تحميل رواية «قمر الزمان في قصر الباشا» PDF

رواية قمر الزمان في قصر الباشا الفصل الاول

محمود اللي عنده 30 ومسافر اسكندريه وعايش في فيلا لوحده صحى من النوم على مكالمه ابوه الباشا وقال

صابر

ايه يا محمود انا عندي شغل في اسكندريه وهاجي احود عليك وبالمره اشوف مراتك اللي انت اتجوزتها من غير رايي واشوف انت فعلا عندك حق تحبها ولا لا

محمود رد عليه بتوتر وقال

محمود

طبعا يا بابا ان انت تيجي تنور اسكندريه كلها هتفرح النهارده ان الباشا صابر هيكون موجود

وبعديها محمود قفل السكه مع ابوه وحط ايده على راسه وقال

محمود

يا مصيبتي السودا يا بابا انت جاي فعلا انا كذبت كذبة كبيرة وقولت اني اتجوزت دلوقتي لازم الاقي عروسة تمثل الدور صح

في الوقت ده يا محمود نزل الشارع عشان يجيب شويه طلبات وهو ماشي خبط في قمر اللي واقفه بفرشه عيش في الشارع وقالت

قمر

انت اعمى يا جدع انت ولا شارب حاجة ما تفتح عينك وانت ماشي خبطتني ووقعت حاجتي

انا مش ناقصة قرف على الصبح ابعد عني

محمود

استني بس يا قمر الزمان انتي لقطة شكلك حلو ولسانك طويل وتنفعني في المصلحة تاخدي كام وتمثلي انك مراتي قدام ابويا

قمر

مراته مين يا شحط انت انت اتجننت انا بنت ناس ومحترمة ومبقبلش كلام فاضي غور من وشي قبل ما الم عليك الناس

محمود

اهدي بس دي سبوبة العمر يا شاطرة لبس واكل وفلوس كتير وهتبقى هانم القصر اسبوع واحد بس ونفركش الحوار ده كله

قمر

فلوس ولبس وهانم وقصر مرة واحدة كدا

طب والنبى كلامك دخل دماغي يا سي الاستاذ

انا موافقة بس الحساب يوم بيومه يا حلو اه اومال اى

محمود

اتفقنا يا ستي بس خفي لسانك ده شوية عايزين رقة ودلع عشان ابويا يصدق اللعبة يالا بينا نلحق نغير لبسك المبهدل ده وبالمناسبة اسمى محمود يا قمر الزمان انا عارفك من زمان وبشوفك وانتى دايما قاعده بفرشه العيش

قمر

حيلك حيلك لبس مبهدل في عينك يا بتاع الستات انت انا هبهرك واخليك تتمنى اتجوزك بجد والله

يالا وريني القصر واللبس اللي قولت عليه

وبعديها فعلا قمر راحت مع محمود على القصر ومحمود قال

محمود

ادخلي يا قمر ده بيتي المتواضع ثواني هنده الخدامين يا رقية يا عثمان تعالوا شوفوا الهانم

فى الوقت ده خرج رقيه وعثمان من المطبخ ورقيه قالت

رقية

يا ساتر يارب مين دي يا سي محمود دي شكلها لسة جاية من ماتش كورة فين الهانم الرقيقة اللي قولت لنا عليها

قمر

نعم يا اختي بتقولي حاجة في سرك انا الهانم وسيدتك كمان يا بتاعة انتي ظبطي حالك بدل ما ارفدك من اول يوم

محمود

اسكتي يا قمر مش كدا خالص يا حبيبتي رقية دي الدادة بتاعتي وعارفة كل حاجة هي اللي هتخليكي هانم بجد في ثواني

عثمان

يا فضحيتنا يا سي محمود دي هانم دي باين عليها رد سجون ومش مريحة ابوك الباشا لو شافها هيرجعنا البلد مشي

قمر

رد سجون في عينك يا راجل يا عجوز انا ستك وتاج راسك وكلمتي هي اللي تمشي روح هات لي عصير فريش وبطل رغي

محمود

خلاص يا جماعة الباشا زمانه على وصول

يا رقية خديها ولبسيها الغالي وانت يا عثمان جهز السفرة والحلويات بسرعة

رقية

تعالي ورايا لما نشوف اخرتها هحاول اخليكي بني ادمة في نص ساعة بس يا خوفي من ابو محمود لما يوصل

قمر

انا قمر وهفضل قمر في اي حتة وريني الفساتين والالماظ اللي عندكم يا دادة الليلة دي هتبقى اجمل ليله فى حياتى

وفعلا قمر راحت مع رقيه ومحمود طلب لها اغلى الفساتين وكل حاجه وقمر بعد ما جهزت نفسها فعلا بقت قمر هانم

وبعد شويه الباب خبط وكان صابر باشا

وكان محمود قاعد مستنى فى صاله الفيلا وقال

محمود

يا ساتر يا رب الجرس رن يا عالم ابويا وصل يا عثمان افتح الباب بسرعة انا رجلي بتخبط في بعض من الرعب يارب ما اتكشف قدام ابويا

عثمان فتح الباب ورحب بصابر ورجع بسرعه لمحمود وقال بصوت واطي

عثمان

فتحت يا بيه والباشا شكله مش طايق نفسه

يا وقعة طين على دماغنا كلنا النهاردة

فى الوقت ده دخل صابر وقال

صابر

فينك يا واد يا محمود يا خايب جيت اشوف الهانم اللي سرقت عقلك واتجوزتها وريني وشها قبل ما اهد البيت فوق دماغك

محمود

منور يا بابا يا حبيبي يا بركة العيلة ثانية واحدة والهانم هتكون قدام سعادتك دلوقتي

هي بس بتظبط لبساها عشان تقابلك

فى الوقت ده نزلت قمر من على سلم الفيلا وكانت زى القمر ومحمود انبهر بيها وقالت

قمر

مساء الجمال على عيونك يا حمايا العزيز

نورت القصر والمدينة كلها بطلتك البهية دي

انا قمر مرات ابنك وحبيبة قلبك من هنا ورايح

صابر بص لها وابتسم وقال

صابر

بسم الله ما شاء الله ايه الحلاوة دي بس صوتك ماله عالي كدا زي سواقين القطر انتي متاكده انك بنت بشوات يا بنتي

قمر

ده من الفرحة يا باشا مش اكتر اصل محمود حكالي عنك كتير وعن هيبتك اتفضل ارتاح ثواني هعمل لك الشاي واشربه من ايدي

صابر

ماشي يا ست قمر لما نشوف اخرتها معاكم

بس قولي لي يا بنتي اهلك فين ومجوش ليه

انا عايز اعرف نسبنا واصلنا وفصلنا

محمود

اهلها مسافرين باريس يا بابا قمر اهلها اغنيا قوي طبعا امال ايه هو انا هناسب اي حد يا بابا ولا ايه

قمر

باريس ايه يا محمود انت هتصغرني قدام الباشا

اهلي في رحلة استكشافية في الادغال يا حمايا

عشان كدا انا عايشة هنا لوحدي مع جوزي حبيبي

وبعديها محمود اتوتر ومسك ايد قمر وخرج للجنينه وقال بعصبيه

محمود

يا لهوي يا قمر انتي بوظتي الدنيا خالص ادغال ايه انت عايزه تجننيني

قمر

جرى ايه يا سي محمود ما تلم دورك شوية

انا بحاول ابهر الباشا وبعدين سيبك انت ده ابوك طلع احلى منك

محمود

ابهرتيه لدرجة انه هيطلب لنا البوليس

انتي لازم تركزي وتفتكري ان اهلك في باريس

قمر

باريس باريس انا مالى ومال بلاد الفرنجة

خليني في الادغال احسن لايقة على وشي

محمود

اسكتي خالص الباشا طالع ورانا حاولي تبقي رقيقة ومنعمة صوتك ده بس سيبك انت ايه الجمال ده كله

قمر

عينيا ليك يا حبيب الروح والقلب انا هبقى انعم من الحرير بس الحساب يزيد واسكت بقى عشان ابوك قرب علينا خلاص

وفعلا صابر قرب عليهم وقال

صابر

بتوشوشوا بعض بتقولوا ايه يا عصافير الكناريا

انا حاسس ان انتم بتحبوا بعض قوي باين على عيونكم

محمود

طبعا يا بابا ده انا ما ليش غير قمر حبيبتي

وهي مكسوفة منك شويه

قمر

محمود عنده حق يا حمايا يا سكر

انا مكسوفة اوى من طلتك اللي زي الاسد دى

صابر

اسد مرة واحدة ههههههه وريني كدا الجناح اللي محمود جهزهولى

قمر

اتفضل يا باشا ده بيتك ومطرحك يا غالي انت متعرفش انا فرحانه بوجودك ازاي اه طبعا امال ايه

وبعديها قمر طلعت صابر لحد الاوضه بتاعته

وبعديها نزلت على المطبخ واول ما شافت رقيه واقفه مع عثمان عمالين يتكلموا قربت منها وقالت

قمر

لا بقول لك ايه انا ما بحبش الرغي اعملي بلقمتك يا اختي انت بتاخدي مرتب على قلبك قد كده اعملي الغداء وعايزاه يكون محشي

رقيه

يا ندمتي محشي ايه اللي بتتكلمي عليه يا قمر لا لا يا حبيبتي محمود باشا وصابر باشا ما لهمش في الكلام ده هم بياكلوا حاجات خفيفه كده

قمر

اسمي قمر هانم يا حبيبتي وثاني حاجه انا هنا ست البيت واقول اللي انا عايزاه تعملي محشي وانت ساكته سامحه ولا لا

رقيه

خلاص يا ستي سامعه محشي محشي وماله هو انا اللي هاكل يعني

وفعلا بعديها بساعتين كان رقيه وعثمان عاملين المحشي وحاطينه على السفره وكانت قمر وصابر ومحمود قاعدين بياكلوا صابر قال

صابر

يا بنتي براحه على صوابع المحشي انتي بتاكليها اكنك في سباق هي هتطير من قدامك يا قمر

قمر

تطير فين يا حمايا ده انا حابساها في بوقي جوه وبعدين الاكل ده ملوش امان لازم يتاكل وهو سخن مولع كدا

محمود

شايف يا بابا الرقة والاتيكيت قمر بتحب تستطعم الاكل عشان كده حبيتها

صابر

هي فين الرقه دي يا واد يا خايب ده انا خايف تاكل صوابعها وراهم قولي لي يا قمر هو ده برستيج باريس

قمر

باريس ايه يا حمايا هو في باريس عندهم محشي كرنب باللية ده هناك بياكلوا جبنة مثلثات بعود خضرة ويقولوا شبعنا عشان كده دايما تلاقيهم عود فرنساوي

صابر

والله عندك حق يا بت يا قمر انا بدات احبك شكلك كدا هتفتحي نفسي على الاكل اللي محمود قارفني فيه بالشوكة والسكينة

قمر

سيبك منه يا باشا ده محمود فرفور وبياكل الزتونة على تلت مرات خليك معايا انا هخليك تخلص السرفيس ده وتطلب كماله كمان ههههههه

محمود

شايف يا بابا خفة دمها انا اصلا اتجوزتها عشان هي اللي بتضحكني وبتنسيني هموم الشغل كله

صابر

بتضحكك بس ده هي هترجعني عيل صغير من كتر القفشات اللي بتحدفها دي كلي يا قمر كلي يا بنتي مطرح ما يسري يمري

قمر

تسلم يا حمايا يا عسل ده انت اللي فتحت نفسي بكلامك اللي زي الشربات ده

اما عند نهله اخت محمود كانت واقفه في شقتها قدام جوزها وبتتخانق معاه وبتقول

نهله

انت فاكرنى زى الستات اللى عرفتهم يا واد يا منير انا نهلة صابر باشا يعنى الهانم اللى الكل بيحلف بادبها واصلها

منير

يا نهلة اهدى بس وافهمى الموضوع مكنش خيانة دى كانت زميلة شغل وبنهزر هو انتى مفيش في لسانك غير انا بنت باشا

نهلة

السرير ده ميتنامش عليه تانى والبيت ده مش معتباه تانى يا خاين انا كرامتى اهم من حياتى ومن بكرة ورقتى توصلى انا رايحه عند بابا وخلص الكلام

منير

ورقة ايه يا بنت الناس انتى عايزة تخربى البيت عشان مكالمة تليفون ملهاش لازمة اعقلى كدا وبلاش جنان

نهلة

الجنان هو اللى انا عملته لما وافقت اتجوز واحد زيك ميعرفش قيمة الهوانم انا دلوقتى هكلم بابا الباشا يلمنى من هنا

نهلة مسكت التليفون وطلبت ابوها صابر باشا وهى بتعيط بحرقة وقالت

نهلة

الحقنى يا بابا يا حبيبى بنتك الهانم بتتهان في بيتها وجوزى اللى اخترته طلع مبيصونش الامانة وعايزة ارجع القصر حالا

صابر

ايه يا نهلة بتقولى ايه يا بنتى مين ده اللى يقدر يهين بنت صابر باشا اهدى بس وفهمينى

نهلة

تعالى خدنى يا بابا انا مش هقعد ثانية واحدة مع الخاين ده انا مكانى وسط العز مش وسط الغدر والقرف ده

منير قرب من التليفون وقال

منير

يا حمايا استنى بس يا باشا متسمعش كلامها دى بتكبر الموضوع ونهلة على راسى من فوق والله

نهلة

وفر كلامك ده للى كنت بتكلمها يا منير انا خلاص شطبت اسمك من حياتى

صابر

يا نهلة يا بنتي امسحي دموعك دي وبلاش نكد انا بعت ليكي السواق دلوقتي حالا هياخدك وتيجي على اسكندرية عند اخوكي محمود

نهلة

حاضر يا بابا انا جاية لك وعارفة انك مش هتسيب حقي بس محمود ده مراته مين وعاملة ازاي انا ما اعرفهاش وفعلا كويسه يا بابا وانت ايه اللي وداك عنده اصلا

صابر

دي قمر يا نهلة واسم على مسمى وهتنسيكي همك كله بخفة دمها يالا يا بنتي حضري نفسك وتعالي وبعدين انا جيت عشان اشوف ذوق اخوك اللي اتجوز من ورانا

وفعلا السواق راح وخد نهلة وصلت الفيلا في اسكندرية ودخلت وهي شايلة شنط كتير وماشية برقه وقابلتها قمر وهي لابسة فستان جميل وقالت

قمر

يا ساتر يارب مين اللي داخلة علينا بشنط التموين دي كلها هي الدنيا قامت فيها مجاعة ولا ايه يا سي محمود

قربت نهله وقالت

نهله

انتي مين يا بيئة انتي وازاي تتكلمي معايا كدة انا نهلة صابر باشا وانتي اكيد الشغالة الجديدة

قمر

شغالة في عينك يا ام شعر منكوش انتي انا قمر هانم ست الكل وتاج راسك وبعدين ايه الشنط دي كلها انتي جاية تقعدي ولا جاية تفتحي محل شنط في الصالة

محمود

اهدي يا قمر دي نهلة اختي والبيت بيتها يا حبيبتي وهي زعلانة شوية وعايزين نروق عليها

قمر

زعلانة ايه يا حودة دي شكلها واكلة علقة موت وجاية تستخبى هنا قولي لي يا نونة هو جوزك طردك بالشبشب ولا كنتي بتهربي من المواعين ههههه

