تحميل رواية «لأنني غير شرعيه» PDF

د

* _شرعيه 《01》*💔

**

*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00💔*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

*قصة من واقع حقيقي*

انا بسمه فتاه غير شرعيه ولدت في مستنقع مياه او ربما في خور او خلاء ما عارفه مكان ولادتي كل العارفاهو انو بيتي وهويتي الشارع ثم دار رعايه ثم منزل اسره ثم منزل اخر واخر واخر وهكذا ... حتي مكان استقراري الابدي

اول ما فتحت علي الدنيا في الشارع مع اولاد وبنات في الاكبر مني وفي الاصغر و الفي عمري كنا بنحس بي بعض بنتشارك كل حاجه كان كل يومي في السوق لما اجوع بلف في قمامات المطاعم احتمال اني الاقي لقمه اسد بيها جوعي و دايمآ بقعد براي اي واحده اشوفها اقول دي احتمال تكون امي دايمآ كنت بمشي اتابع اي واحده علي امل تعرفني او تشبهني و تسوقني معاها البيت كنت لما اجي اطلب حاجه او بالأحرى اتسول بقول لي اي واحده يا امي (حاجه لله) عسى ولعلا واحده فيهم يحن قلبها وتحس بي اني بنتها كنت من دون الاطفال بحس بالحاجه دي دايمآ تفكيري اني عايزه اعيش مع امي وابوي وبسأل نفسي انو امي ليه رمتني؟؟ واقول يمكن نستني في مكان و ما لقتني حا تفتشني و حا تلقاني هنا كانو الاطفال بقولو نمشي من المكان دا و نجي راجعين انا ما كنت بمشي معاهم بقول امي حا تجي تلقاني لأني طفله و ما مدركه اني غير شرعيه ورموني كنت بسمع القران في المواصلات ما عارفه دا شنو بس كنت برتاح لما اسمعو كنت لما اسمع عربيه مشغلين فيها قران بجري عليها عشان اسمع ما عارفه ديني شنو هل انا مسيحيه ام مسلمه ام يهوديه ام ماذا ؟ ما عندي هويه حتى اسمي سموني ليه الاولاد والبنات المعاي كانو مسمني سكره بس انا ف السوق كنت براغب بنتين صحبات وفيهم وحده جميله كنت بقول ل نفسي انا بعد اكبر عايزه اكون زي البنت دي وهم ماشين سمعت صحبتها بتناديها يا بسمه ومن اليوم د سميت نفسي بسمه باليل تحت الكبري قاعدين مننا شايلين قطع ومدخلنها في افواهم وبقولو جيب سليسيون نايمين زي الجسس المنتظره الدفن وواحدين بغنو واصواتهم كأنها عصفور في الصباح و منهم بحكي بالحاجات الحصلت ليه وانو سرق و التاني بقول ليوه قبضونو ودقوني واحد عيان وياااا للأسف... وانا كنت سارحه ف الحاجات البتحصل قدامي كل يوم و علي امل بكره امشي بيتنا .و يوم بكره زي يوم امس الاختلاف هو المناخ في الصيف بنتعب بالنهار و في الشتاء بنتعب باليل وفي الخريف ممكن نتعب باليل او بالنهار وهكذا...

لما عمري بقى ثمانيه سنوات بديت افهم انا في نفس الوضع بس كنت بفتش عن هويتي كنت دايمآ بتردد علي الكافتيريات علشان بلاقي طلبة الجامعات بحب اسمعهم وهم بتكلمو وكنت دايما بلاحظ في كلامم بدخلو سبحان الله و الحمدلله و صلي علي النبي ولا اله إلا الله مع اني كنت ما فاهمه ديل شنو بس كنت بحس اني عايزه اعرفهم كنت بحب اشوف الطلبه وهم شايلين الكتب وبتكلمو بي طريقه بستمتع بيها بقيف بعيد علشان اصحاب الكافتيريا ما يطردوني معظم الناس بقدمولي الأكل و ناس بتديني باقي المشروبات وناس بحس الخير ف عيونهم وكتير منهم بطلبو مني ادعي ليهم وانا عشان عايزه حاجه بقول ليه الله بس ما كنت مدركه معناها لحدي ما جاء يوم مشيت المسجد انتظرت بعد الصلاه انتهت عشان الناس بتطلع كتير وبقدر اجمع منهم قروش كتيره بعد ما مشت الناس كلها قعدت قريب ل باب المسجد عشان ارتاح سمعت صوت القران الانا بحبو كان صوت عزب جريت دخلت دخلت المسجد زي الأنا بفتش لي حاجه ولقيتها لقيت راجل كبير عندو لحيه بقراء القران قعدته قدامو وانا مبسوطه بعد ما خلص ما طردني بالعكس ابتسم لي قال لي بتحبي القران اشرت ليه بي راسي ايوه قال لي بتعرفي تقري اشرت ليه بي راسي لالا قال لي اسمك منو قلت لي بسمه قال لي اهلك قاعدين قلت لي ما عارفه قال لي بتصلي ؟ قلت لي ما بعرف اصلي كيف ؟ وليه اصلي قال لي انتي مسلمه ؟ قلت ليه ما عارفه حسيت الحزن في عيونو قلت ليهو انت شنو ؟ قال لي مسلم قلت لي والناس الادوني القروش ديل كووولهم مسلمين ؟ قال لي ايوه قلت لي والطلبه الفي الكافتيريا البدوني العصير والسندوتشات ؟ قال لي مسلمين قلت لي والقران دا حق المسلمين قال لي اي قلت لي انا زاتي عايزه اكون مسلمه قام بقى يبكي ونطق الشهاده بدون م يطلب مني رددها وراهو وانا سعيده و قمت منو وانا فرحانه وحسيت نفسي عندي كيان وجريت عشان الحق اجمع القروش لأنو العصر بجينا واحد بشيلم مننا كلهم ولو ما اديتو بدقتنا .......

