البارت الخامس
نهال فاقت وزقيته بكل قوتها وخرجت من حضنه: انت فاكرني اي هه فاكرني هنسي لي انت عملته فكريني هعدي وسكت انت كسرتني انت مشيت وقت محتاجتك ورجعلي دلوقتي عايزني اسمعك انسي يافارس انسي
فارس بصوت عالي: انتي جبتي الجبروت ده كله منين انتي استحيلة تكوني نهال جبتيه منين
نهال وهي بتضحك بستهزاء ومسحت دموعها اللي بتنزل: جبته منين انت لي بتسال يافارس انت لي بتسال هجوبك ياسيدي جبتها من دموعي لي نزلت وانا بترجاك متبعدش جبتها لما كسرتني وبعدت جبتها من قسوتك وانا بعيط قدامك وقولتلي اسف ومشيت جبتها من دموع فضلت تنزل عليك لحد انهارده دي اجابه كفايه بنسبالك ولا اكمل
فارس بدموع وصوته مخنوق: انا مبعدتش برضايه مكنتش مبسوط وانا بمشي كانت كل حاجه في حياتي مدمره كسرتك بموت ابوكي كسرتني اتكسرت لما معرفتش اجبلك حقك وتكسرت اكتر لما عرفت ان الحادثه كانت بسببي
نهال ودموعها نزله: مكنتش محتاجه غير حضنك مكنتش عايزه غير وجودك جنبي واحساس بالأمان معاك كنت محتاجه تطمني اني مش لوحدي مش تكسرني بزياده وتوجع قلبي عارف يمكن اتكسرت لما بعدت عني اكتر ماتكسرت لما بابا وماما ماتوا لأني كنت فاكرك سندي بس طلعت كداب وكسرتني ووجعتني خلتني انجح فعلا بس وانا مكسوره وانا بحاول اعلاج كسري عارف بقيت دكتورة قلب كبيره وبعلاج ناس كتير بس لحد دلوقتي مش قادره اعالج قلبي من لي عملته فيه خليك بعيد يافارس وروح كمل حياتك ونساني انا زي منستني طول الست سنين لي فاتت
كل الكلام ده كان حازم وسالي سمعينه والاتنين بصوا لي بعض وخرجه برا
حازم: هنعمل اي
سالي بكسره علي صحبتها: هو كسرها اوي ياحازم انا لحد دلوقتي بحاول افوقها للواقع وهي عايشه في احلامها معاه
حازم وهو حاسس ان قلبه وجعه لما شاف دموعها: اهدي يا سالي طيب وتعالي نفكر بالعقل الاتنين بيحبوا بعض فارس غلط بس بيحبها ونهال اتكسرت بس بتحبه
سالي: عندك حق الاتنين بيحبوا بعض بس بيكبروا ويعندو
حازم: وانا عندي فكره تكسر عندهم ده
سالي بتفكير: اي هي
حازم وهو بيراقب ردت فعلها: نتخطب
سالي وهي بترفع حجبها: انت عبيط ياله بدل متفكر تساعد صحبك بتفكر تشقطني ازاي
حازم وهو بيضحك: يانهار اسود اشقطك اي بس فيه دكتوره تقول كده وبعدين علي فكره كده هساعد صاحبي لان نهال اقرب حد ليكي وفارس اقرب حد ليا ونقدر نرجعهم لي بعض بعلاقتنا
سالي: ننننن بتضحك علي اي انت وبعدين الفكره مقنعه بس بردو مش لي دراجة نخطب لاحسن ست الحسن فرح بتاعتك تزعل
حازم بعد مقرر يثير غيرتها: اهه صح معاكي حق نلغي الفكره دي بقا احسن فروحه تزعل
سالي وهي مدايقه: انا بردو بقول كده
حازم بعصبيه: انت عبيطه يابت حدديلي معاد مع باباكي هو دخول الحمام زي خروجه ولا اي ياشابه
سالي بصدمه: ينهار اسود شابه انا كنت حاسه من الاول انك عبدالعال وعامل فيها حازم
حازم: حاجه زي كده ياسكره
سالي: حازم ممكن نتكلم بجد شويه
