تحميل رواية «قطر الجواز» PDF

رواية قطر الجواز

الفصل الاول1

بقلم رحاب القاضي

ايهاب بعصبيه _

انتي نسيتي نفسك ولا ايه انتي تحمدي ربنا اني اتجوزتك..

امنيه وهي بتبكي ـ

مقولتلكش تعالي اتجوزني انت اللي جيتلي..

ايهاب بسخريه ـ

مهو من قلة الستات ملقتش غيرك اتجوزها ي مطلقه..

ــــــــــــــــــــــــــــــــــــــــ

ـ نبدأ حكايتنا النهارده بالصلاه والسلام ع اشرف الخلق سيدنا محمد عليه افضل الصلاه والسلام..

نتعرف ع بطلة روايتنا اللي اسمها امنيه وعندها 25 سنه كل هدفها فالحياه تتجوز وبس وخايفه قطر الجواز يفوتها وتبور..

_وفيوم كانت قاعده امنيه فاوضتها ودخلت مامتها وقالت...

الام _

امنيه انتي ي بت عندي ليكي خبر حلو..

امنيه _

خير ي ماما ان شاء الله...

الام بفرحه كبيره _

فتحي ابن خالتك عايز يتجوزك..

ادايقت امنيه وقالت _

اي فتحي هوو انا خلاص راحت عليا عشان يتقدملي واحد زي فتحي اللي اخلاقه بايظه..

الام _

اهو احسن من مفيش ويمكن بعد الجواز حاله يتعدل...

امنيه بهدوء ـ

طيب قولتي لبابا ولا لسه..

الام ـ

لا لسه جوز خالتك هيقابله كمان شويه ع القهوه وهيقوله..

امنيه بقلق _

يارب يوافق بقي وتتم المره دي،اهو الاسم اتجوز وخلاص..

ــــــــــــــــــــــــــــــــــــــــ

_بالليل كان قاعد ابو امنيه ومامتها وبيتكلمو..

الام بحزن ـ

لي بس كده ي سي اشرف ماله فتحي بس؟...

زعق اشرف فيها _

هو انتي اللي بتسألي؟ ابن اختك اخلاقه مش كويسه، اتجننت انا عشان ارميله بنتي يعمل فيها مابداله بسبب القرف اللي بياخده ولاحس دماغه...

الام بضيق _

تلاقيه بياخدهم تفاريح ي سي اشرف، وبعدين هنقعد البنت جنبنا لحد امتي بس، ده البنات اللي فسنها واصغر منها اتجوزو وبقي معاهم عيل وواتنين..

اشرف بهدوء _

اطمني ي سهام الاسطي وحيد اللي كان شغال فالموقف زمان جالي الشغل وطلب مني ايد امنيه لابنه امجد..

لوت سهام بوقها وقالت ـ

امجد بس ده جاهل محصلش حتي ع الابتدائيه..

اشرف بسخريه _

وهي هتعمل اي بعلامه الواد كويس وكسيب...

قامت سهام وقالت _

طيب ي اخويا اللي تشوفه اهي بنتك عندك اسألها..

اشرف _

ي سهام اصبري يجي بس الواد وامه وبعدين هبقي اسألها..

ــــــــــــــــــــــــــــــــــــــــ

_عدت الايام وجه امجد وامه عشان يشوفو امنيه...

اشرف بفرحه كبيره _

نورتونا والله ي امجد انت والحجه..

امجد بهدوء ـ

بنورك ي استاذ اشرف والله..

ام امجد ـ

منور باهله ي استاذ اشرف، اومال فين عروستنا؟..

ام امنيه _

هروح اندهلها تسلم عليكم ي ام امجد..

_دخلت ام امنيه وجابت امنيه وجات، سلمت عليهم وهي مكسوفه..

حضنتها ام امجد وقالت _

بسم الله مشاء الله زي القمر ي حبيبتي...

امنيه بهدوء ـ

ربنا يخليكي ي طنط...

_قعدت امنيه جنب مامتها واول مشافت امجد قلبها اتقبض رغم ان سنه صغير الا ان شكله يبان كبير حتي يبان اكبر من باباها..

ام امجد بهدوء ـ

اهو امجد قدامك ي امنيه ي بنتي ولو في قبول يبقي ربنا يتمم بخير..

ام امنيه ـ

بسم الله مشاء الله عليه راجل محترم ربنا يفرحك بيه ي حبيبتي..

اتكلم امجد المره دي وقال _

ان شاء الله ي استاذ اشرف لو كان في قبول هبقالك ابنك مش جوز بنتك..

اشرف _

ده العشم برضو ي امجد..

_مشي امجد ومامته بعد شويه وامنيه كانت مدايقه من شكل امجد، هي نفسها برضو تتجوز واحد شكله حلو زي مكل البنات بتتمني..

اشرف _

هااا ي امنيه اي رئيك فأمجد؟..

امنيه بتوتر _

هو كويس وامه باين عليها طيبه بس هو شكله مش اووي،وكمان مش متعلم..

الام بهدوء _

بس اي لو مش عاجبك خلاص نفضها سيره من الاول واحنا لسه ع البر..

اشرف _

براحتكم القرار ليكم، بس انا بقولكم الواد كويس وامه ست طيبه يعني مش هيجيلك احسن منه..

خافت امنيه لترفضه وميجيهاش حد كويس او متتجوزش، فقالتلهم..

امنيه ـ

انا موافقه ي بابا..

الام _

اللي تشوفيه ي حبيبتي، ولو ع شكله معلش ده راجل وميعبوش غير جيبه..

اشرف _

والواد بصراحه كسيب شغال فمطعم فالصبح واخر النهار شغال اوبر ع عربية ابوه..

امنيه _

ع خير ي بابا ان شاء الله...

ــــــــــــــــــــــــــــــــــــــــ

_بعد كام يوم المفروض كان امجد يجي يتفق مع اشرف ع التفاصيل، وجهزت امنيه وكانت فرحانه انها خلاص هتتخطب بس امجد مجاش وجه باباه لوحده..

الام _

مالك بس ي امنيه؟..

امنيه بحزن ـ

يعني هو ده ينفع ي ماما ميجيش يتفق مع بابا ع التفاصيل ويجي ابوه هو مين اللي هيتجوزني..

الام _

وفيها اي بس ي بنتي الراجل بيكبر ابوه، وبعدين مهو جه شافك وعجبتيه..

امنيه _

طيب هما اتفقو ع اي؟..

الام _

اتفقو ع الاسبوع الجاي امجد وامه وابوه واخواته البنات هيجو وهنقرا الفاتحه..

فرحت امنيه وقالت _

بجد ي ماما يعني خلاص انا هتخطب وهلبس دبله..

الام _

ايوه ي حبيبتي، بس مش هنجيب الدهب دلوقتي قبل الفرح..