*•••••••••••••••••••••••••••••••••••••••••••••••••••••••••••*

*☆يتبــــــــــــــــــــــــــــــــــــــــــــع☆☆

* _شرعيه 《02》*💔

**

*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00💔*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

* للبسألو قصة بسمه واقع معاش و نموزج من مئات قصص اولاد الشوارع بتشترك في معظم التفاصيل وبتختلف في درجات الوجع*

طلعت من المسجد وانا جواي سلام داخلي جريت عشان اقعد في مكاني المعروفه لي الراجل البجي يجمع مننا القروش قعدته وبقيت براقب في الاطفال ال مع امهاتم فجاءه لفت انتباهي طفل في عمري ببكي وشايل في يدو لعبه طياره كبيره و شوكلاتات امو ماسكاهو من يدو وبتقول ليهو اسكت خلاص المره الجايه بشتري ليك جريت عليهم قلت ليها يا ماما عايزه شوكلاته قالت لي يا بنت امشي من هنا بلاء ياخدك يلا ما اشوفك في وشي ما ناقصه انا بلاوي ولو جيتي وراي بضربك كسرت بي خاطري وانا ما كان نفسي في الشوكلاته كان نفسي تطبطب علي زي ولدها كنت عايزه احس بي احساس الأمومه الولد المعاها بس للأسف رجعت مكسوره وحزينه قعدت ف مكاني جاء دفار كبيييير وكان بجي كل يوم بعد المغرب مباشرتاً بداء يلم في اعمامي وخالاتي المعاقين ومعظم البنات البالغين الكل يوم بجيبم الصباح و حتي مرات انا معاي اولاد وبنات كتيره بركبونا معاهم وبودونا حوش كبييير وفيهو غرف كتيره بس وسخانه و قديمه و مافي سراير بس نحن بنحس كأننا جابونا فندق خمسه نجوم علي اساس جدران بتحمينا من البرد فيهو مويه ف البرميل بنشرب منها وبنوم والصباح تاني يجيبونا ب نفس الدفار و كل معاق عندو مكان معين وثابت كل اليوم تحت الشمس لحدي ما تغيب كان لما العصر يجي بفرح عشان الشمس بتبداء تغيب و اعمامي وعماتي المعاقين يرتاحو من السخانه بتاعة الشمس كان الراجل البشيل مننا القروش في كامل صحتو و لابس احلا لبس و من الماركات المعروفه انا كنت بركب معاهم ف الدفار مرات ف الشتاء و مرات ما بخلينا نركب بنمشي نجمع الكراتين البرموها بوتيكات الملابس و الكفتيريات بنشيلا ونمشي تحت الكبري نفرش كرتون تحت والتاني بنتغطى بيهو مع انو ما بحمينا من البرد بس اتعودنا عليهو ما عندنا خيار تاني بننتظر متين الصبح يجي عشان الشمس تطلع وطبعآ ولا شاي ولا بسكويت ولا كيك ولا مسواك ولا صلاة لا ام لا اب لا مدرسه محرومين من كل شي حتى بعض فئات المجتمع بتحتقرنا ما لينا غير بعض عايشين في غابه بدون هويه بدون مستقبل و لما جاء وقت الصلاه اليوم التاني جريت علي المسجد عشان اشوف عمو البقراء القران لأني حسيت في شخص اتقبلني انتظرت بره و كنت علي نار انو الصلاه تنتهي عشان اشوفو وفعلا انتهت و الناس طلعت و جمعت القروش وكنت براقب في الوجوه ما يكون طلع لما كلهم مشو جريييت بي لهفه بس لقيت عمو مافي جوه المسجد طلعت بفتش واتلفت وين عمو ؟ لقيت راجل داخل يصلي قلت ليه ي بابا امس كان في عمو بقراء قران وانا قلتها وانا بفتخر لقيت جذء كبير من هويتي الي هو ديني وهسه ما لقيتو عارف مشى وين قام جاء قال لي يا بنتي المسجد دا جمب الموقف كل يوم بتجي ناس جديده و بتمشي مافي زول ثابت قلت ليهو يعني ما حا القاهو تاني قال لي ما عارف قلت لي طيب انت بتعرف تعلمني اقراء قران من المصحف قال لي انتي بتعرفي تقري قلت لي لالا قال لي لازم يا بنتي تعرفي الحروف عشان تركبي الكلمات عشان تقدري تقري القران و غير القران حزنت شديد وبديت اقول لي نفسي منو البعلمي الحروف ؟ قلت لي خلاص يا عمو ومشيت منو ناداني يا بنت تعالي ممكن احفظك سوره صغيره و ساهله و تقدري تقوليها بس انا ما عندي زمن لو ما حفظتيها سريع اي زول بحفظك ليها دخلت جوه معاهو و بداء يحفظني سورة الاخلاص و شرحها لي ((قل هو الله احد (١) المعني الاحد لا مثيل له) (الله الصمد (٢) اي الحق ......الخ )) فهمتها اكتر من احفظها وحفظتها بس حفظ ركيك و هو كان مستعجل قال لي يلا يا بنتي انا ماشي و مشى عمو التاني وبقيت يا ربي حا الاقي عمو تالت ورابع ؟؟ و جريت و اول سوره حفظتها الاخلاص و مشيت احكي لي الاطفال المعاي بقو يضحكو فيني و يقولو لي كان جمعتي قروش هسه وو روني قروشم كتيره و فرحانين بس انا كنت اسعد منهم ما كنت بهتم بالقروش لانها ما حقتي كنت بجمعها عشان الراجل ما يضربني و مشينا تاني تحت الكبري و سمعت البنات المعانا بس كانو في فترة المراهقه شايلين ميكب من النوع الرخيص و بقولو لما نعملو الرجال حا يدونا القروش و بحكو وبضحكو وكل كم يوم واحده بتحمل من الاغنياء و اصحاب النفوس الضعيفه و شباب الداخليات و مافي واحده عارفه ابو ولدها و كل فتره بزيد فرد جديد من بينا و كنت بشاهد وقت الطلق اي وقت الولاده و البنات يطلعو الطفل واحدين يطلعوهم ميتين وواحدين حيين و البطلعو حيين امهاتم ما برموهم بالعكس بتفرح لانها لقت حاجه تتسول بيها و تجني منها اكتر والفرق اننا عايشين ف الشارع و بنحضن اولادنا و امهاتنا عايشين في بيوتم و برمونا تحتفل بينا الكلاب و القطط وكل يوم بي نفس الموال .

لحدي ما وصلت سن ال ١٢سنه وبدت ملامحي تتغير وجسمي يتغير .....

