رواية قربك حياه وبعدك منفي — الفصل 26 — بقلم شيماء منير
رواية قربك حياه وبعدك منفي الفصل السادس والعشرون
اسيل وعمر بداء يحهزوا في الفيلا
عمر كان اوقات كتير مع المهندس وهو بيخلص
الالوان طلعت احلى بكتير مما كان هو متخيل
كان بيصور ل اسيل اول باول لانها كانت رافضه تروح الفيلا وحابه يو ما تدخلها تكون وهي عروسه
عمر كان في مكتبه بيخلص شغل مع فرح
عمر:تمام كدا يافرح
فرح:تمام اووي يابشمهندس
عمر:ماشي يابشمهندسه احنا اصلا بقينا شطار اووي في الشغل دا
فرح بابتسامه دي شهاده انا اعتز بيها وخصوصا لما انت تقولها
عمر:ماشي يابشمهندسه
فرح:طيب كويس انك لسه فاكر ان انا بشمهندسه وجبت مهندس تاني يعملك الفيلا
عمر بحرج نوعا ما انا بس عارف انك مشغوله في شغل والدك فمحبتش اضغطك
فرح :انا لو ومش فاضيه افضالك على فكره بس انا عارفه ان اسيل هي اكيد مش حابه دا
عمر:ليه بس كدا متقوليش كدا دي بتحبك جدا
فرح بابتسامه لا والله ما انا عارفه
عمر:انتي عارفه انا بقولها اخلي فرح تعمل ديكورات الفيلا قالتلي لما المهندسين على الكوكب يخلصوا ابقا الج لفرح
فرح وانفجرت في الضحك
عمر بمرح :بتعشقك يابنتي
فرح وهي بتضحك لا واضح....بس دا كله حب ليك بتغير عليك من حقها بصراحه انا لو مكانها هغير بس الفكره ان كنت عايزه اردلك جزء من جمايلك ياعمر انت ليك عليا انا وبابا وماما جمايل كتير اوووي كنت عايزه ارد جزء منها حتى
عمر:عيب عليك احنا واكلين عيش وملح مع بعض وانا بقدر دا كويس
ــــــــــــــــــ
تاني يوم اسيل وعمر اتفقوا هيزور مي وبلال
عمر عدى على اسيل واخدها وراحوا
وصلوا عند الشقه ورنوا الجرس
بلال فتح ليهم الباب
عمر وسلم على بلال:العريس عامل ايه؟
بلال وهو بيسلم عليه الحمدلله ياصاحبي اتفضلوا
بلال:عامله ايه يااسيل
اسيل:الحمدلله يابلال اخبارك
بلال:تمام
مي كمان خرجت وسلمت عليهم
وقعدوا شويه مع بعض
بعد كدا دخلت المطبخ وحضرت العشاء هي واسيل
وسهروا مع بعض شويه
بعد كدا عمر وصل اسيل البيت
ورجع على الفيلا
بعد يومين
نسرين ومروان ويارا
كانوا في شركة الشهاووي
اجتماع
كانوا قاعدين في غرفة الاجتماعات
دخل يحيى الاول
والقى السلام عليهم
شعر بسعاده لما شاف يارا
يارا اللي بتحاول تتجاهله وتردله اللي عمله معها
بعده بدقايق دخل عمر ومعه فرح
المشهد دا ضايق مروان وخصوصا ان كان شكلهم بيضحكوا وهما داخلين
الكل سلم على بعضه
عمر واكتف بابتسامه صفرا لمروان بس
ودا زود ضيق مروان منه
طول الاجتماع عيونه على فرح وبيبص لها هي وعمر بضيق وخصوصا لما حس انها بداءت تفهم في الشغل اكتر منه
فرح وكانت ملاحظه نظرات مروان بس بتتجاهل انها تبص ليه
عمر خلص كلام عن المشاريع وبدا يتكلم في الامور الماليه وخصوصا انهم مشترك بينهم هما التلاته
نسرين:بس كدا يا بشمهندس مش هنقدر ندخل في المشاريع الجديده
عمر:انتوا في الفتره الاخيره الايراد المالي بتاعكم كان ضعيف فوصلكم لكدا انا مقدرش اساعدكم اكتر من كدا
مروان بعصبيه يعني انت تلهف كل دا انت وكمال راشوان وطلعنا من المولد بلا حمص
الكل بصله بدهشه من اسلوبه
يحيى بغضب مروان احترم نفسك واختار كلامك انتوا اللي وصلتوا نفسكم لكدا واحنا عملنا اللي علينا معاكم
عمر ليحيى:اهدا انت كدا يايحيى
ثم وجه كلامه لمروان انت منتظر ايه يعني اللي انت قدمته للمشاريع خلال السنه اللي فاتت انا عملت اقصى ما عندي عشان شركتكم متسقطش من المشاريع
مروان:لا انت مابضيعش وقت تلعب على كل اتجاه شغل النصب دا انا مش هسكت عليه
نسرين بضيق مروان اخرس شويه
مروان وقام وقف بغضب انتي عايزاني اسكت يعني على اللي بيحصل دا
عمر بغضب كلامك دا هتتحاسب عليه بطل هلفطه بقا واتعامل بعمليه شويه
مروان:انت مفكرني هخاف منك والا ايه اعلى ما في خيلك اركبه ولا بهمنى
يحيى:انتي يابني بتقول اي كلام وخلاص خود راجع الايردات بنفسك وانت تشوف انت ليك ايه وملكش ايه
وعلى فكره اختك هي اللي باعته الورق دا وهي اللي كاتبه وعارفه دا كويس
يارا بضيق:مروان اسكت شويه متبوظش الدنيا اكتر من كدا
مروان:انتوا اصلا حرا..ميه و..
