تحميل رواية «قلب بلا سند» PDF

الارمله اليتيمه اللى تركوها اخواتها التلاته بولادها الاتنين فى اسطبل الاحصنه واللى حصلهم....

على ماما انا جعان يا ماما عايز اكل

قالها ولد ١١ سنه وهو قاعد فى اسطبل الاحصنه وهو واخوه ال ٧ سنين وامه اللى قالت...

ماشى يا على دلوقت خالو هياجى يجبلنا اكل استنى شويه

على بضيق... ماما خالى هو اللى رمانا هنا فى الاسطبل.. ولو عايز يئكلنا كان جاب من زمان... انتى من الصبح بتقوليلى كدا وانا ميت من الجوع وما حدش بياجى من خوالى ولا بيجيب اكل

سما اتنهدت بضيق وقالت... حاضر يا على هئكلك لحظه بس

وطلعت من الاسطبل وراحت على بيت كبير جمبو وخبطت على الباب فتحلها راجل اربعينى وقال...

خير جيتى تانى ليه

سما قالت برجاء... صبرى بالله عليك الاولاد جعانين قوى هات اى حاجه ياكلوها هما وانا مش عاوزه

صبري بضيق... قولتلك انا مش هصرف على عيال حد لو هصرف عليكى انتى يبقى بالعافيه عشان انتى اختنا انما اولادك انا ليه اصرف عليهم فى اللى اولى مننا بيهم وبمصاريفهم بس انتى لا منشفه دماغك خلاص خليكى.. لما يجوعو تعرفى ان الله حق وترجعيهم انتى

سما بدموع.. طب اعمل ايه انا يا صبرى دول اولادى اسيبهم لمين بس يعنى انا امهم وما فيش اولى منى بيهم

صبرى نفخ بضيق وقال... ارميهم لعماهم يا ستى اصرف انا عليهم ليه هو انا ناقص..

سما بغضب.. ارميهم ايه بس هما زباله دول اولادى يا صبرى اولادى...

صبرى.. اديكى قولتيها عليكى نور اولادك اعلل فيهم انا ليه.. انا باخد منك حاجه لولادى... يلا روحى انا عايز افطر مراتى جهزت الاكل

وجات مراتو وقالت... يلا يا صبرى احرس الرومى للولاد ياكلو قبلنا حكم انا عاوزه اجيب باقى الاكل والمغرب خلاص هياذن وانا مش عارفه اجيب ايه واسيب ايه

وبصت لسما وقالت.. خلص ضيوفك وتعال

ودخلت وصبرى قال... اهو على طول يا كريمه

ودخل وقفل الباب فى وش سما اللى رجعت بخيبت امل على الاسطبل تانى رجعت لولادها فاضيه ..

على... ها فين الاكل

اتنهدت بضيق وقالت... تعالو بينا نتمشى شويه

على.. احنا قادرين نمشو يا ماما احنا جعانين

سما.. معلش يا على يلا هات محمد وتعالو

وطلعت مع ولادها الاتنين ولقت مائده عليها اكل كتير وناس كتير حواليها

محمد قال... اه يا ماما اكل كتير تعالى ناكل هنا

سما... لا حبيبى دى بتتعمل للغلابه اللى ما عندهمش اكل مش احنا

على بضيق... وهو احنا ايه فى اغلب منينا فى احق منينا فقرا ويتما وارمله بلاش قنعره وتعالى ناكل

سما بغيظ منو.. على عيب كدا انا مامتك

بس لقتو راح عند الشاب اللى بيحط اكل للناس وقال...

عمو ممكن ناكل معاكم بس على فكره احنا ما معناش ندفع

الراجل قال... حبيب عمك اقعد يا بابا وكل لحد ما تشبع دى ببلاش خير ربنا محطوط لخلق ربنا ادخلى يا اختى كلى مع الستات اللى جوه

سما.. لا حضرتك انا مش عاوزه

الشاب.. احنا يا اختى كلنا على بابو خشى خشى اكسرى صيامك اتفضلى...

سما دخلت مع الستات والولاد بقم ياكلو مع الولاد بره واكلو وطلعو من المائده بس لقو الشاب بينادى عليهم وبيقول..

يا اختى يا انتى يا ام الولاد

سما وقفت هى وولادها وقالت... خير فى ايه

الشاب مد عليها كيس فى اكل وقال...

