لم يكن لي ذنب الفصل الخامس وثلاثون 35 - بقلم نور

غيث من شاف المنظر السوار وكع من إيده وصوته صار يرجف: "حسنين؟!".

حسنين فز ودفع أدهم وهو مو بوعيه عيونه مغوشة وصاح: "غيث..".
غيث ما انطاه مجال يبرر باوع للسوار بالكاع وبنظرة كلها خيبة دار وجهه وطلع غيث يركض ودموعه ما وگفت ولا لحظة حسنين يلحكه
" وگف! بس اسمعني .. غيث!"

غيث ما التفت جان يحس إذا وگف وسمعه راح يضعف وهو هسة محطم لدرجة ما يتحمل يشوف وجه حسنين حسنين مد إيده راد يلزم كتفه"بس اسمعني" بس غيث نفض إيده بقوة وطلع برا المكان

عيونه مغوشة من الدموع

أول ما طلع للشارع العام صار ضوا قوي لسيارة جاية بسرعة الضوا ضرب بعينه وخلاه يتجمد بمكانه من الخوف والارتباك فقد توازنه ووكع بالكاع صوت "شخط" البريك جان عالي السيارة وكفت بآخر لحظة قبل ما تلوحه نزل الشخص من السيارة مستعجل ملامحه جانت قلقة وهو يشوف الشاب المكوم بالكاع وكاعد يشهك من البجي والخوف.

تقرب منه ومد إيده حتى يساعده وهو يسأل بصوت مرتبك "خو ما تأذيت؟". غيث جان بس يباوع للضوا وهو يرجف يحس الدنيا كلها صارت ضده بهذي الليلة ومتندم على كل فرصه اطه لحسنين اول ما سمع صوت حسنين غيث ما راد يواجهه ولا راد يسمع منه أي كلمة وبدون تفكير ومن شدة خوفه وضياعه شمر نفسه بحضن صاحب السيارة اللي جان واكف كباله لزمه بقوة وهو يرجف ونطق بصوت مكسور ومخنوق
"بسرعة.. فدوة بس طلعني من هنا أخذني لأي مكان.. بس لا تخليه يتقرب مني!"

صاحب السيارة انصدم من ردة فعله بس حس برشفة إيد غيث وقهر قلبه فما تردد" شبيك ليش هيج ترجف "

"بس اخذني من هذا المكان فدوه"

"خوش لا تخاف تعال اصعد واوصلك"

صعده لسيارته حسنين شاف غيث شلون جان يشمر نفسه بحضن الغريب الغيرة هجم على صاحب السيارة قبل لا يسد الباب سحبه بكل قوته وشمره بنص الشارع "منو انتتتَ"

غيث فز مرعوب لزمه حسنين من إيده بقوة وهو يرجف عيونه جانت حمرة ودموعه تجري نطق حسنين بعصبيه
"

تشمر نفسك بحضن هذا ولك؟! تريد اطلع علي حجه علمود تشرد وي هذا واني الي عبالي انت لحضنتني بالحمام"

غيث جان يحاول يسحب إيده يباوع لحسنين بقهر وكره وكأنه كاعد يشوف شخص غريب ونطق وهو
"هاا يعني هذا هوه تفكيره الخايس تريد تكلب السالفه مو.. ما اريد منك بعد شي عوفني بحالي حسون خليك كلشي تريد تسوي سوي اني مالي دخل بيك بس ما راح انسه الاشياء الي وهمتني بيه وخليتني انسه شنو رد فعل ابوي اذا عرف بالي كاعد يسوي ابنه الي بلا شرف والي هوه لعبه عندك!"

كلام غيث اثر على حسنين رخه إيده عن إيد غيث وتراجع خطوة ليورة
"

هاي نضرتك علي اني ماخذك لعبة ما تدري انت شنو بالنسبه الي..."

غيث قاطعه ونطق اي اعرف راح توهمني مره ثانيه بلعبه جديد وانت بالنسبه الي اكرهك كره فعوفني بحالي فدوه مالي خلك اسمع شي منك لا تحاول تبرر"الي شفته بعيني كافي ينهي كل شي جان بيننا."
عافه بنص الشارع مكسور وضايع دار وجهه ومشى
حسنين بقى واكف بمكانه وهوه يباوع لغيث كلام غيث جانت قويه علي ما اعرف شيتصرف الشخص الي حبه والي عوضه على اهله والي وقع بحبه بدون وعي اول ما شافه فهمه غلط فهد وغسان واحمد يباوع على الي صار هسه بينهم وما فاهمين شي واحديسئل للثاني "شكو" تقرب احمد لحسنين ونطق "شكو شبيكم" تجاهله حسنين حاول يطلع نفسه اقوه وهوه اصلا هسه كلبه عباره عن نار