مروان مكملش كلامه وعمر كان هاجم عليه
عمر وضربه كذا كلامه في وشه من اللي حراميه .ياو.. ياواط.. يازبا.ل.
يحيى ادخل وبصعوبه بعد عمر عن مروان بعد ما لكمه كذا لكمه وعلمت في وشه
فرح كانت حاسه بدهشه وواقفه مكانها في صمت اول مره تحضر موقف زي دا
يارا كانت حاسه انها هتعيط
يحيى بعد عمر عنه واخده على المكتب
مروان مشي هو ونسرين ويارا ورجعوا على الفيلا
فرح كمان انسحبت وروحت
في الفيلا
نسرين بغضب انت اكيد اتجنننت ايه الزفت اللي قولته هناك دا
مروان بغضب اعمى:والله لاربيه واللي عمله دا مش هعديه كدا
نسرين:اتزفت واسكت انت بوظت كل حاجه
يارا:بصراحه انت كنت اووڤر وخليت شكلنا وحش قدام فرح ويحيى
نسرين:وانسا انه يوافق يدخلنا شغل تاني معه
اسيل ونزلت
اسيل:ايه واقفين كدا ليه؟
اسيل وكملت بخضه وهي بتبص لمروان مالك في ايه؟؟من اللي عمل فيك كدا
مروان بغضب الزفت بتاعك بس هربهولك
اسيل بعدم فهم:زفت مين قصدك مين؟؟؟
مروان:عمر بيه اللي سارح بفرح في كل حته دي تقريبا طول الوقت معه في الشركه
اسيل والكلام وجعها بس حاولت تبين العكس ايه المشكله بينهم شغل وانا عارفه انها بتكون معه اوقات كتير هو عمل فيك كدا يغني عشان فرح؟؟؟
نسرين:سيبك من الهبل اللي هو بيقوله دا عمر عمل فيه كدا عشان الاستاذ غلط فيه وفي شركته كمان
اسيل واكتفت بصمت وسحبت نفسها على فوق من غير كلام
يارا:حرام عليك ياشيخ ملقتش غير حوار فرح دا
مروان:دا انا بقا هصطاد له في الميه العكره بس اصبري عليا
يارا بضيق:اووف منك حرام عليك بقا
وطلعت على فوق
نسرين كمان سابته وطلعت على اوضتها
اسيل وقعدت على السرير بغيظ مش هتنكر ان كلام مروان ضايقها لانها عارفه ان فرح بتبقا كتير عند عمر
اسيل ومسكت موبيلها رنت عليه
في مكتب عمر
يحيى:كبر دماغك دا واد دماغه فاضي
عمر بغضب:نفسي اعرف مسبتنيش عليه ليه
يحيى:خلاص بقا دا زمان وشه ورم كله
عمر موبيله رن
عمر وبص على الموبيل وكانت اسيل
عمر وعمل الموبيل سيلنت
يحيى وحس انها اسيل بس متكلمش
عمر:انهي اي شغل مع الشركه دي متفتحش اي شغل جديد يا يحيى وانا هربيه بطريقتي
يحيى:تمام
ـــــــــــــــــــ
بعد يومين
الجرس رن في فيلا صلاح علام
الشغاله اتحركت بخطوات سريعه لان اللي كان بيرن الجرس تقريبا مشلش ايده
فتحت الباب
دخل منه يحيى الجمال وهو في قمة غضبه وبينادي على مروان
كل اللي في الفيلا نزل على الصوت بما فيهم اسيل
نسرين:في ايه يا يحيى؟؟
يحيى بغضب هو فين يامروان؟
نسرين:خرج من بدري في ايه؟؟
يحيى بغضب اكبر عايزه تعرفي يابشمهندسه البيه راح عمل تقرير طبي وقدم بلاغ في عمر
نسرين بصدمه يا نهار اسود يامروان
يحيى:وعمر دلوقت في مركز الشرطه
اسيل بصدمه ودموعها نازله انت بتقول ايه يا ابيه؟؟
يحيى:زي ما سمعتي يا اسيل عمر في مركز الشرطه
حصل صوت جامد
الكل بص ناحية الصوت وكان صلاح اللي وقع على الارض
يارا وجريت عليه بخووف بااابا
الكل جري وراها وكمان يحيى اللي قرب منه
صلاح مكانش قادر ياخد نفسه