خدى الاكل ده عشان تتسحرو بدل ما تاجو فى الليل كلو وبكره نعمل جديد نفطر بيه

سما.. لا شكرا احنا شبعنا خلاص

على.. ايوه والصبح هناكل ايه يعنى

واخدو وقال.. شكرا يا عمو

سما بغضب.. على عيب كده

الشاب.. هه لا ولاعيب ولا حاجه احنا بنفرح بيضوف الرحمن وهما منورين مائدة الرحمن

ومشى وهما رجعو الاسطبل تانى وسما قالت...

شباب ما حدش يقول لخوالكم اننا اكلنا فى المكان ده ماشى

على.. ماشى يا ماما مش هنقول حاجه لحد منهم

سما.. يلا عشان تنامو بقى

بس دخل راجل فى الاربعينات ده اخوها حسن وقال...

ايه لسه راكبه دماغك ومش عاوزه تقعدى معانا مش شايفه قاعده فين وديهم وتعالى اقعدى معانا

سما بضيق.. روح من هنه يا حسن مش عاوزا اشوف خلقتك ولا خلقتهم

حسن.. ماشى بس الاولاد دول ما هيتحملوش الجوع كتير انتى كبيره عادى بس هما لسه صغيرين

على وقف قدام امو وقال بغضب.... احنا مش صغيرين احنا كبار ومش جعانين واكلنا لما شبعنا واهو اكل للسحور اهرى انت وبات بغيظك ماما بتحبنا ومش هتسيبنا ابدا مهما عملتو واحنا كمان بنحبها مش هنمشى منها

حسن بدهشه... انتو جبتو الاكل ده من فين ياض

سما خبطت دماغها بيأس وقالت.. على حرام على امك.. مافيش يا حسن هو

بس حسن قال بغضب... جبتوه من فين انطقو

على بزعيق... انت مالك ربنا أكلنا مش عاوزين حاجه منك

حسن.. انت جبت الكلمه دى من فين ياض

سما... احم انا هو يعنى

على وقف قدام امو وبص لحسن وقال.... خالى كلمنى انا راجل لراجل انا اللى اتكلمت

حسن.. من فين جبت الكلام اللى قولتلو دلوقت

على.. من صاحب المائده قلتلو مين اللى بيئكل كل الناس دى قالى ربنا وكلنا

حسن بص لسما وقال... مائده.. قعدتى على المائده يا سما والله ده اللى ناقص تشحتى وتفضحينا انتى واولادك..

سما.. دى مش بس لكدا احنا اتاخرنا فى الطريق والمغرب اذن وأكلنا

حسن.. اه النهارده فى المائده وبكرا فى الجوامع وبعدو فى البيوت

وضربها قلم وقعها على الارض واخد الولاد وشدهم لبره بقت تشدهم منو بس زقها تانى على الارض وقفل الباب بقت تنادى عليه وتقول...

لاه يا حسن ما تاخدهمش منى حرام عليك والنبى ارجع يا حسن لو راحو هناك مش هعرف اجيبهم تانى

وبقت تخبط على الباب وتحاول تطلع وهى بتسمع صوت عياط الاولاد وهما بينادو عليها حاولت تطلع كتير بس بدون فايده..

...وضربها قلم وقعها على الارض واخد الولاد وشدهم لبره بقت تشدهم منو بس زقها تانى على الارض وقفل الباب بقت تنادى عليه وتقول...

لاه يا حسن ما تاخدهمش منى حرام عليك والنبى ارجع يا حسن لو راحو هناك مش هعرف اجيبهم تانى

وبقت تخبط على الباب وتحاول تطلع وهى بتسمع صوت عياط الاولاد وهما بينادو عليها حاولت تطلع كتير بس بدون فايده.. اما حسن كان وصل بالاولاد على بيت كبير قوى وخبط على بابو وفتحلو راجل فى التلاتين ده سلطان عم الاولاد وقال بضيق...

خير ايه اللى جابك يا حسن

حسن.. عيال اخوكم اهم عاوزين توكلوهم وكلوهم عاوزين ترموهم ارموهم مش هنربى اولاد حد احنا

وساب الولاد هناك ورجع بيتو وجمع اخواتو الاتنين وحكالهم اللى حصل صبرى قال بضيق...

دى هتفضحنا اصلا الاول عايزه تسكن لوحدها ودلوقت تاكل فى الشوارع وبعدو الله اعلم فين البنت دى ما هترتاحش غير لما تخلى الناس تتكلم علينا..

