تحميل رواية «كريمة و يونس» PDF

ة

_ ياااااا استاااااااذ يووونس

_ ياااا فرعووون قلبببى

_ يا جلالة الملك يووونس

يونس كان ينظر إليها ببلاهة واستغراب من حركاتها وطريقة كلامها..

_ يااااا است..

قاطعها يونس بتشنج وحنق: بس يا ماما مالك فى ايه ، هو الصيام مآثر عليكى للدراجاتى يا كريمة

"رمشت بعينيها وقالت بنبرة منخفضة تظنها بريئة ولكنها بالنسبة ليونس غير ذلك: يونس حبيبى عامل ايه

امسكها يونس من ياقة البيجامة: ياسمين عز تانى يا كريمة تانى

كريمة: اللاه! مش بتعلم منها كيفية معاملة فرعون البيت عشان نعيش

تركها يونس وازاحها من جانبه وقال: طب قومى اعملى الفطار قووومى يلااا

كريمة: طب انزل هاتلنا طلبات للبسبوسة اللى هعملها

نظر إليها من أسفل قدميها لاعلاها باستغراب وقال: انتى هتعملى بسبوسة؟

_ ايه مشبهش ولا ايه

: الصراحة اه مش هرتحلك وانتى بتعمليها

كريمة بردح: ناااااعم يلاااااا عوووووومر ليه إن شاءالله ها لييييه

يونس: عم عبده البقال اللى تحت مسمعش لسة على صوتك كمان وكمان

كريمة: يونس انزل هات طلبات للبسبوسة على ما عصجت اللحمة للحواوشى وقليت البطاطس يلا

ضحك يونس عليها وقام وقبل أن يخرج من باب الشقة قال بوعيد: ابقى بوظيهم يا كريمة ها..

كريمة: عيب يابنى انت متجوز الشيف نجلاء الشرشابى

ضحك يونس بسخرية عليها وخرج..

_________________&

_يااااه الحمدلله يارب، اليوم كان متعب اوى اوى يا يونس

يونس: يلا بقى نصلى المغرب عشان ناكل الحواوشى ونحلى بالبسبوسة

"بلعت ريقها بخوف وقالت: اه اه طبعا..يلا نصلى

"بعد نص ساعة"

وضعت الاكل على السفرة ووقفت وبجانبها يونس ينظر للطعام بصدمة وعيناه تكاد تخرج من شدة الصدمة ..

اما هى فكانت خائفة من ردة فعله..

: فين الاكل يا كريمة

كريمة ببلاهة: ماهو قدامك يا يونس

: يا كريمة مقالبك فكسانة والله ، فين الاكل بجد عشان جعان

كريمة بخوف: بص هفهمك والله اسمعنى للآخر بس

يونس: وعملالى فيها شيف ومفيش منك تانى ، وبتطبقى دروس ياسمين عز دانتى ياسمين عز لو عتقت فيكى باللى عملتيه دا هتموت منك يا كريمة

_ بص ايه رايك نتعشى البطاطس دى

: المحروقة دى؟

_اه

: يااااارب الصبر ياااارب

_ ومعاها حتة جبنة بيضة وطمطم وخيار على بيضتين وشوية فول

يونس بغلب: هو احنا هنتسحر، هنتسحر يا كريمة

كريمة بحزن: طب خلاص طيب والله غصب عنى ، انا عمرى ما دخلت المطبخ فى بيتنا كنت بساعد بس وقولتلك انى مبعرفش اطبخ يا يونس اعمل ايه تانى طب

طبطب عليها يونس وقال بحنية: طب خلاص طب متعيطيش، هناكله يا ستى هنرميه يعنى

كريمة ببراءة: بجد هتاكله

"ضحك على شكلها البريء وقال: هناكله يا ستى ، ونحلى بالبسبوسة بقى اكيد مبوظتهاش صح

سعلت كريمة بشدة وهو استغرب عليها ، وقال بقلق: اللى فى بالى صح؟

كريمة: ؟؟؟

يونس: اممم يبقى باظت، باظت يا يونس ياللى هتفلس على اخر الشهر يا يونس

_ متقولش كدا يا حبيبى ربنا اللى بيرزق والله

يونس بغلب: انا داخل انام وابقى صحينى على السحور بقى دا لو فى سحور يعنى

_ ياااااا استاااااذ يووووونس

: بس بقى بس بلا استاذ بلا بطيخ

_ يونس انت يلا

_يونس يا ابن ام يونس

_ خلاص تعالى هسميك يونس القماص

_ طب بصى تعالى هعملك بشاميل

"وقفت فى منتصف الشقة وكأنها أمام كاميرا وقالت : نعتذر سيداتى وسادتى ولكن حضرة الظابط يونس نام مننا ومش هنلحق نعمله بشاميل، سلاااام