يحيى وبداء يفك زارزير القميص لصلاح
وبسرعه خرج موبيله ورن على الاسعاف
اللي جاءت ونقلت صلاح للمستشفى
راحوا بيه على المستشفى
ودخل العنايه
يارا كانت قاعده بتعيط على باباها
واسيل كمان اللي شارد ودموعها نازله ومصدومه من الوضع اللي هي فيه
نسرين كانت ماسكه الموبيل وبترن على مروان اللي مش بيرد عليها
يحيى كمان واقف هو مقرر مش هيمشي غير لما ياخد مروان ويتنازل عن المحضر
خرج موبيله ورن على بلال
يحيى حكى لبلال باختصار الحوار وطلب منه يروح لعمر على ما يجيب مروان
ــــــــــــــــ
في مكتب وكيل النيابه
وكيل النيابه:معلش يا عمر انت عارف القانون
عمر:ولا يهمك يا مصطفى انت صح
مصطفى:هو مين مروان دا؟؟
عمر:مروان دا ولا حاجه عيل فاضي ولسانه طويل
مصطفى:دا عملك تقرير طبي محترم
عمر وابتسم بسخريه سمعني كدا في ايه
ــــــــــــــــــــــــــــ
في المستشفى
نسرين بغضب ايووه يازفت مابتردش من بدري ليه؟؟؟
مروان:عايزه ايه؟؟؟
نسرين:انت ايه اللي انت هببته دا
مروان:دي حاجه صغيره خلي بقا عمر بيه ينام جمب المساجين ويرتاح
نسرين:والله انت اتجننت تيجي تتنازل عن المحضر دا سامع عمر مش هيسكت على عاميلك دي
مروان:يعمل اللي يعمله
نسرين:ابوك لما عرف وقع مننا واحنا في المستشفى
مروان بتوتر:ليه ايه اللي حصل؟؟
نسرين:بعد ماعرف اللي انت عملته ولو فاق ولسه المشاكل دي شغاله هيروح فيها
مروان:انتي كنتي عايزاني اسكت له بعد ما ضربني في مكتبه
نسرين:لسانك الطويل وعقلك اللي موقفه عن التفكير دا هو السبب
اسمعني كويس انت تقول انت فين ويحيى هيعدي ياخد ومعاكم المحامي وتروح تتنازل عن المحضر
نسرين قفلت مع مروان بعد ما عرفت مكانه
اسيل ببكاء انا هاجي معاك يا ابيه
يحيى :مينفعش انا هنروح على القسم
اسيل ببكاء انا عايزه اروح لعمر
يحيى:مش هينفع بعدين ابقي كلميه
يحيى نزل وراح لمروان
ومروان اتنازل عن المحضر
وعمر رجع الفيلا
بعد مرور ثلاث ايام
مي:ممكن تبطلي عياط عشان خاطري
اسيل ببكاء برن عليه مش بيرد عليا يا مي
مي:طيب اهدي الموقف بردوه زفت يا اسيل
اسيل بدموع وانا ذنبي ايه يامي
مي:طيب ايه رائيك تروحي له المكتب
اسيل ومسحت دموعها طيب ممكن ميرضاش يقابلني
مي:معتقدش انتي مراته بردوه هو بس محتاج يتصالح
اسيل بتردد :الشركه دي لها ذكرى معايا مش حلوه
مي:لا يا اسيل المره دي غير المره اللي فاتت
اسيل:ماشي هشوف كدا
اسيل روحت من الجامعه واخدت شاور ولبست دريس من اللون الازرق وحجاب ابيض وشوز ابيض
واخدت العربيه مع السواق ووصلت عند شركة عمر
طلعت فوق
كانت نهى على مكتبها
اسيل:مساء الخير
نهى بابتسامه مساء النور اهلا يا انسه اسيل
اسيل بابتسامه كويس انك عارفني
نهى :طبعا حضرتك انا حضرت الخطوبه وفاكركي طبعا
اسيل بابتسامه عمر جووه
نهى:ايوه بس هو تقريبا ميعرفش انك حضرتك جايه
اسيل:فعلا يعني عاملها مفاجاءه ليه
نهى بابتسامه واسعه تمام بس هو حاليا في اجتماع شغل مع انسه فرح رشوان قدامه نص ساعه وهيخلص
اسيل وشها اتغير..