تحميل رواية «لك ياذا الجمال اليوسفي» PDF

ي

رواية

بقلمي ...

لتنسون تصويت + التعليق بين الفقرات احبكم

وقراءة ممتعة كيكاتي 🖤

ملاحظة ... ربما البارت مابي احداث لكن هاي تعتبر بوابة تنقلنة للاحداث المهمة لان هاي بداية القصة ..

وصلو البارت 1000 تعليق نشرو القصة بالفيس والانستا فضلا

_____

- سكون الليل ياكل بكلوب العاشكين

يخيم ليل الله چن عباية ع راس العذاري

وتسطع النجمات چن گلايد ع ارگاب القوارير

يبث بكلوب المغرمين "شوگ وحنين"

تتعالى انفاس المغرم، يطلع الكروت و بوجع مفرط يخط كلمات عذبة تلامس جروحة قبل كلبهة

تأفأف بضجر من شاف هاي الكلمات ممكن تضوجهة و ما تطفي النار المشتعلة بيناتهم

لا بل راح تكون حطب للنار .. شگهة بغضب وذبها بسله الزباله

وطفة الجكارة بالنفاضة و ورث الثانية

اااخ يالحب من طرف واحد، يجلدنة بدون رحمة بسياط الشوگ ، تحترك من تغار وما تكدر تفصح عن غيرتك

تحترك من تشتاك وما تلكة عيونهة

ااااخ افادي ينمرد كل ما اذكرهة ، لا هية ذنب واستغفر الله وتنمحي لا هية عادة وادعي ربي وابطلهة ، هية صاااارت فؤاااادي و وريدي نبض كلبي والنفس اليدخل الرياتي

خاف ادعي الله يبعدهة عني و اسلم روحي للخلقهة

ينكطع النبض، يموت القلب، ويشح الهوى ...

فتحت الجرار وضميت الاوراق السود، بلون حياتي

والاقلام وقفلتة

انطرحت ع جرباية ومديت ايدي شغلت المسجل

بعد ما سحكت الجكارة بالنفاضة

طلعلي ياس خضر يكول بصوتة الشجي

...دوريتك اااه اااه دوريتك

بين نجمات الثريا وما لكيتك

يا حسافة تبيعني برخص الامس يالمادريتك

روحي وحشا وطيفك الغايب عبرهة

ليلي جلمة عشك عذبهة صبرهااا

ولك لو تسوى العتب چا عاتبيتك

نزيت مثل الطفل باگو منه حضن امه ، من كال ولك لو تسوى العتب چا عاتبيتك ، وانه اعلن اعتراضي واطفي المسجل و كملت عزة روحي الماتت غفل بعطر خصلات الحديثة ..

حر ... ولك تسوى العتب بس خفتتت ما عاتبيتك

بهيدة يا المابيك دغش وانه هويتك

بهيدة يا المابيك دغش وانه اشتهيتك

ولك تسوى العتب بس خفت ما عاتبيتك ..

والله العمر لو ينباع چا بعتة وشريتك ..

ساعات و السهر ياكل بعافيتي، أذن اذان الله تعوذت من عيونهة وسمارهة، و وكفت ع سجادتي بنص صلاتي والكاها حاضرة كبالي

دعيتلهة بسري الله يوفقهة بحياتهة ويسعدهة، بس ما تحملت قسوتي ع روحي ، غصيت بعبرتي ورفعت ايديني

... ربي لا تكتبلهة سعادة ويا غيري ، اجعل من قلبي لها موطن، وعطفي دواء، اللهي بـ فاطمة و علي

والحسن و الحسين

اللهي بـ نبيك محمد، وذريتهة اجمعين

اجعل لي معها نصيب

يصيب قلبي بسعادة لا تنطفي

اكتب لي منها الذرية

واكتب لي معها حياة ان لم تكن فـي الدنيا

لتكن في الأخرى ..