__________________&

_ بس ايه رأيك فى طبق المكرونة والبانيه دا ها

يونس: اهى حاجة تشبعنا وخلاص

كريمة بتوسل: طب بالله عليك حتة بانيه وملعقة مكرونة الحواوشى محروق اوى يا يونس

يونس برفعة حاجب: عمايل ايديكى يا كرميلا يا حبيبتى

كريمة: اطف.. " قطعت الكلمة حين نظر لها بترقب وحذر..

كريمة: كل ياااااا استاااااذ يووووونس

" ضحك يونس ولعب بيده فى شعرها وقال: شطورة حبيبة قلب بابا..

______________&

«يا رِفق الأيام وأُنسها..

يا رفيقًا يساوي كُل السُرور والسّعة!»

_ وسع وسع لاحلى صينية جلاش لحظابط يونس حبيبنا

ابتسم يونس بحماس مع احساس الخوف أن يكون الجلاش شىء آخر من وجهة نظر كريمة..

يونس: يارب يطلع جلاش فعلا

وضعت الصينية أمامه وسقفت بحماس وقالت بفرحة: عيب عليك يا حبيبى ، الجلاش دا لعبتى والله

يونس: ربنا يستر ، يلا شيلى الغطا بقى

كريمة: ١ ٢ ٣ ترارارارا

"وقف بصدمة ما أن رآها وقال بدون تصديق: دا بجد

_ ايه رايك بقى

"رمش بعينيه بدون تصديق ثم نظر إليها بشك وقال: انتى اللى عاملة دى بجد

كريمة بغرور: طبعا يابنى هو انا اى حد ولا ايه

ابتسم يونس بفرحة وأمسك يديها وقبلها وقال بحب: اخيرا يا كريمة اخيرا هناكل حاجة عدلة من اول الشهر

كريمة بحنق: قصدك ايه يعنى انى مبعرفش اطبخ ولا ايه

يونس: حاشا لله يا حبيبتى دانتى طباخة ماهرة

_اه احسب، طب يلا ناكل يلا قبل التراويح ...

____________________&

_تعرف يا يونس رمضان حلو اوى عشان انت معايا فيه

"شدد من احتضانه لها وقبل رأسها وقال بحب: دانا اللى مبسوط اوى عشان فزت بيكى يا كرميلا

"قامت بحماس وقالت: هقوم اجيب الكنافة بقى واعمل شاى ونكمل قعدتنا هنا لغاية السحور ايه رايك

"ابتسم على حماسها وضحكتها التى سلبت عقله وقال: وماله نسهر للسحور

_ فوريرا يابا وجيالك

يونس: مجنونة وهتجننى معاها

بعد دقيقة رن هاتف كريمة وكانت أخته فاطمة فرد عليها وقبل أن يتكلم سمع كلامها الذى صدمه..

: بت يا كريمة اخبار صينية الجلاش ايه اوعى تكونى حرقتيها تعبت فيها اوى دى ، عجبت يونس المهم، الووو كريمة انتى يابت نمتى ولا ايه

يونس بسخرية: كريمة بتعمل شاى ياختى

فاطمة: يونس؟ يا مسيبتى يا فضحتشى

يونس: اقفلى يا هبلة اقفلى"اغلق معها ووضع الهاتف مكانه وقال بابتسامة سخرية: بقى طلعت جلاش فشنك يا كريمة ، طيب اصبرى عليا بس

_ وعندك احلى كنافة وكوباية شاى بنعناع لعمنا وعم الناس حظابط يونس باشا

يونس: متجوز صبى قهوجى ياربى

كريمة: هعدهالك عشان انت جوزى بس

يونس: أصيلة يا بنت الناس....فاطمة بتسلم عليكى وبتقولك اخبار الجلاش ايه" قالها فجأة مما جعلها تسعل بقوة.