اخوهم التالت سعد قال.. الحاج سليم عاوز يتجوزها ورجع طلبها تانى اما اترملت تاجو نديهالو ونخلص

حسن.. سليم ده مقارب على ابوها واصلا متجوز وعندو عيال قدها واكبر كمان

صبرى.. وعاوز يتجوز تانى ايه عيب ولا حرام واهو نديهالو ونخلص من جنانها

حسن.. صح كلمو وخليه ياجى بكره

سعد.. بس لو لقيها بوش الكلبه ده هيجرى ومش هيتمم الجوازه

صبرى بشر.. لا سيبهالى هخليها تستقبلو ببتسامه عريضه كمان

حسن.. ازاى

صبرى.. هه دى خلوها عليا

وراح عند الاسطبل وسمعها بتخبط فيه وبتقول..

افتحو الباب ودينى لاولعلكم فى المكان لو ما فتحتولى اخلصو

دخل وقال.. حبيبة اخوها

سما بغضب.. اتفو عليك يا صبرى... كده تاخدو ولاد اختكم منها اخص عليك يا واطى

صبرى... اهدى بس ده احسن للكل اقعدى اما اشرحلك هما هيقعدو مع اهلهم ويدادوهم ويربوهم دول اللى باقين من ريحة ابنهم و

سما بمقاطعه... اه ما هما بيحبوهم بدليل انهم من ساعة ما جينا ما حدش تعب روحه وجيه هنا ادالهم ٥٠ جنيه حتى اكسر عينك بيهم انت بتضحك عليا يا صبرى هو انا عيله انا عايزه ولادى

صبرى.. اهدى الولاد تعيش بالطالع والنازل لحد ما يكبرو وياخدو ورثهم من اهل ابوهم وانتى هتبقى مرات سليم الصياد بشخصو

سما.. مرات مين انت اهبل انا مرات شوقى وعمرى ما تجوز غيرو انا هعيش لولادى شوقى ما كملش السنه ميت انت ايه

صبرى.. لا ماهو انتى هتتجوزيه مش بمزاجك

سما.. وايه اللى يجبرنى

صبرى.. ببساطه انك ما عندكش مكان حتى الاسطبل بتاعنا هنمشيكى منو وتتلطمى فى الشوارع يا ست الكل

سما.. انا ليا حق هنا

صبرى.. انت مش معاكى ٥ جنيه تجيبى مناديل هتقومى محامى منين

سما.. هترمى اختك فى الشارع

صبرى.. ايه ما نعملهاش.. ههه... ما علينا الراجل جاى بالليل على الفطار هيفطر معانا عاوزك تجى تسلمى ببتسامه جميله وغيرى اللبس الاسود ده عشان الراجل اما ياجى ما يتخضش

وسابها ومشى عند على كان بيقول لعمو

انا عاوز ماما يا عمو والنبى

سلطان.. بس يا ولد بلاش صداع

على.. انا خالى جابنى منها رجعونى زمان ماما بتعيط دلوقت

سلطان بضيق.. دى بتعمل كدا قدامك بس هى سا كته وراضيه وهى اللى قايلالو يجيبك دى حتى بتتجوز غير ابوك

على بغضب.. انت كداب ماما ما تعملش كدا ابدا فينا

سلطان... هه لا عملت عشان انتو هتربطوها هى كدا هتبقى حره هتتجوز وتعيش حياتها

مراتو.. ايه اللى انتى بتقولو للولاد ده يا سلطان

سلطان.. اسكتى انتى دول مش عيال دول رجاله كبار ولازم يفهمو عشان يبقو عارفين اللى حاصل معاهم ولما تحدد فرحها هوديك تتفرج يا علوش

وسابو وطلع فوق.. عند سما دخل عندها سعد وقال..

يلا الراجل بره

سما ببكى.. انا مش عاوزه والنبى بلاش

سعد.. يلا بقى عشان توديلو الشربات

سما.. والنبى عشان اولادى حتى

سعد.. اوووه يلا بقى والبسى حاجه غير الاسود ده

سما.. كدا طب انا رايحه بالاسود والكان عاجبو بقى وما تلومنيش على اللى هعملو يا سعد

وطلعت بره لقتو راجل فى اواخر الستين قاعد على الكرسى وقف اول ما طلعت وقال...

ازيك يا ست البنات

سما بضيق.. زفت

سليم.. مين زعلك بس يا عروسه

سما.. حد يشوف الخلقه دى وما يزعلش

سليم.. طب انا عايز اخلى الفرح بعد بكره

سما بدهشه.. ايه ليه السرعه طب حتى بعد العيد

سليم.. لا لا عيد ايه عايزين نخلص انا مستعجل قوى..

وطلع فلوس كتير اداها لصبرى وقال..

ومهر عروستنا اهه وهجهزلها احسن اوضه فى البيت

وبعد بكره هاجى اخد مراتى

ومشى.. سما اتنهدت بضيق بس وقفت وقالت..