حازم: امم اوك موافق
سالي: حازم احنا منعرفش بعض غير من يومين ودي تاني مره نتقابل فيها مش ملاحظ ان العلاقه اطورت بطريقه سريعه واحنا لسه منعرفش بعض كويس
حازم وهو بيمسك ايديها: سالي انا وقعت في حب ضحكتك من اول لحظه شوفتك اكيد هنتعرف ونعرف حاجات كتيره عن بعض بس عايز اطمن ان الضحكه دي ملكي انا عارف ان الموضوع غريب وانا مستغرب نفسي بس عايز الموضوع يحصل وياستي لو مرتحتيش في الخطوبه ابقي سبيني
سالي: طيب هحددلك معاد مع ماما وزين اخويا
حازم: طيب وباباكي
سالي: بابا متوفي من سنتين تقريبا
حازم: ربنا يرحمه اسف اني فكرتك
سالي: مش بنسي اصلا عشان تفكرني بيه
حازم وهو سرحان في تفصلها: انتي حلوه اوي يا سالي حلوه بشكل مش قادر اصدقه
سالي بكسوف: في اي ياعم انت عيب كده الله
حازم: اي ده طلعنا بنتكسف وخدودنا بتحمر
سالي وهي ماشيه من قدامه: علي فكره انت رخم
حازم: الرقم طيب عشان اعرف اكلمك وعرف هاجي اتقدم امتي
سالي وهي ماشيه: لما ابقا احدد المعاد هبقا اعرف اوصلك بطرقتي
حازم: هههههههه مجنونه
سالي:ده العادي
ودخلت سالي عند نهال لي قعده منهاره وبتفتكر يوم الحادثه
flash back
نهال كانت قعده بتكلم فارس وتعمل بحث مهم جدا عن امراض القلب
فارس: حبيبي مش شايف ان لسه بدري علي الابحاث دي
نهال: لا يابابا لازم اكون عارفه حاجات كتيره وبعدين انت نسي اني في اوله كليه دلوقتي
فارس: لا ياحبيبي مش ناسي بس انتي لسه متخصصتيش بس عموما لو ده مش تعبك انا معنديش مشكله فيه
نهال: تؤ متقلقيش ياحبيبي مش بتعب طول مانت بتشجعني
فارس: يالهوي اي الرضا ده بس والكلام القمر ده هو حبيبي بقا رومنسي وانا مش عارف
نهال بكسوف: من بعض ماعندكم ياكابتن
فارس: ياخربيت خدودك ياشيخه اي القمر ده
نهال بهزار: انت كداب ياخلف انت مش شايفني اصلا
فارس: تؤ مش شايفك بس بحس بيكي وبعدين من خلف ده ابت انتي لو نطقتي اسم راجل تاني هشنقك
نهال: احييه احنا اسفين ياصلاح
فارس: ده علي اساس اسم صلاح ده اسم وحده وانا معرفش
نهال: ياعم مدققش بس
نهال: حبيبي فيه حد بيخبط ممكن بابا وماما رجعوا هقوم افتحلهم ورجعلك
فارس بقلق: خدي الفون معاكي ومتقفليش الخط
نهال: حاضر ياكابتن
وراحت فتحت نهال ولقت ظابط قدامها
الظابط: حضرتك الانسه نهال
نهال: ايوه يافندم خير
الظابط: مامت حضرتك وباباكي عندهم القلب مظبوط كده
نهال بقلق: اهه خير هو فيه اي
الظبط: طيب ممكن تقوليلي كانه رحين فين
نهال بقلق وخوف: بابا كان اخد ماما المتابعه بتاعتها لانها تعبانه
الظابط: فيه عربيه خبطت عربية باباكي ومقدرش يوصل المستشفى وحاولنا كتير اننا لنخليهم علي قيد الحياة بس قضاء ربك نفذ والاتنين توفاهم الله
وفي خلال الفتره لي كانت نهال ببتكلم مع الظابط فيها كان فارس وصل وواقف قدامها
وفقت من الماضي علي صوت سالي وهي بتاخده في حضنها وتقرا ليها قران لحد ماهديت ونامت