طبطب على ضهرها وقال بسخرية: براحة يا حبيبتى براحة دا اكيد تعبك من الجلاش

رفعت راسها ونظرت إليه بخوف من أن يأخذ موقف هذه المرة ويتعصب عليها وقالت بصوت مبحوح: يو..يونس.. أنا. اسفة والله بجد"اجهشت فى بكاء عنيف صدمه من ردة فعلها هذه المرة ، فأسرع يجذبها لاحضانه ويهدهدها بحنان كى تهدأ

يونس: اشششش بس بس فى ايه هو انا كلمتك يا بنتى

كريمة ببكاء: لا انا خايفة منك انت

يونس بصدمة: خايفة منى انا ؟ ليه يا كريمة تخافى منى؟

"مسحت دموعها بكفيها وقالت بنبرة متشرجة: عش..عشان ممكن..تزعقلى وتزعل منى عشان مش انا اللى عملت الكنافة

"أزاح دماعتها بحنان وقال: اولا انا فعلا زعلت عشان كذبتى يا كريمة، انا اكل اى حاجة من تحت إيدك ، مكانش فى داعى تدخلى فاطمة بينا صح

اومأت برأسها وأكمل كلامه: ثانيا يا ستى وايه يعنى نبوظ الاكل وناكله برضو مفهاش حاجة شوية شوية نتعلم وننجح،

_ يعنى انت مش زعلان منى

يونس: اللى زعلنى كلمة خايفة منك، اوعى يا كريمة تخافى منى ابدا تمام

كريمة بابتسامة: حاضر

يونس: خلينا بقى ندوق الكنافة دى

كريمة: يارب تعجبك

يونس باستغراب: حلوة الكنافة دى زى الجاهزة بالظبط والله لا شاطرة يا كرميلا

"حمحمت بخوف وهى تنظر فى كل مكان فقال يونس بشك: ايه ؟

_ايه؟

:ايه انتى مالك مش على بعضك كدا

_ها لا لا مفيش كل كل

"ترك الطبق وقال برفعة حاجب: جاهزة ها

كريمة بخوف: هفهمك والله

"جز على أسنانه وهو يحاول أن يتمالك أعصابه فقال: لو طلقتك دلوقتى هترتاحى يعنى

كريمة بردح: تطلق مين يابا، مش انت جيت وطلبتنى من ابويا وقولتلك مبعرفش اعمل كوباية شاى حتى ووافقت مالك بقى مستغرب ومصدوم كدا ها

يونس: ؟؟؟

كريمة: حلو هات الكنافة دى كدا وخد انت الشاى واقولك على حاجة كمان مامتك عملت الشاى وبعتتهولى وانا حطيت النعناع بس ها...سلاااام

يونس بدون تصديق وهو يضرب كف بكف: لا حول ولا قوه الا بالله ، مين دى ..

_________________&

بعد ساعة..

_يوووونس ايه رايك اعملك سحور مطاعم كدا عشان نشبع ومنجوعش بكرة ها

يونس بوعيد: يمين بالله لو دخلتى المطبخ تانى يا كريمة لتكونى متعلقة على باب الشقة

كريمة: حبيبيتسلم تصبح على خير انت بقى

"هز رأسه بيأس منها وقال: لو مكنتش بحبها كنت اتخلصت منها من زمان..

_____________________&

" ألِفتهُ الرُّوح رُغمَ تحذُّرِي "

_اغسل السجادة كويس يا يونس ها

"ألقى الفرشاة من يده بنفاذ صبر وقال بغلب: اللهم طولك يا روح بقى

_هتطول يا حبيبى طول ما انت بتغسل كويس كدا

يونس بوعيد: يابت اتهدى يابت انا مش عايز ازعلك اصلا

"وضعت يديها فى خصرها وقالت بردح: تزعلنى ايه يا عنيا ، طب قوم كدا ورينى هتعمل ايه قوووم يلا

"ضحك يونس بسخرية وقال: ياااربى فاكرة نفسها المرأة الحديدة قوى

_ولا متعطلنيش اغسل كويس يلا عشان هننزل نفطر عند امك

يونس بتشنج: امك؟

_هو هيعلقلى على اللهجة اهو

"نهض يونس بسرعة وامسكها من تلابيب ملابسها وحاصرها وقال: جرا ايه يابت ها انتى محدش قادر عليكى يا ام شبر ونص انتى

كريمة بألم مصطنع: اى اى بطنى هولد ، حرام عليك يا يونس بتعمل فيا كدا ليه يا ظالم

يونس: تولدى فى التانى اول مرة اسمع عنها دى يعنى

كريمة: طب خلاص خلاص سيبنى بقى

"تركها ووضع يديه أعلى صدره(ربع ايده) وقال بشموخ: سجاد مغسلش ، تحضير فطار ممحضرش ويلا ورينى جمال خطوتك بقى على المطبخ..