زعلت امنيه وسالت مامتها _

لي طيب هما يعني خايفين يجبوه دلوقتي..

الام _

الله واعلم ظروف الناس عامله ازاي..

_سكتت امنيه واتنازلت عن حاجات كتير فخطوبتها وكان كل همها انها تتخطب وتتجوز بس، وفعلا اتخطبت لـ امجد..

وفيوم كانت امنيه وامجد خارجين مع بعض...

امجد _

انا مش عارف لازمته اي الفرح منوفر مصاريفه احسن..

ادايقت امنيه وقولتله _

ازاي بس ي امجد دي اول مره افرح فيها ونفسي فرحي يبقي كبير..

امجد بخبث _

طيب مانا عشان اعمل فرح كبير مش هقدر اجيب الدهب اللي اتفقنا عليه..

امنيه بسرعه _

مش مهم الدهب كفايه نجيب دبلتين بس المهم الفرح..

فرح امجد وقالها _

كده تمام ي حبيبتي، انا مبسوط بيكي انك مش بتضغطي عليا وبتكلفيني..

اتبسطت امنيه من كلامه وبعد شويه روحت وقالت لمامتها ع الخبر ده..

الام بعصبيه _

ازاي تقوليلو مش عايزه دهب، هي في عروسه ي بنتي تتجوز من غير دهب..

امنيه _

ي ماما انا المهم عندي الفرح وبعدين عشان منكلفش امجد..

ام امنيه _

وميعملش لي الاتنبن مش قد الجواز مكنش جه وطلبك..

اشرف بهدوء _

خلاص ي ام امنيه بقي بنتك بتقف جنب خطيبها، جدعه ي بنتي بنت اصول بجد..

_وكان فاضل شهر ع الفرح وكان امجد عند امنيه فالبيت..

امنيه بحزن ـ

يعني اي ي امجد هنأجل الفرح؟..

امجد وهو بيمثل الحزن _

لا طبعا انا عندي حل..

امنيه بدموع _

حل اي بس وانت بتقول ان مقدم الشقه ضاع منك هنتجوز فين بس؟...

امجد _

في بيت ابويا ي امنيه...

امنيه _

ازاي يعني هنتجوز في بيت اهلك وهما هيقعدو فين؟..

امجد _

معانا برضو، ابويا وامي هيقعدو فاوضتي وانا هاخد اوضتهم الكبيره وفيها حمام يعني كانها شقه صغيره..

امنيه بحزن _

ازاي بس ي امجد طيب وجهازي هحطه فين الاوضه دي مش هتشيله..

قرب منها ومسك ايدها وقال _

ي حبيبتي مؤقتاً مش هنقعد ع طول عندهم وجهازك نشيله فكراتين فالاوضه اللي ع السطوح لحد مربنا يفرجها عليا واجيب شقه ونبقي نفرشها...

امنيه بقلق ـ

بس اا..

زعق امجد فيها وقال بعصبيه _

يووه ي امنيه انا بحاول الاقي حل عشان نتجوز وانتي بتعقديها لو ي بنت الناس مش عايزه تتجوزي قولي وكل واحد يروح لحاله..

خافت امنيه لخطوبتها تتفسخ ووقتها محدش هيجيلها وهتبور..

فقالتله بسرعه ودموعها نزلت ع وشها _

خلاص ي امجد اللي تشوفه صح اعمله..

ـ وبعد شويه مشي امجد ومامتها كانت متعصبه منها جدا...

امنيه بدموع _

عشان خاطري ي ماما توافقي..

الام _

اوافق ع اي هو انتي بايره ولا فيكي عيب عشان اجوزك فاوضه في بيت عيله...

بكت امنيه وردت عليها ـ

ي ماما لو امجد سابني هبور وهقعد جنبك كل صحابي اتجوزو وخلفو الا انا..

الام بحزن ـ

انتي اللي مكبره نفسك ع الفاضي ي بنتي لسه العمر قدامك سيبيه وهيجيلك باذن الله احسن منه..

امنيه ـ

كان جه الاول قبل ميجيلي امجد انا مش هضيعه من ايدي واقعد مستنيه النصيب تاني ي ماما..

الام ـ

براحتك ي امنيه بس افتكري اني نصحتك..

ــــــــــــــــــــــــــــــــــــــــ

_عدت الايام وقبل الفرح بكام يوم، كلم امجد امنيه وقالها..

امجد وهو بيمثل الحزن _

معلش ي امنيه ي حبيبتي مش هنقدر نعمل الفرح...

خافت امنيه وسالته _

لي بس ي امجد حصل اي؟..

امجد بخبث وكدب _

واحد قريبنا فالشرقيه رااح وغلط نعمل فرح..

امنيه بحزن _

البقاء لله ي حبيبي..

امجد _

وحياتك الباقيه..

امنيه بقلق _

طيب خلاص ناجل الفرح..

زعق امجد فيها _

يووه ي امنيه تاني ناجل الفرح، انتي بتتلككي صح؟..

ادايقت امنيه وردت عليه ـ

انا ي امجد بتلكك، ابدا والله انا بس عايزه افرح ويتعملي فرح..

امجد بضيق _

طيب وانا ااعملك اي حظك كده، وبعدين قرايبنا كلهم بيقوليلي اسيبك عشان وشك وحش علينا وانا مش راضي..

خافت امنيه ليسيبها فعلا، وقالتله بسرعه..

امنيه _

خلااص ي امجد اللي تشوفه اعمله..

امجد _

متزعليش بس انتي وانا ربنا يقدرني واخلي ايامك كلها فرح..

امنيه بحزن _

ربنا يخليك ليا، طيب مدام مش هنعمل الفرح منجيب الدهب..

اتوتر امجد وقالها _

مينفعش ي امنيه ااا الدهب بقي غالي اليومين دول وانا مش عايز نتجوز وابقي مديون بره بحاجه..

امنيه بحزن _

خلاص ي امجد. اللي تشوفه..

ــــــــــــــــــــــــــــــــــــــــ

_عدت الايام واتجوزت امنيه امجد وراحت قعدت معاه في بيت اهله، والنهارده كان تاني يوم جوازهم واهل امنيه راحو يباركولهم..

الام وهي بتحضن امنيه _

مبروك ي حبيبتي ربنا يسعدك يارب..

امنيه _

الله يبارك فيكي ي ماما..

دخلت ام امجد وقالت _

اي ي ام امنيه هتقعدي فالاوضه كده لي تعالو نقعد. كلنا بره..

ام امنيه بهدوء _

من عنيا ي حبيبتي بس اطمن ع امنيه واتكلم معاها شويه ونيجي ع طول..

لوت ام امجد بوقها وقالت _

اللي يريحك يختي..

وبعد مخرجت قربت ام امنيه منها وسألتها _

مالك ي امنيه في حاجه حصلت ولا اي؟..