*•••••••••••••••••••••••••••••••••••••••••••••••••••••••••••*

*☆يتبــــــــــــــــــــــــــــــــــــــــــــع☆☆*

* _شرعيه 《03》*💔

**

*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00💔*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

كل يوم مأسي جديده و كل يوم بتردد علي المسجد مرات بلقى ناس الخير و مرات بجي خايبه الرجاء لحدي ما كبرت ووصلت سن ال ١٢ اتغيرت ملامحي و اتغير جسدي و يااا ريت ما كبرت وانا صغيره كنت عايزه اكبر عشان المأسي دي تخف عني بس كبرت و المأسي كبرت معاي بقيت في مضايقات و عروض تافهه من الرجال و بعد دا استلموني مع ناس الدفار كل يوم بقيت امشي معاهم هناك لقيت التسول ليه انواع عمر ال ١٠ولي تحت ديل ناس الاستوبات بشيلو قطع و بنضفو العربات بطريقه ظريفه بدوهم الفيهو النصيب و المعاقين ديل مستقلنهم الاستقلال الاكبر عشان اكتر فئه بتحنن قلوب الناس و بجيبو قروش كتيره اما البنات الجايبات اولاد ديل كمان باعتبارهم سلعه ثمينه و البنات الزيي بعد دا ممكن يتبعو طرق تانيه وغصبآ عنك و انا بعد دا لازم امشي بي طرق معينه واسلوب معين عشان اجزب انتباه الرجال و مقابل لمسه او حركه باخد قروش بس انا ما حبيت الفكره و جيت قلت للراجل البجمع مننا القروش و ديني اي قسم تاني قام صرخ فيني قال لي دا مكانك و بحزرك ترفضي لي اي زول عشان كدا بتنفري الرجال من باقي اخواتك المعاك وللا لي اسلوب تاني معاك خفت منو واليوم التاني قعدت عشان اتسول و ما مشيت بي كلامو و طبعا في عمري دا معظم الناس بتقول دي بي صحتها و بي عافيتها تمشي تشتغل في اي بيت ما تعودوهم كدا و ناس بتديني ما كنت بجمع قروش زي زمان و اخر اليوم الراجل زعل مني وقال لي انتي ما عايزه تمشي معاي كويس صاح و ضربني ضرب بلا رحمه في اي مكان السوط يقع ولا مبالي اتضربت لما جسمي كلو بقى جروح و قال لي معناها نعمل ليك اعاقه عشان تقدري تجيبي قروش ما علي كيفك وانا خفت شديد وقررت اهرب منو مع انو في مراقبه مشدده لينا في السوق بس انا قررت اهرب قعدت بفكر اهرب كيف ؟؟ جات ماره بي جمبي مره منقبه كوركت ليها يا ماما يا ماما يا خاتو جريت مسكتها من عبايتها اتلفتت علي قمت خطفت النقاب من وشها وجريت من الخلعه ما جرت وراي جريت دخلت المسجد لميتو في مكتبه بختو فيها المصاحف والكتب الدينيه لميتو وراها و جيت عادي قلت امارس المهنه لحدي ما الاقي فرصه اسرق عبايه او اجيبها بي اي طريقه وفعلآ مشيت اتمايع للرجال الفي الكافتريات و اتعامل بي نفس الاسلوب العلموني ليه استمريت كم يوم بي نفس الصوره ما لقيت فرصه اسرق عبايه مشيت المسجد والناس ف الصلاه قلت ليهم انا مسلمه وبقيت كبيره وعايزه التزم بالحجاب فاعل خير يشتري لي عبايه و ياااا سلام علي نعمة الاسلام قريب لي ١٠رجال قالو يشترو لي قلت لو شلت منهم القروش و اشتريت براي حا يضربوني و حا يقولو ضيعت القروش قلت لي اول واحد يلاكا اشتري لي انت انا ما بعرف قال لي تمام والباقي ادوني قروش في يدي مشيت واشتريت العبايه بس ما لبستها و رجعت لميتها مع النقاب ف المسجد ولاني كلهم عارفين اني بتردد علي المسجد كتير مافي زول شك فيني و رجعت معاهم البيت الكبير واديت الرجل القروش قال لي ايوه امشي معانا عديل عشان اكون حنين عليك ابتسمت ليه و مشيت بكره جمعت القروش و قبل ميعاد الراجل العصر ما يجي جريت المسجد لبست العبايه والنقاب ف حمامات المسجد وجريت قعدت في قسم النساء جو نسوان يصلو اول ما بقو في نص الصلاة طلعت لبست لي جزمه جديده من حقات النسوان بره و انا طالعه لقيت الراجل البجمع مننا القروش في وشي لما اعصابي باظت و جاء ماشي علي و فااااات بي عندي ما عرفني الحمد لله و مشيت ركبه المواصلا ت البتودي ل دار الرعايه سمعت عنها كتير واسأل لحدي ما وصلت قابلت المديره رحبت بي بس قالت لي انتي في عمر كبير و نحن ما بنضمن احتمال هاربه من اهلك و في احتمالات كتيره لازم تكون في اجراءت ولو انتي صادقه حبابك الف بينا وبين بناتي واولادي الهنا اتطريت احكي كل التفاصيل للمسؤله قلت ليها لو الخبر وصل هناك ف السوق انا عادي بقتلوني و ما تجيبي سيره لي اي زول اتعاطفت معاي و قالت لي مصدقاك يا بنتي بس هنا في قوانين لازم تطبق عشان ما تحصل مشاكل قلت ليها تمام دخلتني في غرفه فيها بنات كتير و في عمري قعدت مع البنات و شكلهم كلهم زي حالتي بس حظهم سمح ومن صغار مستقرين هنا واحدين رحبو بي و واحدين بعاينو لي من فوق لي تحت و انا كأني ف عالم جديد بقيت بسأل ف البنات واني ح اكون نزيله جديده بس يعملو الاجراءت و بسأل عن الاجراءت شنو قالو لي الناس الكبار ما زي الرضع انتي ببلغو الشرطه عشان احتمال تكوني سارقه او قاتله او حامل او هاربه وعايزه تضاري هن لو لقوك صادقه ح تعيشي هنا خفت قلت لو جرجروني و ناس السوق عرفو ح يقتلوني وللا يعملو لي اعاقه زي الناس الهربو قبليني وعاقبوهم من الارهاق اخدت غفوه حلمت اني يضبحوني ومره يضربو فيني و قمت مهلوعه و خايفه مشيت ل المسؤله قلت ليها ماشه وجايه تاني نسيت حاجه و طلعت من الدار خوف من يجو يلقوني هنا ما كنت فاهمه انو القوانين دي سريه واسئله بسيطه افتكرت ح يتكلمو عني كل الناس زي الاخبار الفي السوق خفت من الموت مع اني كل يوم بتمناهو بس فطرة الانسان بِكره الموت ومشيت في الشوارع وانا تايهه ببكي بي حرقه ليه يا امي تعملي فيني كدا زنبي شنو انا حرام عليك يا امي و نمت في رصيف و الصباح مشيت حي راقي ومعروف دقيت كم باب عايزه شغل و كلهم رفضو لحدي الضهر تعبت و قعدت جمب فله ارتاح شويه قلبي قال لي ارجعي السوق و اتقبلي اي شي لكن اول اكل رنيت الجرس فتح لي الباب راجل قلت لي انا جيعانه عايزه اكل قال لي اتفضلي خشي ي بنتي قعدني ف كراسي بره وجاب لي اكل وبقى يسأل فيني ما اديتو اي تفاصيل غير اني بفتش لي شغل قال لي بتعرفي تشتغلي شنو قلت لي شغل البيت كلو قال خلاص اعتبري نفسك اشتغلتي انتظري ست البيت مشت مناسبه شويه وتجي .....