صعد لسيارته واتجه بيه لغيث وكانه ما اهتم لكلامه غيث ولا تاثر وكف سيارته كدام غيث ونطق "اذا تريد تنهي علاقتي وياك قابل مثل ما تريد راح اقبل انهي كل شي"

غيث وكف بمكانه باوع للسيارة وباوع لحسنين بنظرة خالية من أي مشاعر

حسنين كمل كلامه وصوته بي غصة مكتومة حاول يخلي ملامحه قوية كدام غيث "اذا إنت هذا ظنك بية فماكو داعي أحجي وأبرر أكثر بس اصعد الدنيا ليل وما أخليك تمشي وحدك بهذا الشارع أوصلك وين ما تريد وبعدها اعتبرني غريب"

غيث وهوه يحاول يباوع لغير اتجاه علمود حسنين ما يشوف دموعه

" مشكور ما أحتاج توصيلة من شخص 'غريب' مثلك. روح كمل طريقك وطريقي أنا أعرفه وين"

حسنين غمض عيونه بقوة لزم سكان السيارة لحد ما بياضت أصابعه جانت النار بگلبه تحركه حرك شخط السيارة وطلع بيها بسرعة تارك غيث

سليم(الشخص الي حضنه غيث)واكف يباوع لغيث دكت خالته علي صعد لسيارته وهوه يحجي وي خالته على الجهاز "تعرفين خاله هسه اني تعبان استوني رجعت من فرنسا عود بعدين افكر اجيكم والله"

شاف غيث يدورله على تكسي وكف السياره كدامه قفل الجهاز ونطق"اصعد"

بتردد "لا هسه اخذلي تكسي"

"الوقت متاخر اصعد لا تفشلني"

صعد غيث لسيارته باوع علي ونطق "شكرا"
.
.
.

رجع حسنين لبيته اول ما دخل نزع قاط ملابسه بعصبيه شمره على القنفه واكعد خله ايده الاثنين على راسه منزل راسه بين إيديه الصاله جانت هدوء تذكر كلام غيث قبض إيده بقوة وضرب طرف القنفة وصاح بصوت مكتوم يحجي وي نفسه
"هه اني اعتبركك لعبه ولكك?? خوش مالي بعد دخل بي"

كام من مكانه ودخل لغرفته وهوه يحجي وي نفسه ويعاتب نفسه بعصبيه ويقنع نفسه غيث مجرد شخص عادي بالنسبه اله"معلي بيه" شاف قميص غيث تقرب لقميص الي جانت على جربايته لزمه بقوه وضل يشم بيه بقوه بدون وعي هوسه سيطر علي يشم القميص ويحضنه لصدره وكأنه جاي يحضن غيث الصراع اللي بداخله جان يدمره
.

.
.
وصلت غيث للبيت قبل لا يدخل مسح دموعه ودك الجرس.. طلعله عباس دخل للبيت شاف عباس شلون عيونه حمر واضح جان يبجي نطق "هاي شبيه عيونك ليش حمره صايرلك شي وبعدين ليش رجعت وحدك مو علساس رحت وي.."

قاطعه غيث "ماكو شي نعساني من النعاس صار هيج روح انام"

"زين تعال تعشه وياي"

"متعشي"
راد يتجه لباب دخول البيت

"لخاطري صالنه هواي ما كاعدين سوه"

وكف غيث باوع لعباس وابتسم "خوش لخاطرك بس اني راح بس اكعد لان شبعان وما مشتهي"

"ديله عاد خنسولف هواي سوالف تكومت علينه"

غيث يغسل بوجه عباس فرش فراش بالحديقه وجاب صينته من المطبخ وخله وصاح لغيث يجي يكعد وياه كعد الاثنين يسوالفون.

"غيوث شو انت ابد مو عاجبني وين راح غيث المسودن وسوالفه قبل الحادثه انت لاحظ عليك تغيرت شكو"

باوع غيث لعباس ونطق "اي شمتوقع يعني كبرت"

نطق عباس وهوه يباوع لغيث من فوق ليجوه ويشر بيده"انت غير يكعد ابو طيز وشنو يعني اذا كبرت تتكبر علينه "
وخله الگمه بحلكه.