______________________________

رهف ... فتت ع غرفة الي نايمة بيهة فلك اخيرا انفتح قفل الباب، الدنيا فجر والتعب ماخذنة

ردت اشغل الضوة، بس خفت ازعجهة شفتهة اتحركت وشالت راسهة

بعدهة كالت بصوت مبحوح من التعب

... منو انتي

شغلت الضوة ... رهف حبيبتي

باوعت عيونهة الوسيعة منفوخة

اجفانهة حمر، ورموشهة المتقرحة امبلله

... شنو لازم نايمة وكعدتج

عدلت كعدتهة ... تؤؤؤ مو نايمة كاعدة بعدني ما يجيني نوم

رهف ... شمالج ولج متزوجة بامريكا خو ما بامريكا مو هية وياج بنفس البيت

فلك ... اكلج رهف اريد ارجع للمدرسة

انصدمت لان هية اتجاهلت سؤالي

... اي ؟ رجعي

... اني سادس بس لان صارلي سنتين تاركة احس روحي ما اعرف ادرس تساعديني

وراح تصير سوية بنفس الصف والمدرسة شتكولين

... زين انتي يمتة قررتي هيج قرار

حجيت وانه اسد الباب واتقرب منها كعدت كبالهة

... قبل ايام بس مشغولين بهوسة العرس وما حجيت تساعديني لو لا فدوة رهف احس حياتي محطمة وما عندي مستقبل ، جاي احس روحي مالي قيمة

رهف ... هوا فعلا الحياة بدون اهداف ما بيهة طعم و جودج بيهة يكون مثل عدمة ، يعني شنو الفايدة من الاكل والنوم؟ لازم الواحد يكون عندة اهداف واحلام يحققهن علمود يصير عندة واهس يعيش

تخيلي اذا انه هسة تاركة، وماعندي شغل اطورة

شلون راح تكون حياتي مملة، وما بيهة اي واهس

بس لأن طالبة الحمدلله عندي واهس اعيش

وانه اشجعج ودرة تساعدج وتساعدني لان شاطرة ههههههه احسن مني

ابتسمت بتعب و همست بصوتهة الهادء ... شكرا رهف احبج

رهف ... اكلج انتي هواي متأثرة بالمسلسلات

فلك ... هية هاي حياتي الممثلين يطورون بنفسهم وانه اباوع عليهم متأثرة وكاعدة وساكتة لا عندي هدف ولا حلم، فرت جف ايدهة وغمت روحهة

... مو زين عليج، أذن من زمان انه صليت وانتي

... مجازة

... بعد يومين ع رمضان

... بهذا الحر والنبي نموت تموووز اهئ اهئ

رهف ... الله كريم ، هوا شهر وشكد ما نتعب نُأجر

فلك ... زين هسة شسوي اكص صور واستنسخ جناسي لازم اروح للتربية و اسجل بمدرسة مسائية واسوي استضافة للمدارس الصباحية مو صح

رهف ... كافي تخرطين خرط عبالك رشاشة ، هذا راح يصير شغل اخوانج عندج سداد حباب وخدوم ومدرس يفتهم بهاي السوالف هوا يمشيلج هاي السالفة انتي بس اتدرسين وتداومين من يبدي الدوام ..

فلك ... اذا اهلي ما قبلو قنعيهم

رهف ... لا جاي اشوف ماعدهم مشكلة من هاي الناحية اصلا مثقفين وكلهم دارسين وموظفين وانتي كلتي تركت بارادتي لو معارضين الدراسة للمرأة جان همة بطلوج .. صح مو

فلك ... واذا رسبت وتفشلت

رهف ... بس درسي ومعليج

واحنة هسة جاي ندرس للسادس انتي درسي ويانه ..

فلك ... جا خوش خلي تخلص هوسة العرس واحجي ويا امي

رهف ... زين ع شنو البجي

فلك ... من وجع راسي عيوني تدمع مابية شي وهم تعبانة

رهف ... وعليج الدورة متجمعات عليج هههههه

فلك ... هوا هم حظي هذا

رهف ... رايحة اكمل نومتي حاولي تنامين مبين النوم ما زاير عينج ولا دقيقة

فلك ... اي والله شسوي

رهف ... كومي للمطبخ ناكل واخذي علاج خلي راسج يرتاح ورجعي نامي

هزت راسهة وكامت وياي، طلعنة جبن وخبز سوينة لفات وكعدنة ناكل وحدة تباوع للثانية ونضحك ع روحنة

... هسة اذا احد كعد يكول شنو هذني حلمانات وكاعدات يتلكمن من الفجر

... اي والله يكولون بيهن جني هههههههههههههه

ضحكت بصوت عالي ولج صوتج راح يكعدون كلهم من وراج اوووف

... اوو شمسوية هسة خليني اضحك

الكثرن جروحة ضحك

رهف ... يعني انتي مجروحة

فلك ... الله وحدة يعلم بجرحي شلون عميق ومايمكن يطيب بسهولة بس مو صعبة ع رب العالمين