ادايقت امنيه وقالتلها _

بصراحه ي ماما حصلت حاجه مدايقاني جدا..

ام امنيه بقلق _

في اي اتكلمي..

امنيه بحزن ـ

بالليل حسيت بحركه ورا الباب وكان امجد نام فـ فتحت الباب اشوف مين لقيت بنت اخت امجد واقفه بتتنصت علينا..

ضربت ام امنيه ع صدرها وقالت _

يادي العيبه بقي عيله صغيره تعمل كده وفين امها تربيها..

نزلت دموع امنيه وردت ع مامتها _

مانا لما سالتها بتعمل اي هنا قالتلي جدتي اللي بعتتني..

ام امنيه بعصبيه ـ

اهو ده اللي كنت خايفه منه، بس اقول اختيارك واتحملي..

امنيه _

امجد قالي مزعلش ومسك البنت وزعلها وقالي كله شهر او شهرين وهنروح شقتنا...

ام امنيه _

ادينا قاعدين اما نشوف..

ــــــــــــــــــــــــــــــــــــــــ

_يعد كام يوم نزل امجد شغله، وكانت امنيه قاعده فاوضتها وحماتها نادتلها..

ام امجد بصوت عالي_

انتي ي بت ي امنيه انتي ي طرشه..

طلعت بسرعه ورديت عليها _

نعم ي حماتي؟...

ام امجد _

روحي اعمليلي شاي وهاتي علبة الدخان من عندك..

استغربت امنيه وسألتها _

هو حضرتك ي عمتي بتاخدي دخان؟...

زعقت فيها ام عماد وقالتلها _

وانتي مالك لتكوني هتحسبيني او باخد تمنه من جيبك..

خافت منها امنيه وقالت _

لا ابداً، دقيقه واحده وهجيبلك الشاي..

_عملت امنيه الشاي واديته ليها ولقيت امجد جه وقعدت معاهم تتفرج ع التلفزيون، وبعد شويه دخلت صباح اخت امجد اللي متجوزه وقالت..

صباح _

ي امنيه انا وقاعده ع السطوح لمحت فالاوضه جوه طقم الاطباق ده وبصراحه ي حبيبتي انا جوزي عازم صحابه عندي بكره ومعنديش حاجات حلوه زي اللي انتي جيباها فـ ممكن استلفه منك واجيبهولك تاني..

قبل مترد امنيه، رد امجد وقال ـ

ميغلاش عليكي ي صبوحه خديه وانا ابقي اجيب لامنيه واحد غيره..

صباح بفرحه ـ

ربنا يحليك ليا ي حبيبي ياارب

اتدايقت امنيه ازاي يدي اخته حاجتها حتي من غير ميستأذن منها وهي اصلا لسه مستخدمتش حاجه فجهازها ولا فرحت بيها..

ام امجد بعصبيه _

مالك قلبتي خلقتك علينا لي، قومي شوفيلك حاجه اعمليها متقعديش قدامي ساكته كده..

امجد. بزعيق ـ

مبالراحه ع البنت ي امي هي مش خدامه عندك..

اتغاظت ام امجد وقالت _

يالهوي لحقت تركبك وتدلدل رجليها، حسره عليا لا متهنيه بجواز ولا بعيال..

فالوقت ده دخل ابو امجد وهو متعصب..

وزعق فيهم وقال _

في اي صوتكم جايب اخر الشارع لي؟..

وقفت مراته وقالتله وهي بتمثل انها بتبكي_

ابنك ي خويا بيزعقلي عشان مراته، كل ده عشان قولتلها تقوم تجهزلنا لقمه ناكلها..

امجد بخوف ـ

ي بابا مقصدش و...

نزل باباه بايده ع وشه وزعق فيه _

اخص عليك وع ربايتك، انت يوم مهتعمل راجل ي عيل انت هتعمل ع امك، طيب اي رئيك ان انت ومراتك من النهارده هتشيلو شيلتكم ومحدش فيكم هياخد حاجه من البيت وملكمش غير الاوضه بتاعتكم..

زعقت ام امجد وهي بتبكي وقالت لامنيه _

عجبك كده من اول اسبوع ليكي خربتي البيت..

نزل امجد وباس ايد ابوه وقال وهو بيبكي زي العيل الصغير _

حقك عليا ي حج والله مقصد...

زعق ابو امجد فامنيه وقالها _

وانتي ي بت انتي واقفه عندك لي، روحي اعملي زي محماتك قالتلك غوري يلاا..

_دخلت امنيه المطبخ وبدات تجهزلهم الاكل وهي بتبكي من اللي حصل وشكل جوزها وهو بيبكي مدايقها جدا..

الفصل الثاني من هنا

رواية قطر الجواز

الفصل الثاني2

بقلم رحاب القاضي

_عدي شهرين ع جواز امنيه وامجد وكانت امنيه عايشه معاه فبيت اهله بس كانت قاعده فاوضتها اغلب الوقت مبتخرجش غير لما يرجع امجد من الشغل..

وفي يوم كانت قاعده بتتفرج ع التلفزيون فاوضتها، وجه حماها وخبط ع الباب وهي قامت فتحت...

امنيه ـ

في حاجه ي عمي..

ابو امجد _

بقولك ي امنيه ي بنتي..

امنيه بهدوء _

خير ي عمي اؤمرني..

ابو احمد _

الشنطه بتاعت صباح كانت ع الكنبه بره وكان فيها فلوس والفلوس دي اختفت من الشنطه مشوفتيهاش؟..

ردت عليه امنيه _

لا ي عمي انا طلعت روحت جيبت مايه من شويه و ماخدتش بالي من الشنطه اصلا...

ابو احمد بعصبيه _

اومال هيكون مين خدهم مفيش حد غريب هنا غيرك ممكن يعمل كده...

امنيه بدموع _

والله العظيم انا عمري معمل كده ولا امد ايدي ع حاجات حد، حتي لو مش لاقيه اكل...

وقفت صباح وامها جنب ابوها وقالت بزعيق _

انتي هتستهبلي ي بت انتي محدش غيرك خدهم فطلعيهم احسن..

بكت امنيه اووي وقالت _

والله مخدتهم ولا شوفتهم اصلا..

ام امجد بسخريه _

يعني هي اول مره يعني مانتي واخده من ورا ضهري الصابون واكياس الرز ومودياهم لامك..

اتعصبت امنيه وردت عليها ـ

انا اهلي مش ناقصهم حاجه عشان اخد حاجة حد واديلهم..

ابو احمد بزعيق _

بس يجي جوزك ولو معرفش ياخدهم منك ويربيكي انا هربيكي كويس..

_مشيو وسابوها وهي دخلت الاوضه وفضلت ابكي، وبعد شويه جه امجد ودخل الاوضه وهو خايف جدا..