نهلة

انتي قليلة الادب فعلا ومحمود ذوقه بقى بلدي قوي انا مش عارفة بابا عاجبه فيكي ايه

قمر

مالك يا روح طنط وبعدين اهدي على نفسك ليفط ليكي عرق ولا حاجة وتخسري نفسك وتروحي مننا قولي ان شاء الله

في الوقت ده صابر كان نازل من على سلم الفيلا عشان يطمن على بنته نهله جريت عليه وقالت

نهلة

بابا انا مش طايقة الست دي ابعدها عني احسن ارتكب فيها جناية دلوقتي

قمر

جناية مرة واحدة يا مامي انا خفت قوي يا ناس الحقوني السنيورة عايزة تعورني بالمانيكير بتاعها ده روحي يا شاطرة اغسلي وشك من كتر العياط ده وبلاش قرف

وبعديها صابر ومحمود راضو قمر ونهله وتصالحوا فعلا ونهله طلعت على اوضتها وكمان صابر وعدى اليوم على خير

ومحمود وقمر دخلوا اوضتهم ومحمود قال

محمود

اخيرا اليوم الطويل ده خلص يا قمر والباشا نام ونهله نامت يالا بقى عشان ارمي جتتى على السرير ده انا مقتول من التعب

قمر

حيلك حيلك يا عين امك انت رايح فين بالبيجامة المنقطة دي هو انا مقولتلكش ان الاوضة دي للسيدات وبس

محمود

سيدات ايه يا مجنونة انتي نسينا التمثيلية ولا ايه ده انا صاحب البيت والاوضة والسرير ده بتوعى

قمر

صاحب البيت في الصالة بره انما هنا انا الهانم اطلع بره يا حودة بدل ما اصوت والم عليك الباشا واقوله كل الحقيقه انا مجنونه واعملها

محمود

يا ام لسان طويل ده انا جوزك قدام الناس وبعدين الدنيا ساقعة برا هنام فين انا دلوقتى

قمر

عندك البلكونة واسعة وزي الفل خد لك الغطا ده ونام في الهوا الطلق عشان تفتكر ان بنت الناس مش لعبة في ايدك يا عبيط انت

محمود

يا قمر وحياة ابوكي افتحي الباب البلكونة تلج وانا لابس خفيف كدة هفطس منك ومش هتلاقي حد يديكي بقية الحساب

قمر

نام وانت ساكت يا حودة وبلاش رغي كتير عشان الجيران ميقولوش ان الهانم طردت الباشا في المنور تصبح على خير يا بيبي

وفعلا محمود دخل البلكونه وقمر قفل الباب البلكونه ونامت في الاوضه لوحدها

وتانى يوم قمر صحيت من النوم ودخلت عند نهله ولقتها واقفه قدام المرايا وقالت بضحك

قمر

ايه يا نونة يا حبيبتي مالك واقفه بتبصي لنفسك في المراية اكنك شايفة عفريت الصبح اهدي على نفسك شوية الجمال رزق وانتي وشك باين عليه الفقر والنكد

نهلة

انتي بتكلميني انا كدة يا بيئة يا بتاعة الشوارع انتي انا نهلة صابر باشا يعني الشياكة والاناقة كلها وانتي اخرك تلبسي فستان مستعمل وتعملي فيها هانم

قمر

بتاعة شوارع في عينك يا سنيورة ده انا قمر الزمان يعني ست الحسن والجمال كله وانتي ايدك الناشفة دي باين عليها بتمسك الاخضر بيبقى يابس من كتر فقرك

نهلة

انا ايدي ناشفة يا منعدمة الذوق ده انا عاملة هاند كير في اكبر سنتر وانتي شكل كعوب رجلك مشققة من كتر المشي في الحواري

قمر

عاملاه فين يا عينيا انت تلاقيكي عاملاه في السبتية يا روح طنط ولا فين بالظبط وبعدين الحواري دي اللي بتطلع الستات الجدعة اللي بياكلوا الجو من امثالك يا عصاية مقشة انتي

نهلة

والله هقول ل محمود ما هعد ليلة في البيت ده وانتى موجودة ده لسانك عايز قصه بالمقص عشان تعرفي بتكلمى مين

قمر

قصه في عينك يا اختي وبدل ما انتي نازلة نفخ كدة روحي اعدلي شعرك المنكوش ده عشان شكلك بقى شبه العفريته االحيزبونه هههههههه

نهلة

عفريته في عينك يا قليلة الادب انا اللي الكل بيحلف برقتي تقولي عليا كدة انا هخلي بابا يطردك من البيت

قمر

يطرد مين يا ام كيرلي انتي ده الباشا بيحبني اكتر منك ومن محمود كمان عشان انا اللي بضحكه وانتي نازلة ندب ونكد زي بومة الفجر

اما عند محمود صحى وكانوا قاعدين على السفره وهو وشه تعبان وعمال يعطس وجسمه كله بيترعش وقمر قاعدة بتفطر وميتة من الضحك

قمر

يا ارض احفظي ما عليكي ايه يا حودة انت قلبت فرخة مبلولة كدة ليه من اول ليلة ده انت طلعت فرفور قوي

محمود

اتشى اتشى ابعدي عني يا فقرية انا جالي دور برد يهد جبال كله بسبب قلبك الحجر ده انا مش قادر اتنفس

قمر

سلامتك يا بيبي الف سلامة ده انا حتى كنت هعملك كوباية ينسون بس خساره فيك عشان لسانك الطويل ده

وفي الوقت ده صابر خرج من اوضته وقعد جنبهم على السفره وقال

صابر

ايه يا محمود يا ابني مالك وشك عامل كدة ليه انت كنت نايم فين امبارح يا واد انت

قمر

اصل محمود يا حمايا من كتر حبه فيا كان واقف طول الليل في البلكونة بيعد النجوم وبيكتب فيا قصائد شعر لحد ما جاله برد

صابر

والله يا محمود يا ابني قمر دى مخلياك رومانسي بزيادة بس الرومانسية دي هتوديك المستشفى لو فضلت كدة

قمر

متقلقش يا باشا انا هعمله شوية شوربة خضار تخليه يجري زي الحصان بس بشرط ينام النهاردة في الجنينة عشان يكمل قصيده

وبعد الفطار قعدوا في الجنينه وقمر عملت لمحمود كوبايه ليمون وقالت

قمر

خد يا حودة اشرب كوباية الليمون الدافية دي يمكن صدرك يفك وتعرف تنطق بدل ما انت عامل زى الديك المبحوح كدة

محمود

هاتى يا قمر تسلم ايدك والله انا مش عارف من غيرك كنت هعمل ايه النهاردة قدام ابويا واختى انتى انقذتينى بجد

قمر

يا واد ده انا قمر الزمان يعنى مفيش مصلحة تقف قدامى بس قولي يا حودة هو انت بجد كنت بتعد النجوم في البلكونة ولا كنت بتدعي عليا هههههههه

محمود

كنت ببص لشبابيك القصر وبقول يا ريت اللى جوه القصر تكون حاسة بيا وبجد يا قمر انتى فيكى حاجة حلوة خلت القصر له روح

قمر

جرى ايه يا سي محمود بدات تسبل عينك كدة ليه لا اجمد كدة احنا لسه مخلصناش السبوبة وبعدين انا لسانى طويل بلاش تخليه يطول عليك

محمود

مين قال كدة ده لسانك ده هو اللى خلانى اضحك من قلبى لاول مرة انتى جدعة اوى يا قمر واللى زيك يتشال على الراس

قمر اتكسفت ووشها احمر وحاولت تدارى وقامت وقفت بسرعة وهى بتضحك

قمر

لا ده انت السخونية لسعت دماغك خالص روح ارتاح يا اخويا وبلاش نغمة الحب دي عشان الحساب ميزيدش عليك وشكلك كده هتفلس

اما صابر كان قاعد في الجنينة ونهلة جنبه عمالة تنفخ وهم قاعدين بعيد عن محمود وقمر

ومحمود وقمر نازلين يضحكوا مع بعض وصابر باصص ليهم ومبتسم اوى

نهلة

يا بابا انت مصدق التمثيلة دي البت دي بيئة اوى ومحمود مغير طريقة كلامه عشانها انا حاسة ان في حاجة غلط

صابر

اسكتي يا نهلة انا اول مرة اشوف اخوكي بيضحك كدة من قلبه وبعدين قمر دى سرها باتع وخلت البيت فيه روح وحيوية ده اخوك من يومه وهو كئيب اول مره اشوفه فرفوش كده

وفجاة الجرس رن ودخل واحد لابس بدلة شيك اوى وماسك في ايده شنطة سوداء وصرخ بصوت عالى وقال

فريد

يا صابر باشا انا تعبت لحد ما وصلت لك روحت بيتك قالوا لي ان انت هنا عند محمود بيه جيت اسكندريه عشان اعرفك المصيبه اللي احنا فيها الحقنى المصيبة حصلت والسر اللى مخبينه السنين دي كلها انكشف والشرطة بتدور علينا

محمود وقمر وصابر وقفوا كلهم مصدومين والراجل بص لقمر وتنح اوى وقال بصدمه

فريد

انتى بتعملى ايه هنا يا ست هانم انتى ازاى هربتى من القصر القديم وجيتى هنا والباشا يعرف انك لسه عايشة

قمر وشها بقى ابيض زى الورقة ومسكت في ايد محمود وهى بتترعش وصابر باشا قام وقف وقال

صابر

انت بتقول ايه يا متر قمر مين اللى عايشة انت قصدك ان قمر دى هى نفسها البنت اللى بندور عليها من عشرين سنة

محمود بص لقمر بصدمه وقال

محمود

قمر انتى مين بالظبط وفين اهلك اللى بتقولى عليهم في الادغال انتى مين يا قمر ردى عليا انت فعلا تعرفينا

قمر وقعت من طولها واغمى عليها في حضن محمود والكل اتلم حواليها والراجل طلع صورة قديمة من الشنطة وبان فيها سر القديم

رواية قمر الزمان في قصر الباشا الفصل الثاني

قمر وقعت من طولها واغمى عليها في حضن محمود والكل اتلم حواليها والراجل طلع صورة قديمة من الشنطة وبان فيها سر القديم

لكن في الوقت ده محمود قعد على الكرسي وقعد قمر جنبه وفضل يفوق فيها لكن ما فاقتش خدها وكلهم طلعوا وراه وطلع على الاوضه ونيمها على السرير

وكلهم كانوا حواليها على السرير وفريد طلع الصوره ووريها لمحمود وكان صابر واقف جنبه ونهله وفريد قال

فريد

اتفضل يا محمود باشا عشان ما تقولش عليا ان انا كداب اهي هي دي الصوره بصي البنت نفس الملامح البنت دي بندور عليها بقى لنا سنين طويله دي مليونيره دي ورشه 500 مليون جنيه من ابوها اسماعيل الباشا الله يرحمه

في الوقت ده قمر فاقت وقالت لفريد

قمر

مين يا اخويا بتقول ايه هم ال 500 مليون جنيه دول ممكن يتعدوا هو ده طلع رقم اصلا ولا ايه ده انا بحسبه بيكون في لعبه بنك الحظ وبس

محمود قرب منها باستغراب وقال بصوت واطي

محمود

انت هتستعبطي يا بنت انت ولا ايه هي مين دي اللي مليونيره بقول لك ايه انت بياعه عيش اوعي تنسي نفسك ولا انت مخبيه سر ولا ما اعرفوش

قمر بصوت واطي

وانا مالي يا لمبي قصدي هو انا مالي يا باشا المحامي بتاعكم قال ان انا مليونيره هو انا ينفع اكذب المحامي عايز توديني في كلبوش بدل المحامي قال ان انا مليونيره يبقى انا مليونيره ما فيش كلام

في الوقت ده صابر قرب منها ومسك ايديها وطبطب عليها وقال بحنيه

صابر

حمد لله على السلامه يا غاليه يا بنت الغالي معقوله يا بنتي بدور عليك كنت طول السنين دي وفي الاخر انت تكوني مرات ابني اى الصدفه الجميله والسعيده دي

قمر

شفت بقى يا باشا عشان تعرف بس ان ابنك مش متجوز اي حد

صابر بزعل

بس انا ما بحبش الكذب يا بنتي انت عرفتيني ان اهلك في باريس وانت اهلك كلهم الله يرحمهم ليه بس الكذب يا حبيبتي

قمر مثلت ان هي بتعيط وقالت

قمر

اعمل ايه بس يا باشا ما انا لازم اعرفكم ان انا ليا اهل وسند امال مثلا تاكلوني واجي لما تطلق تقولي لي ولا في قايمه ولا في مؤخر ويلا اطلعي بره

صابر بضحك

ههههه لا يا بنتي احنا ما عندناش الكلام ده اهم حاجه ان انت تكوني طيبه وانت ومحمود تعيشوا اجمل ايام حياتكم انا مش عايز غير كده

وبعديها نهله كانت غيرانه جدا من قمر وقربت من صابر وقالت

نهله

يا بابا سيبك بقى من الكلام ده ولا قمر ولا شمس انا عايزه اعرف انت البوليس بيدور عليك ليه يا حبيبي هو انت عامل ايه

صابر

اه والله فكرتيني يا نهله ده انا كنت ناسي خالص ان احنا عاملين مشكله يا ريتني سمعت كلامك يا فريد ودفعت كل الضرايب اللي عليا

فريد

ما قلت لك يا باشا لازم ندفع كل الضرايب اللي علينا ما ينفعش حد يهزر في الكلام ده على العموم لازم تنزل بنفسك القاهره دلوقتي وتدفع كل الضرايب علشان المشكله ما تكبرش عن كده

نهله

طب الحمد لله ده انا بحسب الموضوع كبير لا يا بابا ادفع الضرائب اللي عليك ويلا بينا بقى نمشي هنا عشان الفيلا بقت دمها تقيل قوي

قمر بصيت لها بعصبيه وقالت

قمر

والله يا حبيبتي الفيلا دمها ما كانش ثقيل غير لما دخلتي علينا انت وشنط التموين بتاعتك

نهله

بقول لك ايه يا بنت انت انا ما كلمتكيش ولو مفكره نفسك ان انت هانم عليا تبقي غلطانه واوعي تعملي راسك براسي

قمر قامت من على السرير وقربت منها وقالت

قمر

لا يا عينيا ده انا هعمل راسي براسك وقوي كمان ده دلوقتي بقيت هانم بنت باشا وقمر الزمان لما بتكون هانم الدنيا كلها بتبقى تحت رجليها

محمود وقف جنب قمر وطبطب على شعرها وقال

محمود

قمر يا حبيبتي اهدي بقى شويه مش عايزين مشاكل الله يخليك وانت يا نهله ده بيتك وبيت اخوك يا حبيبتي تنوري فيه في اي وقت

صابر

بس خلاص خلاص مش عايز كلام كثير الكل يحضر الشنط بتاعته عشان كلنا نازلين القاهره بكره وانت يا محمود قفل كل الشركات اللي هنا بتاعتك دلوقتي عشان لازم تكون موجود معايا ومع مراتك لما تستلم ورثها ويا ريت تحضر قسيمه الجواز عشان لازم تستلم الورث بتاعها بقسيمه الجواز

محمود وقمر بصوا لبعض بتوتر وقمر قالت

قمر

اه طبعا امال ايه ان شاء الله كل حاجه هتبقى تمام

محمود

ايوه اكيد وان شاء الله يا بابا احنا هنحضر الشنط وبكره الصبح كلنا نروح على القاهره تصبحوا على خير