رهف ... شنو سبب جرحج احم اسفة ع تدخل

فلك ... ماكدر احجي الموضوع صعب واذا طلع سري وانتشر تنهجم بيوت يمكن، خليني ساكتة

رهف ... خوفتيني عابتلج معقولة احد متعرضلج وما تحجين

رفعت حاجبهة الكثيف وضحكت ... مو هيج بس الموضوع شوية حساس لا تخافين عليه

رهف ... تمام

كملنة اكل اخذت حباية وانه هم اخذت راسي والنومة طارت من عيني وهية مفتحة عيونهة بصعوبة، بياضهن احمر و هافتات

الساعة ب8 كعدو العرسان، حضرنة صينية الريوك الهم

وعمة نجوى راحت تتفقد فلك ورجعت اخذت الصينية للعرسان و نزلت ..

وهذول عاداتهم متعبة هسة العرس امس اليوم عدهم كومة ناس ، بالاستقبال متجمعين الشباب اولاد العمام وهنا البنات

خوب درة تمشي مثل السكرانة من التعب ، والله ليگول وحدة طاكتلهة بطلين وكارطة وراهن خيارة ..

ما نسمع من الاستقبال غير صوت فالح يهوس

"اليوم الي واذبح طلي واعزم كل عمامي وكل هلي"

ضحكنة علي، شوية شوية ضلو ينسحبون

ويجون ناس يباركون للعروسة

يصعدون يسلمون عليهة وينزلون

ولازم نركض بصواني الضيافة ، جنت هسة نازلة ومها بالمطبخ تحمس بالمركة ويمهة سفانة شايلة ابنهة ناط بجي

وطلع يوجهي فالح خرعني كمزت ورادت تطيح الصينية من ايدي

... معقولة نستلة شال نظرك ويا حواجبك خرعتني

فالح ... عفوا ست كهف بس ما انتبهت انطيني شنو هذا؟

رهف ... جوكليت وكرزات

فالح ... عود وين جانن هذني ... يحجي وهوا يمد ايدة ياخذ الجكليت ويضمة بجيبة

رهف ... يم النسوان الجايات يباركن للعروس

فالح ... والله بخت كل وحدة تجي تنطي العروس خمسة وانتم تضحكون عليهن بهذني الجكليتات حتي ما يقبل

رهف ... فاااالح

حجيت بتذمر ..

فالح ... هسة شبيج وياي جذبت انه ؟

رهف ... مو يجن بجنطتهن خمسة وينطنهة للعروس احسن منك جاي بطرك روحك

فك حلكة وكال ... باوعيلي زين

رهف ... شنو

فالح ... باوعيلي بونية عمو انه هسة كبالج بطرك روحي؟ يعني مصلخ لو لابس

رهف ... والله ما تستحي انته وخر من كبالي ... حجيت بغضب

فالح ... هسة شحجيت انه واكلتيني رغم لحمي مالح ، مو انتي كلتي بطرك روحك

ما كلتي جاي جيبك فارغ ..

بطرك روحك يعني كما خلقني الله ..

رهف ... ما تستحي

تخطيتة بغضب

حجة متفاجئ ... شبيهة هاي هية حجت وعصبت سوادين اي والله ..

غسلت الكلاصات و التفتت ع مها

... مهاا شنو معنة بطرك روحك

مها ... يعني بس بروحك بدون شي

رهف ... مصلخة

مها ... اي هيج

رهف ... **** يعني الغلط مني زفرت بتعب وطلعت للغرفة اتفقد درة كاعدة تاكل ككو وكاضة الكتاب

... شمعناها هاي

درة ... شمعناها

رهف ... اتدرسين بدوني عابت

درة ... جا وين اروح. وعمة ما تقبل اشتغل شي تكول ضعيفة وظهرج رجيج اكو نسوان غيرج هنا يشتغلن

رهف ... اووووووف عمممة عمةةةة تسووووين طائفية ليششششش

اكول ليش العررراق وضعة تعبان وبي طائفية اثاري الطائفية طالعة من البيوت نفسهة

ليث ... هاي شبيهة تصرخ

كمزت و التفتت ... انته ماعندك شغل تروحلة شكو مكابلني

ليث ... ماخذ اجازة لازم مثكل ع كلبج ..