دى فلوسى يا صبرى هاتها

صبرى خد الفلوس وقال.. بس يا بت فلوس ايه اللى عيزاها

سما.. دى مهرى ولازم اخدو

صبرى.. لا مهرك انا اللى هاخدو عشان انتى اما بيكون معاكى فلوس ما بتقعديش عاقله

وخدها ومشى وسما قعدت بضيق وباليل خلتو نام ودخلتو اوضته وفتحت دلابو عشان تاخد الفلوس وتهرب بيها بس لقتو واقف فى وشها وقال..

هو انتى واخده فكره عن اخوكى انو غبى قوى كدا عشان احطلك فلوسنا فى الدولاب وتاخديها وتكتى ... هه دول بره بيتنا اصلا يا سمسمه... يلا روحى نامى يا عروسه واجهزى بعد بكره فرحك

سما بغيظ.. منك لله يا صبرى

صبرى.. ليه بس كدا دا انا عايز مصلحتك بكره تقولى اخويا كان عارف مصلحتى يلا روحى نامى

سابته ومشيت بضيق وجيه يوم الفرح وكتبو الكتاب وراحت على بيت سليم ودخلو بس كان فى استقبالها شيماء مراتو الاولى اللى رمت فى وشهم ميه ريحتها سيئه جدا سما.. شهقة وقالت بقرف من ريحه الميه

ايه القرف ده

شيماء.. اسفه يا عروسه ما اخدتش بالى منك حكم انا دايما لحالى هنا وبتصرف على راحتى

سما.. راحتك تكبى ميه معفنه على عتبة الباب ايه ده

سليم.. شيمو لمى روحك يا شيمو

شيماء.. فى ايه مش قولت هتعدل بينا من اولها كدا صفيت فى صفها شوفت

سما.. اه فهمت انا دلوقت قاصده تمام فين اوضتى

سليم.. اللى هناك دى

سما طلعت وسليم قال.. ليه كدا بس يا شوشو

شيماء بغضب.. ليه انت بقالك ٣٠ سنه متجوزنى وفى الاخر تروح تتجوز عليا البت دى يا ناقص

سليم.. اخص عليكى يا شوشو وفيها ايه بس ده شرع ربنا

وانتى اللى فى القلب

شيماء... شرحوك فى مشرحه يا بعيد هى دى اللى تعرفوها من المصحف كلو

سليم... ههه لا عارف حجات كتير وعمرى ما قصرت معاكى يلا بقى اطلع لعروستى ها

وطلع فوق وتانى يوم كانت سما فى المطبخ بتغسل الصحون اللى سليم اتسحر فيهم وجات شيماء وقالت...

صباحيه مباركه يا خطافه الرجاله يا خرابت البيوت العمرانه

سما.. على فكره انا مجبوره على جوزك ما عنديش مكان افضل فيه اخواتى اللى ليا فى الدانيا باعونى ليه صعب عليا ان اقولك كدا بس ده اللى حاصل عشان ما تكرهينيش

شيماء.. امم لو كان شوقى دخلك بواحده مجبوره كنتى هتحبيها برضو

سما.. اه لان لو هو عملها واتجوز يبقى العيب مش عليها

شيماء.. لا عليها ليه ترضى بواحد متجوز وعندو ولاد ليه

سما. مجبوره بقولك خدنى بالعافيه افهمى ما عنديش حل

بس جات بنتو الوسطانيه ١٩ سنه وكبت الزيت السخن على ايدها وشقه وقالت...

مش تخلى بالك كنتى هتسلقينى يا غبيه..

سما بصراخ.. اه ايدى اه اه ايدى اههههاااا

احيه احيه عندنا مثل بيقول من نقره لضحضيره بس ما عرفش معناه بس تقريبا من بلوه لمصيبه يا قلب لاتحزن هوبا بينا لايك

.سما بصراخ.. اه ايدى اه اه ايدى اههههاااا

نزل سليم على الصوت وقال..

فى ايه.. ايه ده مالك

البنت.. شايلة طاسة الزيت احطها فى الفرن. وسما مستعجله خبطت فى الطاسه اتكبت على ايدها وكانت هتسلقنى يا بابا اصلا شكلها قاصده

سما بوجع.. انا يا بت المجانين.. سلقت ايدى يا سليم

سليم.. طب اهدى تعالى معايا متخافيش هنطلع على المستشفى اهو

وراحو المستشفى وربطولها ايدها وهما راجعين قال..