جريت عليه وقالتله وهي بتبكي _

الحقني ي امجد اهلك متهميني اني اخدت فلوس من شنطة صباح وانا والله ما عملت كده..

امجد بحزن _

عارف ي امنيه انك متعمليهاش بس..

امنيه بقلق _

بس اي، اطلع قولهم كده ودافع عني..

امجد بخوف _

مقدرش ابويا ممكن يضربني...

بصت ليه امنيه بسخريه وعيونها دمعت وقالت _

طيب وبعدين هتسيبهم يتهموني بحاجه معملتهاش..

طلع امجد من جيبه فلوس وقالها _

بصي ي امنيه انتي اطلعي اديهم الفلوس دي وقوليلهم كنت فاكراها بتاعت امجد واخدتها، بس والموضوع هيخلص..

ردت عليه امنيه بعصبيه _

انا مستحيل اعمل كده، ده كاني بقولهم ان انا اللي اخدتها..

امجد _

لا هتعملي كده عشان خاطري انا هتعملي كده..

بكت امنيه وقالتله _

وخاطري انا فين، لا ي امجد مش هعمل كده انا ما اخدتش حاجه والله...

_خلصت كلامها واتصدمت لما لقيته نزل بايده ع وشها...

امنيه وهي بتبكي _

انت بتمد ايدك عليا ي امجد، حسبي الله فيك انت واهلك ولاخر يوم فعمري مش مسامحه فحقي..

امجد _

عشان بعد. كده تسمعي الكلام..

_طلع امجد. وادي الفلوس لاخته وقالهم انه لاقاهم جوه مع امنيه..

ام امجد _

شوف البت الكدابه وتبكي وتمثل علينا انها بريئه..

صباح بخبث _

والله انا كنت هسامح فيهم عشان متحصلش مشاكل بينها وبين امجد..

ابو امجد._

اصيله ي صباح من يومك وانتي قلبك ع البيت وع اخواتك..

صباح _

طيب اقوم انا اجيب حاجتي من جوه وامشي عشان متاخرش..

ابو امجد _

طيب يلا وانا هقوم اوصلك، وانت ي امجد جدع ي واد لو مكنتش رجعت الفلوس كنت هديك علقه من بتوع زمان..

امجد بخوف _

لا يابا متقلقش ابنك راجل برضو...

_دخلت صباح اوضة امها وطلعت من جيب بلوزتها الفلوس اللي خبتهم واتهمت امنيه انها اخدتهم..

صباح بحقد _

معلش بقي ي امنيه كنت مزنوقه فقرشين ومحدش كان هيرضي يديني غير بالطريقه دي هههههه..

ــــــــــــــــــــــــــــــــــــــــ

تاني يوم كانت امنيه فالمطبخ بتجهز الغدا ليها ولجوزها ودخلت عليها حماتها وهي متعصبه..

ام امجد _

بتعملي اي هنا ي زفته انتي؟..

ردت عليها امنيه بهدوء _

هكون بعمل اي ي حماتي بجهز الغدا..

زقتها ام امجد جامد وزعقت فيها _

شالله معنك طفحتي غوري من وشي اياكي اشوفك النهارده خالص...

بكت امنيه وقالتلها _

انا عملتلك اي طيب عشان تعملي فيا كده؟..

ام امجد بغيظ _

اتمسكني ي ختي اتمسكني زي مبتعملي ع ابني وواخده فلوسه كلها ي تربية الشوارع...

وشدتها من شعرها جامد وقالتلها بحقد _

اياكي تطلعي بره اوضتك النهارده انا بشوفك بتعصب، غوري من قدامي...

_دخلت امنيه اوضتها وفضلت تبكي ع اللي حصل، وبعدين رن موبيلها وكانت مامتها..

مسحت دموعها وردت _

الو ي ماما..

الام _

ايوه ي حبيبتي عامله اي، قلبي اتقبض عليكي مره واحده فقولت اكلمك...

ردت عليها امنيه _

انا كويسه ي حبيبتي متقلقيش عليا..

ام امنيه بخوف _

مال صوتك طيب ي بنتي في حاجه معاكي...

كدبت امينه عليها عشان متحصلش مشاكل وقالت _

مفيش حاجه بس كنت نايمه فصوتي متغير، قوليلي بابا عامل اي فالشغل طمنيني..

_فضلت تتكلم مع مامتها، وامجد جه بره فقابلته امه اللي عملت نفسها زعلانه..

امجد _

مالك ي امي في اي؟..

ام احمد _

مراتك كانت بتعمل الغدا وانا تعبانه يبني فقولتلها لو هتعبك ي امنيه اعمليلنا اكل ليا انا وعمك معاكي راحت سيبالي المطبخ وزعقت فيا ودخلت تكلم امها وتحكيلها ع اسرار بيتنا، يرضيك ي قلب امك..

اتعصب امجد ورد ع مامته _

لا طبعاً ميرضنيش ي ماما انا هوريها مقامها ولا تزعلي نفسك انتي..

_دخل احمد اوضته وهو متعصب جدا ولقي امنيه لسه بتتكلم فالموبيل مع امها، فقفلت امنيه معاها وسالت امجد...

امنيه بقلق _

مالك. ي امجد في اي؟..

امجد _

انتي كنتي بتكلمي مين؟..

امنيه بهدوء _

دي ماما بتطمن عليا..

امجد بغيظ ـ

وفين الغدا؟..

امنيه بحزن _

انا كنت بجهزه وحماتي زعقتلي وقالتلي امشي من وشي..

شدها من شعرها جامد وزعق فيها _

انتي بتكدبي ع امي، انا امي هتعمل كده معاكي لي، وكمان بتطلعي سر بيتنا بره لامك انا هربيكي..

_مسبهاش امجد غير لما اداها علقة صعبه وكان صوت بكاها واصل بره، وام امجد قاعده بتتفرج ع التلفزيون وتضحك بصوت عالي...

ــــــــــــــــــــــــــــــــــــــــ

_وبعد كام يوم طلعت امنيه ع السطوح عشان تجيب حاجه من جهازها اللي بقي مركون هناك بس اتفاجئت بان جهازها كله مش موجود، فنزلت بسرعه وسألت امجد..

امنيه _

امجد الحقني الجهاز بتاعي مش موجود فوق..

رد عليها امجد ببرود _

اخدته امل اختي لبنتها..

زعقت امنيه فيه _

وازاي انت تخليهم ياخدو جهازي اصلا ده انا ملحقتش اتهني بيه...

امجد ـ

مانتي عارفه ان بنتها اتجوزت وسافرت وهما ظروفهم ع قدهم فاخدو الجهاز وانا ي حبيبتي هبقي اجيبلك غيره..

بكت امنيه _

طيب كنت قولتلي وبعدين بابا اداين بفلوس كتير عشان يجيبلي الحاجات دي ليا انا مش لبنت اختك..