رهف ... احم لا شعندي وياك

ليث ... فوصة صايرة عسل، هليام العسل بهذا البيت كثران

رهف ... مهاااااا رجللللللج ...... سكتت وباوعتلة بمكر ضحك وكال اصجمهة ومااا تقبل ..

مها ... يااا انته وين وهية وين البنية طفلة لا تخربهة

ليث ... طفلة هاي ؟ كولي زعطوطة احس كلمة طفلة محترمة وعيب اذبهة عليهة

رهف ... سكتي رجلج لا تجيلة مني ضربة مرتدة

فالح مجتف ايدينة و واكف يباوع ويكلب بشفايفة

مها ... حبيبي لا تغثهة هية ما تتحمل اسلوبك مو زين ومني انه حاملتة

ليث ... مو زين ومني اتشاقة وياج معاجبج

مها ... لا عمي عاجبني وابوس ايدي وجه وكفة يومية واحمدة واشكرا بعد؟ ههههههههه

حسيتهة ضاجت منة ، لان يحجي وياها ويباوع عليه مادري شبي هذا ! وضعة غريب

قريب الغدة فاتو الشباب گعدو جوة كلهم لابسين دشاديش بيض وبيجيات ، وضلو يسولفون ويضحكون

فالح رافع دشداشته مطلع كراعينة وماخذهم اخيذة ، ويجيب السبحة منا يحطها منا وكل شوية يكمز ويصيح حيل

فلك ...داخلين هجوم هذول مو يسولفون كل سوالفهم صياح خوب فالح بلعومة راح يطلع من مكانه

نجوى ...شمالج خليهم فرحانين واحد وين لاگيها لمه حلوة وفرحة وضحك

فالح صاح بصوت عالي ...والعبااااس ابو فاااضل ما سويت هيييييج

جلال ...لا تچذب والزهرة سويتها ، الزلمة گله خالي انتَ ياهو انته باوعتله بنص عين وگتله لميس

فالح ...ولكم شني حاطيلي حبوب كبسلة ومخليني احجي وما ادري بروحي

ليث ...حتى انه سمعتك ندستك بس انته ضليت تحجي ويا بارق خوب الزلمة ضل وجهة فالت صافن عليك وفاتح حلگه

مد كراعينه وشمر السبحة بباطن ايده الثانية وگال

فالح ...عمي انه يرادلي اعادة صيانة هذا نستله يمكن شال عقلي من رأسي وخرب ميولي

ليث ...دسكت اسكت راح تصخمنة هههههههه

طلعت درة من الغرفة تلف بشالها هو باوعلها وصاح

فالح ...هاي البنية انه حبيتها شاهد الله تعاي ولج درة درية الحورية تعاي بونية عمي الغالية

درة باوعتله بخجل ومشت بأتجاها .. شال سبحته وقربها الها

فالح ...هاي هدية مني الچ تفك السحر ترجع المطلقات تطلع راتب رعاية تنجح الكسالة

ومرات تگضي شغل البيت عنج

درة ...شنو المناسبة؟

فالح ...چا دخلتي گلبي وحسيتچ بيضة گلب وصافية روح ردت اهديج السبحة هاي عزيزة ومسوينها مخصوص الي

درة ...شكرا من اصلي اسبح بيها وتجيك حسنات مني باردة مبردة

فالح ... الله وانه نايم والملائكة تسجل حسنات

خلص اليوم والي بعدة اجت فلك كالت ليث وامي قبلو ارجع للدوام

ومنا بلشنة نكثف دراسة رغم صار رمضان وصيام بس نقضي وقت بالدراسة حتى النهار يمشي

وننام الظهرة شوية نكعد نلكة عمة طابخة

احنة بس انحضر الباقي

درة ... جنت صايمة وريكي ناشف، وكلت اقضي وقت بشي غير الدراسة

طلعت للحديقة اتمشى بيهة وكعدت جوة شجرة الرمان ومددت رجليني ارتجيت ع جذعهة بتعب

ااخ يخالي حر اخ بس كطعت كل الجسور بيناتنة

و انهيت علاقتنة النقية بسالفتك

حطيت ايدي ع راسي متوجعة

... ادري هسة انته ما لكيت بنية غير درة

ملاييين البنات بالعراق عفتهن وحبيت درة ?