حقك عليا عارف ان بنتى هى اللى غلطت

سما.. اممم

سليم.. اه وهراضيكى شايفه المحل ده بيبيع لعب اطفال وحجات انزلى اشترى لعب وهدوم لاولادك وبعد صلاة التراويح هخليكى تشوفيهم وما تخافيش انا هخلى دا مايتكررش تانى ابدا

سما.. انت بتتكلم بجد

سليم.. اها بجد عشان اراضيكى

سما.. لا مزعلاناش ابدا لو هشوف اولادى خليها تسلقنى كل يوم عادى

سليم.. ههه لا ما تقلقيش دى اخر مره

سما نزلت اشترت كذا حاجه وبعد التراويح راحت عند ولادها وفتحلها سلطان وقالت بضيق

عايزه اقابل ولادى..

الولد الصغير جرى حضنها وادتلو اللعب وبقى يلعب بيها بفرحه بس بصت لعلى وقالت..

على حبيبى

ولسه هتحضنو بس بعد وقال....

بعدى وايه اللى جيباه ده احنا مش عاوزين منك حاجه انتى كدابه قولتى لخالى يجيبنا هنا عشان ما نشوفش انك بتتجوزى سبتينا هنا وانتى عارفه ان ما حدش هنا بيحبنا ورحتى اتجوزتى وجيبالنا شوية لعب انا مش عاوز اشوفك تانى

سما بصدمه.. على انا

على... انتى كدابه يا ماما

وطلع فوق بصت لسلطان بدموع وقالت..

مين قالو

سلطان.. انا عشان ما يبكيش ويبطل يسال عليكى ويبطل زن على دماغى كنت هعمل ايه يعنى

سما... والله مش عشان تكرهو فيا يعنى

سلطان. ما اديكى بتتجوزى بعد شوقى عادى امال ليه اما قولتلك اتجوزك والم عيال اخويا قولتى لا وحبيتى شوقى

سما.. انت ما كانتش نيتك تلم عيال اخوك

سلطان.. وسليم كان نيتو ايه بقى

سما.. سليم لو حط عينو عليا تتبلع واحد وحط عنيه على واحده بس اللى يحط عينه على مرات اخوه من وهو عايش يبقى ما اخدوش لو على موتى ولو فاكر بعمايلك دى هتكره اولادى فيا وتبعدنا تبقى غلطان انا ولادى هرجعهم لحضنى لو كلفنى حياتى وابقى اتفرج ساعتها عليا

وسابته ومشيت رجعت بيت سليم وطلعت اوضتها

وسليم كان بايت مع مراتو الاولى.. سما قعدت وبقت تبكى بس جيه وقال..

بتبكى ليه

سما.. انت مش مع مراتك

سليم.. يوه نامت من زمان. قوى

سما.. ولادى ما قبلونيش ومشونى عمهم قالهم كلام عليا وقالهم انى اتجوزت وكرهم فيا انا مخنوقه قوى يا سليم وما عرفاش اعمل ايه كلو بسببك انا اضطريت انت ليه وافقت تتجوزنى

سليم.. وانا ايش عرفنى ان كل ده هيحصل انتى ما عندكش شغل طيب

سما.. تؤ كنت فى الثانوى وبابا مات واخواتى ما حدش فيهم رضى يتكفل بالمصاريف وطلعونى من المدرسه ... وورث ابويا ما دهوليش ولا ورث امى ولا حتى اهل جوزى ادونى ورث جوزى ومش عارفه اصرف على ولادى حتى

سليم.. طب خلاص ما تعيطيش كل حاجه وليها حل

سما.. كلو بسببك انت السبب

سليم... تصدقى انتى المحسن فيكى مجرم انا عمال اسايس فيكى وانتى براس كلبه هو انا ناقص نكد على المسا

سما... انت بتزعق ليه حد قالك تتجوزنى منك لله يا اخى ما لقيتش غيرى

سليم.. بقول ايه انا مش ناقص وجع دماغ يلا بقى عاوز اتخمد.. ايه ده بير نكد يا ساتر

فى يوم جديد كانت بتنضف الصالون بس خبطت فيها بنتو وقالت..

ايه مش تخلى بالك يا مرات بابا

سما.. انا اللى اخلى بالى انا كنت واقفه انتى اللى دخلتى فيا زى العربيه ام فرامل بايظه

شيماء من الناحيه التانيه... مالك بالبت حاطه نقرك من نقرها ليه يا خرابت البيوت

سما.. هى خبطتنى

بس بنتو الكبيره جات من الناحيه التالته وقالت...

فى ايه ولا عشان هما بيسكتولك يعنى

سما.. انتى مين انتى كماان

بنتها بس متجوزه راجل لوحدى مش بخرب على حد

سما.. هما غلطو عليا

جات ست من الناحيه الرابعه دى تيسير وقالت...