*•••••••••••••••••••••••••••••••••••••••••••••••••••*

*☆يتبــــــــــــــــــــــــــــــــــــــــــــع☆☆*

* _شرعيه 《04》*💔

**

*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00💔*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

بعد اكلت بقيت منتظره ست البيت وكل مره الراجل بسألني من حاجات سطحيه برد ليهو و حاولت احنن قلبو علي بقيت اقول ليهو ي عمو انا كنت بتسول بي البيوت عايزه اعيش بي تعبي قال لي اهلك وين قلت لي انا يتيمه وما عندي اهل و ما وريتو الحقيقه علشان كنت فاكره انو حا يخاف زيي و ست البيت وصلت جات شافتني من بعيد قاعده بره مع الراجل جات مستغربه سلمت دي منو ؟ قال ليها مش انتي قلتي عايزه بنت تساعدك ؟ قالت ليهو ايوه قال ليها اها جبتها ليك قالت لي متين جبتها و ما وريتني انك ماشي تجيبها قال ليها جاتنا هي تفتش لي شغل قالت لي تعال دقيقه مشت بيهو شويه كدا واتكلمو كتييييير ما سمعت شي غير من مكتب التخديم و مرات تقول لي مسؤليه و سرقه اقنعها و جات قالت لي اسمعي ي بنت تشتغلي معانا كم يوم اجربك اي شي مفقود ولا جبتي اي جريمه معاك ببلغ عنك سامعه ؟ قلت ليها سامعه فرحت جداً واشتغلت معاهم و بمسك اولادها الاصغر مني وصاحبت الاكبر مني حبيتهم جداً حتي هم اتعلقو بي لحدي ما يوم جيت بالصدفه لقيت معاها جارتها البنت السمحه دي جايباها تشتغل ليك لي شنو البنات خلاص خلصو انتي مجنونه وللا شنو اطردي العفن برا ما تشيل راجلك بنت زي دي لو انا مجنونه بشغلا معاي وهي تقول ليها مسكينه ويتيمه و ما شفت منها شي خلاص وريتك انا الحقي نفسك اخخخخخ انا اتحطمت عديل معقوله يا ربي يطردوني طلعت بره بقيت ببكي بعد ما دموعي جفو جاتي ست البيت بره لقتني ببكي قالت لي مالك قلت ليها انتي حا تطرديني انا امشي وين تاني قالت لا ما ح اطردك دي مره مجنونه ساكت خلاص اسكتي اول مره احس بيها حنينه دايمآ كلامها قوي واستقريت عندهم شهر لحدي ما جاء اليوم المشؤم وانا نايمه حسيت بي شي بتحسس فيني افتكرتو حلم بس التحسس زاد صحيت مهلوعه لقيت الراجل عمو سيد البيت قاعد جمبي و قفل لي خشمي اسكتي اسكتي وانا مهلوعه يا ربي كابوس ولا دا شنو قال لي اوعى تطلعي صوت بقيت بعاين ليه بي استغراب قال لي انا من اول يوم اعجبت بيك عشان كدا شغلتك و انا حبيتك و حا اتزوجك و البيت دا كولو حا يكون حقك وانا بقول ليهو عمو عمو قال لي م تقولي لي عمو تاني قول لي بي اسمي قلت لي يا عمو امشي من هنا انا حا اكلم مرتك قال لي ما حا تصدقك ولو حاولتي بس تكلميها حا اطردك من صالحك تسمعي كلامي و بقى بحاول يقرب مني وانا بحاول ابعدو مني بس ما قادره خلصت منو نفسي بي القوه بقيت بترجاهو عليك الله سيبني يا عمو ولا حا اصرخ والي يحصل يحصل خاف طلع قال لي مصيرك لي و نظر لي نظرة التافهين ديك انا لقيت روحي برجف بي صوره ما طبيعيه جريت قفلت الغرفه ما قدرت انوم قمت الصباح السهر ظاهر علي ما قدرت اطلع خفت جدآ لحدي ما ست البيت دقت الباب يلا قومي اطلعي خلاص لبسي الاولاد للمدرسه الترحيل بعد د طلعت وانا ما مركزه في اي شي لبستهم و عمو قدر ما ارفع عيني بلقاهو بعاين لي لو كلمت ماما حا تطردني و ح تقول جارتها كلامها صاح قلت لي نفسي ارضى بي حركاتو واقعد ما بلقى بيت يأويني تاني اقول لالالا كدا حرام لو قبلت بي كدا احمل و اتعزب زي البنات الفي السوق و الولد حا يتعزب زي يا ربي اعمل شنو انا بقيت ما قادره مره ابكي ومره اسكت وانا قاعده عمو جاني قال لي نتزوج في السر رايك شنو و تكوني مرتي قلت ليهو انت ليه كدا انا عملت ليك شنو وماما عملت ليك شنو قال لي ماما مهملاني و يومها كلو طلعات و شغل وانا عايز مره تهتم بي زيك كدا قلت لي يا عمو انا ما قادره اهتم بي نفسي اهتم بيك كيف قال لي ما عليك بكره ماما عندها مأموريه اسبوع ما ح تجي ف الفتره دي نكون اتزوجنا قال لي بشتري ليك عربيه و حا اشتري ليك بيت رايك شنو بالرغم من العروض القدمها لي بس انا قلبي مقبوض وما مرتاحه وبالرغم من الحوجه و الحرمان الانا عايشاهو ما حبيت الفكره كيف اعرس راجل كبير شارف علي ال٥٠ وعندو اولاد اكبر مني بدرسو بره البلد و عندو القدري والاصغر مني وانا في ال١٢ كرهت نفسي وكرهت الحياة وكرهت حتي صوتو وانا ما عندي ضهر و فعلا ماما ست البيت وصتني علي اولادها وانها اسبوع وتجي ما عايزه اي كركبه ف البيت و معاي الطباخه كانت بتجي يوم بعد يوم بس جابتها تقعد معانا الاسبوع د عشان تساعدني كانت مره كبيره لكن طيبه و فاهمه قلت اكلمها بس تشوف لي حل جيت قلت ليها ي امي انا ما عندي زول احكي ليهو اعتبريني بنتك و عايزه اوريك كل شي بس يكون سر بينا قالت لي عليك امان الله ورسوله يا بنتي وحكيت ليها كل شي بي عمو سيد البيت قالت لي انتي بنت اصيله انا بوريك حل اول ما يجي اتغطي بالبطانيه و ابكي و قولي عندي مغص شديد وانا بكون معاك و بجيب ليك دواء و فعلا نفزت الخطه ل اسبوع ما قمت من السرير حتي الحمام توديني ليه خالتو الطباخه وكلو تمثيل جاء قال لي هسه د وقتو المرض دا وانا عامله روحي ببكي وتعبانه قال لي يلاكي الدكتور قلت ليهو مشيت ودا العلاج و ابكي بي صوت عاااالي عشان خالتو تسمعني منبه يعني وتجي وفعلآ خالتو تعيش معاي الدور وهو المعفن مصدقنا دلعوني دلع حتى اولادو يجيبو لي الشوكلاتات و يقعدو معاي و نهاي ما سابوني عشان اصحابي شديد بقو عمك كل م يجي يلقى اولادو معاي لحدي ما الايام خلصو وماما جات حتي قمت و وروها اني كنت مريضه جابت لي هدايا ولبس كتير و حاجات بنات فرحت شديد وحسيت بيها امي فعلآ وقالت لي اقعدي الايام دي عشان ما تتعبي وتمرضي تاني و عملت كان الشيطان بقول لي عرسيهو واطلعي من العدم وعالم الذل دا واستمر في حركاتو وكل مره حركه شكل لحدي ما يوم هددني انو ح يتبلا علي و يدخلني السجن خفت جاب ورقتين وكتب فيهم زوجتك نفسي. وكلام كتير بصمني علي ورقه وقال لي من الليله انتي مرتي يومين كدا وحا اوديك بيت ك خفت شديد قررت اوري ماما و فعلآ مشيت حكيت ليها كل حاجه وحصلت مشكله كبيره ويا ريت ما وريتها كلو اتقلب علي و طلعت انا الغلط وقال انا بعمل ليهو حركات وهدتو اني ح اتبلا عليه عشان كدا غشاني و كتب لي ورق قال عشان هي راودتني عن نفسي وانا رفضتها عشان كدا عايزه تفتن....