اووف يا ما شلتني على جتفك يا ما طحت وصحت خالي وانت تركضلي ، من اتألم اصيح خالي من افرح اصيح خالي ومن احس بخطر اصيح خالي

بعد السويته كطعت كل الجسور ، وخليتني اعدك غريب

اذا مالت بية الدنيا وطحت

شـ أصيح؟ ما خليتلي شي حتى حسي (صوتي) خذيته

وخليتني اعاتبك عتب خرسان بالعين والدمعة

حسيت غيمة سودة غطتني ، جريت نفس قوي وفتحت عيني

حتى المكان الواسع احسة ضيك ويخنكني

حبك صار الفاس القطع كل اغصاني ، وغدت حطب للنار ..

همام ... حلقووومة

شفت همام وطفرت من مكاني خايفة مرعوبة وهوا يركض باتجاهي، عفتة وركضت للبيت وهوا يركض وراي يصيح

حلقومة اوكفي

وانه اركض وهوا يركض

فتت للبيت ركض من باب الاستقبال ودعمت بعمي فاضل كال ... الله الله شبيج بوية تركضين راح يوكف كلبج

وكفت وحطيت ايديني ع اركبي هوا باوع وراي وعقد حاجبة مستغرب

... عمو خفت منه وركضت

فاضل ... لا ترة هوا ما يخوف

درة ... صدك؟

همام ... والله بس انبح ما اعض

فاضل ... فوتي جوة وجهج اصفر كعدي كبال البرودة

هزيت راسي والتفتت رمقتة بغضب واكف ويباوع علينه ب برائة

عمي فاضل لزمني من زندي وقربني منة ابتسم ابتسامة كاذبة و همس ... اتحذري منه! لا تخلينة يطولج ..

باوعتلة بخوف وهزيت راسي

اذا عمي فاضل كال ابتعدي معناها اكو شي

لان هذا يلكفهة وهية طايرة

كعدت بالمطبخ اسوي زلاطة ويا فدك

كالت بصوتهة الدلوع

... انطيني الكرفس فدوة

رمشت بعيوني و انطيتة الهة، ابد بالي مو يمي

طب سداد يتكبك

... يمتة يأذن

رهف ... ارجع سوق مخدتك ومن يأذن راح نكعدك وتكون واصل للمحطة يله عيني

سداد ... استغفر الله عود ليش نصوم؟

نجوى ... اووو فرض ديني واجب ع كل المسلمين لا تضل تتذمر واطلع عوفهن لا تشلع كلبهن فوك تعبهن بالمطبخ

فدك ... ارجع سوق مخدتك ع كولة رهف

سداد ضل يتذمر وراح للصالة انسدح ع قنفة وصاااح اخرررر يوم اصوم

طبعا هوا جذاب يومية يكول هيج و بعدين يصوم ثاني يوم وهوا المننون

بدأت ايام الشهر الفضيل تخلص ، وقربت ايام العيد

راحت عمة نجوى للسوك ورجعت محملة اشكال والوان الملابس النه كلنا ، جايبتهن للعيد

حضرنة الكليجة، سوينة 10 صواني غير الجابوهة الولد جاهزة

لان خطارهم هواي

هل هلال العيد، وارتفعت اصوات المعايدات بعد ما جنة نسمع رمضان كريم

خابرنة امي عايدناهة و وعدناها نزورهم بايام العيد

وهية كذلك بشرتني محصلين بيت بس يحتاج هواي شغل يله يكمل

كتلهة لا بأس المهم حصلتي ..

كعدنة بالعيد الفجر صلينة، وبدلنة بملابس جديدة وبعدهة طلعنة سلمنة ع عمي وعمة نجوى عايدناهم

همة والولد، بس احس وجهي يريد يطك من الخجل صار نار ..