كدابه حماتى ما بتغلطش على حد دى سكره انتى غلطتى عليها يا حماتى

شيماء. لا

سما بخوف لانهم محاوطينها..

لا ايه بنتك خبطتنى

تيسير.. نهارك اسود انتى عايزه تقولى ان حماتى كدابه يا حيوانه

وجابتها من شعرها وووو

ي

معلش. امبارح اتعبت شويه وما قدرتش احطو اهو بارت امبارح والنهارده ...

.تيسير.. نهارك اسود انتى عايزه تقولى ان حماتى كدابه يا حيوانه

وجابتها من شعرها وشدوها لتحت كلهم سوا ونزلو فيها ضرب هما الاربعه لحد ما بقت مش قادره تتحرك وسابوها مرميه فى الصاله وسليم دخل قومها وقال..

ايه ده ايه اللى حصلك

سما ببكى.. بموت ااااهههه منكم لله يا ظلمه حسبى الله فيكم يا صرم

سليم... مين اللى عمل فيكى كده

سما... حمالة الحطب دى وبناتها التنين ومرات ابنها كلهم مرمطونى ومسحو بيا البلاط وانت ولا بتعمل حاجه وما فيش حد يحوش عنى قولتى انهم مش هيئذونى تانى

سليم... خلاص خلاص تعالى نطلع بره شويه تعالى

سما.. لا انا عاوزه امشى

سليم.. تمشى ايه بس قومى معايا

سما.... مش قادره اقوم انا اتدغدغت ااااه

سليم قومها وطلعها فوق وقال..

البسى وانا هنزل ازعقلها بالجامد

سما.. تانى برضو

سليم نزل وهى اتصلت باخوها وقالت...

صبرى انت الكبير يا صبرى دول سلقو ايدى بالزيت وابنى كرهنى وما رضاش يكلمنى حتى اما عرف انى اتجوزت بعد ابوه ودلوقت ضرتى جابت بناتها الاتنين ومرات ابنها ومسحو بيا بلاط البيت هتسيبونى هنا برضو يا اخويا

صبرى... انتى شدى روحك كمان مش هينفع كدا.. اعرفى ازاى تضمى جوزك ليكى وتخليه يكره مراتو دى ويمشيها ويقعدك انتى وتبقى الكل فى الكل هناك مش تسيبيهم يتكاترو عليكى كدا زى خيبتها

سما... يعنى هتسيبونى برضو

صبرى.... يابت بلاش هبل هو ده اللى هما عايزينو تسيبى البيت وتمشى هتعمليلهم اللى عايزينو وتديهم طلبهم

سما... انا مش عايزه اخرب على حد ولا عايزه افضل هنا

صبرى... انتى خلاص ده مكانك اتعودى عليه بقى

سما... بس.. الو.. الو

وبصت للفون ولقتو قفل الخط فى وشها وجيه سليم وقال...

هزئتهملك كلهم وخلاص دى اخر مره

وطلعو سوا وقعدها على البحر وقال...

ايه هتفضلى متضايقه كدا

سما.. اه انا متضايقه وهفضل لاويه وشى كدا

سليم.. ليه بس دى شيماء غلبانه

سما.. بس لابسه صيغه كتير وانا لا لاجبتلى شبكه ولا غيرو

سليم بستغراب.. صيغه ومالو نجبلك اجمل صيغه فى المحل بكره الصبح اجبلك

سما... دلوقت عايزه غوايش وسلسله وخاتم

سليم... ومالو نجيب بس افردى وشك كدا

سما.... طيب والفاتوره باسمى

سليم.... يا ستى انتى تامرى بس ما تنكديش على روحك انتى عروسه جديده

سما بسخريه.. اه ومسلوقه ومضروبه ومتهانه

سليم... خلاص بقى تعالى معايا يلا

وراحو سوا عند الصايغ وجبلها دهب كتير وكتب الفاتوره باسمها ورجعو بيتهم وشافها بتخبيهم فى جيب صغير فى الشنطه وقالت....

سليم ممكن ما تقولش لمراتك الاولى انك جبتلى دهب

سليم بستغراب... اشمعنا مش المفروض هتغيظيهم بيه

سما.. لا يعم هما من غير ما اغيظهم ولا اجى جمبهم عجنونى امال لو غظتهم هيعملو فيا ايه لا لا خلينى فى حالى اسلم

سليم... طب خلاص براحتك

وقضت سنه معاهم فى الحال ده وكانت كل فتره بتروح تقف عند المدرسه تشوف اولادها من بعيد.. فى يوم كانت ماسكه صورة اولادها وبتشوفهم فجاه سمعت صوت صريخ طلعت بخوف وقالت....