*•••••••••••••••••••••••••••••••••••••••••••••••••*

*☆يتبــــــــــــــــــــــــــــــــــــــــــــع☆☆*

* _شرعيه 《05》*💔

**

*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00💔*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

عمو سيد البيت نكر كل شي و كل المشكله بقيت انا المجرمه فيها اتزليت و اتهنت واتشتمت واطردت زي الكلبه بره البيت ندمت اني كنت صادقه مشيت لي حي تاني وكمان تعبت وانا بفتش لي شغل مشيت جمب سوبر ماركت قعدته بره في الارض جات مره شايله سبحه و ظاهر عليها الوقار ف وشها قلت ليها سلام ي امي قالت لي مرحب حكيت ليها ظرفي اني عايزه شغل واني يتيمه والمره الربتني اتوفت قالت لي عندي شغاله ثابته معاي بس هسه سافرت تشتغلي لحدي ما تجي بعدين تمشي وللا افتش ليك بيت ما سألتني و ما خافت مني زي الناس البقولو ما عايزين شغل مشيت معاها البيت عايش معاها ولدها بقرا ف الجامعه و بنتها في عمري والباقين متزوجين وساكنين ف نفس العماره من اول يوم وانا تعبانه و مقهوره اشتغلت نضافه ما اتكلمت مع زول كل كلامي حاضر نعم كويس لما العشاء اذن قالت لي يلا امشي وتعالي لينا بكره بدري قلت ليها امشي وين ما عندي مكان امشي ليهو قالت لي زي م شايفه البيت صغير قلت ليها كفايه علي المطبخ قعدت معاهم بس خايفه حاسه بي عدم الامان ثقتي اتكسرت نومي مقطع و كوابيس كل ما اصحى بلقى المره بتصلي و بتقراء قران قمت مشيت ليها علميني الصلاة علمتني كنت حافظه السور الصغيره من زمان في مسجد السوق ورتني عدد ركعات كل صلاة اتوضيت وجيت صليت وانا بين ايدين ربنا ببكي وبي حرقه دا السبب الخلا خالتو تشك في حاجه بعد خلصت قالت لي انتي ما متعلمه قلت ليها لا قالت لي عايشه ف ياتو كوكب صلاه م بتعرفي تصلي قلت ليها عشان عشته وحيده وامي وابوي اتوفو ف حادث وانا صغيره ف البلد دي والمره الربتني قالت اخدتني من دار رعايه كذبته عليها لأني لو قلت ليها اني بنت شوارع حا تخاف علي بنتها ولو عرفت اني غير شرعيه اكيد حا تطردني بلا منازع قلت احسن اشتغل واتكفل بي نفسي قالت لي ربنا يسهل ليك حسيتها حاجات صدقتها وحاجات لا لأنها بدون سبب قالت لي ولدي الساكن فوق دا ضابط قلت ليها كويس صحيت الصباح بدري خشيت المطبخ عملت شاي جات خالتو قالت لي اعملي قهوه لي معتز عشان طالع الجامعه ما بشرب شاي عملت القهوه قالت لي ختيها ليهو ف الصاله و ناديهو مشيت خجلانه قلت ليهو القهوه و طلعت معتز ولد وجيه عجبني شكلو جدآ بس طبعاً ما ممكن اقول فارس احلامي لأني غير شرعيه و ما عندي حق احلم يكفيني احلم بي لقمه نضيفه تسد جوعي شرب القهوه قال لي يا بنت تسلمي قهوتك احلا من بتاعة حبيبه و حبيبه دي الشغاله بتاعتم م رديت خالتو قالت لي قول ليهو شكراً قلت ليها يا خالتو ولدك بقراء ف الجامعه ؟ قالت لي اتخرج وهسه بحضر الماستر قلت ليها يعني شنو قالت لي دراسه اعلا من الجامعه قلت ليها هسه انا ممكن اتعلم قالت لي ايوه انتي عندك كم قلت ليها ١٢او ١٣كدا بقت تضحك قالت لي ايوه ممكن تدرسي ابتسمت خلصت كل العلي و قعدت ف المطبخ تحت ف الارض جات بنتها شيماء قالت لي م تقعدي ف الارض تعالي نحكي سوا دخلتني معاها غرفتها بقت تحكي لي بالمدرسه و انها عندها حبيب و سألتني حبيبك منو ضحكت قلت ليها انا ما عندي قالت لي ليه انا لو حلوه زيك كدا كان كسرت اولاد المدرسه كلهم قلت ليها انا حلوه ؟ قالت لي حلوه شديييد تعالي نكون اصحاب انا حبيتك اكتر من حبيبه تحكي وتحكي بس انا ما عندي شي احكيهو لأنو نحن مختلفين احكي ليها شنو ؟ اذا انا كلامها نصو ما فاهماهو ولا عشتو قعدت معاهم ١٠ايام كانت اجمل ايام عمري كانو كلهم بعاملوني بي احترام و حبيبه جات لي شغلها خالتو قالت لي مرت ولدي قالت عايزه شغاله اشتغلي معاها وبالمساء تعالي نومي معانا فرحت شديد اني ما حا افارق صحبتي شيماء لاني اتعودته عليها ومعتز ال ما بقدر اعاين في وشو وبشغلا لي وخالتو البتعلم فيني ف الحروف و امور الدين اسره حلوه ومحترمه وكلهم صادقين وفعلآ مشيت لي مرت ولدم مره لئيمه وكعبه وبتعاملني كأني ما بشر و كل شي اعملو تنتقدني وانو دا ما نضيف ودا ما كدا زهجت منها ومن كوراكها كل يوم بس لازم اتحمل اي شي كانت لا تطاق بس انا ما كنت بنطق ولا كلمه بخليها تزل و تهين ما انا اصلاً اتعودت علي كدا وكلو كوم ولو اتفقدت حاجه انا الحراميه و في النهايه تلقاها وتتزكر انها لمتها براها وكل يوم علي الموال دا لا شكيت لا قلت شي وكانت مسمياني (صمُ بكمُ ) بنزل منها بعد العصر بطلع مع صحبتي شيماء و كل كم يوم معتز بجيب لينا ايسكريم حبيت معتز شديد بس اكيد ما حا اتكلم بسمعو بتكلم بالتلفون مع البنات بحس بي الغيره بس انا الخدامه ال غير شرعيه و دا معتز سيد البيت يا رب ارتاح متين عديت مع مرت اخوهم ٤شهور وحبيبه الشغاله عرست ورجعت لي بيت خالتو استمرين معاهم ٣سنه وانا ما اظهرت يوم اني بحبو و انا نايمه صحيت علي صوت زغاريت قمت قلت في شنو قالو معتز ح يخطب الخبر بالنسبه لي صاعقه اتوترت ومعتز لاحظ لي توتري قلت لي مبروك ربنا يتم ليك ع خير امو قالت ليهو اها العروس بنت خالتك وللا زميلتك في الشغل الصدمه كانت العروس بسمه اضاني ما عايزه تصدق بقيت اقول بسمه منو ؟ وامو بسمه منو؟ واختو ياتو بسمه ؟ ولي اخر لحظه افتكرتو اسم علي مسمى قال بسمه الواقفه قدامكم دي خالتو ضربتو كف لما المكان صنّ انت مجنون وللا شنو ؟ انا بقيت ما قادره اقيف قعدت ف الكنبه و اختو صحبتي يا معتز انت ما واعي قول كلام زي الناس مجنون انت لا اله الا الله محمد رسول الله الخدامه يا معتز طوااالي امو اغمى عليها و اختو تصرخ يامي يا امي وتكورك عايز تموت امي يا معتز وانا من كنبتي ما اتحركت و ما مصدقه الحصل وكأني في حلم و الحجه صحوها بي عطر معتز جا طالع قال لي امي صحت وانا قلت لي دا شنو انا ما فاهمه شي قال لي انا من اول يوم جيتي و شفتك عجبتيني و قعدتي معانا ف البيت شفت انك مهذبه و بنت ما فيك كلام و حسيت بيك انك بتحبيني وانا والله حبيتك بس عشان كنت عايز احافظ عليك ما وريتك قلت بعد اجهز نفسي وانا ما حا اتنازل منك يا بسمه قلت ليهو انا الخدامه لكن قال لي يعني ما زول ؟ بعدين الحب ما عندو قيود ودي حياتي وانا اخترت اني اعيشها معاك وانا بعرف اقنع امي ......