كعدنة كلنا ع سفرة عمة صبت النه المسموطة، وتريكنة بيهة بصباح العيد

بعدهة طلعنة تلث سيارات فرينة عمامي كلهم عايدناهم، وهاي جانت اول مرة افوت البيوتهم الكبيرة ماشاءالله قصور

اول متفوت تكفخنة ريحة البخور الفاخرة ، وبناتهم وشبابهم لابسين اجمل الملابس وارقاها

وفالح لطش الا يجي ويانة مادري شعندة

صعد يم سداد وانه ودرة وفلك ورا

فالح ... صبحكم الله بالخير خانة الشواذي

كل عام وانتن بخير خواتي الماجابتهن امي

درة ... مو هستوة عيدناك كافي هية شبع خو ما شبع

فالح ... ولج ماتسكتين وجهج طافية بي الكهرباء وما عاجبج

فلك ... من صباح العيد اتعيب ع وادم والله ما تستحي

فالح ... ما معيب هية سمرة اذا كتلهة وجهج طافية بي الكهرباء معناها معيب؟

شبيهة الظلمة

وبالظلمة خلينة سوة والظلمة احلى من الضوة

سداد شال ايدة من الستيرن وطك اصبع ... والكلوبات مطفية بوسة انطيني معلية

فالح ... لا تدعمنة ونموت خمستنة واحنة بحسرة البوسة

سداد ... ولك استحي هذني بنات مو صحبانك لو ولد عمك

فالح ... لو ما كايل هذني بنات جا ما دريت معلومة مفيدة

سداد ... شوف راح نروح سفرة عائلية لسلمان ابن داوود تروح ويانة

فالح ... وهذا ياهو ؟ ابن عمك ابن خالك

سداد ... ولك هذا نبي نبي نروح نزورة وناخذ غدانة ويانة نتغدة ع شط

فالح ... بهذا الحر انتم مخابيل ما اروح

سداد ... ولك نروح كلنا وثول

فالح ... هناك اكو نسوان ?

سداد ... اي اكو طبعا بس لا تكلي تروح علمود النسوان

فالح ... جا علمود غداك اروح

شعندي غير النسوان احبل اجيب

رهف ... مااالح

فالح ... فالح

رهف ... مالح الله عليك جم وحدة مصاحب

صفن وكال بحسرة ... بله خلي احسبهن رفع ايدة وضل يعد ع اصابعة بهمس وكال

... دورت بذاكرتي طلعت ولا مرة مصاحب

فلك ... فالح بس حجي بوخة مو عبالج يدور نسوان

رهف ... ههههه طلع بوخة

فالح ... اكدر اصاحب عشرة و عشرين بس اخاف ببنات العالم واخاف الدنيا تدور وتطلع بعرضي واختي تصير تكسي يومية مصاحبة واحد

سداد ... شنو من اللسان عندك مثل رهف بس يجفص

فالح ... ماحجيت شي غلط اذا لوثت بنية وصارت يومية ويا واحد بسببي شنو راح نسميهة احنة

تكسي ،، وتاليهة تطلع باختي

خليني عاقل احسن

سداد ... *****

فالح ... لا يا ابن اللذين امنوا وعملو الصالحات

شفنة بارق بهذا اليوم الاول مرة جان شاب اسمر وسيم و يمة كاعد همام ابو حلقومة

يباوع لدرة من جوة لجوة وهية وجهة صار اصفر ليمونة ...

طبعا بارق اذكر شفناه من طلعنة للزفة بس ما انتبهناله لهذا السبب هاي تعتبر اول مرة

بعدهة هم رجعو واحنة اخذنة سداد لبيت خوالي

طلع النه خالي اسامة سلمنة علي وحضناه

وبعدة امي واحد ورا الثاني بوسناهم وعيدناهم

وحضناهم بشوق

درة ... باوعت لخالي حر بعدني ممسلمة علي مدلي ايدة بلعت ريكي بخوف، وكلبي ارتج بقوة

حطيت ايدي بين ايدة، وجسمي كلة انتفضت ورجف

رفعت رجليني وكفت ع اطراف اصابعي وهوا نزل راسة بوستة، بعدت راسي بهدوء وانفاسي اضطربت

حسيت اكو شي غريب، باوعتلة نظرانة مو نفسهة مال قبل هسة ماكلني اكل بعيونة ..

شلت ايدي من ايدة، ورحت كعدت ع صفحة يم كاتي اسولف وياها

وعد ... شلون عمامجن وياجن؟ خو ما احد مضوجن

رهف ... لا بالعكس كلش حبابين مرتاحات الحمدلله

وعد ... اي لان من دمهم ولحمهم لو احد غريب جان اكلو اكل

رهف ... مادري بس ما شفت منهم هيج هاي شكد صارلي عايشة وياهم

وعد ... ترة همة خوش يغسلون عقول الناس واظن غسلو عقولجن غسل ..