فى ايه ايه اللى حصل

شيماء... مات يا غراب البيت يا وش البوم كل ما تتجوزى واحد تجيبى اجلو

سما بصدمه... سليم مات

شيماء... اه مات وسابهالك اهو

سما بدموع... لا حول ولا قوة الا بالله

ولسه هترحلو بس شيماء مسكتها وقالت....

خدى هنا انتى رايحه فين

سما... رايحه اشوفو قبل ما يغسلوه

شيماء... لا انتى هتاخدى شنطتك وتغورى من هنا

سما... انتى فى ايه ولا ايه اللى مات ده جوزك باقلو ٣٠ سنه معاكى

شيماء.. انا ازعل عليه او لا ده ما يخصكش يلا غورى من هنا

وطلعت فوق شدت شنطت سما بسرعه وحطتلها فيها هدومها وزقتها بره البيت قدام الكل بطريقه مهينه.. سما قامت من على الارض ومشيت من البيت ورجعت الاسطبل تانى وما راحتش عند اخواتها بس افتكرت انها خبت الدهب فى الشنطه دى فى جيب صغير من جوه مسكتها بلهفه وفتحتها وابتسمت بفرحه اما شافت الدهب جواها قالت..

الحمد لله ما اخدتش بالها منو والا كانت اخدته منى

وجريت بسرعه على محل الدهب وباعته كلو وطلعت على المكتب المحامى وقال..

خير اتفضلى

سما.. حكت للمحامى وقالت..

يعنى انا جيالك فى ٤ قضايا تلاته ورث.. واحده من جوزى الاولانى انا وولادى واحده من جوزى التانى صح ما عنديش من اولاد وهو عنده من مراتو الاولى بس انا هشترك مع مراتو فى السدس وده غنى يعنى نصيبى هيبقى حلو والتالته من اخواتى ورث ماما وبابا والرابعه وصايا اولادى لان عمهم مش كويس

المحامى... الورث سهل بس لازم يكون عندك بيت نكتب عنوانه عشان حضانه الاولاد وانتى حسب ما حكيتى ما عندكش..

سما.. هأجر واحد النهارده باى حال وخد ادى فلوس مقدم واما تكسب القضايا خد قد ما انت عاوز

المحامى... تمام

وسما اجرت بيت وقعدت فيه تانى يوم راحت لولادها لقتهم طالعين من المدرسه

وعلى قال...

انتى ايه جابك هنه

سما... عاوزه اتكلم معاك هنقعد فى المطعم ده عشان خاطرى

على... ماشى

وفضلت تحكى لابنها كل حاجه حصلت معاها

على... لما جوزك مات جيتينى

سما.. لا اما بقى معايا ااكلكم واسكنكم يا على واجبلكم اللى عايزينو كلو

على... يعنى انتى بتحبينا وما سبتيناش يا ماما زى ما قال عمى

سما... عمرى ما اسيبك يا على انا بحبكم اوى انتو ولادى وانا ماليش غيركم وهتيجو تعيشو معايا يا على فى بيت لوحدنا نكون فيه انا وانتو وبس انا جبت بيت لينا لوحدنا لاخالك ولاعمك

على... جد يا ماما

سما... جد يا قلب ماما بس ما تصدقش اى حاجه يقولوهالك عليا انا رفعت قضايا عليهم عشان ناخد فلوس باباك ونعيش بيها انا وانتو نعيش من نصيبى انا... ونصيبكم هنخبيه فى البنك لحد ما تكبرو وهو مش عاوز يدينا حاجه عشان كدا هيقول كلام وحش عنى انا بموت من غيركم يا على

على... وانا هستناكى تاجى تاخدينا يا ماما

سما.. طب هات حضن كبير بقى لماما عشان وحشتنى وحشتنى اوى يا على

على حضنها جامد وقال... وانتى كمان ياماما نفسى ننام سوا زى. زمان

سما.. هنرجع يا قلب ماما

ورجعت بيتها بس لقت صبرى هناك وقال بغضب...

بقا رافعه ورث علينا على اخواتك يا واطيه

فتحت الباب وقالت...