زعق امجد فيها وقال _

مخلاص بقي ي امنيه هو انتي اصلا بتسمي ده جهاز خليني ساكت احسن..

_طلع امجد بره الاوضه وسابها تبكي ع جهازها اللي ملحقتش تتهني بيه...

ــــــــــــــــــــــــــــــــــــــــ

_وبعد كام يوم كان امجد فالشغل، وامنيه قاعده فأوضتها، وحماتها قاعده بره مع بنتها صباح..

كلمت صباح امجد فالموبيل وقالتله...

صباح _

ازيك ي حبيبي عامل اي؟..

امجد بهدوء ـ

انا كويس الحمد لله ي صبوحه، انتي عامله اي مش ناويه تيجي..

صباح _

انا فالبيت عندكم ي امجد هستناك نتعشي سوا كلنا ومعانا امنيه،انا كنت هروح اسلم عليها خوفت تبقي لسه زعلانه مني ..

امجد ـ

لا متروحيش انا هكلمها اخليها تطلع تسلم عليكي وتقعد معاكي..

صباح بهدوء ـ

ماشي ي امجد ي حبيبي..

_وبعد شويه رن امجد ع امنيه وردت عليه هي ع طول..

امجد _

امنيه اطلعي سلمي ع صباح اختي بره واقعدي معاها دي ضيفه عندنا..

امنيه _

ي امجد انا لو طلعت مامتك هتزعقلي وهتكسفني..

امجد بحده _

ازاي يعني هتزعقلك من غير سبب، اطلعي ي امنيه وبلاش حركاتك دي عشان مزعلش منك..

_قفل امجد معاها وطلعت امنيه سلمت ع صباح واول محماتها شافتها اتعصبت وقالتلها...

ام امجد _

انتي اي اللي طلعك غوري ادخلي جوه ومشوفش وشك..

اتعصبت امنيه وقالتلها _

ع فكره امجد هو اللي قالي اطلع اسلم ع صباح..

صباح بهدوء _

خلاص ي ماما محصلش حاجه تعالي اقعدي ي امنيه..

امنيه بحزن ـ

لا شكرا انا هرجع اوضتي..

صباح _

ع راحتك..

ام امجد بزعيق _

انتي فاكره نفسك اي ي بت انتي انا هنا الكل فالكل، امجد ابني انا وحبيبي اناا انا اللي حملت فيه وخلفته ابن بطني انا، مش هتيجي وحده زيك تاخده مني..

بكت امنيه وردت عليها _

وانا مش هاخده منك اهو عندك و..

شدتها ام امجد من شعرها وزعقت فيها _

بقي كمان هتردي عليا انا هوريكي ازاي تردي..

صباح وهي قاعده مش راضيه تقوم تحوش عن امنيه وقالت _

خلاص ي ماما محصلش حاجه بالراحه عليها..

ــــــــــــــــــــــــــــــــــــــــ

_ بعد شويه كان باب بيت اهل امنيه بيخبط، فـ فتحت مامتها واتصدمت لما شافت امنيه واقفه قدامها ووشها وارم وشعرها متقطع..

ام امنيه _

يالهوي اي اللي عمل فيكي كده ي امنيه؟..

حضنتها امنيه وقالت وهي بتبكي _

انا اتبهدلت ي ماما واتقل بيا...

_خدتها مامتها ودخلو وقعدو وهي متعصبه من اللي حصل لبنتها..

ام امنيه _

معاش ولا كان اللي يمد ايده ع بنتي، جوزك اللي عمل كده؟..

امنيه وهي بتبكي _

لا مش جوزي دي امه ومش اول مره تعمل كده ي ماما..

اتغاظت ام امنيه وردت عليها _

وانتي ساكته لي مجتيش لي من اول مره..

امنيه بحزن _

كنت عايزه اعيش ي ماما، يعني لما هاجي اي اللي هيتغير امجد ملوش شخصيه ولا كلمه مع اهله انا غلطت عمري اني وافقت بيه من الاول..

ام امنيه _

وانتي عشان تعيشي يحصلك كده وكرامتك تتهان، لا يبقي بلاش منها الجوازه احسن..

امنيه بحزن _

بس انا مش عايزه اطلق ي ماما، مقدرش اعيش وانا مطلقه..

ام امنيه _

لا انتي اول وحده تطلق ولا اخر وحده، ورجوع هناك مفيش غير لما يحترموكي ويعرفو قيمتك وانك بنت ناس وتيجي حماتك لحد هنا وتعتذر عن اللي عملته فيكي ده..

ــــــــــــــــــــــــــــــــــــــــ

_وتاني يوم جه امجد وباباه عشان يرجعو امنيه وكان اشرف ابو امنيه متعصب جدا من اللي حصل لامنه..

ابو امجد بهدوء _

خلاص ي استاذ اشرف حصل خير وانا جاي اعتذر عن اللي حصل..

اشرف بعصبيه _

هي لو كانت بنتك اللي اتعمل فيها كده كنت هتقول برضو حصل خير ي ابو امجد..

ابو امجد بعصبيه _

بس انا بنتي مش بتمد ايدها وتاخد حاجات غيرها، ولو عملت كده يبقي انا اللي امد ايدي عليها واربيها..

اتعصب اشرف وزعق فيه _

قصدك اي ي راجل انت، انا بنتي متربيه احسن تربيه..

ابو امجد بسخريه _

اومال حماتها مدت ايدها عليها لي، مش لما بنتك الاول اخدت الفلوس اللي فالدولاب بتاعي والله واعلم جابتهملك ولا ودتهم فين...

اتعصب اشرف وقام وزعق فيه _

بتخرف تقول اي جدع انت...

وقف ابو امجد هو كمان وزعق وقال _

بقول اللي حصل من بنتك اللي من يوم مدخلت بيتنا وهي بتمد ايدها ع حجاتنا...

اشرف بسخريه _

وانت ي امجد مصدق كده ع مراتك...

امجد بضيق _

اللي بيقولو ابويا صح...

اشرف بعصبيه _

لا مدام المواضيع وصلت لهنا فـ عليا الطلاق بالتلاته بنتي مهي راجعه معاكم ولا عندكم تاني، ولحد هنا واللي بينا خلص ي ابو امجد وتخلي ابنك يطلقها بالذوق بدل مندخل المحاكم بينا...

اتغاظ ابو امجد ورد عليه _

فستين داهيه ده احنا اللي ربنا خلصنا منكم، طلقها ياد ي امجد ونبقي نرميلها نص المؤخر احنا ناس تعرف الاصول برضو..

ادايق اشرف ع حظ بنته ورد عليه بسخريه _

انتو لو كنتو تعرفو الاصول مكناش وصلنا لهنا ي ابو امجد...