*••••••••••••••••••••••••••••••••••••••••••••••••••*

*☆يتبــــــــــــــــــــــــــــــــــــــــــــع☆☆*

* _شرعيه 《06》*💔

**

*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00💔*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

معتز جاء اعترف لي بي حبو وشفت في عيونو الاصرار انو ما ح يسيبني كنت مبسوطه جواي لكن احساس الخوف متملكني اكتر شيماء جات قالت لي امي قالت ليكي تعالي حسيت رجولي ما شايلني مشيت ليها ايوه يا ماما سلامتك قالت لي اقعدي هنا قعدت اسمعي ي بنتي انتي عايشه معانا ليك اكتر من ٣سنه ما شفنا منك حاجه شينه و انتي بنت جميله ما فيك كلام بس انا معتز عايزاهو يعرس بنت الرجال بنت الحسب والنسب معليش يا بنتي اني بقول ليك كدا بس لو حافظه جميلي واني جبتك و أويتك في بيتي و عاملتك زي اولادي ابعدي من معتز كلامها جاء علي قلبي زي السكين قلت ليها وانا دامعه حاضر يا امي عايزه حاجه تاني ؟؟ قالت لي لا و طلعت لاقاني معتز بره قلت ليهو يا معتز ابعد مني انا ما عايزاك عليك الله خليني قال لي مستحيل بي نبره كدا بتاعة حزن طلعت بره البيت مشيت السطوح بكيت شديد وامالي خابت بس لأني غير شرعيه وبقيت بقول لي نفسي انتي بنت شوارع نسيت نفسي مع الناس دي لازم اتزكر اصلي وقشيت دموعي وقعدت كتيييير براي و نزلت تحت خشيت استحميت ونمت الصباح التلفونات اشتغلت و بقيت حاسه نفسي عامله جريمه اخوانو جو و اختو متزوجه جات ونسوان اخوانو والجوطه والكوراك والتجريح سمعت مرت اخوهم وانا ف المطبخ بجهز في قهوه البنت دي ما ساهله معتز اخر الذمن يتزوج لقيطه و شيماء تقول ليها اسكتي اسكتي بتسمعك واختو قالت ليها خليها تسمع ما شافت نفسها ف المرايه تشبه الاجانب تكون امها لاقطاها من اجنبي و لا مصيبه اخخخخخ انا واااا عزابي انا تعبت من كل شي حتي من الحياة قررت امشي عايزه اهرب من حقيقتي ما عايزه زول يزكرني بي اني غير شرعيه ما قادره و ما اتكلمت جبت القهوه وهم بتكلمو وانا جايه اسكتو اسكتو جات شويه ومعتز جاء خير ي جماعه لمه ف الحرم اخوانو بقو يتكلمو معاهو وصوت دا يدخل مع دا واصوات عاليه ومناقشات واختلاط اصوات رجال مع النسوان جاتني مرت ولدم الكريهه انتي عايزه تفرقي الاخوان صاح ؟؟ م اتكلمت معاها دخلت عندي قروش و قطعتين دهب اشتريتم من الوفر و طلعت افتكرو اني زعلانه وبطلع ك العاده لما ازعل مشيت ركبت مواصلات م عارفه زاتو المواصلات ح تمشي وين بكيت علي حبي الاول و علي صحبتي شيماء و ماما وين تاني الاقيهم نزلت في حي اشتغلت ف بيت يومين واتفقد موبايل قالو انا السرقتوطردوني وتاني اشتغلت في بيت يوم واحد وطلعت براي متعبين تاني مشيت بيت شغلوني اراعي راجل مسن ومشلول فعلا قعدته معاهم كل شغلي افطر جدو دا و اغديهو واشربو ولو محتاج حاجه اجيبها ليهو اشتغلت معاهم سنه وفي خلال السنه دي كل يوم اتزكر حياتي مع ناس معتز كيف؟ واشتقت ليهم شديد ويا ربي معتز عرس ؟ وشيماء بتكون في جامعه و ماما كويسه كنت عايشه جسد في البيت دا بس عقلي كان مع ناس معتز مع انو كنت مرتاحه من كل النواحي بس كنت وحيده و ما سعيده قلبي قال لي اتصلي بي شيماء حافظه رقمها اتصلت بيها شيماء كيفك قالت لي تمام الصوت ما غريب علي انا بسمه وصرخت بسمه يا امي يا امي بسمه اتصلت سمعتها بتقول ليها اديني ليها كيفك يا بنتي كويسه تمام انا وانتي كيف ي ماما صوتها كأنها بتبكي قالت لي اعفي لي عليك الله قلت ليها عافيه ليك وانتي ما قلتي حاجه غلط كلو حقيقه قالت لي تعالي لينا طيب قلت ليها ان شا الله بزوركم وادتني شيماء بقت تتونس معاي و م سألتها من معتز بس هي براها قالت لي معتز خطب يا بسمه بنت خالتو قلت ليها مبروك يا ريتني ما اتصلت ولا سمعت الخبر قلت ليها سلمي عليهم كلهم قالت لي ح تجينا متين ان شاء الله حا اجيكم قريب الاسبوع الجاي يوم الجمعه حددت اليوم دا عشان معتز بكون قاعد قالت لي خلاص تمام وفرحت شديد بس انا قفلت وانا حزينه تعبت شديد الحزن دا حا يمشي مني متين ؟؟ متين اعيش زي باقي الناس و مرت الايام والجمعه جات لبست طقم جابتو لي بنت جدو كان طقم راقي ولايق علي و عملت شعري يشوفو اللقيطه ممكن تبقى اجمل من غيرم بالرغم من شوقي ليهم بس اي كلمه جرحتني ما نسيتها جابني السواق حق الناس الشغاله معاهم لحدي البيت دقيت الجرس فتحت الباب بنت شكلها الجات بدالي دخلت لقيتم كلهم قاعدين لانو اصلا يوم الجمعه بجتمعو في بيت امهم جيت خاشه كلهم ما عرفوني إلا بعد قربت منهم سلمت عليهم كلهم بي ابتسامه وكأنهم م أساءو لي يوم وشيماء وماما حسيتم فرحانين و معتز ما مصدق من نظرة عيونو ضيفوني وبقو يتونسو معاي و يسألو فيني وانا اجاوب كنت متحسسه وخفت اعمل مشاكل تاني قلت ياماما انا اشتقت ليكم عشان كدا جيت و ما عايزه حاجه تاني قامت قالت لي حبابك ف اي وقت انتي بنتي خشيت مع شيماء جوه بقت تحكي لي انو معتز ما زي زمان وخطيبتو بتعمل مشاكل كل كل مره من لا شي ودايماً ف نقاشات مع معتز و م بتحترم زول حتي امي لما امي شكت ليه قال ليها دي الكنتي عايزاني اتزوجه خلاص اتحملي اختيارك قلت ليها يا شيماء معتز ما بهمني اعرف تفاصيلو ما تحكي لي بيهو وانا اصلا م كنت عايزاهو بس انتو اتسرعتو بقت تبكي وانا اسفه اسئت ليك ما قصدي والله بس كنت معصبه وووو قلت ليها دا ماضي وانتهى و للأسف كنت بكزب علي نفسي قبل ما اكزب عليها طول ما انا قاعده ما سمعت صوت معتز و المغرب جاء نزلت عشان ارجع مسكو فيني بس قلت ليهم جدو مسؤلتي معتز قال لي اوصلك نزل معاي عشان يوصلني اتحركنا من البيت حبه و وقف العربيه قلت لي مالك ضربني كف لما اتهلعت وبقى يقول لي زنبي شنو اني حبيتك انتي جبانه مشيتي بدون ما تكلمي زول انا وقفت مع اهلي واتشاكلت معاهم عشانك و كان ح اعرسك لو كلف الموضوع اني اخسرم وانتي عملتي شنو ؟ انتي دمرتيني ليه رجعتي تاني ؟ بقيت ببكي قلت لي اتحرك وصلني ما عايزه اتكلم بقى ساكت طول الطريق وانا ساكته وصلني لحدي البيت وشال تلفوني من من يدي رن علي تلفونو وقال لي اقدري ما تردي لي عشان اجيك هنا اداني التلفون و مشيت احساس جميل انو لسه انا في بالو وقررت ما اظلم نفسي و حا ادي معت فرصه و الي يحصل يحصل من حقي اعيش زي الناس واحتمال ربنا عايز يعوضني عن الالم العشتو لانو ربنا عادل .......