وبعديها نهله وصابر وفريد خرجوا بره الاوضه وصابر خلى رقيه تحضر اوضه لفريد عشان ينام فيها وثاني يوم يمشي معاهم

اما نهله دخلت اوضتها وكانت متعصبه جدا وقالت في نفسها

نهله

لا لا الموضوع ده في حاجه غلط البنت دي مش طبيعيه ومخبيه سر خطير وانا متاكده من كده وهفضل وراكي يا قمر الزمان لحد ما اعرف انت مخبيه ايه

اما عند قمر ومحمود كانوا قاعدين على الكنبه وقمر متوتره وقالت

قمر

مش بقول لك منحوسه من يومي قل لي بقى هنجيب قسيمه الجواز منين دلوقتي يا محمود

محمود

كده الكذبه ممكن تتكشف وانا مش عايزها تتكشف خلاص ما فيش غير حل واحد ان انا فعلا اكتب كتابي عليك واكيد بابا مش هياخد باله من التاريخ ان شاء الله

قمر بصدمه

نعم يا اخويا لا بقول لك ايه اوعى يكون الكلام ده كله على اتفاق انت وابوك وبتعملوا علي حوار عشان تتجوزني بجد

محمود قرب منها ومسك ايديها بعصبيه وقال

محمود

انت يا بنت عبيطه ولا هبله انت معقوله مش عاوزه تتجوزيني انا ده انا محمود باشا اللي اي بنت تتمناني

قمر زقه ايديه وبصيت له بتحدي وقالت

قمر

اديك قلت يا محمود اي بنت تتمناك اما انا مش اي بنت انا قمر الزمان مش اي حد يدخل دماغي وانت اصلا مش داخل دماغي ببصله

محمود

لا بقول لك ايه انت شكلك كده هتنامي النهارده في البلكونه لان انا مش هنام في البلكونه تاني ولسانك الطويل ده انا هقصه لك مش معنى ان انت طلعتي غنيه وبنت باشا هتشوفي نفسك عليا

قمر

لا يا عينيا انا غنيه النفس من يومي والفلوس دي عمرها ما تهز مني شعره انا اهم حاجه عندي ان انا اكون مبسوطه وفرحانه والفلوس عمرها ما بتجيب راحه البال

محمود قرب منها وبص في عيونها وقال

محمود

يعني انت عاوزه تثبتي لي ان انت مش فرحانه ان انت ورثتي 500 مليون جنيه

قمر

ان شاء الله اعدمك يا اخويا لو كنت فرحانه عادي جدا ايه يعني الفلوس بتروح وتيجي وانا مش فارق معايا اي حاجه انا اهم حاجه عندي ان انا اكون فرحانه وسعيده

محمود

بس برده عايز اعرف ايه الصدفه الغريبه دي انا حاسس ان في حاجه غلط معقوله انت قمر الزمان اللي بابا بيدور عليها من زمان

قمر

ما قلنا مره ايوه وانت هتفضل توجع دماغنا كتير ولا ايه المحامي قال انا قمر الزمان يبقى خلص الكلام وبقول لك ايه ما تبقاش غبي زي اختك بقى انا مش عارفه جوزها يا اخويا كان مستحملها ازاي

في الوقت ده محمود مسك ايد قمر وخرجها للبلكونه وقفل البلكونه وقال لها باي باي بايديه

اما قمر جوه البلكونه قالت في نفسها

قمر

اه يا مجنون وانا اللي كنت فاكراك داخل توريني القمر وتقول لي انت اهو في السما طلعت عبيط وعايز تخليني انام في البلكونه ماشي يا محمود بس انت مش قدي يا عينيا

وفي الوقت ده قمر خبطت على البلكونه وعملت نفسها بطنها وجعاها وفضلت تصرخ

محمود جري عليها بسرعه وفتح البلكونه واول ما شافته دخلت بسرعه وخرجته هو وقفت البلكونه وقالت

قمر

بلاش تلعب مع قمر الزمان يا باشا تصبح على خير

وبعديها قفلت قزاز البلكونه وفعلا نامت وكانت عماله تحلم معقوله هتبتدي حياه المليونيره من بكره وهتعيش هانم بنت باشا طول عمرها بعد ايام الفقر اللي هي عاشتها

وثاني يوم الكل كان صاحي بدري ومحضر الشنط واكون واقفين قدام الفيلا بيركبوا العربيات

وفريد وصابر ونهله ركبوا عربيه صابر ومشيوا

اما محمود وقمر ركبوا العربيه ومشي وراهم علشان يسافروا للقاهره عند فيله صابر

لكن وهم ماشيين لطريق محمود عكس طريقه وراح عند المحامي علشان يكتب كتابه هو وقمر الزمان وفعلا كلم صحابه عشان يجوا يشهدوا وكتبوا الكتاب وفعلا استنوا الماذون لحد ما جاب لهم القسيمه ومشيوا على طول

وهم ماشيين في العربيه محمود بص في عيونها ومسك ايديها وقال

محمود

بقيتي مراتي رسمي يا قمر الزمان

قمر بابتسامه

سبحان الله مع ان انت ما كنتش فارس احلامي ده انا كنت مستنيه فارس احلامي كده يكون الواد حمو العجلاتي وياخذني وراها على العجله ونجري نجري ما نعرفش نروح على فين بس اهو نجري وخلاص

محمود بصدمه

نعم يا اختي حمو العجلاتي بقى معقوله بتشبها حمو العجلاتي بيا انا يا قمر

قمر

وماله يا اخويا ما شبهوش بيك ليه ده الصلاه على النبي عليه كسيب وجيبه دايما مليان خمسات وعشرات عشان العيال بتاجر منه عجل انت بقى اجيبك في ايه

محمود بص لها بابتسامه وقال

محمود

جيبي في قسيمه جوازنا يا مراتي يا ام لسان طويل يا اللي عاوزه قص لسانك

قمر بضحك

ههههههه خلاص بقى يا حوده بهزر معاك وغلاوه امك انا في حاجه كنت عايزه اعملها من زمان اول ما يتكتب كتابي ما انت عارف ان انا ابويا وامي الله يرحمهم مش موجودين ولازم ازغرط لنفسي لولولولى

محمود

ربنا يقدرني واسعدك وخدي بالك انا كمان ما كانش ليا الجواز ابدا بس اعمل ايه بقى نصيبي

قمر

ايوه انا كنت حاسه ان الموضوع في حاجه غلط ما كانش ليك الجواز ليه يا حوده عندك مره جلدي مش كده طلعت جربان في الاخر اه يا عيني عليا يا حسرتك يا قمر

محمود

بس بس حيلك حيلك ايه اللي انت بتقوليه ده مرض ايه اللي بتتكلمي عليه انا بس بحب ستات وبحب كل يوم اعرف واحده جديده لكن اتدبست بقى والحمد لله

قمر قربت منه ومسكته من الهدوم وقالت

قمر

خد بالك يا حوده انت متجوز قمر الزمان بيعت العيش يعني بتفهمها وهي طايره لو فكرت نفسك ان انت هتعرف تلعب بديلك كده ولا كده تبقى غلطان يا عينيا

محمود

معقوله ابص في وش القمر ده كل يوم وهبص لحد ثاني هتصدقيني لو قلت لك ان انا فرحان بجد ان انا اتجوزتك

في الوقت ده قمر قلبها دقه واتكسفت وبصت الناحيه الثانيه وقالت

قمر

اه هصدقك يا محمود لان انا فرحانه بالجواز انا كمان

وبعد كم ساعه كانوا كلهم وصلوا فيله صابر وطبعا صابر وفريد ونهله وصلوا الاول وبعديها بساعه دخل عليهم الفيلا محمود وقمر واول ما دخلت بصت على الفيلا شمال ويمين وبصت لنهله وقالت

قمر

يا اختي بلا نيله عماله تتكبري علينا في الراحه وفي الجايه ومكبرها على جوزك قوي وانتم العنكبوت معشش عندكم في كل مكان

نهله

لا بقول لك ايه احترمي نفسك معايا في الكلام انا ست البيت هنا سامعه ولا لا الكلمه كلمتي

قمر

يا لهوي بلاش تجيب التهزيء لنفسك انت ست البيت ده يبقى انت معفنه ومش عارفه تنظفي الفيلا قومي يا اختي بدل انت حاطايه المناكير كل يوم لون شكل نظفي فيلتك

في الوقت ده محمود اتدخل وقال

محمود

الله يخليك وكفايه خناق بقى يلا بينا يا قمر نطلع على الاوضه نرتاح ويا بابا القسيمه معانا انا اتاخرت شويه لاني نسيتها ورحت جبتها من الفيلا وجيت ويا ريت حضرتك تشوف المحامي علشان قمر تخلص كل الورق بتاعها وتستلم الورث

وبعديها قمر ومحمود طلعوا على الاوضه علشان يرتاحوا

اما نهله بصه لصابر وقالت

نهله

وانا كمان يا بابا هخلي السواق يروحني لحد البيت عشان عايزه اجيب بقيت حاجتي وهاجي على طول

صابر

ماشي يا حبيبتي وما لكيش دعوه بمنير خالص وحسابه معايا بعدين

وفعلا نهله ركبت العربيه عشان تروح شقتها

اما عند منير كان قاعد ومشغل اغاني وفي واحده قدامه عماله ترقص وهو بيسقف لها وبيقول

منير

اللهم صل على النبي بحبك يا مهلبيه لما بتكوني عسليه ايوه كده احبك يا ستاموني مهما الناس لاموني تصدقي يا فوفه ان انا عمري ما فرحت غير النهارده

فوفه البنت اللي اتعرف عليها جديد بطلت رقص وقعدت جنب وقالت

فوفه

ليه بس كده يا عينيا معقوله ده انت راجل وكسيب ومش مخلي بيتك محتاج حاجه يبقى زعلان ليه ده المفروض مراتك تتمنى لك الرضا ترضى

منير بزعل

اسكت يا فوفه مش عايز انكد عليك واشيلك همي ده انا في نكد من زمان مراتي نهله في الراحه والجايه تقول لي انا نهله بنت صابر باشا عادي هو انت فاكراني بخاف منها ولا ايه عمري ما خفت منها ابدا

فوفه

راجل يا اخويا برافو عليك ايوه ما تخافش منها انت اللي بتاكلها وبتشربها يبقى ما ينفعش ترفع عينيها فيك اصلا

منير

ومش بس كده يا فوفه عارفه لو انا شفتها هقول لها ايه هقول لها امشي اطلعي بره انا مش عايز اشوف وشك هنا ثاني وفوفه هي ست البيت وانت الخدامه يا نهله

في الوقت ده نهله فتحت باب الشقه وهم قاعدين في الاوضه واول ما منير سمع صوتها بص الفوفه وقال بخوف

منير

يا نهار ازرق نهله جت قومي يا فوفه بسرعه اعملي نفسك خدامه وبتنفضي وبتكنسي وغلاوه امك

فوفه

يا نهارك اسود مش كنت من شويه عامل فيها سوبر مان قلبت عنتر فجله ليه بس قول لها تطلع بره

منير

بقول لك قومي انت ممكن تخلي ايامي كلها سوداء وزرقاء ده انت ما تعرفيش اقول لك على حاجه انا جبان يا ستي قومي بقى

في الوقت ده نهله دخلت الاوضه وفعلا فوفا بدات تنظف ومنير واقف جنبها وعمال يتعصب عليها ويقول

منير

ما تخلصي يا بنت انت ونضفي عدل عايز مراتي لما تيجي في اي وقت تلاقي الشقه نظيفه انا مش عايز اتعبها ابدا

في الوقت ده نهله دخلت ولما لقيته بيزعق وعرفت ان فوفه خدامه ابتسمت وقربت منه وقالت

نهله

يا حبيبي يا منير هو انت بجد جايب لي خدامه منيايه ما اتحايلت عليك وانت بخير ما رضيتش تجيب لي اي خدامه

منير بص لها وعمل نفسه مصدوم وقال

منير

ايه ده نهله يا حبيبتي يا روح قلبي وحشتيني جدا حمد لله على السلامه جيتي امتى مش خلاص بقى كفايه زعل ولا انت لسه زعلانه

نهله

بصراحه كده كنت جايه اخد بقيه هدومي واروح عند فيلا بابا عشان انا لسه زعلانه منك بس بعد المفاجاه الحلوه دي وان انت جبتني خدامه كده خلاص ما فيش اي زعل

منير قرب من نهله وباس ايديها وقال

منير

يا حبيبه قلبي يا نهله ده انت عيوني اللي انا بشوف بيها ده انت قلبي اللي بيدق ربنا يخليكي ليا

نهله

ويخليك ليا يا منير بعد اذنك بقى اخذ الخدامه علشان عايزاها تغسل لي السجاد يلا تعالي ورايا يا خدامه

وبعديها نهله خرجت من الاوضه وفوفا قربت من منير ومسكته من هدومه وقالت

فوفه

ده انت نهارك اسود ومش معدي النهارده يا منير انا خدامه انا هغسل السجاد ده انت ليلتك زرقاء معايا

منير مسك ايديها وبسها وقال

منير

حقك علي وغلاوه امي لهديكي الفلوس الضعف بس عشان خاطري بلاش تكشفيني

فوفا

يا عم ابعد عني انت لو اتطلقت ربنا بيحبك انت شكلها زي الحيزبونه بالظبط

وبعديها فوفه راحت عند نهله وفعلا غسلت لها كل السجاد ونهله طلعت عينيها وفوفه كانت نفسها تجيبها من شعرها لكن سكتت عشان خاطر منير

اما في اوضه المكتب كان واقف محمود وقمر قدام صابر وصابر شاور على خزنه جنبه وقال

صابر

شايفين الخزنه دي يا ولاد هي اللي فيها كل الاملاك وكل حاجه وحتى الوصيه اللي تخص قمر الزمان بتاعه ابوكي يا قمر اسماعيل باشا هو صاحبي الوحيد وكنا شركاه في كل حاجه لكن الله يرحم راح ومراته راحت قبل هو ما يموت يعني ما فيش اي وريث غيرك انت يا قمر

قمر

حلو الكلام يلا بقى يا حمايا بالصلاه على النبي كده افتح الخزنه واديني ورق املاكي في ايديا وخلي الكل يفرح وهعزمك على بسكوت ابو شوكولاته ان شاء الله ما حد حوش

صابر بضحك

هههههه ليه هو انت فاكره ان الموضوع سهل قوي كده يا قمر لا طبعا ده لازم المحامي يجي بنفسه وهو اللي يديك الورق الورق ده ما اقدرش اطلعه من الخزنه ابدا مهما حصل

محمود

اه طبعا اكيد يا بابا بس الورق ده اكيد في ورق يخص قمر يعني مثلا شهاده ميلادها او اي حاجه

صابر

طبعا يا محمود الورق ده فيه كل حاجه تخص قمر شهاده الميلاد وصورها وكل الاملاك بتاعتها عشان كده لازم نفتح الخزنه لما المحامي يجي يلا يا اولاد نروح نتغدى

وفعلا كلهم راحوا وقعدوا على السفره علشان يتغدوا وفريد قرر ان هو طبعا يمشي عشان يشوف الضرايب ويدفعها وما يحصلش عليهم اي مشاكل