ــــــــــــــــــــــــــــــــــــــــ

_بعد اربع شهور كانت فيهم امنيه ع طول زعلانه وبتبكي ع انها بقيت مطلقه، وفكرت انها كده خلاص مش هتتجوز تاني ومش هتخلف ولا هتبقي ام..

_بعد كام يوم كانت ام امنيه بتكلم اخوها فالتليفون وبعدين قفلت معاه وىاحت لامنيه اللي كانت واقفه فالصاله بتروفها وقالتلها...

ام امنيه _

امنيه ي امنيه جالك عريس ي حبيبتي...

فرحت امنيه جدا وسالتها _

بجدي ماما جالي انا عريس مين ده؟..

ام تمنيه _

واحد صاحب خالك متعلم وواخد كليه والناس كلها بتشكر فيه بس اا...

امنيه بقلق _

بس اي ي ماما كملي؟..

الفصل الثالث من هنا

امنيه بقلق _

بس اي ي ماما كملي..

الام _

هو كان متجوز ومراته راحت، ومعاه بنتين صغيرين، بس هو صغير عنده يجي خمسه وتلاتين سنه كده..

امنيه بهدوء _

طيب وفيها اي ي ماما دول امهم راحت يعني لو عاملتهم زي بناتي وربيتهم ربنا هيكرمني باقي حياتي..

الام _

ربنا يكملك بعقلك ي بنتي ويقدملك كل خير..

امنيه بحماس _

طيب هو العريس ده اسمه اي ولا هيجي امتي،وهبقي فبيت عيله ولا لوحدي؟..

ضحكت الام وردت عليها _

هو جاي بكره مع ابوه يقابل ابوكي ولو في خير هنعمل فرح ع طول هو محتاج حد مع بناته وشقتك هتبقي فبيت عيله بس ملكيش دعوه بحد غير بيتك وشقتك..

_فرحت امنيه ومحسبتش حساب اي حاجه تانيه غير انها هتتجوز حد متعلم وليها شقه لوحدها، وبعد كام يوم جه ايهاب العريس وابوه ومامته وكتبو الكتاب...

ايهاب بهدوء _

بعد اذنك ي عمي انا هاجي بكره اخد امنيه..

اشرف _

اللي تشوفه يبني دي بقيت مراتك وانت حر..

قرب مني حمايا وقالي _

انتي بقيتي بنتي من النهارده وان شاء الله لما هتعيشي عندنا هترتاحي اووي..

رديت عليه بهدوء _

ربنا يخليك ي عمي..

_مشي ايهاب واهله وكانت امنيه قلقانه شويه من حماها وحماتها ومن نظراتهم ليها بس كبرت دماغها وقالت مدام هتقعد لوحدها يبقي مفيش مشاكل هتحصل..

ام امنيه _

امنيه سمعتي باللي حصل؟..

امنيه بهدوء _

خير ي ماما حصل اي؟..

ام امنيه _

اخت امجد طليقك اللي اسمها صباح اتطلقت بيقولو اخدت فلوس من ورا جوزها والله واعلم وديتها فين..

امنيه بدموع _

يبقي هي اللي كانت بتاخد الحاجه من بيت اهلها وتتهمها فيا..

ام امنيه _

ربنا جابلك حقك وانتقملك منها..

امنيه بحزن _

انا حقي عند امجد ي ماما اللي معرفش يحافظ عليا وع كرامتي وسط اهله..

قرب منها اشرف وقالها _

انتي اصبري بس وخليكي واثقه فربنا انه هيجيبلك حقك لحد عندك..

ــــــــــــــــــــــــــــــــــــــــ

_تاني يوم جه ايهاب واخد امنيه من غير فرح ولا حاجه عشان بناته ميزعلوش، واول مدخلت امنيه الشقه وكان ايهاب ماسك ايد بناته الصغيرين...

قالت بنته الصغيره بعصبيه _

ي بابا هي الست دي بتعمل اي فشقة ماما...

ايهاب بهدوء ـ

دي اللي هتاخد بالها منكم ي حبيبتي بعد كده..

ادايقت امنيه وسالته _

بس كده، هو ده الرد بتاعك ليها..

رد عليها ببرود ـ

دي عيله صغيره عايزاني ارد عليها بأي..

قربت امنيه من البنات وقالتلهم ـ

طيب ممكن اخدكم نتعشي ونغسل سننا ونام..

بصتلها البنت الكبيره بعصبيه وقالت _

اممم لا كتر خيرك احنا هننزل ننام عند تيته عايزه تيجي معانا اهلا وسهلا..

توقعت امنيه ان ايهاب هيقولها عيب متكلمهاش كده، بس اتفاجئت لما لقيته ضحك وقال..

ايهاب _

ههههه دمها خفيف مش كده؟..

امينه _

اممم فعلا...

ايهاب ـ

طيب خديهم تحت عند ماما هما ليهم اوضه ونيمهم واطلعي بسرعه...

امنيه بضيق _

طيب...

_اخدت البنات ونزلت لقيت حماتها لسه صاحيه...

ام ايهاب وهي بتحضن البنات _

عارفين لو مكنتوش نزلتو تباتو معايا النهارده كنت هزعل..

البنت الصغيره _

لا ي تيته احنا عملنا زي مانتي قولتيلنا..

اتوترت ام ايهاب وقالت _

زمان ي امنيه يبنتي كنت بقولهم كده من لما مامتهم راحت عشان ميناموش لوحدهم..

امنيه بهدوء _

عادي ي طنط انا فاهمه الوضع، اسمحيلي بس انيم البنات انا النهارده عشان نتعود ع بعض..

ام ايهاب _

طيب ادخلي نيميهم..

طلع ابو ايهاب من اوضته وقال _

اي ده ي بنتي نزلتي لي وسيبتي جوزك؟..

امنيه _

هنيم البنات واطلع ع طول ي عمي..

رد عليها _

طيب وابقي لو هتعبك جهزيلي العشا قبل متطلعي، عشان حماتك تعبانه شويه ومش بتقدر تجهزه..

امنيه بهدوء ـ

لا الف سلامه عليها، هنيم البنات واجهزه ع طول ي عمي...

_دخلت نيمت البنات وطلعت جهزت الاكل لحماها وطلعت شفتها لقيت ايهاب فعلا مستنيها..

ــــــــــــــــــــــــــــــــــــــــ

_تاني يوم صحيت امنيه وجهزت الفطار وطلع ايهاب من اوضته وقالها..

ايهاب _

لا احنا هنفطر تحت ي امنيه...

امنيه بقلق _

ازاي انت مش قولت اننا لينا شقتنا لوحدنا..

ايهاب _

وامي الست الكبيره مين هيراعيها وبعدين بناتي قاعدين تحت فانزليلهم..

ادايقت امنيه هي كانت راسمه حياه غير دي خالص، وبعدين سمعت كلامه وغيرت هدومها ونزلت حضرت الفطار لحماتها وحماها وهي وايهاب والبنات..