"لا يعني لازم واحد يتغير زين هسه انت تحجي علي متغير شنو قابل انت ما متغير ها وبعدين هاي الفاضك اذا حجيته كدام هذاك الشخص والله اكتل روحي"

راد عباس يجاوبه ولگمه بحلكه "... ه.. شنيه... وي..(ويبلع ويحجي) اني متغير"

لكفه غيث على راسه "شكاعد تحجب انت تف عليك وعلى اليحجي وياك خليكوم انام"

"لا فدوه تعال اكعد عليك الله والله ضوجه اكلك هاي شنيه رگبتك"

نصدم غيث كض ركبته "شش شكو شبيه رگبتي"

"كمزتني هوه اني شكلت هاي يمكن قرصك دوده بركبتك وهيج مرمه"

"ها اي اي"

صارت صمت لمده ثواني بيناتهم عباس يفكر بملاك وكانه گبل نكلب شكله لواحد ضايج نطق غيث "شبيك بيمن تفكر"

"بيه"

باوع غيث على الشباك الغرفه الي بيه ملاك "ما فهمت اني شوصله هاي الحاله"

"ما ادري يكولون من الصدمه ما اعرف هم فد يوم ترجع نفسه لو راح تبقه طول العمر هيج... تدري تعلمت حركات الاشاره يعني راح اكدر احجي وياه تعرف اليوم لزمت ايده علمود اعلمه شلون يعني اذا راد شي او اي شي راح بحركه اعرف شنو"

صفن غيث على كلام عباس ولاحظ شلون عباس يحجي بحماس واكو غصه بگلبه نطق "تحبه?" ٠

سكت عباس ودار وجه "اختي تعتبرني اخوه"

"متاكد"

"اي زين خلي نغير الموضوع خلي نلعب اسئله انت ابدي اسئل"

"ما عندي اسئله"

"اسئل اي شي"

فكر غيث ونطق"اذا بيوم سمعت علي شي مو زين راح اصدكه لو لا"

"شنو يعني"

"يعني شي مو زين اي شي ما متوقعه مني وشخص كلك هذا شخص هيجي اصدك"

"اكيد لا لان ما شايف منك شي مو زين وبعدين حتى لو شي صدك لازم اله افهمه منك وتكله شنو السبب لوصلك هاي الحاله"

".. زين.. وابوي تحس راح يصدك بساع واذا اني صدك سويت هيج راح يزعل مني"
نزلن دموع غيث وهوه يسئل هلسؤال

"ليش تبجي شصاير شكو شنو هذا الشي الي كاعد تحجي"

".. والله جنت ما رايد هيج.. ما"

"شنو هيه السالفه احجي"

"... ما اكدر"
كوم غيث من مكانه اتجه لغرفته وهوه يمسح دموعه بقميصه.

عباس يباوع علي باستغراب راح وراه للغرفه دك باب غرفته تجاهله غيث وما فتحله الباب المره ثانيه من دكه الباب فتحه باوع للبيت وادخل عباس لغرفته نطق عباس "حجيلي شكو شمسوي"

"بس لا اصيح"

"شكو"

"اني.."

"حجيلي شبيك غيث"

ينطق غيث وهوه يبجي"شوف عباس اني راح احجيلي بس فدوه لاتكول لابوي ابوس ايدك"

"هوه شنو غير تكلي شنو الي ما اكوله لابوك"

"اني.. وحسون دخلنه بعلاقه يعني هوه حبني واني هم حبيته يعني حبيته حيل كلش حبيته"

باوع عباس بصدمه لغيث وشلون يعبر على حبه لحسون "شكاعد تحجي انت ولك مقتنع بشنو كاعد تحجي تدري شسويت انت لو شنو"

"بس افهمني خلي اكمل"

"تدري اذا عرفوا اهلك ولكك شبيكك شسويت ليش شوصلكك لهاي الحاله تعرف لو دره اهلنه شصيرين ولك يكتلونكم اثنينكم"

"لا لا حسون ماله دخل الصوج مني..."