اما في بيت نهله كانت بتتعصب على فوفه وبتقول

نهله

هو انت غبيه يا بنت انت ولا ايه قلت لك خلصي وبعد السجاد الستائر تغسليها وتنشريها وتستني لما تنشف وبعدين تكويها انت مش هتمشي دلوقتي مهما حصل

فوفه

يا فتاح يا عليم يا رزاق يا كريم يا ست هانم الله يخليك سيبيني امشي انا واحده خلقي ضيق ومش عايزه ازعلك مني بقى

نهله بعصبيه

تصدقي ان انت عيله قليله الادب ومش هتمشي من هنا واقول لك على حاجه انا بقى هخليك تصبين الحيطان وتمسكي كل هدومي تغسليها وتكويها كمان صحيح خدامه لسانها طويل

في الوقت ده فوفه قربت من نهله وجابتها من شعرها وفضلت تضرب فيها وتقول

فوفه

هو انت يا بنت يا اللي اسمك نهله انت سالتي عليا انا ابقى مين قبل ما تبهدليني بالطريقه دي انا فوفه يا عينيا احسن رقاصه في كباريه النجوم

نهله بصريخ

اوعي يا بنت انت انت بتضربيني ولا ايه انت اتجننتي ويعني ايه رقاصه ايه اللي خلاك تيجي عندي هنا يا رقاصه

فوفه

جوزك يا عينيا اللي قاعد جوه في البلكونه ماسك الجرنان وعامل نفسه مثقف لكن هو اصلا مش طايق نفسه ولا طايقك وانا اصلا مش خدامه ويلا غوري من وشي

طبعا في الوقت ده كان منير خرج من الاوضه وسمع كل كلمه وفوفه مشيت ونهله قربت من منير وصرخت في وشه وقالت

نهله

اعااااا اعاااااا طلقني يا منير بقول لك طلقني انا ولا طايقاك ولا طايقه ابص في وشك اعاااااا انا رايحه عند بابا دلوقتي ومش هتشوف وشي هنا تاني ابدا

منير

يبقى احسن برده قصدي ليه بس كده يا حبيبتي افهميني ادي البنت فوفه دي كدابه

نهله

اعاااااا اعااااا وكمان بتدلعها ده انت عمرك ما دلعتني غور من وشي

وبعديها نهله فعلا روحت الفيلا عند باباها وكانت زعلانه وكانت طالعه على سلم الفيلا وهي دموعها على خدها وقمر قابلتها وقالت

قمر

مالك يا حربوقه ايه اللي رجعك تاني مش كنا خلصنا منك وارتاحنا ومشيتي من عند جوزك

نهله بدموع

ابعدي عني يا قمر لو سمحتي انا مخنوقه كفايه ان انا ما ليش ام ولا حتى اخت افضفض معاها

في الوقت ده قمر زعلت عليها جدا وقربت منها وقالت

قمر

وبعدين بقى انت مالك هتصعبي عليا كده ليه طب اطلعي الاوضه بتاعتك واول ما اخوك يتخمد قصدي اول ما اخوك ينام هاجي ونتكلم انا وانت مع بعض ونشوف ايه اللي حصل ما تزعليش

وبعديها نهله طلعت على اوضتها

وفي الوقت ده كانت قمر في صاله الفيلا لوحدها علشان كانت بتشرب كوبايه ميه وبعديها قمر حست بحد موجود في اوضه المكتب

قربت لقيت حرامي جوه المكتب وبيسرق ورق الخزنه لسه هتصرخ قمر وتمنعه ضربها بالعصايه اللي معاه وقمر اترمت على الارض

والحرامي هرب لكن في الوقت ده البواب مسكه وفضل يصرخ والكل صحي من النوم

ومحمود نزل من على سلم الفيلا واول ما شاف قمر وقع على الارض جري عليها

وفي الوقت ده البواب دخل ومعاه الحرامي ولسه هيشيل القناع من على وشه عشان يعرفوا هو مين

وبعد كده حصل

رواية قمر الزمان في قصر الباشا الفصل الثالث

وفي الوقت ده البواب دخل ومعاه الحرامي ولسه هيشيل القناع من على وشه عشان يعرفوا هو مين نزل ونهله وصابر من على سلم الفيلا وجريو وعلى قمر الزمان وهي سايحه في دمها على الارض محمود قرب منها واخدها في حضنه وقال

محمود

قمر يا قمر ردي عليا ايه اللي حصل لك مين اللي عمل فيك كده

نهله بحزن

يا نهار اسود ومنيل ده ايه الرعب اللي احنا بقينا فيه ده معقوله اول مره حرام يخش علينا الفيلا بالطريقه دي

في الوقت ده صابر قرب من عبده البوابه وهو ماسك الحرامي وشال القناع من على وشه والكل اتصدم لما عرف ان الحرامي اللي لابس القناع هو منير جوز نهله وصابر قال بصدمه

صابر

ايه مش مصدق نفسي منير جوز بنتي هو الحرامي طب ليه انا عملت لك ايه عشان تدخل تسرق بيتي واشمعنى الخزنه دي اللي تقرب منها

نهله

يا نهارك اسود ومنيل هو انت عايز من حياتي ايه وعايز ايه من اهلي ابعد عني بقى انا مش عايزاك ولا عايزاك في حياتي تاني واقول لك على حاجه بقى انا اللي هطلب البوليس بنفسي

منير اقرب منها لو بس ايديها وقال بخوف

منير

الله يخليك يا نهله بلاش تعملي كده وبلاش تطلبي البوليس بلاش تدمري حياتي انت السبب اصلا في كل ده انت اللي دايما معرفاني اني انا الخدام وانت بنت الباشا وكان نفسي اخد اي فلوس علشان ابقى غني شويه وما لقيتش غير ابوك بصراحه

نهله

عشان غبي من يومك يا اخويا ما شاء الله عليك ما شفتش ب 2 جنيه تربيه ولا ب 2 جنيه كرامه انا مش عارفه انا ليه مكمله معاك اصلا في الجوازه المنيله دي وبرده هطلب البوليس

في الوقت ده كان محمود قاعد على الارض واخد قمر الزمان في حضنه وكان حزين جدا وبص لابوه وقال

محمود

سيبكم من كل الكلام ده الله يخليكم لازم تطلبوا الاسعاف بسرعه قمر ما بتنطقش انا حاسه ان هي خلاص ممكن تسيب الدنيا وتمشي انا هموت يا بابا لو سابتني ومشيت

صابر قرب منه بحزن وطبطب عليه وقرب من قمر الزمان وحاول يفوقها لكن للاسف ما فيش فايده

صابر قام بسرعه وطلب الاسعاف

وبعديها نهله راحت طلبت البوليس علشان يقبض على منير

ونهله قربت من صابر ومسكت منه الورق اللي هو سرقه من الخزنه بتاع قمر الزمان ومسكته في ايديها وبعد ساعه البوليس جه وقبض على منير

وبعد شويه الاسعاف جت واخذت قمر وكلهم راحوا معاها المستشفى الا نهله فضلت في البيت

وفي المستشفى قمر كانت نايمه على السرير وكان الممرضين والدكاتره حواليها بيطمنوا على صحتها ومحمود واقف بره الاوضه هو وصابر وكان حزين جدا وصابر قرب منه وطبطب على كتفه وقال

صابر

اهدى يا محمود اهدى يا ابني ان شاء الله هتقوم بالسلامه معقوله بتحبها قوي كده يا محمود اول مره اشوفك بتحب من قلبك

محمود بحزن

حبيتها قوي يا بابا دخله القلب ومش عايزه تخرج خلاص قمر الزمان دخلت دنيتي وغيرتها كلها دي بقت كل حياتي يا رب تقومي بالسلامه يا قمر

صابر

ما تقلقش هتقوم بالسلامه وهتكون زي الفل كمان اهم حاجه انت بس تكون جنبها وما تسيبهاش ابدا انا هروح البيت اطمن على نهله واجي على طول

وبعديها صابر راح الفيلا عشان يطمن على نهله واول ما دخل لقى نهله قاعده في اوضتها عماله تعيط قرب منها وطبطب عليها وقال

صابر

كنت عارف ان انت منهاره من العياط بسبب اللي عمله منير بس حقك عليا وكويس ان هو بان على حقيقته دلوقتي قبل ما يكون في بينكم عيل يا بنتي وهيطلقك غصب عنه

نهله

ده انا حزينه قوي يا بابا على حياتي اللي عماله تدمر دي كان نفسي اعيش ايام حلوه زي اي بنت في الدنيا كان نفسي اعيش حياه بسيطه وجوزي يحبني وانا احبه

صابر

الحياه ما بتديش كل حاجه يا نهله وانا عايزك تعيشي حياه بسيطه تنسي ان انت بنت باشا وتنسي ان انت هانم حبي نفسك وحبي الحياه مش كل حاجه الفلوس يا حبيبتي

نهله

عندك حق يا بابا يمكن انا برده السبب لما خليت منير يعمل كده لاني كنت دايما بعايره بفقره وبعرفه اني انا هانم بنت باشا بصي برده ما كانش ينفع يجي ويسرقنا

صابر

يا ريت هتيجي على السرقه وبس يا بنتي ده كمان قمر حالتها خطيره قوي وربنا يسترها ده انا ما صدقت ان اخوك اتجوز واستقري في حياته انا حزين قوي بجد على اللي بيحصل لعيالي

نهله

يا نهار ابيض على قد ما انا مش بطيء قمر الزمان دي لكن سبحان الله وجعه قلبي وصعبانه عليا قوي ان شاء الله شويه كده هروح اطمن عليها في المستشفى

صابر

ماشي يا بنتي وانا هقوم ارتاح ساعه عشان اروح معاكي ونكون جنب اخوك ما ينفعش نسيبه هو في الحاله دي

اما في الشركه بتاعه صابر كان فريد السكرتير قاعد في مكتب صابر بيخلص شويه شغل وفي الوقت ده دخلت عليه شاهيناز هانم وتبقى طليقه اسماعيل باشا وقربت منه قالت

شاهيناز

ازيك يا فريد اكيد طبعا عارفني ومش ناسيني ده احنا عشره عمر ولا ايه

فريد شافها وتوتر وقام وقف وقال

فريد

اهلا وسهلا بشاهيناز هانم معقوله حضرتك تتنسي اتفضلي يا هانم هترد لك كوبايه عصير حالا وانا عارف العصير اللي انت بتحبيه

شاهيناز

لا لا عصير ايه اللي انت هتجيبه ده انت المفروض تجيب لي قهوه ساده عشان ان شاء الله هشربها على روحك قريب يا فريد

فريد بتوتر

ليه بس كده يا هانم هو انا عملت ايه لكل ده هو انت مالك جايه زعلانه مني ليه كده وايه اللي حصل

في الوقت ده شاهيناز اتعصبت عليه وضربت على المكتب بايديها وقالت

شاهيناز

انت هتستعبط يا فريد بقى معقوله بنت اسماعيل طليقي تظهر وكمان محمود ابن صابر باشا يتجوزها وتاخده طبق المهلبيه كله وتاكلوه وما حدش فيكم سيب لي معلقه من الطبق

فريد

مهلبيه ايه وايس كريم ايه بس يا هانم انا ما ليش دعوه بالكلام ده كله صدقيني ده محمود باشا كان متجوزها بالصدفه لا اكثر ولا اقل كل الحكايه ان انا عرفتها بالصدفه وطبعا دي لازم تاخد ورثها ولا مؤاخذه حضرتك اتطلقتي قبل ما اسماعيل باشا فطبعا ما لكيش اي ورث

شاهيناز ضحكه ضحكه خبيثه وقالت

شاهيناز

لا يا عينيا انا اه فعلا ما ليش ورث لكن انت هتخلي يكون ليا ازاي ما اعرفش وما ليش دعوه علشان ما ازعلكش مني وانت عارف يا فريد انا زعلي وحش قوي ولا اكلم بقى قرايبي اللي في البلد يفتحوا المقابر علشان تشرف جنب اسماعيل

فريد مسح عرقه بمنديل وكان متوتر جدا وقال

فريد

يا هانم ابوس ايدك خرجيني من الكلام ده كله انا ما ليش دعوه باي حاجه اقول لك على حاجه انا هقول لك عنوانها فين وروحي انت اتكلمي معاها طلعيني من الموضوع الله يخليك

شاهيناز

حلو الكلام عرفني البنت دي فين دلوقتي وانا هزعلكم عليها وهخليكم حزانه عليها طول حياتكم قال ايه تيجي في يوم وليله وتورث ال 500 مليون ده على جثتي

فريد

قمر هانم ساكنه عند فريد باشا في القصر هي ومحمود باشا وما اعرفش اكتر من كده صدقيني

شاهيناز

طيب كده بقت سهله وبسيطه سلام يا متر وخد بالك انا هاجي لك ثاني

وبعديها شاهيناز روحت بيتها وهي اصلا كانت متربيه في الحاره زمان وكلمت شاب من الحاره واسمه حمو العجلاتي وقالت له انه يجي لها على الفيلا بتاعتها على طول

وفعلا بعد ساعه حمو العجلاتي راح لشاهيناز على الفيلا واول ما دخل قال

حمو

اللهم صل على النبي على العز اللي انت فيه يا ست الكل معقوله بنت حارتنا عايشه فيلا زي دي وما بتجيش اسالي علينا ده انت ياما ركبتي من عند ابويا الله يرحمه عجل كثير وما كنتش بتسد حسابه

شاهيناز

ولد يا حمو انا مش عايزه كلام كثير يا واد انا عايزاك في مصلحه حلوه قوي تطلع منها بقرشين حلوين لكن هتجيب لي الماضي هديك على دماغك

حمو

بدل سبوبه حلوه وهطلع منها بقرشين حلوين يبقى انت ست الكل وعلى راسي من فوق وحساب العجل بتاع زمان اعتبريه اتسد يا ست البنات اؤمريني عايزه ايه

شاهيناز

ان شاء الله انت يا بعيد اللي بقك يتصدق اسكت شويه وافهمني واسمعني انا عايزه ايه بالظبط

وبعديها شاهيناز قالت له على كل اللي هي عايزاه وحمو حط ايده على راسه وكانه مش فاهم حاجه وقال

حمو

بالصلاه على النبي كده انا مش فاهم حاجه بس كل اللي فهمته ان انا اخطفها ما اقتلهاش صح كده اخطفها ما اقتلهاش

شاهيناز

يخرب بيتك وطي صوتك هتودينا في داهيه الفيلا مليانه خدامين واي حد فيهم يسمع حاجه يبلغ علينا ايوه يا اخويا هتخطفها ما تقتلهاش وهتوديها على المخزن اللي انا هديك عنوانه دلوقتي

حمو بص لها بابتسامه وقال

حمو

اللهم صل على النبي خدامين ومخازن وفيلا ايه الحلاوه دي كلها طب ما فيش حته من التورته كده وانا ماشي يعني اديني كم الف كده اظبط بيهم حالي ولا ايه

شاهيناز

كنت عارفه يا اخويا ان انت عمرك ما تنسى فلوسك ابدا امسك القرشين دول خليهم معاك ولما تخلص اللي قلت لك عليه هديك الباقي

حمو

من عيني الاتنين يا ست البنات تؤمريني باي حاجه ثانيه

شاهيناز

لا يا اخويا متشكرين يلا روح اعملي اللي انا قلت لك عليه وخد بالك يا حمو لو اتمسكت عارف لو قلت اسمي هحزنك على اهلك سامع ولا لا