رهف ... عود اذا تصرفو ويانة تصرف مو زين نخابرج

وعد ... حر شوف العماال كون يستعجلون بالبيت ما اريد احد يسوي الي اريدك انته ، علمود ما يمنون عليه بهذا البيت

حر ... صارر بعيوني تدللين ..

كامت امي للمطبخ، و رهف لحكتهة تكمل نقاش وياها جان خالي حر يباوعلي بنظرة عميقة

هيج جن اخترقتني

تنهد بضيق ودندن كلامة ع شكل اغنية

... اتطششرررر واتووذر واريدن حضنك يلمني، ااخ يا حضنك جنة حضن امييي

كمت عفتة وراي وصعدت الغرفتنة بدلت ملابسي ، وطلعت شفتة واكفلي كبال الباب

لابس قميص نيلي ،متوسد صدرة بجرئة

ويباوعلي بنظرة حرمان

تنهد وهوا يباوعلي عبالك رسام يدقق تفاصيلي حتى يرسمهة

اتلعثم كلشي بية

كلبي

عيوني

انفاسي

تقربت منة بهدوء و رفعت راسي باوعتلة بعتب

... خالي كافي مهزلة لا انته ولا انه نريد ننزل الذاك المستوى الي ابالك

حر ... ننزل؟ ليش ننزل درة انتي ليش مصعبة الموضوع

درة ... ممصعبتة هذا الصدك ، انه احس بالقرف والاشمئزاز كل ما اتذكر كلامك وياي

انته صدمتني صدمة عمري

راد يحجي بس سكت، لم شفايفة وضغطهم بحيرة

تنهد واردف بهدوء

... صاير اتحسر عليچ وما تفاركين فكري ابد

من اشوفج اسكر حد الثمالة ..

انه مو انه يدرة انه صرت انتي

درة ... خااالي

حر ... كولي يَبعد خالچ

درة ... انسى الموضوع الحجينة بي ذيح المرة وطلعني من راسك

لان انه اكرهك، صدك صدك كرهتك وروحي تلعب من اتذكر حجيك وياي وتصرفاتك

لا تتقرب مني بعد ولا تحجي وياي

لان يصير الحجي مو خوش، فاهم

ما اريد يجي يوم واغلط عليك لو تسمع مني حجي عمرك ممتخيل يطلع مني

حر ... شنو يطلع من بين شفايفج تلتهمي اذني بشراهة چن اول مرة اسمع حرمة تحجي ..

صوتچ يخليني ارجف ، اذني تمردت وصارت وياج ضدي ..

درة ...الحجي وياك مايفيد لا تتقربلي ولا تحجي وياي ساعة السودة العرفتك بيهة و عشت وياك بنفس البيت

اتسعت عيونة بتعجب، ممصدك هذا الحجي يطلع مني

... ابتعد عني اذا تشوفني بالشرق روح للغرب

ترة انته خطر علية، مو كافي صرت بموقف صعب بسببك وبسبب عداواتك

ما اريد يتكرر الموقف و ويامن وياك

بسبب مرضك النفسي ، الخلاك تحبني

نسيت من جانت تمطر و رهف ترفض تداوم تغيب وانه اطنكر الا اروح شلون جنت اروح؟

حجة بخنكة بصوت مبحوح ... احط جنطتچ بچتف واشيلچ ع الچتف الثاني ، علمود حذائچ ما يتدمر لو تغط رجلج بالطين ..

درة ... وبالحلة اطلع حذائي مطين بسبب اللعب بالساحة وترجع تشيلني ع اچتافك

شلون انطاك كلبك هسة تحبني ؟

صدك ماعندك خجل والله ولا عندك ذرة خجل

حر ... حجيچ صار ايدك بالعظم و ينهش بفادي

درة ... لأن تستاهل انته جبتهة الروحك وأذيت كلبك ونفسيتي

طعنت روحك روحي بخنجر سام من كالولك دوة

زم شفايفة بغيض و كال بغصة

... راح اخذج اخذج ما اخليج تصيرين الواحد غيري لو اعرف يگطعون ركبتي يدرة ..

كضني من زنودي جرني اله

ما يفصلنة غير جرة النفس

ارتعشت من جسمي لاصق جسمة

وارتعد كلبي

قرب راسة من أذني وهمس ...

واذا هسة خذيتچ ......