*••••••••••••••••••••••••••••••••••••••••••••••••••*

*☆يتبــــــــــــــــــــــــــــــــــــــــــــع☆☆*

* _شرعيه 《07》*💔

*#☆الاخــــــــــــــــــــــــــــــــيرة☆*

**

*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00💔*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

معتز وصلني البيت و اخد تلفوني وانا قررت اعيش قصه مع معتز في النهايه حتى لو ما عرستو واتكسرت يعني شنو ؟؟؟ ما انا كل يوم بتكسر وقفت علي دي يعني؟ !!! وفعلاً بعد ١١اتصل لي انتي كويسه ؟ تمام انا وانت ؟ ما تمام يا بسمه حياتي وقفت من يوم مشيتي ليه يا معتز مش انت خطبت ؟؟ ابداً ما خطبت خطبو لي يفرق يا بسمه

خلاص ف النهايه كولو واحد قال لي انتي فاكره اني حا اسيبك بعد ما لقيتك تاني قلت ليه ح تعمل شنو نصيبنا كدا قال لي بس دا الكنت عايز اسمعو نصيبنا انتي نطقتيها معناها انتي بتحبيني ايوه بحبك من اول يوم جيت بيتكم كل خطوه وكل كلمه قلتها انا ف بالي بس انا كنت عارفه لو قلت ح يحصل مشاكل وفعلا لما انت اتكلمت شفت الحصل قال لي اقيفي معاي بس وشوفي انا ح اعمل شنو انا لو كنت واثق انك بتحبيني ما كنت وافقت بي الخطوبه دي وبقينا نتكلم كتييييير ونحكي ف تفاصيل نحن عشناها سوا وكل يوم تلفونات و كل تفاصيلو بحكيها لي حسيت معاهو بالامان بس انا اكبر حقيقه في حياتي ما عارفها اترددت اني احكي ليهو خفت انو يسيبني عدينا علي الحال دا 9شهور عديناها اجمل ايام و في الفتره دي علاقتو مع خطيبتو اتوترت اكتر و وختو نقطة النهايه لي علاقتم و اتفصلو و معتز قرر يتزوجني بس كان لازم يعرف الحقيقه حتى لو سابني ما يستاهل اكزب عليهو و فعلاً حكيت ليه كل ماضيي من وانا طفلة ف السوق واني ٩٥% ممكن اكون غير شرعيه قال لي انا دا كلو كنت متأكد منو بس ليه ما وضحتي لي شرحت ليه اني كنت خايفه من نظرتكم لي واني افقدك و اني اتطرد قال لي انا بعوضك عن كل شي و مشى فتح موضوع زواجنا تاني لي امو و انو ما حا يعرس طول حياتو غيري و بعد اقناع صعب وافقت بس اخوانو ما كانو موافقين إلا واحد بس و شيماء و جوني في بيت الناس الشغاله معاهم ورحبو بيهم و ضيفوهم و بنات واولاد جدو كانو بحبوني وباعملوني حلو ولما وريتهم اني حا اتزوج قالو انتي عروستنا و حا نتم ليك مراسم خطوبتك هنا كنت مبسوطه وبكيت من الفرح و كل مره اتزكر انو ربنا هداني للأسلام لي حكمه عشان المسلمين اخوه و الرحمه في قلوبم و خطبوني منهم ولبسنا دبل و قالو ليهم تجو تاخدوها قبل العرس بي اسبوع عايزين نعمل معاها الواجب دي بنتنا وراعت ابونا بي ضمير كأنو ابوها و اخيرآ ربنا عوضني بي سند و حب وراجل وعيله الحمد لله يا رب وظهرت المشكله الاكبر ما بقدر اعقد بدون هويه وانا ما عارفه امي ولا ابوي ولا اهلي عشان اكتب اسمي انا حتى اسمي ما حقي ولا اضبحت ليه عقيقه بس اخو معتز ضابط و قام بي الازم و اتسجل اسمي بي اسم جدو الكنت براعيهو جدو جدو سمح بي اني انتمي ليهو واولادو سمحو بي اني اكون اختهم و الفرحه التانيه اني بقيت عندي هويه و يوم الفرح جاء وطلعت اجمل عروسه ووصلنا الصاله وانا بين الحضور نجمه و وشي كاسيهو الفرح بس كل الناس اهل معتز وكلهم بباركو ليهو وانا في اللحظه دي فقدت اعز الناس كنت بتمنى يوم فرحي امي تحضني وابوي يبوس راسي واخواني يكونو حولي واعمامي يعرضو لي زي منيه كل بنت و الناس كلهم بتتهامس علي مره اسمع قالو ليكي بنت حرام عاد بالغ و تانيه تقول هسه خلا بنت خالتو عشان يعرس خدامتهم محن يا يمه و تانيه تقول دا شكلو عملت ليهو عمل ما خلتو ساكت مافي زول واعي بعمل كدا تانيه تقول هسه حضرنا فلم علي ارض الواقع واشكال وانواع من التجريح واصعب انواع التجريح لما يجوك يقولو ليك اهلك وينم ما قدرت اتحمل بقيت ببكي بس اهل جدو كلهم بقو حوليني وبعبرو لي انهم اهلي و الحمدلله تم الفرح وسكنت في شقه ف نفس العماره الساكنين فيها ناس معتز و بقينا اسره حلوه و كلهم حبوني و اعتزرت لي باقي اخوانو الكانو ما موافقين وعشنا اجمل قصه حب انا ومعتز وكان ثمرتها ولد سميناهو طارق بس عايزه اكتب رساله لي كل ام بسمه في شوارع بلدنا

* امي*

*(الكلبه بتحتضن ابنها حتي يتعلم المشي و يقدر يعيش بدونها واذا اقترب احد من صغيرها مصيرهو العض انها كلبه غير عاقله كيف لكي يامي وان ربي ميزك بالعقل ان ترميني في الشوارع الم يرق قلبك لي ؟ ؟* *الم تحني علي وانا اصرخ من الجوع ؟؟ كيف تحملتي ان تريني وانا اكتم انفاسي في كرتونه او شوال وبين القمامات ؟ اطفال غيري يحتفلون بهم بالزغاريت و* *يأزنون لهم عن خروجهم للحياة ليسمعو كلمة وانا كأ سيدنا ابراهيم ابحث عن ربي من اين وجودي وكيف اكبر الفرق ان سيدنا ابراهيم نبي الله و في عصر الجاهليه وانا في عصر العلم و الدين ابحث عن ديني وكياني انا ي امي يحتفلون بي الكلاب والقطط و الثعابين و العقارب.*

*اطفال غيري يتلقون القبلات وانا يقبلني النمل وياخد مني وليمته أين ضميرك واين ذهب عقلك عندما ضاجعتي ابي في لحظة نزوه وانتهت بالنسبه لكما ولكن تلك النزوه التافهه كانت حياة بائسه لطفله حالفها الحظ ولم تأكلها الحيوانات وعاشت تأكلها الناس وتموت كل يوم .*

*امي انجبتني من غلطه وتحملت انا عبئها طول حياتي .*

*ازنبتي في حقي و في حق نفسك زنبي يرافقك الي ان تصبحي نسيآ منسيا تحت التراب ))*

* قصة بسمه ايجابيه عشان الناس تتفأل بس بسمه واحده من الاف الاطفال الممكن يحالفهم الحظ في ٧٥% بموتو من البرد و الحر الشديد وتحت المطر ولدغات العقارب ولسعات الثعابين و المرض والجوع والبموت مقتول و القهر وناس بتموت من كسرة القلب .*

*النهـــــــــــــــــــ🖤ـــــاية*