تاني يوم قلب بتصحى من النوم و قلبها مقبوض بتنزل الجنينة عشان تجيب حبة ورد تحطهم في المزهرية بتلاقي مفيش ورد خالص كله مقطوف مفيش غير وردة و فيها تلت ورقات
بتلاقي الجنايني جه و بيقول … مفضلش غير وردة واحدة بس شايلة تلت ورقات
قلب بحزن… ايه اللي حصل في الجنينة دي كانت مليانة بالورد
الجنايني… الغصن اللي شايل الورقة لو اتقطف كل حاجة هتبقى رماد
قلب بتقرب و بتبقى الوردة بين ايدها الدنيا فجأة بتبقى ضالمة و نور البيت بيقفل قلب بتفضل تجري في الجنينة
قلب… رحيم يا رحيم انت فين رحيم
بيجي صوت ل رحيم من بعيد… انا هنا يا قلب قلب يا قلب فوقي
بتلف وراها عشان تدخل البيت لقت الغصن وقع و لافف حواليه تعبان
قلب بصراخ .. لاااااا لاااااااا
و بتصحى من النوم مفزوعة من النوم رحيم بياخدها في حضنه
رحيم…. ششششش اهدي اهدي انا هنا
قلب بدموع…. انا خايفة خايفة اوي متسبنيش
رحيم… مش هسيبك مش هسيبك اهدي عشان خطري
قلب … اااه اااه
رحيم… ايه اللي بيحصل
قلب… بطني مش قادرة ااه
رحيم بيشيلها بسرعة و بينزل و يروحو على المستشفى
****
رحيم بخوف… هي كويسة مش مهم البيبي المهم هي
الدكتورة… اهدى هي كويسة متقلقش
رحيم بارتياح.. الحمدلله
الدكتورة… هي واضح انها اتعرضت ل توتر ياريت تبعد عن اي توتر عنها و الحمل خطر ف ياريت متعملش حركة
قلب نايمة على السرير معلقا المحاليل و بتفتكر الحلم
الجنايني… الغصن اللي شايل الورقة لو اتقطف كل حاجة هتبقى رماد
ويقاطعها رحيم و هو داخل بلهفة
رحيم… الحمدلله انك كويسة كنت هموت من القلق
قلب… بعد الشر عليك متقلقش انا كويسة و البيبي كمان كويس
رحيم… الحمدلله
******
جت العيلة كلها تزور قلب
عاليا… الف سلامة عليكي لا لولو
قلب.. الله يسلمك
****
زياد… امي جايا هنا و حالفة ما هي سيبا قلب
رحيم… ما دي حاجة انا مش عايزة قلب تبقى لواحدها
بعد يومين رحيم و قلب راحو عند عاليا
رحيم… انا نازل اهو متتحركيش من مكانك الا للحمام فاهمة ولا حته تروحي الحمام مش مهم
قلب.. ما تربطني في السرير احسن انا أصلًا بتحرك بالكرسي
رحيم… قلب حبيبتي انا خايف عليكي
قلب… ماشي يا حبيبي
رحيم مشي
قلب .. يا ترا ايه اللي هيحصل
فجأة سمعت صوت عالي برا قعدت على الكرسي و راحة البلكونة
… الشجرة وقعت الشجرة وقعت ازاي
عاليا… مش مهم حصل خير
الجنايني بحزن… كانت احلا شجرة في الجنينة
قلب من كتر خوفها و الحلم بيتكرر في دماغها
الغصن اللي شايل الورقة لو اتقطف كل حاجة هتبقى رماد
فجأة بتكون الدنيا قدامها سودا و بتقع على الارض
***
رحيم بقلق… هي كويسة
الدكتورة… اه هو بس الحاجات دي وارد تحصل في الحمل مش اكتر ف لازم تاخد ڤيتامينات انا كتبتها
رحيم بيدخل
عاليا… انا هخرج انا بقى
و بتخرج
رحيم… هو انا مش قولت متقوميش
قلب… سمعت صوتهم تحت يا رحيم قومت اشوف
رحيم… مش مهم
قلب… اسفة يا رحيم
رحيم بيبصلها بطرف عينه
قلب… يا رحيم بقى
رحيم بيزفر بضيق… مبعرفش اسيطر على نفسي خلاص
قلب… بحبك
رحيم.. و انا كمان يا قلبي بس
جه زياد و هو بينهج
زياد… رحيم الحق
رحيم… اي
زياد… امك عايشة