_____________$

_ قال ايه يابت يا فاطمة قالك سجاد مش غاسل وفطار مش محضر

فاطمة: ياختى متاخديش عليه هما كدا الرجالة عايزين الراحة بس مبيساعدوش خالص حتى محمد مش بيساعدنى

:بعد اذن ست رضوى الشربينى منك ليها السجادة دى نضفت كدا

"قالها يونس وهو يلقى عليهم الفرشاة بعصبية بعد أن خضع لهم ولخطتهم حتى يكمل لهم غسل السجاد بعد الفطار على أسطح المنزل"

"حاولن كتم ضحكاتهن عليه حتى لا يغضب أكثر ولكن كان لرايهن شىء آخر ، انفجروا ضاحكين عليه مما أدى لنهوضه بسرعة وهو يلقى عليهم المياه وضحكاتهم تملأ المكان،

صدح صوت اذان العشاء فى المكان فوقف يونس مكانه وقال: يلا بقى نصلى العشا والتراويح وبعدين نشوف السجاد دا بيقول ايه..

________________&

" ها نحن على أعتاب أن نودع رمضان ، بالامس كنا نقول مرحب بقدومه آملين أن يمن الله علينا بالجبر والسعادة فيه ، أما الآن فنقول وداعا رمضان ولنلتقى العام القادم باحسن حال"

_حبيبى يا ناس وهو قمر كدا بالجلبية السودا عقبال ما اكويلك الجلبية البيضة بتاعت العيد

ابتسم يونس عليها واحتضنها وقال: هتبطلى لماضة امتى ها

كريمة: مش هبطل عاجبك بقى ولا لا

يونس: عاجبنى ياختى ، يلا خلينا نلحق الصلاة

كريمة: ايه رايك استناك تحت بعد الصلاة نتمشى شوية بالله

يونس: حاضر بس مش كتير عشان متتعبيش تمام

كريمة بحب: تمام

_____________________&

"انتهوا من صلاة التراويح ، وكان يونس يقف مع بعض اصدقائه وجائه طفل ينادى عليه..

:عمو يونس عمو يونس

التقاه يونس وحمله وقال: نعم يا سى يوسف مالك

يوسف: ادينى حق الصوا.ريخ بتاعتى

يونس باستغراب: صور.ايخ ايه؟

يوسف: طنط كريمة اخدت منى الصو.اريخ وخلصتها وبتكمل مع باقى العيال

"اغمض عيونه بتعب وقال بغلب: تانى يا كريمة تانى ، تعالى يابنى خدنى عندها..

/يا كريمة اخلصى والله يونس لو عتر فينا ما هيسبنا

كريمة: ثانية بالله اخر واحدة اخر واحدة

فاطمة: كذا مرة تقولى اخر واحدة ومش مخلصة ، اخلصى بقى

كريمة: اهو هولع دى آخر وا...يونس

يونس: كملى يا حبيبتى كملى وقفتى ليه

كريمة بخوف: اوعى تفهمنى غلط ، بص هفهمك والله

يونس لفاطمة: انا مش عارف انتى محمد سايبك عندنا ليه

فاطمة: قاعدة عند امى بقى

يونس: طب يلا قدامى انتو الاتنين...يلااا

/ياختى ايه البنات دى ، يا يونس يابنى هى مراتك دى أهلها حرموها من اللعب وهى طفلة عشان تعمل اللى بتعملوا دا ، هى طفلة ولا ايه هههه

"قالتها سيدة إحدى جارات والدة يونس بسخرية ظنا منها أنها هكذا ستفتعل مشكلة بين يونس وكريمة

وقبل أن ترد عليها كريمة أو فاطمة قال يونس ردا على هذه المرأة: عندك حق ، هاتى الصو.اريخ دى يا كريمة كدا

حزنت كريمة من نبرته الجدية وأعطته الصو.اريخ بحزن ،

اخذها يونس منها بابتسامة خبيثة وقال للاطفال: ابعدوا يا حبايبى كدا شوية

"ابتعدوا الاطفال من أمامه وفاطمة وكريمة ينظرون إليه باستغراب ،

نظر يونس للسيدة وقال: هى دى الصو.اريخ إللى مش عجباكى، طب اهى "ألقاها يونس وعلى صوتها والأطفال يصرخون بمرح وضحك ، أما كريمة وفاطمة انصدموا من ردة فعله وسقفوا بحماس وفرحة