ام ايهاب _

ي امنيه اكلي البنات الاول وبعدين انتي افطري..

ابو ايهاب ـ

معلش ي بنتي هنتعبك..

امنيه ـ

لا عادي مفيش حاجه..

_فضلت تفطر في البنات وهما كانو مبسوطين وبياكلو وفرحانين ان حد بياكلهم، ودي حاجه فرحت امنيه ومخلتهاش زعلت..

ام ايهاب _

ي امنيه هاتيلي العلاج بتاعي عندك وهاتيلي مايه احط فيها رجليا اصلهم منملين شويه..

استغربت امنيه، بس ايهاب قالها بحده _

سمعتي ماما قالت اي يلا قومي..

امنيه بضيق _

حاضر ي ايهاب..

_قامت فعلاً وعملت زي محماتها قالتلها وجابتلها مايه تحت رجليها..

ام ايهاب بخبث ـ

متدعكي رجليا ي بت انا ضهري واجعني مبقدرش اميل..

_خافت امنيه ترفض فتحصل مشكله من اول يوم جواز ليها وعملت زي محماتها قالتلها، بس دموعها نزلت وحست بأهانه ان حماتها مش تعبانه بس قاصده تخليها تخدمها...

_عدت فتره كبيره وكانت امنيه شايله بيت جوزها كلهم لوحدها بس قالت مش مهم كفايه ان محدش بيتهمها بحاجات محصلتش، وكفايه انها متجوزه وكانت خايفه تطلق تاني...

وكانت واقفه فالمطبخ وبتجهز الاكل وجنبها بنات جوزها بيلعبو، بس بنته الكبيره فضلت تخبط فالاطباق...

امنيه بهدوء ـ

بس ي حبيبتي كده عيب..

البنت ببرود ـ

لا مش عيب براحتي..

امنيه بزعيق _

كده هزعل منك..

البنت ـ

ازعلي عادي..

ادايقت امنيه وقالتلها _

انتي كده مش حلوه وانا مش هحبك عشان مش بتسمعي كلامي..

_طلعت البنت وراحت لام ايهاب وقالتلها وهي متعصبه...

البنت _

ي تيته ي تيته امنيه زعقتلي وقالتلي اني مش حلوه..

ام ايهاب بعصبيه ـ

امنيه انتي ي بت..

طلعت امنيه بسرعه وقالتلها ـ

نعم ي طنط في حاجه..

ام ايهاب ـ

انتي ازاي ي بت انتي تزعقي للبنت كده وتخوفيها انتي نسيتي نفسك..

امنيه بهدوء ـ

هي مكنتش سامعه الكلام وانا مكنش قصدي ازعلها بس عايزاها تبقي هاديه..

ام ايهاب ـ

وانتي مالك احنا ي حبيبتي جايبينك ليهم عشان تخدميهم مش عشان تعملي نفسك امهم، انتي مش امهم فاهمه...

اتملت عيوني دموع وقولتلها _

ماشي ي طنط بعد اذنك هروح اكمل تجهيز الغدا..

ام ايهاب للبنت _

وانتي ي قلب تيته روحي العبي براحتك واللي يكلمك قوليلي وانا ازعلهولك..

_وبالليل حكت امنيه اللي حصل لـ ايهاب وقالتله..

امنيه _

ي ايهاب دول انا معتبراهم بناتي وانا اللي هبقي مسؤله قدام ربنا والناس عن تربيتهم فلو سمحت قول لمامتك تسيبني اتعامل معاهم براحتي وانا والله لا همد ايدي عليهم ولا هخليهم يعيطو بس هما بنات ولازم يتعلمو ازاي يتصرفو بهدوء..

ايهاب _

حاضر ي امنيه انا بكره هقولهم يخلوكي براحتك مع البنات ممكن بقي تقوليلي اي الخبر الحلو اللي مخبياه عني..

ضحكت امنيه وقالتله _

لما روحت لماما جيبت اختبار حمل، وطلعت حامل...

ايهاب ببرود _

بجد طيب مبروك ي امنيه..

امنيه بحزن _

انت مفرحتش انا فرحانه اووي..

ايهاب _

لا فرحت، بس انا مبحبش العيال والدوشه، البيبي ده بس ي امنيه ومفيش تاني..

ادايقت امنيه وردت عليه ـ

اللي تشوفه، تصبح ع خير..

ايهاب بسخريه _

امم نامي يختي نامي موراكيش حاجه غير النوم..

ــــــــــــــــــــــــــــــــــــــــ

_تاني يوم كنت واقفه فشقة حماتي بجهز الفطار وبعدين ايهاب ندالي فطلعت..

ام ايهاب _

ها ي ايهاب عايز تقول اي ومراتك موجوده..

افتكرت امنيه انه هيقولها تسيبها تربي البنات براحتها، بس صدمها ايهاب لما قال..

ايهاب ـ

انتي ملكيش دعوه بالبنات ي امنيه خالص وكتر خيرك انك بتخدميهم..

ابو ايهاب بسخريه _

كتر خيرها ع اي، دي عايشه عيشه هنا مشافتش ربعها عند بيت اهلها..

ام ايهاب بحده _

معاك حق ي حج، قوليلي صح ي امنيه مجتيش لي قولتيلي انك حامل..

امنيه بتوتر وهي بتبص لجوزها _

كنت هقول والله بس لما اروح للدكتور واتاكد..

ام ايهاب بعصبيه _

واشمعنا امك تعرف الاول...

ابو ايهاب _

هي اصلا دماغها فاهلها بس..

ايهاب بسخريه _

ودماغها صغيره جدا...

ابو ايهاب ـ

بصي ي ست امنيه بعد كده اي حاجه تخص العيل اللي فبطنك او البنات حماتك الاول تعرفها فاهمه..

امنيه بدموع _

حاضر ي عمي...

_سابتهم ودخلت المطبخ وفضلت تبكي ع اللي حلصها بره، وكمان صدمتها فجوزها اللي طلع بيحكي كل حاجه لاهله...

امنيه ببكاء ـ

يعني ياارب نفس الغلط، نفس الزوج ونفس الخيبه تاني..

ــــــــــــــــــــــــــــــــــــــــ

_بعد كام يوم دخلت امنيه شقتها بعد مخلصت ترويق لحماتها، واول مدخلت سمعت ايهاب بيكلم وحده فالموبيل وبيقول..

ايهاب _

ابعتي بس الصور وانا هحولك الفلوس ع طول ي حبيبتي..

اتصدمت ودخلت بسرعه سالته بعصبيه..

امنيه _

مين دي ي ايهاب اللي هتبعتلك صورها وتبعتلها فلوس..

ايهاب بتوتر _

ااا دي وحده فالشغل معايا...