حمو

عيب عليك يا ست الكل انت بتتكلمي راجل مش عيل صغير وبعدين ده انا حمو الخفيف اللي ما حدش يعرف يمسكني ابدا سلام عليكم

وبعديها حمو ماشي وشاهيناز قالت في نفسها

شاهيناز

ماشي يا قمر الزمان لما نشوف بقى يا انا يا انت عشان الدنيا دي ما ينفعش نكون فيها احنا الاثنين لازم حد فينا يفلسع وانت اللي هتفلسعي يا حبيبتي

وبعد كم ساعه كان حمو جهز نفسه ووقف قدام الفيلا علشان يخطف قمر الزمان

وفي الوقت ده كان صابر ونهله جهزوا نفسهم علشان يركبوا العربيه ويروحوا على المستشفى يطمنوا على قمر

وقبل ما نهله تركب العربيه كان حمو اسرع من صابر ونهله وجري بسرعه ومسك نهله من ايديها وركبها العربيه لانه كان معاه رجاله بيساعدوه وهرب على طول

في الوقت ده صابر ما كانش عارف يعمل حاجه لكن راكب العربيه وجري ورا حمو لكن فعلا ما لحقوش فضل يصرخ لانه مش عارف ينقذ بنته

واجري بسرعه على قسم الشرطه وعمل محضر بخطفها

والظابط قال له اول ما نوصل لحاجه هنكلمك على طول سيب رقم تليفونك

صابر نزل من قسم الشرطه والدنيا كلها سوداء في وشه بنته راحت منه قدام عينه وما كانش عارف ينقذها وبعديها راح على المستشفى عند محمود واول ما دخل المستشفى لقى محمود قاعد قدام الاوضه حزينه على قمر صابر قرب منه وقال

صابر

الحقني يا محمود اختك اتخطفت وما اعرفش مين اللي خطفها ومش عارف اعمل ايه دلوقتي

محمود بصدمه

ايه الكلام اللي انت بتقولوا ده يا بابا يعني ايه اتخطفت طب ما هو منير خلاص احنا بلغنا عنه وهو دلوقتي في القسم امال مين اللي خطفها

صابر

مش عارف يا ابني انا هتجنن قول لي اعمل ايه هروح فين ولا اجي منين بس انا حاسس ان قلبي هيقف على اولادي اللي بيروحوا مني

محمود

اهدى يا بابا ما ينفعش تنهار كده انت اللي ساندنا يا حبيبي الله يخليك امسك نفسك شويه انا مش قادر اقف على طولي لازم حد فينا يكون قوي

صابر بدموع

قوي ايه بس يا محمود ده ما فيش اغلى من الضنا وبنتي راحت مني قدام عينيا وانا كنت عاجز مش قادر احميها يا حبيبتي يا نهله انت فين دلوقتي ويا ترى مين اللي خطفك

محمود بتفكير

انا مش عارف انا عمال افكر هتجنن مين اللي عمل كده احنا اصلا ما لناش اعداء ولا لينا مشاكل مع حد طب يمكن تكون مثلا نهله كانت متخانقه مع حد طب انت شفت اللي اختطفها يا بابا

صابر

كان لابس قناع على وشه يا ابني حتى ما لحقتش اشوف نمر العربيه ده عربيه سوداء وقفت قدام عربيتي والحرامي خطفها وحطها جوه العربيه وجري باقصى سرعه حتى لما جريت وراه بالعربيه ما عرفتش الحقه

محمود

لا لا كده الموضوع في حاجه غلط خليك هنا جنب قمر يا بابا ما تسيبهاش الله يخليك وانا هروح اشوف في ايه وهروح الشركه يمكن اطمن واعرف اوصل لاي حاجه

وفعلا صابر دخل قعد في الاوضه جنب قمر اللي لسه في غيبوبه

اما محمود راح الشركه واول ما دخل المكتب لقى فريد قاعد وكان متوتر جدا محمود قرب منه وقال

محمود

يا فريد شفت اللي حصل في مصيبه حصلت لحياتنا نهله اتخطفت ومش عارفين مين اللي خطفها

فريد اتوتر وقال

فريد

هي مدام نهله كانت قاعده عندكم في الفيلا ولا ايه مش كانت في بيتها

محمود استغرب من سؤاله وقرب منه قال

محمود

مش فاهم كلامك يا فريد عايز تقول ايه ومالك متوتر كده ليه ما تقول في ايه

فريد بخوف

لا ابدا يا محمود باشا انا مش مخبي اي حاجه ولا اعرف اي حاجه صدقني انا ما ليش دعوه بالكلام ده كله

في الوقت ده محمود قرب منه ومسكه من هدومه واتعصب عليه وقال

محمود

لا ده انت كده غبي بقى وعرفتني ان انت في حاجه عارفها انطق يا فريد ايه اللي حصل واشمعنى سالت على نهله اذا كانت في الفيلا ولا لا

فريد

يا محمود باشا الله يخليك خرجني من الموضوع ده كله انا ما ليش دعوه باي حاجه انا غلبان وموظف في شركتكم على قد حالي عايز اربي عيالي ابوس ايدك

محمود

وانا هسيبك يا فريد بس صدقني انت لو عارف حاجه ومخبيها عليا يبقى انت وضميرك لان انت عشره عمري معانا ومع ابويا بقى لنا سنين استحاله تكون عارف حاجه وما تقولش صح

فريد

ايوه صح يا باشا بعد اذنك

وبعديها فريد خرج من الشركه ومحمود فضل يفكر مين اللي خطف اخته ومش عارف يعمل ايه

وفعلا فريد نزل من الشركه وركب العربيه وراح بسرعه على عنوان شاهيناز اللي عارفه من سنين

واول ما دخل الفيلا والخدامه فتحت له فريد دخل عند شاهيناز كانت قاعده في الصالون وقال لها

فريد

ايه اللي انت عملتيه ده يا شاهيناز هانم انت ما خطفتيش قمر الزمان انت خطفتي نهله هانم بنت صابر باشا

شاهيناز كانت ماسكه كوبايه عصير في ايديها رميتها على الارض وكسرتها بكل عصبيه وقربت من فريد وقالت

شاهيناز

يا نهارك اسود يا فريد هو احنا بنلعب ولا ايه مش انت قلت لي ان الزفته اللي اسمها قمر الزمان هي اللي قاعده في الفيلا وما عرفتنيش ليه ان نهله متنيله قاعده عند ابوها في الفيلا

فريد

ما انا يا دوبك السكرتير بتاعهم ما حدش قال لك ان انا ابن خالتهم يعني وانا ما اعرفش الكلام ده كله واللي انت خطفتيها دي تبقى نهله هانم انت كده بتفتحي على نفسك ابواب النار يا هانم

شاهيناز

لا يا فريد قولي الجمله صح لو سمحت بفتح عليا انا وانت ابواب النار معلش يعني هو مين اللي قال لي على كل ده مش انت اسمك هيجي في الرجلين انت كمان لو ما ساعدتنيش

فريد بخوف

حرام عليك ده انا واحد غلبان وعلى قد حالي حرام عليكم بقى سيبوني في حالي يعني انت عايزاني اعمل لك ايه ثاني

شاهيناز

تخلص على قمر الزمان بنفسك مش عايزاها تعيش عشان هي لما تغور وتموت الورث هقدر اخده باي طريقه لان البنت دي ظهورها دلوقتي مش طبيعي وانا مش مطمنه للموضوع

فريد

لا لا بقول لك ايه لو انت شيطانه انا مش شيطان انا ما ليش دعوه بالكلام ده كله ومش هقتل حد ومش هدخل نفسي في اي مشاكل

شاهيناز بصيت له بضحك وقالت

شاهيناز

هههههههه غلبان قوي غلبان على اساس ان انا بقى بعد الكلام اللي انت قلته ده صعبت عليا لا يا حبيبي هتسمع الكلام غصب عنك وهتخلص على قمر الزمان سامع ولا لا

فريد

لا مش سامع وهقول لك لا يعني لا لو ايه اللي حصل ابعدي عني وما لكيش دعوه بيا

ولسه فريد هيسيبها ويمشي شاهيناز ندهت عليه قبل ما يخرج من باب الفيلا وقالت

شاهيناز

فريد بيتهيا لي انت عندك ولدين اياد وادم مش كده ربنا يخليهم لك بس صدقني هزعلك وهوجع قلبك على ولادك لو فعلا ما عملتش اللي انا قلت لك عليه

فريد بخوف ورعب

ابوس ايدك يا شاهيناز هانم ملكيش دعوه بعيالي ابعدي عنهم الله يخليكي سيبيني في حالي

شاهيناز

قلت لك اللي عندي يا فريد ومستنيه بكره مكالمه منك وانت بتقول لي اني قمر الزمان الله يرحمها خلاص يلا اتفضل اطلع بره وقتك خلص

وبعديها فريد خرج من الفيلا وركب العربيه وكان حزين جدا وراحه على بيته واول ما دخل شقته لقى مراته سميه انسانه بسيطه قاعده هي وادم واياد قرب منهم وقال

فريد

بقول لك ايه يا سميه يلا لازم تروحي عند اختك في اسكندريه انت عارفه بقى لك كثير ما زرتهاش وخدي معاكي ادم واياد

سميه

ايه الكلام اللي انت بتقوله ده يا فريد ما انت عارف ان العيال في رابعه ابتدائي وفي خامسه ابتدائي ازاي بقى هروح وعلى فكره بقى علينا المدرسه ومذاكره

فريد بعصبيه

اسمعي اللي قلت لك عليه وتقولي حاضر ونعم وبس انت سامعه ولا لا مذاكره ايه اللي انت بتتكلمي عليها يلا بسرعه قومي حضري الشنط وامشي من هنا

سميه بخوف

حاضر يا اخويا حاضر بس في ايه يا فريد هو في حاجه حصلت ولا ايه انت مالك عصبي كده ليه

فريد

معلش يا سميه حقك عليا اعصابي تعبانه شويه يلا بسرعه قومي علشان هركبك اول قطر واول ما توصلي طمنيني عليك وعلى العيال سامعه ولا لا

سميه بخوف

حاضر يا اخويا حاضر

وبعديها فعلا سميه حضرت الشنط واخذت ادم واياد ونزلت علشان يركبها القطر وبعديها اطمن على مراته وعياله

وبعديها روح على بيته لا باب الشقه مفتوح واول ما دخل لقى شاهيناز قاعده على الكرسي وحاطه رجل على رجلي وقالت

شاهيناز

مراتك عند اختها في اسكندريه مش كده غلبانه قوي يا فريد على فكره بقى انا كنت مراقباك لان انا كنت عارفه انك هتعمل كده وفي حد ماشي ولا مراتك دلوقتي وراكب وراها القطر علشان يعرف عنوان اختها فين علشان لو ما عملتش اللي انا قلت لك عليه برده هخلص عليهم

فريد قرب منها وبس ايديها وقال

فريد

ابوس ايدك يا ست هانم ما لكيش دعوه بعيالي ومراتي انا غلبان

شاهيناز

يبقى تعمل اللي قلت لك عليه هو بكره اسمع منك مكالمه بتطمني وتقول لي ان كل حاجه انتهت

وبعديها شاهينا سابت ومشيت وفريد فضل قاعد حاطط ايده على راسه وعمال يفكر ومش عارف يعمل ايه

اما عند محمود راح المستشفى وكان صابر قاعد مستني قمر تفوق لكن للاسف ما فقتش ومحمود قال

محمود

روح انت يا بابا انا هفضل جنب قمر وان شاء الله تقوم ونسمع خبر عدل بقى في الايام الصعبه دي

وبعديها صابر روح على بيته لانه كان تعبان ومحمود قعد جنب قمر

وكانت قمر قاعده على السرير ومحمود جنبها وكان ماسك ايديها وكان حزين جدا وبعد ساعه قمر حركت ايديها محمود بص لها بفرحه وقال

محمود

الحمد لله انت بداتي تفوقي يا قمر يا قمر ردي عليا انت سامعاني انا ثواني هروح عندها للدكتور واجي على طول

في الوقت ده محمود خرج من الاوضه علشان ينده للدكتور وراح فعلا والدكتور قال له ثواني وهكون عندكم في الاوضه

اما في الوقت ده في شخص دخل الاوضه عند امر الزمان وبص لها بكره وقال ان هي لازم تموت وما ينفعش تعيش لانها عملت مشاكل كثير والورث كثير عليها

وفعلا الشخص ماسك المخده وحطها على وشها علشان يخلص عليها

في الوقت ده محمود دخل الاوضه ولما شاف المنظر ده اتصدم وقال

محمود

ايه انت اوعي كده

وبعد كده حصل

رواية قمر الزمان في قصر الباشا الفصل الرابع

في الوقت ده محمود دخل الاوضه ولما شاف المنظر ده اتصدم وقال

محمود

ايه انت اوعي كده

وكانت نهله هي اللي واقفه وعماله تخنق وتخلص على قمر وفي الوقت ده قمر فاقت وفضلت تصرخ وتقول

قمر

حرام عليكم ابعدوا عني هو ايه القرف ده انا من ساعه ما شفتك يا محمود وشفت اهلك وانا ما شفتش يوم حلو ابدا في حياتي ابعدوا عني

محمود مسك نهله وضربها بالقلم على وشها وقال

محمود

انطق يا نهله انت ليه عاوزه تخلصي على القمر هي عملت لك ايه حرام عليك توجعى قلبي وتخربي بيتي

نهله كانت عماله تصرخ ومش عارفه تتكلم وتقول ايه وقالت بانهيار

نهله

استنى بس يا محمود وافهم كل حاجه انا مظلومه صدقني وبعمل كده غصب

قمر

غصب عنك ليه مين يا اختي اللي قال لك تيجي وتخلصي علي حرام عليك منك لله يا بعيده ده انا ما شفتش يوم حلو يوم ما شفت وش خلقتك البومه

محمود

انطقي يا نهله ايه اللي خلاك تعملي كده

نهله

انا هحكي لكم على كل حاجه بس سامحوني انا كنت في الاول بكرهك فعلا يا قمر لكن دلوقتي صدقيني انت صعبانه عليا بس غصب عني

وبدات نهله تحكي كل حاجه

فلاش بااااك

حمو خطف نهله ووداها المخزن وقعدها على الكرسي وربطها بحبل وكانت مش عارفه تتحرك

وفي الوقت ده نهله كانت خايفه جدا وقالت لنفسها

نهله

يا نهار اسود ايه المكان المخيف ده هو مين اللي خطفني ومين اللي يعمل كده انا بابا معقوله ليه اعداء

في الوقت ده حمو قرب منها وقال

حمو

ما تسكتي بقى يا بنت انت بتوجعيش دماغي انت صدعتيني الله يخرب بيتك دي رابع كوبايه شاي اشربها وانت رغي رغي ايه انت عامله زي الراديو ما بتفصليش

نهله بدموع

طب الله يخليك انا عايزه امشي من هنا هو انت ليه خطفتني هو مين اللي قال لك تخطفني هو انت تعرفني اصلا

حمو

يا لهوي يابا على الفصلان ما تخرسي بقى شويه الله يخرب بيتك

وفي الوقت ده المخزن اتفتح ودخلت شاهيناز بالرجاله بتاعتها وقربت من نهله وقالت

شاهيناز

ازيك يا حلوه ابوك صابر عامل ايه معلش بقى مش انت المقصوده انك تتخطفي بس اعمل ايه نصيبي وقسمتي