" اصحه شكاعد تحجي ادفعلهه ولك هذا الحقير لعب بعقلك شلون سويتوها غيث عوف هلحجي انت مو من هاي السوالف اعرفك كلش لا تخلي هذاك يخربك علينه خوش اقطع هاي العلاقه "

"اني نهيته بس فدوه اذا عرفوا لا تخلي يكتلونه خلي يكتلوني اني عبيس ترا هوه حباب السبب مني يعني اني لازم انكتل وحدي"

"غيث ممكن تسكت ما اريد بعد اسمع منك شي لان الضاهر انت هسه كل تفكيرك مو يمي"
طلع عباس من الغرفه الباب بقوه
.
.
8الصبح

امير يجهز نفسه للجامعه لبس ملابس جديد ترس روحه عطر ويعدل بشعره نطق عثمان وهوه يلبس بالجربايه كدام امير"خنگتنه بالعطر شكو اليوم"

"ممكن لا تدخل"

كام عثمان وسحب امير من ايده "منو هذا الي تريد تشوفه"

دخلت ام امير "تعال يمه تريكوا قبل لا يبرد الجاي"

وخر عثمان ايده من امير وخزره بعيونه وطلع من الغرفه.

كعد امير مقابيل عثمان نطق امير "ماما اريد شطه"

"صار يمه كايمه"

كعد عثمان "اني راح اكوم اجيب"

امير اول ما شاف عثمان كام اكل علسريع خلي الصمونه بحلكه ولبسه حذاء علسريع وطلع "هايشنو امير على كيفك بعد وقت بعده ما صايره 9"

جاب عثمان الشطه شاف امير ماكو "وينه?"

"طلع بساع حتى ما لحكت علي"

عاف الشطه لبس حذاء وراح وراه شاف امير يركض لحكه ولزمه من ايده وسحب يم الحايط "حجيلي منو مواعد اليوم"

"شعليك بيه ها كلشي اسوي معليك بيه"

ضل عثمان لزم ايده وامير يحاول يوخره منه تقرب عثمان لرقبته امير حس بشعور غريب "اخخ.. وخر.."

وخر عثمان منه عافه واكف واتجه لجامعته بدون ما يحجي كلمه استغرب امير منه ضل يمشي وراه عثمان ابطئه.
.
.
كعد ادهم من نومه متاخر دخل للحمام يفرش سنونه اجاه اتصال من جهازه "سوينه كلشي كلت علي"

رد ادهم باستغراب"شنو شكاعد تحجي انت"

"علگنه صور غيث وحسنين بكل مكان بالجامعه"

صاح ادهم "شنووو ولك شسويتت شيلونهن بساع"

"بس هنا هواي ما راح نلحك"

"خرب يومكم جاي"
.
.
.
نزل غيث من دراجته شاف الجامعه كله واگفه وصاير هوسه دخل للجامعه الي بالجامعه واحد يباوع للثاني يباوعون لغيث ضل يباوع عليهم باستغراب باوع للصوره الي محطط على الحايط تقرب عليهن شاف صوره هوه وحسنين (الصور الي صورهن ادهم من شاف غيث وحسنين سوه) جره الصوره بصدمه ضل يوخر بيهن "لا لا لا"

عباس شاف الصور نطق بصوت عالي"منو علگ هلصور هنا? "

باوع غيث على الموجودين وصرخ "منو.. منو"

نطق عباس "منو حجولي"

شاف عباس جماعه ادهم يضحكون لزم عباس واحد منهم "وين ادهم?"

دخل ادهم اول ما دخل اتجه عباس اله ولزمه من رقبته للحايط شمره ويخنق بي من رقبته "انت الي سويت هيج مو"

امير اتجه لغيث"اهدئه"

"خنكتني وخر.."

دخل المدير شاف الهوسه الي صاير صاح بيهم كل واحد يروح لقسمه وغيث وعباس وادهم يريدهم لمكتبه.
.
دخلوا للمكتب ثلاثتهم "شنو هلوسه الي صايره بالجامعه"

نطق عباس "اسئل هذا الحقير"

جاوبه ادهم "مو اني الي علگت الصور"

قاطعهم المدير "غيث هاي الصور حقيقه"

ما جاوبه غيث

عباس يبرر لغيث "اكيد لا..."

قاطعه المدير "اني كاعد احجي وياه لحد يرد من مكانه ما جاوبتني غيث حقيقه هاي الصور?"

ادهم هم ادخل "ل... لا هاي جماعتي مسوينه بشقه اني وياهم وسربت الصوره وسوه صدك"

"اني مو كلت لحد يحجي من مكانه هوه اريد يجاوبني ليش ما يجاوب"

نطق ادهم "غيث دجاوب كله لا"

ما نطق غيث ولا حرف

"خوش احسابي مو ويمكم وي اهلكم هسه اخلي الاهل يجون ونتفاهم وياهم"

جاوبه عباس "لا فدوه لا تكلهم"

"اطلعوا"

"زين خلي نتافهم احنا بس "

"كاعد اكلكم اطلعوا مالي كلام وياكم"
.
.
.
يتبع