كريمة بفرحة: يا يونس يا جامد ابهرتنى

احتضنها وقبلها من رأسها وغمز للسيدة وقال بخبث: مراتى تعمل اللى هى عيزاه ، العبى يا حبيبتى براحتك وابقى نادينى العب معاكى تمام

فاطمة: كياد عليا النعمة كياد

كريمة بابتسامة: شكرا

يونس بهمس: استنى نروح شقتنا هلعب بالصو.اريخ دى فى وشك

ضحكت بهمس وقالت وهى تخبىء وجهها باحضانه: مقبولة يا روحى

يونس: يلا يا هانم منك ليها خلينا نمشى ، وانتى يا ست فاطمة اياكش جوزك يجى ياخدك بقى

فاطمة باستفزاز: جوزى مش جاى دلوقتى غير بعد العيد يعنى قعدالك ها

يونس: امشى يابت...وانتى يا ام العيال يلا ياختى نشوف السجاد دا

كريمة: فكرنى كدا احنا اتجوزنا ازاى

يونس بنبرته المعتادة: بالرهان يا حبيبة قلب بابا..هاتى حضن

"ألقت بنفسها فى أحضانه وقالت:

"أنت المحيط الذي أوردتهُ سُفني

أنت البلاد التي أسميتها وطني!"

_________________&

:والله يا يونس لو بوظت العجينة لانكد عليك

"قالتها كريمة ليونس وهو يعمل فى تشكيل عجينة الكحك ،

رد عليها حانقا : بت انتى انا كنت فى حالى اساسا بتنادينى ليه ها

كريمة: اللاه، مش تساعدنى فى كحك العيد يا يويو

يونس بحنق: يويو؟ يابت اتلمى

كريمة: يونس العيد بكرة يا حبيبى ولسة مخلصناش أنجز بقى

"نظر لها بتأفف وهو يقول بحنق: ياربى الصبر عليها يارب

كريمة بفرحة: يلا يلا عشان العيد يا يونس

"نظر لها بابتسامة محبة وهو يقول : الله الوكيل اللى مصبرنى عليكى انى دايب فيكى

"ضحكت بفرحة وهى تنظر له بعشق وقالت: الله الوكيل ما حد مدوبنى غيرك

/بعد اذن بسكوت نواعم الدايب دا خلينا نخلص بقى العيد بكرة

"قالتها فاطمة اخت يونس حيث كانو مجتمعين فى شقة والدته ويساعدونها فى عمل الكحك ، نظر لها يونس بتشنج وقال بنبرة سخرية: انا مش عارف انتى جوزك سايبك عندنا ليه يا فصيلة

_الله ما تسيبها يا يونس دى اختك وبيتها يا حبيبى

"احتضنت فاطمة والدتها بعد هذه الجملة وقالت مغيظة ليونس: اديله يا ماما الولا دا الغيران مننا

يونس بسخرية: غيران ومنك انتى ، ضحكتينى

كريمة: يونس حلو الشكل دا بص كدا

"نظر يونس لشكل الكحكة ثم لها وقال بغمزة: طب وهو فى حاجة تلمسها ايدك القمر دى ومتطلعش حلوة برضو

"خجلت منه ونظرت للأسفل بابتسامة وزاد خجلها حينما قالت والدته بحب: ربنا يديمكم لبعض يا حبيبى ويديم المحبة بينكم

آمن الجميع واكملوا عمل الكحك فى جو سعادة وفرح بقدوم العيد..

_____________________&

_اول عيد مع بعض انا وانت ويونس ودا حاجة حلوة اوى

"شدد من احتضانها لها وهم ينظرون للقمر فى شرفة غرفتهم وقال بحب: دا احلى عيد بالنسبالى والله عشان انتى معايا

:صحيح يا يونس هتدينى عيدية كم

"انتفض من تغيرها المفاجىء بعد انا خرجت من أحضانه وقال بصدمة: يخرب عقلك خضتينى

كريمة باصرار: هتدينى عيدية كم بقول

"وضع رأسها تحت ذراعه ودخل بها للداخل وهو يقول: تعالى أما اقولك هديكى كم تعالى

:طب سيبنى ونتفاهم طيب ، يا حج هفطس انا وابنك اللى مجاش دا ..

______________&

الله اكبر الله اكبر الله اكبر ، لا اله الا الله ، الله اكبر الله اكبر ولله الحمد..