امنيه ببكاء _

شغل وتقولها ي حبيبتي، شغل تبعتلك فيه صورها وتبعتلها فلوس، وانا مش قادره اروح متابعه مع الدكتور بسبب قلة الفلوس معاك..

ايهاب بحده ـ

مخلاص بقي اهدي..

امنيه بعصبيه _

مش ههدي بقي بتخوني ي ايهاب قصرت معاك او مع اهلك فاي، ده انا شيلاهم فوق راسي ومش بشتكي وفالاخر اتخان...

ايهاب بغضب ـ

قولت خلاص متكبريش الموضوع...

امنيه ـ

الموضوع كبير، انا هسكت ع اي حاحه الا الخيانه...

ايهاب بعصبيه _

انتي نسيتي نفسك ولا ايه انتي تحمدي ربنا اني اتجوزتك..

امنيه وهي بتبكي ـ

مقولتلكش تعالي اتجوزني انت اللي جيتلي..

ايهاب بسخريه ـ

مهو من قلة الستات ملقتش غيرك اتجوزها ي مطلقه، ده انت جايبك خداامه لاهلي وبناتي..

بعدت عنه وقالت بكل حزن _

والخدامه دورها خلص روح دور ع اللي تريحك غيري ي ايهاب..

ايهاب بحده ـ

فستين الف داهيه شالله حتي تروحي انتي وابنك اللي فبطنك والبنات زي مراتي الاولانيه واخلص من الهم ده كله...

بكت امنيه وقالت بسرعه ـ

بعد الشر ع ابني بعد الشر عليه منك ومن كلامك ده، انت اللي زيك لا كان ليه جواز ولا خلفه..

زعق فيها ايهااب _

طيب قاعده لحد دلوقتي معايا لي امشي، خلي عند اهلك كرامه وامشي..

ـ دخلت اوضتها بسرعه وهي بتبكي ولمت حاجتها ومشيت بسرعه، راحت بيت اهلها وحكتلهم ع اللي حصل من البدايه...

اشرف بعصبيه ـ

انتي يبنتي الغلطه الاولي معلمتكيش حاجه، سكتي لي من الاول مهو اي حد بيتسكتله بيتمادي فيها..

امنيه بدموع ـ

كنت خايفه اطلق تاني..

الام بحده ـ

ودلوقتي هيحصل اي مانتي هتطلقي اهو وفبطنك عيل الله واعلم مصيره اي ع وش الدنيا..

اشرف ـ

خلاص ي ام امنيه المهم بنتي عندي وفداهيه اي حاجه تاني ومدام مش مرتاحه يبقي طظ اي حاجه تيجي ضد راحتها...

امنيه بدموع وحزن _

يعني اي ي بابا؟...

اشرف بجديه ـ

هكلم البيه جوزها يجي ونفضها سيره عشان يفضي للستات اللي مصاحبها وبيبعزق ففلوسه عليهم..

ــــــــــــــــــــــــــــــــــــــــ

_جه ايهاب وباباه ومعاهم المأذون وكان ناوي فعلا يطلق امنيه...

اشرف ـ

هو مدام انت مستبيع اووي كده جيت لي من الاول تخطبها..

ايهاب _

غلطه كنت فاكرها صغيره وهتهنيني ومطلقه ومهما اعمل هتسكت طلعت عندها كرامه وانا راجل حر مليش فالخنقه..

اشرف بسخريه ـ

ي خساره تبان من بره محترم ومفيش منك بس معدنك واطي..

ايهاب بحده _

بقولك اي من غير غلط وخلينا نخرج بالمعروف...

اشرف بعصبيه _

لا معروف ولا غيره طلقها والاول تديها حقها وتضمن حق ابنها..

اتكلم ابو ايهاب وقال بسخريه _

قول كده عمال تجوز وتطلق فبنتك عملتها تجاره ولا اي؟..

دمعت عيون امنيه بحزن، حتي ابوها حس انه فعلا الحزن ملي قلبه...

اشرف ـ

اللي عندي قولتله يلاا...

ايهاب ـ

من الاخر هطلقها يبقي تتنازل عن كل حاجه...

امنيه بخوف _

انا محدش هياخد ابني مني..

ضحك بسخريه ايهاب ورد عليها ـ

هههههه انا لا عايزك ولا عايز ابنك، هتتنازلي عن المؤخر والشبكه والنفقه بتاعتك وبتاعته، وقتها هطلقك غير كده هقلب الدنيا وهاخده منك لما يجي ويتربي مع اخواته...

وقفت امنيه وقالت بكل ثقه _

وانا كنوز الدنيا كلها متجيش تمن ضفر لابني وانا اللي هكتبلك تنازل عن كل حاجه وقصاده تكتب تنازل انك ملكش اي حق تشوفه ولا توريني وشك ابداً...

ايهاب _

يبقي اتفقنا...

_وفعلا اطلقت امنيه للمره التانيه من ايهاب..

بعد ما الناس مشيت بكت امنيه وقالت لاهلها..

امنيه _

انا لي بس حظي كده، ما البنات كلها متجوزه ومبسوطه لي انا حظي كده ي ماما...

الام ببكاء _

نصيبك ي بنتي ربنا يعوضك فابنك..

ــــــــــــــــــــــــــــــــــــــــ

_بعد 25 سنه، كبرت امنيه واهلها راحو وابنها كبر وبقي دكتور عيون شاطر جدا ومحترم جدا جدا..

قعد ابنها جنبها وقال ـ

ها ي ماما كملي وبعدين؟..

امنيه بحماس _

بس ي مالك ي حبيبي انا اخدتك وربيتك لوحدي واشتغلت وعملت حياه خاصه بيا وبالبطل الصغير بتاعي اللي هو انت...

مالك بفضول _

طيب وطليقك، واللي المفروض يبقي بابا حصلهم اي؟..

امنيه _

طليقي الاولاني امجد عرفت ان ربنا مادلوش خلفه وعايش لوحده ملوش حد بعد ما مامته جالها مرض خبيث وراحت، وايهاب صرف كل اللي حيلته ع النسوان لحد مفلس وبقي ماشي يكلم نفسه فالشارع وبعدها بفتره رااح للي خلقه والحمد لله بناته بيت جدهم اهل مامتهم اخدوهم وربوهم بعيد عنه..

مالك بحزن _

ربنا يرحمه، بس كويس ومشفتوش واني اتربيت مع اجمل ام واحن اب انتي عوضتيني عن الاتنين ي احلي امنيه..

اتملت عيون امنيه دموع وقالتله ـ

حقك ع عيني يبني انا اللي معرفتش اختارلك اب كويس يليق بيك، كنت خايفه قطر الجواز يفوتني،واسعجلت وركبته بسرعه من غير مقطع تذكره ومعملتش حساب المحطه اللي هنزل فيها، ونسيت ان الصبر مفتاح الفرج واللي بيصبر ع رزقه بيجيله من اوسع الابوب..

تمت