حقى سكت ليكم وسبته قولت تبقو سندى ومش مهم الفلوس جيتو عليا وبعتونى خلاص بيع ببيع اكسب انا كمان

صبرى... ابوكى ما سابش غير ارض صغيره احنا اللى كبرنا شغلنا احنا اللى عملنا الفلوس دى كلها

سما.. هنشوف ابوك سايب ايه لو حكمتلى بشبر عوزاه

اه ولو ضربت من هنا للصبح مش هتنازل وما تنساش انت ماضيلى عدم تعرض ولا ممامضوكش عليه فى القسم

صبرى... يا واطيه

سما... لا انتو اللى متستاهلوش حسبتكم سندى بس طلعتو ما تستاهلوش ابدا صدقا ازا اكرمت اللئيم تمردو سكت وسبت كل حاجه عشان ما خسركمش انتو اضطرتونى اعمل كدا ولادى بيروحو منى وانتو قاعدين تتفرجو ده حقى وده ما يزعلش معقول اللى ياخد حقو يبقى كفر يا ناس

ودخلت وقفلت الباب فى وشو قعدت وراه بخوف وهو قال...

كدا طب والله لاوريكى

وبعد فتره كسبت القضايا واخدت ورثها كلو وحضانت اولادها كمان ودفعت للمحامى واشترت البيت اللى كانت مأجراه وفتحت محل لبيع الملابس وكانت بتبيع فيه وولادها بيرجعو من المدرسه عندها ع المحل يفضلو معاها لحد باليل يرجعو سوا وكانت حياتهم ماشيه حلوه بس فى يوم الجمعه اخدت اولادها وراحت بيتهم وفتحو اخوتها وسعد قال.....

انتى ايه اللى جابك تانى

سما.. عيزه اتكلم معاكو خشو العبو مع اولاد خالكم يا على وخد محمد معاك

ودخلت وقالت... شوفو انا اسفه بس ده حقى مش عوزاه على زعلكم والله بس كنت محتجاه لما كان ليا ما كنتش ساله بس ده لولادى انا مش عوزاهم يبقو لا خال ولا عم انتو اخواتى معقول اما اخد حقى تخاصمونى معقول وصلنا لكدا لا لقيتكم اما انضربت ولا لما اتهنت وطلعت من بيتى ولا لما اعمام ولادى خدو حقنا ومشونا ليه مش انتو خواتى انا دلوقت مش محتاجه حاجه منكم بس عاوزه نرد السلام على بعض وعيالنا كمان يكلمو بعض

صبرى... ماشى خلاص الضفر عمرو ما يطلع من اللحم

طبعا قالوها لما لقو نفسهم هياخدو منها مش هيدوها بس هى اكتفت انها ما تقطعش رحمها وطلعت يوم السبت على بيت اخوات جوزها وقعدو معاها كانو شابين و٢ ستات وقالت....

دول عيال اخوكم بلاش انا اسلو عليهم ما تدوهمش حاجه لا تاخدو مننا ولا تدونا بس صباح الخير يا جارى انت فى حالك وانا فى حالى

اخو جوزها... عيب ترفعى علينا قضايا

سما... وعيب تاكلو حق اليتامى انا طالبت بيه كتير ما ادتونيش حاجه لا انا ولا اولادى

قال... وجايه ليه دلوقت انتى عايزه ايه ممننا

سما.. انا مش عاوزه حاجه منكم انا عوزاكم انتو عاوزه اهل وناس لولادى مش عاوزه عيالى يطلعو مقطوعين ولو حصتلى حاجه يبقى الكل بيكرهم عاوزه بس تسالو عليهم ويسالو عليكم

قال... واحنا عاوزين عيال اخونا عفا الله عما سلف

سما... تمام يبقى نقرا الفتاحه بالسماح ولو غلطت حقكم عليا

قال حصل خير

وطلعو من عندهم ورجعو بيتهم وخدو شور ونامت فى النص وكل واحد من الاولاد من ناحيه وعلى قال..

مش هما غلطو علينا ليه نصالحهم

سما.. عشان يبقالكم اهل تسالو عليهم ويسالو عليكم لو حصلتلى حاجه يبقى فى اللى يسال عليكم... صح كلهم صالحونا لما بقى معانا فلوس ومش محتاجينهم والنفوس برضو ما صفيتش زى الاول... بس معلش يكفى اننا ما قطعناش ما امر الله به ان يوصل صلة الارحام يعنى.. وهو ربنا يشهد اننا عملنا اللى علينا.. صح... يلابقى ننام عشان الصبح هنلاقى الشغل مستنينى والمذاكره مستنياكم

ورجعو لحياتهم من تانى....

اوقات بنحتاج نقسى عشان نكمل واوقات بنحتاج ناجى على نفسنا عشان نكمل بس اللى دايما محتاجينو فعلا وما نقدرش نكمل من غيرو هو رضا ربنا ولازم دايما نحافظ عليه..