_يابنتى اخلصى عشان نلحق الصلاة

: جيت اهو كنت بظبط الخمار...ها ايه رايك فيا بقى

"جحظت عيناه بصدمة مما رآه ، سحرته وكأنها اول مرة يراها..

كريمة: يونس انت مبلم ليه كدا

يونس بتيه: يونس ايه بقى انتى خليتى فيها يونس

كريمة: طب مقولتش رايك طاه

يونس بعشق:‏"شَقَّتْ لَهَا الشَّمسُ ثوبًا مِن مَحاسِنِها

فالوَجهُ لِلشَّمسِ والعَينانِ لِلرِّيمِ!"❤️

"صفرت كريمة بحماس وقالت بفرحة: الله عليك يا حظابط وعلى اشعارك عظمة اوى

يونس بضحك: طب تعالى ياختى يلا نلحق الصلاة ، واياكى ها اياكى اشوفك واقفة لوحدك ولا بتعملى مصيبة من مصايبك وسيبى العيال فى حالها خليها تفرح بالعيد ها

كريمة: عيب يا يونس انا عاقلة اوى فى العيد اكيد مش هعمل حاجة قدام الناس يعنى

يونس بشك: مش مطمن وربنا يستر

كريمة: شكرا يابنى على ثقتك الغالية

______________&

/يابنتى كفاية عياط بقى تعبتينى

فاطمة ببكاء: شايفة يا ماما كل واحدة مع جوزها وانا لا

/يا حبيبتى غصب عنه وبعدين مش كلمتك مامته وقالتلك تعالى وانتى مرضتيش

فاطمة: مقدرش اعيد فى مكان من غيره

: ولا انا اقسم بالله

فاطمة بخضة: محمد انت جيت بجد

احتضنها زوجها باشتياق وقبل رأسها وقال: جيت عشانك مقدرش اسيبك لوحدك فى العيد يا فطوم

/حمدالله على سلامتك يابنى

محمد: الله يسلمك يا امى ، اومال فين يونس وكريمة

فاطمة ووالدتها فى نفس واحد: يونس بيحاول يخلص الاطفال من كريمة...

:يا يونس سيبنى والله ما هعمله حاجة

_متقدريش اصلا تعمليلى حاجة

يونس بنفاذ صبر: يووووه على لم ابنك بقى

على بضحك: ياببنى هو انا قادر عليه

كريمة: طبعا ماهو انتو مش فاضيين تربوه

شروق زوجة على باستفزاز: معلش اصلنا بنجيب غيره

كريمة: شايف يا يونس شايف ام كرنبة بتقول ايه

يونس: يا حبيبتى سيبك منهم وتعالى هجبلك اللى عيزاه

_هتجبلى مسدس لعبة بغرز

:هجبلك مسدس لعبة بغرز

_وواحد بمية عشان اطرطش عليك وانت نايم

يونس برفعة حاجب: تطرطشى عليا ؟

:متدقش ، وهتجبلى عروسة حلوة برضو اخليها لبنتى

يونس: يابنتى انتى لسة فى التانى اقتنعى معرفتش نوعه ايه لسة

:قولت متدوقش بقى

يونس: اه هى هرمونات بقى صح ، وافتكرت تطلع العيد الصبح

: طب يلا نتصور صورة العيد عشان انزلها واتس واكتب العيد مع قرة عينى اخيرا

ضحك يونس بغلب وقال: الله الوكيل انتى ما هترتاحى الا لما تجبيلنا عين ترشق فينا كدا

كريمة: يووووه يلا بقى يا حب

يونس: طب بقولك ايه تعرفى أن النهاردة تلات اعياد فى بعض

كريمة باستغراب: دا ازاى دا

غمز يونس بعينيه وقال بابتسامة: اصل النهاردة عيد الفطر وعيد الجمعة وعيديتى انت يا جميل

كريمة بانبهار: كرييتف عليا النعمة كرييتف

يونس بغرور: عارف

كريمة: يونس فكرنى كدا احنا اتجوزنا ازاى

يونس بابتسامة: برهان

"فردت كلتا يديها وقالت بضحكة سلبت لبه: حبيب قلب ماما هات حضن

"احتضنها يونس وصوت ضحكاتهم يدوى فى المكان مع فرحة العيد والأطفال بهذا اليوم الجميل..

__________________&

"العيد يعنى أن ؛اراك ونلتقى♥️"

"كُل عام وأنتى عيدي وفي كُل عيد أنتى أجمل أعيادي..♥️