حمو

لا لا يا ست الكل انا عايز فلوسي كامله انت بتقولي الكلمتين بقى اللي ما لهمش لازمه دول عشان تضحكي عليا في الفلوس

شاهيناز بصت لحمو وقالت

شاهيناز

اخرس انت وما اسمعش صوتك وامشي من وشي

وبعديها نهله بصيت لها بخوف وقال

نهله

طب انت مين وتعرفيني منين وليه تخطفيني وكنت قاعده تخطفي

شاهيناز

ايه كل الاسئله دي يا حبيبتي انت ما لكيش دعوه باي حاجه مين اللي كان مقصود قمر الزمان مرات اخوك كنت عايزه اخلص عليها وللاسف خطفوك انت

نهله

طب ليه على تخلصي عليها هي عملت لك ايه دي طيبه جدا على فكره

وفي الوقت ده نهله افتكرت لما كانت طالعه بتعيط وقمر الزمان بصيت لها وقالت ان انت صعبتي عليا وهاجي نتكلم مع بعض نهله حاسه ان قمر فعلا طيبه

شاهيناز بصيت لها وهي سرحانه وقال

شاهيناز

مالك سرحانه كده ليه يا طيبه هو انت هتغيري القاعده ولا ايه يا بنت معروفه ان اخت الجوز ما بتحبش مرات الابن اشمعنا انت هتحبيها دلوقتي

نهله

انا عايزه اعرف انت عايزه مننا ايه بالظبط بدل انا اللي مش المفروض اتخطف ليه ربطني كده خلوني امشي

شاهيناز

معقوله تكون الحل في ايديا واسيبك تمشي لا طبعا انت هتمشي فعلا بس هتطلعي على المستشفى تخلصي على قمر الزمان بنفسك علشان لو ما عملتيش كده انا هخلص على ابوك قلت ايه

نهله

قلت ليه بتعملي كده الله يخليكي سيبي بابا في حاله ده راجل كبير وتعبان ما لكيش دعوه بيه وبعدين هو انت ليه بتعملي كده انت تعرفي قمر الزمان منين

شاهيناز بعصبيه

يعني انت عايزاني اتجوز اللي اسمه اسماعيل باشا واشوف معاه اسود ايام حياتي لانه كان راجل كبير وانا كنت صغيره في السن وكان دايما بيقل مني وبيضربني واطلق منه في الاخر يا اختي امال بنته تظهر وتورث 500 مليون جنيه لا لا انسوا الكلام ده البنت دي لازم تموت والفلوس دي من حقي انا

نهله

انا كده فهمت الكلام يعني انت مرات اسماعيل باشا الله يرحمه طيب هعمل لك اللي انت عايزاه بس بلاش تقربي من بابا اوعديني بكده

شاهيناز

هوعدك بكده فعلا بس لما تعاملي اللي انا قلت لك عليه تخلصي على القمر الزمان هي فين دلوقتي

نهله

قمر الزمان دلوقتي في المستشفى وانا اقدر اصلها بكل سهوله وهعمل لك اللي انت عايزاه بس اهم حاجه ما لكيش دعوه ببابا

شاهيناز

تمام وانا هبعت معاكي حمو هيكون واقف لك قدام باب المستشفى واول ما يعرف منك انه تمام هخلي الرجاله اللي انا هبعتهم دلوقتي قدام فيله ابوكي يمشوا ولو مش تمام هيخلصوا عليه

نهله بخوف على ابوها

حاضر حاضر بس فكيني وهعمل لك اللي انت عايزاه وما لكيش دعوه ببابا

وفعلا بعديها شاهيناز فكت نهله ونهله وحمو راحوا على المستشفى وقدام باب المستشفى حمو قال

حمو

يلا يا رغايه اطلعي وتخلصي اللي شاهيناز هانم قالت لك عليه واول ما تنزلي تعرفيني عملت ايه

وفعلا حمو وقف قدام باب المستشفى ونهله طلعت عشان تخلص على قمر

بااااااااك

نهله بدموع

بس كده هي دي كل الحكايه حقك عليا يا قمر صدقيني ما كنتش عايزه اخلص عليك بس بابا اهم حاجه في حياتي

قمر بخوف

يا نهار اسود والنبي هي مين دي كمان اللي اسمها شاهيناز يا محمود بقول لك ايه انا لازم امشي من المستشفى دي دلوقتي ده ايه الرعب ده

محمود

حقك عليا يا قمر انت فعلا من ساعه ما دخلتي حياتي يا حبيبتي وانت شفتي كل ايام السوداء بس صدقيني هعوضك على كل الايام دي وهتشوفي اجمل ايام حياتك معايا

قمر

يا اخويا اجمل ايام حياتك بتسلم عليك وبتقول لك مشيني من هنا انا مرعوبه يلا نمشي

وفعلا في الوقت ده الدكتور جه اطمن على قمر وقال تمام ان هي تمشي بس اهم حاجه ان يكون في اهتمام في البيت

وفي الوقت ده محمود وقمر ونهله خرجوا من باب المستشفى وكانت نهله خايفه جدا لانها عارفه ان كده الرجاله ممكن يخلصوا على ابوها واول ما شافت حمو وحمو شافها اتصدم وقال في نفسه

حمو

يا نهار اسود ومنيل جميله انت ايه اللي جابك هنا يا جميله معقوله هم عايزين يخلصوا عليك انت وفاكرينك قمر الزمان ده هي ليله بيضاء من اولها لا لا ما انا ما ينفعش اسيب بنت حتتي كده في مشكله لازم اقف جنبها

وبعديها محمود وقمر ونهله ركب العربيه وراحوا على الفيلا وكانت نهله خايفه جدا وعايزه محمود يمشي بسرعه عشان تطمن على ابوها

اما حمو فعلا كلم شاهيناز وقال لها ان قمر الزمان ماتت علشان تبعد عنها شاهيناز فرحت جدا

وبعديها محمود ونهله وقمر وصلوا بسرعه الفيلا ونزلوا من العربيه ومحمود كان ماسك قمر لانها كانت تعبانه ونهله جريت بسرعه جوه الفيلا وفضلت تدور على صابر زي المجنونه

واول ما دخلت الاوضه بتاعته جريت عليه واترمت في حضنه وقالت

نهله

يا حبيبي يا بابا الحمد لله ان انت كويس انا كنت هتجنن عليك لو كان حصل لك حاجه

صابر بفرحه

يا حبيبتي يا بنتي حمد لله على السلامه ده انا اللي كنت هتجنن لو كان حصل لك حاجه مين اللي خطفك وجيتي امتى وايه اللي حصل

نهله

يا بابا في واحده شريره جدا اسمها شاهيناز مراته اسماعيل باشا الله يرحمه هي دي اللي خطفتني وكانت عايزاني اخلص على قمر وبتقول ما ينفعش انها تورث الفلوس دي كلها وهي لا تخلص عليك انت كمان لو انا ما سمعتش كلامها

صابر بصدمه

انت بتقولي ايه شاهيناز هي خرجت من السجن امتى الله يخرب بيتها دي شاهيناز دي الشر بعينه لا لا ده انا لازم اخلص منها وابلغ عنها

نهله

يا ريت يا بابا الله يخليك لان انا كده خلاص مرعوبه وحاسه ان حياتنا كلها في خطر لازم الست دي تخرج من حياتنا

صابر خدها في حضنه وطبطب عليها وقال

صابر

بس يا بنتي ما تعيطيش وما تخافيش من اي حاجه طول ما انا جنبك والحمد لله ان انت جيتي على خير وما فيش خروج من الفيلا ثاني كلنا هنقعد في الفيلا وهيجيب كمان حراسه تكون قدام الفيلا لحد ما الكابوس ده يخلص على خير

نهله

صح يا بابا عندك حق كمان محمود وقمر جم من المستشفى لان المستشفى ما بقتش امان لقمر

صابر بفرحه

هم قومي يا بنتي طب تعالي نطمن عليهم ربنا يخليكم ليا يا اولادي

وبعديها صابر ونهله داخل الاوضه عند قمر ومحمود وكان محمود قاعد جنب قمر وماسك ايديها وخايف على صحتها وقمر اول ما شافت نهله قالت

قمر

اطلعي بره يا حيزابونه مش عايزه اشوف وشك قدامي

نهله بدموع

انا اسفه يا قمر من حقك تزعلي مني بس غصب عني سامحيني عشان خاطري

قمر

يا اختي وانا مين يسامحني وانا مين يقف جنبي ده ايه الليله السوداء دي سبحان الله معاكوا فلوس الدنيا لكن عندكم مشاكل قد كده بالكوري يا اختي بالكوم

صابر قرب منها طبطب عليها وقال

صابر

معلش يا قمر يا بنتي حقك علينا نهله حكيت لي على كل حاجه هو الست اللي اسمها شاهيناز دي هي الشر الحقيقي اللي لازم نخلص منها

محمود بصر لصابر وقال

محمود

طب وبعدين يا بابا هنخلص منها ازاي دي عاوزه تخلص على قمر يعني لو عرفت ان قمر لسه عايشه مش هتسكت

صابر

ما تقلقش انا رايح الشركه دلوقتي اكلم فريد واكيد هنلاقي حل وهكلم طقم حراسه دلوقتي يجوا يقفوا قدام باب الفيلا وخلي بالك من مراتك واختك يا محمود

وبعديها صابر خرج من فيلا وركب عربيته وراح على الشركه عند فريد

اما محمود كان قاعد جنب قمر وتعبان مش قادر يتكلم قمر طبطبه على ايده وقال

قمر

قوم يا محمود روح شوف شغلك او نام شويه انا عايزاك ترتاح انت من امبارح ما ارتحتش

محمود

وانا عمري ما هرتاح طول ما انت تعبانه يا قمر طول ما بتقولي اه انا بقول جنبها الف اه ربنا يشفيك يا حبيبتي

قمر

ما انحرمش منك يا محمود ما كنتش عارفه ان انا غاليه عندك قوي كده كنت بحسب ان انا وقاعده اتجوزتها وخلاص عشان خاطر ابوك ما يعرفش الحقيقه

محمود باس ايديها وبص في عيونها وقال

محمود

يا حبيبه قلبي اوعي تقولي كده تاني انت عيني اللي بشوف بيها انا حبيتك يا قمر وخلاص الكلام دخلتي قلبي وسرقتي قلبي وعقلي وعمري ما اعرف استغنى عنك

قمر

لا بقول لك ايه الكلام اللي انت بتقوله ده ده كلام كبير قوي وبصراحه انا بضعف قدام الكلام الكبير ربنا يخليك ليا يا سندي في دنيتي

محمود

ويخليكي ليا يا دنيتي كلها يا اجمل حاجه حصلت في حياتي انا هنزل المكتب اشوف باقي الشغل والملفات وبعديها اطلع اطمن عليك يا روحي

وبعديها محمود فعلا نزل من المكتب وكاله قمر نايمه على السرير عماله تفكر ايه اللي هيحصل الايام الجايه

اما حمو كان قدام باب الفيلا قدر ان هو يطلع ويدخل الفيلا قبل حراسه الامن ما تيجي وكان حمو واقف حيران مش عارف قمر في انهي اوضه

في الوقت ده قمر قامت من على السرير وخرجت للبلكونه عشان تشم هوا واول ما شافت حمو واقف في الجنينه اتصدمت وقال

قمر

يخرب بيتك انت ايه اللي جابك هنا

حمو طلب منها ان هي تفتح الباب الفيلا عشان عايزها في موضوع مهم

وطبعا قمر خافت لاحسن محمود يشوفها حاولت تنزل من على سلم الفيلا بالراحه

وفعلا قمر نزلت وراحت للجنينه وقفت على جنب هي وحمو وقالت

قمر

ايه يا حمو في ايه وايه اللي حصل ايه اللي جابك هنا عرفت مكاني منين

حمو

بقول لك ايه يا جميله انا مش فاهم اي حاجه يا بنت حتتي انا لازم اقف جنبك ومش هسيبك بس انت اللي اسمها شاهيناز دي عاوزه تخلص عليك

قمر

نعم يا اخويا وانت تعرف شاهيناز منين انت ايه اللي دخلك اللعبه دي يا حمو ده انت يا دوبك عجلاتي وعلى الله حكايتك وغلبان

حمو

ما انت عارفه ان انا بحب اساعد الناس اللي مش عارفه تجيب حقها وعشان كده شاهيناز عرفت توصل لي ما انا مشهور بقى يا بنت يا جميله وبعدين قالت لي اخطفك وخطفت الرغايه اللي اسمها نهله وشاهيناز خلت نهله تيجي تخلص عليك ولو كانت لا كانت هتخلص على صابر

ولما لقيتك انت ونهله وكمان راجل معاك ونازلين من المستشفى عرفت ان انت جميله بنت حتتي وقلت لازم اقول لشاهيناز ان انت خلاص رحتي من الدنيا خالص قولي لي بقى يا جميله وراسيني على الحوار هو في ايه

قمر بخوف

اسكت خالص بلاش تقول اسم جميله هنا ابدا سامع ولا لا انا هنا اسمي قمر الزمان وبقول لك ايه الموضوع قلب بجد واللعبه طلعت على دماغي انا خايفه قوي يا حمو لاحسن اكون انا الضحيه يا اخويا واروح فيها

حمو

ما هو اكيد هو ده اللي هيحصل الناس دي اغنيه وما بتخافش على حد وبتدوس على الفقير وانا وانت فقره يا بنت الناس بقول لك ايه يلا نمشي من هنا وكبري دماغك من الناس دي

قمر

امشي في عينك لا طبعا انا لازم اخد حته من التورته انا ما ينفعش امشي كده ولسه ما اخذتش حسابي ولا حتى بقيت فلوسي بقول لك ايه هي لعبه وانا دخلتها وربنا يسترها بقى ويعديها على خير

حمو

طب بقول لك ايه خلي بالك من نفسك وانا مش هسيبك كل يوم هاجي اطمن عليك ولا اسمها شاهيناز دي انا هبعدها عنك ومش هخليها تقرب منك ابدا

قمر

ما انحرمش منك يا حمو اصيل يا اخويا من يومك والله طمر فيك الاكل والشرب اللي انا كنت ببعته لك خلي بالك من نفسك يا واد يا حمو معاك حق المواصلات

حمو بابتسامه

معايا ست البنات من يومك وانت قلبك طيب خلي بالك من نفسك يا جميله قصدي يا قمر الزمان سلام

وبعديها حمو مشي وقمر حاولت انها تطلع على السلم ثاني لكن اول ما دخلت الفيلا لقيت محمود قدامها اتوترت وقالت

قمر

ايه يا حبيبي انت مالك واقف كده ليه هو في حاجه

قمر كانت مفكره ان محمود سمع حاجه لكن محمود ما كانش عارف اي حاجه وبص لها بابتسامه وقال

محمود

لا يا حبيبتي اتضايقت لما لقيتك نزلتي من اوضتك لاني طلعت ما لقيتكيش ليه كده يا قمر ايه اللي خلاك تتحركي وانت تعبانه

قمر

كنت مخنوقه من القاعده يا محمود قل لي بقى انتم ما عندكوش اكل في البيت ده انا جعانه يا اخويا نفسي في دقه مسقعه كده مع رغيفين عيش بلدي

