، بعد ما بصيلي بنظرات شرنيه وأنا هقعد جنب ملك..

أكلنا كُلنا بهدوء، حسيت بحاجه علي رجلي وأيقنت بصدمه لما زين مسك إيدي. بصيتله بطرف عيني بحده، رفع حواجبة بتسلية وبإيده التانية شد الكرسي بتاعي ناحيته. فتحت عيني بصدمه، بس محدش كان واخد باله. زين أصلا مش فارق معاه حد واخد باله ولا لا، آخر ما يشغله. حاولت أسحب إيدي، بس مقدرتش. _بطلي فرك، مش هسيبها! إتنفست بغضب وأنا ببصله، غمز ليا بإبتسامة جميلة، بدون إرادة مني ضحكت بخفة. _أيوة إضحكي، خلي الدنيا تنور.

إبتسمت بكسوف، وكملت أكل عشان أتجاهل التوتر اللِ حطيت نفسي فيه. عَديٰ النهار في لحظة وحلّ الليل في اللحظة التانية. كُنت قاعدة في الأوضة علي سجادة الصلاة بعد ما صليت المغرب.. الوقت أخدني وفضلت أقرا قرآن، بِما إني دي كُل أُحلامي إني أحفظ قرآن وأخليلي ورد قراءة ثابت يومياً وأحيّ أي سُنه نبوية أعرفها وأقيم الليل وأصلي الضحي وأسمع بودكاست ينفعني وأطور من ذاتي ومن قدراتي.. كُنت قبل سابق

مفكرة إن من الصعب جداً أعرف أعمل كروشية زي رزان، أو إني أعرف أرسم زي زين، أو إني أصور بكفاءة عاليه زي مالك، أو إني أعرف أعمل اي حاجه بحبها بس مش بعرف أعملها.. المشكلة فينا، إحنا بنقول لنفسنا مش هنقدر، بنحبها آه بس مستحيل نوصل للمستوي ده، وتفضل تدي لِ نفسك آراء سلبية لِحد ما تُحبط خالص. الفكرة في إنك مش مستحيل توصل لليفل، إنت عادي جداً هتوصل لليفل ده ولِ ليفل أعليٰ منه بكتير بس لو أمِنت بنفسك وقدراتك..

حضرتك اللِ وصل أحسن منك في إيه؟ عنده إيه زياده عنك؟؟ لو هتقولس فلوس، اليوتيوب مخلاش حاجة إلا وإتعلم عليها، عايز تتعلم ترسم، في مليون قناة بتعلم الرسم، إتفضل إختار القناة اللِ ترتحلها. والكلام ده ينطبق علي كل حاجة نفسك تعملها او تتعلمها.. نبطل حجج فارغة، نبطل أعذار تافهه بتعطلنا عن التقدم.. نبطل تسويف. إنت من بيتك تقدر توصل للعالم كله، إنت من بيتك تقدر تتعلم وتشتغل بِ مرتبات لا تُحصيٰ،

إنت من بيتك تقدر تأسس بيزنس خاص بيك، فَـ نبطل تسويف في نفسنا وفي قدراتنا. _مساء الخير علي الكتكوتة. _مساء النور يا زين. قُمت من مكاني بهدوء، قرب زين مني، وقال: _كُنتِ بتعملي إيه؟! _خلصت صلاة وقريت قرآن. _شطارة يا ولاد، هاتِ بوسة! ومسك رأسي بين كفوفه بحماس وطبع بوسه علي جبيني وخدي، ضحكت عليه، وقلت: _إنت بتعمل إيه يا زين! _بكافيء كتكوتي. _لا، أنا ليا مكافأة تانية.. وين هي؟ قلتها بتسلية وأنا بمد إيدي له، مسك خدي بلطف،

وقال: _مش سهلة إنتِ يا كتكوتة _تربيتك يا نجم! _فخور قد كده. ضحكت عليه، دسّ إيده في جيب الجاكيت بتاعه وطلع شوكولاته كبيرة، ودسّ إيده التانية في جيب بنطلونه وخرج واحده تانيه، وقال: _إتفضلي يا ست سارة. _حبيبي يا سي زين. _حبيب سي زين! إبتسمت بسماجة وأنا ببصله من فوق عيني. ضحك زين بخفة، حمحمت بتوتر، وقلت: _زين! _حبيب زين! _عايزة أقولك حاجة! _تعالي نقعد في البلكونه، وقوليلي كُل اللِ نفسك فيه. خرجنا، وكان الجو فيه نسمه هوا.

قعدت وقعد زين جنبي، وقال: _قولي يا كتكوته؟ _زين اللوحة اللِ فيها بنت وولد وفي خيط أبيض متصل ما بين قلبها وقلبة دي رسمتها إزاي؟ _لية؟ وليه اللوحة دي اللِ معلقة معاكِ!؟ _قولي بس رسمتها إزاي! _كَانت بتجيلي في الحلم. _يعني إنت كمان كنت بتحلم بيها؟ ضيق عينه، وقال بإستغراب: _تقصدي إيه بِـ أنت كمان؟! مين غيري كان بيحلم بيها!؟ _أنا! فتك عينه بتعجب كبير، وقال: _إزاي؟

_مش عارفة، بس أنا لما شفتها إستغربت جداً لانها نفس اللوحة اللِ أنا رسمتها عندي في البيت.. وضحكت بتوتر، وقلت: _بس لوحتك أحلي في الدقة الصراحه. إبتسم زين بهدوء، وحاوط كتفي، وقال: _يعني إنتِ الكتكوتة اللِ قلبي معاها وبتحس بيا لو علي بُعد مسافات. _دي تفسير اللوحة! _آه. _أيوة أنا. _طب والله الفرحه غامرة قلبي عشان طلعتِ إنتِ الكتكوتة اللِ شاغلة بالي وخايفها تيجي تدمي عليا حياتي معاكِ. إبتسمت بخفوت، وقلت:

_بس أنا كنت عارفة إنك نُصي التاني، من بعد آخر نوبة حصلتلي. _لية مقولتليش! _كُنت محتاجة زيادة تأكيد. إبتسم زين وضمني له، وقال: _دلوقتي أقدر أنام مرتاح. _ليه، قبل كده مكنتش بتنام مرتاح؟! _للأسف! _لية!؟ _كوابيس. _بِـ إيه؟ _بِطرق لِ موتك! بصتله بصدمه كبيرة والكلمات وقفت في زروي من الصدمه وخشبت.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