محمود ابتسامه

مش بقول لك انت اجمل حاجه في حياتي من ساعه ما دخلت دنيتي وحياتي كلها اتغيرت وبقيت جميله جدا

وبعديها محمود مسك قمر وطلعها على الاوضه تاني وراح عشان يقول لي الخدامين تحضر لهم الغداء

وبعديها نهله دخلت الاوضه عند قمر وقعدت معاها وقالت

نهله

مسامحاني يا قمر ولا لسه زعلانه مني

قمر

مش قلت لك يا حيزبونه بلاش تيجي عندي هنا تاني هو انت يا بت ما بتفهميش ولا ايه ولا طرشه ولا عبيطه في ودانك

نهله

انا عارفه ان انا غلطانه بقول لك انا اسفه من قلبي ما تزعليش مني بس صدقيني انا محتاجه اخت في حياتي محتاجه حد افضفضله من ساعه ما بيتي اتخرب وانا ولا لا يا ام ولا اخت اترمي في حضنهم

في الوقت ده قمر صعبت عليها نهله وقالت

قمر

طب خلاص خلاص قطعت قلبي يخرب بيتك طلعتي نكديه طب ما تزعليش فضفضي يا اختي قولي ايه اللي مزعلك

نهله

اللي مزعلني ان انا ما لقيتش حد يطبطب عليا ولا يقول لي انت مالك زعلانه ليه بابا مشغول في الشركه ومحمود مهتم بيكي ولا ليا ام ولا اخت وحياتي بقت صعبه قوي

قمر

خلاص يا نهله اعتبريني اختك من النهارده مع اني خساره فيك بس يلا يا ستي ان شاء الله ما حد حوش وما تزعليش ابدا وبعدين يا اختي ما يغور منير ويجي غيره يا سلام بنتنا حلوه يا اختي واموره والف من يتمناها اه امال ايه

في الوقت ده نهله ابتسمت واترمت في حضن قمر وقمر قالت

قمر

يادي النيله على قلبي الطيب الحنين اللي موديني في داهيه يلا بقى مش اشكال اهم حاجه ان انت ما تعيطيش تاني

وفعلا قمر ونهله بقوا كويسين مع بعض وفي الوقت ده دخل محمود وكان معاه الاكل وقال بابتسامه

محمود

الله الله ايه الجمال والحلاوه دي كلها اول مره اشوفكم زي سمنه على العسل كده ربنا يهديكم على بعض

اما في الشركه صابر دخل المكتب وكان متوتر ونده على فريد واول ما دخل قال

صابر

شفت يا فريد شاهيناز رجعت وعايزه تخلص على قمر الزمان علشان ما تورثش فلوسها طب وهي مالها ده من حقها

فريد كان متوتر جدا وصابر فهم نظراته قال

صابر

كده برده يا فريد اكيد انت تعرف ان شاهيناز رجعت صح

فريد بحزن

حقك عليا يا باشا ما تزعلش مني كل الحكايه ان هي هددتني بمراتي وعيالي تخلص عليهم علشان اخلص على قمر الزمان وانا ما رضيتش انا مش عارف اعمل ايه

صابر

لا لا ده كده الموضوع كبر قوي شاهيناز لازم تنتهي يا فريد دي كابوس في حياتنا كلنا فاكر زمان لما كانت في كابوس في حياتي انا واسماعيل لحد ما اسماعيل طلقها وبعد كده حاولت تخلص عليه وقال ما تتسجنت

فريد

ايوه يا باشا فاكر ساعتها قلنا خلاص الكابوس انتهى لكن ما جاش في بالنا انك كابوس هيرجع تاني

صابر

اوعدك ان هو هينتهي ومش هيرجع ثاني ابدا يا فريد

اما شاهيناز كانت قاعده في الفيلا بتاعتها وحمو دخل عندها الفيلا وقال

حمو

ايه يا ست الكل عامله ايه كده خلاص الكابوس انتهى وقمر الزمان غارت في داهيه فين بقى فلوسي

شاهيناز

فلوسك هتاخدها يا حمو بس اهم حاجه لما الواد اللي انا مشيه وراك يجي يقول لي ان كلامك صح ولا غلط هو انت فاكرني يا ولد انت هاثق فيك هو انا اعرفك منين اصلا

حمو التوتر

يعني ايه هو انت ممشيه ورايا واحد ليه يعني انا كلمتي واحده وعمري ما بكذب ابدا

شاهيناز

تصدق كلامك اثر فيا اسكت خالص يا ولد انت

وفي الوقت ده دخل شعبان اللي كان ماشي ورا حمو وقال في ودني شاهيناز

شعبان بصوت واطي

الواد ده كداب وقمر الزمان عايشه وكمان كنت ماشي وراها وشفت واقف معاها في الجنينه في الفيلا

شاهيناز

ايه ده بجد يا شعبان يعني فعلا حمو خلص عليها طيب ماشي هبعت لك فلوسك يا حمو امشي دلوقتي

حمو

تمام يا ست الكل سلام بقى

وبعديها حمو وارتاح ان الولد ما عرفش ان قمر الزمان عاش ومشي على طول

اما شاهيناز بصت لشعبان وقالت

شاهيناز

هو في ايه ما فيش ولا واحد فيكوا عارف يخلص عليها انا رايح اخلص عليها بنفسي هات الرجاله وتعالى ورايا كده خلص الموضوع ولازم كل حاجه تخلص النهارده

وفي الوقت ده شاهيناز ركبه العربيه هي ورجاله وراحت الفيلا عند صابر وللاسف طقم الحراسه ما كانش لسه جه لانه كان هيجي ثاني يوم

ورجاله شاهيناز ضربوا البواب ودخلوا واقتحموا الفيلا واول ما شهيناز دخلت الفيلا كان محمود ونهله وقمر الزمان قاعدين في صاله الفيلا شاهيناز باسط لقمر الزمان وقال

شاهيناز

انت بقى قمر الزمان طلعت فعلا حلوه وجميله احب اعرفك بنفسي انا شاهيناز اللي هخلصها عليك دلوقتي

قمر قامت وقفت قدامها بتحدي وقالت

قمر

اه يا عيني انا قمر الزمان ومش اي قمر ده انا قمر بدوخ الناس تبع دخات اهدي شويه على نفسك عشان انت مش قدي ولا تعرفي تعملي حاجه

في الوقت ده شاهيناز طلعت المسدس وطلع منه طلقه والصريخ ملا مكان والكل كان منهار واللي اتضرب بالرصاصه ......

وبعد كده حصل

رواية قمر الزمان في قصر الباشا الفصل الخامس والاخير

في الوقت ده شاهيناز طلعت المسدس وطلع منه طلقه والصريخ ملا مكان والكل كان منهار واللي اتضرب بالرصاصه هو محمود جت في كتفه

محمود وقف قدام قمر الزمان علشان يحميها من الرصاصه وجت في كتفه في الوقت ده قمر فضلت تصرخ ومسكت الفازه اللي جنبها وجريت على شاهيناز وضربت ايديها بالفازه ورمت المسدس على الارض وقمر قالت

قمر

ده انا هوريكي ايام سوداء على اللي انت عملتيه ده ده انا هقطع من لحمك حتت حتت

وفي الوقت ده على محمود اللي كان مرمي على الارض ونهله جنبه عمال تصرخ وقالت

قمر

فوق يا محمود فوق يا حبيبي ما توجعش قلبي عليك ده انا ما صدقت الدنيا ضحكت لي شويه الله يخليك

وبعديها قمر وقفت تاني قدام شاهيناز ومسكتها من شعرها وفضلت تضرب فيها والرجاله الامن ما حدش كان قادر عليها

اما نهله كلمت البوليس وكلمت ابوها

وفي الوقت ده قمر كانت من كتر الضرب خلت شاهيناز يغمى عليها واترمت على الارض وقمر باسط للامن بتوعها وقالت

قمر

ده انتوا هتشوفوا ايام سوداء عشان مشيتوا ورا الشيطانه دي النهارده اخر يوم هتشوفوها لانها هتترمي في السجن

وبعديها قمر قفلت الباب والامني مش عارفين يعملوا ايه يخرجوا ولا يروحوا فين

وبعد وقت صغير كان البوليس جه وقبض على كل الامن بتوع شاهيناز وكمان قبضه على شاهيناز وصابر اول ما وصل وشاف ابنه كده قال بصريخ

صابر

ابني حبيبي فوق يا محمود ما توجعش قلبي عليك الله يخليك فين الاسعاف هو انتوا واقفين تتفرجوا عليه يا نهله انت وقمر

عمر ما كانتش عارفه ترد على حد ونهل قالت بدموع

نهله

ما تخافش يا بابا اسعاف زمانها على وصول وان شاء الله هو هيكون كويس ادعي له يا بابا

وكان الظابط واقف زعلان جدا على محمود اللي مرمي على الارض وفعلا الاسعاف جت في الوقت ده واخذت محمود وقمر ونهله راحوا معاه في عربيه الاسعاف

اما صابر كان واقف قدام شاهيناز اللي العساكر ماسكينها وهي فاقت من الاغماء وقال لها

صابر

منك لله يا بعيده اخيرا هتتسجني وهنخلص منك غوري في داهيه ده انت كابوس وشر

شاهيناز

ومين قال لك ان انا هسكت انا هطلع تاني وهدور على الورث انا مش هسيبه اصلا

صابر بتريقه

ومين قال لك ان هو اصلا في ورث فلوس اسماعيل كلها راحت للايتام والمستشفيات وكل الناس الفقراء الغلابه

شاهيناز فضلت تصرخ زي المجنونه وقالت

شاهيناز

لا لا انت بتقول ايه انت كذاب يا صابر من يومك وانت بتكرهني وانا بكرهك وانا عارف ان انت مش عايز تديني ورث اسماعيل وتديه لبنته

صابر

انا قلت لك اللي عندي ما فيش ورث وكل الورث راح اسماعيل ملهوش اي حاجه

وبعديها الظابط خدها وخد الامن بتاعها وقبضوا عليهم ومشوا وصابر ركب العربيه بسرعه وراح على ابن المستشفى واول ما دخل المستشفى لقى نهله وقمر واقفين بره الاوضه قرب منهم وقال

صابر

طمنوني يا ولاد عامل ايه دلوقتي يا محمود قولوا حاجه تطمن قلبي الله يخليكم

نهله

الحمد لله يا بابا الرصاصه طلعت جت كتفه وهو دلوقتي كويس يا دوبك طلعوا الرصاصه ومهتمين بيه وان شاء الله يقوم بالسلامه

قمر بدموع

لازم كل الحقيقه تتعرف يا حمايا كده خلص الموضوع على كده خلاص انا كنت داخله اللعبه دي ما اعرفكوش لكن دلوقتي انا حبيتكم وحبيت عيلتي الجديده ويعلم ربنا حبي محمود في قلبي عامل ازاي

صابر طبطب عليها واخدها في حضنه وقال

صابر

ما تقلقيش يا حبيبتي كل حاجه هتبقى كويسه وهتتحل انا متاكد من كده وانا محمود ابني قوي وهيقوم بالف سلامه ان شاء الله

وعدى ثلاث ايام على ده الحال وكل يوم قمر تروح بالليل وتيجي اول اليوم تفضل جنب محمود وما تسيبهوش وعلى اخر اليوم تروح وكل يوم على ده الحال

وثالث يوم قمر دخلت ولقت محمود بيبربش في عينه فرحت جدا ونازلت على الدكتور والدكتور اول ما شافه وقال بفرحه

الدكتور

الحمد لله هو كده خلاص بيفوق خدي بالك الموضوع ما كانش سهل الرصاصه كانت قرب قلبه والحمد لله ان هي جت على خير وربنا رزقه بعمر جديد

قمر

الحمد لله يا دكتور

وبعديها الدكتور خرج وبعد ساعه محمود فاق واول ما بص على قمر بص لها وقال

محمود

قمر الزمان روح قلبي وحبيبتي كمان ما تعيطيش يا عيوني انا كويس ما تقلقيش عليا طمنيني شاهيناز عملت لك حاجه

قمر

لا يا عيون قمر شاهيناز غارت في داهيه وداخله السجن حمد لله على سلامتك انت يا حبيبي وانا كويسه طول ما انت كويس

محمود

كنت خايفه عليا يا قمر

قمر

يا لهوي يا محمود خايفه عليك دي كلمه بسيطه ده انا كنت هموت من الخوف انا من غيرك ما سواش اي حاجه ده انت سندي في دنيتي انا ما ليش حد في الدنيا دي انت ابويا واخويا وجوزي وكل حياتي

محمود

وانا جنبك يا حبيبتي وعمري ما اسيبك ابدا ربنا يخليكي ليا واقدر اساعدك

قمر

في سر انت لازم تعرفي يا محمود عشان نكون على نور من اولها وانا خايفه ومرعوبه ان انت لما تعرف السر ده ممكن تبعد عني وتسيبني عشان هتعرف ان انا كدابه

محمود باستغراب

سر ايه يا قمر هو في ايه بالظبط ومهما حصل انا عمري ما اكرهك ابدا ده انت حبيبتي وكل حياتي

قمر

ربنا يخليك ليا بس السر هيتقال لما تقوم بالسلامه ونكون كلنا في الفيلا قدام كل اهلك

محمود

وانا ما يهمنيش اي سر مهما حصل انت حبيبتي وروح قلبي وعمري ما ازعل منك ابدا

قمر

ربنا يخليك ليا ويخلي لي قلبك الطيب الجميل ده

وفعلا على اخر اليوم محمود قدر يخرج من المستشفى وراح الفيلا والكل كان قاعد فصلت الفيلا محمود وصابر وفريد ونهله وقمر وقمر قامت وقفت قدامهم وقالت

قمر

انا عايزه اقول لكم حاجه انا من ساعه ما دخلت العيله دي وانا اعتبرتكم كلكم اهلي واعتبرت نهله اختي انا بس بحب اهزر كثير مش عايزه اي حد يكون زعلان مني عشان دلوقتي كلكم هتعرفوا الحقيقه وهتعرفوا انا مين بالظبط لاني انا مش قمر الزمان وحمايا بنفسه هو اللي هيقول كل حاجه وهطلب من محمود يسامحني ولو ما سامحنيش انا مش هزعل وهاخد بعض وامشي

محمود بتوتر

هو في ايه بقى يا جماعه انا قايم من العمليه والتوتر ده مش حلو علشان اهدي شويه يا قمر يعني ايه انت مش قمر الزمان امال انت مين

صابر

انا هحكي لك على كل حاجه يا محمود بس سامح قمر اللي في الحقيقه اسمها جميله مش قمر الزمان ودي اصلا مش بنت اسماعيل باشا بنت اسماعيل باشا ماتت من 20 سنه واصلا ما فيش ورث الورثه انا بنفسه وزعته على كل الفقراء والمحتاجين والمستشفيات وده وصيه اسماعيل بنفسه

نهله

يعني ايه يا بابا انا مش فاهمه حاجه ما تخش في الموضوع على طول وتفهمنا هو ايه اللي حصل ودي يعني ايه مش قمر الزمان مش فاهمه امال دي مين

وبدا صابر يحكي كل حاجه

فلاش باك

صابر كان قاعد في المكتب الشركه مع فريد وكان حزين جدا وفريد قال

فريد

ايه ده بس يا صابر باشا مش كل حاجه تاخدها على اعصابك كده انت عارف ان استاذ محمود بيحب البنات شويه متاسف يعني في الكلمه وبيحب كل يوم يتعرف على واحده شكل

صابر بحزن

يعني ايه الكلام ده يا فريد ده كلام يتعقد برده ده كلام يوجع القلب يعني دلوقتي الشركات اللي انا اديتها له في اسكندريه علشان يخلي باله منها كل يوم عمال ياخذ فلوسها ويصرفها على البنات ده ينفع

فريد

معلش يا صابر باشا ما هو شاب واحنا زمان كنا شباب احنا اه ما كناش معانا فلوس بالطريقه دي بس معلش بكره يفوق

صابر

وبكره ده هيجي امتى يا فريد انا بقى لي اربع سنين صابر على محمود وعمال اقول بكره يفوق والكلام ده ما ينفعش انت لازم تشوف لي بنت تقرب من محمود بس بطريقه غير مباشره

فريد

معقوله الكلام ده يعني انت عايز تراقبه ولا ايه

صابر

بص انا مش فاهم هو ايه اللي هيحصل بالظبط بس كل اللي عايزه ان البنت دي تكون قدام الفيلا بتاعته بياعه عيش بياعه خضره بياعه فاكهه اي حاجه بس في الراحه وفي الجايه يشوفها وانا متاكد ان هو هيتعرف عليها لانه بيحب البنات والبنت دي هتقول لنا على كل اسراره

فريد

بس كده من عيوني الاثنين هشوف لك واحده انا زمان في بيت ابويا كنت عايش بحاره بسيطه واعرف واحده اسمها جميله بنت سعديه بنت زي القمر يا باشا تقول للقمر قوم وانا اقعد مطرحك

صابر

حلو الكلام يبقى ما ينفعش تظهر باسم جميله لازم البنت دي تظهر باسم قمر وخليها بيات عيش اه اه بياعه عيش عيش حلو قوي اكيد هيحتاج عيش وهيطلب منها

فريد

من عيوني الاتنين يا باشا ساعه زمن وهطلبها في التليفون تيجي لحد هنا ونتفق على كل حاجه

وفعلا بعديها فريد كلم جميله جارته في الحاره زمان واول ما جت وقفت قدام مكتب فريد وقالت

قمر

يا صباح القشطه البلدي والمهلبيه يا استاذ فريد عامل ايه يا اخويا مصلحه ايه اللي انت عايزني فيها تكون عايز تعمل مشروع كوافير وانا بشتغل فيه طب والله مشروع حلو بيكسب

فريد

بس بس ايه اللي انت بتقولي ده ده الموضوع كبير قوي وهدخلك دلوقتي عند الباشا الكبير وهيفهمك كل حاجه

قمر

الباشا الكبير وبعدين بقى مش عارفه ليه انا مش مطمنه لكم بس يلا يا اخويا وماله ان شاء الله ما حد حوش

وبعديها فريد وقمر دخلوا المكتب عند صابر وقمر اول ما شافته قالت

قمر

اوعى وشك انت الباشا الكبير والنبي شكلك قمر يا باشا في الشعر الابيض ده يا حلاوتك وانت امور بقول لك ايه انت اللي هتكون صاحب الكوافير انا بعرف اعمل استشوار ومكواه انما ايه عسل وبقول لك ايه في الخصل بقى بعرف اعمل الهاي لايت لوز العنب

صابر بضحك

ههههههه برافو عليك يا فريد انت اخترت البنت الصح البنت جميله جدا ودمها زي الشربات هي دي البنت اللي انا كنت عايزها بصي يا حبيبتي انت من النهارده اسمك قمر

جميله

اسم الله عليك يا باشا انا اسمي جميله مش قمر يلا هقول لها حلاوه وجمال ما يضرش برده قمر قمر وماله بس مصلحه ايه لا مؤاخذه لو عايزني اجي عندكم البيت اغسل السجاد انا بغسل السجاده ب 150 جنيه اسعارى غاليه بس السجاده هتاخدها مني بتشف وترف من النظافه

صابر ضحك من قلبه بصوت عالي وقال

صابر

ههههههه لا لا انت ممتازه وجميله بصي يا بنتي دلوقتي انا ابني عايش في اسكندريه اسمه محمود باشا وخدي بالك الولد ده عينه زايخه قوي وكل يوم بيعرف بنت شكل وكل فلوس شركات واللي انا مديها له رايحه على البنات وانا عايز اخليكي تقفي قدام فيلته وتعرفيني ايه اللي بيحصل بالظبط مش عايز ابني يضيع مني

جميله

يا حلاوه يا ولاد شغلانه بسيطه قوي واحلى حاجه في الدنيا ان انا هروح على بحر اسكندريه وابلبط ابلبط ابلبط اصل انا يا اخويا ما رحتش بحر اسكندريه ده من ايام ما كنت في رابعه ابتدائي اه امال ايه

فريد اللي واقف جنبها بص لها وقال

فريد

تبلبطي ايه وبحر اسكندريه ايه لا لا احنا عايزينك تقفي قدام فيله محمود باشا وتعرفينا مين اللي داخل ومين اللي خارج وتعرفينا كل حاجه عنه

جميله

طب خلاص يا استاذ فريد ما تزقش كده في الكلام ده ايه النكد ده يلا وماله قولوا لي بقى في السبوبه دي هتدوني كام انا ما تنازلش عن 170 جنيه في اليوم اه دي اليوميه بتاعتي لا مؤاخذه

صابر بضحك

ههههه مش بقول لك دمك خفيف 170 جنيه ايه بس اللي عايزاهم في اليوميه انا هديكي 100 الف جنيه بس تطمنيني على ابني الله يخليك

جميله بصدمه

عدم لا مؤاخذه يا باشا هم ال 100 الف جنيه دول بيتعدوا اللهم صل على النبي ده انا اخر مره عديت وغلطت في الحساب ثمان مرات لما كنت بعد 750 جنيه

صابر بضحك

هههههه اهم حاجه تتقمصي الشخصيه صح انت بياعه عيش وبس ومش عايز اي مشاكل وتخليكي في حالك تمام

جميله

تمام يا اخويا تمام ده انا احسن واحده تتقمص الشخصيه ده انا كنت زمان في المدرسه كنت دايما بشترك في المسرح واقوم واقفه على المسرح انا امثل واصحابي يسقفوا انا امثل واصحابي يسقفو كانت ايام جميله والله

صابر

يبقى اتفقنا يا ام دم خفيف وفريد هيفهمك كل حاجه

وبعديها فعلا فيا ريت فهمها كل حاجه ووصلها لحد الفيلا كمان ووقفت قدام الفيلا بياعه عيش ولما محمود شافها ما حبش يقول لها تمشي ولا اي حاجه لان محمود فعلا انسان طيب

وعدت الشهور وجميله كل يوم تعرف صابر في التليفون ايه اللي بيحصل مع محمود

وبعديها صابر كلم محمود في التليفون وقال له لازم يتجوز ومحمود عشان يخلص منه ومش عايزه يجيب له عروسه ضحك عليه وقال له ان انا اتجوزت يا بابا

وطبعا صابر عارف ان محمود كداب لان جميله قالت له ان هو ولا اتجوز ولا حاجه

وفي يوم صابر حب يعمل في محمود مقلب وقال له ان هو جاي عشان يتعرف على مراته اللي اتجوزها من غير ما يحضر فرحهم ومن غير ما يشوفها

وطبعا محمود بقى عامل زي المجنون وخرج من فيلته ومش عارف يدور على عروسه تمثل ان هي عروسته لمده كم ساعه وخبط في جميله وفي الوقت ده بدا التمثيليه وقال لها اسمك ايه قالت له قمر وقال لها تمثلي ان انت عروستي وجميله وافقت على طول

لكن بعديها جميله كلمت صابر وحكيت له على كل حاجه وصابر وافق وقال لها مثل التمثيليه ويا ريت يا جميله فعلا تتجوزوا انت انسانه كويسه ومحترمه وما شفتش منك اي حاجه وحشه

وطبعا جميله كانت عارفه انها داخله التمثيليه كلها شهر ولا اثنين وهتاخد فلوسها وترجع ثاني للحاره لكن ما تعرفش ان الدنيا بدات تضحك لها وانها دخلت بيت العز برجليها وانها هتكون صاحبه العز ده كله

وبعديها صابر اتفق مع فريد ان هو هيقول على جميله انها قمر الزمان بنت اسماعيل باشا اللي ماتت من 20 سنه وهتورث 500 مليون جنيه عشان محمود يحترمها ونهله كمان تقدرها وتحترمها

وفعلا ده اللي حصل وكانت اجمل تمثيليه في حياه جميله لانها بدلت حياتها من الفقر لاسعد واغنى واحده في الدنيا

باااااك

صابر

كل الحكايه يا محمود حقك عليا مراتك فعلا مش قمر زمان بتبقى جميله عيله غلبانه ساكنه في حاره بس اقول لك على حاجه اجمل بنت هتشوفها في حياتك

جميله قربت من محمود والدموع في عينيها وقالت

جميله

حقك عليا يا سي محمود عارفه ان انا غلطانه ولو عايز تطبقي دلوقتي طلقني ومشيني بس صدقني يوم ما اتجوزتني انا ما كنتش بستغلك انا كنت فعلا حبيتك

ان احنا كانت مصدومه هو محمود ما كانش عارف يتكلم وفي الوقت ده جميله فهمت الرد وقالت

جميله

خلاص يا محمود باشا انا ما اقدرش اشوف الزعل في عيونك اكثر من كده الرد باين والجواب باين من عنوانه انت مش عايزني معاك في حياتك وده من حقك يا اخويا انا هسيب البيت وامشي ومستنيه ورقه طلاقي

وفي الوقت ده جميله فعلا لسه هتخرج من باب الفيلا صابر قرب من محمود وقال

صابر

معقوله هتسيبها تمشي دي حبك الحقيقي يلا يا محمود روح وراها بسرعه ما تخليهاش تخرج من الفيلا

محمود كان لسه في الصدمه ومش مصدق ايه اللي حصل وبعديها محمود وقفها بصوته وقال

محمود

استني عندك ومين قال لك ان انت هتمشي دلوقتي هو انت مش ليكي راجل برده المفروض تستاذنيه ويقول لك اذا كنت ينفع تمشي ولا لا ولا انا مش جوزك

جميله قربت منه وحطيت عيونها في الارض وقال

جميله

جوزي وتاج راسي وحبيبي كمان بس انت خلاص عرفت ان انا جميله الفقيره الغلبانه مش قمر الزمان المليونيره انا لازم امشي دلوقتي واخرج من حياتك

محمود

ومين اللي هيسمح لك بكده انت فعلا كذابه واجمل حراميه في الدنيا لاني سرقت قلبي وفعلا غلطانه ان انت ما عرفتنيش الحقيقه من الاول بس اعمل ايه حبيتك يا اجمل واحلى كذابه في الدنيا

جميله

وغلاوه امك وابوك قول ان انت بتقول الصراحه يعني انت فعلا حبيتني ومش هنطلق وهعيش معاك في العزه ده كله طب بقول لك ايه اجمل زغروطه لولولولى

وفي الوقت ده الكل كان فرحان وسعيد ونهله قربت منها وضحكت وقالت

نهله

يا نهار ابيض وانت يا جميله في الطلعه وفي النزله عماله تغلطي فيا ما هانش عليك حتى ترحميني

جميله

ما خلاص بقى يا نهله ما تكبريش الموضوع كده هو بصراحه انا حبيتك وصعبتي عليا وكان نفسي اقف معاكي لما منير زعلك بس بقول لك ايه ليكي عريس عندي الواد حمو العجلاتي انما ايه عيل كسيب وزي العسل

نهله

حمو هو انا سمعت الاسم ده فين قبل كده

جميله

ايوه يا اختي هو بعينه اللي كان خطفك لما شاهيناز قالت له يخطفني انا بس الولد طلع اصيل وطمرت فيه العشره وهو اللي انقذنا كلنا يا اختي

نهله

لا لا الله يخليك متشكره جدا ابعديني عن حمو وعن اي حد ما لكموش دعوه بيا

محمود بعصبيه

هو فين حمو ده ويعني ايه يخطف اختي

جميله

لا لا بقول لك ايه كبر دماغك بقى ده موضوع قديم واتقفل خلاص مع شاهيناز ده الواد غلبان وعلى الله حكايته بقول لك ايه انا عايزاك في موضوع يا اخويا

محمود

موضوع ايه يا حبيبتي اللي انت عايزاني فيه قولي

جميله

بصراحه كده انا مخنوقه وعايزين نطلع رحله كده نغير فيها جو مثلا نطلع مصيف نطلع ملاهي بس اهم حاجه تعملوا الساندوتشات جبنه رومي ولانشون واوعوا تنسوا الزيتون المخلل ده اهم حاجه

نهله

واو رحله الله انا كمان نفسي اغير جو بجد يا بابا يلا بينا نطلع رحله

جميله بصت لنهله وقالت

جميله

ما تسكتي يا بنت يا نهله هو انت كل شويه كده بتحبي تقلديني اقول لك ايه يا حوده هنطلع الرحله ولا ايه

محمود بفرحه

هنطلع يا عيون حوده الرحله اللي انت عايزاها وهتقعدي في احلى واجمل فندق في الدنيا يا ست البنات بس مش قبل ما اعمل لك فرح يليق بيكي لان انا ما عملتلكيش فرح

جميله

ايه ده بجد انت هتعمل لي فرح والبس فستان فرح والعيال يمسكوا ده للفستان ويقولوا اتمختري يا عروسه لا لا ده انت كده بتحقق لي كل امنياتي ياتمختري

محمود

كل حاجه انا هعملها لك يا روح قلبي انت طيبه وجميله وتستاهلي كل خير

جميله

بس اهم حاجه عم فريد كمان يجي معانا الرحله ده الراجل ده اصيل وتعب معانا قوي يا محمود

فريد

لا اعذروني يا ولاد انا هروح اجيب مراتي وعيالي من عند اختها ونرجع لبيتنا تاني الحمد لله كل الكابوس انتهى وكل الحياه رجعت زي زمان واحلى كمان

وفعلا بعديها فريد مشي على بيته وصابر بص لجميله وقال

صابر

نورتي بيتك يا جميله يا مرات ابني النهارده بس احب اقول لك الف مبروك على الجواز انت كده بقيتي واحده من العيله والكذبه خلاص انتهت

وعدى اسبوع على ده الحال وكانت العيله كلها بتحضر للفرح وكانت نهله وجميله اكتر من اخوات ومحمود حب جميله في قلبه كان بيزيد اكتر واكتر وصابر كان بيحب جميله زي بنته اكثر

وجيه يوم الفرح وكل العيله والحبايب كانوا موجودين في الفندق الكبير ومحمود وجميله في الوقت ده كانوا نازلين من على سلم الفيلا وجميله كانت لابسه فستان فرح وكانت شبه الاميرات

وكانت جميله فرحانه جدا وبعديها قعدت على الكرسي هي ومحمود والكل كان بيهنيها وفرحان بجمالها وجميله بصت لمحمود وقالت

جميله

ده اجمل يوم في حياتي يا محمود ربنا يخليك ليا عمري ما كنت افكر ان الدنيا تضحك لي وهتخليني هانم بالطريقه دي

محمود

انت هانم من غير اي حاجه يا روح قلبي ولسه الدنيا هتضحك لك كمان وكمان وهحقق لك كل اللي انت عايزاه بحبك يا اجمل حاجه في حياتي